GoOoRy
24-07-2011, 07:59 AM
أنا خلصت الثانوية ورايحه الجامعة
بس للأسف خلصتها وياريتني ماخلصتها
لأني جبت نسبه وحشه جدا و مابقولش غير (الحمدلله)
بس مش بأيدي الموضوع مأثر على نفسيتي جدا
صحيح ماذاكرتش السنه دي بسبب ظروف خارجه عن أرادتي حصلت قبل الامتحانات بشهرين منعتني من اني أذاكر أو حتى أروح دروس
ودخلت الامتحانات بمذاكرة ليلة الامتحان فقط من أسئلة الجمهورية
بالرغم من كده الحمدلله عمري مافكرت اني أغش مع ان الفرصه أتيحت ليا أكتر من مره لأني فعلا بكره حاجه أسمها غش.....
ومن يوم ماطلعت النتيجه وأنا مصدومه بجد ومعنوياتي بقت في الأرض وخايفه جدا ما ألحقش كلية
رجاءا قولولي أعمل أيه....
أنين الأنين
24-07-2011, 08:31 AM
قولى الحمد له
إنا لله وانا اليه راجعون لله ما أخذ ولله ما أعطى
الله وحده هو الاعلم بأحوالك وثقى بانه يختار لك الخير دائما
وامامك المجال واسع مهما كانت الكلية او غيرها فى التفوق والاجتهاد والمعرفة
لا داعى للقلق لانه مش هيفيد
اطمنى واتركى الامر لله وادعي دائما وان شاء الله لن يخذلك
وتذكرى ان الوظيفة الاساسية لنا هى ارضاء الله والفوز بالجنة
واشغلى وقتك بالطاعات
ولو رجعلك القلق فكرى فى الاخرة وانك هتتحاسبى على ايه
ومدى تفاهة الامر بالنسبة للاخرة
صدقينى الطريقة دى ريحتنى كتير
يارب اكون حاولت اريحك
وان شاء الله ادعيلك
هارى12345
24-07-2011, 08:36 AM
أنا خلصت الثانوية ورايحه الجامعة
بس للأسف خلصتها وياريتني ماخلصتها
لأني جبت نسبه وحشه جدا و مابقولش غير (الحمدلله)
بس مش بأيدي الموضوع مأثر على نفسيتي جدا
صحيح ماذاكرتش السنه دي بسبب ظروف خارجه عن أرادتي حصلت قبل الامتحانات بشهرين منعتني من اني أذاكر أو حتى أروح دروس
ودخلت الامتحانات بمذاكرة ليلة الامتحان فقط من أسئلة الجمهورية
بالرغم من كده الحمدلله عمري مافكرت اني أغش مع ان الفرصه أتيحت ليا أكتر من مره لأني فعلا بكره حاجه أسمها غش.....
ومن يوم ماطلعت النتيجه وأنا مصدومه بجد ومعنوياتي بقت في الأرض وخايفه جدا ما ألحقش كلية
رجاءا قولولي أعمل أيه....
الحمد لله على كل شىء.ده نصيبك وربنا عايز كده
اكيد الكليه اللى هتدخليها هتكون احسن ليكى
وممكن تبقى احسن من اللى جابوا 99% و100%
شدى حيلك فى الكليه وذاكرى جامد وخليكى الاولى على الدفعه على طوووووول وان شاء الله تبقى دكتورة فى الجامعه وتبقى الدكتورة راحت والدكتورة جات
ايه يعنى لما كنتى تدخلى طب ولا صيدله وكل شويه تعيدى السنه ولا تفشلى فيها .............
ان شاء الله تلحقى كليه كويسه باذن الله
وحوشى من دماغك قصه لو مدخلتش كليات القمه ابقى فاشلة ومستقبلى ضااااااااااع
والله كتير جدا من اللى داخلين هندسه (البنات)
بيشتغلوا مدرسين رياضه.وفيه واحد سابه من الكليه وبقى جزاااااااااااااار
قلبي ملك لربي
24-07-2011, 03:11 PM
انا سمعت ان التحسين رجع تاني سؤاء لتانيه او تالته وقريبه صحبتي نزلت امبارح وسالت وعملته ممكن تسالي في مدرسه وده ممكن يفيدك
GoOoRy
24-07-2011, 07:28 PM
seen
شكرا جزيلا على الاهتمام والرد على الموضوع
الحمدلله أنا ثقتي بربي تعدت كل ثقه وعارفه أنه هيختارلي الأفضل دائما
لكن أنا اللي مأثر فيا أن أهلي ومدرسيني كانو دايما يمدحو فيا وف مستوايا ويقولولي انتي هاتجيبي السنه دي أعلى العلامات
ده أداني ثقة في نفسي وخلاني أحط أمل على حاجه كبيره
لكن الحمدلله...... ماكل مايتمنى المرء يدركه
كلماتك فعلا ريحتني كتير ربنا يجعلها في ميزان حسناتك وياريت تدعيلي لأني بأمس الحاجه للدعاء
GoOoRy
24-07-2011, 07:34 PM
هاري
شكرا كتير على ردك واهتمامك بالموضوع
كلامك جميل جدا ورفع من معنوياتي بعد ماكانت ادمرت
أنا ان شاء الله هبذل قصارى جهدي في الكليه عشان أعوض اللي حصلي
(الدكتوره راحت الدكتوره جت) عجبتني أوي الجمله دي ربنا يسمع منك يارب وشكرا مره تانيه على زوقك
دعواتك...
GoOoRy
24-07-2011, 07:38 PM
bobty
مرسي جدا على الاهتمام والرد
أنا ماعرفش يعني ايه تحسين بسمع عنه مجرد سمع
لكن لو هعيد السنه عشان أحسن مستوايا فالأفضل لا
دعواتك ليا...