الفرق بين المدرس والدكتور [الأرشيف] - بوابة الثانوية العامة المصرية

مشاهدة النسخة كاملة : الفرق بين المدرس والدكتور

marsho

22-07-2011, 11:11 PM

الفرق بين المدرس والدكتور
المدرس : يعمل فى مدرسة
الدكتور : يعمل فى مستشفى
المدرس : يعطى دروس خصوصية فى الخفاء بعد المدرسة والدنيا بحالها تكرهه
الدكتور : يعمل فى عيادة بعد المستشفى والدنيا كلها بتحبة
المدرس : الناس تدعى علية اول ما يعرفوا انة مدرس
الدكتور :الناس بتدعيلة اول لما تعرف انه دكتور
المدرس : الوزير يتجاهلهم ولا حتى يتعب نفسة ويفكر فيهم ولما حد يطلب منه شئ يقول انا مالى دى شغل كذا او كذا من الوزارات او المحافظين مش شغلى زى المرتبات(يقولك شغل المالية والتعينات شغل المحافظين ) مثلا ومبيدورش على حقوقهم مش فارقة معاة لانة ميعرف اية مدرس لانة مش تربوى(مهندس او دكتور او كذا او كذا) يعنى ملهمش لازمة بالنسبة لة لانة عاوز يرضى اولياء الامور علشان يفضل فى الوزارة
الدكتور : الوزير يقوم على راحتهم وبيفكر فيهم وبيتكلم بصوت عالى فى حقوقهم لانة دكتور زيهم
المدرس : احتمال يكون لية فى الحد الادنى (700) جنية
الدكتور: لية فى الحد الادنى غصب عن التخين ومش زى الناس لا (1200) اصل عندهم وزير مش زير

heema44

22-07-2011, 11:45 PM

والله عندك حق

محمد حسين الشربينى

22-07-2011, 11:51 PM

منك لله يا وزير

عمرو المستر

23-07-2011, 12:42 AM

و شغلانة المدرس كمان تحرق الدم

متى يأخذ المدرس حقه فى هذه البلد

بس خلاص زمن السكوت عدى فات

كلها أيام و نشوف الدنيا فيها ايه

عادل حافظ

23-07-2011, 01:02 AM

مقارنه جميله

ahmed_2040

23-07-2011, 01:18 AM

الله ينور عاوزين من كدة كمان ربما بيتبعونا

maths city

23-07-2011, 01:52 AM

المدرس : خريج تربيه اداب تجاره زراعه دبلوم صنايع دبلوم معليمين ...... الخ اى حاجه يا عم
الدكتور الدراسة فقط فى كليه الطب

ahmed5555555

23-07-2011, 01:57 AM

انتا بتقارن نفسك بالدكتور ليه ده راجل درس سبع سنين وبيطلع عينه فى الشغل
قارن نفسك بالعامل فى الاتصالات
فى الكهرباء
فى البترول
المحاكم
لبريد
مش الدكتور المؤهل العالى
وشكرا

M.Ahmed Elsaid

23-07-2011, 03:22 AM

انتا بتقارن نفسك بالدكتور ليه ده راجل درس سبع سنين وبيطلع عينه فى الشغل
قارن نفسك بالعامل فى الاتصالات
فى الكهرباء
فى البترول
المحاكم
لبريد
مش الدكتور المؤهل العالى
وشكرا

هو الدكتور احسن من مين يعنى
اهو كلامك دا هو اللى عمل الفرق ..

ياما ناس دخلوا طب بالغش فى الثانوية .. اتخرجوا دكاترة فاشلين

والله احنا فعلا عايشين فى مجتمع عشوائى بيحب المنظرة .. ولو عملنا الف ثورة هنفضل كدا

لا حول ولا قوة الا بالله

كيميائي طبي2011

23-07-2011, 03:27 AM

علي فكره الترجمه الصحيحه لكلمه دكتور هي مدرس

وكلمه دكتور هي كلمه لاتينيه تعني المدرس ويقص بها المدرس الجامعي

محامي المعلمين

23-07-2011, 06:48 AM

انت نسيت ان من ضمن الفروق ان المدرس يبقى تلميذا حتى سن المعاش (امتحان الكادر)------------ و اما الدكتور بياخد الكادر بدون اهالة ولاذل----وزير الصحة بيحترم الاطباء اما وزير التربية و التعليم بيهين المعلم====== عرفتو الفرق --ولكن اعزائى المعلمين يكفيكم حب المجتمع ليكم لانكم تؤدون رسالتكم بامانة --اما الطبيب ينام على انغام اهات المرضى

marsho

23-07-2011, 09:30 AM

marsho

23-07-2011, 09:32 AM

المدرس : خريج تربيه اداب تجاره زراعه دبلوم صنايع دبلوم معليمين ...... الخ اى حاجه يا عم
الدكتور الدراسة فقط فى كليه الطب

صح والله عندك حق نسيت دى

شكرا للرد

marsho

23-07-2011, 09:43 AM

انتا بتقارن نفسك بالدكتور ليه ده راجل درس سبع سنين وبيطلع عينه فى الشغل
قارن نفسك بالعامل فى الاتصالات
فى الكهرباء
فى البترول
المحاكم
لبريد
مش الدكتور المؤهل العالى
وشكرا

والله يا استاذ احمد انا شايف ان الدكتور واخد حقة كامل 24 قراط لية اى حد يمرض لاقدر الله بيجرى على الدكتور لانة خايف احسن يموت لاكن بالنسبة لاى حد عندة ميتعلمش احسن ما يموت
فالناس فاكرة ان التعليم ملوش لزمة (اية يعنى الحياة علمتنى احسن من اللى كنت هااتعلمة)فى ناس ممكن تقول كدة لاكن الدكتور لية لازمة لانه مش عاوز يموت

مع ان الاولى انة يتعلموا لية
قال رسول الله صلى الله علية وسلم
من سلك طريق يلتمس فية علم سهل الله له الطريق الى الجنة
صدق رسول الله صلى الله علية وسلم

يعنى صلى الله علية وسلم لم يقل من سلك طريق يلتمس فية علاج او شفاء بل قال علماَ

وهذا يدل على ان العلم احدى الطرق المؤدية اللى الجنة

واحنا عايشين علشان نعمل اعمال تدخلنا الجنة مش تدخلنا المستشفى

المهم
شكرا على الرد

marsho

23-07-2011, 09:48 AM

هو الدكتور احسن من مين يعنى
اهو كلامك دا هو اللى عمل الفرق ..

ياما ناس دخلوا طب بالغش فى الثانوية .. اتخرجوا دكاترة فاشلين

والله احنا فعلا عايشين فى مجتمع عشوائى بيحب المنظرة .. ولو عملنا الف ثورة هنفضل كدا

لا حول ولا قوة الا بالله

ومتزعلش منى برده ياما ناس دخلت تربية بالغش طلعوا فاشليين هية هية

المهم
شكرا على الرد

marsho

23-07-2011, 09:54 AM

منك لله يا وزير

الوزير ملوش دعوة قصدى الزير الدوله هى اللى عملت كدة لو الدولة او رئيس الوزرار صحى انهارضا الصبح وقال احنا هنرفع مرتبات المدرسيين علشان مستقبل اولادنا وهنغيير المناهج ويبقى مفيش دفتر تحضير كلة على الكمبيوتر وهنزود الاشراف على المدارس فى المقابلة اللى هيغلط هيعاقب عقاب شديد محدش هيقولة انتا بعمل اية لية لان كله عاوز ولادة متعلميين احسن من اى حد لكن محدش يقدر يعمل كدة لية عاوزين الشعب يفضل متخلف

المهم
شكرا على الرد

حمزة2222

23-07-2011, 11:02 AM

النكتة المشهورة بتقول
واحد قابل تلاتة
سأل الاول انت شغال ايه
قال دكتور
قال له انت اللى بتراعى لصحة الشعب
التانى قال مهندس
انت اللى بتبنى البلد
التالت قال مدرس
سكت شوية وبعدين قال له
الشغل مش عيب يا ابنى
هو صحيح كده فى مصر "أمى"

meslmat

23-07-2011, 11:26 AM

hollowman 19

23-07-2011, 11:42 AM

marsho

23-07-2011, 12:18 PM

انت بتقارن على أى اساس

الطبيب بيتخرج من كليه الطب وبيتبهدل خلال مراحل تعليمه.

بينما المدرس له خمسين جهه بيتخرج منها
عدد الأطباء مش كتير وعدد المدرسيين أكيد كلكم عارفين
والطبيب قليل عليه أوى 1200 جنيه

والله حضرتك لو الدكتور بيتبهدل فى المراحل التعليمية فالمدرس بيتبهدل طول عمرة اولياء امور ووزير ودولة
دة غير ان الطلاب بتدور على اى حاجة علشان تديئة
الدكتور الناس بتدور على اى حاجة تسعدة

حتى لو المدرس لية 50 او 100 جهة بيتخرج منها فى الاخر اللى مش تربوى بيتبهدل على يعمل دبلومة ودى كفاية لو حسبتها بالسنوات

خريج التربية درس 4 سنين
اى حد مش تربوى درس 4 + 1سنة دبلومة ودى قمة البهدلة او 2 دبلومة
فبلاش نحكم على نفسنا انا ملناش لازمة لا لينا لازمة من غير المدرس مكنش الدكتور بقى دكتور

maths city

23-07-2011, 12:48 PM

كلها وظائف تؤدى فى النهايه الى تقدم الامه باسرها بس لما يكون لكل وظيفه كرامتها مش المدرس ادنى درجه وظيفيه فى مصر
اليابان اعلى وظيفه هى المعلم

مريم عبد العال

23-07-2011, 02:01 PM

ياجماعة فى فروق كتير الاستاذ مثلا في امتحانات الشهادات لازم يتشحطط ويروح سابع ارض يراقب وساعات يتغرب عن عيلته مايفضلش في مدرسته معزز مكرم وطبعا ليه لانهم شاكين فى كل المدرسين بيقلولك ماعندهمش ضمير وهايغششو العيال اللى عرفنهم اما الطبيب يتمنولو الرضى يرضي يفتح عيادة يتاجر في ارواح الناس يرفع سعر الكشف لغاية ماحد يقدر عليه ويتعب المرضى نفسيا بل يدمرهم نفسيا بسبب عدم مقدرتهم على الدفع ورغم كل ده ماحدش يقدر يشكك فى زمته ولا ضميره وطبعا انا لااعمم بس هى دى الغالبية

المريسي

23-07-2011, 03:04 PM

اللهم اشكو اليك ضعف قوتي وقلة حيلتي وهواني علي الناس

samysayeed

23-07-2011, 03:15 PM

منك لله يا زير

رؤى في اللغة

23-07-2011, 03:52 PM

يا جماعة طالما ـن المدرسين يسعون وراء الدروس الخصوصية ، فسيظلون مهاننين ، وكان النظام السابق يسمى المدرسسين " الفراخ البيضاء " شوف أنت بقى معناها أيه الجملة دى ؟؟؟؟؟؟؟؟؟؟؟؟؟؟

محامي المعلمين

23-07-2011, 05:38 PM

الاخ الزميل الذى يقول ان المدرس يتخرج من 50جهة اما الدكتور فهو خريج طب ------اسف انت باين عليك مدافع للوزير واتحداك الا تدرى ان الصيدلى و الممرض و فنى الاشعة و فنى التحاليلوغير هم ايضا يتقاضون الكادر بس بدون بهدلة ---- حبيبى عندما تتحدث عن الشرفاء هناك خط احمر احترس من الاقتراب عند هذا الخط--شكرا لساحك لى بالتدخل واسف على ان كلماتى جارحة لانها الحقيقة000

المدرس الاول المتعاقد

23-07-2011, 11:34 PM

حسبى اللة فيك يا وزير

marsho

24-07-2011, 12:54 AM

والله الواحد لو خد مرتب كويس مش هيفكر فى دروس ولا اية

misdodo

24-07-2011, 01:05 AM

انت بتقارن على أى اساس

الطبيب بيتخرج من كليه الطب وبيتبهدل خلال مراحل تعليمه.

بينما المدرس له خمسين جهه بيتخرج منها
عدد الأطباء مش كتير وعدد المدرسيين أكيد كلكم عارفين
والطبيب قليل عليه أوى 1200 جنيه

هو اصلا الدكتور بقى دكتور ازاى بدون مايمر فى مراحل تعليمه على المدرس والوزير بقى وزير ازاى ورئيس
الدوله نسيتوا ان الاساس هو المدرس ولابقى دكتور بالاجتهاد الذاتى

وغير كمان ان فى جامعات خاصه بالالف الفلوس وبيكون الطالب فالثانويه جايب 50% ويدخل طب فى جامعه خاصه
يعنى المقياس مش عشان هو بقى دكتور المقياس هو مدى الاهتمام والتقدير للا نسان و قيمته فالمجتمع

شوفوا اليابان اقروا كدا عن التعليم فيها والله من اعظم الانظمه فالعالم فى مجال التعليم عشان كدا اصبح من

لاشىء كل شىء بسبب اهتمامها بالتعليم واعلى قيمه ودرجه وتقدير هو المعلم عشان كدا تلاقوا عندهم النظام
والتكنولوجيا والاختراع ده كله اساسه ايه العلم

احترام القوانين والنظام واشارات المرور ونظافه الشوارع كل ده اساسه العلم

ولكن فى مصر اخر شىء يتم التفكير فيه هو المعلم والعلم

ابراهيم حجازى36

24-07-2011, 10:55 AM

والله انا شايف ان المدرس اعلى واعلى 100 مره من الدكتور لان المدرس يصنع عقول فماذا يصنع الدكتور؟

seyamramadan

24-07-2011, 11:03 AM

الوزارة الوحيدة التي تهين أبنائها هي وزارة التربية والتعليم
حتي بعد الثورة الناس كلها بتاخد حقها تالت ومتلت إلا إحنا
حتي الوير اللي جابوه يحقق العدالة الإجتماعية ..راح إمتحن الناس كادر
والوزارات التانية شغالة تثبت الناس بتاعتها وترفع في أجورهم كل يوم
حتي الداخلية اللي قتلوا الشهداء ...الوزير بتاعهم رفع الأجور بتاعتهم أول ما إستلم الوزارة 200% من غير كادر ولا نيلة
والصحة وما أدراك ما الصحة ..كل يوم نسمع زيادة في الحد الأدني للأجور الخاص بهم
انا ماعارفش ليه الحكومة مش عاوزة تجيبلنا وزير يكون إتبهدل في التربية والتعليم وإشتغل مدرس في مدرسة علشان هو حاسس باللي إحنا حاسينه ..بدل ما يجيبولنا وزير إتعلم في جامعة لندن أو نيويورك أو باريس أو تل أبيب أو ......وسايبين المدرسين اللي إشتغلوا في مصر ....
التعليم مش هايتصلح غير لما يجيبولنا وزير من توبنا وقماشتنا
سؤال واحد قبل ما خلص :
هل يجوز أن يتولي معلم وزارة الإنتاج الحربي؟ ...............لالالالالالالالالا
هل يجوز أن يتولي معلم وزارة المالية ؟ ......................لالالالالالالالالا
هل يجوز أن يتولي معلم وزارة الخارجية ؟ ....................لالالالالالالالالا
هل يجوز أن يتولي معلم وزارة الداخلية ؟ ....................لالالالالالالالالا
هل يجوز أن يتولي معلم وزارة الصحة ؟ .....................لالالالالالالالالا
.....هل يجوز أن يتولي دكتور أو مهندس أو محامي أو لواء أو أي واحد من الشارع ماليهوش شغل وزارة التربية والتعليم ؟ ......نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم
هل يجوز أن يتولي معلم وزارة التربية والتعليم ؟ ............الموضوع ده صعب جدا يا جماعة تنفذه الحكومة ... أصعب من إننا نحارب إسرائيل وأمريكا وبريطانيا وفرنسا وإيطاليا وألمانيا وروسيا مع بعض

سعاد اقتصاد منزلى

24-07-2011, 11:11 AM

اتحداكم تزوروا مستشفى حكومى و تشوفوا الدكاترة بيعاملوا الناس ازاى بكبرياء و غطرسة وعظمة وما بيردوش عليهم كمان الا لو رحت عندة العيادة (حقه لتحسين دخله)و دفعت الفزيتا تعرف ساعتها انت عندك ايييه و يرد عليك كلمة ونص و الناس بتتمنى لهم الرضا
المدرس بأه الطالب بيستفزه فى الفصل و بيقل فى ادبة وان حاول ياخد حقه بايده يشتكيه وان دخل ادارة المدرسة يبقى مدرس ضعيف الشخصية ده غير ان الادارة بتقف فى صف الطالب وغير اولياء الامور اللى ابنه مطلع عينه و يجى المدرسة يقولك متكلموش انا مش عايزة يتعلم يعقد كده زى الباشا فى الفصل علشان يقرف فى المدرسين بس

ramy saber

24-07-2011, 11:45 AM

الدكتور راجل محترم واخد حقه اول باول والمدرس انسان زبالة جبان كل المجتمع بينظره بسخرية عشان جبان ومش بيطالب بحقه

aleman

24-07-2011, 02:05 PM

marsho

24-07-2011, 04:07 PM

والله يا جماعة انا عملت المقارنة دى مش عشان ادافع عننا لا بالعكس ان قصدى ان لازم الوزارة تدينا حبة اهتمام زى الوزارات التانية وتتكلم بقلب جامد عن الدروس وغيرة ويعتبرو ان المدرس زى الدكتور دة عندة عيادة ودة بيتبهدل فى البيوت انا شايف ان دى كفاية ان الواحد يفضل يلف ويخبط على بيوت الناس لاكن الدكتور قاعد مكانة والناس بتيجى

وعلى فكره فعلا ان الدكاترة بيعملوا الناس بكبرياء لانهم احسن من الناس هما شايفين كدة واللى شايف ان المقارنة دى مش منطقية مع احترامى هذه وجهة نظرى التى لا قيمة لها

marsho

24-07-2011, 09:31 PM

وياريت لو حد عنده رائ تانى يقول

مريم عبد العال

24-07-2011, 11:32 PM

المهم هنفضل لغاية امتى راضين بالوضع ده احنا غيرنا مبارك وهانقدر نغير الراجل ده وكفاية انه بعدم اهتمامه بينا بيستفزنا كفاية ويالا نتحد ونعرفهم مين المعلمين

marsho

25-07-2011, 12:40 AM

وكمان دة راجل بتاع اقتصاد يعنى يمسك وزارة التجارة والصناعة مش التربية والتعليم

حمدى أبوزيد

25-07-2011, 01:05 AM

وإيه الجديد
ابتسم .. أنت في مصر

خيالك واسع

25-07-2011, 03:55 AM

المدرس هو أساس الدكتور من غير المدرس مفيش دكتور ( من يعلمه ، من يشرح له غير المدرس ) وأساس تقدم الأمم هو التعليم الذى أحد محاوره هو المدرس

محامي المعلمين

25-07-2011, 12:31 PM

الفرق ايضا ان الدكتور له درجات مالية مع الكادر وكافة الحوافز===================المدرس معندوش درجات مالية و لاحوافز وده على لسان الوزيرالنهارده فى جريدة الاخبار =================== لسة طازة

عبده العطيفى

25-07-2011, 09:25 PM

اقتباس
يا جماعة طالئما ـن المدرسين يسعون وراء الدروس الخصوصية ، فسيظلون مهاننين ، وكان النظام السابق يسمى المدرسسين " الفراخ البيضاء " شوف أنت بقى معناها أيه الجملة دى ؟؟؟؟؟؟؟؟؟؟؟؟]؟؟

اذا كان النظام السابق بيسمينا الفراخ البيضا فإ حنا بنسميهم دلوقتى الكلاب
ونشوف مين بقا فينا الى أصدق .............
بشهادة كل الشعب

marsho

27-07-2011, 02:37 PM

والله يا جماعة الواحد خلاصــــــــــــــــــــــــــــــــــــــــــــــ ـــــى تعب انا بقالى يالعقد العادى 6 سنين ومش عارف اعمل اية والله الواحد جالة احباط

eb4ever

27-07-2011, 06:25 PM

المفروض تكون فيه مساواة فى الاجور لجميع العاملين بالدوله
كى يتلاشى الحقد الطبقى بين فئات الشعب

malakdarsh

27-07-2011, 07:21 PM

اعتقد ان لو حصل ولاقيت اى كلب متابع بيتنطط علي حد في المدرسة بعد المهانة دي
انا هضربة بالجزمة!

malakdarsh

27-07-2011, 07:23 PM

marsho

27-07-2011, 08:29 PM

اعتقد ان لو حصل ولاقيت اى كلب متابع بيتنطط علي حد في المدرسة بعد المهانة دي
انا هضربة بالجزمة!

ماهو مع كل اسف ان المتابعين برضوا زينا فبلاش ضرب علشان غلابة زينا برضوا وعلى فكرة الحمد لله ان مدرستى اكتر مدرسة بتجيلها متبعات تقريبا ايام الدراسى حوالى 3 فى اليوم واليوم اللى محدش يجى فيى يبقى اكيد فى حاجة غغلط هههههههههههههههههههههههههههههههههههههههههههههههههه هههههههههههههههههههههههههههههه

marsho

30-07-2011, 01:48 AM

ولا انتوا مش معايا فى الكلام دة

malakdarsh

30-07-2011, 03:55 AM

لا بديل سوى التعديل
وزير جديد والمرتب يزيد
وكرامة المعلم طلب اكيد

محامي المعلمين

30-07-2011, 06:16 AM

اهم فرق بين المدرس و الدكتور---------------- المدرس فى الفصل و الدكتور فى المستشفى هههههههههههههههههههههه

marsho

15-08-2011, 06:01 PM

وبرضوا ممكن المدرس يروح المستشفى بعد ما يتهجم علية ولى امر ولا اية هههههههههههههه

hosam2282.

15-08-2011, 08:06 PM

منك لله يا طرطور

hosam2282.

15-08-2011, 08:07 PM

المعلمون هم عماد الامه

hosam2282.

15-08-2011, 08:08 PM

اللهم انصرالعلم و العلماء

marsho

15-08-2011, 09:37 PM

اللهم ارحمنا وارزقنا

dodyvip

15-08-2011, 11:11 PM

يا جمتعة انتوا كدة بتقللوا من نفسكم ومن مهنة المعلم طز فى الفلوس اللى تخلينا نقلل من مهنة الرسل والانبياء وياريت كلنا مش ننسى ان رسولنا الكريم جاء معلما

dodyvip

15-08-2011, 11:15 PM

يا جماعة انتوا كدة بتقللوا من نفسكم ومن مهنة الرسل والانبياء طز فى الفلوس اللى تخلينا نقلل من مهنة زى دى وياريت كلنا مش ننسى ان رسولنا الكريم جاء معلما

marsho

16-08-2011, 02:10 AM

دى مقارنة لمعرفة ليه احنا بقينا كدة مش اكتر ودة مش تقليل من انفسنا