|
مشاهدة النسخة كاملة : 95% في تانيه اعمل ايه fire king 21-07-2011, 11:44 PM فاضل حوالي اسبوعين على الدروس انا جبت 95% ومش عارف اكمل علوم وممكن الحق صيدلة (في ظل الكوسة المتوافرة حاليا) مثلا لو جبت 100% السنة الجاية يبقى مجموعي 97.5% ؟ ولا اكمل رياضه وابقى ضمنت هندسه بأذن الله ؟ ومتى تظهر نتيجة التنسيق ؟ مناجاةُ النجاةَََِ 21-07-2011, 11:46 PM انت بتحب ايه؟؟؟شوف اللي بتحبه وكويس فيه وكمل ويارب تدخل الكلية اللي حاببها وليك فيها الخير a7med bondok 21-07-2011, 11:48 PM السلام عليكم اخى الكريم من وجهة نظرى المتواضعه انك تكمل للهندسه لانك متضمنش التنسيق وطبعا لك حرية الاختيار Dr_Mohamed_LFC 21-07-2011, 11:49 PM على حسب امكانياتك بس ازاى فى تانيه امتحانات سهله جبت 95 وفى تالته مش هيبقى فى ثورة ولا حاجه ملغيه فى الفيزياء والاحياء وهتجيب 100 اصل ده مستقبلك ممكن فى الرياضة تضمن هندسه بس ممكن متلحقش صيدلة فى العلمى علوم نظرا لان عندكم طفرة فى المجاميع فى تانيه صلى استخاره وربنا يوفقك fire king 21-07-2011, 11:57 PM شكرا عموما انا كنت ماشي كويس وشلت 6 درجات في الكيمياء معرفش ليه لكن بالنسبة لعلمي علوم هل يوجد امل ؟ PrinCeSs MeRaMar 22-07-2011, 12:08 AM اولا حضرتك ممكن تعمل تظلم في الكيميا اساسا بيقولوا ان نسبة تظلمات الكيميا كتير اوي فممكن تعمل مش هتخسر حاجه و لو انت حابب علمي علوم في امل اه بس تشد حيلك اما لو حابب هندسه فكمل فيها هي نسبه هندسه انك تجبها اضمن من الصيدله الحق يتقال و ربنا يوفق fire king 22-07-2011, 12:12 AM شكرا على المساعدة ولكن يا جماعه لو كنتم مكاني كنتم تعملوا ايه ؟ tweetyy 22-07-2011, 12:24 AM طب لو مجموع 96% ايه الافضل التكمله في علمى رياضه ولا علمى علوم >احياء+فيزياء< ؟ وعلى فكرة التنسيق ممكن يبقي عالى السنه الجايه جدا هاله123 22-07-2011, 12:32 AM بص انا نصيحتي انك تكمل رياضة عشان مجاميع السنادي2 عالية اوي والتنسيق هيبقي نار وصلي اسنخارة وربنا يعمل اللي فيه الخير starko 22-07-2011, 09:36 PM ذاكر كويس ولابد يكون عندك ارادة وتدخل صيدلة نصيحتي تكمل علم علوم *moon* 22-07-2011, 09:47 PM ياجماعة المجاميع عالية السنادى ده انا عارفة ناس صحابى جايبين زيى 98 وهيكملوا رياضة :bosyht9::excl: للاسف لو انا كنت كميا ف تانية كنت هكمل رياضة عشان 98 مش مضمونة فى ظل الظروف دى بس انا احياء بقى يعنى كده كده علمى علوم ماعلينا شوف انت هتختار ايه انت هتاخد احياء مع فيزيا ولا رياضة 2مع فيزيا;) ده كفاية الفزيا دى لوحدها:o:o بس انا انصحك تصلى صلاة استخارة وتشوف اللى انت حابب تدرسه وخليك ف المضمون عشان مش ترجع تندم بعد كده وربنا يوفقك ونسمع اخبار كويسة السنة الجاية باذن الله:) fire king 22-07-2011, 10:19 PM انا فعلا كنت هكمل علمي علوم وكان املي اشد واجيب 100% في تالته ويبقى المجموع 97.5% لكن غالبا كده مش هتعمل حاجه السنة ديه وحسبي الله ونعم الوكيل في كل اللي غش علمي رياضة *moon* 22-07-2011, 10:25 PM ربنا يوفقك يابشمهندس ان شاء الله طبعا احنا منضمنش الامتحانات السنة الجاية وفعلا فى ناس اترفعت السنة دى بالغش وانا اعرف منهم كتير وميستحقوش واغلبهم فى مدارس الاولاد بس الخير فيما اختاره الله Free Canary 23-07-2011, 04:41 AM أنا لو مكانك مش هحول علمي رياضة و هكمِّل علمي علوم أياً كان لأن انا مش بحب الرياضة لكن دي تختلف من شخص لآخر ...يعني انت لو معندكش مشكلة مع الرياضة يبقى ممكن تحوِّل لعلمي رياضة بس انت على فكرة مجموعك كويس جدا و يجيب صيدلة .. و امتحانات السنة الجاية اكيد هتيجي صعبة و مش هتبقى زي السنة دي لأنها لازم تفصل بين الطلبة اللي جايبين مجاميع عالية و تعبوا بجد من اللي جايبين مجاميع عالية بالكوسة ربنا يوفقك يا رب و تقدر تدخل الكلية اللي بتحبها بس انت حاول تبذل اقصى جهدك السنة الجاية و ان شاء الله هتلحق صيدلة Free Canary 23-07-2011, 04:44 AM ياجماعة المجاميع عالية السنادى ده انا عارفة ناس صحابى جايبين زيى 98 وهيكملوا رياضة :bosyht9::excl: للاسف لو انا كنت كميا ف تانية كنت هكمل رياضة عشان 98 مش مضمونة فى ظل الظروف دى بس انا احياء بقى يعنى كده كده علمى علوم ماعلينا شوف انت هتختار ايه انت هتاخد احياء مع فيزيا ولا رياضة 2مع فيزيا;) ده كفاية الفزيا دى لوحدها:o:o بس انا انصحك تصلى صلاة استخارة وتشوف اللى انت حابب تدرسه وخليك ف المضمون عشان مش ترجع تندم بعد كده وربنا يوفقك ونسمع اخبار كويسة السنة الجاية باذن الله:) بصي..أنا بردو من الناس اللي جايبين 98 بس مين قاللك انها متعملش حاجة :( انا لسة كاتبة في الكومنت اللي فات ان امتحانات 3 لازم تيجي صعبة علشان تفصل بين اللي تعبوا بجد في تانية و اللي اعتمدوا ع الغش يعني متقلقيش خالص و متندميش انك اخدتي أحياء و ان شاء الله ربنا مش هيضيع تعبك و هتدخلي الكلية اللي بتحبيها :) بالتوفيق يا رب |