بسم الله الرحمن الرحيم
السلام عليكم اخوانى وأخوانى طلبة وطالبات بوابة الثانوية العامة
يا رب تكونوا كلكم بخير وسلام
لاحظت منذ أن بدأ التنسيق يوم الخميس الماضى وجود عدة استفسارات كثيرة ومعظمها متشابه والكثير من الطلبة ليس عندهم الخبرة الكافية فى موضوع التنسيق
فقررت عمل هذا الموضوع وقد جمعت فيه معظم الأسئلة والاستفسارات الخاصة بالتنسيق وذلك تسهيلاً على الطلبة وليكون مرجعاً أو عسى أن يجد فيه الطالب الإجابة عن استفساراته المتعلقة بهذا الموضوع
راجياً من الله أن ينال إعجابكم ، وأن هذا العمل لوجه الله وهو مجهود شخصى غير منقول ، لا أريد منكم سوى دعائكم لى بظاهر الغيب .:)

1- منذ متى بدأ التنسيق الرسمى ؟
بدأ التنسيق من يوم الخميس الماضى رسمياً وتستطيع تسجيل رغباتك من خلال هذا الرابط
https://tansik.egypt.gov.eg/Application/Default.aspx

2- إزاى أعرف إن مجموعى تبع المرحلة الأولى ؟
المرحلة الأولى تبدأ بقبول الطلبة بحد أدنى 93.9 % علمى و 79.2 % أدبى
3- متى ستنتهى المرحلة الأولى ؟
يوم الأربعاء القادم إن شاء الله
4- متى ستظهر نتيجة التنسيق الخاص بالمرحلة الأولى
ستظهر بعد انتهاء المرحلة الأولى بيومان أو ثلاثة تقريباً .
5- ما هى شرائح المجاميع ؟
هذه الشرائح خاصة بالطلبة التى لا يوجد لديها شبكة انترنت فى البيت وهتضطر تروح الجامعة لكى تقوم بتسجيل الرغبات فى معامل الحاسبات الخاصة بالجامعة .
6- هو لازم ألتزم بالشرائح دى لو عندى نت فى البيت ؟
لا : ما دام يوجد عندك نت أو شبكة قريبة منك ، تقدر تسجل من الآن ختى يوم الأربعاء القادم بشرط حصولك على مجموع الحد الأدنى للمرخلة الأولى لعلمى وأدبى .
7- ما هو التنسيق الذى سيبدأ السبت ؟
هذا التنسيق خاص بالذى لا يوجد لديه شبكة نت فى البيت وهيروح الجامعة ليتم تنسيق رغباته فى حاسبات الجامعة ، وسيلتزم بشرائح المجاميع المحددة لكل يوم منعاً للإزدحام .
8- هل التنسيق الذى بدأ الخميس الماضى تنسيق تجريبى ؟
لا : التنسيق بدأ رسمياً من الخميس الماضى وسيستمر إلى الأربعاء القادم بمشيئة الله
9- أنا جايب مجموع ..... وعايز أدخل كلية ..... هل هتلحقنى الكلية دى ؟
الله أعلم ، لا أحد يعلم بالغيب ولابد ألا نلتزم بأى توقعات أو أى كلام يظهر فى الجرائد كل يوم لأنه كلام متناقض مع بعضه ولا يمت للحقيقة بصلة ، ويعمل على ظهور المشاكل والبلبلة والتردد بين الطلبة .
10- ما هو الرقم السرى المطلوب للتنسيق ؟
هو الرقم الموجود فى شهادة المدرسة الذى تم الحصول عليها والموجود فيها درجاتك فى المواد وستجد الرقم السرى فى مربع صغير أسفل الورقة ( س :×××××× ) .
11- ما هو التوزيع الجغرافى ؟
التوزيع الجغرافى هو الذى يمنع ويقلل ظاهرة الاغتراب أى لابد أن تضغ فى رغباتك أقرب بلد لك ثم الأقرب فالأقرب وفقاً لهذا القانون
مثال : لو أنا فى سوهاج سأقوم باختيار الكلية فى محافظة سوهاج أولاً ثم أسيوط وهكذا الأقرب فالأقرب ، وإن خالفت هذا سيقوم الموقع بالتنبيه ورفض ذلك أثناء عملية التنسيق .
12- أنا سجلت يوم الخميس بطريقة صحيحة وحصلت على رقم الإيصال ، لازم أسجل تانى يوم السبت ؟
لا / ما دام الخطوات صحيحة وقد قمت بالحصول على رقم الإيصال وطبعت استمارة الاختيار الموجود فيها رغباتك ، بكده تم التنسيق ولا تحتاج لإعادة التنسيق مرة أخرى ( إلا إذا أردت التعديل فيها ) وهذا متاح لك .
13- بعد ما سجلت وطبعت الورق ، وقمت بالتعديل فى الرغبات مرة أخرى ، ماذا يحدث ؟
لا مشكلة ، هذا التعديل متاح لك ، ولكن سيتغير رقم الإيصال وستأتى استمارة جديدة برقم جديد ، ما عليك سوى طباعتها مرة أخرى والاحتفاظ بها .
14- ما فائدة طباعة ورقة الرغبات وما هو رقم الإيصال ؟
ستكون طباعة هذه الورقة مرجع لك لما قد اخترته من رغبات ، وربما يطلبوها منك فيما بعد ، ورقم الإيصال هو الذى يدل على إنك قمت بالتسجيل فى الموقع وبأنك كتبت الرغبات بشكل صحيح ، ويرجى الاحتفاظ به للأهمية .
15- أنا طالب مجموعى لم يدخل ضمن المرحلة الأولى ، هل يجوز التسجيل فى المرحلة الأولى ؟
بالطبع لا ، ستنتظر حتى نهاية المرحلة الأولى وإعلان نتيجتها ، وستقوم الوزارة بالإعلان عن ميعاد المرحلة الثانية بإذن الله
16 - بعد ما سجلت رغباتى وكل شىء تمام ، ماذا أفعل بعد ذلك ؟
لا شىء سوى أنك تنتظر الإعلان عن نتيجة المرحلة الأولى التى ستكون نهايتها الأربعاء القادم إن شاء الله .
17- ما هو التحويل بين الكليات ومتى سيبدأ ؟
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.
18- أنا عندى خطأ قابل للتعديل أثناء كتابة الرغبات ماذا أفعل ؟
لا شىء سوى الاتصال على الرقم 19468 وسيقومون بمساعدتك فى حل المشكلة إن شاء الله .
19- انا محبط ومش عارف أعمل إيه لأن التنسيق مرتفع وخايف الكلية اللى عايزها تفوتنى ، أعمل إيه ؟
خلى عندك إيمان وثقة بالله أولاً وأخيراً ، وادعى إن ربنا يرزقك كليتك اللى بتحلم بيها ، وكمان لا تسمع لأى شىء يقال عن توقعات الكليات والتنسيق لأنه لا يمت للواقع بصلة وإن كل سنة وظروفها الخاصة ، واعلم أن الله لا يضيع أجر من أحسن عملاً ، وإن الكلية لو فيها خير وربنا رايدها لك هتلحقها إن شاء الله .
20- متى ستظهر الحدود الدنيا للقبول بكل كلية ، وكل كلية هتقبل من كام بالظبط ؟
إن شاء الله بعد نهاية المرحلة الأولى بيومان أو ثلاثة عند إعلان نتيجة التنسيق وليس الآن كما يقول البعض .
21- إزاى أعرف إنى رشحت لكلية ما ؟
·عن طريق الدخول على الموقع وإدخال رقم جلوسك فيظهر لك على الموقع الكلية / المعهد الذي رشحت له ويمكنك طباعة بطاقة الترشيح من النظام واستخدامها لتسليم أوراقك بالكلية أو المعهد (حيث لن يتم إرسال البطاقة بالبريد) مع العلم أن بطاقة الترشيح مجرد إخطار ولا تمثل مستند رسمي.
·عن طريق البريد الالكتروني (إذا كان لديك بريد الكتروني).
·عن طريق خدمة رسائل sms علي تليفونك الشخصي، حيث سيطلب منك تسجيل رقم هاتفك الشخصي عند تسجيل رغباتك.
·النتائج ستكون متاحة علي نفس الموقع الذي قمت بتقديم رغباتك عليه.
22- ما الخطوات التى يجب أن أتبعها بعد أن أعرف الكلية المرشح لها ؟
·بعد إعلان نتيجة الترشيح في كل مرحلة من مراحل التنسيق، يمكن للطالب طباعة بطاقة الترشيح من موقع التنسيق الالكتروني، والتوجه إلي الكلية التي تم ترشيحه إليها مباشرة لتقديم أوراقه وإتمام إجراءات قيده علي أن يقوم الطالب باصطحاب الأوراق التالية المطلوبة وهي:
1)الاستمارة البيضاء الدالة علي النجاح.
2)عدد (6) صور شخصية.
3)شهادة الميلاد الأصلية أو مستخرج رسمي منها.
4)نموذج (2) جند للطلاب الذكور فقط (من مكتب البريد).
5)شهادة التفوق الرياضي (للطلاب الحاصلين علي حوافز رياضية فقط).
6)موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.
23- أنا دخلت على موقع التنسيق وكتبت رقم الجلوس وظهرت لى " من فضلك انتظر جارى تحميل البيانات الشخصية " وبس كده ، ماذا أفعل ؟
لا بد أن تستخدم متصفح انترنت اكسبلورر حتى يفتح معاك باقى الخطوات وليس متصفح أخر .
24- هل بعد ما أكمل التنسيق من خلال الكومبيوتر هروح أجيب ورق تانى من مكتب التنسيق التابع للجامعة ؟
لا : فقط بعد الإنتهاء من التنسيق على النت لا تحتاج الذهاب لمكتب التنسيق ( مثلما كان التنسيق قديماً ، لأن التنسيق الورقى اتلغى ) وستنتظر حتى إعلان نتيجة المرحلة الأولى وظهور كليتك المرشح لها .
25- هل مجموعى اللى هتقدم به للتنسيق بالمستوى ولا من غير ؟
المجموع الكلى + درجة المستوى ( المستوى = درجة المستوى كاملة ناقص 5 ) وتضاف إلى مجموعك الذى ستتقدم به للتنسيق
26- أريد دليل التنسيق للقبول بالكليات والمعاهد 2011 ؟
تستطيع الحصول عليه من خلال هذا الرابط
https://tansik.egypt.gov.eg/application/Dalel
/Index1.aspx (https://tansik.egypt.gov.eg/application/Dalel/Index1.aspx)
27- بياناتى المدخلة على الموقع مخالفة لبياناتى الصحيحة ؟
اتصل على رقم 19468 وهيحلولك مشكلتك بإذن الله
28- قرأت الموضوع كله ولم أجد فيه الإجابة عن استفسارى ، ماذا أفعل ؟
فقط ضع استفسارك من خلال هذا الموضوع وسنحاول جاهدين الإجابة على سؤالك أخى الكريم إن شاء الله .


وفى النهاية أرجو أن يكون الموضوع قد نال إعجابكم
وفى انتظار آرائكم وباقى استفساراتكم للإجابة عليها إن شاء الله .
تحياتى MOSTAFA :)

الله أكــبـــر ... واضح إنك إنسان محترم .. لأنك شغلت وقتك علشان تقدر تساعد ناس انت متعرفهمش أساسا .

وعلى فكرة الموضوع شامل فعلا كل حاجة .. بس فى حاجة بسيطة خاصة بيا :

- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟!!

ومليـــــــــون شكر على مجهودك :) .

انت راجل برنس وانا اشكرك من كل قلبى على المعلومات الجامدة دية وبجد استفت منها كتير

الله يباركلك
الف شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررر

الله أكــبـــر ... واضح إنك إنسان محترم .. لأنك شغلت وقتك علشان تقدر تساعد ناس انت متعرفهمش أساسا .

وعلى فكرة الموضوع شامل فعلا كل حاجة .. بس فى حاجة بسيطة خاصة بيا :

- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟!!

ومليـــــــــون شكر على مجهودك :) .


الله يكرمك ويحفظك أستاذ تامر على مشاعرك الجميلة وردك الجميل
مرورك شرف الموضوع والله
بالنسبة لاستفسارك ، رقم الإيصال ده مهم ، احتفظ بيه
وبالنسبة للورقة الأخيرة حاول تطبعها ، لربما ممكن يطلبوها منك أو تحتاجها فى أى شىء
عشان بس يبقى ورقك كامل ، وكل حاجة جاهزة معاك
بالتوفيق ليك ولكل الطلبة إن شاء الله ربنا يرزقهم اللى فيه الخير
وبشكرك مرة تانية على مرورك الكريم


انت راجل برنس وانا اشكرك من كل قلبى على المعلومات الجامدة دية وبجد استفت منها كتير

لا شكر على واجب يا ( البرنس ) وأنا تحت أمرك فى أى استفسار ، والحمد لله إن الموضوع عجبك
شكراً للمرور الكريم

الله يباركلك
الف شكرررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررر


آمين يا رب ، وإياكم
شكراً لمرورك :)

ربنا يباركلك يا باشا .. إن شاء الله أطبعها بكرة . و ألــف شكر على إهتمامك و مجهـــــودكـ .

ربنا يباركلك يا باشا .. إن شاء الله أطبعها بكرة . و ألــف شكر على إهتمامك و مجهـــــودكـ .



إن شاء الله خير ، وابقى طمنا بالنتيجة إن شاء الله
تحياتى

السلام عليكم اولا شكرا علي مجهودك بس ارجوك بالله عليك ارجوا المساعده الان وضروري
انا استماره نجاحي اتسرقت ومش عارفه اعمل ايه وبيقولولي اطلع بدل منها من المنطقه اللي انا فيها طب ارجوك ساعدني دلوقت عشان لو هروح في مكان الحق اسافر عشان انا مرحله اولي ولازم الرقم السري اللي في الاستماره ولازم اكتب التنسيق

بالله عليك انا مستقبلي حاسه انه هيتدمر ارجوك ارجوا الرد سريعا دي حاله انسانيه ارجوك

السلام عليكم اولا شكرا علي مجهودك بس ارجوك بالله عليك ارجوا المساعده الان وضروري
انا استماره نجاحي اتسرقت ومش عارفه اعمل ايه وبيقولولي اطلع بدل منها من المنطقه اللي انا فيها طب ارجوك ساعدني دلوقت عشان لو هروح في مكان الحق اسافر عشان انا مرحله اولي ولازم الرقم السري اللي في الاستماره ولازم اكتب التنسيق


هو على العموم تم الرد فى الموضوع الأول
بس المهم دلوقتى إنتى ممكن تروحى المدرسة وتقوليلهم مشكلتك وممكن يساعدوكى وتستخرجى شهادة جديدة
أو ممكن تتصلى على رقم 19468 وإن شاء الله هيساعدوكى فى مشكلتك ( بس بسرعة وممكن دلوقتى حالاً عشان الوقت مش فى صالحك )
ده اللى أقدر أقولهولك والله
بس على العموم متخافيش كل حاجة وليها حل ، وإن شاء الله خير
ربنا يستر إن شاء الله
تحياتى

شكرا لرد حضرتك بس سؤالي طيب دلوقت هل الادارات التعليميه شغاله النهارده ولا اجازه

شكرا ع الموضوع المفيد
لو سمحت هو لو مثلا ف ىاتنين جايبين نفس المجموع بس فى واحد سجل يوم الخميس وواحد السبت يبقى فى فرق بينهم وبرضه لو واحد جايب اقل منى بس سجل قبلى بتفرق ولا عادى وشكرا مقدما

والرقم ده لما اتصل بيه هيردوا عليا في اي وقت ولا ليهم مواعيد

شكرا لرد حضرتك بس سؤالي طيب دلوقت هل الادارات التعليميه شغاله النهارده ولا اجازه


آه النهاردة مفيش أجازة والمدارس والإدارات شغالين
لأن الأجازة بكرة الأحد وليس النهاردة

والرقم ده لما اتصل بيه هيردوا عليا في اي وقت ولا ليهم مواعيد


مش عارف والله ليهم مواعيد ولا لأ بس إنتى جربى تتصلى وإن شاء الله يردوا عليكى

شكرا ع الموضوع المفيد
لو سمحت هو لو مثلا ف ىاتنين جايبين نفس المجموع بس فى واحد سجل يوم الخميس وواحد السبت يبقى فى فرق بينهم وبرضه لو واحد جايب اقل منى بس سجل قبلى بتفرق ولا عادى وشكرا مقدما


عادى ناس كتير بتبقى جايبة نفس المجموع ، ومش بتفرق إن ده سجل الأول أو فى الأخر
ما دام إنت فى المرحلة الأولى أو غيرك ، يبقى ليكم مكان فى الكليات ( على حسب المجموع طبعاً ) ، وده مش بيفرق خالص
أرجو أن أكون أفدتك
تحياتى

طب شكرا لحضرتك انا سوف اتوججه الي مدرسه ليسيه الحريه بالاسكندريه التابعه لها شهادتي ويارب يكون معايا
طب هو انا هستخرجها وانا موجوده ولا هنتظر
وياتري لو جبت الاستماره والحمد لله وكتبت رغباتي وفجاه دخلت اشيك علي رغباتي لقيتها اتغيرت بسبب اللي واخد استمارتي الاصليه وطبعا عارف رقم جلوسي انا هتصرف ازاي وهلجا لمين في الوقت

لو سمحت حضرتك انت متاكد اني لو رحت المدرسه هلاقيها فاتحه وشغاله لاني سوف اسافر من البحيره الي الاسكندريه واسفه اني تعبتحضرتك معايا بس انا بجد في ازمه

وطلب تاني من حضرتك انا جايبه 89 % وعاوزه السن ياتري الحقها ولا لا واكتب ايه في تنسيقي وانا عاوزه السن وان لم يكن هكتب اداب وانا مش عارفه كل الكليات بتاخد من كام ودماغي عجزت عن التفكير بسبب اللي حصلي

طب شكرا لحضرتك انا سوف اتوججه الي مدرسه ليسيه الحريه بالاسكندريه التابعه لها شهادتي ويارب يكون معايا
طب هو انا هستخرجها وانا موجوده ولا هنتظر
وياتري لو جبت الاستماره والحمد لله وكتبت رغباتي وفجاه دخلت اشيك علي رغباتي لقيتها اتغيرت بسبب اللي واخد استمارتي الاصليه وطبعا عارف رقم جلوسي انا هتصرف ازاي وهلجا لمين في الوقت


تمام روحى المدرسة واحكيلهم على اللى حصل وإن شاء الله يطلعولك بدل فاقد منها ( ده ممكن تحصل مع أى حد تضيع منه ) أكيد إن شاء الله المشكلة ليها حل
وبالنسبة للرغبات محدش يقدر يدخل على الرغبات بتاعتك إلا وإذا كان عارف رقمك السرى ، مش رقم الجلوس بس
انتى زى ما قولتلك إتصلى على الرقم ، وهما هيساعدوكى فى تغييره ، وهيدولك واحد جديد يكون مش معروف عشان محدش يقدر يدخل على رغباتك بعد كده ويغير فيها حاجة
طمنينا بأى شىء يحصل ، أوك

لو سمحت حضرتك انت متاكد اني لو رحت المدرسه هلاقيها فاتحه وشغاله لاني سوف اسافر من البحيره الي الاسكندريه واسفه اني تعبتحضرتك معايا بس انا بجد في ازمه

أنا اللى أعرفه والله إن الأجازة بكرة الأحد مش النهاردة ، والنهاردة والدى رايح الشغل فى المدرسة عادى جداً ، وأكيد مدرستك فاتحة أو على الأقل الإدارات شغالة إن شاء الله
ولا يهمك أنا تحت أمرك ، مفيش تعب ولا حاجة


وطلب تاني من حضرتك انا جايبه 89 % وعاوزه السن ياتري الحقها ولا لا واكتب ايه في تنسيقي وانا عاوزه السن وان لم يكن هكتب اداب وانا مش عارفه كل الكليات بتاخد من كام ودماغي عجزت عن التفكير بسبب اللي حصلي
هدى أعصابك كده ومفيش حاجة إن شاء الله ، بس بالنسبة للكليات ، انتى حطى الأول ألسن فى الرغبات ، لربما تقبلك وينزل مجموعها بإذن الله ، وبعدين إبقى حطى أداب أو اللى انتى عايزاه

فى الخطوة الرابعة معنديش فى الصفحة اضافة او تعديل الرغبات ارجججووووووووا كيفية ااضافة الرغبات باقصى سرعة

ايوة انا مرحلة اولى انا جايب 329 ادبى وفتحت موقع مرة اخرى محصلش حاجة

نا جايبه 87.9 ومش عارفه هلحق ايه بس انا كان نفسى ف السن واهى طارت ممكن حد يرشدنى للكليه الى هتقبل مجموعى وتبقى وكويسه وشكرا

ايوة انا مرحلة اولى انا جايب 329 ادبى وفتحت موقع مرة اخرى محصلش حاجة


تمام ، يبقى دى ممكن تكون مشكلة فنية مش هقدر أساعدك فيها
بس اتصل على الرقم 19468 وقولهم مشكلتك وهيساعدوك إن شاء الله

شكرا لحضرتك بس انا اتصلت بالرقم قالي معاك بوابه الحكومه الالكترونيه ومحدش رد عليا ولا اي حاجه بعد كده

أنا اتصلتلك بالرقم وعرفت إن مواعيد العمل من 8 صباحاً إلى 2 صباحاً ، يعنى ساعتين كده وتقدرى تكلميهم وتحكيلهم على المشكلة

وكمان لما تتصلى بيهم هيحكوا شوية بعدين هتقولك رسالة صوتية للدخول إلى خدمات التنسيق اضغط رقم صفر ، تدوسى صفر وهيحولوكى عليهم ويردوا إن شاء الله

جزاك الله كل خير

ربنا يبارلك و يجازيك خير

عادى ناس كتير بتبقى جايبة نفس المجموع ، ومش بتفرق إن ده سجل الأول أو فى الأخر
ما دام إنت فى المرحلة الأولى أو غيرك ، يبقى ليكم مكان فى الكليات ( على حسب المجموع طبعاً ) ، وده مش بيفرق خالص
أرجو أن أكون أفدتك
تحياتى



جزاك الله خير

شكرا اوى بس انا عندى استفسار ممكن
انا دلوقتى مرحلة اولى مش عارفة اكتب ايه اصلا فى الرغبات
لانى مش عارفة الكليات اللى ممكن ادخلها ايه انا مش فاهمة حاااااااااااااجة

هو انا لازم املا 48 رغبة

الرغبات كلها لازم تتملى ايوة والا الاستمارة مش هتتقبل بس قول انا هكتب ايه انا بقى اللى مش عارفة

ربنا يكرمك ويدخلك الجنة

جــــــــــــــــــــــــــزاك الله كل خيــــر وربنا يكرمك ويوفقك

شكراً جداً جداً جداً و ريا ريت الموضوع يتثبت
و معلش هاحط سؤالي في صيغة تانية : اعتبر عندك الموقف ده
أنا جبت 99% مثلاً و هندسة كانت بتاخد من 93% مثلاً و علوم من 88% مثلاً و أنا كتبت علوم و قضيت سنة فيها و بعد كده عايز أحول هندسة يا ترى ده هيبقى مسموح بيه؟ و لو لسه ماكملتش السنة يعني ينفع أحول بعد شهر من بداية الدراسة؟
و انتا يا مصطفى ناوي تكتب أو كتبت إيه؟
السلام عليكم و رحمة الله و بركاته

سؤال بقى انا مطبعتش الورقة بتاعت الرغبات اللى بتطلع فى الاخر عليها رقم الايصال والطابعة بتاعتى اصلا بايظة ومينفعش انزل اطبعها من اى مكان اعمل ايه هى لازم اطبعها ولا كفاية احتفظ برقم الايصال بس

جزاك الله خيرا ووفقك لما يحبه ويرضاه.

و أنا بعتذر مقدماً لقوانين المنتدى بس معلش حاحط ايميلي عشان دي ظروف ضرورية
oriacc و ده على الياهو
السلام عليكم و رحمة الله و بركاته

طيب بعد اذن حضرتك انا مجموعى 95.2 وانا من المنصورة لو ملحقتش هندسة المنصورة وجتلى هندسة اى مكان تانى وحبيت احول المنصورة ايه الى لازم يحصل والاجراءات وكده وهوا انا ممكن اقضى سنة فى المكان ده وبعدين احول المنصورة ياريت تطمنى وهوا لو سمحت هندسة فى الجمهورية كلها بتاخد كام واحد على مستوى الدولة كل سنة يعنى فى المعتاد كده حوالى كام

واسف للاطاله

جزاك الله خيرا

جزاك الله عنا كل خير لانك ساعدت الطلبه في تساؤلات كتيييييييييييييييييييييييييييييييييييييييره
بس ممكن اسأل سؤال متي يظهر تنسيق المرحله الثانيه

جزاكم الله كل خير

انا شريحة اولي بس لسة مجبتش الرقم السري و عايزة اعرف ممكن اسجل يوم الاتنين او الثلاثاء ؟؟؟؟؟؟؟؟
يعني اي وقت قبل يوم الاربع ممكن اسجل ؟؟؟

سؤال عايز اجابته طالبةحصلت على 380 درجة من القاهرة والسن عين شمس 381 والسن المنيا380 هل ممكن وطبقا لقواعد تقليل الاغتراب ان تحول الى السن عين شمس ؟

لو سمحت انا مش عارفه اكتب الرغبات ازاى انا وصلت لحد الخطوه الرابعه ومش عارفه اكتب ازاى الكليات فى الخانات بتاعتها ممكن تساعدنى؟

شكرا اوى بس انا عندى استفسار ممكن
انا دلوقتى مرحلة اولى مش عارفة اكتب ايه اصلا فى الرغبات
لانى مش عارفة الكليات اللى ممكن ادخلها ايه انا مش فاهمة حاااااااااااااجة

انا كمان كده زيك بالظبط!! مش عارفه اصلا اكتب كليات ايه واساسا مش عارفه اكتبها بجد حاجه تلخبط وانا كمان مش فاهمه حاجه

.
.
الله يجزيك كل خير
افادني كثيرا كثيرا ..اسئلة كنا نحتاج اجابتها بحق
فبارك الله فيك وسدد خطاك ويسر لك كل خير ..
سؤال بسيط وعذرا..بعد ظهور النتيجة تقديم الاوراق للكلية اللى اتقبلت فيه له مدة معينة ,,؟؟
نقطة ثانية . .كنت سمعت اننا مفروض نسحب ملف الاول قبل التقديم بس مش فاهمة نظامه ؟؟
والله يوفقك لكل خير ياااارب ويجزيك كل خير

انا عايزة اسأل على حاجة لو سمحت

هوه انا مثلا مثلا لو جاتلى هندسة الفيوم وانا فى القاهرة ممكن احول بعد التنسيق علطول

ومش استنى السنة الاعدادى واجيب فيها تقدير اكمنى انا بنت وكدة ولآ لازم استنى السنة

وادعيلى تجيلى هندسة عين شمس اناجايبة 94.8 ومش عارفة هل هتيجى ولآ لا ؟؟؟؟

والله الموفق ضـــــــــــــى الفجر

جزاك الله كل خير

وإياكم إن شاء الله


ربنا يبارلك و يجازيك خير


ويبارك لك أخى الكريم ، شكراً على المرور


جزاك الله خير

وإياكم أخى الكريم ، نورت الموضوع


شكرا اوى بس انا عندى استفسار ممكن
انا دلوقتى مرحلة اولى مش عارفة اكتب ايه اصلا فى الرغبات
لانى مش عارفة الكليات اللى ممكن ادخلها ايه انا مش فاهمة حاااااااااااااجة

شوفى حضرتك جايبة كام وعلمى ولا أدبى وحطى الكلية المناسبة ليكى ، واقرئى الموضوع اللى هنا ، وهتفهمى أكتر ، وهنساعدك فى اختيار الرغبات على حسب مجموعك إن شاء الله


هو انا لازم املا 48 رغبة

آه طبعاً لازم 48 رغبة كاملة ، لكى يقبل الموقع اختياراتك


الرغبات كلها لازم تتملى ايوة والا الاستمارة مش هتتقبل بس قول انا هكتب ايه انا بقى اللى مش عارفة

هتكتب الكليات اللى عايزها الأقرب فالأقرب ، يعنى لو عايز طب ، هتكتب كل الطب الموجود فى الجمهورية ، وبعدين لو عايز صيدلة إذا كانت طب مش هتقبلك ، حط بعدها صيدلة .... وهكذا


ربنا يكرمك ويدخلك الجنة

آمييين يا رب ، وإياكم أخى الكريم


جــــــــــــــــــــــــــزاك الله كل خيــــر وربنا يكرمك ويوفقك

ويجزيك خيراً أختى الكريمة ويوفقك يااارب
شكراً على المرور الجميل


شكراً جداً جداً جداً و ريا ريت الموضوع يتثبت
و معلش هاحط سؤالي في صيغة تانية : اعتبر عندك الموقف ده
أنا جبت 99% مثلاً و هندسة كانت بتاخد من 93% مثلاً و علوم من 88% مثلاً و أنا كتبت علوم و قضيت سنة فيها و بعد كده عايز أحول هندسة يا ترى ده هيبقى مسموح بيه؟ و لو لسه ماكملتش السنة يعني ينفع أحول بعد شهر من بداية الدراسة؟
و انتا يا مصطفى ناوي تكتب أو كتبت إيه؟
السلام عليكم و رحمة الله و بركاته

الشكر لله أخى الكريم ، وإن شاء الله الإدارة سوف تنظر له
ثانياً بالنسبة لاستفسارك ، بخصوص التحويل لو كنت حاصل على المجموع للكلية المحول لها يبقى ينفع ، بس لو حولت أول السنة يعنى بعد شهر مثلاً عادى تقدر تحول وتبقى فى نفس السنة ، لكن لو كنت قضيت سنة فى طب وبعدين عايز تحول لهندسة يبقى هتعيد أولى من تانى فى هندسة كإنك لسه داخل جديد بالظبط .
وعلى فكرة أنا أدبى وجبت 83% ( الحمد لله ) وناوى على أداب إعلام إن شاء الله
وعليكم السلام ورحمة الله وبركاته


سؤال بقى انا مطبعتش الورقة بتاعت الرغبات اللى بتطلع فى الاخر عليها رقم الايصال والطابعة بتاعتى اصلا بايظة ومينفعش انزل اطبعها من اى مكان اعمل ايه هى لازم اطبعها ولا كفاية احتفظ برقم الايصال بس

لو تقدرى تطبعيهم عند أى حد قريبك معرفة خلاص ، لكن لو مفيش يبقى احتفظى بالورق ده على الكومبيوتر فى ملف word عشان ترجعيلهم مرة تانية لو احتاجتى لهم
واحتفظى برقم الإيصال معاكى لأنه مهم
تحياتى


جزاك الله خيرا ووفقك لما يحبه ويرضاه.

وجزاك الله مثله أخى الكريم ( مالك ) . وإياكم


و أنا بعتذر مقدماً لقوانين المنتدى بس معلش حاحط ايميلي عشان دي ظروف ضرورية
oriacc و ده على الياهو
السلام عليكم و رحمة الله و بركاته

تقدر تحط سؤالك هنا لكى يستفيد منه الجميع ، لكن لو ظروف ضرورية أهلاً بك ، وأنا تحت أمرك فى أى شىء


طيب بعد اذن حضرتك انا مجموعى 95.2 وانا من المنصورة لو ملحقتش هندسة المنصورة وجتلى هندسة اى مكان تانى وحبيت احول المنصورة ايه الى لازم يحصل والاجراءات وكده وهوا انا ممكن اقضى سنة فى المكان ده وبعدين احول المنصورة ياريت تطمنى وهوا لو سمحت هندسة فى الجمهورية كلها بتاخد كام واحد على مستوى الدولة كل سنة يعنى فى المعتاد كده حوالى كام

واسف للاطاله

انت تقدر تحول إلى أى مكان تانى بشرط إنك تكون جايب الحد الأدنى للكلية المحول لها ، وده بيبقى بعد التنسيق ، وبتحدد الوزارة وقت معين لفتح باب التحويلات ، ولا يشترط قضاء سنة فى المكان ، وبالنسبة لهندسة مجموعها يتراوح بين 93 : 95% ( على حسب معلوماتى ) وإن شاء الله هندسة المنصورة تقبلك بإذن الله


جزاك الله خيرا

وإياكم استاذ أحمد
شكراً على المرور


جزاك الله عنا كل خير لانك ساعدت الطلبه في تساؤلات كتيييييييييييييييييييييييييييييييييييييييره
بس ممكن اسأل سؤال متي يظهر تنسيق المرحله الثانيه

لا شكر على واجب الأخت ( زينب ) وإن شاء الله أنا فى الخدمة متى استطعت
بعد انتهاء المرحلة الأولى ستظهر النتيجة ويليها بداية المرحلة الثانية ، وهذا ما سوف تحدده الوزارة بالظبط ، لكن مش الآن
تحياتى


جزاكم الله كل خير

وإياكم أخى الكريم
شكراً على المرور الكريم


انا شريحة اولي بس لسة مجبتش الرقم السري و عايزة اعرف ممكن اسجل يوم الاتنين او الثلاثاء ؟؟؟؟؟؟؟؟
يعني اي وقت قبل يوم الاربع ممكن اسجل ؟؟؟

آه ميعاد التسجيل مفتوح إلى يوم الأربعاء ، تقدرى تسجلى فى أى وقت حتى هذا اليوم ، لكن التأخير مش حلو ، حاولى تسجلى اليومين دول أفضل عشان الموضوع يخلص معاكى ، لربما الموقع يقع أو تحصل أى ظروف يعنى
تحياتى


سؤال عايز اجابته طالبةحصلت على 380 درجة من القاهرة والسن عين شمس 381 والسن المنيا380 هل ممكن وطبقا لقواعد تقليل الاغتراب ان تحول الى السن عين شمس ؟

تقريباً قرأت موضوع قبل كده أنه ممكن يتغاضى الوزارة عن درجتين أو ثلاثة ، عشان يقدر الطالب يحول إلى بلده أو البلد الأقرب إليه ، منعاً لتقليل الاغتراب ، وسوف أبحث فى هذا الموضوع وأفيدك إن شاء الله تعالى

انا عايزة اسأل على حاجة لو سمحت

هوه انا مثلا مثلا لو جاتلى هندسة الفيوم وانا فى القاهرة ممكن احول بعد التنسيق علطول

ومش استنى السنة الاعدادى واجيب فيها تقدير اكمنى انا بنت وكدة ولآ لازم استنى السنة

وادعيلى تجيلى هندسة عين شمس اناجايبة 94.8 ومش عارفة هل هتيجى ولآ لا ؟؟؟؟

معلش انا عيدت الرد تانى علشان كنت خايفة لحسن مش تشوفو وانت رديت بعدية

والله الموفق ضـــــــــــــى الفجر

لو سمحت انا مش عارفه اكتب الرغبات ازاى انا وصلت لحد الخطوه الرابعه ومش عارفه اكتب ازاى الكليات فى الخانات بتاعتها ممكن تساعدنى؟

شوفى الكلية اللى حسب رغبتك ، واللى انتى عايزاها ، وضيفيها فى الرغبات . اختارى بالتخصص أولاً ، ثم المناطق الموجود فيها الكليات حسب التوزيع الجغرافى


انا كمان كده زيك بالظبط!! مش عارفه اصلا اكتب كليات ايه واساسا مش عارفه اكتبها بجد حاجه تلخبط وانا كمان مش فاهمه حاجه

تم الإجابة فى السؤال السابق


.
.
الله يجزيك كل خير
افادني كثيرا كثيرا ..اسئلة كنا نحتاج اجابتها بحق
فبارك الله فيك وسدد خطاك ويسر لك كل خير ..
سؤال بسيط وعذرا..بعد ظهور النتيجة تقديم الاوراق للكلية اللى اتقبلت فيه له مدة معينة ,,؟؟
نقطة ثانية . .كنت سمعت اننا مفروض نسحب ملف الاول قبل التقديم بس مش فاهمة نظامه ؟؟
والله يوفقك لكل خير ياااارب ويجزيك كل خير




وإياكم أخى الكريم ، الحمد لله إن الموضوع أفادك
بارك الله فيك
بالنسبة للفترة دى هتتحدد وهيكون لها وقت معين سوف يعلن ، ولكن ليس عندى معلومات الآن
فعلاً إنت لازم تسحب ملفك الأول من المدرسة بما فيه استمارة النجاح عشان تقدر تقدم بيه والموجود فيه الرقم السرى

انا عايزة اسأل على حاجة لو سمحت

هوه انا مثلا مثلا لو جاتلى هندسة الفيوم وانا فى القاهرة ممكن احول بعد التنسيق علطول

ومش استنى السنة الاعدادى واجيب فيها تقدير اكمنى انا بنت وكدة ولآ لازم استنى السنة

وادعيلى تجيلى هندسة عين شمس اناجايبة 94.8 ومش عارفة هل هتيجى ولآ لا ؟؟؟؟

معلش انا عيدت الرد تانى علشان كنت خايفة لحسن مش تشوفو وانت رديت بعدية

والله الموفق ضـــــــــــــى الفجر


أهلا بيكى يا ضى ، تحت أمرك
بالنسبة للتحويل ، على حسب معلوماتى إن التحويل ينفع من أول شهر ، وتقدر تحول إلى كلية مناظرة بشرط حصولك على الحد الأدنى للكلية المحول لها .
لكن بالنسبة للهندسة مش عارف لها نظام تانى ولا إيه ، ممكن حد آخر يفيدك فى الموضوع ده
وإن شاء الله هندسة عين شمس تيجيلك لأن مجموعك كويس مش وحش ، وحطيها رغبة أولى وبإذن الله ربنا يرزقهالك
لا عادى ولا يهمك أنا كنت هرد عليكى فى الرد الأول
تحياتى

الف شكررررررررررررر يا مصطفى على المجهود الاكثر من رائع

والله الموفق ضـــــــــــــى الفـــــجر

كم انت كبير يا استاذى :) شكرا على المعلومات

معلش هاتقل كمان و كمان
أصلي سمعت من ناس إن النظام هو إنك ينفع تحول لكلية مجموعها أقل من مجموع الكلية اللي انتا فيها مش أقل من مجموعك فالكلام ده كان نظام قديم و اتلغى ولا إيه النظام؟
و التنسيق بتاع المرحلة الأولى هيقفل يوم الأربعاء الساعة كام؟ أنا سمعت الساعة 7 بالليل تقريباً
السلام عليكم و رحمة الله و بركاته

الف شكررررررررررررر يا مصطفى على المجهود الاكثر من رائع

والله الموفق ضـــــــــــــى الفـــــجر
الشكر لله ضى ، وإن شاء الله خير
تحياتى لك ( ضى الفجر )


كم انت كبير يا استاذى :) شكرا على المعلومات

الله يكرمك يا ميدو ، وشكراً على ردك الجميل
بالتوفيق لك

الله يبارك فيك
ويحفظك
ويوفقك يا مصطفى
والله العظيم موضوع قمه
ربنا يجعل مجهودك ده فى ميزان حسناتك
بجد انا مش عارفه اشكرك ازاى
ربنا يوفقك
وييسر لك كل امورك

هل لازم نكتب الرغبات ف ال 48 خانه ؟

يعنى مينفعش اكتب مثلا 25 رغبه واكتفى ب كده

معلش هاتقل كمان و كمان
أصلي سمعت من ناس إن النظام هو إنك ينفع تحول لكلية مجموعها أقل من مجموع الكلية اللي انتا فيها مش أقل من مجموعك فالكلام ده كان نظام قديم و اتلغى ولا إيه النظام؟
و التنسيق بتاع المرحلة الأولى هيقفل يوم الأربعاء الساعة كام؟ أنا سمعت الساعة 7 بالليل تقريباً
السلام عليكم و رحمة الله و بركاته


لا ولا يهمك عااادى
موضوع التحويل مشروح كله فى الموضوع

- ما هو التحويل بين الكليات ومتى سيبدأ ؟
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.

أظن هذا هو قصدك ، إن شاء الله أكون أفدت
تحياتى

اولا اشكرك علي الموضوع الرائع

واسئلتك منطقية واجابت عن كل ما يدور في نفسي

ثانيا اعذرني علي الرد :

هل لازم نكتب الرغبات ف ال 48 خانه ؟

يعنى مينفعش اكتب مثلا 25 رغبه واكتفى ب كده

لا يا اخي الكريم لازم 48 رغبة حتي لو كل ما تريده 25 رغبة ومجموعك يجيب اول رغبة لازم تملأ ال 48 كاملين


وشكرا

الله يبارك فيك
ويحفظك
ويوفقك يا مصطفى
والله العظيم موضوع قمه
ربنا يجعل مجهودك ده فى ميزان حسناتك
بجد انا مش عارفه اشكرك ازاى
ربنا يوفقك
وييسر لك كل امورك

ويبارك فيك أخى الكريم ، وإياكم
شكراً على ردك وشعورك الجميل
الشكر لله وحده ، وده توفيق من عند الله
بالتوفيق يارب إن شاء الله


هل لازم نكتب الرغبات ف ال 48 خانه ؟

يعنى مينفعش اكتب مثلا 25 رغبه واكتفى ب كده

لا لازم تكتب ال48 رغبة كاملة ، بدون نقص حتى يتم معك التسجيل

اولا اشكرك علي الموضوع الرائع

واسئلتك منطقية واجابت عن كل ما يدور في نفسي

الشكر لله وحده أخى الكريم
أرجوا أن تكون استفدت إن شاء الله


ثانيا اعذرني علي الرد :



لا يا اخي الكريم لازم 48 رغبة حتي لو كل ما تريده 25 رغبة ومجموعك يجيب اول رغبة لازم تملأ ال 48 كاملين


وشكرا


تمام الكلام لازم ال48 رغبة
ولا يهمك ، لك مطلق الحرية فى الإجابة عن أى سؤال لديك إجابته أنت وكل أعضائنا الأعزاء

أنا طالب مجموعي 335 من 360 لأني معفي من اللغة الثانية في ثانية ثانوي ، وأخدت في المستوى الرفيع 9 فمش عارف هل برضه أضيف درجة المستوى ناقص 5 ولا فيه نظام تاني ؟ وأنا بعد المستوى الرفيع في المرحلة الأولى ولا التانية ؟وجزاكم الله خيراً

اللهم وفق عبيدك لما تحبه وترضاه

أنا طالب مجموعي 335 من 360 لأني معفي من اللغة الثانية في ثانية ثانوي ، وأخدت في المستوى الرفيع 9 فمش عارف هل برضه أضيف درجة المستوى ناقص 5 ولا فيه نظام تاني ؟

هو تقريباً المستوى بتحسب المجموع - 5 ويضاف على المجموع ، بس مش عارف يمشى على نظامك ولا لأ !
ممكن أى حد تانى يفيدك إن شاء الله


اللهم وفق عبيدك لما تحبه وترضاه

آمين يا رب العالمين
شكراً على المرور

طيب انا لو سمحت مجموعي اكيييد اكيد ميجبش طب خاالص و يجيب صيدلة اكتب طب ف الأول عاااادي بكل فروعها و لا ابدأ بصيدلة على طول .... انا شايفة ان مفيش فرق و بادئة بطب بس مش عارفة في مشكلة و لا لأة ......... ياريت حد يفيدني

بارك الله فيك ولك وجزاك الله كل خير واكيد هحتاج منك استفسارات كتير بس انا لسه مرحله تانيه .

طيب معلش هسال سؤال ربما سئل من قبل .,

انا دلوقتي مرحله تانيه .,

لو قالوا ان الحد الادنى للهندسه مثلا مثلا 94%.,

وانا جايبه اقل من كده .,

اكتب بردوا في الرغبات هندسه بكل المحافظات .,

ولا ابدا بالكليه اللي اقل منها مباشره ؟؟؟؟

انا مطبعتش الصفحة هل لازم اطبعها؟

الي الأخ / mostafa لقد شرحت وأوضحت بارك الله فيك وهذا يدل علي قدرة وتمكن عالي و خبرة عالية في أعمال التنسيق بارك الله فيك ولم تترك أي نقطة إلا و أجبت عليها و كم أعجبني ردك الخاص بالحدود الدنيا للكليات وهذا السؤال دائما يتردد علي ألسنة الطلاب وأولياء الأمور فإجابتك عنه كافية و شافية وواقعيه لك مني كل تحية وتقدير

انا بدخل على صفحة التنسيق وبتفتح لحد مايقولى جارى تحميل بيناتك الشخصية وتقف ممكن حد يقولى ليه كده واعمل ايه

موضوع التحويل مشروح كله فى الموضوع
- ما هو التحويل بين الكليات ومتى سيبدأ ؟
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.


معلش يا مصطفى انا اسفه طلب تانى

هوه الكلام دة بعد سنة من الكليه ولآ دة بعد

التنسيق علطول وممكن لو هما يراعو ان واحدة

بنت وكدة ولآ عادى؟؟؟؟

وهل لو وحدة مثلا هندسة المطرية تحول عين شمس بعد سنةولآ مش ينفع ؟؟؟؟

معلش انا اسئلتى كتييرة :bosyht9:

يااااااااااارب تنجح فىحياتك العلمية والعملية

انا بدخل على صفحة التنسيق وبتفتح لحد مايقولى جارى تحميل بيناتك الشخصية وتقف ممكن حد يقولى ليه كده واعمل ايه

هذا يدل علي أن الموقع مزدحم بالمستخدمين حاول في وقت آخر وفقكم الله

طيب انا لو سمحت مجموعي اكيييد اكيد ميجبش طب خاالص و يجيب صيدلة اكتب طب ف الأول عاااادي بكل فروعها و لا ابدأ بصيدلة على طول .... انا شايفة ان مفيش فرق و بادئة بطب بس مش عارفة في مشكلة و لا لأة ......... ياريت حد يفيدني

لا عادى خلى طيب الأول لربما تقبلك إن شاء الله ، ولو متقبلتيش خلاص مفيش مشكلة هياخدوا الرغبة اللى بعدها وهكذا .....
بالتوفيق


بارك الله فيك ولك وجزاك الله كل خير واكيد هحتاج منك استفسارات كتير بس انا لسه مرحله تانيه .

وإياكم أختى الكريمة ، وأنا تحت أمرك فى أى شىء
تحياتى


طيب معلش هسال سؤال ربما سئل من قبل .,

انا دلوقتي مرحله تانيه .,

لو قالوا ان الحد الادنى للهندسه مثلا مثلا 94%.,

وانا جايبه اقل من كده .,

اكتب بردوا في الرغبات هندسه بكل المحافظات .,

ولا ابدا بالكليه اللي اقل منها مباشره ؟؟؟؟

هما عامة مش هيقولوا الحد الأدنى ومش هيتحدد الآن ، كل هذا توقعات ليس إلا
ولكن اكتبى عادى هندسة الأول لأن لم يحدد لها الحد الأدنى ، وربما تقبلك إن شاء الله
وبعدين اكتبى الكليات اللى عايزها بعدها على طول
والرغبة اللى هتقبلك هتجيلك سواء الأولى أو اللى بعدها بإذن الله


انا مطبعتش الصفحة هل لازم اطبعها؟


لو تقدر تطبعها اطبعها أفضل عشان يكون مرجع ليك فى الرغبات المختارة ، وربما تحتاجها فى أى وقت
واحتفظ برقم الإيصال

انا بدخل على صفحة التنسيق وبتفتح لحد مايقولى جارى تحميل بيناتك الشخصية وتقف ممكن حد يقولى ليه كده واعمل ايه


بص يا ana.alabdo انت اكيد بتعمل على mozilla firefox التنسيق مش بيتعامل غير بس مع internet explorer

اعمل التنسيق على internet explorer وان شاء الله يفتح معاك :049gc0::stickjo4:

والله الموفق

ضــــــــــــى الفجر

شكرا ليك يا مصطفى .,
بس انا اقصد انهم مثلا مثلا انهم خلاص حددوا ان الحد الادنى للهندسه 94% كلام لا رجعه فيه
هل ساعتها ينفع اكتبها في الرغبات وانا جايبه اقل من 94% ؟؟؟؟؟

ميرسي جدا يا مصطفى و ياااااارب تكون دكتور في كلية اداب اعلام عشان انت تستحق كل حاجة حلوة في الدنيا دي .

الي الأخ / mostafa لقد شرحت وأوضحت بارك الله فيك وهذا يدل علي قدرة وتمكن عالي و خبرة عالية في أعمال التنسيق بارك الله فيك ولم تترك أي نقطة إلا و أجبت عليها و كم أعجبني ردك الخاص بالحدود الدنيا للكليات وهذا السؤال دائما يتردد علي ألسنة الطلاب وأولياء الأمور فإجابتك عنه كافية و شافية وواقعيه لك مني كل تحية وتقدير

بارك الله فيكم أخى الكريم حسين أبو زيد ، وردك هذا اسعدنى كثيراً جداً والله
وتشرفت بمروركم أخى الحبيب
الحمد لله هذا توفيق من عند الله عز وجل
تحياتى لحضرتك


انا بدخل على صفحة التنسيق وبتفتح لحد مايقولى جارى تحميل بيناتك الشخصية وتقف ممكن حد يقولى ليه كده واعمل ايه

استخدم متصفح انترنت اكسبلورر عشان يفتح معاك ويكمل باقى الخطوات أخى الكريم
بالتوفيق





معلش يا مصطفى انا اسفه طلب تانى

هوه الكلام دة بعد سنة من الكليه ولآ دة بعد

التنسيق علطول وممكن لو هما يراعو ان واحدة

بنت وكدة ولآ عادى؟؟؟؟

وهل لو وحدة مثلا هندسة المطرية تحول عين شمس بعد سنةولآ مش ينفع ؟؟؟؟

معلش انا اسئلتى كتييرة :bosyht9:

يااااااااااارب تنجح فىحياتك العلمية والعملية





ولا يهمك يا ضى الفجر ، براحتك
بالنسبة للتحويل ده هيبقى بعد ما يوصلك جواب الترشيح بالكلية ، وهيبقى خلال فترة هيتفتح فيها باب التحويل من كلية إلى كلية ( كما وضحت ) ، وبالنسبة للهندسة أنا مش عارف والله هل لها نظام خاص ولا لأ
بس تقريباً هذا يمشى على كل الكليات إنك تحولى من بلد إلى بلد ( الأقرب ليكى ) بشرط أن تكونى حاصلة على الحد الأدنى للكلية المحول لها
وموضوع هندسة المطرية أو عين شمس ، ده تقريباً حسب التوزيع الجغرافى لأنى مش عارف دى فين ودى فين ومين الأقرب ليكى
وتقريباً مش لازم بعد سنة ، ممكن بعد ما يوصلك جواب الترشيح ويتم فتح باب التحويل .
وشكراً كتير على الدعوة الحلوة دى يا ضى
تحياتى

شكرا ليك يا مصطفى .,
بس انا اقصد انهم مثلا مثلا انهم خلاص حددوا ان الحد الادنى للهندسه 94% كلام لا رجعه فيه
هل ساعتها ينفع اكتبها في الرغبات وانا جايبه اقل من 94% ؟؟؟؟؟


ياندى مش ينفع اصلااااا يتحدد دلوقتى الحد الادنى لا دة بس بعد ما تكتبى الرغبات

بصى انتى لو عايزاها اكتبيها فى الرغبات يمكن تيجيلك وان شاء الله تيجيلك

انتى جايبة كام لو عايزة تقولى يعنى براحتك بس علشان نعرف هل ممكن تدخليها على حسب

التوقعات ولآلا ؟؟:av4056bb7jp3:

ولا تقلق نفسك يا جميييييييل:049gc0:

والله الموفق

شكرا ليك يا مصطفى .,
بس انا اقصد انهم مثلا مثلا انهم خلاص حددوا ان الحد الادنى للهندسه 94% كلام لا رجعه فيه
هل ساعتها ينفع اكتبها في الرغبات وانا جايبه اقل من 94% ؟؟؟؟؟

لا مادام ، لم تحصلى على الحد الأدنى للكلية وتم تحديد الحد الأدنى لها ( ليس الآن ولكن بعد النتيجة ) ، يبقى مش ينفع تدخليها خلاص ، لأنك مش جايبة مجموعها
وممكن لو نزلت مرحلة تانية ( وده صعب شوية ) ممكن تلحقيها ومجموعها ينزل إن شاء الله
تحياتى


ميرسي جدا يا مصطفى و ياااااارب تكون دكتور في كلية اداب اعلام عشان انت تستحق كل حاجة حلوة في الدنيا دي .

ألف ألف شكر ( FataFeto ) على الدعوة الجميلة دى ، وأنا فعلاً نفسى فى كده إن شاء الله بعد ما أخلص دراسة :d .
شكراً ليكى وإن شاء الله ربنا يحققلك كل ما تتمنيه
تقبل الله منا ومنكم
بالتوفيق

يا ضي انتي مش فهماني خلاص .,

دلوقتي انا مرحله تانيه تمام .,

وهما هيحددوا الحد الادنى بعد المرحله الاولى .,

يعني وانا بكتب رغباتي هكون خلاص عرفت الحخد الادنى للهندسه كااام فهمتوني ولا لسه

لا مادام ، لم تحصلى على الحد الأدنى للكلية وتم تحديد الحد الأدنى لها ( ليس الآن ولكن بعد النتيجة ) ، يبقى مش ينفع تدخليها خلاص ، لأنك مش جايبة مجموعها

وممكن لو نزلت مرحلة تانية ( وده صعب شوية ) ممكن تلحقيها ومجموعها ينزل إن شاء الله
تحياتى








ايوه انا اقصد كده الف شكر ليك يا مصطفى وليكي يا ضي

يا ضي انتي مش فهماني خلاص .,

دلوقتي انا مرحله تانيه تمام .,

وهما هيحددوا الحد الادنى بعد المرحله الاولى .,

يعني وانا بكتب رغباتي هكون خلاص عرفت الحخد الادنى للهندسه كااام فهمتوني ولا لسه

آآآآآه قوليلنا إنك مرحلة تانية
أنا بقول كده برضه ، بس انتى موضحتيش النقطة دى
على العموم بعد المرحلة الأولى هيتحدد الحد الأنى لها وهيبان إنها قبلت من كام
ولو نزلت مرحلة تانية يبقى حظك :022yb4: وتقدرى لو جبتى مجموعها تقدمى عليها فى المرحلة التانية وتقبلك إن شاء الله

يا ضي انتي مش فهماني خلاص .,

دلوقتي انا مرحله تانيه تمام .,

وهما هيحددوا الحد الادنى بعد المرحله الاولى .,

يعني وانا بكتب رغباتي هكون خلاص عرفت الحخد الادنى للهندسه كااام فهمتوني ولا لسه


هو بصى انا مش عارفة ان شاء الله هندسة تنزل مرحلة تانية ان شاء الله

بس بصى انتى اكتبى كل اللى انتى عايزة تخشيه يمكن ان شاء الله تيجيلك :av4056bb7jp3:

وانتى مستعدة ان انتى توحى اقاليم اكتبيها بردووو مش هتخسرى حاجة انتى عندك 48 رغبة :stickjo4:

بس ان شاء الله تدخلى الكليه اللى انتى عايزاها وتنجحى فيها كمان :049gc0:

والله الموفق

ضـــــــــى الفجر

يوه انا اقصد كده الف شكر ليك يا مصطفى وليكي يا ضي


لالالالالا شكر على واجب وبعدين انا اول مرة ارد على حد

فى الموضوع دة وكماااااااان الشكر كله لمصطفى

انه باذل مجهود جاااااامد :022yb4:اوى وان شاء الله ياخد احسن

حاجة هوه بيحبها ويكون اكتر واحد فى الدفعة بتاعته ناجح

ويحقق له كل اللى نفسه فيه وتكون الاول على الدفعة

وتبقى ان شاء الله معيد كمااان *اى خدعـه* :049gc0:

والله الموفق

ضــــــــى الفجر

بس فيه نقطة عايز أسأل عنها
هو هندسة مرحلة تانية هتاخد من نفس مجموع مرحلة أولى؟

س فيه نقطة عايز أسأل عنها
هو هندسة مرحلة تانية هتاخد من نفس مجموع مرحلة أولى؟

بص هو اللى انا اعرفه ان الهندسة لو نزلت مرحلة

تانية هما بيقولوا كام مثلا مكان فاضى وكدة وانت

بتكتب رغباتك وتستنى نتيجة التنسيق

كدةزيينا يعنى بتاخد من كام وكدة دى بتتحدد بعد

ما تكتب الرغبات على حسب العرض والطلب

وان شاء الله مصطفى يفيدك اكثر منى :stickjo4:

وان شاء الله تجيلك :049gc0:

والله الموفق ضــــــــــى الفجر

بس فيه نقطة عايز أسأل عنها
هو هندسة مرحلة تانية هتاخد من نفس مجموع مرحلة أولى؟

لا بعد ما تظهر نتيجة المرحلة الأولى ، لو كان فى أماكن فاضية فى هندسة هتنزل مرحلة تانية وعلى حسب هذه الأماكن والمجاميع اللى فاضلة هيحددوا مجموع قبولها فى مرحلة ثانية
زى ما قالت الأخت ضى :d
بالتوفيق

لو سمحت انا عندى سؤال انا درست اولى ثانوى فى السعودية وكملت الثانوية فى مصر ازاى احسب تنسيق الكليات لانى معفى فرنساوى هل أخصم 50من تنسيق الكليات ولا ايه ولو حضرتك متعرفش ياريت تدينى رقم استفسار فى الوزارة

وجزاكم الله خيرا

لالالالالا شكر على واجب وبعدين انا اول مرة ارد على حد

فى الموضوع دة وكماااااااان الشكر كله لمصطفى

انه باذل مجهود جاااااامد :022yb4:اوى وان شاء الله ياخد احسن

حاجة هوه بيحبها ويكون اكتر واحد فى الدفعة بتاعته ناجح

ويحقق له كل اللى نفسه فيه وتكون الاول على الدفعة

وتبقى ان شاء الله معيد كمااان *اى خدعـه* :049gc0:

والله الموفق

ضــــــــى الفجر





مش عارف أقولك إيه يا ضى على الكلام الجميل ده
شكرا شكراً على دعواتك الحلوة دى ، وإن شاء الله تحققى كل اللى نفسك فيه ، إنتى وكل اللى زيك يااااارب
تحياتى ليكى يا ضى القمر :022yb4:

لو سمحت انا عندى سؤال انا درست اولى ثانوى فى السعودية وكملت الثانوية فى مصر ازاى احسب تنسيق الكليات لانى معفى فرنساوى هل أخصم 50من تنسيق الكليات ولا ايه ولو حضرتك متعرفش ياريت تدينى رقم استفسار فى الوزارة

وجزاكم الله خيرا


معلش والله أنا معنديش أى معلومات للى درسوا بره مصر ، لأن ليهم نظام تانى
كل اللى أقدر أقولهولك إنك تتصل على رقم 19468 وأكيد هيساعدوك فى موضوعك ، هما عندهم معلومات أكيد
تحياتى

لو سمحت انا عندى سؤال انا درست اولى ثانوى فى السعودية وكملت الثانوية فى مصر ازاى احسب تنسيق الكليات لانى معفى فرنساوى هل أخصم 50من تنسيق الكليات ولا ايه ولو حضرتك متعرفش ياريت تدينى رقم استفسار فى الوزارة

وجزاكم الله خيرا


بس مجموعك هيحسب من 360 لأن نقصت الخمسين بتاعة الفرنساوى ، بس على العموم اتصل بالرقم وهما هيفيدوك أكتر منى
شكراً

اولا الموضوع اكتر من رائع وجزاك الله كل خير يا استاذ مصطفى انا عندى سؤال انا لو جتلى هندسة عين شمس وهى تبع الموقع الجغرافى اقدر احول القاهرة مع العلم انى مش تبعها حسب التوزيع الجغرافى؟

اولا الموضوع اكتر من رائع وجزاك الله كل خير يا استاذ مصطفى انا عندى سؤال انا لو جتلى هندسة عين شمس وهى تبع الموقع الجغرافى اقدر احول القاهرة مع العلم انى مش تبعها حسب التوزيع الجغرافى؟


بارك الله فيكى أختى الكريمة وجزاكى الله خير الجزاء ، نورتى الموضوع بمرورك
بالنسبة لسؤالك ، تقريباً عين شمس والقاهرة بيقعوا فى حيز واحد وهما الإثنين فى نفس الموقع الجغرافى ، وبالتالى يمكن أن تحولى إلى القاهرة لأنهم فى المجموعة ( أ ) كما موضح بالرابط
https://tansik.egypt.gov.eg/application/Dalel/4-1.htm

يمكن يكون ده قصدك ؟؟ ياريت أكون أفدتك فى سؤالك إن شاء الله

ودى قواعد التحويل من كلية إلى كلية من موقع التنسيق
انصحك بالاطلاع عليها لعلها تفيدك

أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.

موضوع عظيم من راجل عظيم الف شكر
كان عندى سؤال فى الرغبات لما مثلا اكتب فى الرغبات الهندسه ممكن اكتب 22 هندسه بس اراعى التوزيع الجغرافى
اى المجموعه أ وب ثم الباقى ولا لازم مجموعه الف وباء والف شكر على الموضوع

ارجووووووووووووووووووووووووووك الحقنى انا علمى علوم و جايبة 96ز3% الحق ايه ارجووووووووووووووك قولى توقعاتل و النبىىىىىىىىىى

موضوع عظيم من راجل عظيم الف شكر
كان عندى سؤال فى الرغبات لما مثلا اكتب فى الرغبات الهندسه ممكن اكتب 22 هندسه بس اراعى التوزيع الجغرافى
اى المجموعه أ وب ثم الباقى ولا لازم مجموعه الف وباء والف شكر على الموضوع


الله يكرمك أستاذ عمر على ردك الجميل ومرورك الطيب :)
بالنسبة للسؤال ، هو أنا اللى فهمته من السؤال إنك ممكن لو عايز هندسة مش تطير منك ، تختار بالتخصص أولاً ، ثم تحط كل هندسة فى جميع المناطق ( حسب التوزيع الجغرافى ) يعنى أ ، ب ، ج / وبعدين تكمل بأى كليات حضرتك عايزها بعدها عشان تكمل ال 48 رغبة كلهم
ممكن يكون ده قصدك ! يا ريت أكون أفدتك
بالتوفيق

ارجووووووووووووووووووووووووووك الحقنى انا علمى علوم و جايبة 96ز3% الحق ايه ارجووووووووووووووك قولى توقعاتل و النبىىىىىىىىىى

أهلا بيكى
إن شاء الله تلحقى كل خير
ممكن تقدمى على صيدلة مثلاً أو طب بيطرى أو علاج طبيعى أو كلية تمريض ( على حد علمى إنهم يتراوحوا فى هذا المجموع ) وبعدين حطى علوم ، عشان لو مفيش حاجة من دول مقبلتش ( لا قدر الله )
بس أهم حاجة تكونى مقتنعة بالكلية اللى هتقدميها عشان تتوفقى فيها وتكونى حباها
وإن شاء الله ربنا يوفقك وتدخلى الكلية اللى بتتمنيها

يتثبت الموضوع الف شكر
بس حكاية الطباعة دي مش ضرورية احتفظ بيه سيف از و خلاص مش هتفرق

واحد من الشرقية عايز يدخل علوم و إن شاء الله جايب مجموعها
بس طبعاً مش عايز يدخل علوم الزقازيق و عايز يدخل علوم القاهرة يعمل إيه؟
السلام عليكم و رحمة الله و بركاته

يتثبت الموضوع الف شكر
بس حكاية الطباعة دي مش ضرورية احتفظ بيه سيف از و خلاص مش هتفرق

إن شاء الله يتثبت الموضوع لتعم الإفادة على الجميع
وبالنسبة للطباعة أنا وضحت النقطة دى وقولت اللى يقدر يطبع أوك ( مش هيخصر حاجة ) ، واللى ميقدرش خلاص يحفظها على الكومبيوتر عشان تكون مرجع ليه فى الرغبات أو خلافه ، أو ممكن لا قدر الله تحصل أى مشكلة معاة يبقى معاه ما يثبت إنه سجل ونسق وكله تمام
أتمنى أن تكون وجهة نظرى واضحة
تحياتى لك وللجميع

واحد من الشرقية عايز يدخل علوم و إن شاء الله جايب مجموعها
بس طبعاً مش عايز يدخل علوم الزقازيق و عايز يدخل علوم القاهرة يعمل إيه؟
السلام عليكم و رحمة الله و بركاته

هو للأسف التحويل مش بكيف أى حد . التحويل بيبقى عشان يروح منطقته الاصلية والأقرب ليه حسب التوزيع الجغرافى ( أ ) فقط ، وكمان لازم يقدم رغبته الأولى الزقازيق لأنها فى المجموعة ( أ ) وبعدين يقدر يحط علوم القاهرة أو غيره (ب) ، ( ج )
وأرجو أن يجيبك حد أخر يكون عنده معلومات أكتر منى ليفيدك فى هذا الموضوع
بالتوفيق

بجد شكرااااااااااااااااا جداااااااااااااااا
وبارك الله فيك

بجد شكرااااااااااااااااا جداااااااااااااااا
وبارك الله فيك

الشكر لله يا " سمسم "
أرجو أن تكونى استفدتى من الموضوع
وبالتوفيق

طيب لو سمحت انا عملت الرغبات و حفطت رقم الا يصال و مش عارفه اجيب الايصال دا تانى منين عشان اطبعو بيجيلى 3 اختيارات قائمه جديده ولا تعديل القائمه ولا انهاء فادوس ايه عشان اجيب الوصل و هل هيتغير الرقم ولا لا؟؟؟؟؟

طيب لو سمحت انا عملت الرغبات و حفطت رقم الا يصال و مش عارفه اجيب الايصال دا تانى منين عشان اطبعو بيجيلى 3 اختيارات قائمه جديده ولا تعديل القائمه ولا انهاء فادوس ايه عشان اجيب الوصل و هل هيتغير الرقم ولا لا؟؟؟؟؟


بعد ما تدخلى على الرغبات هتلاقى فى ال3 اختيارات ( تعديل الرغبات ) هتدوسى عليها وبعدين مش هتعدلى حاجة ( إلا إذا حبيتى كده ) وبعدين هتدوسى تسجيل ، هتجيلك استمارة جديدة برقم ايصال جديد هتقومى بطباعة ال 3 ورقات وتحفظى رقم الإيصال .
ملحوظة : كل مرة تدخلى فيها على الرغبات هيتغير رقم الإيصال بواحد جديد ، يبقى هتضطرى تطبعى من الأول عند كل مرة تعدلى فيها .
وإن شاء الله ربنا يسترها معاكى
وتحت أمرك فى أى استفسار
آسف على التأخير فى الرد :d
تحياتى

ربنا يوفقك بجد بجد انت اديتني افادة كبيرة جدا شكرا ليك مليون مره

ربنا يوفقك بجد بجد انت اديتني افادة كبيرة جدا شكرا ليك مليون مره


شكراً لك على مرورك وردك الجميل
والحمد لله إنى قدرت أساعدك وإنك استفدت من الموضوع
بالتوفيق

الله يباركلك
الف شكر حد يلحقنى أنا محتاس فى أستمارة الرغبات انا جبت 95.5% رياضة أحط كليات أيه و بأنهى ترتيب حد يجاوبنى :(

واحد من الشرقية عايز يدخل علوم و إن شاء الله جايب مجموعها
بس طبعاً مش عايز يدخل علوم الزقازيق و عايز يدخل علوم القاهرة يعمل إيه؟
السلام عليكم و رحمة الله و بركاته
بعد اذن صاحب الموضوع طبعا
بس وانت بتكتب التنسيق اعتقد هتبقى علوم الزقازيق الاول
المهم بعد نتيجه التنسيق هيكون موجودالحد الادنى للكليات
ولو جالك فى التنسيق علوم الزقازيق الاول ممكن تحول لعلوم القاهره بشرط انك تكون جايب الحد الادنى لعلوم القاهره
ارجو اكون افادتك

انسااااااااااااااااااااااااااااااااااااااااااااااا اااان محترم
شكرااااااااااااااااااااااااااااااااااااااااااااااا اااااااااااااااااااااااااااا

حد يلحقنى أنا محتاس فى أستمارة الرغبات انا جبت 95.5% رياضة أحط كليات أيه و بأنهى ترتيب حد يجاوبنى

حد يلحقنى أنا محتاس فى أستمارة الرغبات انا جبت 95.5% رياضة أحط كليات أيه و بأنهى ترتيب حد يجاوبنى

انا فى القاهرة

لو سمحت انا عندى سؤال انا درست اولى ثانوى فى السعودية وكملت الثانوية فى مصر ازاى احسب تنسيق الكليات لانى معفى فرنساوى هل أخصم 50من تنسيق الكليات ولا ايه ولو حضرتك متعرفش ياريت تدينى رقم استفسار فى الوزارة

وجزاكم الله خيرا

أنا نفس الموضوع على فكرة ، ممكن أحاول أفيدك

·المجموع الكلى الذي يظهر للطالب يتضمن الآتي: المجموع الأصلي + درجة الحافز الرياضي (إن وجدت) + درجة المستوى الرفيع (ما يزيد عن 5 درجات).
·الطالب المعفى من اللغة الثانية، يحسب له مجموع اعتباري = المجموع الكلى × 410 / 360.

الكلام ده منقول من موضوع كتبه الأستاذ محمد حسن ضبعون في المنتدى ، و برضه مكتوب إنه لا يحق للطلاب المعفين من اللغة الثانية الالتحاق بكلية الألسن
أرجو إنك تفيدني بالمعلومات اللي عندك لأني محتار ، وجزاك الله خيراً

بعد اذن صاحب الموضوع طبعا
بس وانت بتكتب التنسيق اعتقد هتبقى علوم الزقازيق الاول
المهم بعد نتيجه التنسيق هيكون موجودالحد الادنى للكليات
ولو جالك فى التنسيق علوم الزقازيق الاول ممكن تحول لعلوم القاهره بشرط انك تكون جايب الحد الادنى لعلوم القاهره
ارجو اكون افادتك

شكراً أخى الكريم على مساعدة غيرك
ولك الحق فى الإجابة على أى سؤال مادام لديك الإجابة عن أى استفسار يطرح


انسااااااااااااااااااااااااااااااااااااااااااااااا اااان محترم
شكرااااااااااااااااااااااااااااااااااااااااااااااا اااااااااااااااااااااااااااا

والله حضرتك اللى محترم ، وأرجو أن تكون استفدت من الموضوع


حد يلحقنى أنا محتاس فى أستمارة الرغبات انا جبت 95.5% رياضة أحط كليات أيه و بأنهى ترتيب حد يجاوبنى

إنت ممكن تبدأ بهندسة أفضل ، بعدين حاسبات ومعلومات ، وبعدين أى كلية تكون فى خلال مجموعك ( بصراحة مش عارف إيه كليات تانى لأنى أدبى :d )
أتمنى حد آخر يفيدك أكتر
تحياتى

حضرتك انا عايز اخش فنون تطبيقيه ومكنتش اعرف ان لها امتحان قدرات اعمل ايه لو مجموعى يجبها

السلام عليكم

لو سمحتم عندى استفسار

ليا واحدة صحبتى علمى رياضة جايبة 82%

وعايزة تدخل تربية تنسيقها يكون مرحلة اولى ولا تانية ؟؟

معلش لو سمحت هو اللى قدم سياحة اول رغبة وجاتله ومحضرش امتحان القدرات يعمل ايه؟
ازاى ممكن اغير رغبات كل ما ادخل يقولى لا انتظر نتيجة التنسيق

حضرتك انا عايز اخش فنون تطبيقيه ومكنتش اعرف ان لها امتحان قدرات اعمل ايه لو مجموعى يجبها

شوف الموضوع ده إن شاء الله يفيدك
http://www.thanwya.com/vb/showthread.php?t=53816

السلام عليكم

لو سمحتم عندى استفسار

ليا واحدة صحبتى علمى رياضة جايبة 82%

وعايزة تدخل تربية تنسيقها يكون مرحلة اولى ولا تانية ؟؟



وعليكم السلام ورحمة الله وبركاته
بالنسبة للاستفسار ، صحبتك هتدخل مرحلة تانية عشان مجموعها 82% علمى ، والحد الأدنى للمرحلة الأولى علمى 93.9 %
تنتظر للمرحلة الثانية وتشوف تربية هتقبل من كام ، وتقدم فيها لو كانت جايبة مجموعها
بالتوفيق

معلش لو سمحت هو اللى قدم سياحة اول رغبة وجاتله ومحضرش امتحان القدرات يعمل ايه؟
ازاى ممكن اغير رغبات كل ما ادخل يقولى لا انتظر نتيجة التنسيق

بالنسبة للاستفسار الأول مقدرش أفيدك فيه ، أتمنى أى حد غيرى يفيدك
وبالنسبة للثانى ، ادخل رقم جلوسك والرقم السرى وهتجيلك الرغبات ، اضغط تعديل الرغبات على الشمال
لو نفع يبقى خلاص ، منفعش يبقى اتصل على 19468 وهما هيحلولك مشكلتك

الــــــــــــــــــــــــــــف مليـــــــــــــــــــــــــون شكر يا برنس
عندى استفسار صغير!!!!!!
انا الحمد لله جايب مجموع فوق ال100% ونفسى ادخل هندسة القاهرة بس هيا مش فى التوزيع الجغرافى بتاعى
مع انى مغير عنوان السكن فى رقم الجلوس على القاهرة قبل لما ادخل الامتحان!!!!
مش عارف اعمل ايه خالص انا زهقت

الــــــــــــــــــــــــــــف مليـــــــــــــــــــــــــون شكر يا برنس
عندى استفسار صغير!!!!!!
انا الحمد لله جايب مجموع فوق ال100% ونفسى ادخل هندسة القاهرة بس هيا مش فى التوزيع الجغرافى بتاعى
مع انى مغير عنوان السكن فى رقم الجلوس على القاهرة قبل لما ادخل الامتحان!!!!
مش عارف اعمل ايه خالص انا زهقت

الحمد لله مجموعك كويس خالص
بس لازم تحط أول رغبة تبقى حسب التوزيع الجغرافى ، وبعدين تحط تانى رغبة القاهرة ، عشان لو مقبلتش الأولى تقبلك القاهرة
وممكن تلاقى حد يفيدك أكتر منى
بالتوفيق

والله عمل رائع وان شاء الله فى ميزان حسناتك

والله عمل رائع وان شاء الله فى ميزان حسناتك

تشرفت بمرورك أم عايش ، وبارك الله فيكى
تحياتى لحضرتك

مشكووووووووووووووووووووووووووووووووووووووووور
بس انا عندي سؤال معلش حضرتك ممكن تقول عليه موسوسه بس والله انا خايفه خالص وده مستقبل وكده
انا مرحله اولي وسجلت يوم الخميس وطبعت رغباتي
بس سمعت ان يوم الخميس كان تجربيي
وعرفت دلوقتي انه كان رسمي
المهم دخلت امبارح عشان اتاكد من رغباتي
لقيتها الحمد لله زي ماهيه
وماكتبتش تعديل ولا حاجة
يبقي عادي ولا ايه
يعني رقم الايصال بتاعي اتغير ولا ايه

ارجو الرد (فسالوا اهل الذكر ان كنتم لا تعلمون)

مشكووووووووووووووووووووووووووووووووووووووووور
بس انا عندي سؤال معلش حضرتك ممكن تقول عليه موسوسه بس والله انا خايفه خالص وده مستقبل وكده
انا مرحله اولي وسجلت يوم الخميس وطبعت رغباتي
بس سمعت ان يوم الخميس كان تجربيي
وعرفت دلوقتي انه كان رسمي
المهم دخلت امبارح عشان اتاكد من رغباتي
لقيتها الحمد لله زي ماهيه
وماكتبتش تعديل ولا حاجة
يبقي عادي ولا ايه
يعني رقم الايصال بتاعي اتغير ولا ايه


أهلا بيكى
طبعاً يوم الخميس كان رسمى وليس تجريبى كما يقال
المهم لو دخلتى من غير ما تضغطى على تعديل وطلعتى يبقى خلاص
لكن لو ضغطتى تعديل ( عدلتى أم لم تعدلى ) يبقى رقم الإيصال اتغير ولا بد من الطباعة مرة أخرى وحفظ الرقم
وكل مرة تعدلى فيها هيتغير رقم الإيصال
لكن زيادة تأكيد لو كان لديك طابعة ، ادخلى تانى ودوسى تعديل ثم التسجيل واطبعى من الأول أفضل ( مش هتخسرى حاجة ) عشان ممكن يكون الرقم بيتغير كل ما تدخلى
بالتوفيق

يا جماعة بالنسبة لقسم الاثار اللى فى كلية الأداب دة لو أنا اتخرجت منة هلاقى شغل ولا لأ.
و بالنسبة لى أنا ممكن اخشة مع العلم إن مجموعى الكلى 360.5 يعنى 87.9 و مجموع اللغات (عربى+إنجليزى + إيطالى) 139.5 فممكن ادخلوة ولا لأ يا ريت حد يرد عليا و شكرا.

كلامك مظبوط اصلي كنت مكلم مكتب التنسيق في الحكاية دي وقالي اهم حاجة رقم الإيصال
الطباعة مش هتفرق

يا جماعة بالنسبة لقسم الاثار اللى فى كلية الأداب دة لو أنا اتخرجت منة هلاقى شغل ولا لأ.
و بالنسبة لى أنا ممكن اخشة مع العلم إن مجموعى الكلى 360.5 يعنى 87.9 و مجموع اللغات (عربى+إنجليزى + إيطالى) 139.5 فممكن ادخلوة ولا لأ يا ريت حد يرد عليا و شكرا.

بالنسبة لقسم الأثار هو قسم جميل جداً ، أخويا فيه السنادى فى سنة رابعة ، بس دراستة جميلة وكويسة
وبالنسبة للشغل ممكن بعد ما تتخرج تاخد رخصة إرشاد سياحى أو تحضر أو تشتغل فى السياحة أو مترجم
يعنى كويس مش وحش من حيث الشغل
ومجموعك جميل جداً جداً وتدخلها مرتاح إن شاء الله
تحياتى


كلامك مظبوط اصلي كنت مكلم مكتب التنسيق في الحكاية دي وقالي اهم حاجة رقم الإيصال
الطباعة مش هتفرق

تمام ، أهم حاجة رقم الإيصال
شكراً لك

انا جايب 67 % هل ممكن الحق حقوق ولا لا ممكن الرد بسرعة لحسن انا متوتر اووووووى

طيب لو سمحتى بس تقولى انا دلوقتى 88.8% بس فى الانجلش 38.5 يعنى مش حلو خالص
والله اتظلمت فيه بس مجموع اللغات كله 137.5 ياترى كدا ممكن الحق قسم ايه فى كلية اداب يعنى اعلام ولا ارشاد ولا اثار

لو سمحت هيا هندسة هتاخد كام الف السنة دى ممكن مثلا 20 زى كل سنة ولا اكتر ولا اقل

انا جايبة مجموع 396ونصف ياترى الحق صيدلة

يا جماعة انا جايبة 93.1 علمى رياضة
يعنى انا مرحلة تانية
ممكن حد يقولى انا المفروض ابدأ اكتب رغباتى امتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا جايب 67 % هل ممكن الحق حقوق ولا لا ممكن الرد بسرعة لحسن انا متوتر اووووووى

إن شاء الله تلحق حقوق فى أى حتة ، مجموعك يلحقها بإذن الله


طيب لو سمحتى بس تقولى انا دلوقتى 88.8% بس فى الانجلش 38.5 يعنى مش حلو خالص
والله اتظلمت فيه بس مجموع اللغات كله 137.5 ياترى كدا ممكن الحق قسم ايه فى كلية اداب يعنى اعلام ولا ارشاد ولا اثار

إن شاء الله تلحق الثلاث أقسام ، بس تقريباً مجموع اللغات بيتغير على حسب اللى داخلين كل سنة
بس مجموعك كويس ، بالتوفيق


لو سمحت هيا هندسة هتاخد كام الف السنة دى ممكن مثلا 20 زى كل سنة ولا اكتر ولا اقل

الله أعلم يا حسن ، دى بتبقى على حسب المجاميع كل سنة ونسب النجاح والتقديم على الكلية
بالتوفيق


انا جايبة مجموع 396ونصف ياترى الحق صيدلة

ممكن تلحقى صيدلة أو طب بيطرى أو كلية تمريض
بس المجموع مش وحش ، وإن شاء الله تلحقى صيدلة
قولى ياارب

يا جماعة انا جايبة 93.1 علمى رياضة
يعنى انا مرحلة تانية
ممكن حد يقولى انا المفروض ابدأ اكتب رغباتى امتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لما تنتهى المرحلة الأولى والنتيجة تظهر ، سيتم قبول المرحلة الثانية فى ميعاد ستحدده الوزارة إن شاء الله
لا تقلقى

سلام عليكم .,معلش انا عايزه اسئل بس هم ايه معهد هندسه طيران وده ينفع للبنات واللي بيتخرجوا منه بيشتغلوا ايه طيارين مثلا ؟؟؟؟؟

حضرتك انا مجموعى97% وكتبت رغبه اولى هندسه اسكندريه

وسؤالى هوا على اى اساس بيرشحونا للكليه وهل ممكن ماتقبلنيش وكم عدد الكليات اللى بيرشحونا ليها ?

طيب يا مصطفى هوا معروف ان مثلا هندسة المنصورة بتاخد كذا الف فى السنة والقاهرة كذا والاسكندرية كذا ممكن اعرف الاعداد التقريبيه بعد اذنك

لو سمحت ممكن اعرف اذا كان خبر ان كليات ادبى تقيل الطلاب من علمى بمجموع اقل 10% صح ولا لأ؟؟

مشكور ع المعلومات المفيده دي وربنا يجعلوا في ميزان حسناتك

سلام عليكم .,معلش انا عايزه اسئل بس هم ايه معهد هندسه طيران وده ينفع للبنات واللي بيتخرجوا منه بيشتغلوا ايه طيارين مثلا ؟؟؟؟؟
هههههههه مش عارف والله يا مس ندا ، أنا أول مرة أسمع عن المعهد ده ، بس ممكن اللى يطلعوا يشتغلوا فى الطيران بشكل عام ، ومش عارف بيقبل بنات ولا لأ :d
تحياتى



حضرتك انا مجموعى97% وكتبت رغبه اولى هندسه اسكندريه

وسؤالى هوا على اى اساس بيرشحونا للكليه وهل ممكن ماتقبلنيش وكم عدد الكليات اللى بيرشحونا ليها ?

إن شاء الله تقبلك الهندسة لأن مجموعك حلو جداً
وهما بيبصوا على أول رغبة لو كنتى جايبة مجموعها بيرشحوكى ليها ، مش جايبة مجموعها ، بيبصوا للى بعديها وهكذا
لغاية آخر رغبة ، على حسب مجموعك
بالتوفيق


طيب يا مصطفى هوا معروف ان مثلا هندسة المنصورة بتاخد كذا الف فى السنة والقاهرة كذا والاسكندرية كذا ممكن اعرف الاعداد التقريبيه بعد اذنك

هو أنا قرأت موضوع كده من جريدة الجمهورية
فيه أعداد المقبولين

المصدر : جريدة أخبار اليوم صفحة 14

العدد 18491 السنة 60 الطبعة الثانية

يوم الخميس 21 يوليو " تموز" 2011 م
20شعبان 1432 هـ


الكلية

الطب 6491

طب اسنان 1659

الصيدلة 8068

علاج طبيعي 923

طب بيطري 2226

هندسة 17653

حاسبات ومعلومات 2319

اقتصاد وعلوم سياسية 761

اعلام 666

السن 2686

فنون تطبيقية 566

سياحة وفنادق 2693

بس مش عارف والله ده كلام صحيح ولا لأ ؟ بس هو كلام تقريبى زى ما بتقول



لو سمحت ممكن اعرف اذا كان خبر ان كليات ادبى تقيل الطلاب من علمى بمجموع اقل 10% صح ولا لأ؟؟


لا أى كلية أو قسم ملوش دعوه بالتانى ، يعنى كل كلية على حسب المتقدم لها بيحددوا مجموعها
بس على العموم معروف إن أدبى بيقل عن علمى فى مجموع الكليات

مشكور ع المعلومات المفيده دي وربنا يجعلوا في ميزان حسناتك

آمين يا رب العالمين
شكراً على المرور

لو سمحت انا فية خطأ فى البيانات الاساسية بتاعتى على موقع التنسيق فى مشكلة فى الادارة التعليمية ...واتصلت على الرقم الخاص بكدة وقالى بعد 48 ساعة اتصل تانى وعطانى رقم الشكوى بتاعتى سؤالى بقى هل لو انا كملت وكتبت رغباتى على الادارة التعليمية الخطأ يبقى فيه مشاكل فى كدة ؟؟؟؟؟؟ ارجو الرد ..السلام عليكم ورحمة الله وبركاته

لو سمحت انا فية خطأ فى البيانات الاساسية بتاعتى على موقع التنسيق فى مشكلة فى الادارة التعليمية ...واتصلت على الرقم الخاص بكدة وقالى بعد 48 ساعة اتصل تانى وعطانى رقم الشكوى بتاعتى سؤالى بقى هل لو انا كملت وكتبت رغباتى على الادارة التعليمية الخطأ يبقى فيه مشاكل فى كدة ؟؟؟؟؟؟ ارجو الرد ..السلام عليكم ورحمة الله وبركاته

الأفضل إنك تنتظر لغاية ما الخطأ يتصلح عشان تمشى سليم
وكمان اتصل بيهم كل شوية عشان يمشوا الموضوع
وكمان متنتظرش لغاية يوم الأربع عشان التنسيق هيقفل
يعنى تحاول تخلص موضوعك قبل الأربعاء ، وكمان تتصل بيهم وتقولهم أعمل إيه
بالتوفيق

بجد واللة العظيم جامد جدا يا مصطفى ربنا يوفقك ويوفقنا معاك ...

عايز اعرف ايه الخطوات الى اعملها عشان التظلم ف ماده ؟

بالنسبة للاستفسار الأول مقدرش أفيدك فيه ، أتمنى أى حد غيرى يفيدك
وبالنسبة للثانى ، ادخل رقم جلوسك والرقم السرى وهتجيلك الرغبات ، اضغط تعديل الرغبات على الشمال
لو نفع يبقى خلاص ، منفعش يبقى اتصل على 19468 وهما هيحلولك مشكلتك

شكرا بجد انا تعبتك معايا الحمد الله المشكلة اتحت وهى لواحد صاحبى شكرا على تعبك معايا

لو سمحت انا بيجي في اخر خطوه و يكتبلي يرجي اعاده تسجيل الدخول انتهي توقيت الشريحه او الجلسه

مش فاكره بالظبط الكلام بس هو مضمونه كده

ده ليييييييييييييييييه ؟؟


هو لازم يبقي ليا اكونت في الموقع و اسجل الدخول اولا ؟؟

بجد واللة العظيم جامد جدا يا مصطفى ربنا يوفقك ويوفقنا معاك ...

أنا فى الخدمة يا باشا ، وربنا يوفقك ويكرمك إن شاء الله



عايز اعرف ايه الخطوات الى اعملها عشان التظلم ف ماده ؟

ده موضوع منقول من الأستاذة أم شاهندة توضح فيه كل خطوات التظلم
http://www.thanwya.com/vb/showthread.php?t=342474


شكرا بجد انا تعبتك معايا الحمد الله المشكلة اتحت وهى لواحد صاحبى شكرا على تعبك معايا

أنا تحت أمرك والحمد لله إن المشكلة اتحلت
تحياتى لحضرتك


لو سمحت انا بيجي في اخر خطوه و يكتبلي يرجي اعاده تسجيل الدخول انتهي توقيت الشريحه او الجلسه

مش فاكره بالظبط الكلام بس هو مضمونه كده

ده ليييييييييييييييييه ؟؟


هو لازم يبقي ليا اكونت في الموقع و اسجل الدخول اولا ؟؟

كل دخلة على الموقع أخرها 30 دقيقة ثم بعد ذلك هتضطرى تعيدى كل حاجة من الأول عشان جلستك إنتهت
تحاولى تخلصى قبل ال30 دقيقة وتحفظى وبعدين تقدرى تدخلى تانى فى أى وقت

للرفع ---------------------

مشكووووووووووووووووووووووووووووووووووووووووووووووو ووووووووور
ريحتني بجد
ربنا يريح بالك
انا كنت قلقانة خالص
انا الحمد لله دخلت بس لم اضغط علي تعديل
وللاسف ما عنديش طابعة
يبقي انا كده في السليم ان شاء الله (صح)
وجزاك الله كل خير

مشكووووووووووووووووووووووووووووووووووووووووووووووو ووووووووور
ريحتني بجد
ربنا يريح بالك
انا كنت قلقانة خالص
انا الحمد لله دخلت بس لم اضغط علي تعديل
وللاسف ما عنديش طابعة
يبقي انا كده في السليم ان شاء الله (صح)
وجزاك الله كل خير


شكراً ليكى يا هالة ، الحمد لله
ربنا يطمنك ويوفقك إن شاء الله

عندى استفسار أنا مطبعتش الورق لكن حفظت رقم الوصل ؟؟؟ هل لازم موضوع الطباعة ده و لا كفاية رقم الوصل ؟

عندى استفسار أنا مطبعتش الورق لكن حفظت رقم الوصل ؟؟؟ هل لازم موضوع الطباعة ده و لا كفاية رقم الوصل ؟


لا عادى ، أهم حاجة رقم الوصل ، وابقى احفظ الورق ده على الكومبيوتر لو قدرت لربما ترجعله بعد كده

لو سمحت 2سؤال و استفسار

السؤال : 1انا مرحلة تانية لازم اكتب رغباتي دلوقتي ولا امتي؟2بالنسبة لعلوم بترول طيرا او هندسة طيران عايز اعرف معلومات عنهم؟
استفسار:انا جايب 90 ينفع اخش فنون عمارة او علوم مش مهم حتي لو اقاليم

- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟ لوسمحت ارجوك رد علي

شكرررررررررررررررررررررررررررررررررررررررررررررر جزيلالالالالالا

لو سمحت 2سؤال و استفسار

السؤال : 1انا مرحلة تانية لازم اكتب رغباتي دلوقتي ولا امتي؟2بالنسبة لعلوم بترول طيرا او هندسة طيران عايز اعرف معلومات عنهم؟
استفسار:انا جايب 90 ينفع اخش فنون عمارة او علوم مش مهم حتي لو اقاليم

أهلا بيك
بالنسبة للتنسيق ما تقدرش تكتب رغباتك دلوقتى ، لما تبدأ المرحلة الثانية عقب نتيجة المرحلة الأولى
وبالنسبة لهندسة طيران وعلوم بترول معرفش حاجة عنهم للأسف ، أتمنى حد آخر يفيدك
وإن شاء الله تقدر تدخل علوم لأن مجموعك كويس
تحياتى


- أنا مطبعتش الورقة النهائية .. بس أخدت رقم الايصال .. وعملت كوبى للورقة النهائية دى وحطتها فى ملف وورد .
- هو أنا لازم أطبعها ؟ لوسمحت ارجوك رد علي

أوك ، مفيش مشاكل بس احتفظ برقم الإيصال


شكرررررررررررررررررررررررررررررررررررررررررررررر جزيلالالالالالا

شكراً على المرور أخى الكريم ، الشكر لله

انا سجلت مرنين على الموقع برغبات مختلفه وبقى عندى رقمين لايصال استلام هل كدا هيجيلى جامعتين ولا ايه انا قلقه جدا اصل بدل مااعمل تعديل رغبات عملت قائمه جديده وكتبت من اول وجديد ايه الى هيحصلى كدا

انا سجلت مرنين على الموقع برغبات مختلفه وبقى عندى رقمين لايصال استلام هل كدا هيجيلى جامعتين ولا ايه انا قلقه جدا اصل بدل مااعمل تعديل رغبات عملت قائمه جديده وكتبت من اول وجديد ايه الى هيحصلى كدا


قائمة جديدة يعنى مسحتى كل الرغبات اللى فاتت وعملتيها من الأول ، ومش معنى كده إنك سجلتى مرتين ، لأنه مينفعش نسجل مرتين ، ومتخافيش هتجيلك جامعة واحدة :d
وآخر رقم إيصال وصلك بعد أخر تعديل هو الرقم المطلوب وسيبك من اللى فات ، يرجى الاحتفاظ به
بالتوفيق

انا سجلت رغباتي من يوم الخميس ولما دخلت امبارح لقيت كل حاجة زي ما هي مفيش تغيير
كده انا سجلت ولا لاء خاصة ان الخميس كان تجريبي
؟؟؟؟؟؟؟؟؟؟؟

بسم الله الرحمن الرحيم

بجد انا محتار جدا ومحتاج مساعدتكم ياريت حد يفيدنى


انا دلوقتى مرحله اولى بس عندى شويه اسئله

اولا انا مش عارف اختار زراعه الاول ولا تمريض ؟ مش عارف مين الى بياخد مجموع اعلى فياريت حد يقولى المجموع الاعلى مين فيهم ؟؟؟؟؟

ثانيا انا كتبت الرغبات ومجموعى طبعا مش واخد طب ولا حتى بيطرى بس انا بدات الرغبات بطب اسنان وكنت عايز اعرف ينفع اخلى البيطرى الاول قبل الاسنان والصيدله ولا مينفعشى؟؟؟؟؟؟؟يعنى اكتب بيطرى اسنان صيدله وبعدها بقى رغبتى الى جايبه مجموعى هل ده ينفع ولا لازم التزم يكون اسنان الاول وبعدين صيدله وعلاج وبيطرى؟؟؟؟؟؟؟؟


ثالثا انا عملت تظلم فمش عارف النتيجه هتيجى امتى انا لسه عمله النهارده واحتمال النتيجه بتاعته تظهر بعد 10ايام تقريبا او اكتر وهيكون تنسيق المرحله الاولى خلص وظهرت نتيجته فمش عارف اعمل ايه ربنا يستر ؟؟؟؟؟؟؟؟؟؟؟؟

شكراً جزيلاً أستاذ الحمد و الشكر لله
و المعلومة دي أكيدة؟ و ينفع على طول أول ما أبدأ الدراسة ولا أستنى شوية؟
السلام عليكم و رحمة الله و بركاته

انا سجلت رغباتي من يوم الخميس ولما دخلت امبارح لقيت كل حاجة زي ما هي مفيش تغيير
كده انا سجلت ولا لاء خاصة ان الخميس كان تجريبي
؟؟؟؟؟؟؟؟؟؟؟

يوم الخميس كان التسجيل رسمى يا نور الهدى ، وكده تسجيلك صحيح 100% ، مادام رغباتك زى ما هى


بسم الله الرحمن الرحيم

بجد انا محتار جدا ومحتاج مساعدتكم ياريت حد يفيدنى

أهلا بيك ، نتمنى أن نفيدك إن شاء الله


انا دلوقتى مرحله اولى بس عندى شويه اسئله

اولا انا مش عارف اختار زراعه الاول ولا تمريض ؟ مش عارف مين الى بياخد مجموع اعلى فياريت حد يقولى المجموع الاعلى مين فيهم ؟؟؟؟؟

هى تمريض بيبقى مجموعها أعلى على العموم ، واختيارك ده حسب ميلوك إنت وحسب مجموعك


ثانيا انا كتبت الرغبات ومجموعى طبعا مش واخد طب ولا حتى بيطرى بس انا بدات الرغبات بطب اسنان وكنت عايز اعرف ينفع اخلى البيطرى الاول قبل الاسنان والصيدله ولا مينفعشى؟؟؟؟؟؟؟يعنى اكتب بيطرى اسنان صيدله وبعدها بقى رغبتى الى جايبه مجموعى هل ده ينفع ولا لازم التزم يكون اسنان الاول وبعدين صيدله وعلاج وبيطرى؟؟؟؟؟؟؟؟

لا عادى ، أى ترتيب ينفع ، مش هتفرق رغبة قبل رغبة أم حاجة تلتزم بالتوزيع الجغرافى


ثالثا انا عملت تظلم فمش عارف النتيجه هتيجى امتى انا لسه عمله النهارده واحتمال النتيجه بتاعته تظهر بعد 10ايام تقريبا او اكتر وهيكون تنسيق المرحله الاولى خلص وظهرت نتيجته فمش عارف اعمل ايه ربنا يستر ؟؟؟؟؟؟؟؟؟؟؟؟

إن شاء الله ربنا يستر ويسهل وتاخد حقك فى التظلم اللى عامله
بالتوفيق

شكرا على الرد بجد استفدنا من حضرتك

شكرا علي الرد

يا جماعه دلوقتى انا من اسكندريه و جايب 389.5 و شوفت ترتيبى على اسكندريه من موقع الاستاذ لقيتو 3901 ..ده على علمى و ادبى و انا علم رياضه يعنى تقريبا كده انا 1500 على رياضه اسكندريه ...ياريت حد يطمنى و يقولى هندسه اسكندريه بتاخد كام طالب فى العادى و المتوقع ليها كام السنه دى

بارك الله فيك بجد موضوع ممتاز شمل كل الاسئلة المهمة
:022yb4: وجعله الله في ميزان حسناتك ان شاء الله :022yb4:

لا عادى ، أهم حاجة رقم الوصل ، وابقى احفظ الورق ده على الكومبيوتر لو قدرت لربما ترجعله بعد كده



شكرا يا باشا تعبناك معانا

شكرا على الرد بجد استفدنا من حضرتك

أى خدمة ، شكراً على المرور


شكرا علي الرد

الشكر لله ، شكراً على المرور


يا جماعه دلوقتى انا من اسكندريه و جايب 389.5 و شوفت ترتيبى على اسكندريه من موقع الاستاذ لقيتو 3901 ..ده على علمى و ادبى و انا علم رياضه يعنى تقريبا كده انا 1500 على رياضه اسكندريه ...ياريت حد يطمنى و يقولى هندسه اسكندريه بتاخد كام طالب فى العادى و المتوقع ليها كام السنه دى



هو على العموم مجموعك كويس ، وهى إن شاء الله هتزيد السنادى لأن فى 6% زادوا فى أعداد القبول
بالتوفيق لك

بارك الله فيك بجد موضوع ممتاز شمل كل الاسئلة المهمة
:022yb4: وجعله الله في ميزان حسناتك ان شاء الله :022yb4:



وإياكم أخى الكريم ، وأنا تحت أمرك فى أى شىء
بالتوفيق لحضرتك

شكرا يا باشا تعبناك معانا

أى خدمة يا هيثم ، وإن شاء الله ربنا يوفقك لما فيه الخير

برافو يا مصطفى

ربنا معاكم جميعاً


تم تثبيت الموضوع

برافو يا مصطفى

ربنا معاكم جميعاً


تم تثبيت الموضوع


بارك الله فيكى استاذة ام شاهندة على دخولك وتثبيتك للموضوع
الموضوع نور والله لما حضرتك دخلتى ، وتشرفت كثيراً بمرورك
وإن شاء الله سأفعل قدر الاستطاعة لمساعدة زملائى إن شاء الله
شكراً مرة ثانية
وتحياتى لحضرتك :)

ميرسى جدا على الموضوع و بجد جاى ف وقته
انا عندى سؤال بقا
انا وافدة و مجموعى 97.6% و نفسى ادخل هندسة يا ترى ممكن الحقها لانى معرفش هى بتاخد ف حدود كام للوافدين
و يا ترى فنون جميلة تعتبر حلوة ولالا يعنى لو ملحقتش هندسة ادخلها ؟و اسفة على الاطالة

ميرسى جدا على الموضوع و بجد جاى ف وقته
انا عندى سؤال بقا
انا وافدة و مجموعى 97.6% و نفسى ادخل هندسة يا ترى ممكن الحقها لانى معرفش هى بتاخد ف حدود كام للوافدين
و يا ترى فنون جميلة تعتبر حلوة ولالا يعنى لو ملحقتش هندسة ادخلها ؟و اسفة على الاطالة


أهلا بيكى ، نتمنى لكى الإفادة
بالنسبة للاستفسار هو مجموعك كويس جداً بالنسبة لهندسة بس معنديش معلومات عن المجاميع الخاصة بقبول الوافدين ، لكن مش هيبقى عالى قوى عن العادى ، إن شاء الله تدخليها
وبالنسبة لو ملحقتيش هندسة فى ممكن حاسبات ومعلومات ممكن تقبلك
أيضاً فنون جميلة كلية كويسة مش وحشة لو كنتى عايزة تقدمى عليها ، بس أنصحك بحاسبات أفضل
بالتوفيق

يا حاج مصطفى معظم الناس بتحبطنى و بتقولى مش هخش تجارة انجليزى و انا جايب 88% و 46 انجليزى و 8 مستوى انجليزى -.-

لو ترتبى 25500 على الجمهورية علمى علوم ممكن الحق صيدلة او بيطرى او علاج طبيعى او اسنان ؟

انا من اسكندرية ف معندناش حاسبات و معلومات
طب يعنى فيه فرق كبير بين مجموع الهندسة و الفنون السنة دى بالنسبة للمصريين العاديين ؟

يا حاج مصطفى معظم الناس بتحبطنى و بتقولى مش هخش تجارة انجليزى و انا جايب 88% و 46 انجليزى و 8 مستوى انجليزى -.-

يا حج أمجد :d ملكش دعوة بكلام حد ، انت مجموعك زى الفل وكمان درجتك فى الإنجلش كويسة جداً
قدم عليها وبعووووون الله تقبلك ، الناس مين قالها إنها مش هتقبلك الكلية دى ،
كانوا شغالين فى مكتب التنسيق مثلاً
خلى عندك أمل فى ربنا ، وإن شاء الله ربنا يقدم اللى فيه الخير
اتفضل اشرب حاجة :p


لو ترتبى 25500 على الجمهورية علمى علوم ممكن الحق صيدلة او بيطرى او علاج طبيعى او اسنان ؟

والله على حسب مجموعك يا أحمد ، لأنى مش عارف مجموعك كام بالظبط ، بس إن شاء الله تلحق لأن ترتيبك مش وحش


انا من اسكندرية ف معندناش حاسبات و معلومات
طب يعنى فيه فرق كبير بين مجموع الهندسة و الفنون السنة دى بالنسبة للمصريين العاديين ؟

هى عامة فنون بتكون أقل فى المجموع من هندسة طبعاً ، بس مش فرق كبير أوى
يعنى ده كان تنسيق 2009
http://tansik.egypt.gov.eg/application/LimitE2009.htm
ولو كانت هندسة بعيدة ، ادخلى فنون جميلة عادى
وبالتوفيق

جزاك الله كل خير على فكرة دا مجموع حد يهمنى جايب 95.2 انما انا خامسة طب المنصورة

جزاك الله كل خير على فكرة دا مجموع حد يهمنى جايب 95.2 انما انا خامسة طب المنصورة

وإياكم ، هو مجموعه كويس ، وممكن يلحق علاج طبيعى أو بيطرى أو تمريض
لكن صعب شوية طب اسنان أو صيدلة :d
بس يحطهم الأول فى الرغبات لربما يتقبل ، وبعدين يحط علاج طبيعى أو بيطرى لأن مجموعه قريب منهم ، وبعديهم أى كلية يفضلها
وإن شاء الله ربنا يكرمه ويوفقه ويوفقك إنت كمان فى دراستك
تحياتى

حساب نتيجة الثانوية 2011 للمغتربين
نقلا عن استاذنا الفاضل ( محمد حسن ضبعون )


الكثيرمن طلبة الثانويه العامه بالدول والبلدان العربيه يريد معرفة طريقة معادلة أو حساب مجموع الثانويه العامه الحاصل عليه فى دوله عربيه بالنسبه لمجموعه الفعلي فى مصر اذا قرر الرجوع واستكمال التعليم والدراسه الجامعيه بجمهورية مصر العربيه
استمع إلى ضبعون فى شرح طريقة معادلة مجموع الثانويه العامه السعوديه فى مصر
لنفترض ان الطلب فى السعوديه حصل على الدرجات النهائيه فى جميع المواد فإنه يكون حصل على مجموع60%فى مصر
ويتم جمع امتحان القدرات إلى مجموعة والذي يمثل40%من المجموع المصري بالثانويه العامة
والان ناتي إلي كيفية الحساب
المجموع في مصر يساوي410درجه ويساوي100%
اذا حصل الطلب بالسعوديه بالمدرسه الثانوية علي الدرجات النهائية فى جميع المواد
وحصل الطالب في القدرات مثلا علي90%
يكون مجموعه في جمهورية مصر العربيه
410 * 60%يساوي246
ويقول ضبعون إن امتحان القدرات سيمثل40%من المجموع فى مصر أى:
410* 40%يساوي164
وحصل الطالب فى السعوديه على80%فى القدرات أي:
القدرات يساوي164 * 80%يساوي131.2
وبالتالي يصبح مجموع الطلب النهائي يساوي246 + 131.2يساوي377.2
وبالتالي نسبة المجموع النهائي يكون
377.2 / 410 * 100يساوي92%

وأخيرا نتمني النجاح والتوفيق لطلبة الثانويه العامه بجميع الدول العربيه الشقيقه
مع تحيات آل ضبعون

وإياكم ، هو مجموعه كويس ، وممكن يلحق علاج طبيعى أو بيطرى أو تمريض
لكن صعب شوية طب اسنان أو صيدلة :d
بس يحطهم الأول فى الرغبات لربما يتقبل ، وبعدين يحط علاج طبيعى أو بيطرى لأن مجموعه قريب منهم ، وبعديهم أى كلية يفضلها
وإن شاء الله ربنا يكرمه ويوفقه ويوفقك إنت كمان فى دراستك
تحياتى



جزاك الله كل خير

مبرووووووووووووووووووك يا مصطفى على التثبيت :av4056bb7jp3:

هو موضوع يستحق لانك علطول بسم الله ماشاء الله مهتم

بالموضوع :stickjo4::stickjo4:

مش زى الناس اللى تضع موضوع ومش بترد عليه

يالا زى الفل ان شاء الله ومنتظرين جديدك بمشيئة الله:049gc0:

وجعله فى ميزان حسناتك ورزقك كل ما تحبه

والله الموفق

ضــــــــــــــى الفجر

مبرووووووووووووووووووك يا مصطفى على التثبيت :av4056bb7jp3:

هو موضوع يستحق لانك علطول بسم الله ماشاء الله مهتم

بالموضوع :stickjo4::stickjo4:

مش زى الناس اللى تضع موضوع ومش بترد عليه

يالا زى الفل ان شاء الله ومنتظرين جديدك بمشيئة الله:049gc0:

وجعله فى ميزان حسناتك ورزقك كل ما تحبه

والله الموفق

ضــــــــــــــى الفجر


الله يبارك فيكى يا ضى ، مكنتش أعرف والله إن الموضوع هيكبر وهيبقى مهم للدرجادى :d
الحمد لله ده فضل من عند ربى ، وإن شاء الله ربنا يقدرنى على الإستمرار فى الموضوع وجلب كل جديد يسعد كل أعضائنا الأحباء
وشكراً جداً على ردودك الجميلة اللى منورة الموضوع ومرورك الأجمل
خالص تحياتى يا ( ضى )

السلام عليكم انا سجلت فى الجامعة واخذت الور قة والايصال بس عاوزة افتح اطمان من البيت هل هذا يغير فى شء او يضر التسجيل السابق ارجو الاجابة

ارجو الافادة لاث قلقانة انا سجلت وطبغت وكل حاجة لكن فتحت مرة تانية للتاكد ولم ادوس غلى اى زر غير انهاء هل هذا غير فى شء

السلام عليكم انا سجلت فى الجامعة واخذت الور قة والايصال بس عاوزة افتح اطمان من البيت هل هذا يغير فى شء او يضر التسجيل السابق ارجو الاجابة

ارجو الافادة لاث قلقانة انا سجلت وطبغت وكل حاجة لكن فتحت مرة تانية للتاكد ولم ادوس غلى اى زر غير انهاء هل هذا غير فى شء


عادى جداً لم يحدث تغيير فى الرغبات
لكن يحدث عند تعديلها والضغط على التسجيل بعد ذلك
كل شىء تمام ، لا تقلقى

انا جايب 91.5
وترتيبي على محافظه بورسعيد 788بدون المستوى (علمي مع ادبي)
وترتيبي على الجمهوريه(علمي رياضه)32000 وشويه
كده ممكن الحق حاسبات ومعلومات ؟

بصراحة مجهود جباااااااااااااااااااار

تسلم

جزاك الله خيرا
وجعلك ذخرا للوطن

انا جايب 91.5
وترتيبي على محافظه بورسعيد 788بدون المستوى (علمي مع ادبي)
وترتيبي على الجمهوريه(علمي رياضه)32000 وشويه
كده ممكن الحق حاسبات ومعلومات ؟

إن شاء الله تلحق يا ميدو لأن مجموعك وترتيبك كويسين
قدم على حاسبات وإن شاء الله ربنا يقدم اللى فيه الخير


بصراحة مجهود جباااااااااااااااااااار

تسلم

نورت الموضوع يا مستر
شكراً لمرورك الكريم


جزاك الله خيرا
وجعلك ذخرا للوطن


وإياكم أخى الكريم
شكراً على المرور

انا صاحبتى كتبت الرغبات بتاعتها بس مش طبعت الورقة ولا حفظت رقم الايصال كده فى مشكله؟

هو المرحله التانيه هتاخد بجد من 67 انا جايبه 66 ادبى يعنى ليه مينزلش المجموع لكده او ل 65 انا واقف معايا ع واحد فى الميه ياجماعه ده كلام حقيقى ولا ايه ؟؟؟؟

شكرا علي جهد حضرتك كنت عاوز اعرف حاجة ان عارف ان لسة بدري اوي بس علشان بجهز كل حاجة من ناو هو حجم الصور المطلوبة في التقديم كام ؟؟؟؟؟؟؟؟؟؟؟

الف شكر مجهود رائع

مد اختبارات القدرات إلي 6 أغسطس المصدر: الأهرام المسائى




قرر الدكتور معتز خورشيد وزير التعليم العالي والدولة للبحث العلمي مد اختبارات القدرات لطلاب الثانوية العامة الذين لم يتقدموا في المواعيد المقررة إلي 6 أغسطس المقبل. وصرح عبدالحميد سلامة وكيل أول الوزارة والمشرف العام علي موقع التنسيق بأن المواعيد المحددة لاختبارات القدرات تبدأ اليوم وتنتهي في 6 أغسطس مع طلاب الشهادات المعادلة ووفقا لليوم المحدد لكل اختبار.
انا اتصلت بمكتب التنسيق على 19468 وأكدولى الخبر
الحمد لله انا هقدم وربنا يوفق الجميع

أنا كتبت الرغبات و طبعت
أنا جايب 10 في المستوى
كاتبين جنا كلمة المجموع الكلي مجموعي بالمستوى و كاتبين جنب كلمة المجموع الكلي + درجة المستوى مجموعي بالمستوى كمان
فده غلط يعني لو واحد جايب مثلاً 390 و واخد ال 5 درجات بتوع المستوى المفروض بكتب في كل خانة 395؟؟؟؟
و معلش هكتب السؤال ده في المواضيع التانية بتاعة الاستفسارات
السلام عليكم و رحمة الله و بركاته

لو سمحت انا ادبي وجايب 82.8 الحق تجارة القاهرة ولا حلوان ولا عين الشمس (ارجو الرد) وشكراااااااا

مش عارفة اشكرك ازاى لك خالص شكرى ةحترامى

يسلموا الايادى

ينفع تعديل الرغبات بعد يوم الاربعاء للمرحلة اولى؟

ياجماااااااااااااااااااااااااااااعة المرحلة الاولى عملوا تنسيقهم ازاى على اساس ايه وعرفوا الجدود الدنيا ازاى انا هتجنن ومش عارفه اى حاجه فى اى حاجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ

انا صاحبتى كتبت الرغبات بتاعتها بس مش طبعت الورقة ولا حفظت رقم الايصال كده فى مشكله؟

لا مينفعش ، تدخل تانى وتطبع الورق أو على الأقل تحفظ رقم الإيصال ، لو مقدرتش تطبع لأن الرقم مهم جداً


هو المرحله التانيه هتاخد بجد من 67 انا جايبه 66 ادبى يعنى ليه مينزلش المجموع لكده او ل 65 انا واقف معايا ع واحد فى الميه ياجماعه ده كلام حقيقى ولا ايه ؟؟؟؟

لسه الحدود الدنيا للمرحلة الثانية لم تنزل بعد ، ومحدش عارف عنها حاجة لسه
اطمن ومتقلقش ، ان شاء الله خير


شكرا علي جهد حضرتك كنت عاوز اعرف حاجة ان عارف ان لسة بدري اوي بس علشان بجهز كل حاجة من ناو هو حجم الصور المطلوبة في التقديم كام ؟؟؟؟؟؟؟؟؟؟؟

صورة عادية للتقديم 4 × 6 ، والمطلوب 6 صور فقط


الف شكر مجهود رائع

شكراً على المرور أستاذ سيد ، الشكر لله


مد اختبارات القدرات إلي 6 أغسطس المصدر: الأهرام المسائى




قرر الدكتور معتز خورشيد وزير التعليم العالي والدولة للبحث العلمي مد اختبارات القدرات لطلاب الثانوية العامة الذين لم يتقدموا في المواعيد المقررة إلي 6 أغسطس المقبل. وصرح عبدالحميد سلامة وكيل أول الوزارة والمشرف العام علي موقع التنسيق بأن المواعيد المحددة لاختبارات القدرات تبدأ اليوم وتنتهي في 6 أغسطس مع طلاب الشهادات المعادلة ووفقا لليوم المحدد لكل اختبار.
انا اتصلت بمكتب التنسيق على 19468 وأكدولى الخبر
الحمد لله انا هقدم وربنا يوفق الجميع

شكرا على الخبر الهام أخى الكريم
وإن شاء الله بالتوفيق لك وللجميع


أنا كتبت الرغبات و طبعت
أنا جايب 10 في المستوى
كاتبين جنا كلمة المجموع الكلي مجموعي بالمستوى و كاتبين جنب كلمة المجموع الكلي + درجة المستوى مجموعي بالمستوى كمان
فده غلط يعني لو واحد جايب مثلاً 390 و واخد ال 5 درجات بتوع المستوى المفروض بكتب في كل خانة 395؟؟؟؟
و معلش هكتب السؤال ده في المواضيع التانية بتاعة الاستفسارات
السلام عليكم و رحمة الله و بركاته

المستوى خمس درجات فقط + مجموعك الكلى ، وده بيبقى مكتوب هما الإثنين جنب بعض عادى يبقى مجموعك 395 درجة


لو سمحت انا ادبي وجايب 82.8 الحق تجارة القاهرة ولا حلوان ولا عين الشمس (ارجو الرد) وشكراااااااا

إن شاء الله تلحقيها لأن مجموعك كويس أو ممكن تلحقى أداب على الأقل


مش عارفة اشكرك ازاى لك خالص شكرى ةحترامى

يسلموا الايادى

ينفع تعديل الرغبات بعد يوم الاربعاء للمرحلة اولى؟

الشكر لله أختى الكريمة ، وأنا تحت أمرك
ومينفعش تعدلى الرغبات بعد يوم الأربعاء ، التعديل متاح فقط إلى يوم الاربعاء الساعة 7 وبعد كده مش ينفع


ياجماااااااااااااااااااااااااااااعة المرحلة الاولى عملوا تنسيقهم ازاى على اساس ايه وعرفوا الجدود الدنيا ازاى انا هتجنن ومش عارفه اى حاجه فى اى حاجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ


كل مرحلة بتحدد مجموع القبول والتقديم فيها وليس الحد الأدنى للكليات وكذلك المرحلة الثانية سيحدد مجموع القبول فيها
لا تقلق ، اقرأ الموضوع ده كامل وإن شاء الله تستفيد

انا جايب 84 % ادبى هل ممكن اقبل فى كلية الآداب.

شكككككككككككككككككككككككرا

لوسمحت انا عايزه رد بسرعه من اي حد انا بعد ما طبعت الورقه اكتشفت انرقم الموبيل خطأ وبعدين دخلت وصححت وبعدين مش طبعت فى كده مشكله علشان ده اخر يوم بس معايا رقم الايصال

انا جايب 84 % ادبى هل ممكن اقبل فى كلية الآداب.

إن شاء الله كلية الأداب تقبلك لأن مجموعك كويس جداً
بالتوفيق


شكككككككككككككككككككككككرا

الشكر لله ، شكراً على المرور


لوسمحت انا عايزه رد بسرعه من اي حد انا بعد ما طبعت الورقه اكتشفت انرقم الموبيل خطأ وبعدين دخلت وصححت وبعدين مش طبعت فى كده مشكله علشان ده اخر يوم بس معايا رقم الايصال

رقم الإيصال كده تقريباً اتغير ، ادخلى تانى واختارى تعديل بس من غير تعديل حاجة ودوسى تسجيل وهتجيلك صفحة تانى برقم تانى اطبعيه واحفظى رقم الإيصال عشان كده اضمنلك وأحسن عشان احتمال يكون الرقم اتغير لأنك عملتى كده تعديل وغيرتى رقم الموبايل

ربنا يطمنك ياارب بس هو ممكن اما يقولوا المرحله الدنيا تظهر تكتب هتاخد من كام ؟
وانا كنت قدمت فى امتحان القدرات و نجحت فيه الحمدلله وكان رئيس الكليه بيقول انها هتاخد من 50 فى الميه قسم االموسيقى ده صخ ولا لا؟

ممكن اعرف الكليات المتاحة لعلمي رياضه

:

لو سمحت ايهما افضل...

:

صيدلة الزقازيق ام صيدلة حلوان...؟؟؟؟

وجزاكم الله خيرا

ربنا يطمنك ياارب بس هو ممكن اما يقولوا المرحله الدنيا تظهر تكتب هتاخد من كام ؟
وانا كنت قدمت فى امتحان القدرات و نجحت فيه الحمدلله وكان رئيس الكليه بيقول انها هتاخد من 50 فى الميه قسم االموسيقى ده صخ ولا لا؟


لما تبدأ المرحلة الثانية سيحدد الحد الأدنى للقبول لها للعلمى والأدبى كما فى المرحلة الأولى ، وكمان أعداد القبول بها والأماكن الفارغة والكليات المتاحة
مش عارف والله حكاية الخمسين % دى ، بس إن شاء الله ربنا يوفقك


ممكن اعرف الكليات المتاحة لعلمي رياضه

بيان بكل الكليات المتاحة لعلمى رياضة
http://tansik.egypt.gov.eg/application/Dalel/5-1-2.htm


:

لو سمحت ايهما افضل...

:

صيدلة الزقازيق ام صيدلة حلوان...؟؟؟؟

وجزاكم الله خيرا

الاثنين حلوين بس للأسف معرفش معلومات عنهم لأنى من سوهاج ، ومش متابع جامعات بحرى
تحياتى

شكرا لك وبارك الله فيك

شكرا لك وبارك الله فيك

الشكر لله ، وبارك الله فيكى
بالتوفيق

انا جبت 87% فى اولى عايز اعرف الكليات المتاحة فى علمى رياضة ولا احول؟؟؟؟؟؟؟؟؟؟؟؟

ارجوووووو الرد ((مطنشنيش))

لو سمحتم عايزة تنسيق كلية الصيدلة فى كل المحافظات

بارك الله فيك

85% يجيبوا تجارة التجارة ...؟؟؟

انا جبت 87% فى اولى عايز اعرف الكليات المتاحة فى علمى رياضة ولا احول؟؟؟؟؟؟؟؟؟؟؟؟

دى الكليات المتاحة لعلمى رياضة

http://tansik.egypt.gov.eg/application/Dalel/5-1-2.htm


ارجوووووو الرد ((مطنشنيش))


أخى أنا الحمد لله مش بطنش حد خالص ولو تلاحظ فى الموضوع كله إن كل سؤال تم الرد عليه
وحضرتك عامل المشاركة وبعد دقيقتين عايز الرد وحضرتك بتقول بتطنشنى
أرجو منك أن تصبر حتى يتم الرد على سؤالك فى أقرب وقت
شكراً

لو سمحتم عايزة تنسيق كلية الصيدلة فى كل المحافظات

ده تنسيق كلية الصيدلة من عام 2004 إلى 2009
http://tansik.egypt.gov.eg/application/LimitE2009.htm
http://tansik.egypt.gov.eg/application/LimitE2008.htm
http://tansik.egypt.gov.eg/application/LimitE2007.htm
http://tansik.egypt.gov.eg/application/LimitE2006.htm
http://tansik.egypt.gov.eg/application/LimitE2005.htm
http://tansik.egypt.gov.eg/application/LimitE2004.htm

بارك الله فيك

وفيكم أخى الكريم ، وفقكم الله


85% يجيبوا تجارة التجارة ...؟؟؟

إن شاء الله يجيبوا مرحلة أولى تجارة لأن مجموعك كويس جداً وبإذن الله تلحق
بالتوفيق

لو سمحت انا جايبه 93.5 ومرحله تانيه انا عايوه اعرف المرحله التانيه هتبدء امتى وايه الكليات اللى فى المرحله التانيه وبعدين عشان انا مرحله تانيه مينفعشى اكتب فى التنسيق طب بيطرى ولا هما هيقولولى لسه الاماكن المتبقيه فى الكليا ت

نا جايبه 87.9 ومش عارفه هلحق ايه بس انا كان نفسى ف السن واهى طارت ممكن حد يرشدنى للكليه الى هتقبل مجموعى وتبقى وكويسه وشكرا

ممكن تشوفي فنون جميلة قسم فنون طبعاً لو ليكي في الرسم او ممكن تقدمي في تربية اي قسم او اداب اي لغة اجنبية
غير كدة بقا هيبقا كلية الشعب وامرك لله

سؤال بقا ... دلوقتى انا مرحله اولى وخلصت وكتبت كل رغباتى تمام التمام بس ولا طبعت الرغبات ولا اخدت رقم الايصال اعمل ايه دلوقتى

مع العلم ان بخش دلوقتى لقيت لدنيا قفلت وضلمت

هية المرحلة التانية هتبدأ امتى؟
والحد الادنى بتاعها كام؟
وانا صاحبتي جايبة 70 يا ترى تلحق كلية واية الكليات المتاحة ليها ؟
يا ريت اللى يعرف يجاوبنى

جزاك الله كل خير

هية المرحلة التانية هتبدأ امتى؟
والحد الادنى بتاعها كام؟
وانا صاحبتي جايبة 70 يا ترى تلحق كلية واية الكليات المتاحة ليها ؟
يا ريت اللى يعرف يجاوبنى
إنتهي أمس طلاب المرحلة الأولي للتنسيق من ‬تسجيل رغباتهم للالتحاق بالجامعات والمعاهد العليا للحاصلين بحد أدني علي 93.9% ‬للعلمي و79.2% ‬للأدبي.. ‬واصلت اللجنة العليا للتنسيق اعمالها حتي الساعات الأولي من صباح اليوم حيث تم البدء في توزيع الطلاب علي الكليات وفقا لرغباتهم وطبقا لقواعد التوزيع الجغرافي.. ‬ومن المقرر ان يعلن د.معتز خورشيد وزير التعليم العالي نتيجة هذه المرحلة والحد الأدني للقبول بالكليات خلال ٢٧ ‬ساعة علي ان تبدأ المرحلة الثانية للتنسيق الثلاثاء ولمدة ٥ ‬أيام ومن المتوقع تقبل 145 ‬ألف طالب وطالبة بحد أدني 305 درجات بنسبة 74.4% ‬للعلمي و274.5 ‬درجة بنسبة 67% ‬للأدبي.



ان شاء الله كل حاجة هتبان لما التنسيق بتاع المرحلة الاولى

ينزل بصراحة انا مش اعرف

فى حكاية الدرجات دى والكليات بس ان شاء الله ربنا يدلها

اللى هى عايزاه ان شاء الله

وان شاء الله مصطفى يفيدك اكتر منى بس انا كنت عايزة

اساعدك فى الحال يعنى

والله الموفق :049gc0:


ضــــــــــــــــــــى الفجر

لو سمحت انا جايبه 93.5 ومرحله تانيه انا عايوه اعرف المرحله التانيه هتبدء امتى وايه الكليات اللى فى المرحله التانيه وبعدين عشان انا مرحله تانيه مينفعشى اكتب فى التنسيق طب بيطرى ولا هما هيقولولى لسه الاماكن المتبقيه فى الكليا ت
إنتهي أمس طلاب المرحلة الأولي للتنسيق من ‬تسجيل رغباتهم للالتحاق بالجامعات والمعاهد العليا للحاصلين بحد أدني علي 93.9% ‬للعلمي و79.2% ‬للأدبي.. ‬واصلت اللجنة العليا للتنسيق اعمالها حتي الساعات الأولي من صباح اليوم حيث تم البدء في توزيع الطلاب علي الكليات وفقا لرغباتهم وطبقا لقواعد التوزيع الجغرافي.. ‬ومن المقرر ان يعلن د.معتز خورشيد وزير التعليم العالي نتيجة هذه المرحلة والحد الأدني للقبول بالكليات خلال ٢٧ ‬ساعة علي ان تبدأ المرحلة الثانية للتنسيق الثلاثاء ولمدة ٥ ‬أيام ومن المتوقع تقبل 145 ‬ألف طالب وطالبة بحد أدني 305 درجات بنسبة 74.4% ‬للعلمي و274.5 ‬درجة بنسبة 67% ‬للأدبي.

دة بالنسبة للسؤال الاول

طبعا بردوووووو لما التنسيق بتاع المرحلة الاولى ينزل

كل حاجة هتبان وهتوضح وهتعرفك اذا كانت فيه اماكن

متبقيه ام لا فى الكليه وعلى اساسها تقدرى تقدمى فى

الكليه اللى انتى عايزاها

وان شاء الله تدخلى الكليه اللى انتى عايزاها ان شاء الله


انابس حبيت اساعد شوية يا مصطفى واكيد انت هتأكد على

كلامى دة :022yb4:

والله الموفق :049gc0:
ضــــــــــى الفجر

إن شاء الله تلحقيها لأن مجموعك كويس أو ممكن تلحقى أداب على الأقل









شكرا علي الرد ربنا يجزاك خيرا:022yb4::friendsxs3::d

لو سمحت انا جايبه 93.5 ومرحله تانيه انا عايوه اعرف المرحله التانيه هتبدء امتى وايه الكليات اللى فى المرحله التانيه وبعدين عشان انا مرحله تانيه مينفعشى اكتب فى التنسيق طب بيطرى ولا هما هيقولولى لسه الاماكن المتبقيه فى الكليا ت

ده كله هيتحدد بعد نتيجة المرحلة الأولى إن شاء الله ، وسيتم تحديد أعداد القبول بالكليات والحد الأدنى لها والأماكن المتبقية فى كل كلية
بالتوفيق


سؤال بقا ... دلوقتى انا مرحله اولى وخلصت وكتبت كل رغباتى تمام التمام بس ولا طبعت الرغبات ولا اخدت رقم الايصال اعمل ايه دلوقتى

مع العلم ان بخش دلوقتى لقيت لدنيا قفلت وضلمت

خلاص مش مشكلة ، خليها على الله وإن شاء الله تعدى على خير


هية المرحلة التانية هتبدأ امتى؟
والحد الادنى بتاعها كام؟
وانا صاحبتي جايبة 70 يا ترى تلحق كلية واية الكليات المتاحة ليها ؟
يا ريت اللى يعرف يجاوبنى

سيظهر ذلك كله بعد نتيجة المرحلة الأولى ، وسيتحدد أعداد القبول بكل كلية إن شاء الله


جزاك الله كل خير.

وإياكم أختى الكريمة ، بارك الله فيكى


إنتهي أمس طلاب المرحلة الأولي للتنسيق من ‬تسجيل رغباتهم للالتحاق بالجامعات والمعاهد العليا للحاصلين بحد أدني علي 93.9% ‬للعلمي و79.2% ‬للأدبي.. ‬واصلت اللجنة العليا للتنسيق اعمالها حتي الساعات الأولي من صباح اليوم حيث تم البدء في توزيع الطلاب علي الكليات وفقا لرغباتهم وطبقا لقواعد التوزيع الجغرافي.. ‬ومن المقرر ان يعلن د.معتز خورشيد وزير التعليم العالي نتيجة هذه المرحلة والحد الأدني للقبول بالكليات خلال ٢٧ ‬ساعة علي ان تبدأ المرحلة الثانية للتنسيق الثلاثاء ولمدة ٥ ‬أيام ومن المتوقع تقبل 145 ‬ألف طالب وطالبة بحد أدني 305 درجات بنسبة 74.4% ‬للعلمي و274.5 ‬درجة بنسبة 67% ‬للأدبي.



ان شاء الله كل حاجة هتبان لما التنسيق بتاع المرحلة الاولى

ينزل بصراحة انا مش اعرف

فى حكاية الدرجات دى والكليات بس ان شاء الله ربنا يدلها

اللى هى عايزاه ان شاء الله

وان شاء الله مصطفى يفيدك اكتر منى بس انا كنت عايزة

اساعدك فى الحال يعنى

والله الموفق :049gc0:


ضــــــــــــــــــــى الفجر





شكراً يا ضى على المتابعة وعلى الخبر
وإن شاء الله كلها 48 ساعة بالكتير وهتظهر كل حاجة وبلاش استعجال ، وإن شاء الله ربنا يجيب كل خير


إنتهي أمس طلاب المرحلة الأولي للتنسيق من ‬تسجيل رغباتهم للالتحاق بالجامعات والمعاهد العليا للحاصلين بحد أدني علي 93.9% ‬للعلمي و79.2% ‬للأدبي.. ‬واصلت اللجنة العليا للتنسيق اعمالها حتي الساعات الأولي من صباح اليوم حيث تم البدء في توزيع الطلاب علي الكليات وفقا لرغباتهم وطبقا لقواعد التوزيع الجغرافي.. ‬ومن المقرر ان يعلن د.معتز خورشيد وزير التعليم العالي نتيجة هذه المرحلة والحد الأدني للقبول بالكليات خلال ٢٧ ‬ساعة علي ان تبدأ المرحلة الثانية للتنسيق الثلاثاء ولمدة ٥ ‬أيام ومن المتوقع تقبل 145 ‬ألف طالب وطالبة بحد أدني 305 درجات بنسبة 74.4% ‬للعلمي و274.5 ‬درجة بنسبة 67% ‬للأدبي.

دة بالنسبة للسؤال الاول

طبعا بردوووووو لما التنسيق بتاع المرحلة التانية ينزل

كل حاجة هتبان وهتوضح وهتعرفك اذا كانت فيه اماكن

متبقيه ام لا فى الكليه وعلى اساسها تقدرى تقدمى فى

الكليه اللى انتى عايزاها

وان شاء الله تدخلى الكليه اللى انتى عايزاها ان شاء الله


انابس حبيت اساعد شوية يا مصطفى واكيد انت هتأكد على

كلامى دة :022yb4:

والله الموفق :049gc0:
ضــــــــــى الفجر




100% يا ضى ، كلامك مظبوط وإن شاء الله يومين وهتظهر كل حاجة للجميع ، عشان نرتاح كلنا :friendsxs3:
وبشكرك كتييييير على المتابعة والردود ، وعلى المساعدة
شكراً ليكى يا ضى :)


إن شاء الله تلحقيها لأن مجموعك كويس أو ممكن تلحقى أداب على الأقل









شكرا علي الرد ربنا يجزاك خيرا:022yb4::friendsxs3::d
شكراً على المرور أخى الكريم ، وفقكم الله

هى نتيجة الدور التانى بتظهر بعدها بقد ايه ؟؟

هو تقديم كليه التربيه النوعيه قسم موسيقى هيبقى خارج التنسيق ولا ايه؟ واقدم فيها ازاى ممكن مساعده
معلش عارفه انى ازعجتك :(

هو انا لو جالي طب سوهاج مثلا بينفع انقل القاهرة بعد لما التنسيق يخلص ولا ايه النظام ؟
انا سمعت ان ده النظام الجديد ، ولا لازم علشان انقل القاهرة لازم انقل كلية تانية واسيب الطب ؟

سلام عليكم .,
بارك الله فيك اخي الكريم مصطفى على هذا المجهود .,

انا كنت عايزه اسئل انا دلوقتي مرحله تانيه .,
هنبدا تسجيل الرغبات يوم الثلاثاء القادم ولا الخميس ؟؟؟
والتسجيل لينا من على الانترنت هيبدا امتى ؟؟؟

يا جماااااااعه لو سمحتوا
انا جايبه 96.5
يعنى 396
ياترى الحق صيدله ولا حد يطمنى يا جماعه الارقام اللى بنشوفهه ف الجرايد تعبتنى خلاص
بس يكون كلام واقعى
وسؤال تانى لو سمحتوا علاج طبيعى القاهره
بتاخد تقريبا كام طالب

هى نتيجة الدور التانى بتظهر بعدها بقد ايه ؟؟

حضرتك تقصد امتحانات الدور الثانى ولا المرحلة الثانية من التنسيق ؟؟


هو تقديم كليه التربيه النوعيه قسم موسيقى هيبقى خارج التنسيق ولا ايه؟ واقدم فيها ازاى ممكن مساعده
معلش عارفه انى ازعجتك :(


والله كان نفسى أساعدك بس أنا معرفش حاجة خالص عن كلية التربية النوعية وشروطها
انتى ممكن تروحى الجامعة وتستفسرى عنها وهما هيساعدوكى أكتر


هو انا لو جالي طب سوهاج مثلا بينفع انقل القاهرة بعد لما التنسيق يخلص ولا ايه النظام ؟
انا سمعت ان ده النظام الجديد ، ولا لازم علشان انقل القاهرة لازم انقل كلية تانية واسيب الطب ؟

التحويل بيبقى لمنطقة ( أ ) فقط للتوزيع الجغرافى ، لكلية مناظرة أو غير مناظرة
يعنى لو انت من القاهرة وجاتلك سوهاج ممكن تحول للقاهرة بس لازم تكون جايب مجموع القاهرة


سلام عليكم .,
بارك الله فيك اخي الكريم مصطفى على هذا المجهود .,

انا كنت عايزه اسئل انا دلوقتي مرحله تانيه .,
هنبدا تسجيل الرغبات يوم الثلاثاء القادم ولا الخميس ؟؟؟
والتسجيل لينا من على الانترنت هيبدا امتى ؟؟؟

لسه لم يحدد تنسيق المرحلة الثانية
سيتم الإعلان عنه بعد نتيجة المرحلة الثانية إن شاء الله


يا جماااااااعه لو سمحتوا
انا جايبه 96.5
يعنى 396
ياترى الحق صيدله ولا حد يطمنى يا جماعه الارقام اللى بنشوفهه ف الجرايد تعبتنى خلاص
بس يكون كلام واقعى
وسؤال تانى لو سمحتوا علاج طبيعى القاهره
بتاخد تقريبا كام طالب

إن شاء الله تلحقى وملكيش دعوة بأى توقعات تنزل
والأفضل إنك تنتظرى نتيجة المرحلة الأولى عشان كل حاجة توضح للجميع
بالتوفيق

الله يباركلك يارب ويجعلك لفعل الخير دايما وشكرا على المجهود الكبير ده

الله يباركلك يارب ويجعلك لفعل الخير دايما وشكرا على المجهود الكبير ده


ويبارك فيك أخى الكريم ، شكراً على المرور وأنا فى الخدمة
شكراً لك

شكرا استاذ مصطفى ع اهتمامك بالرد ويارب الحق صيدله ادعولى

شكراً ليك علي مجهودك
وربنا يجعله في ميزان حسناتك

طيب معلش سؤال رخم

انا 71.7 هل هلحق اى حقوق فى القاهرة او عين شمس او حلوان ولا صعب

ربنا يسهل
في المرحلة التانية
ننتظرها وكلنا امل في الله كبير
أنا جايبة 78 علمي علوم
يا ترى هلحق كلية كويسة
حد يطمني

يا جماعة ياريت حد يقول لى نتيجة التنسيق والترشيح هعرفه ازاى هيبقى ع النت برضه ولو أيوه هيبقى على موقع ايه ؟؟ ولا هيبعت جواب ترشيح ع البيت زى زمان خصوصا ان مفيش عنوان .