السلام عليكم ..

حد يفهمني لو سمحتم انا مجموعي كام بالضبط ..

انا ادبي جبت 317.5 من 360 ( معفي من اللغه التانيه )

و المستوى 10 .

لما بحسبها بيطلع 89.58% بالمستوى ،، تمااام ؟

دلوقتي كاتبلي في موقع التنسيق اني جايبه 366.5 بالمستوى من 410 ..

فيبقى مجموعي 89.39% !!

ايه الصح ؟؟

معنى كده انك جايب 49 من 50 فى اللغه التانية(على كلام الموقع) وده كويس جدا والفرق مش كبير
لكن لو عايز تشكك فى الموضوع لازم تتصل 19468

بص ياعم الحاج
انا فلسطينى ووافد فلما جيت هنا اخدت اعفا من اللغه التانيه اشتا
جبت 313 من 360 وهنا ابقى 86.94
فلما رحت مكتب الوافدين فى رمسيس عملو حاجه اسمها معادله للشهاده
خلوها 356.33 من 410
وكده اكون 86.90


فسواء كانت من 360 او 410 ففكلا الحالتين انا جايب 86.9

انت احسب شهادتك على 410 اللى هى 89.39

..لو انتا وافد بقى قولى عشان انا حايس فى موضوع الوافدين ده

حاخام : طب وهو بمزاجه قرر اني جبت 49 ولا ايه ؟؟

بس اصلا لو رجعت الـ 50 بتاعه اللغه التانيه هتلاقي المجموع 372.5 مش 366.5 ..

هو جاب الرقم ده منين : (

انا اتصلت فعلا قالي مفيش غلط و مجموعي 89.3% .. بس دلوقتي على موقع الاستاذ كاتب ان مجموعي 89.5% ..

اتصل تاني ولا اعمل ايه ؟؟

محمود : لا انا مصريه بس معفي عشان كنت راجعه من السعوديه ..

انا بس خايفه الـ 0.2% دي تفرق معايا في الكليه ..

مش عارفه اعمل ايه ..

بصى يا انسه

انتى راجعه من السعوديه وانا جاى من فلسطين يعنى الامر واحد وهو وافدين

انا مدينى فى الفرنساوى كده 47 عشان مجموعى اقل
وانتى مديينك 49 عشان مجموعك اعلى

دى حاجه اسمها تكافؤ فرص فاهمانى يعنى انا دايس فالحوار ده لانى كنت لاجىء فى مكتب الوافدين وفهمت منهم كل حاجه
متقلقيش من التلاته من ميه دى خالص مش هتفرق معاكى فى حاجه بجد والله

اها ،، طيب ..

ربنا يستر يا محمود ..

شكرا لانك فهمتني ،،

ربنا يوفقك : )

انا بردو ا معفيه من الفرنساوي
وعرفت بيحسبوها ازاي
شوفي
انت جايبه 317ونص +المستوى 5 اوك
تضربيها في 410 على 360
هيكون مجموعك
367واتنين من عشره
..............................
وانا جايبه 318ونص
بس الفرق انا جايبه في المستوى 9
يبقى احنا مجموعنا زي بعض
..................

المعفي من اللغة الاجنبية التانية بياخد درجتها نفس نسبة المجموع الكلي بدون المستوي الرفيع يعني لو طالب جايب 90% بدون المستوي هياخد في اللغة 45 و يجمعها علي مجموعه ياخد مجموع من 410 و يجمع عليه الروفيع بس كده

يا جماعة انا برضو معفي من اللغة الأجنبية التانية .. و سألت مكتب التنسيق و قاللي التالي :

مجموعي من 360 بيضرب في 410 و يتقسم على 360 علشان يجيبو المجموع من 410 ( طرفين في وسطين ) و بعدين بيضيفو عليها درجات المستوى الرفيع ..

يعني أنا جايب 350.5 من 360 اللي حصل كالتالي :

350.5 في 410 على 360 طلع 399.1 زائد 4 درجات مستوى رفيع طلع مجموعي 403.1 و النسبة 98.3

ايوه انا حسبتها كده

شكرا يا جماااعه ،، افدتوني جداا ..
ربنا يكرمكم : )