انا لقيطة ...ما ذنبي ؟؟!! [الأرشيف] - بوابة الثانوية العامة المصرية

Sofia El-behairy

23-07-2011, 01:10 PM

http://www7.0zz0.com/2011/07/23/11/828047202.jpg (http://www.0zz0.com)

من انا ؟

لا ادرى وما نسبى لا ادرى ؟

لمن اقول ياابى ؟

لمن اقول يا أمى؟

كل الابناء يولدوا ليقولوا بابا وماما

وانا ليس لى اب ولا ام

يا أبى يا من تركت امى بعد ان فعلت بها الفاحشة استرحت من عارك الان وبعد ان انقضت شهوتك وتخليت عنها بكل
بساطة

يا امى يا من استسلمتى لشهواتك واستسلمتى لرجل لا يعلم شىء من دينه ولا يعلم شىء الا الشهوة يا من بعت نفسك بالرخيص استرحتى الان عندما رميتنى

استمتعت بها ساعة وضعت انا بها طول عمرى

وذاك اخى لى او اختا وقد قتلت

ورميت فى الشوارع والطرق باى ذنب قولوا لى

استرحتوا من همومك عندما رميتمونى او قتلتمونى

باى ضمير وباى قلب وضع فى صدوركم

والله ان الحيوانات لاتفعل هذا بابنائها

لكن ان فعلتم هذا بى فى الدنيا واسترحتم

لن تستريحوا عند الله يوم تقفون امامه عراه حفاه

واخذ بحقى منكم

واقول رمونى بلا ذنب !!!!!!

قتلونى بلا ذنب !!!!!!

لما اتحمل خطا وخطيئة ابى وامى فى مجتمع لايرحم اللقيط يحملوه كل الذنب ونسوا الجانى

انى ضحية لماذا تنظرون الى كانى الجانى

لماذا تقتلونى ؟؟

يقتلنى ابي و امى عندما يلقونى فى حياه و انا لا اتعدى الشهور ؟؟

تقتلنى نظرات الناس كانى انا المجرم و لست الضحية ؟؟

منكم من ينظر الى بنظره اشمئزاز

و منكم من ينظر الى بنظره شفقة

و منكم من ينظر الى انى ثمره خطيئة

كل هذة النظرات تقتلنى

لماذا فعلت بي هذا يا ابي

يقولون ان الاب هو الامان و الحماية

لماذا فعلتى بى هذا يا امى

يقولون ان الام هى عطف و الحنان

ها انا الان بلا اب و ام

بلا عائله

بلا منزل يحتوينى

ستظل نظره ناس الى كما هى

ساظل انا الجانى و انا لا ذنب لى

ستظل نظره المجتمع كما هى

ساظل طول حياتى ادفع ثمن خطئية ابي و امى

ساظل شقية فى هذه الدنيا

ها انا اسألكم انا لقيطة .... ما ذنبي ؟؟!!

اعلم ان هذا موضوع سيصيبكم بالهم والغم

لكنها ظاهره يجب التحدث و النقاش فيها
اليكم احصائيات ابدا بيها الموضوع

ظاهرة مجهولي النسب في تنامٍ مستمر في الدول العربية، ففي مصر 14 ألف قضية إثبات نسب أمام المحاكم,

و طبعا ما خفى كان اعظم

باى ذنب يرمى اللقيط فى الزباله !!!

باى ذنب يرمى لقيط امام مسجد او كنسية !!!

باى ذنب يرمى لقيط امام ملجأ !!

اى ام هذة انتزعت من قلبها الرحمة !!

اى اب تحول قلبه الى قطعة من الصخر ان يرموا ابنائهم بهذه الطريقة

صارت الحيوانات ارحم من هؤلاء الذين يحملون لقب انسان

هذة الظاهرة بالتأكيد تأثر بالسلب على المجتمع و تكون احد اكبر اسباب تأخر المجتمع و تخلفه و هؤلاء اطفال سبب فى تشرد و انحراف

السبب فى انتشار هذة الظاهرة الوزاع الدينى و سوء الاخلاق و تربية ..

هؤلاء ضحايا و ليس جناه

فلماذا ننظر اليهم على انهم هم مجرمون

هل لانهم ثمرة خطيئة ؟؟!!

انا لقيطة ...ما ذنبي ؟؟!!

Sofia Adam : Thanwya

zozza love

23-07-2011, 01:29 PM

engi11

23-07-2011, 04:15 PM

Mr. Medhat Salah

23-07-2011, 04:25 PM

http://www.friendawy.com/file/sns_uploads/11140/images/%D8%B4%D9%83%D8%B1%D8%A7-%D9%84%D9%83.gif

Sofia El-behairy

23-07-2011, 04:34 PM

موضوع جميل أوى يا صوفيا
بجد برافو عليكى
دى قضيه مهمه اوى
لا دى جريمه بشعه بتحصل كل يوم وكل ساعه
بنت و ولد يرضوا شهوتهم ويعملوا لدنيتهم وينسوا اخرتهم
وبعدها الطفل قصدى الضحيه يترمى زى ما قولتى على باب ملجأ او مسجد
وبعدها يا اما حد بيخده ويستغله فى الشر والسرق ويضيع
يا اما ربنا بيكتب له عمر او نص عمر ويعيش فى ملجأ
بس طبعا بعد 18 سنه وبيروح تانى الشارع وبيبقى بلطجى ومجرم وكلنا عارفين ان الجرايم اللى بتحصل دى بيكون سببها الاطفال دول
طيب فين البنت و الولد دول ؟
دى اتجوزت وخلفت وعايشه حياتها واخر حلاوه
وده اتجوز وخلف وعايش حياته اخر حلاوه
وتقريبا الاتين نسوا بعض ونسوا الجريمه اللى عملوها
وطبعا فى ناس تانيه
او بنت تانيه بتحس بغلتتها وتقول لاهلها ويتعمل قضيه بقى وكده وتبقى مشاكل
وفى الاخر الطفل بيطلع معقد وكمان بيبقى حاسس غير كل الاطفال ومعمالته كمان بتكون مختلفه مع الجميع

بجد يا صوفى موضوع جميل اوى وهادف وكمان بيناقش قضيه
احييكى عليه
شكراً

اكيد ده بيأثر على نفسيتة الطفل و بتكبر معه بعقده كبيره بس مش نقدر نقول ان كلهم يبقوا بلطجيه و مش كويسيين

فيه منهم بيتحدى نفسهم و بيبحبوا يثبتوا للبشر انهم كويسيين و بيتعلموا و فعلا بيقوا كويسيين و ده للاسف نادر

المهم احنا الى نغير نظرتنا ليهم و لانهم مش ليهم ذنب

و كمان بقى المفروض يبقى فيه تمسك بالدين لان كل الاديان ضد الفكره ديه و تمسك بالقيم و المبادئ

و ديه مشكله كبيره بنواجهها فى مصر و لازم تتحل و هى تتحل من كل انسان فكر صح و بدا من نفسه صح و فكر فى عواقب الامور

مش كل شاب يفكر انه يتبسط و يتسلى و بس و ما ينتج على تسليته يدفع تمنه طفل برئ و المجتمع كمان بيدفع تمن ده

شكرا يا عزة على ردك

Sofia El-behairy

23-07-2011, 04:37 PM

موضوع جمييل
وقضيه مهمه
وللاسف انها منتشره جدا جدا
ودا بسبب انا الناس بعدت عن دينها وفكرت فى دنتيتها ونسيت اخرتها
واهم حاجه هى الاطفال (الضحايا) ليه باباهم ومامتهم يحرموهم من قول بابا وماما
عشان مشيوا تبع اهواء الشيطان

هما بيتحرموا من كل شئ مش بس انهم يقولوا بابا و ماما

بيتحرموا من حنان و امان و عطف و تعليم

بيتحرموا من كل حاجه و احنا كمان بننظر ليهم نظره شفقه او اشمئزاز و هما مش ليهم اى ذنب اصلا

شكرا لردك

عاشق البلانكو الابيض

23-07-2011, 04:46 PM

Sofia El-behairy

23-07-2011, 04:56 PM

اكبد طبعا الاولاد دى ملهاش ذنب بس للاسف نظرة الناس بتبقى وحشة ليهم علشان دى ثقافة مجتمع
كمان مين هيرتبط بناس زى دى معندهاش اصل ولا فصل بس هى دى الحققية
الموضوع فى الاول والاخر اخلاق وتربية
شكررا على الموضوع

انا عن نفسي ل تقدم لى واحد محترم و عنده اخلاق و كويس و انا بحبه و بحترمه بس مش عنده اهل حوافق طبعا

فيه كتير عندهم اهل و اكنهم ميتين

اتجوز واحد عنده اهل و هو عاق ليهم و مش بيسال عليهم

و لا واحد اى نعم مش عنده اصل بس كويس و محترم

لحد امتى حنظلم ناس ديه

يعنى مش كقايه نظره ناس ليهم على انهم جناه كمان احنا مش حنعبرهم و لا نرتبط بيهم

يعنى دول اتولدوا مش ليهم ذنب للحصل و اتحرموا من كل حاجه و بل احنا بنعذبهم بنظراتنا ليهم و كمان نرفض نرتبط بيهم

طب ايه بقى لازمتهم ؟؟ ايه ذنبهم ؟؟ نروح نولع فيهم بقى

يعنى دول حيعشوا حياتهم منغير اهل و لا عائله و كمان نحرمهم من تكوين اسره

يا ريت الثقافه ديه تتغير

شكرا لردك

yara attia

23-07-2011, 05:09 PM

Sofia El-behairy

23-07-2011, 09:08 PM

موضوع جميل اوي يآ صوفيـــآ

تسلم آيدك

وفعلا دي ظاهرة منتشرة جدا

وان الاطفال دول بيطلعوا سيئين السلوك لانهم مش عندهم اب ولا ام اساسا عشان يربوهم كويس ومش يعرفوا اي حاجة

ودي ام بترمي ابنها خوفا من الفضيحة

واب بيتخلي عنها هي وابنها لانه مش قد المسؤلية عشان يفتح بيت ويربي عيال فبيرمي وخلاص

وفعلا اوافق الاستاذ محمود الموضوع في الاول والاخر اخلاق

تقبلي مروري :)

يا جماعه مش كلهم بيطلعوا مش كويسيين اكيد يعنى فيه كويسيين

فيه كتير متربي بين اب و ام و سلكوهم مش كويس

و في برده اكيد متربي فى ملجاه او هو ربي نفسه بافطره و عرف الصح و غلط و مبادئ و بقى كويس

شكرا لردك

ساره بشير

23-07-2011, 09:21 PM

Sofia El-behairy

23-07-2011, 10:00 PM

للأسف ديه مشكله من المشاكل التى تواجهها مصر وكانت السبب فى تخلف المجتمع
وتخلى الوالدين عن ابنهما وعدم تحملهم المسؤليه كأب وأم ويتعرض هذا الطفل البرئ للأهانات والتشرد والموت هل يستحق هذا
لكن السؤال الان هل ستبقى هذه الظاهره موجوده بعد الثورة

اشكرك لانك طرحت موضوع فى غايه الاهميه

بصى يا ساره احنا مش نقدر نقول ان بعد ثورة مافيش شاب او بنت حيشرب مخدرات و مش نقدر نقول ان بعد ثورة حتختفى حاله استهتار شباب و بنات و مش نقدر نقول ان بعد ثورة نسبه الجواز العرفى حتقل و مش نقدر نقول ان مجهولى نسب برده حيقلوا

بصى ديه وقائع لازم نعترف بيها و مش نقول ان بعد ثورة الحاجات ديه حتختفى

المهم احنا الى نغير من نفسنا يعنى انا مثلا و انتى نتمسك بالمبادئ و القيم و مش نتانزل عن شئ و نفكر قبل ما نعمل اى تصرف و نتصرف فى عواقب الامور و مين حيكون ضحيه فى تصرفى

انا و انتى و غيرنا نغير نظرتنا تجاه مجهولى النسب و نساعدهم بجد و مش نساعدهم عشان شفقه او احسان لا لا

عشان ده واجبنا و ده حقوقهم و نتعامل معاهم و نغرز فيهم الاخلاق على الاقل نحولهم الى ناس كويسيين بدل ما يبقوا بلطجيه و اطفال شوارع و موضوع مجهولى نسب و مخدرات يكبر

و بيه كدا بقى نستغل عصفورين بحجر اننا نعاملهم كويس عشان دول ملهمش ذنب و اننا نخليهم كويسيين و ينفعوا بلد بدل ما يضروها هى مش ناقصه اصلا كفايه ان فيه ولاد ناس مش متربين و خربنها

بشكرك جدا لردك و رايك يا ساره و اتمنى اننا نكون كلنا الى طريق للافضل :078111rg3::078111rg3:

Norhan Angel

23-07-2011, 11:19 PM

ما شاء الله
اسلوب كتابة و كاتبة رائع

و احسن حاجة كمان ف الموضوع انك ذكرتي اسباب حدوثه
و هي غياب الوازع الديني و وطبعا سوء الاخلاق و التربية
و اصلا لو كان كل واحد حط قدام عينه ان ربنا شايفه و هيحاسبه علي كل حاجة غلط بيعملها كان عمره ما يستجرء انه يعمل اي شىء غلط

و بدعي ربنا انه يحفظنا كلنا من كل خطيئة و من كل شر
و انه يرضي عننا و يرزقنا عفة النفس
ــــــــــــــــــــــــــــــ
و تحية كبيرة للكاتبة صوفيا

عاشقه الاقصى2

23-07-2011, 11:35 PM

السلام عليكم
موضوع روعه
واسلوب حضرتك فى العرض اروع
الاسباب بتكون معروفه
والنتائج معروفه
ولكن الحلول؟
وتطبيق الحلول؟
هذا ما نحتاجه
جزاكم الله خيرا
ع طرح هذا الموضوع الرائع

Sofia El-behairy

23-07-2011, 11:39 PM

ربى الله ليس لى رب سواه

23-07-2011, 11:49 PM

ربنا يرحمهم من شر خلقه

Sofia El-behairy

24-07-2011, 12:00 AM

السلام عليكم
موضوع روعه
واسلوب حضرتك فى العرض اروع
الاسباب بتكون معروفه
والنتائج معروفه
ولكن الحلول؟
وتطبيق الحلول؟
هذا ما نحتاجه
جزاكم الله خيرا
ع طرح هذا الموضوع الرائع

و عليكم السلام

اولا اشكرك لزوقك

ثانيا المشكله فى الشباب انه رافض يطبق الحلول و بيقول عادى

روخى اى جامعه خاصه و شوفى المخدرات و المصيبه ان بنات كمان بدات تناسق فى هذا الطريق

بيعى لشباب و بنات لا قيم و اخلاق لهم و شباب و بنات مستهتر انهم يعملو كدا

بس ايه ذنب بقى الطفل الى بتولد ببصمه عار اكنه هو الجانى

ايه الحل بقى فى الشباب و البنات الى بقيت الحياه عندى take it easy ya man

و اخرتها المجتمع هو الى يبقى فيه مجهولى نسب كتير و يبقى مجتمع متخلف و متاخر عشان اطفال دول تقريبا بينحرفوا

او بيتعقدوا نفسيا و هما مش ليهم اى ذنب و الجانى الحقيقى لسه عايش حياته take it easy

شكرا لردك و شرفنى مرورك

**نغم**

24-07-2011, 12:42 AM

السلام عليكم
اولا: موضوعك جمييل واسلوبك اجمل :)
ثانيا: الموضوع بيكشف قضية للاسف موجودة في مجتمعنا المصري...قضية ضاعت فيها الرحمة و أَهمل فيها الدين
وكانت الضحية اطفال صغار ليس لهم ذنب..
والحل بسيط جدا..مجرد الالتزام بتعاليم الدين والاخلاق..ولكن من سيستمع ؟!

Sofia El-behairy

24-07-2011, 12:46 AM

مروه

24-07-2011, 01:58 AM

مروه

24-07-2011, 02:04 AM

بس مش غريبه ان بره لا دين و لا اخلاق و برده فيه تقدم ؟؟

نفسي اعرف ايه سبب

احترام العلم وتقدير العلماء :):)

Sofia El-behairy

24-07-2011, 02:08 AM

مشكلة كبيره وأسبابها معروفه

المهم هو حلها

وأبسط حاجه ممكن نعملها

هو تغير ثقافة نظرة المجتمع للقيط اللى هو الضحية فعلا مش الجانى

لإن نظرة الشفقه أو الإشمئزاز كفيلة إنها تحوله لمنحرف

كمان التربية والتوعية الدينية من الأول ..... يعنى لو البنت أو الولد من الأول

كان فيه رعاية وتربيه فى البيت مكنوش هيقعوا فى الغلط ده

ياريت بجد الأيام الجاية نلاقى الظاهرة دى قلت شوية

وتسلم ايدك يا صوفيا على فكرة التوبيك وطريقة العرض والكتابة

انا بقى ده قصدى من الموضوع ..جبتى الملخص يا مروه

اننا نغير نظراتنا ليهم اهم شئ والله

يعنى ممكن نظره حلوة و كلمه طيبه تخليه احسن انسان

و ممكن نظره اشمئزاز تخليه معقد و يتحول لمنحرف و يضر المجتمع

شكرا لمروة على ردك و كويس ان الموضوع عجبك :av4056bb7jp3:

Sofia El-behairy

24-07-2011, 02:10 AM

احترام العلم وتقدير العلماء :):)

اجابه بسيطه جدا و ان شاء الله مصر حتهتم و مشروع زويل ان شا ءالله حيخلى مصر كويسه و شكرا لردك على سؤالى

طالبة المعالى

24-07-2011, 12:35 PM

موضوع رائع
وردود الاعضاء كفت ووفت
والتربية والاخلاق اولا واخرا قبل اى نسب

Sofia El-behairy

24-07-2011, 12:43 PM

موضوع رائع
وردود الاعضاء كفت ووفت
والتربية والاخلاق اولا واخرا قبل اى نسب

صج ردود الاعضاء كفت و وفت بس ردك برده مهم :)

شكرا للمشاركتك

اهم شئ الاخلاق

المياة

24-07-2011, 06:47 PM

لو كان في وعي كافي مكنش ده حصل
وتقدري تقولي أن في ناس كثير مش بيتحملوا المسئوليه
والضحيه في الآخر الأطفال
شكرا على الموضوع

عسولة

24-07-2011, 06:59 PM

شكرا على الموضوع

Sofia El-behairy

24-07-2011, 07:14 PM

شكرا على الموضوع

العفو المهم يكون عجبك :)

الأستاذة ام فيصل

24-07-2011, 08:56 PM

موضوع في غاية الاهمية

والردود في الموضوع قيمة

وخير علاج لهذه الظاهرة هي التزام بالدين

وتبني الدولة لللقطاء وحمايتهم

اسلوبك في الكتابة في تطور

تحياتي

مسلمة متفائلة

24-07-2011, 11:55 PM

أيـــــــوه قضيـة همة جداً يا صوفيــآ
أنا أعتقد إن السبب الأول والأخير فى المشكلة دى
هو إن مفيش تربية أصلاً من الأول , لا تربية لا لولد و لا بنت
وده بنشوفــــه كتير فى الشارع , والحكايات اللى بتبقى بين الولاد و البنات
وده اللى بيبقى أخرته الزواج العرفـــــــى أو غـــــــــيـــــــــــره
, واللى نتيجته الأطفال دول ... اللى حقهم ضيعوا أبوهم وأمــــــهم

مشـكـــــــووورة

Sofia El-behairy

25-07-2011, 11:34 PM

موضوع في غاية الاهمية

والردود في الموضوع قيمة

وخير علاج لهذه الظاهرة هي التزام بالدين

وتبني الدولة لللقطاء وحمايتهم

اسلوبك في الكتابة في تطور

تحياتي

ديه شهاده اعتز بيها يا ماما نغم بجد بشكرك اوى و شهادتك ان اسلوبى تطور يخلينى انى اسعى انى اكون افضل حتى اكون فى حسن ظنك

و حقيقى ردود فى موضوع كانت قيمه و هادفه و هذا ما اسعى اليه

و راى حضرتك صحيح انه التزام بدين و اخلاق و مبادئ اهم شئ

شكرا لردك

مروة محمد الامام

26-07-2011, 01:21 AM

موضوع خطير زي كل مووضوعاتك يا صوفيا بس انا شايفة ان الولاد دول حابين حياة الشوارع حتي لوو المجتمع غير نظرتة للناس دي وجاب لهم حلول هيحنوا برضة لحياة اللا قيم اللا مسئولية

Sofia El-behairy

27-07-2011, 04:33 AM

موضوع خطير زي كل مووضوعاتك يا صوفيا بس انا شايفة ان الولاد دول حابين حياة الشوارع حتي لوو المجتمع غير نظرتة للناس دي وجاب لهم حلول هيحنوا برضة لحياة اللا قيم اللا مسئولية

اعذرينى مروة انا مش معاكى

يعنى زى ما دول بيشربوا مخدرات

برده ولاد ناس بتوع جامعات الخاصه الى هما المفروض برده ولاد ناس و بيعملوا نفس شئ

ولاد دول لو نظرتى و نظرتك اتغيرت نحايتهم و بقيت احترام و مسكنا بايدهم و ساعدناهم مش حيرجعوا للشارع

مفروض احنا الاول نتغير

نساعدعم

و نحترهم

اشمعنى يعنى ولاد طبقات العليا الى بيشربوا مخدرات ناس بتحترمها

و دول لا ليه

بالعكس دول مش لقوا الى يربيهم و يقولهم صح و غلط

blue_eagle

27-07-2011, 05:22 AM

بسم الله الرحمن الرحيم

ماعجبني في الموضوع هو طريقة عرضه للأمور بصيغة ملفتة للنظر , حقا انها مشكلة حقيقية يقع فيها المجتمع بأسره حينما يحكم على المظلوم ويدع الظالم هاربا بفعلته , حينما يموت الضمير ويبقى صوت القسوة رنانا بين الاحياء والاموات ,

انها مشكلة ثقافة تربى عليها المجتمع في نبذ المظلوم وترك الظالم وهذا فرع من هذه الشجرة الفاسدة في مجتمعنا وجب تطهيرها والعمل على ازالتها من خلال:

1- توعية المجتمع بهذه المشكلة ومعرفة اسبابها ونتائجها .

2- توعية الافراد تحت رعاية مؤسسات اجتماعية هدفها الاساسي توصيل الرسالة .

3- انشاء مشاريع فعالة من الحكومة والجهات الحقوقية والمؤسسات الخاصة بمساعدة الشباب ليتقدم عمر الزواج بدلا من تأخيره .

4- العمل على توعية اهل البنات الا يتعنتوا في الامور المادية .

هناك الكثير والكثير من المشروعات التي يمكن ان تقلل من تفاقم هذه المشكلة ,,

تقبلي مروري ,

تحياتي

فاطمة الزهراء كارم

27-07-2011, 06:22 AM

Sofia El-behairy

27-07-2011, 01:08 PM

Sofia El-behairy

27-07-2011, 01:10 PM

اولا فعلااااااااااااااااااا احياكى عن الموضوع الهادف دوا تسلم الايادى
ثانيا كل اللى دخل وقال حرام ملهموش ذنب طب ايه ذنبه معلش احنا فعلا اللى بندمره
انت ترضى انك تجوز بنتك لواحد منهم او انتى ترضى ان ابنك يكون زوج واحدة منهم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
انت ممكن تكون واحدة فى شارعك واحدة موجودة وحالها كدا انك تساعدها من غير ما تكون نظرتك ليها نظرة شهوانية على انها مال سايب ملهوش صاحب ولا اهل تحاسب ؟؟؟؟؟؟؟؟؟؟؟؟؟
المجتمع هو احناااااااااااااااا يعنى انا وانت وهى مش بس مشاعر وحرام مسكين ملهوش ذنب !!!!!!!!!!
وياريت كل واحد يفتكر ان ممكن ابنه يتوه منه فى الشارع وتكون نهايته زيهم بالضبط
ساعتها فعلا يمكن ربنا يهديه
سؤال كام واحد شاف بنت صغيره بتبيع منديل بين اشارات المرور وحاول انه يستغلها بكلمة حنينة اتحرمت منها ولا لقمة كويسة نفسها فيها

صحيح عندك حق لو كل واحد فكر ان ابنه ممكن يتوهه او يتخطف و يحصل فيه كدا

كل واحد حيراعى ربنا فى معاملته و يمكن بنظره كويسه نكون سبب فى اصلاح حالهم

و ممكن نظره مش كويسه تكون فى تدميرهم

شكرا لردك :)

د/ اسلام الحريف

27-07-2011, 02:02 PM

حقا موضوع جميل جدا
ارحموا اولادكم واتقوا ربكم

Sofia El-behairy

27-07-2011, 02:23 PM

حقا موضوع جميل جدا
ارحموا اولادكم واتقوا ربكم

اشكرك دكتور اسلام

و حقا لازم نعتبرهم اولادنا و اخواتنا و نضع انفسنا مكانهم و نرحمهم

شكرا لردك :)

blue_eagle

28-07-2011, 10:36 PM

Sofia El-behairy

29-07-2011, 03:40 AM

العفو .. هو كلامك جميل جدا , بس انا مش بنت :)

من المفترض ان يكون النقاش في المنتدى وخصوصا في هذا النوع من المشاكل هو نقاش من اجل الوصول للحلول , لا للشكر على عرض المشكلة ...

واحب اضيف من الحلول لمنع تفاقم المشكلة وزيادتها :

1- تبني الدولة كأكبر مؤسسة في البلاد هذه المشكلة بصفة خاصة لانها فعلا زادت عن الحد , وضع مشاريع بصورة فعالة مخصصة الربح لرعاية الاطفال بصورة صحيحة تضمن لهم الاندماج الكلي مع المجتمع ولا للمؤسسات القديمة والاحداث التي تجعل منه مجرما خالصا

2- لو حكمنا من يحكمنا بالحكم الاسلامي .. تخصيص جزء من اموال الزكاة لضمان تمويل هذه المشاريع بصورة سنوية

3- حث فتح الابواب لهم بالتعليم المجاني في نفس المدارس التي يتعلم فيها الطلاب العاديين لضمان اندماجهم مع المجتمع اندماجا غير مشكوك فيه

4- توفير لهم الضمانات والقوانين التي تجرم كل من يعتدي عليهم نفسيا لمزيد من الاندماج والبعد عن الانعزال والوحدة والتي تجعل من هؤلاء الاطفال درجة ثالثة بالنسبة لباقي الاطفال وهذه بعض الاسباب التي تخلق المجرم

هذه بعض الحلول التي في ذهني الآن , شكرا لكِ

تحياتي .

اولا بعتذر لكونى سبق و ان تكلمت بصيغه المؤنث فى المشاركه السابقه و ارجو انت تقبل اعتذارى

ثانيا عجبنى فى حضرتك انك ذكرت فى اقتراحتك الاندماج اى تواصل بين الانسان مجهول النسب بالمجتمع كى لا يحس انه منبوذ و انه طفل درجه ثالثه كما ذكرت و هذا يؤث فى نفسيته و يلجا الى اجرام كوسيله لاثبات الذات و لفت النظر اليه و وسيله لعدم التوعيه و تربيه الصحيحه و فى نهايه هذا يؤثر بالسلب على المجتمع عموما

ممكن نظره اشمئزاز او تعالى و تكبر تجعل من طفل برئ لا يدرك شئ عن دنيا الى طفل معقد نفسيا و يتحول الى مجرم

لابد من تغيير انفسنا و نظراتنا اليهم

و اقتراحات حضرتك كويسه جدا و بالاخص الجانب الزكاه

يعنى لو خصصنا جزء و فتحنا حساب فى بنك للاطفال دول للتعليم و ملابس و منزل لهم و هكذا و تربيتهم تربيه صحيحه

هذا سوف يعود على مجتمع بالافضل بدل ما يعود عليه بالاجرام و تشرد

اقتراحات بالفعل رائعه

و لا انكر انها افدتنى حيث انى قررت ان يكون مشروعى القادم عن هؤلاء اطفال

اتمنى حقا ان نغير من انفسنا و نساعدهم و المساعده لا يعنى الاشفاق

نتمنى اننا نتصور لو ابنى فقد الطريق و اصبح مثلهم

اقصد من هذا اننا نتعامل معهم برفق مثل اى طفل عادى

بشكر حضرتك مره ثانية على متابعتك للموضوع و تقديم افكار و اقتراحات مفيده لحل هذه المشكله

blue_eagle

29-07-2011, 07:30 AM

اعتذارك مقبول بلا شك لان كلامك بدون قصد,

هو فيه اكتر من سلبية في الموضوع ككل بغض النظر عن انه موضوع عطف على الاطفال وبكاء عليهم , واي انسان ناوي يساعدهم لازم يحط في باله امور كثيرة

فالموضوع اكثر خطرا من عدة جوانب

الاول : ان الاطفال دي معظمهم بيتحول لمجرمين وده لإسباب كتير زي عدم التوجيه الاخلاقي وعدم الرعاية ,عدم التعليم, بالاضافة انه ليس هناك اي حرفة او مهنة لجلب الرزق (الآن انا اتكلم عن اطفال الشوارع والاشارات)

الثاني : غياب غيابا كليا الجانب الديني وده بالاخص جانب خطير جدا لان الطفل مبيعرفش ايه الحلال وايه الحرام ايه الصح وايه الغلط حتى لو عرف من الاعلام او من الناس بتبقى الحقيقة واصلاله مشوهة لانه في انفصال عن العالم اصلا

الثالث : ان هذه الاطفال هي عضو غير منتج في المجتمع بل عالة على المجتمع ككل ان كانوا مجرمين او متسولين فالرعاية الكلمة لهم تجعلهم اعضاء فعالين منتجين خادمين للمجتمع كباقي الافراد

الرابع : غياب التوجيه الديني و عدم معرفة الاسلام العظيم فمنهم من لم يعرف معنى الشهادة ولا يعرف غير انه مسلم فقط لم يتعلم الصلاة ولم يمارسها كل هذا يجعلهم عرضة وفريسة سهلة للتنصير الذي يعتمد كليا على الفقر والجهل وهذا من اخطر الامور .

:) فاللهم اعز الاسلام واهله والمسلمين جميعا ,

شكرا لكِ

تحياتي !

BaNZeR

29-07-2011, 11:49 AM

اولا فعلااااااااااااااااااا احياكى عن الموضوع الهادف دوا تسلم الايادى
ثانيا كل اللى دخل وقال حرام ملهموش ذنب طب ايه ذنبه معلش احنا فعلا اللى بندمره
انت ترضى انك تجوز بنتك لواحد منهم او انتى ترضى ان ابنك يكون زوج واحدة منهم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!
انت ممكن تكون واحدة فى شارعك واحدة موجودة وحالها كدا انك تساعدها من غير ما تكون نظرتك ليها نظرة شهوانية على انها مال سايب ملهوش صاحب ولا اهل تحاسب ؟؟؟؟؟؟؟؟؟؟؟؟؟
المجتمع هو احناااااااااااااااا يعنى انا وانت وهى مش بس مشاعر وحرام مسكين ملهوش ذنب !!!!!!!!!!
وياريت كل واحد يفتكر ان ممكن ابنه يتوه منه فى الشارع وتكون نهايته زيهم بالضبط
ساعتها فعلا يمكن ربنا يهديه
سؤال كام واحد شاف بنت صغيره بتبيع منديل بين اشارات المرور وحاول انه يستغلها بكلمة حنينة اتحرمت منها ولا لقمة كويسة نفسها فيها

أنا أحيي هذا الرأي جداً
كل اللى ردوا هنا وقالوا حرام
لو جم ساعة الجد ... حيقولو واشمعنى انا
ما اللى احسن منها كتير !

وده حق بالطبع ومقدرش اقول عليه غلط

بس احنا كدا بنشتغل نفسنا ومعملناش حاجة :d

ممكن نتكلم في التبني ممكن زي ما قال احد الاعضاء
كلمة حلوة
مجرد عطف او مسح على الراس
حتفرق معاهم كتير ومش حتكلفنا اي حاجة

وده في ايدنا (كافراد) اننا نعمله ومنجبرش نفسنا على حاجة مش عايزينها

blue_eagle

29-07-2011, 07:29 PM

Sofia El-behairy

30-07-2011, 01:26 AM

والله هي الحكاية حكاية منظومة مش افراد ,

يعني بالتأكيد محدش يرضى لبنته واحد من الشارع والي اكيد في الوضع الي احنا فيه هيبقى حشاش او حرامي , ومفيش اهل هيرضوا للابنهم واحدة بتبات في الشارع وده شئ طبيعي

الشئ الي حضرتك مفهمتوش اننا بنتكلم في اعادة لهيكلة ومش بنشتغل نفسنا لاننا من حقنا نفكر ونعرض مقتراحتنا وطلاما في صالح المجتمع ستجد بالطبع من يتبناها وينفذها بصورة حقيقية على ارض الواقع وبالطبع ستغير .

ولو كنت تقصد ما موجودين الآن فهناك مقترحات اخرى لاعادة تربية هؤلاء ليصبحوا افراد صالحين في المجتمع ..

ياريت تكون الفكرة وصلت لحضرتك

اولا منور الموضوع مره تانيه

ثانيا هى الموضوع كله معادله لو بقيت متوازنه كل حاجه حتتحل

يعنى الحكومه و منظمه تتهتم بيهم صح و تعلمهم صح زيهم زى اى انسان

احنا بقى نغير نظرتنا ليهم و نساعدهم بجد و بكل حب و احترام

و الطفل ده يحاول ينمى من نفسه و يعيش عادى جدا

و دورنا احنا بقى نتمسك بالدين و الاخلاق و مبادئ عشان نقلل من حدوث هذا

و شكرا على متابعتك للموضوع

blue_eagle

30-07-2011, 04:49 PM

BaNZeR

30-07-2011, 04:55 PM

والله هي الحكاية حكاية منظومة مش افراد ,

يعني بالتأكيد محدش يرضى لبنته واحد من الشارع والي اكيد في الوضع الي احنا فيه هيبقى حشاش او حرامي , ومفيش اهل هيرضوا للابنهم واحدة بتبات في الشارع وده شئ طبيعي

الشئ الي حضرتك مفهمتوش اننا بنتكلم في اعادة لهيكلة ومش بنشتغل نفسنا لاننا من حقنا نفكر ونعرض مقتراحتنا وطلاما في صالح المجتمع ستجد بالطبع من يتبناها وينفذها بصورة حقيقية على ارض الواقع وبالطبع ستغير .

ولو كنت تقصد ما موجودين الآن فهناك مقترحات اخرى لاعادة تربية هؤلاء ليصبحوا افراد صالحين في المجتمع ..

ياريت تكون الفكرة وصلت لحضرتك

على فكرة انا ردي متفق معاك مش عكس اللى انت قلته ابداً

زي منتا قلت دي حكاية منظومة مش افراد
وانا قلت كافراد احنا في ايدنا العطف والتبني كنوع من المساعدة

نقطة نشتغل نفسنا لما بنقول اه فعلاً لازم نجوزهم وكدا واحنا مش حنقبل بيهم
وأكيد انا مكنتش بقصد بيها رد حضرتك وانما ما سبقها من ردود

Sofia El-behairy

30-07-2011, 05:15 PM

الموضوع بالطبع يرفع من شأنه المنظومة تحركية والافراد . ولان الافراد هم جزء لا يتجزأ من المنظومةفهذا المصطلح هو اعم واشمل

وردي كان على الاستاذ banzer

لانه ترك السبب وتمسك بالنواتج , وحقيقي انا عاذره لان الامر صعب وقلت ان لا احد يرضى لابنته ان تتزوج برجل عاش حياته كلها في الشارع يسرق ويشرب المخدرات , لكن انا اتكلم عن الاسباب التي تحيل بين هذا الطفل ووصوله الى مجرم , وبالنسبة للنواتج الموجودة الآن في المجتمع لها خطط اخرى للقضاء عليها

انا اتكلم عن الاطفال قبل ان يصبحوا مجرمين , ووضعت بعض الحلول التي اراها في مخيلتي انها تحل هذه المشكلة بوجه العموم وليس بوجه الخصوص

في النهاية شكرا لحضرتك على طرح هذا الموضوع القيم.

عالفكره فى ولاد ناس جدا فى جانعات خاصه و مراكز كبيره فى مجتمع و برده بيشربوا مخدرات و قمه قله الادب

يبقى ليه نقف للغنى الى بيعمل غلط و نحترمه

مش نحترم اللقيط الى محدش قاله الصح و الغلط و محدش رباه مع ان الغنى ده المفروض ان عنده اهل و متربي

المفروض نعامل الاتنين واحد

انا برده بكلم عن طفل قبل ان يبقى معقد نفسيا و يتحول لمجرم

بشكرك على رايك

blue_eagle

31-07-2011, 12:49 AM

اخي الكريم banzer

اهلا ومرحبا مرة اخرى , ولا يهمك ياأخي وحتى لو تقصد .وعذرا لو كنت فهمت غلط

للاسف ياجماعة المشكلة دي مش مشكلة طفل لقيط بس .. فيه اطفال أيتام حالتهم المادية ضعيفة للغاية

والنهاردة قابلت بالصدفة حالة زي كدا

طفل عنده 10 سنين تقريبا قابلته على محطة قطار شبرا لبسه ومنظره يوحي انه من الاطفال دي فكان واقف جمبي بديله حاجة ياكلها قالي لا شكرا وبص الناحية التانية بقوله يابني خد امسسسك يقولي لاء شكرا وابتسم ابتسامة حزينة اووي

سألته اسمك ايه ؟ قالي محمود .. بقوله رايح فين بقا يامحمود . قالي انا رايح طنطا قولتله طيب بتعمل ايه هنا قالي كنت بشتري حاجات وفجأة سألته انت عندك كام سنة قالي انا رايح 6 ابتدائي بص على هدومه وابتسم وقالي انا النهاردة كنت بدور على شغل
واشتغلت مع ميكانيكي طردني وضربني في اخر اليوم واخد مني اليومية الي ادهاني (10جنيه) عشان غلط في الشغل
فسألته باباك عايش قالي لا ميت بس امي عايشة ..

تخيلوا ياجماعة قمة عزة النفس الي في طفل 10 سنين اهله مش قادرين يأكلوه عشان يعلموه اصلا!!

.. تخيلوا لما يلاقي المجتمع كله بيعامله بالاهانات دي ولا حد بيساعده حتى عشان ياكل ويعيش حياة زي اي طفل في سنه .. وقارنه بينه وبين طفل عايش حياة مرفهة كريمة ممكن يتحول من انسان صالح عزيز النفس لإنسان معقد يتحول لمجرم بسبب التعامل السئ وعدم الاهتمام به من الاخرين وتركه

حاجة تحزن من بلد تحوى كل هذه الخيرات والتي نهبها مبارك ومن معه والآن هي ملكنا ولا نستطيع ان نضع خطط لنصلح بلادنا واهلنا :)

BaNZeR

31-07-2011, 03:59 PM

طفل عنده 10 سنين تقريبا قابلته على محطة قطار شبرا لبسه ومنظره يوحي انه من الاطفال دي فكان واقف جمبي بديله حاجة ياكلها قالي لا شكرا وبص الناحية التانية بقوله يابني خد امسسسك يقولي لاء شكرا وابتسم ابتسامة حزينة اووي

سألته اسمك ايه ؟ قالي محمود .. بقوله رايح فين بقا يامحمود . قالي انا رايح طنطا قولتله طيب بتعمل ايه هنا قالي كنت بشتري حاجات وفجأة سألته انت عندك كام سنة قالي انا رايح 6 ابتدائي بص على هدومه وابتسم وقالي انا النهاردة كنت بدور على شغل
واشتغلت مع ميكانيكي طردني وضربني في اخر اليوم واخد مني اليومية الي ادهاني (10جنيه) عشان غلط في الشغل
فسألته باباك عايش قالي لا ميت بس امي عايشة ..

تخيلوا ياجماعة قمة عزة النفس الي في طفل 10 سنين اهله مش قادرين يأكلوه عشان يعلموه اصلا!!

.. تخيلوا لما يلاقي المجتمع كله بيعامله بالاهانات دي ولا حد بيساعده حتى عشان ياكل ويعيش حياة زي اي طفل في سنه .. وقارنه بينه وبين طفل عايش حياة مرفهة كريمة ممكن يتحول من انسان صالح عزيز النفس لإنسان معقد يتحول لمجرم بسبب التعامل السئ وعدم الاهتمام به من الاخرين وتركه

حاجة تحزن من بلد تحوى كل هذه الخيرات والتي نهبها مبارك ومن معه والآن هي ملكنا ولا نستطيع ان نضع خطط لنصلح بلادنا واهلنا :)

طول ما في رجالة في البلد زي دول
الواحد مش قلقان من المستقبل

وعلى فكرة في كتير من شريحة الناس دي كدا
بياعين المناديل والكلام ده
تديله فلوس يقولك انا مش بشحت انا ببيع
وسبحان الله ... اصحاب الملايين هما اللى بيشحتوا ومش بيكفيهم ملايينهم :d

Sofia El-behairy

31-07-2011, 07:35 PM

طول ما في رجالة في البلد زي دول
الواحد مش قلقان من المستقبل

وعلى فكرة في كتير من شريحة الناس دي كدا
بياعين المناديل والكلام ده
تديله فلوس يقولك انا مش بشحت انا ببيع
وسبحان الله ... اصحاب الملايين هما اللى بيشحتوا ومش بيكفيهم ملايينهم :d

والله ردك صح يا بانزر

بس انت جى الموضوع تحسد بتوع ملايين و لا ايه ؟؟

انا بيعجبنى فى اطفال ديه عزة النفس و كرامه

انهارده بقى حصل معايا غير كدا خالص

واحد وقفنى فى الشارعه 9 الصبح و قعد يقولى انا وقع منى 250 جنيه و مافيش فلوس ارجع بيتنا و قعد يطلع فى بطاقته و يقولى انا ظابط اهو و ابن ناس و محترم و كلام من دا

انا صراحه خوفت منه جدا و اتلخبط بس اديته 10 جنيه

افتكرت بقى رد بتاع blue ان طفل عنده كرامه مش ياخد فلوس كدا

و ممكن تلاقى شحات كبير غلس و رزل و لو اديته مثلا جنيه احتمال يزعق فيك

عشان كدا انا بقول ان اطفال ديه ممكن نلحقها و هى لسه بريئة و نربيها و عشان هما بجد فى سن صغير بيصعبوك عليك فعلا

لكن لو مش لحقناهم حيبقوا مجرمين درجه اولى

يا رب استر على مستقبل مصر

و شكرا على ردودكم و ارائكم فى الموضوع :078111rg3::078111rg3: