السلام عليكم
انا طالب علمي رياضه وجبت في تانيه 81.2 وفي تالته الحمد لله جبت 97 والمجموع الكلي 89.1
كنت عاوز اسأل هل كليه علوم حلوه ليا انا الحمد لله ممتاز في الفيزياء و بحبها
وهل مجموعي ده يجيب كليه علوم
وخريج كليه العلوم قسم رياضه بيشتغل ايه ؟
وقسم فيزياء بيشتغل ايه ؟
واكون شاكر ليكم واتمني جد يفيدني

ان شاءي الله تدخل
علسان بتاخد مجموع اقل من علمى رياضة

بص أنا مش عارف تخش ولا لأ لان كل حاجة اليومين دول بتخالف التوقعات و لكن انا هقولك علي قسم الرياضيات (ممكن تتخصص علوم حاسب وده اعتقد والله اعلم مستقبلة حلو لانه بيدرس برمجة و هندسة حاسبات كمان - ممكن تتخصص رياضيات احصاء وده للاسف مقدرش افيدك فيه - ممكن أيضا رياضيات / فلك)
-أما الفيزياء و ده القسم بتاعي _اللي أنا عايز أدخله_ فحدث و لا حرج عندك فيزياء اتصالات و فيزياء نووية و الكترونيات و فلزات و.. و أنا أعتقد أن دول أحسن من المهندسين لأن الفيزياء هي اصل الهندسة و ليس العكس. و في اقسام تاني حلوة جدا زي جيولوجيا بترول زي كيمياء نووية و (Biotechnology لطلاب علمي علوم )