هطلع ايه لو دخلت كليه العلاج الطبيعى ؟؟؟ [الأرشيف]

المساعد الشخصي الرقمي

مشاهدة النسخة كاملة : هطلع ايه لو دخلت كليه العلاج الطبيعى ؟؟؟

رامى قشوع

24-07-2011, 03:26 AM

Dr/ Nancy

24-07-2011, 04:27 AM

بلاش علاج طبيعى.. مجموعك ان شاء الله يلحق صيدلة ماتقلقش

ahmeds96

24-07-2011, 12:12 PM

اعتقد فيه موضوع عنها فى القسم الطبى شوفه وانت تعرف لان انا معنديش معلومات عنها للأسف

محمد ميزو

24-07-2011, 02:00 PM

فى الحقيقه انا مجموعى فى الثانويه العامه هو 96.8% وطبعا فى ظل التنسيق المرتفع ده السنه دى مش هلحق لا طب اسنان ولا صيدله

وانا محتار لان ممكن مجموعى ممكن يجيب علاج طبيعى

وطبعا الناس والاقارب يقللون من شأن الكليه دى حتى انهم يشجعونى انى ادخل علوم او حربيه افضل منها

بحجه انها لا معنى او مكانه لها وغير مربحه.. طبعا انا معرفش منين جابو المعلومات دى

حتى ان فى ناس قلتلى ) هتطلع فى الاخر مدلكاتى ( مع احترامى لكل الطلبه فيها

واتا جدا محتار هل الكليه دى ليها مستقبل؟؟ وهل هى تتبع القطاع الطبى و نقابه الاطباء ؟؟ والخريجين منها بيشتغلو فين ؟

وهل يعمل الخريجون منها فى المستشفيات ؟؟ ولا العلاج الطبيعى اللى فى المستشفيات بيكون خريجين طب ؟

انا محتار بجد واتمنى الاجابه سريعا
بص زي ما قالك اخونا ان في موضوع عن العلاج الطبيعي موجود
فكرة ان الكلية غير مريحة مش عارف مقصود بيها ايه
و فكرة مدلكاتي دي خاصة بالتربية الرياضية
الكلية ليها مستقبل اكيد ليها مستقبل افضل من اي كلية تانية عشان الطلبة فيها ممكن يبتدوا يشتغلوا من سنة تانية غير كده ليها تكليف
و الطلبة فيها من سنة تالتة بينزلوا مسنشفيات و لما بيتخرجوا بدوا في منهم بينزل في مستشفيات سواء اقسام داخلية لتأهيل المرضى بعد العمليات او الكسور او في العيادات الخارجية للتعامل مع الحالات المزمنة

و احد الحاجات المميز فيها العلاج الطبيعي في مصر هو الاصابات الرياضية لأن بعد حالات الاصابة بتكون الكلمة العليا ان اللعيب ينزل الملعب اولأ لأخصائي العلاج الطبيعي

و يكفي ان خريج العلاج الطبيعي المصري مصنف عالميا بعد خريج امريكا و كندا يبقى ازازي الكلية او المجال اي كلام و يمكن الميزة دي عشان المجال بيتهاجم كتير ده اللي مخليه متماسك و من اكتر الكليات اللي بتقدم ابحاث في مصر

و شوف الموضوع اللي عندك في القسم و ادخل على النت و دور عن ايه هو العلاج الطبيعي

وانا كنت طالب و كنت جايب مجموع يدخلني طب بشري و اسنان و صيدلة بس الحاجة الغير تقليدية و الجديدة هي اللي خليتني ادخل علاج طبيعي

وممكن تنزل و تشوف بنفسك في مراكز العلاج الطبيعي و مش مراكز الطب الطبيعي عشان في فرق شاسع و تروح المستشفيات و تشوف المرضى اللي اتعالجوا بالعلاج الطبيعي من المرضى اللي م اتعالجوش بيه و تشوف الفرق بنفسك

نسمه يسرى

25-07-2011, 05:12 PM

انا جايبه نفس مجموعك وكتبت رغبه1 صيدله وبعدين علاج وكله بردووووووووا بيخوفنى من العلاج الطبيعى وبيقولوا ملهاش مستقبل بس
صراحه انا مرتحالها

رامى قشوع

25-07-2011, 05:26 PM

بص زي ما قالك اخونا ان في موضوع عن العلاج الطبيعي موجود
فكرة ان الكلية غير مريحة مش عارف مقصود بيها ايه
و فكرة مدلكاتي دي خاصة بالتربية الرياضية
الكلية ليها مستقبل اكيد ليها مستقبل افضل من اي كلية تانية عشان الطلبة فيها ممكن يبتدوا يشتغلوا من سنة تانية غير كده ليها تكليف
و الطلبة فيها من سنة تالتة بينزلوا مسنشفيات و لما بيتخرجوا بدوا في منهم بينزل في مستشفيات سواء اقسام داخلية لتأهيل المرضى بعد العمليات او الكسور او في العيادات الخارجية للتعامل مع الحالات المزمنة

و احد الحاجات المميز فيها العلاج الطبيعي في مصر هو الاصابات الرياضية لأن بعد حالات الاصابة بتكون الكلمة العليا ان اللعيب ينزل الملعب اولأ لأخصائي العلاج الطبيعي

و يكفي ان خريج العلاج الطبيعي المصري مصنف عالميا بعد خريج امريكا و كندا يبقى ازازي الكلية او المجال اي كلام و يمكن الميزة دي عشان المجال بيتهاجم كتير ده اللي مخليه متماسك و من اكتر الكليات اللي بتقدم ابحاث في مصر

و شوف الموضوع اللي عندك في القسم و ادخل على النت و دور عن ايه هو العلاج الطبيعي

وانا كنت طالب و كنت جايب مجموع يدخلني طب بشري و اسنان و صيدلة بس الحاجة الغير تقليدية و الجديدة هي اللي خليتني ادخل علاج طبيعي

وممكن تنزل و تشوف بنفسك في مراكز العلاج الطبيعي و مش مراكز الطب الطبيعي عشان في فرق شاسع و تروح المستشفيات و تشوف المرضى اللي اتعالجوا بالعلاج الطبيعي من المرضى اللي م اتعالجوش بيه و تشوف الفرق بنفسك

طيب انا مقتنع بالكلام ده
بس انا سمعت ان فى مشاكل ومش معترف بأخصائى العلاج الطبيعى فى نقابه الاطباء
هل الكلام ده صحيييح؟؟

رامى قشوع

25-07-2011, 05:29 PM

انا جايبه نفس مجموعك وكتبت رغبه1 صيدله وبعدين علاج وكله بردووووووووا بيخوفنى من العلاج الطبيعى وبيقولوا ملهاش مستقبل بس
صراحه انا مرتحالها

والله وانا كمان مرتاحلها
والكلام اللى كل الناس بتقوله بيخلينى ساعات اخاف

رامى قشوع

25-07-2011, 05:31 PM

بلاش علاج طبيعى.. مجموعك ان شاء الله يلحق صيدلة ماتقلقش

طيب ياريت اعرررررف ليه بلااااش
ياريت اعرف عيوبهااا بليز

نسمه يسرى

25-07-2011, 06:35 PM

والله وانا كمان مرتاحلها
والكلام اللى كل الناس بتقوله بيخلينى ساعات اخاف

بص يارامى انا كتبت الرغبات والله صعب عليا اكتب العلوم فى الاول لان اجيب9608 وادخل علوووووووم غير كده بيقولوووووا انها صعبه
وسمعت ان انك تبقى دكتور تحاليل اتلغت من علوم فاخرها ايه ابقى مدرسه
كتبت صيدله الاول وانشاء الله ربنا يكرمنا حتى نلحق اسيوط
وبعدين كتبت علاج طبيعى (اوك فى البيت رفضين علاج طبيعى) بس حاسه انى مرتحاله وليه فرص عمل حلوه بالمستشفيات والتاهيل للعيبه الكوره وال عندهم كسوررر وكده

وممكن تبقى دكتور تخسيس ودول شغلهم عشره على العشره

وبعدين كتبت بطرى
لو انت حابب مهنه الطب عامه متخليش حد ياثر عليك وادخل اى كليه طبيه حتى لوكانت بطرى
ده مستقبلك وانت ال هتعيشه مش حد تانى

سورى طولت عليك

hoshoss

25-07-2011, 11:54 PM

العلاج الطبيعى مطلوب جدا وكل الامراض بحاجة اليه كمان مكسبة حلو قوى والعمل بالخارج متوافر لان عدد لاخريجى الكلية صغير وبيكون السفر مجزى جدا ودا كلام دكاترة علاج طبيعى مش كلامى انا

كيميائي طبي2011

26-07-2011, 03:41 AM

كيميائي طبي2011

26-07-2011, 03:43 AM

احنا كاخصائي تحاليل طبية بنعلن تضامنا الكامل مع اخصائي العلاج الطبيعي في مواجهه الاطباء

نسمه يسرى

26-07-2011, 02:21 PM

والله حل الموضوع ده كله اننا نلق صيدله انشاء الله

محمد ميزو

26-07-2011, 08:23 PM

طيب انا مقتنع بالكلام ده
بس انا سمعت ان فى مشاكل ومش معترف بأخصائى العلاج الطبيعى فى نقابه الاطباء
هل الكلام ده صحيييح؟؟
هو اخصائيين العلاج الطبيعي مش في نقابة الاطباء و لكن ليهم نقابة لوحدهم
وفي مشاكل كتير و لكن الحمد الله بعد الثورة العلاج الطبيعي ابتدى ياخد حقة و القوانين اللي كانت بتديله حقه هتتنفذ
و غير كده في خلال سنتين بعد مشروع الجودة و الدي بي تي ممكن الكلية تبقى رقم واحد على مستوى مصر

و مفيش كلية من فروع الطب ملهاش مشاكل مع بتوع الطب سواء اسنان و صيدلو و علاج طبيعي
ف موضوع المشاكل ده ممكن تسمع فيه كتير

fantazia22

27-07-2011, 06:25 PM

احنا كاخصائي تحاليل طبية بنعلن تضامنا الكامل مع اخصائي العلاج الطبيعي في مواجهه الاطباء

ليه ال*** ده ! ... بهزر ... بس شيفاك متعصب شوية ع بتوع طب :redface:

كيميائي طبي2011

27-07-2011, 07:18 PM

ليه ال*** ده ! ... بهزر ... بس شيفاك متعصب شوية ع بتوع طب :redface:

لو دخلت علاج طبيعي او علوم وبقيت اخصائي علاج طبيعي او اخصائي تحاليل طبية
هتعرف *** بتوع طب ضدك :) ساعتها هتبقي ا*** من كده :o

Dr_Mohamed_LFC

27-07-2011, 07:21 PM

دى احسن كلية بجد هتبقى دكتور علاج طبيعى شغلها كتير و الساعه ب 3 جنية والحسابة بتحسب

artistgirl

28-07-2011, 05:56 PM

انا كتبتها برضوا بعد صيدله واسناااان انا جايبه 95.6 بس المشكله انى من اسكندريه يعنى هتغرب

رامى قشوع

29-07-2011, 03:10 PM

انا كتبتها برضوا بعد صيدله واسناااان انا جايبه 95.6 بس المشكله انى من اسكندريه يعنى هتغرب

انا برده كاتبها بعد الصيدله مع انى كان نفسى اكتبها قبليها لولا ضغط الاهل عليا برده لانى فى اسكندريه وهعد 5 سنين ف القاهره

zidan2011

29-07-2011, 06:55 PM

بص يارامى انا كتبت الرغبات والله صعب عليا اكتب العلوم فى الاول لان اجيب9608 وادخل علوووووووم غير كده بيقولوووووا انها صعبه
وسمعت ان انك تبقى دكتور تحاليل اتلغت من علوم فاخرها ايه ابقى مدرسه
كتبت صيدله الاول وانشاء الله ربنا يكرمنا حتى نلحق اسيوط
وبعدين كتبت علاج طبيعى (اوك فى البيت رفضين علاج طبيعى) بس حاسه انى مرتحاله وليه فرص عمل حلوه بالمستشفيات والتاهيل للعيبه الكوره وال عندهم كسوررر وكده

وممكن تبقى دكتور تخسيس ودول شغلهم عشره على العشره

وبعدين كتبت بطرى
لو انت حابب مهنه الطب عامه متخليش حد ياثر عليك وادخل اى كليه طبيه حتى لوكانت بطرى
ده مستقبلك وانت ال هتعيشه مش حد تانى

سورى طولت عليكالعلاج الطبيعي مستقبله افضل من الطب البشري وانا أخصائي طب بشري وحاصل على الماجستير في جراحة المسالك وأعمل خارج مصر من 20 سنه والدول المحترمة العلاج الطبيعي قسم متكامل مستقل بذاته وخريج العلاج الطبيعي فى مصر له تكليف ولهم تخصصات ولهم عمل داخل وخارج مصر ودراستهم على أعلى مستوي يكفي أن علاج طبيعي مصر الثالث عالمياً بعد أمريكا وكندا المشكلة فى نقيب الأطباء حمدى السيد اللى رافض يعطيهم لقب دكتور وهذه مسألة شخصي والمفروض لقب دكتور لا يعطي حتى لخريج طب بشري لآنه لقب يعطي لكل الحاصلين على الدكتوراه منجميع الكليات أما المفروض هو طبيب وطبيب اسنان وصيدلاني واخصائى علاج طبيعي بس فى مصر الناس مسمين هذه الكليات كليات القمة ولو سافروا للخارج هيعرفوا إن كل الكليات قمة إذا تخرج منها كفاءات مش دبلومات تجارة يبيعوا فى الصيدليات وصيادلة بيفتحوا خراريج ويخيطوا جروح ويكشفوا على المرضى وكثير من التخلف فى مصر.

‏Dr.KaR!MaN

29-07-2011, 09:35 PM

علاج طبيعي إن شاء الله . . من غير كتر كلام

mahmoud farid el_lamy

01-08-2011, 10:37 PM

سورى انتى انانيه جدا جدا جدا جدا

seelvaa

03-08-2011, 07:35 AM

انا قبلت في علاج طبيعي القاهرة بس الكل رافض الفكرة وشايفين ان علوم او حتى تربية افضل من علاج طبيعي مش عارفة اعمل ايه

israa_ezzat

03-08-2011, 12:51 PM

من فضلكم يا جماعة حد يرد عليا دلوقتى الهندسة ولا العلاج الطبيعى احسن من حيث الاسم اللى هخدة من بعد التخرج وهل فى الكلية دى بيلبسوا بلطو ابيض زى الطب

israa_ezzat

03-08-2011, 12:53 PM

وهل معترفين بخريج العلاج الطبيعى بانة دكتور وهل ينفع ادخل هندسة عن طريق علمى علوم

‏Dr.KaR!MaN

03-08-2011, 01:07 PM

هندسه إزاي من علمي علوم !!
لأ ماينفعش . .
وكلية علاج طبيعي كويسه جدا مش وحشه وحتة دكتور ولا أخصائي علي ما أعتقد هي لحد دلوقتي أخصائي ، وأكيد في بالطو أبيض .

israa_ezzat

03-08-2011, 01:51 PM

طاب يا اخت كاريمان ايهما افضل من حيث الاسم الهندسة ولا العاج الطبيعى وهو حضرتك فى كلية اية

‏Dr.KaR!MaN

03-08-2011, 03:16 PM

أنا في علاج طبيعي والله . . والبعدين علاج طبيعي من حيث الأسم والسوق كويسه جدااا.

رامى قشوع

03-08-2011, 03:18 PM

وهل معترفين بخريج العلاج الطبيعى بانة دكتور وهل ينفع ادخل هندسة عن طريق علمى علوم

الطريق الوحيد لدخول الهندسه من علم العلوم حسب ما اعرف الجامعه الخاصه حيث انك بتقدمى فى كليه خاصه زى فاروس مثلا وبتخدى فتره تدرسى فيها الرياضه 2 بعد كده بتخشى الهندسه

israa_ezzat

03-08-2011, 03:29 PM

طاب معلش يا اخت كاريمان انا دلوقتى عاوزة اعرف بيندهولكو فى الجامعة باية وهل لما هتتخرجى هيقولولك يا دكتورة

israa_ezzat

03-08-2011, 03:34 PM

طاب يا جماعة هو العلاج الطبيعى بياخد من كام

‏Dr.KaR!MaN

03-08-2011, 03:47 PM

أولا : هايقولولك يادكتوره غصب عنهم
ثانيا : العلاج الطبيعي الحكومي من 96.7% والخاص من 73% حد أدني .

israa_ezzat

04-08-2011, 09:31 PM

يا جماعة بنت عمتى جايبة فى سنة ثانية ثانوى السنادى 92% وهى مش عارفة تكمل اية هل تكمل علمى علوم زى ما هى ولا تحول علمى رياضة مع العلم انها مش بتحب الرياضة بس هل لو ضغطت على نفسها فى المذاكرة شوية تلحق تحصل كلية كوية والمستوى الرفيع اقصى حاجة يزيدها كام فى المية

XmanX

05-08-2011, 12:32 PM

والله العلاج طبيعي ده هااااااااااايلو اسئلو اللي استفاد منه و العلاج الطبيعي ده علاج سحري

dr.loai

07-08-2011, 12:07 AM

ردا على جميع الاستفسارت باذن الله

بالنسبة للقب دكتور:
لازم نعرف الاول لقب دكتور ده ايه؟ ده لقب اكاديمى يحصل عليه كل من حصل على دكتوراة فى اى مجال سواء طب او علاج طبيعى او اسنان او هندسة او زراعه او حقوق او الجن الازرق حتى

لكنه مجازا فى مصر و كعرف بيطلق على كل من ارتدى البالطو الابيض من اولالطب البشرى لحد الطبيرى مرورا بالصيدلة و الاسنان و العلاج الطبيعى

و كمان خد بالك ان كارنيه النقابة بتاعك هيتكتبلك دكتور كذا و كمان قانون مزاولة المهنة بيقولانه من حقك ده غير الاحكام القضائة الكتير اللى بتقول ان لقب دكتور من حقك

بلنسبة لموضوع النقابة يا ريت و النبى نفرق بين نقابة الاطباء و نقابة المهن الطبيهة لان نقابة الاطباءخاصة بخريجى كليات الطب البشرى بس زة نقابةالصيادلة و نقابة العلاج لطبيعى و نقابة اطباء لاسنان و المعلمين و هكذا

اذن فانت دكتور و فى المستشفى بيتقالك يا دكتور من العيانينو من الممرضين و من الدكاترة اللى هناك بدليل ان فيه حلالات كتير ببتحولك من دكاترة العظام مثلا

طب ايه مميزات الكلية

أنا هختصر اوى فى النقطة ى و اوقلك ان عددنا قليل جدا بالنسبة لاعداد الطب البشرى او الصيدلة او الاسنان فبسهولك بتلاقى شغل كتير سواء فى مصر او بره مصر

اتمنى تكون اجاباتى واضحةو شافيه بعض الشئ ليكم و ان شاء الله فى انتظار كل ردودكم و استفساراتكم من خلال الهاتف او من خلاص صفحتنا على لفيس بوك

facebook.com/groups/240961975925072/

الشفق القرمذى

10-08-2011, 08:01 AM

علاج طبيعى مجالها جامد

سمسم ك.م

11-08-2011, 12:15 AM

اية ياجماعة انتوا كل اللى هاممكوا اللقب طيب ما فى داكترة بشرى وميستحقوش اللقب دة
ارجوكم سيبكم من التفكير دة وكل واحد يقول الحمد لله ويحاول يحقق نفسة ف الكلة اللى
هيدخلها
مع احترامى للجميع
والله الموفق

ahmed bendary

11-08-2011, 02:08 PM

الجروب ده للرد على استفسارات طلبة سنة اولى علاج طبيعى ان شاء الله

dr.loai

11-08-2011, 08:59 PM

dr. ahmed khalil

07-08-2012, 07:47 AM

اولا انا (صيدلة)وبقوللل بلاش صيدلة !!صيدلة يا جماعة بقت عاملة زي خريج التجارة ,..مصر كلها بقت صيادلة ,..احلي حاجة اني العلاج الطبيعي مش معروف خالص و الدليل اني كله بيقول صيدلة و محدش عارف ايه هو العلاج الطبيعي كله بيمشي وراء الحاجة التقليدية زي منا مشيت كدة من 3 او 4 سنين و ندمت بعديها:av4056bb7jp3: ,...انا شايف اني مجال العلاج الطبيعي و الاسنان احسن كليتان في مصر من ناحية المستقبل و المكانة الاجتماعية طبعا و ده في كل الكليات الطبية طبعا (دكتور) و اني اكتر كليتان ليهم حاصل مادي هما ,,,دول الكليتان الوحيدين اللي في مصر و ده مش كلامي ده كلام الدكاتره الكبار و الناس الكبيرة اللي فاهمة و اني كمان العلاج الطبيعي اسهل في في المستقبل بتاعه عن الاسنان لاني الاسنان لازم تكووون دكتورر شاطرر اوي عشان الناس تجيلك ,,,لكن العلاج الطبيعي سهل في شغله شوية عن الاسنان و انك ممكن تتفوق جداا فيه لاني عدده قليييييييييييييييل جداااا ,,.كل سنا لا يتعدي خريجه عن ال800 واحد ,,عكسنا احنا الصيادلة بنعدي الالفات كل سنة D :D: واللي معترض علي كلامي يسال حد (كبييير) و مش كبير بس يكون فاهم او اي دكتور (كبير) و يكون بردو فاهم ايه هو العلاج الطبيعي,,,,شكرااا

brave st

17-08-2012, 05:14 AM

مهندس أكيد .............................