السلام عليكم ورحمه الله وبركاته
انا طالبه انتظر نتيجه التنسيق وارجو من كل الدكاتره هنا الى فى المنتدى
انهم يساعدوننى على الاختيار مابين
صيدله عين شمس وصيدله القاهره
علما بأنى حاصله على مجموع 98.1%
انا قمت بعده ابحاث ووجدت ان معظم الصيادله يرشحون عين شمس لانها الاكفأ وعندما سألت ماوجه الكفاءه قالو انها الاعلى تنسيق وعددها بالطبع قليل ولكن الاساتذه فى عين شمس وصفوهم بالشده والصعوبه (لا اعلم اذا كانت الصعوبه فى التعامل ام فى الشرح )ولكن الطلبه لاتعتمد على الدروس وانا شايفه ان هنا كان فى تناقض مابين الصعوبه وعدم استعانتهم بأـى كورسات من الخارج
بينما
....
....
القاهره حاصله على الجوده وهذا لايثير الانتباه
عدد كبييييير جدا ممكن ثلاث اضعاف عدد عين شمس المناهج متطوره شويه بس الكل بيشكر فى الاساتذه فى الشرح والتعامل وطبعا مفيهاش اعدادى لكن الدروس منتشره شويه علشان فى ناس مش بتحضر علشان العدد



فما رأيكم انا عايزه فروق جوهريه
فانا اريد ان اتفوق فى تلك الكليه اذا كتبها الله لى وان اسمع شرحا جيدا وإن شاء الله انتظم .نفسى ماخدش كورسات بره بعد الثانويه العامه ال.....(ههههههههههههه .جميله )بتاعتنا
نفسى اجمع اكبر مميزات
وبصراحه موضوع الدكاتره ده مخلينى اميل للقاهره من الى سمعته

ارجو منكم الافاده والمساعده
ولكم منى جزيل الشكر طولت عليكم

لو سمحتم ردوا علي الموضوع

صعب تلاقى رد ممكن ترتكزى عليه فى الأختيار كلها مجرد توقعات واراء ووجهات نظر اظن انك تصلى استخارة وكل شىء على الله

انا هكلمك عن عين شمس
عشان دى اللى انا مجرباها
بالنسبه للدكاترة
ف حته التعامل فالحق يتقال الاغلبيه تعاملهم محترم
ياعنى كل كلامهم يا دكتور يا دكاترة كده
حتى لما يتنرفزوا م حد ويجو يطردوا برده بكل ادب اتفضل يا دكتور برة
ولما يتنرفز اوى خلاص براحتكو و يسيب المحاضرة ويمشى
و بيروحوا يتحايلو عليه وبيرجع تانى
براحتك تاكلى ف المحاضرة وتشرى بس م غير صوت
جالك موبايل تخرجى تردى وتخشى (بس ده مش عند الكل )
قليل لما تلاقى دكتور مش كده ع الاقل لحد دلوقتى اللى شوفتهم ف سنتين
جالنا دكاترة م كليات تانيه هندسه و اداب والسن و طب بجد حاجه مستفزة جدا ف التعامل
الله يخرب بيتكو و انتو جاين م الشارع وتربيه شوارع وحاجات كده كانت بتتقال عجيبه

بالنسبه للشرح
ففى و فى
بس شغال ياعنى
ف تعاون شويه
ياعنى مث السلايد اللى بيشرحو منها بينزلوهلنا ف المكتبه نجيبها بدل ما نقعد نكتب
ف داكاترة بترخم مابترضاش بس الاغلبيه بينزل عشان مش بنشتغل م الكتاب
الكتب مش بنستخدمها غالبا الا مثلا ف الاورجانك عشان نفسها اللى بيشرحوا منها
ماعنناش نظام الكتب عامه ده اصلا زى مابنشترهيم كده بتتحط ف المكتبه مابتتفتحش الا نادرا لو عايزة تدورى ع حاجه معينه
المذاكرة كلها بتقى م المحاضرات والسلايدات

امتحانتهم بقى

مش عايزة احبطك بس زى الززفت انتى بتذاكرى ف منهج و تخشى تلاقى حاجه تانيه خالص
معرفش بيجيبو الاسئله دى منين
هو القسم اللى امتحناتوا حلوة الكوجنزى( العقاقير )
رغم ان انا بكره الماده دى
بس هتلاقى اى حد ف عين شمس بيشكر ف القسم ده م كل النواجى الدكاترة و التعامل والتسهيل عليكى ف المذاكرة ياعنى تلاقى ف الشرح يقولك الحته دى للى عايزها دى لا ملهاش لازمه كده والامتحانات ياعنى اه بيصعبوها وبيبقى فيها تركات بس تتحل غير الباقى خالص
هى ماده التقدير عندنا تلت تربع الدفعه بتجيب فيها امتياز
ع عكس ف القاهرة لو جبتى ادامهم سيرة القسم ده كانك شتمتيهم بالظبط
بيقولوا اسوء قسم عندهم و الدكاترة بتوعهم وحشين


كمان كان بيقوولنا ع قسم الميكرو حلو وهنخرج مبسوطين ماحستش بكده خالص ف الامتحان
و ربنا يستر والماده دى تعدى

اسوء قسم عندنا وبجدارة قسم السيوتكس (صيدلانيات )
ماده زباله ودكاترة استغفر الله العظيم يارب وامتحانات ملهاش حل
وبتلاقى الامتياز 2 ولا 3 ف الدفعه


بالنسبه للدروس


مش عارفه هو ع حسبك انتى
ياعنى ف ناس الدروس دى حاجه اساسيه لازم تاخد وف ناس لا
غالبا بيبقى اكتر مادتين بيتاخد فيهم دروس الاورجانك والسيوتكس

عندنا ف الكليه بيتبعو نظام معرفش ده ف كل الكليات ولا لا
ان الماده الواحده بتبقى متقسمه يدهالك كذا دكتور
عشان لو دكتور وحش ماتبقيش اتدبستيه ف الترم كله


ده بالنسبه لعين شمس ف النقط اللى اتكلمتى عليها
حد ف القاهرة بقى هو اللى ممكن يكلمك عنها

سؤال سريع كده

هو الاب توب يكون افضل فى الدراسة فى صيدلة ولا كمبيوتر عادى فى البيت وخلاص ؟؟؟

ارجو الافاده

شكرا ليكى يا دكتوره

ميرسى يا دكتورة على المعلومات

ههههههه بس ضحكنى جامد أسماء المواد

لما أسماءهم كده هما شكلهم ايه بقى