الساكت عن الحق : شيطان اخرس (للجميع) !!!! [الأرشيف] - بوابة الثانوية العامة المصرية

مشاهدة النسخة كاملة : الساكت عن الحق : شيطان اخرس (للجميع) !!!!

hisham1234

24-07-2011, 10:29 AM

بسم الله الرحمن الرحيم
======================
هو لازم يحصل كدة ... الوزير الجديد يعلى التنسيق !!!
ليه ؟ عشان الجامعات الخاصة تشتغل
تخيل حضرتك تعب سنتين يعنى 24 شهر !! يعنى 43200 ساعة تعب وفى الاخر
مش هتدخل الكلية اللى انت عاوزهــــــــــــــــــــــــــــااا
تخيل لما واحد جايب 98% مش يدخل طب
تخيل لما واحد جايب 96% مش يدخل صيدلة
تخيل لما واحد يجيب 92% مش يدخل هندسة
ليــــــــــــــــه ده كله ؟؟
عشان واحد متعين اسمه الوزير " دماغه كدة " !!
عاوز يشغل الجامعات الخاصة !!!
فيضيع مستقبلنا وخلاص عادى
نبقى اغبية لو مش عملنا حاجة !!!
ده حقنا وتعبنا مش ينفع نسكت عليه
نفسى مرة مش اشوف ظلم !!!!
حرااااااااااام بجد !!!!!!!!
مستقبلك هيضيع عشان مصالح الوزير !!!!!!!!!!!!!!

لازم نعلى صوتنا !!!!!!! لازم نعمل حاجة!!!
حتى لو انت جايب 99% لازم تعمل حاجة !!!
مش تشوف حق اخوك او اختك بيضيع وتسكت !!!!
عشان لما يجى حقك يضيع بعد كدة تلاقى حد يقف جنبك !!!!

" مش لازم نعمل مظاهرات "
بس ممكن نعمل الاحسن من كدة
وهنوصل صوتنا بسرعة !!!!
نمتنع عن تسجيل الرغبات : اعتراضا عن التنسيق !!!
مش تخاف لما كلنا هنعمل كدة
سعادة حضرة الوزير لما يجى من مارينا هيلاقى فى مصيبة محدش عاوز يدخل جامعات !!
فهيضطر ينزل التنسيق
سبحان الله تخيلوا مصيرنا كلنا فى ايد واحد زى ده
عاوز الجامعات الخاصة تشتغل عشان يلم فلوس اىا كانت مصلحته
عشان خاطرى
امتنعوا عن تسجيل الرغبات
طالبوا بحقكوا
الساكت عن الحق : شيطان اخرس
يا اخى لو مش صعبان عليك نفسك : شوف حالة ابوك و امك اللى تعبانين عشانك
عشان تتطلع حاجة كويسة وفى الاخر " لا شىء "

والله العظيم هتتسأل عن حقك اللى انت ضيعتوا ده يوم القيامة !!!

нεвα αкгαм

24-07-2011, 10:36 AM

للمعلومية فقط

التنسيق ملوش أي دعوة بالوزير
التنسيق بيكون كالآتي

مثلاً كليات الهندسة في مصر تستوعب 17 ألف طالب " للمثال فقط "
واللى جايب فوق 94% ، 20 ألف طالب شعبة علمي رياضة
وطبعا مش كل دول هيدخلوا هندسة
وبفرض إن اللى هيدخل هندسة 17 ألف من الـ 20 ألف
إذن الحد الأدنى لكليات الهندسة 94%

وهكذا مع بقية الكليات ،، ملهاش دعوة بالوزير أو بالجامعات الخاصة
الموضوع متعلق بالإمتحانات السهلة والمجاميع الخيالية
علشان كده التنسيق بيعلى بجنون لأن فيه ناس جايبة فوق 100%

وهم لو خفضوا الحد الأدنى يبقى الطلبة هيتكوموا فوق بعض في الكليات
هو نظام التعليم كله فاشل ودا ملوش علاقة بالوزير ،،

سكر مملح

24-07-2011, 10:37 AM

ههههههه
انت ليه مفسر الموضوع بالشكل ده
ليه انت عاوز اللي ذاكر يتساوى باللي مذاكرش
وبعدين انتو عاوزين امتحانات سهله وتنسيق نازل غريبه والله
وكمان كل كليه بتاخد عدد معين
....البلد كلها هتبقى دكاتره ومهندسين يعني
وكل واحد عاوز حاجه هتشتغلة اعتصامات ماهو ده الحاجه السلبيه للثوره
لاوم تشوف الموضوع بكل نواحيه
وتكون مرن شويه وتقبل الواقع
زي اللي دخلو ثانوي قبل كده جابو نسب عاله ومدخلوش طب ولا هندسه

سكر مملح

24-07-2011, 10:40 AM

على فكره احنا اللي بنحدد التنسق بالمجاميع اللي احنا جايبنها
يعني احنا اللي علينا الطب والهندسه مش الوزير
على فكره الوزير مكانش بيمتحن معانا عشان يحط التنسيق على مزاجه

real madrid cf

24-07-2011, 10:44 AM

Amr Eltaweel

24-07-2011, 10:51 AM

tafa10

24-07-2011, 11:25 AM

انا معاك واول واحد هامتنع عن التنسيق

hisham1234

24-07-2011, 07:15 PM

والله انت شكلك مش فاهم حاجة ... فى سياسة للنظام الحقير القديم بيعملوها وهى " سياسة الجامعات الخاصة "
الجامعات ممكن تاخد اعداد اكتر من كدة
=========
انت ليه محسسنى لو فيه اعداد كتير يبقى التعليم مش حلو او مفيش شغل
ده على اساس اللى متخرجين من السينين اللى فاتت لاقيين شغل !!!!
===========
سليبات الثورة !!!!
هو الواحد لما بيدافع عن حقه يبقى دى حاجة سلبية !!!!
يعنى خلاص ادنى قاعد ساكت واخد على قفايا وانا كدة ايجابى " هههههههههههههههه "

حمدي السبكي

24-07-2011, 07:32 PM

ممكن حضرتك تقرى الرد بتاعي

أكيد انت كنت من الناس اللي طالبت بامتحانات سهلة..و الامتحانات السهلة سبب رئيسي في ارتفاع المجاميع...و ارتفاع المجاميع هي السبب الأول في ارتفاع التنسيق...يبقى كده اللي طالبوا بامتحانات سهلة هم سبب ارتفاع التنسيق

دلوقتي...الناس اللي جايبة فوق 97% على أقل تقديييييير 15000 واحد...عايز الطب ياخد من 97%...ماشي معاك لحد الآخر...لو كل سنة بالمنظر ده..15000 واحد هيدخلوا طب كل سنة...15000 دكتوووور هيتخرجوا كل سنة...يعني في خلال 6 سنين الدكاترة هيبقوا اكتر من المرضى

و غير كده....ده أكيد هيأثر على التعليم في الطب...لما تبقى الدفعة 1000 واحد...دفعة طب 1000 واحد !!!
و كل واحد منهم عايز يتدرب عملي و شفوي و يروح و ييجي...يبقى اكيد الجودة هتقل و مش هنلاقي دكاترة مبدعين زي اللي منتشرين في كل حتة ما شاء الله

مكن حضرتك تشبهها بالفصول المتكدسة في المدارس الابتدائي و الإعدادي...تلاقي الفصل فيه 100 واحد...و النتيجة طالب ثانوي ميعرفش المبتدأ من الخبر....مبتدأ إيه و خبر إيه...مبيعرفش يقرا و يكتب
.................................................. ......................
.................................................. ......................
الخلاصة....التنسيق ملهوش دعوة بالوزير...كل العلاقة هي بالمجاميييييع و عدد الطلاب المتقدمين لكل كلية
و أخيرا...طب و هندسة مش نهاية الدنيا
مش معنى ان الواحد مدخلش طب أو هندسة أنه فاشل !!!!!
بلاش الفكرة دي بقى و منظق استخسار المجموع...عيب

karimadel7

24-07-2011, 07:39 PM

ana m3ak bs mahdsh hay3brk fel montada hna klhm masha2 allah 100 w 99.
5 ana 98 w shakly msh da5l ae ha
ga w kl maklm wahd y 20ly ma fe nas t3bt ak
tr mnk a2olhm walahy gashen mhdsh
ysd2ny maho tlama el wahd g
ab 99 y
b2a el
ba2y ywl3 kl wahd 3ayz nfso ana mgshet
sh w mazloom fe 6 drgat 3mlt tazalom w msh hastslm w harf3 2dea

مادام انت عملت كده و مغشتش أتأكد ان ربنا هينصرك و هيوفقك للي فيه الخير ليك
يمكن ربنا مش عايزك تدخل طب عشان عارف انه مفهوش خير ليك
يمكن ليك في طب أسنان خير أضعاف اللي كنت تلاقيه في طب
مادام انت اجتهدت و عملت اللي عليك يبقي ربنا هيوفقك للي فيه الخير ليك
صدقني ياما فيه دكاترة بتقبض 350 في الشهر
و كتير محاسبين ليقبضوا 10000 في البنوك
الرزق و الخير ملوش علاقة بالكلية

barsoomhanna

24-07-2011, 08:09 PM

real madrid cf

24-07-2011, 08:22 PM

مادام انت عملت كده و مغشتش أتأكد ان ربنا هينصرك و هيوفقك للي فيه الخير ليك
يمكن ربنا مش عايزك تدخل طب عشان عارف انه مفهوش خير ليك
يمكن ليك في طب أسنان خير أضعاف اللي كنت تلاقيه في طب
مادام انت اجتهدت و عملت اللي عليك يبقي ربنا هيوفقك للي فيه الخير ليك
صدقني ياما فيه دكاترة بتقبض 350 في الشهر
و كتير محاسبين ليقبضوا 10000 في البنوك
الرزق و الخير ملوش علاقة بالكلية
5rbana 5rbana hasbe allah w n3m el wakeel 5rbt w ele kan kan

د/محمود ابوالروس

24-07-2011, 09:34 PM

يبنى الامتحانات دى تخلى التنسيق اعلى من كدة في اصعب امتحانات كان التسيق مرتفع
شوف امتحانات 2008 وتنسيق2008اخر هندسة91.1على الرغم بالنسبة للامتحانات المفروض كانت 85اخرها