السلام عليكم ورحمة الله وبركاته ..

يا جماعة الخير ..
عايزة أعرف هوا الي بيدرس التصميم الداخلي بيطلع تبع نقابة المهندسين ؟ ولا ده في عمارة بس ؟
ولو مش كدة المصمم الداخلي بيبقى الطلب عليه ازاي ؟ انتو ايه رأيكو فيه
انا فكرت في الهندسة المعماري .. بس انا ميولي فنية اكتر وعايزة ادخل فنون تطبيقية ..
في ناس كتير معارضاني شايفة انها مبتأكلش عيش .. ولا انتو ايه رأيكو
يا ريت حد يفهمني انا حاسة اني متلخبطة اكتر من اي مرة اتلخبطتها في حياتي =(

وشكرا ..

Up
حد يرد عليا =(

في الهندسة المعمارية هتدرس تصميم معماري و تصميم داخلي و تخطيط و لاندسكيب و غيره
لكن فنون تطبيقية فسم تصميم داخلي تبع نقابة التطبيقين و هتبقي متخصص في التصميم الداخلي زي فنون جميلة قسم ديكور شعبة عمارة داخليه بس مش تبع نقابة المهندسين .... نصيحة ادخل هندسة معماري افضل

فى حاجه على فكره المسمى الوظيفى لخريجى الفنون التطبيقيه و فنون جميله قسم هندسه ديكور الاتنين

اسمهم مهندسين ديكور بالنسبه لى الى عايز ديكور اما العماره فالهندسه بكل تاكيد

في الهندسة المعمارية هتدرس تصميم معماري و تصميم داخلي و تخطيط و لاندسكيب و غيره
لكن فنون تطبيقية فسم تصميم داخلي تبع نقابة التطبيقين و هتبقي متخصص في التصميم الداخلي زي فنون جميلة قسم ديكور شعبة عمارة داخليه بس مش تبع نقابة المهندسين .... نصيحة ادخل هندسة معماري افضل
معلومة خاطئة فيما يخص كلية الفنون التطبيقية
خريجي كلية الفنون التطبيقية لهم نقابة تخصهم وحدهم اسمها نقابة مصممي الفنون التطبيقية و ومسمى المهنة هو هندسة التصميمات الصناعية وهناك مشروع قانون مقدم لمجلس الشعب بتعديل اسم لنقابة لنقابة مهندسي التصميمات الصناعية