مشاهدة النسخة كاملة : ادخل وهتعرف ازاى تذاكر
فلانتينو البوابة 23-07-2011, 09:13 AM بسم الله الرحمن الرحيم
انا طالب فى تالتة ثانوى احب اقدم لكم نبذة بسيطة عن كيفية الاستذكار بصورة جيدة لنصل الى التفوق الباهر باذن الله
اولا اللغة العربية
1** الاستذكار من كتاب الوزارة فقط (لشروحه وتعليقاته التى لا يخرج عنها الامتحان وامتحان العام الماضى وهذا العام خير دليل)
2**تسالنى وتقولى (كتاب الوزارة ولا فيه معانى المفردات ولا فيه اسئلة تغطى كل المنهج )
الرد (يكون معاك كتاب الاضواء_قديم_طبعا مش هنذاكر منه (ده هناخد منه جميع المفردات والصور البلاغية
اما الاسئلة (يكون معاك كتاب الامتحان ) وتجاوب على اسئلته
وبرضه اكرر الامتحان لا يطلب منك صورة بلاغية او شرح او اى سؤال الا وكان موجود فى كتاب الوزارة ولكن من باب الاحتراس
التوقيع (فلانتينو البوابة)
فلانتينو البوابة 23-07-2011, 09:15 AM ثانيا اللغة الانجليزية
1** طبعا هنذاكر من الملزمة اللى ماشين بيها مع الاستاذ
ولكن احبذ الكتب الخارجية (كتاب top student وكمان the best ) دول افضل كتابين فى الانجليزى
وذلك لارتباط الكتب الخارجية بكتاب الوزارة لانة بيجيب reading ويشرحلك بطريقة جذابة
نصيحة اخوية
احبذ يكون معاك كشكول كبير تكتب فيه كل المفردات الجديدة والمهمة(( وخصوصا المتعلقة بالوطن والانتاج والاقتصاد الخ))
خليك فاكر ان الانجليزى مادة بحرها واسع لما تلم تلك المعانى والمفردات هتلقاها بعدين وترتاح وتريح نفسك
ايضا يكون معاك كشكول كبير لكتابة كل البراجرافات المتعلقة بالدروس (كمثال درس اليوم د_مجدى يعقوب يعنى تكلم عن شخصية مثالية) ملحوظة العام الماضى كانت حالة نادرة بالنسبة للبرجراف لانه دايما يجيب براجراف متعلق بدروس المنهج لذلك انصح بالكتب الخارجية لانها بتجيبلك reading وكمان listening اللى هيساعدوك تكتب اى براجراف وكذلك الكلمات الجديدة اللى بتوظفها مع reading و listening
التوقيع (فلانتينو البوابة)
فلانتينو البوابة 23-07-2011, 09:17 AM ثالثا الفيزياء
1*** طبعا هنذاكر من كتاب الوزارة
2*** والمسائل نحلها من كتاب الامتحان (الافضل على الاطلاق)
طيب نحلها ازاى (تكون جايب دستة ورق تصوير وتكعبه وتعمله على هيئة مذكرة وتكتب فيها السؤال اللى فى الكتاب واجابته النموذجية طبعا وبكده ضربت عصفورين بحجر 1(منها بتحل وتذاكر )2(وكمان مش هتتعب فى المراجعة وتوفر الوقت والجهد لمواد تانية
انا عملت كده فى سنة تانية فى الرياضة وكنت جاهز احل اصعب المسائل لانى كنت بجمع فى المذكرة اسئلة (لامى والمعاصر والماهر كمان)
التوقيع (فلانتينو البوابة )
فلانتينو البوابة 23-07-2011, 09:20 AM رابعا علم النفس وده اللى انا اخدته
1*** هنذاكر من كتاب الوزارة
2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته
والملخص اللى نحل منه هو كتاب الامتحان
طبعا دى فكرة جميلة جدا بالنسبة للمواد الادبية اللى لازم تذاكر بالكتابة لسهوله حفظها
التوقيع (فلانتينو البوابة)
فلانتينو البوابة 23-07-2011, 09:22 AM خامسا الاحياء
1*** هنذاكر من كتاب الوزارة
2*** برضة نجيب دستة ورق تصوير ونكعبه ونعمله على هيئة مذكرة ونكتب السؤال باجابته
والملخص اللى نحل منه هو كتاب الامتحان
طبعا الاختيارى نحله فى نفس الملخص اما الشروحات وكمان الرسومات الافضل نكتبها بنفسينا علشان المذاكرة الشفوية بتضيع حاجات كتير من ذاكرتك وكمان تتدرب على حل الامتحان من اول يوم فى السنة
واحلى طريقة لجعل المادة سهلة مبسطة هى طريقة السؤال والجواب ده بعد المذاكرة المتقنة طبعا
اما رياضيات 2 فنفس الكلام اللى قولته فى الفيزياء يطبق فى رياضيات 2
وطبعا باحترم كل واحد وكل واحد له طريقة معينة فى الاستذكار
التوقيع (فلانتينو البوابة)
فلانتينو البوابة 23-07-2011, 09:23 AM اثبت وجودك ولا تشاهد وترحل
د / الشيماء 23-07-2011, 06:23 PM رائـــــــــــع جدااااااا
ربنا يوفقنا كلنا السنة دى يا رب
ويا ريت كلنا السنة دى من اول يوم فى السنة نكون ايد واحدة ع الموقع ونساعد بعض زى ما كنا فى الايام الاخيرة فى قسم الكيمـيــــاء بجد كان فى تعاون ومنافسة جامدة اووى اتمنى دا يكون موجود فى كل الاقسام وكلو يكون عندو همــة من اول السنة ....
الشيمـــــاء
فلانتينو البوابة 23-07-2011, 07:00 PM شكرا لمرورك ويا ريت تفيدينا فيما بعد
yousf20 23-07-2011, 07:09 PM يا جماعه انا جبت السنه دى 97.5 % ممكن اجيب طب اعام القادم ولا احسن احول علمى رياضه
فلانتينو البوابة 23-07-2011, 11:12 PM يا جماعه انا جبت السنه دى 97.5 % ممكن اجيب طب اعام القادم ولا احسن احول علمى رياضه
الحد الادنى للطب 98.5 لو عارف انك جدير جدير تجيب مجموع زى ده خليك علوم
غير كدة رياضة احسن
آية ممدوح 23-07-2011, 11:20 PM جميلة جدا جدا ما شاء الله
ان شاء الله تكون سنة حلوة علينا يااااااااااارب
انا الحمد لله جبت 98.3
ومحتارة بين علمي علوم ورياضة
وانا بحب العلمي علوم اكتر
بس خايفة من المجاميع
hatemT 23-07-2011, 11:32 PM شكراً ليكم على تفاعلكم
وربنا يكرمكم السنة دي
hatemT 23-07-2011, 11:33 PM جميلة جدا جدا ما شاء الله
ان شاء الله تكون سنة حلوة علينا يااااااااااارب
انا الحمد لله جبت 98.3
ومحتارة بين علمي علوم ورياضة
وانا بحب العلمي علوم اكتر
بس خايفة من المجاميع
ادخلي الحاجة إللي أنتي بتحبيها:)
ومش هتندمي إن شاء الله
صفــاء الروح 24-07-2011, 12:06 AM ثالثا الفيزياء
1*** طبعا هنذاكر من كتاب الوزارة
2*** والمسائل نحلها من كتاب الامتحان (الافضل على الاطلاق)
طيب نحلها ازاى (تكون جايب دستة ورق تصوير وتكعبه وتعمله على هيئة مذكرة وتكتب فيها السؤال اللى فى الكتاب واجابته النموذجية طبعا وبكده ضربت عصفورين بحجر 1(منها بتحل وتذاكر )2(وكمان مش هتتعب فى المراجعة وتوفر الوقت والجهد لمواد تانية
انا عملت كده فى سنة تانية فى الرياضة وكنت جاهز احل اصعب المسائل لانى كنت بجمع فى المذكرة اسئلة (لامى والمعاصر والماهر كمان)
التوقيع (فلانتينو البوابة )
موضوع الحل فى ورق دا مفيد جدا..أنا اكتشفت كدا فى امتحانات تانية السنة دى..جيت اراجع المسائل بس ملقتش الحل...عشان مكنتش بحل فى ورق..أو بحل فى ورق واضيعه..كان متعب أوى انك تقعد تحل المسائل من أول وجديد وبيبقى مربك يوم الامتحان لو اتلخبط فى مسألة
بس سؤال بقى كنت بتكتب كل المسائل ولا المسائل المهمة بس؟؟ وأحيانا بيبقى فى أفكار مكررة..يعنى أنا لما بلاقى أفكار مكررة بحلها شفوى ..وببقى عارفة انها زى اللى قبلها مثلا؟؟..ولا مهم انى يكون معايا كل المسائل؟؟!!
جزاك الله خيرا :)
أنين الأنين 24-07-2011, 01:08 AM بجد افادنى كتير
جزاااك الله خير الجزااااء
basma 2010 27-07-2011, 09:51 AM ثالثا الفيزياء
1*** طبعا هنذاكر من كتاب الوزارة
2*** والمسائل نحلها من كتاب الامتحان (الافضل على الاطلاق)
طيب نحلها ازاى (تكون جايب دستة ورق تصوير وتكعبه وتعمله على هيئة مذكرة وتكتب فيها السؤال اللى فى الكتاب واجابته النموذجية طبعا وبكده ضربت عصفورين بحجر 1(منها بتحل وتذاكر )2(وكمان مش هتتعب فى المراجعة وتوفر الوقت والجهد لمواد تانية
انا عملت كده فى سنة تانية فى الرياضة وكنت جاهز احل اصعب المسائل لانى كنت بجمع فى المذكرة اسئلة (لامى والمعاصر والماهر كمان)
التوقيع (فلانتينو البوابة )
شكرااااااااااااااااااااااااااااااااااااااااااااااا اااا
الزهراء2 27-07-2011, 10:27 AM بارك الله فيك
طيب بالنسبة للمستوى الرفيع عملت فيه ايه؟
دعاء السيد كامل 27-07-2011, 11:41 AM أنا كمان معاكو إن شاء الله و الأفكار اللي قدمتوها جميلة جدًا و شكر خاص لفلانتينو البوابة على حرصه على إفادة الجميع و أنا بطرح فكرة تانية ياريت نحدد كل يوم مع بعض بجانب المذاكرة اليومية وقت لحفظ القرآن الكريم أو المراجعة للي حافظه و كل واحد يكتب اللي حفظه و اللي ذاكره كمان و نشوف مين اللي بيحافظ على اللي حددناه و نشجعه و مين المقصر ونحاول نساعده
وشكرًا
قلبي ملك لربي 27-07-2011, 01:17 PM هو موضوع جميل جدا بس فين الرياضه
مناجاةُ النجاةَََِ 27-07-2011, 01:31 PM نصايح مفيدة جدا...و فكرة الورق حلوة اوي انا كنت بذاكر واحل مسائل ف ورق وبعدين يضيع
بس هعمل زي ما حضرتك قولت...بارك الله فيك
يا رب النجاح 27-07-2011, 02:14 PM جزاك الله كل خير
*moon* 27-07-2011, 02:36 PM جزاك الله خيرا
بجد موضوع مفيد جداا
العربى فعلا مش بيتذاكر غير من كتاب الوزارة لان ده الاساس
وامتحان السنة دى كان فعلا من الكتاب
بس عندى استفسار انا كنت احياء ف تانية
ولسه هاخد كميا السنة دى ان شاء الله
عاوزة اعرف اذاكر الكميا من كتاب المدرسة ولا مش بيبقى منظم ؟؟!
وانا جايبة السنادى98.3 وترتيبى ع الجمهورية 15الف وشوية كده
ممكن الحق صيدلة السنة الجاية ان شاء الله ولا بعيييدة؟؟!
آه وكان عندى سؤال كمان معلش
هوا فى كتاب للمستوى الرفيع بنستلمه م المدرسة ولا اجيب ملخص؟؟
واسفة ع التطويل
love12345 27-07-2011, 02:39 PM شكرااااااااااااااااااااااااااااااااااااااااااااااا ااااااااااااااااااا
أجمل زهرة 28-07-2011, 12:16 AM جزاكم الله خيرا
ربنا يوفق الجميــــــــــع
اللهم بلغنا رمضان...آآآمــــــــــــين
egymessi 28-07-2011, 06:25 AM شكراُ & بس ممكن تقولنا طريقة لسنة تانية
شعبان رجب 28-07-2011, 04:36 PM اشكرك على المعلومات المفيدة ده
فلانتينو البوابة 28-07-2011, 08:37 PM موضوع الحل فى ورق دا مفيد جدا..أنا اكتشفت كدا فى امتحانات تانية السنة دى..جيت اراجع المسائل بس ملقتش الحل...عشان مكنتش بحل فى ورق..أو بحل فى ورق واضيعه..كان متعب أوى انك تقعد تحل المسائل من أول وجديد وبيبقى مربك يوم الامتحان لو اتلخبط فى مسألة
بس سؤال بقى كنت بتكتب كل المسائل ولا المسائل المهمة بس؟؟ وأحيانا بيبقى فى أفكار مكررة..يعنى أنا لما بلاقى أفكار مكررة بحلها شفوى ..وببقى عارفة انها زى اللى قبلها مثلا؟؟..ولا مهم انى يكون معايا كل المسائل؟؟!!
جزاك الله خيرا :)
طبعا كل المسائل واللى انت عارفة انها مكررة ما تعيديهاش لكن الكلام للرياضة فقط اما الاحياء وعلم النفس واللغة العربية كررى وكررى وكررى علشان المعلومة تثبت فى الدماغ
التوقيع (فلانتينو البوابة )
فلانتينو البوابة 28-07-2011, 08:39 PM بجد افادنى كتير
جزاااك الله خير الجزااااء
شكرا لمرورك الطيب ونرجو المزيد من المشاركات
التوقيع (فلانتينو البوابة)
فلانتينو البوابة 28-07-2011, 08:42 PM بارك الله فيك
طيب بالنسبة للمستوى الرفيع عملت فيه ايه؟
نفس الكلام يا زهراء
وانصحك تذاكريه من اول السنة و الافضل يكون عربى
التوقيع (فلانتينو البوابة )
فلانتينو البوابة 28-07-2011, 08:47 PM أنا كمان معاكو إن شاء الله و الأفكار اللي قدمتوها جميلة جدًا و شكر خاص لفلانتينو البوابة على حرصه على إفادة الجميع و أنا بطرح فكرة تانية ياريت نحدد كل يوم مع بعض بجانب المذاكرة اليومية وقت لحفظ القرآن الكريم أو المراجعة للي حافظه و كل واحد يكتب اللي حفظه و اللي ذاكره كمان و نشوف مين اللي بيحافظ على اللي حددناه و نشجعه و مين المقصر ونحاول نساعده
وشكرًا
كل الكلام اللى قولته انا كوم وكلامك اللى زى الشهد ده كوم تانى
فعلا مافيش احسن من حفظ القران الكريم
لدرجة انى انا فى ايام المراجعة عاهدت نفسى انى احفظ سورة الكهف للامتحان وقعدت احفظ فيها كل يوم 10 ايات لغاية ما حفظتها كلها وكنت بحس براحة نفسية وانشراح للمذاكرة
يا ريت السنة دى نحاول نجرب كدة فى سورة النمل ويا ريت سورة يس
هذا الموضوع تحت النظر
التوقيع ( فلانتينو البوابة)
فلانتينو البوابة 28-07-2011, 08:49 PM هو موضوع جميل جدا بس فين الرياضه
اقرأ الموضوع كويس وهتعرف انا قولت ايه بخصوص الرياضيات
التوقيع (فلانتينو البوابة)
فلانتينو البوابة 28-07-2011, 08:51 PM نصايح مفيدة جدا...و فكرة الورق حلوة اوي انا كنت بذاكر واحل مسائل ف ورق وبعدين يضيع
بس هعمل زي ما حضرتك قولت...بارك الله فيك
شكرا لتقديرك لهذا الموضوع
التوقيع (فلانتينو البوابة)
فلانتينو البوابة 28-07-2011, 08:53 PM جزاك الله كل خير
من هنا ورايح سمى نفسك (يا رب التفوق )
بالتوفيق للجميع
التوقيع (فلانتينو البوابة)
Eng. Ahmed Said 29-07-2011, 02:11 AM بُص أنا كنت دايماً بعتمد في مذاكرتي علي وجود كشاكيل ومذكرات جنبي، أي سؤال جديد أو حلو أقابله لازم بدونه، دايماً دايماً دايماً بكتب ملاحظاتي علي الأسئلة وأكتب أفكارها وأرجعها من وقت للتاني علشان علشان مانساش،كنت بكتب تعليقاتي بأسلوب عامي دمه خفيف علشان يثبت المعلومة أكتر،
لازم إللي بيذاكر يبقي ليه بصمة علي كتبه..لازم يبقي معاك ماركر وأقلام ألوان عشان تريح العين..لازم حل إمتحانات السنين الفاتت لإنها فيها تدريبات كتاب لمدرسة وأسئلته مع أسئلة النماذج ولكن بصيغة الإمتحانات اللي هتشوفها السنادي إن شاء الله
أنا الحمدلله مخلص كشاكيل وورق كتير جدا جدا السنادي علي الحل الفردي بتاعي غير شغلي مع المستر وكده، بحس إني بثبت إللي فهمته أكتر وبحل السؤال إللي وقفت قدامه أكتر من مرة مش مجرد الإكتفاء بإنك عرفت المعلومة وخلاص..آخر حاجة لازم كل الناس تبدأ السنة بقوة جامدة جداً وتحاول تخفف الحمل بتاع آخر السنة .. والله كل يوم بيضيع من غير فايدة حقيقية من أول السنة هتحس بيه آخر السنة وتندم عليه
Eng. Ahmed Said 29-07-2011, 02:16 AM وطبعاً جزاك الله خير علي تعبك ، بالتوفيق ليكم ولينا بإذن الله
فلانتينو البوابة 29-07-2011, 04:19 PM بُص أنا كنت دايماً بعتمد في مذاكرتي علي وجود كشاكيل ومذكرات جنبي، أي سؤال جديد أو حلو أقابله لازم بدونه، دايماً دايماً دايماً بكتب ملاحظاتي علي الأسئلة وأكتب أفكارها وأرجعها من وقت للتاني علشان علشان مانساش،كنت بكتب تعليقاتي بأسلوب عامي دمه خفيف علشان يثبت المعلومة أكتر،
لازم إللي بيذاكر يبقي ليه بصمة علي كتبه..لازم يبقي معاك ماركر وأقلام ألوان عشان تريح العين..لازم حل إمتحانات السنين الفاتت لإنها فيها تدريبات كتاب لمدرسة وأسئلته مع أسئلة النماذج ولكن بصيغة الإمتحانات اللي هتشوفها السنادي إن شاء الله
أنا الحمدلله مخلص كشاكيل وورق كتير جدا جدا السنادي علي الحل الفردي بتاعي غير شغلي مع المستر وكده، بحس إني بثبت إللي فهمته أكتر وبحل السؤال إللي وقفت قدامه أكتر من مرة مش مجرد الإكتفاء بإنك عرفت المعلومة وخلاص..آخر حاجة لازم كل الناس تبدأ السنة بقوة جامدة جداً وتحاول تخفف الحمل بتاع آخر السنة .. والله كل يوم بيضيع من غير فايدة حقيقية من أول السنة هتحس بيه آخر السنة وتندم عليه
مليون شكر لمرورك الطيب وافادتك اللى اكيد كلنا هناخد بيها ان شاء الله ويا رب يكون جبت مجموع كبير العام الماضى
بالتوفيق
التوقيع (فلانتينو البوابة)
فلانتينو البوابة 29-07-2011, 04:23 PM مشاركات اكتر وكلنا بنستفيد
علشان ما نندم اخر السنة
بالتوفيق
التوقيع (فلانتينو البوابة)
اميرة الرسم 29-07-2011, 04:40 PM معلومة مفييييييدة جدا بارك الله فييك
the last maan 29-07-2011, 09:02 PM شكرا على المجهووووووووووووووود وجزاك الله خيرا
Eng. Ahmed Said 29-07-2011, 10:16 PM مليون شكر لمرورك الطيب وافادتك اللى اكيد كلنا هناخد بيها ان شاء الله ويا رب يكون جبت مجموع كبير العام الماضى
بالتوفيق
التوقيع (فلانتينو البوابة)
الحمدلله رب العالمين..آه فيه حاجة نسيتها..كنت دايماً قبل المذاكرة أقرا صفحتين من القرآن الكريم وبعد ما أخلص أقرا صفحتين تاني بحيث إني علي آخر السنة كنت ختمت القرآن الحمدلله رب العالمين صدقني هتحس بإن ربنا جنبك وإنت بتذاكر وإنك فاكره وهو فاكرك
ربنا يوفقكم .. وإدعيلي أدخل هندسة بقي إن شاء الله :d
بنوتة من الشرقية 29-07-2011, 11:11 PM بجد يا جماعة انا فرحانة جدا م الكلام ده
وبيدى للواحد دفعة كبيييييييييييرة اووووووووووى
انا رايحة تالتة السنادى ان شاء الله
وباذن الله اطبق اللى بتقولوا عليه
خصوصا موضوع القران ده
وادعولى بقى اجيب مجموع كويس السنادى
عشان ادخل صيدلة
sero a7med 30-07-2011, 01:59 PM ThanQ .. Bgd Tarii2a Gamiila Gdn .. Rbna Yw2fk Fii 7iatk kman
د / الشيماء 30-07-2011, 08:51 PM والله كل الافكار اللى هنا جميلة اووووى
يا ريت نبقى نعمل جدول اسبوعى وكل واحد يقول ع الى ذاكروا وعملوا فى الاسبوع عشان نحس بتنافس ودافع للمذاكرة...
زهراء السيد 30-07-2011, 09:43 PM بشكركم كلكم علي المجهود الجامد ده ويارب دايما تخلينا فاكرين ذكرك وهدفنا في الحياة
زهراء السيد 30-07-2011, 09:45 PM بالمناسبة حد ليه حل لمشكلة النوم أثناء المذاكرة أنا بصحي علشان أذاكر بقي بنام
ASEHE 31-07-2011, 12:26 PM شكرا علي النصائح دي وربنا يوفقنا
دكتور كريم الزعيقي 31-07-2011, 07:42 PM موضوع جميل جدا استمر
basma 2010 03-08-2011, 09:07 AM شكررررررررررررررررررررررررررااا
فلانتينو البوابة 03-08-2011, 11:12 AM بالمناسبة حد ليه حل لمشكلة النوم أثناء المذاكرة أنا بصحي علشان أذاكر بقي بنام
كوب بن ومعاكى للصبح مذاكرة
بالتوفيق
شوق اليالى 04-08-2011, 10:03 AM جزاك الله كل خير
keen_wwe55 04-08-2011, 01:39 PM مشكوووووووووووووور جدااااااااااااااااااااااااا
hala azzam 05-08-2011, 09:35 AM جزاك الله كل خير
بس المستوي الرفيع نعمل في ايه
امير الشباب 13-07-2016, 09:52 AM شكراااااااااااااا
Mr. Bayoumy Ghreeb 13-07-2016, 11:21 AM كل الشكر و العرفان لك علي هذة النصائح الجيدة
اية عبد اللطيف 13-07-2016, 04:55 PM فكرة حلوة حكاية الورق
جزاك الله خيرا
rama hassan 18-07-2016, 03:24 PM جزاك الله خيرا
|