انا لسه مخلصه الثانوية العامة السنة دي و ناوية ادخل صيدلة السنة الجاية انا بس عندي سؤال هو انا ماما و بابا صيدلانيين و عندنا صيدلية و حيفتحوا واحدة تانية قريب بإذن الله.
و انا علي فكرة حابة الشغل في الصيدلية علي الرغم من ان البعض بيقول انه بيبقي بقال ( و هو ما اعارضه عليه بشدة).علي العموم سؤالي هو هل يوجد اي طموحات اخري يعني انا مثلا بعد ما اخد البكالوريوس ان شاء الله هل حيبقي في تاثير في شغلي سواء حضرت ماجستير او لا


هل بيبقي في حاجة في مجال الصيدلة اقدر اخد بيها منحة او اسافر للخارج (مع عدم التقيد بالشغل في الصيدلية في الحالة دي )
ارجو الافادة قبل نهاية التنسيق عشان لو كده اكتب طب و انا الحمد لله جايبة ١٠٠% و مجموعي حيجيب الاتنين

أنا شايف إن ما شاء الله كل الفرص مهيأة ليكي للصيدلة
بالذااات إن باباكى ومامتك صيدلانيين
وهتفتحوا صيدلية
لكن السؤال التانى أنا معرفهوش
بس هأقولك على حاجة أنا سمعتها ممكن تفيدك
سمعت إن اللى بيجيبوا 100% ممكن يدخلوا جامعات خاصة بمنح تعفيه من جزء كبير جدا من المصروفات وممكن تخليه يسافر برة زى الجامعة البريطانية والأهرام الكندية
أستخيرى ربنا وشوفى

هو تقريبا السفر والشغل فى الخارج لمجال الصيدلة مربح جدا بس ده تقريبا الطريق الى بيفضله البنين انما البنات بتفضل الاستقرار والعمل عن طريق فتح صيدلية مثل والديك او العمل فى شركة ادويه او التكليف الحكومى