|
مشاهدة النسخة كاملة : أداب قسم أثار ليها شغل ولا ! Abanoub Adly ! 23-07-2011, 10:42 PM يا جماعة بالنسبة لقسم الاثار اللى فى كلية الأداب دة لو أنا اتخرجت منة هلاقى شغل ولا لأ يا ريت حد يقولى عشان لو ملهوش شغل أنا الحمد للة مجموعى يدخلنى تجارة و أنا مستريح فيا ريت حد يقولى أنهى الأنسب و أدخل انهى و انهى الافضل فى الشغل و شكرا . ! Abanoub Adly ! 24-07-2011, 12:28 PM يا جماعة يا ريت حد يرد عليا و يقولى شروط القسم دة اية يعنى ابقى جايبكام فى مجموع اللغات و كدة. EbTeSaM91 24-07-2011, 12:34 PM بالنسبة لقسم الاثار فهو قسم كويس وليه مستقبل انك بتشتغل ف الاثار والسياحة وده لو معاك واسطة طبعا وانت عارف النظام:d قسم الاثار بينقسم الى اثار اسلامية ده قسم واثار مصرية قديمة ده قسم اخر شروط قسم الاثار بيختلف من جامعة لجامعة يعنى عندنا ف جامعة المنصورة كان شرطه ملهوش دعوة باللغات شرطه تكون جايب مجموع يتراوح 325 الى 340 وتنسيق الادبى اقل من تنسيق العلمى يعنى العلمى بيكون المجموع اكبر من كده ف القسم دى بالنسبة لاداب المنصورة شوف انت عايز تدخل جامعة ايه وانا اشوفلك شروط القسم بالنسبة لكلية التجارة فمستقبلها برده كويس جدا لانك بتشتغل محاسب ف بنك او بتسافر بره او ف شركة ودى شغلها كتير ربنا يوفقك ! Abanoub Adly ! 24-07-2011, 12:44 PM شكرا على ردك بص حضرتك بالنسبة للمجموع الكلى أنا جايب 360.5 يعنى 87.9 و بالنسبة لمجموع اللغات (عربى + إنجليزى +إيطالى ) أنا جايب 139.5 . و أنا كنت عاوز أعرف شروط القسم دة بالنسبة لكلية أداب عين شمس. و لما اتخرج منة شغلة كويس ولا لأ و شكرا. EbTeSaM91 24-07-2011, 01:19 PM دى شروط الالتحاق بقسم الاثار وفروعه جامعة عين شمس الاثار المصرية : ان يكون الطالب حاصل على 43 ف اللغة الاجنبية الاولى وف حالة تساوى اللغة الاجنبية الاولى تكون الاولوية ف المجموع الكلى الاعلى ويستثنى من ذلك الحالات الخاصة والمكفوفين الاثار الاسلامية: ان يكون الطالب حاصل على 42 ف اللغة الاجنبية الاولى وف حالة تساوى اللغة الاجنبية الاولى تكون الاولوية ف المجموع الكلى الاعلى ويستثنى من ذلك الحالات الخاصة والمكفوفين الاثار اليونانية : الاثار الاسلامية: ان يكون الطالب حاصل على 42 ف اللغة الاجنبية الاولى وف حالة تساوى اللغة الاجنبية الاولى تكون الاولوية ف المجموع الكلى الاعلى ويستثنى من ذلك الحالات الخاصة والمكفوفين بالتوفيق Egypt for Ever 25 24-07-2011, 01:44 PM شكرا يا ابتسام علي ردك و معلوماتك القيمة فعلا قسم الاثار من اجمل اقسام كلية الاداب و قسم الاثار دايما بيبقي ليه شرط ( مجموع اللغات ) مثلا : في قسم الاثار و الدراسات اليونانية و الرومانية الطالب بيدرس اللغة اليونانية و اللاتينية و ايضا بيم دراسة اللغة المصرية القديمة عموما القسم ليه مستقبل سواء الاثار المصرية القديمة او الاثار الاسلامية او الاثار اليونانية ! Abanoub Adly ! 24-07-2011, 02:45 PM شكرا يا ابتسام علي ردك و معلوماتك القيمة فعلا قسم الاثار من اجمل اقسام كلية الاداب و قسم الاثار دايما بيبقي ليه شرط ( مجموع اللغات ) مثلا : في قسم الاثار و الدراسات اليونانية و الرومانية الطالب بيدرس اللغة اليونانية و اللاتينية و ايضا بيم دراسة اللغة المصرية القديمة عموما القسم ليه مستقبل سواء الاثار المصرية القديمة او الاثار الاسلامية او الاثار اليونانية طب حضرتك أنا سمعت زى ما حضرتك بتقول إن القسم دة بيبقى طالب مجموع لغات و أنا مجموع اللغات عندى 139.5 فحضرك كدة أنا ممكن ادخلة ولا لأ و يا ريت ترد عليا و شكرا. Egypt for Ever 25 24-07-2011, 02:52 PM القسم يقبل الطلاب الحاصلين علي 80% او اكثر من مجموع اللغات في الثانوية العامة ( اللغة الاجنبية الاولي و الثانية ) ان شاء الله هتقبل في القسم ! Abanoub Adly ! 24-07-2011, 02:54 PM شكرا ليك جدا على ردك. |