البداية السلام عليكم و رحمة الله و بركاته

دلوقتي كل الناس متضايقة ان اللي جايب 98% مش هيلحق طب...مع ان طب مش نهاية الدنيا يعني

أولا....كل الناس طانت بتطالب بامتحانات سهلة و الامتحانات السنة دي جت أسهل ما يمكن و عشان كده المجاميع عالية...يعني ارتفاع المجاميع ده حصل نتيجة لطلب إحنا طلبناه

ثانيا....مجموع الطلاب اللي جايبين فوق 98% على مستوي علمي علوم أكتر من 9000 طالب...و السعة الكلية لكليات طب كلها أقل من 7000 طالب...يبقى بالمنطق و بالموضوعية...المفروض طب ياخد من كام ؟؟

انا قصدي ان الواحد نصيبه مجاش في طب..يدور على غيره و أحسن من طب..يدور على حاجة يتفوق فيها...مش منطق أبدا إن الواحد لو مجالوش طب - مع إنه جايب 98% - يقوم عامل اعتصام و مظاهرات

لأ...نفهم الأسباب :

1 - ارتفاع المجاميع السنة دي بشكل غريب و برضه ده نتيجة لسهولة الامتحانات اللي احنا طلبناها و ده أدي إلي ارتفاع أعداد الطلاب اللي جايبين 98% فيما فوق إلي أكتر من 9000 طالب

2 - لو فرضنا ان اللي جايبين 97% فيما فوق تقريبا 12000 واحد...هل من المعقول ان الطب ياخد من 97% ؟
يعني على الاقل 11000 واحد هيدخل طب و المفروض ميدخلوش أكتر من 7000 طالب ؟

3 - لو نصيبك مجاش في طب...عندك طب أسنان..عندك صيدلة...عندك حاجات حلوة جدا ( لو اتفوقت فيها و ذاكرت نفس مذاكرة الطب )

.................................................. ...................................

ده رأي و ياريت تناقشوني لو انا صح و لو انا غلط

و شكرااااااااااااااااااا

فعلا انا كان عندي رد اصل اللي جايب 98 ده واحد تعب واهله تعبوا اكتر منه علشان يدخل الكلية دي خصوصا اذا كان هو حاببها وحاسس انه هيتفوق فيها 98 ماجتش بسهولة خصوصا السنة اللي فاتت مع وزير جاي امتحانات كلها زي الزفت مع العلم برضه ان امتحانات السنة ماكانتش كلها سهلة ولازم نحط في بالنا ان السنة اللي فاتت كانت سنة فراغ يعني مفروض كليات طب بالذات تطلب اعداد زيادة مش تخفض الاعداد لاقل من 7الاف انا مش شايفة في قرار الوزير حاجة غير انه بينشط الجامعات الخاصة زي ماقال وبيزود فلوسهم ده حرام طبعا وكده هو بيخصخص التعليم بعد الواحد ماتعب علشان يجيب المجموع ده وبيقضي علي طموحاته

و الله الواحد قدر قيمة الامتحانات الصعبة معلش الطلاب بيطلعوا زعلانين بس المجاميع بتنزل و التنسيق كمان بينزل و الفروق بتظهر بين الطلاب فى المجاميع مش زى مهزلة السنة دى الامتحانات جاءت سهلة و عدد كبير من الطلاب جايبين فوق 97% و عايزين كلهم يدخلوا طب و كتير من الطلاب المتفوقة اتظلمت بسبب ارتفاع المجاميع و ارتفاع التنسيق . و ربنا يستر على الجميع ...

تمام يا غالي كلامك زي الفل القدرة الاستيعابية لكليات القمة ثابتة
تصحيح بس وربما صدمة
عدد اللي جايبين فوق الـ 97% اكتر من 20 الف طالب في العلمي وليس 12 الف

كلام محترم و عقلاني

كلام مظبوط وعقلاني

فعلا انا كان عندي رد اصل اللي جايب 98 ده واحد تعب واهله تعبوا اكتر منه علشان يدخل الكلية دي خصوصا اذا كان هو حاببها وحاسس انه هيتفوق فيها 98 ماجتش بسهولة خصوصا السنة اللي فاتت مع وزير جاي امتحانات كلها زي الزفت مع العلم برضه ان امتحانات السنة ماكانتش كلها سهلة ولازم نحط في بالنا ان السنة اللي فاتت كانت سنة فراغ يعني مفروض كليات طب بالذات تطلب اعداد زيادة مش تخفض الاعداد لاقل من 7الاف انا مش شايفة في قرار الوزير حاجة غير انه بينشط الجامعات الخاصة زي ماقال وبيزود فلوسهم ده حرام طبعا وكده هو بيخصخص التعليم بعد الواحد ماتعب علشان يجيب المجموع ده وبيقضي علي طموحاته

مع حضرتك في ان اهله تعبوا و هما تعبوا.....بس لما تبقى دفعة طب 500 و حضرتك تطلبي زيادة...كده جودة التدريس هتقل...ازاي كية طب دفعتها 500 اصلا ؟؟ و حضرنك عايزاها 700 او 800 ؟؟ ايه الفرق بينها و بين حقوق بقى ؟؟

و بعدين...مع كامل احارمي...في 20000 واحد تعبوا و جابوا 97%...كلهم يدخلوا طب ؟؟
على كده بعد 5 سنين الدكاترة هيبقوا أكتر من المرضى

انا كلامي مش عاطفي انا كلامي واقعي جدا...قصد كلامي انه زي ما كان هيتفوق في طب مس ربنا مجابهالوش في تنسيقه..يدخل طب أسنان و يذاكر ربع مذاكرته في طب و هيتفوق فيها جدا...صيدلة..لو كان حابب أي مجال تاني يدخله..بس اننا ندخل 15 ألف واحد طب..زي بالظبط فصل المدرسة اللي فيه 100 واحد...النتيجة تدني مستوى التعليم الجامعي

و زي ما قولت كلامي واقعي مش عاطفي

تمام يا غالي كلامك زي الفل القدرة الاستيعابية لكليات القمة ثابتة
تصحيح بس وربما صدمة
عدد اللي جايبين فوق الـ 97% اكتر من 20 الف طالب في العلمي وليس 12 الف

كمان .... يعني ده بيزود الموضوع اكتر

ايوه كل كلامك صح

شكرا يا باشا :)