أوروبا بتقتل فى ولادنا [الأرشيف] - بوابة الثانوية العامة المصرية

مشاهدة النسخة كاملة : أوروبا بتقتل فى ولادنا

zozza love

22-07-2011, 05:37 PM

السلام عليكم
اسعد الله اوقتاكم بكل خير
انهارده موضوعى ليه اكتر من فكره
انا جمعت كل الافكار اللى جتلى فى فكره واحده
يمكن اسم الموضوع مختلف شويه وغريب شويتين
بس ممكن يكون حقيقه
اه اوروبا بتقتل فى ولادنا
او بمعنى اصج احنا بنبعت ولادنا اوروبا علشان يمتوا هناك
اه عايزنهم يمتوا هناك
طيب الموضوع الغريب ده بيتكلم عن ايه ؟
عن حاجات كتير
نمسك من الاول كده
كبت الآهل
اهلنا بيكبتونا ومش بيخلونا نتعامل بحريتنا
عايزنا نمشى بدماغهم مش بدماغنا عايزنا نفكر بتفكرهم مش تفكرنا
عايزنا نبقى آله هما اللى يحركوها
وبالطبع الشباب بيشوفوا انهم لما يسفروا بره مصر حيقدروا يفكروا لوحدهم
حيقدروا يقفوا ويجربوا من غير ما حد يقول لهم لا
علشان يقعوا ويرجعوا تانى يقفوا على رجليهم من جديد
هما اهلنا السبب
ومن هنا بتبدأ فكره الهجره خارج البلاد
وطبعا الهجره بتكون غير شرعيه
ماهو الشاب حيجيب منين فلوس علشان يسافر
ماهو اصلا متخرج من طب ولا تريبه وقاعد على القهوه من غير شغل
واهو سافر وراح ايطاليا مثلاً
وبعدين حيشتغل هناك ايه ؟
يمسح الارض ويغسل الصحون وياريت كل ده بكرمته
لا دى كرامته فى الزباله
ونرجع ونقول كرامه المصرى بتتهان بره مصر وفى الغرب
طيب يا ابن الحلال ما تقعد فى بلدك واشتغل هنا فى بلدك
على الاقل حتقعد بكرمتك
ومش حقول لك امسح واغسل لا اشتغل بياع فى محل مثلاً
يجى عم الحاج الشاب يقول لك لا ابقى انا دكتور ولا مهندس وبشتغل بياع؟ واخد 300 ولا 400 جنيه فى الشهر ؟
اقولك انا اشتغل بياع فى محل وخدلك 400 ولا 300 جنيه دول وانت دكتور ويتقال عليك بتكافح
ولا تقعد على القهوه وابوك يصرف عليك ويتقال عليك فاشل؟
ياعم الحج فكر شويه وخليك مكافح
اشتغل سنه واتنين وسته واتمرمت كمان
وبعدها اعمل مشروع واشتغل بشهادتك واتجوز وخليك اب مثلى لاولادك فى المستقبل
مش تروح لبلاد بره وتخليهم يقتلوك بنفسك
ونرجع فى الاخر نلومك يابلدى
ونقول ما فيش شغل ومافيش حاجه
والبلد بايظ والشباب قاعد على القهوه
وابويا وامى محجمنى ومش عايزنى افكر لا وكمان عايزنى امشى بدماغهم
ااه منك يا بلدى ياللى مش نافع فيكى حاجه ولا ليكى حل
انا طالع بره واشتغل واتمرمت واهين كرمتى بس ابقى بحريتى

انا كده اتكلمت باختصار عن كذا حاجه

كبت الاهل للشباب واحباطهم ليهم

الهجره الغير شرعيه

الجلوس على المقاهى بحجه مافيش شغل

وعلى فكره انا مش ضد السفر والشغل بره مصر
بس اشتغل بشهاتدك وكرامتك ماشى
لكن ليه تستخدم طرق غير مشروعه وتهين نفسك وبلدك ؟

وبجد كل واحد بيعمل كده هو فعلا فاشل وعمره ما حينجح
وكمان الشباب دول فى نظرى مالهمش اى قيمه ولا حتى لازمه ومش رجاله كمان

ده كان رأيى عن الشباب اللى بيهرب ويسيب بلده ويهج ويتحجج بحجج فارغه
انت رأيك ايه ؟
كلامى صح ولا غلط ؟

اتمنى ان الموضوع ينال اعجاب الجميع

zozza love
بوابه الثانويه العامه

Sofia El-behairy

22-07-2011, 05:42 PM

احب اكون اول معلقين عليكى

بما انى تعابنه والله و مش قادره اكتب و مخنوقه فمش حقدر اناقش حاليا و لى عوده مره اخرى

بس مبدائيا انا موافقاكى فى كل شئ

و موضوع رائع يا عزة

ربنا يوفقك

و محدش بيقتل اولادنا هما الى بسمحوا لنفسهم بكدا

zozza love

22-07-2011, 06:15 PM

تغريد الطيور

22-07-2011, 07:47 PM

zozza love

23-07-2011, 03:08 AM

ما شاء الله يا عزة تفكيركـ أكبر من سنكـ !

بجد و الله عندكـ حق على موضوع الاهل دا لان دا شئ بيضايقنى جداً ان مثلاً ماما عايزانى لازم لازم لازم اخد احياء و اذا دخلت حاجة فيها رياضة2 هاتمشى من البيت :d

بهزر طبعاً بس فعلاً ماما قالتلى انها هاتزعل اذا دخلت رياضة2 ف تالتة و انا حلمـ حياتى ان ادخل هندسة بالذمة أعمل اييييه ؟؟

أما فكرة الشباب فـ بصراحة دا بيرجع الى البطالة طبعاً لان مفيش شغل فـ مفيش حاجة يعملها فـ يعمل اييه ؟؟

أكيد يسافر برا مصر عشان يلاقى شغلانة حلوة !!

ربنا يهديهمـ ..

موضوع جميل اوى يا عزة و يناقش مشكلة كبيرة بجد :)

هى الدراسه كمان بالعافيه !!!!!!!
اعملى اللى انتى عايزه وحاوى تقنعى مامتك بكده
وان انتى اللى حتدرسى مش حد تانى

يابنتى ماهو الشاب ده بيطلع بره مصر يتمرمت ويطلع عينه ويهين نفسه وكرمته وبلده
علشان كلمه " البطاله "
طيب ما يتمرمت فى بلده وبكرمته
يتهان سنه و2 و3 فى بلده وبعدها يبقى ملك ويشتغل بشهادته
ولا يتمرمت 10 او 15 سنه بره ويرجع ايد ورا وايد قدام ؟
وياريت بيلاقى بره شغلانه حلوه
ما انا اقول لك
اللى بيشتغل شغلانه حلوه ده بيسافر بطريقه شرعيه وبيرح علشان بيشتغل بشهادته بيرح بره يشرف بلده ويرجع برده مشرفها
مش بيروح بطريقه غير شرعيه ويغسل صحون ويمسح الارض ويهين نفسه وكرمته وبلده !!!!

مرورك الآجمل ياقمر بس ياريت تكونى فهمتى وجهت نظرى
نورتى،،

أنين الأنين

23-07-2011, 04:50 AM

zozza love

23-07-2011, 09:22 AM

ما شاء الله موضوعك ممتاز وكلامك سليم جدا
بس عندى اضافة ان فى سبب كمان هوالجهل
يعنى بالنسبة للى اعرفهم (منطقة ريفية)وبيهاجروا بطريقة غر شرعية يعتبروا شبه اميين
لانهم إما تركوا الابتدائى واما كملوا بس فاشلين دراسيا
لدرجة ان فى ناس بتسافر 12 سنة فقط
وبالتالى مفيش ادراك للى هو بيعملوا
واسباب تانية كتير
ربنا يجزيك خير على الموضوع

عندك حق طبعاً
لانه لو بيفكر ماكنش ترك بلده وهان نفسه وكرمته وكمان بلده
ولو كان متعلم او حاول يتعلم كان حيفكر وحيعرف ازاى يبقى راجل ويشتغل
ومش يقعد على القهوه ويبقى عاطل!!
جزاكى الله خيراً
نورتى،،،

صوت العقل

23-07-2011, 10:36 AM

zozza love

23-07-2011, 10:52 AM

الموضوع جميل جدا وفعلا بيناقش مشاكل الشباب اللى موجودة على الساحة ..
لكن احب اقول ان مش كل الشباب كده .. فيه شباب بيقبل اى وظيفة حتى لا يقال عليه عاطل
وهناك من تعود الاعتماد على الاهل ومش عايز يتعب نفسه بحجة مفيش وظايف ..واسهل الطرق
للهروب فى نظره هو السفر للخارج و هناك بيحاول يقبل اقل المهن ما هو مفيش اى شخص يعرفه
كمان عدم تحمل المسئوليه بيظهر كمان فى اختياره لوسيلة سفره اللى عادة بتكون خطر واحيانا بيدفع
ثمن احلامه بموته ..زى ما قلتى انت تفكير اى شاب بيعتمد على طريقة تربيته .. نتمنى ربنا يوفق الشباب
ويلاقوا خيط البداية اللى بيه تتحقق اخلامهم .. وياريت نرفع معاهم شعار لا للاحباط او الفشل ..
موضوع جميل ... جزاكى الله خيراااااااااااا

لا طبعاً انا مش بعمم الكلام على كل الشباب فى شباب مكافح ومش بيهمه المظاهر ولا كلام الناس
وفى شباب تانين يقولوا لك لا احنا مدرسين ماينفعش نشتغل غير كده !!!!
ودى اسمها مظاهر كدابه
وطبعاً الاهل اللى بيشجعوا اولادهم على كده او بيحجمهم بالطريقه دى غلطانين جداً
مافي آب او آم يحجم ابنه والمفروض يسبونا بحريتنا كمان
وطبعا زى ما قولتى بيسافر وهو معرض حياته للخطر لانه حيسافر بطريقه غير شرعيه

جزاكى الله خيراً على مرورك الجميل ، نورتى حبيبتى

basma 2010

23-07-2011, 05:52 PM

بس المفروض الدوله توفر وظايف

zozza love

23-07-2011, 06:57 PM

بس المفروض الدوله توفر وظايف

مش فاهمه قصد حضرتك
يعنى مصر توفر وظايف ؟
اينعم الوظائف الحكوميه قليله
بس الخاصه كتيره
والجدع والمكافح عارف كده كويس
نورتى

عبد الله الرفاعي

23-07-2011, 08:54 PM

قال إيه اللى غصبك على المر قال اللى أمر منه

http://bp2.blogger.com/_H98vd-bZ3QI/SF1hOJYjHJI/AAAAAAAAAJA/2QvbxocgmG0/s400/1_95761_1_6.jpg
http://bp2.blogger.com/_H98vd-bZ3QI/SF1hOFxTa_I/AAAAAAAAAJI/SugHnn1BdU0/s400/625855556320551.jpg
الجوع كافر .... وفى بلادنا بلاد الجوعى وصل فيها الشعب إلى 40% منهم تحت خط الفقر
أنا لا أبرر ما يفعله الشباب فمنهم من يفكر فى السفر وهو ليس فى حاجة له وإنما الموضوع بالنسبة له سياحة.
لكن فيه شباب قعدوا يدوروا على شغل 4 سنين ولم يصلوا إلى شىء فما المطلوب منهم أن يظلوا على الحديدة ،،، فإذا كانت الحديدة نفسها قد بيعت ، فما المطلوب من شاب تمر به السنون وهو لا يجد ما يعمله ومتصدقيش ياعزة إن القطاع الخاص بيوفر للشباب زبادى وفرش أسنان ،، لا والله قوانين العمل موفرة لصاحب العمل الخاص كل المزايا ووكله حق الشباب
فى ختام كلامى لست مع أو ضد
ولكن لا بد من الإنصاف

zozza love

24-07-2011, 10:12 AM

قال إيه اللى غصبك على المر قال اللى أمر منه

http://bp2.blogger.com/_h98vd-bz3qi/sf1hojyjhji/aaaaaaaaaja/2qvbxocgmg0/s400/1_95761_1_6.jpg
http://bp2.blogger.com/_h98vd-bz3qi/sf1hofxta_i/aaaaaaaaaji/sughnn1bdu0/s400/625855556320551.jpg
الجوع كافر .... وفى بلادنا بلاد الجوعى وصل فيها الشعب إلى 40% منهم تحت خط الفقر
أنا لا أبرر ما يفعله الشباب فمنهم من يفكر فى السفر وهو ليس فى حاجة له وإنما الموضوع بالنسبة له سياحة.
لكن فيه شباب قعدوا يدوروا على شغل 4 سنين ولم يصلوا إلى شىء فما المطلوب منهم أن يظلوا على الحديدة ،،، فإذا كانت الحديدة نفسها قد بيعت ، فما المطلوب من شاب تمر به السنون وهو لا يجد ما يعمله ومتصدقيش ياعزة إن القطاع الخاص بيوفر للشباب زبادى وفرش أسنان ،، لا والله قوانين العمل موفرة لصاحب العمل الخاص كل المزايا ووكله حق الشباب
فى ختام كلامى لست مع أو ضد
ولكن لا بد من الإنصاف

طيب انا عايزه أسال سؤال
هما اخواتى دول مش شباب ؟
واصحابهم وجيرانى وكل اللى بشوفهم ؟
ما دول شباب برضوه
بس الفرق ان ده تعب شويه وبعدها ارتاح
وده ارتاح شويتن وبعدها تعب وحيفضل طول عمرهم تعبان
لان بكل صراحه فاشل
فاشل فى نظر اهله ونظر نفسه ونظر المجتمع كمان
علشان ماحولش يبقى مكافح
ويتمرمت سنه واتين وعشره علشان يبقى راجل
ومين قال لحضرتك ان القطاع الخاص مش كويس
بالعكس ده كويس جداً
اينعم فيه عيوب ولكن له مييزات
انا قولت انى مش ضد السفر
بس اسافر بكرمتى واشتغل بشهادتى
مش اروح اغسل وامسح هناك
لا اقعد هنا فى بلدى واهين نفسى وكرمتى احسن
مش واحد يجى يقول لك انا مش بعرف اشتغل غير الحاجه الفلانيه ؟
ده عويل مش راجل
ولو كان راجل كان عرف ان ايده لازم تكون خشنه مش يقعد ياخد مصروفه من ابوه ؟
وهى دى الازمه بقى بجد
كل الناس تدخل كليات القمه ونرجع نقول مافيش شغل
وهو اصلا فى حاجه اسمها كليه قمه
يافرحتى لما واحد ولا واحده يدخلوا طب ولا صيدله ويقعدوا فى البيت ولا كانوهم اتعلموا حاجه من الاصل
والله انا عندى ياخدوا دبلوم صناعى ويشتغلوا ويستفادوا احسن من كليه الطب دى
اسفه يا استاذ عبدالله طولت على حضرتك
نورت،،

hatemT

24-07-2011, 10:16 AM

hatemT

24-07-2011, 10:22 AM

طيب انا عايزه أسال سؤال
هما اخواتى دول مش شباب ؟
واصحابهم وجيرانى وكل اللى بشوفهم ؟
ما دول شباب برضوه
بس الفرق ان ده تعب شويه وبعدها ارتاح
وده ارتاح شويتن وبعدها تعب وحيفضل طول عمرهم تعبان
لان بكل صراحه فاشل
فاشل فى نظر اهله ونظر نفسه ونظر المجتمع كمان
علشان ماحولش يبقى مكافح
ويتمرمت سنه واتين وعشره علشان يبقى راجل
ومين قال لحضرتك ان القطاع الخاص مش كويس
بالعكس ده كويس جداً
اينعم فيه عيوب ولكن له مييزات
انا قولت انى مش ضد السفر
بس اسافر بكرمتى واشتغل بشهادتى
مش اروح اغسل وامسح هناك
لا اقعد هنا فى بلدى واهين نفسى وكرمتى احسن
مش واحد يجى يقول لك انا مش بعرف اشتغل غير الحاجه الفلانيه ؟
ده عويل مش راجل
ولو كان راجل كان عرف ان ايده لازم تكون خشنه مش يقعد ياخد مصروفه من ابوه ؟
وهى دى الازمه بقى بجد
كل الناس تدخل كليات القمه ونرجع نقول مافيش شغل
وهو اصلا فى حاجه اسمها كليه قمه
يافرحتى لما واحد ولا واحده يدخلوا طب ولا صيدله ويقعدوا فى البيت ولا كانوهم اتعلموا حاجه من الاصل
والله انا عندى ياخدوا دبلوم صناعى ويشتغلوا ويستفادوا احسن من كليه الطب دى
اسفه يا استاذ عبدالله طولت على حضرتك
نورت،،

بصي يا عزة أنا متابع مشاركاتك وآرائك وواضح أنك بنت مليئة بالحماس, والجرأة

ولكن أنا بصفتي اتمرمت على أرض الواقع, واحتكيت بسوق العمل

بصراحة

القطاع الخاص عايز خنازير مش بني آدمين

يعني من الآخر تختار ما بين 2 (بيتك- شغلك!)

الموضوع مش بالبساطة دي يا زوزا :)

zozza love

24-07-2011, 12:45 PM

بصراحة أنا اتفق مع رأي الأستاذ عبد الله الرفاعي

الموضوع معقد يا عزة, وياريت لا تقسين على الشباب

لأن الله وحده أعلم بحالهم

وفعلاً ‘يه إللي رمالك على المر.... الأمر منه

بلدنا مش مستحملانا

فقالوا : نشوف بلد تاني يمكن تستحملنا:excl::excl:

وشكراً ليكي موضوع مثير:022yb4:;)

يافندم بلدنا مليان بالشغل والعوطليه كمان
بس العاطل مش عاطل وبس لا ده مغرور وعنده كبرياء كمان
انا مش قاسيه عليهم
بس هما اللى قاسين على نفسهم
وهما فعلا بيقتلوا نفسهم وشبابهم بنفسهم

بصي يا عزة أنا متابع مشاركاتك وآرائك وواضح أنك بنت مليئة بالحماس, والجرأة

ولكن أنا بصفتي اتمرمت على أرض الواقع, واحتكيت بسوق العمل

بصراحة

القطاع الخاص عايز خنازير مش بني آدمين

يعني من الآخر تختار ما بين 2 (بيتك- شغلك!)

الموضوع مش بالبساطة دي يا زوزا :)

اشكرك على متبعتك لى ^^
وجهت نظر حضرتك كده
لكن انا شفت بعينى غير كده
بس فى الاول وفى الاخر بتمنى ان الموضوع ده يتحل
والشباب يعقل بقى
نورت يافندم،،

hatemT

24-07-2011, 12:51 PM

يافندم بلدنا مليان بالشغل والعوطليه كمان
بس العاطل مش عاطل وبس لا ده مغرور وعنده كبرياء كمان
انا مش قاسيه عليهم
بس هما اللى قاسين على نفسهم
وهما فعلا بيقتلوا نفسهم وشبابهم بنفسهم

اشكرك على متبعتك لى ^^
وجهت نظر حضرتك كده
لكن انا شفت بعينى غير كده
بس فى الاول وفى الاخر بتمنى ان الموضوع ده يتحل
والشباب يعقل بقى
نورت يافندم،،

شكراً يا عزة..........ده نور اللمبة:d
ولا نورك؟:d

**تسابيح**

24-07-2011, 01:12 PM

Heartbeat

24-07-2011, 06:17 PM

تحياتى

25-07-2011, 08:09 AM

شكرا ع الموضوع

zozza love

27-07-2011, 12:19 PM

مش متفقة معاك ..
كبت الأهل مش السبب...لان الأهل عايز اولادهم احسن نس ويبدأوا من ما انتهي إليه الأهل..
لكن الأسباب الحقيقة هي:
(1) قلة الدخل للشاب ..كل واحد نفسه يتجوز وبصراحة هو فعلا لو قعد ف مصر
مع قلة الأجور مش هيتجوز ..انا بقول الشباب بيفكر ازاي...
(2) انبهار الشباب بالخارج ..انهم اكثر حرية وكل حاجة عندهم حرية وفلوس كثير
هيأخذها ويرجع يبني نفسه..
وأشياء كثير جداا...

حضرتك شايفه ان الأهل مش بيكبتوآ أولادهم ؟
طيب همآ اهألى الثوآر موآفقين على آعتصآم أولادهم حاليــــآ ؟
بالطبع لآ
أحنا كسرنآ حاجز كبت الأهل ده مع الثوره
لكن مش كل آلشبآب كده
وهو ليه الشآب بينبهر بالخآرج ؟
علشان هو مش شآيف مميزآت بلده
وماحدش يقول لى مافيش مميزات هنا فى مصر
عندنا مميزات كتير اوى والشغل أكتر وأكتر بس غرور الشباب هو اللى بيحجمهم مش أكتر
وأكتر الشباب بيبقى عايز يسافر علشان زى ما حضرتك قولتى الحريه !! حريه ايه اللى بيتكلموا عليها ؟
آمال فين الدين بقى ؟
أشكرك على المرور الجميل
نورتى،،،

zozza love

27-07-2011, 12:24 PM

وهو ليه الشباب بيفكر فى السفر
لانه مش لاقى اللى يتمناه فى بلده
فقر ومرض وذل وكبت
بيلجأ للهجرة غير الشرعية لانه بيبقا نفسه يخرج باى طريقة
حتى لو كان عارف ان مصيره هو الموت
لما يبذل الشاب حياته يتعلم ويتخرج مش لاقى شغل يشتغل ايه؟!!
ولو اشتغل اى حاجة زى مابتقولى يازوزا
هيبقا مرتبه كام ؟!
وهل بالمرتب دا يقدر يكون نفسه..
شفت شاب قبل كدا يائس خلص اقتصاد وعلوم سياسة وكان طموحه كبير
لكنه كان فقير ولان البلد دى كل حاجة فيها بالواسطةولا زالت حتى الان موجوده يعنى الثورة مش غيرت حاجة
بقا بيشتغل فى محل فضة..
طبعا الشاب احلامه بتبقا كبييرة جدااااااااا وهو مسافر برا
لكن برده الموضوع بينتهى باحباط لانه بيبقا مقهور برده ومش بيحقق اللى يتمناه
..
الحل هو ان الدولة توفر للشباب العمل المناسب لهم
ايه مش كفايه اللى النظام السابق عمله من نهب وسرقة من فلوس الشعب
وال ايه مدينة مباارك للشباب..:excl:
وكانوا اخدين الشقق بيوزعوها على نفسهم
حسبى الله ونعم الوكيل
الحل مش عند الشباب..الحكومة فرض عليها توفر لهم فرص العمل..
..
مرسى عالتوبيك زوزا
تقبلى مرورى

الحكومه تفرض واحنا نسعى
اسعى يا عبد وانا اسعى معاك
تعرفى يا حبيبه واحد اعرفه كويس اوى
سعى للشغل ولمستقبله بطريقه ماحدش يتخيلها وهو متخرج من صيدله دفعه 2010
تعرفى ان جاله شغل فى اكتر من مكان وبمرتبات مغريبه ؟
وكمان جاله فرصه سفر بره مصر ورفض وقال انه عايز يفعد فى بلده
شوفى انتى بقى الفرق بين ده وواحد تانى ولا سعى ولا حيسعى اصلا
عايز كل حاجه على الجاهز
معاكى ان الحكومه لازم تفرض وتعمل شغل للشبآب
بس لازم بردوه هما كمان يشتغلوآ ويدورأ على رزقهم وأكل عشهم
وبعدين لما يروح بره مصر علشان يشتغل
حيرجع بعد كام سنه ويقول فين شبابى وحياتى
ضيعت حياتى واحلى ايام عمرى فى بلد مش بلدى واتمرمت واتعذبت وطلع هينى وفى الاخر معايا ايه شويه فلوس ؟
ولا حاجه بس عمرى اهم حاجه

ميرسى يا حبيبه على مرورك الجميل ، نورتى,,

zozza love

27-07-2011, 12:26 PM

شكرا ع الموضوع

شكرآ على آالمرور
نورتى،،

صوت الامة

27-07-2011, 12:56 PM

السلام عليكم
اولا فكرة الموضوع جميلة جدا يا عزة باحيكى على اختيارك
لانة فعلا محتاج مناقشة ومناقشة جدا كمان
قبل منتكلم على الشباب دول سواء بالنقض او الاشادة
لابد واننا نعرف الدجوافع والاسباب الى خلتهم يتجهو لهذا التفكير
الى هو الهجرة بمضمونها وبمصطلحاتها
يا عزة الموضوع مش مجرد منظر احنا بنشوفة وخلاص
صحيح ان الشباب دول بيتبهدلو فى الخارج انما يعملو اية؟
الشاب يطلع عينة هنا علشان يخلص الكلية وياعالم مخلصها ازاى
شوفى اى وسيلة اختها وتعب وفى الاخر ميلقيش لا شغل ولا حاجة
هما فى الاول والاخير الوظيفة علشان لسة فى بناء مستقبل
ولو لقا شغل هياخد اد اية 200 - 300 جنية طب دول يعملو اية؟؟
شئ طبيعى انة يفكر فى الطفشان باى وسيلة من الوسائل
اما يشوف انة هنا بيتهان وهناك بيتهان بس هناك الاهانة بتمن
وهنا من غير تمن ولو كان عجبك ايهما افضل لة؟؟
يا عزة دة جة وقت الشباب قسما بالله نسو ان فى حاجة اسمها وطن
وانتماء لية يقولك ياعم هى مصر هتعملى اية؟؟ منا متمرمط فيها اهوة نفعتنى باية
الكبار عمالين يكبرو ويسرقو واحنا مش لاقين حاجة خالص
اية جبرنا على العيشة دى واخدو شعار مصطلحتى اولا
الشباب معزور لازم نلتمسلة عزرة عمرة ماهيادى ويجتهد ويلاقى غيرة هو الى بيجنى
انا مينفعش اجرى ورا الشركات الخاصة واسيب انتاج بلدى
دة تفكير مينفعش الدولة واجب عليها انها توفرى وظفتى وشغلى وحميتى
لية اشتغل شغل خاص اتعامل كانى عبد مش بنى ادم مجهودى وشغلى كلة ياخدة رجل الاعمال الى عمال هو اصلا ينهب فى البلد ويسرق فيها
مجهودى لدولتى وكان اكبر خطا عملة الفاشل انة بدا يخصخص
واكبر دليل شوفى كم الخسارة الى عادد علينا اد اية
الحكومة الى فات برئسها الفاشل هو الى عملو كدة فى الشباب
انا لما اتخرج الاقى حد يهتم بية ويكون فى عدل وكل مجتهد ياخد نصيبة
من حقى فى وظيفة محترمة وراتب يقدر يعيشنى من حقى كا دكتور او مهندس او استاذ
انى اتعامل باحترام احس بكيانى ووجودى داخل بلدى؟
انما هو فى حد بيحترمنى او بيقدرنى
اصبح هناك شئ من الخمول لانة بالتاكيد عارف مصيرة بعد ميخلص
(الشارع والقعود على القهاوى)
طبعا دة غير بقا الظلم والاضهاد وقلة القيمة الى شيفها فى بلدة
غير الكبت والنفاق الى كان منتشر
هو احنا كنا بنتعامل على اساس اننا بنائدمين :d
نامل ان الايام الجاية ان شاء الله تكون افضل وحال البلد تتصلح
لان الدولة والمجتمع لا يقوم الا على سواعد ابناءة والتفكير الصح للنهوض فى اى بلد
هو الاهتمام بالشباب واستغلالهم لصالح البلد مش اهمالهم وعدم تقدريهم ...

zozza love

27-07-2011, 03:36 PM

السلام عليكم
اولا فكرة الموضوع جميلة جدا يا عزة باحيكى على اختيارك
لانة فعلا محتاج مناقشة ومناقشة جدا كمان
أشكرك يا أسامه
هى فعلاً مشكله بس للأسف ماحدش حاسس بيهآ
قبل منتكلم على الشباب دول سواء بالنقض او الاشادة
لابد واننا نعرف الدجوافع والاسباب الى خلتهم يتجهو لهذا التفكير
الى هو الهجرة بمضمونها وبمصطلحاتها
يا عزة الموضوع مش مجرد منظر احنا بنشوفة وخلاص
صحيح ان الشباب دول بيتبهدلو فى الخارج انما يعملو اية؟
يسعوا فى بلادهم واقسملك بالله حيشتغلوا أحسن شغل
الشاب يطلع عينة هنا علشان يخلص الكلية وياعالم مخلصها ازاى
شوفى اى وسيلة اختها وتعب وفى الاخر ميلقيش لا شغل ولا حاجة
هما فى الاول والاخير الوظيفة علشان لسة فى بناء مستقبل
ولو لقا شغل هياخد اد اية 200 - 300 جنية طب دول يعملو اية؟؟
يعملوا كتير مش لازم يعنى التبيزير مع العلم ان اقل مبلغ اى شاب بياخده حتى لو شغال فى محل 500 جنيه
شئ طبيعى انة يفكر فى الطفشان باى وسيلة من الوسائل
اما يشوف انة هنا بيتهان وهناك بيتهان بس هناك الاهانة بتمن
وهنا من غير تمن ولو كان عجبك ايهما افضل لة؟؟
هنا طبعآ على الاقل هنا مش حيضيع كرمته وشبابه
يا عزة دة جة وقت الشباب قسما بالله نسو ان فى حاجة اسمها وطن
وانتماء لية يقولك ياعم هى مصر هتعملى اية؟؟ منا متمرمط فيها اهوة نفعتنى باية
الكبار عمالين يكبرو ويسرقو واحنا مش لاقين حاجة خالص
اية جبرنا على العيشة دى واخدو شعار مصطلحتى اولا
معاك وبعد الثوره كلهم نازلوا من بره مصر وعايزين نشتغل طيب ده يرضى مين بقى ؟
الشباب معزور لازم نلتمسلة عزرة عمرة ماهيادى ويجتهد ويلاقى غيرة هو الى بيجنى
اسعى يا عبد وانا اسعى معآآآآك
انا مينفعش اجرى ورا الشركات الخاصة واسيب انتاج بلدى
ماهى الشركآت الخآصه انتآج بلدى بروده
دة تفكير مينفعش الدولة واجب عليها انها توفرى وظفتى وشغلى وحميتى
لية اشتغل شغل خاص اتعامل كانى عبد مش بنى ادم مجهودى وشغلى كلة ياخدة رجل الاعمال الى عمال هو اصلا ينهب فى البلد ويسرق فيها
مجهودى لدولتى وكان اكبر خطا عملة الفاشل انة بدا يخصخص
واكبر دليل شوفى كم الخسارة الى عادد علينا اد اية
الحكومة الى فات برئسها الفاشل هو الى عملو كدة فى الشباب
انا لما اتخرج الاقى حد يهتم بية ويكون فى عدل وكل مجتهد ياخد نصيبة
ده كلامك انت يا اسامه علشان بتحب بلدك وعندك انتماء وعايز تفيد بلدك وتشتغل فيها لكن هما عايزين يطلعوا بره ويعيشوا هناك وبيشوفوا الحياه هناك عامله ازاى
من حقى فى وظيفة محترمة وراتب يقدر يعيشنى من حقى كا دكتور او مهندس او استاذ
حقك ؟
وحقى انا وكل الناس اننا منحسش باهانه لينا لاننا مصريين بسبب الشبآب دول
انى اتعامل باحترام احس بكيانى ووجودى داخل بلدى؟
انما هو فى حد بيحترمنى او بيقدرنى
اصبح هناك شئ من الخمول لانة بالتاكيد عارف مصيرة بعد ميخلص
(الشارع والقعود على القهاوى)
طبعا دة غير بقا الظلم والاضهاد وقلة القيمة الى شيفها فى بلدة
غير الكبت والنفاق الى كان منتشر
هو احنا كنا بنتعامل على اساس اننا بنائدمين :d
مش كل الناس يا اسامه
فى ناس زى وزيك كانوا بيتعاملوا على اساس النهم بنادمين عادين يعنى
اينعم الظلم كان اكتر بس بروده كان في اوقات كنا مرتحين ومتظبيت فيها
نامل ان الايام الجاية ان شاء الله تكون افضل وحال البلد تتصلح
لان الدولة والمجتمع لا يقوم الا على سواعد ابناءة والتفكير الصح للنهوض فى اى بلد
هو الاهتمام بالشباب واستغلالهم لصالح البلد مش اهمالهم وعدم تقدريهم ...

معاك يا اسامه واحيك على كلامك وناقشك اللى بجد عجبنى جدآ
جزآآك آالله خيرآ ، نورت،

نقاء الروح

27-07-2011, 06:44 PM

zozza love

27-07-2011, 09:04 PM

انا متابعة الموضوع من البداية
ووجهة نظري مش هتخرج عن ال الاعضاء قالوه
لكن شايفة انك يازوزا مخلية الوضع ايزي زيادة عن اللزوم
الشباب بتخرج لبرا لأنهم بيلاقوا ذاتهم هناك
حتى لو اشتغل شغلانة مش ال هيا
فنظرة الناس ليها غير عندنا ( بتكلم عن اوروبا )
برا بتلاقي لكل مهنة ووظيفة مكانتها ووضعها
ومتوفرة كمان لحد ما
لكن هنا عندنا الوظايف مافيش تقدير مافيش
هيقعدوا ليه طيب ؟؟

بعدين انتِ بتقولي مش مشكلة يشتغل اي حاجة الاول
بعدين هيلاقي شغل اكيد
انا معاكِ فالمبدأ
لكن مش شايفة انه حراام اقضي عمري اتعلم حاجة معينة
بعدها يشتغل اي شغلانة لمجرد ان بلده مش موفرة فرص عمل ؟
واتساوى مع تاني مش تعب نفسه ،

فالحل مش ان الشباب يبقى ويتخلى عن حلم برا
الحل ان الدولة والحكومة تخليهم هما من نفسهم يتخلوا عن المنى دا
بتوفير فرص العمل

لأن الشاب متخرج مليان حماس
يصدم بالواقع الجميل ، فلازم يفكر فحل بديل
بس ...

موضوع جمييل تسلم ايدك ..

كلآمك جميل جدآآآآآ ومقنع
ومعآكى فى كل كلمه قولتيهآ
وطبعآ البلد لازم توفر شغل للشبآب
بس النظريه هى ان فيهآ ايه لما الشىب يتمرمت ؟ عيب ؟ حرآم ؟
هنآك حلوين وزى آلفل لكن كرامة كل المصريين متهآنه فى اوروبآ بسبب شبابنــــآ دول يرضيك يعنى لما تيبقى دكتور قد الدنيــآ ان شآآآء آاالله تروحى هنآك وتحسى بإهانه لمجرد انك مصريه ؟
انا مش ارضهآ عليكى ولا على اى مصرى محترم مثقف متعلم حيروح هنآك بكرامته
ممكن تحسى من كلامى ان عشوائى او اوهآآم
بس كلآمى ده عن تجربيه بجد
شكرآ حبيبتى على مرورك الجميل
نورتى،،،،