مشاهدة النسخة كاملة : اعتصام تانى
أ/رضا عطيه 25-07-2011, 04:06 AM يبدو إنه انكتب عليا أعمل إعتصام قبل رمضان كل عام
وهاهو الاعتصام الثانى
الاعتصام الأول أوقف عضويتى وقامت ثورة فى مصر كلها
فهل ياعالم إيه اللى هيحصل فى البلد تانى بعد هذا الاعتصام:d
ربنا يسترها
فشاركونى فيه أرجوكم
قبل انهيار البيت على رؤسنا
ومطالبنامن المسئولين هى كالتالى
1- الشعب يريد رفض استقالة الأستاذ ممدوح الأنصارى والأخت الكريمة أم شاهنده
وعدم التخلى عن خبراتهم فى مناصبهم الإدارية والتخفيف من مسئوياتها أوتوزيعها لتتناسب مع ظروفهم
2- وكما تصدر الإدارة قوانين للمنتدى فى واجهة البوابة
الشعب يريد تسجيل تكليفات وعمل كل أعضاء الإدارة والمشرفين
أيضا فى واجهة البوابة
3- الشعب يريد فتح باب صوت الأعضاء أمام الطرفين
على الأقل ليعرف المخطىء خطأه أو يدافع عن نفسه
4- الشعب يرفض الاستقالات الجماعية
والتى يزعم بعض المشرفين تقديمها
فنحن نتمسك بهم ونقدر دورهم
ونحاول وقف البيت أمام التيارات الهدامة
فكيف لكم بأن تساعدوهم على ذلك
5- الشعب يريد وزارة خاصة للرد على شكاوى الأعضاء واعتصامهم
فور ا فورا فورا
6- الشعب يريد من كل فنان بالمنتدى أن يبدع فى تصميم توقيع خاص
بالأستاذ ممدوح والأستاذة أم شاهنده تكريما لدورهم ولن نتنازل أيضا
عن وجودهم بيننا بأى صورة
وكل عضو له حرية اختيار التوقيع الذى يعجبه على قدرحبه واحترامة لهما
وأرجو ن تعرض فى هذا الموضوع
ليختار منها الأعضاء
هذا أقل واجب وقل وفاء لهذه البوابة
ولمن قدموا من وقتهم الثمين ليرتقوا بها
أرجو نشاط يافنانين البوابة
من يوافق على هذه المطالب
ماعليه إلا أن يكتب
موافق
أوغير موافق
مع ذكر سبب اعتراضه
وتنفيذا للإعتصام
سوف أرفع قلمى عن المشاركة فى أى موضوع لمدة ثلاثة أيام من الأن
وسأكتفى بالمتابعة والرد فى هذا الموضوع
وهذا الطلب اختيارى لباقى الأعضاء
لأنى ديمقراطى :d
توكلنا على الله
الله الموفق
Jehad Mohamed 25-07-2011, 04:14 AM انا موافقه وبدون اى مقدمات وعندى استعداد اعملهم حاجة حلوة لانى بحب ارسم وكده فحاول اعملهم حاجة تقديرا لاحترامنا وحبنا لهم
مش عارفه حضرتك فاكرنى ولا لا بس انا توتة وشرفنى كثيرا ان ارد اولا قبل الجميع :p
scream angle 25-07-2011, 04:22 AM موافقه اكيد والي الأمام الي الأمام ثورة
أ/رضا عطيه 25-07-2011, 04:24 AM الله عليكى ياتوته
تسلم إيديكى
ونحن فى انتظار الإبداع
وعفوا لا أتذكرك جيدا
ولكنى أتذكر حادثة التكتك الذى صدم قدم توته
فى العام الماضى هههههه
شكرا لكى
وتسلمى على سرعة الرد والمشاركة السريعة كالبرق
أ/رضا عطيه 25-07-2011, 04:27 AM موافقه اكيد والي الأمام الي الأمام ثورة
على أساس إننى القذافى ولاإيه ؟:d
شكرا لردك السريع
وتسلمى على الوفاء لمن أعطونا الكثير
Jehad Mohamed 25-07-2011, 04:34 AM الله عليكى ياتوته
تسلم إيديكى
ونحن فى انتظار الإبداع
ربنا يخلى حضرتك ان شاء الله قريبا ستراها
وعفوا لا أتذكرك جيدا
ولكنى أتذكر حادثة التكتك الذى صدم قدم توته
فى العام الماضى هههههه
هههههههههههههههه ياااااه سيبت كل المواقف واتكلمت على حادثة التكتك اه انا هيا
شكرا لكى
وتسلمى على سرعة الرد والمشاركة السريعة كالبرق
اكيد يبقى فيه موضوع لحضرتك ومردش مينفعش فين الاصول بقى :d
Jehad Mohamed 25-07-2011, 04:36 AM ثورة ثورة الى الامام
:022yb4::022yb4::022yb4::022yb4:
ونحن معك :d
سيف العدل البتار 25-07-2011, 04:39 AM موافق
و
معتصم معاكم
موفق فى اختيار القسم العام كمكان للاعتصام
:d
رقيه. 25-07-2011, 04:50 AM موافقة اكيد
..........................مع حضرتك.................
scream angle 25-07-2011, 05:39 AM على أساس إننى القذافى ولاإيه ؟:d
شكرا لردك السريع
وتسلمى على الوفاء لمن أعطونا الكثير
في بعض الأحيان نجبر ان نكون القذافي وسنعتصم حتي اخر نقطة دم في الشعب الليبي وزنجه زنجه :blush: نفسي اعرف ليه عايزين يمشوا
hatemT 25-07-2011, 06:29 AM موافق:av4056bb7jp3::av4056bb7jp3::av4056bb7jp3:
وألف شكر على هذه المبادرة:078111rg3:
عبد الله الرفاعي 25-07-2011, 09:26 AM 6- الشعب يريد من كل فنان بالمنتدى أن يبدع فى تصميم توقيع خاص
بالأستاذ ممدوح والأستاذة أم شاهنده تكريما لدورهم ولن نتنازل أيضا
عن وجودهم بيننا بأى صورة
وكل عضو له حرية اختيار التوقيع الذى يعجبه على قدرحبه واحترامة لهما
وأرجو ن تعرض فى هذا الموضوع
ليختار منها الأعضاء
هذا أقل واجب وقل وفاء لهذه البوابة
ولمن قدموا من وقتهم الثمين ليرتقوا بها
أرجو نشاط يافنانين البوابة
معك فى اعتصامك استاذنا الفاضل ومنتظر من محمد حلمى فنان المنتدى تنفيذ التوقيع
أ/رضا عطيه 25-07-2011, 11:26 AM لا لا لا
فين النشاط؟
نشاط نشاط نشاط
وعلى الكل نشر الأمر
فى كل البوابة
منتدى منتدى
قسم قسم
موضوع موضوع
وانتظر موقف جاد
أو حتى رد من أى مسئول عن المنتدى
ياترى هما مين ولاهما فين ؟؟؟؟؟؟؟؟؟؟؟؟؟؟
وشرفت لمرور كم الكريم
أ/رضا عطيه 25-07-2011, 11:33 AM 127مشاهدة
12مشاركة
الفرق كبييييييييييييييييييير
يارب اللى مايشارك معانا
يدخل طب أسنان:d
حتى لوكان أدبى
ঔღঔzozoঔღঔ 25-07-2011, 11:57 AM شكرا ليكى اسفه جدا على التاخير
طبعا لازم الكل يعترض لان مشرفين ومسئولين يتخلوا عن مناصبهم وده هياثر بشكل كبير على المنتدى
بس اانا اسفه لو احنا عملنا اعتصام ده برضوا هيضر جدا بالمنتدى فانا صراحه مش موافقه عليه بس موافقه طبعا على اننا نحل المشكله دى يارب اكون فهمت صح
miss_egypt 25-07-2011, 12:14 PM موافقة ومعاكم
والاعضاء والمشرفين ايد وااااحدة:078111rg3:
BaNZeR 25-07-2011, 06:56 PM معنى الاعتصام
هو الامتناع
وبما انكم بتعتصموا
يبقى اشوف حد من اللى ردوا هنا حيحط موضوع :d
وبالنسبالي .... انا معاكم في الاعتصام اكيد
اهم حاجة يكون في وجبات كنتاكي :d
ayaismail 25-07-2011, 07:30 PM اعتصااامد
اعتصااام
اعتصاااام
yara attia 25-07-2011, 08:52 PM مــــــــــــــــــــوآآآفقة
معـــــــــــــــــآكم آن شــآء آلله
Jehad Mohamed 25-07-2011, 09:03 PM 127مشاهدة
12مشاركة
الفرق كبييييييييييييييييييير
يارب اللى مايشارك معانا
يدخل طب أسنان:d
حتى لوكان أدبى
هههههههههههههههههه يبقى مفيش حد هيشارك اشمعنى طب اسنان يعنى :d
scream angle 25-07-2011, 10:11 PM معنى الاعتصام
هو الامتناع
وبما انكم بتعتصموا
يبقى اشوف حد من اللى ردوا هنا حيحط موضوع :d
وبالنسبالي .... انا معاكم في الاعتصام اكيد
اهم حاجة يكون في وجبات كنتاكي :d
هههههههههههههه بلاش حكاية المواضيع دى :p
أ/رضا عطيه 26-07-2011, 12:30 AM شكرا لانضمامكم للاعتصام
ومفيش كنتاكى ولادوارات :p
واللى هينضم للاعتصام
مستحيل هنسمح له يخرج من البوابة
المشاهدة 221
المشاركات 21
ياساتر
إيه البخل ده ؟
ياجماعة
وربنا الموضوع يستحق المشاركة
والمشاركة الجادة كمان
ولحد دلوقتى مفيش غير فنان واحد انضم لنا
ولاحد من المسئولين شاركنا
لعل المانع خير
يمكن يكون البعض فاكر أن الموضوع يحمل روح من السخرية ؟
يبقى يطنشونا
طيب أعمل إيه ؟
لا أجيد التباكى
وهذا المنتدى هو مسقط النور الوحيد الذى يخرجنى من أطنان الهم
ياجماعة عبرونا قبل مانغير الأسلوب :d
وربنا أطنان الهم هتترمى عليكم وهتغطيكم
وهنبلغ عن اختفائكم بعد دقيقة واحدة :d
الصبر طيب
عبروووووووووووووووووووووووووووووووونا :bosyht9:
جزاكم الله خيرا جميعا
طبعا هذا الدعاء للمعتصمين فقط:d
أ/رضا عطيه 26-07-2011, 01:43 AM لماذا الإستقالة
أخى الحبيب أبو إسراء !!!!!
كنت انتظر التـأييد من حضرتك كما عودتنا
ولكن لم الإحباط يا أخى الكريم ؟
توقيع الأخ الكريم أبوإسراء
أرجو جميع من بالمنتدى أن يسامحنى ، فلقد قررت الإستقالة
من المنتدى وتسجيل خروج دائم
وإلى من أحببتهم فى الله
إن عز فى الدنيا اللقاء ***
ففى الجنة نلقاكم ويكفينا إن شاء الله
اللهم اجمعنا فى الفردوس الأعلى
adawi 26-07-2011, 01:53 AM بالإجماع موافقه
adawi 26-07-2011, 01:54 AM موافق جدا جدا
أ/رضا عطيه 26-07-2011, 02:12 AM http://img38.imageshack.us/img38/9145/25270790.gif
وشكرا على الإنضمام للاعتصام
Jehad Mohamed 26-07-2011, 02:15 AM حرام والله اللى بيحصل فى المنتدى ده حرام ليه ده كله الكل عاوز يسيب المنتدى ليه
Sofia El-behairy 26-07-2011, 02:19 AM لا حول و لا قوة الا بالله
انا برده قريب جدا حختفى من بوابه
ابقوا افتكرونى بقى
موضوع والله حلو و فكرته حلوة
Jehad Mohamed 26-07-2011, 03:03 AM وانا كمان هختفى معاكى ابقى خدينى معاكى
Sofia El-behairy 26-07-2011, 03:10 AM وانا كمان هختفى معاكى ابقى خدينى معاكى
تعالى نختفى سوا
انتى حتختفى فين بس عشان ابقى اعرف
انا حتخفى دراسه و مذاكره بس حدخل المنتدى وقت قليل ايام خميس و جمعه و سبت
Jehad Mohamed 26-07-2011, 03:15 AM تعالى نختفى سوا
انتى حتختفى فين بس عشان ابقى اعرف
انا حتخفى دراسه و مذاكره بس حدخل المنتدى وقت قليل ايام خميس و جمعه و سبت
انا ايام الجامعه هيبقى دخولى قليل جدا
Sofia El-behairy 26-07-2011, 03:23 AM انا ايام الجامعه هيبقى دخولى قليل جدا
اهو منتدى يرتاح مننا شويه بقى و اعضاء جدد ياخدوا حقهم
و مصايب قوم عند قوم فوائده
والله انا اتعلقت بالبوابه جدا و يكفى ان فى فتره ديه عرفت احسن صحاب
بس انا حرجع تانى حتى لو وقت قليل
انا بوابه عندى زى بحر و انا سمكه مش اقدر اعيش برا كتير
Jehad Mohamed 26-07-2011, 03:29 AM اهو منتدى يرتاح مننا شويه بقى و اعضاء جدد ياخدوا حقهم
و مصايب قوم عند قوم فوائده
والله انا اتعلقت بالبوابه جدا و يكفى ان فى فتره ديه عرفت احسن صحاب
بس انا حرجع تانى حتى لو وقت قليل
انا بوابه عندى زى بحر و انا سمكه مش اقدر اعيش برا كتير
عندك حق فعلا واكيد هنحاول نبقى ندخل ونعمل حاجة
أ/رضا عطيه 26-07-2011, 03:51 AM أولا مليارمبروك ياصوفيا:078111rg3:
وأناأ سف ماقدرتش أهديها لك الموضوع اللى فى قسم الإهداءات
لأنى معتصم عن الكتابة فى أى موضوع تانى غير هذا الموضوع
وفيه ناس عرفت الحكاية دى ونازله سب ونقد لاذع:d
علشان عارفين مش هرد عليهم إلا بعد يومين
ثانيا احنا بنحاول نصلح ونثبت البيت اللى شكله كدا على وشك الفوضى
ثالثا فين العمل اللى طلبته منك يا أيتها الفنانه توته
ر سمك الجميل سيعبر عنك وليس من اقتراح أوتوجيه من أحد
وأنا أثق فى ذوقك الرائع :078111rg3:
بس على فكره
صمت المسئولين عن المنتدى بالشكل ده :bosyht9:
مرعب ومخيف ولاحياة لمن تنادى
شكلهم عايزين يسرّبونا كلّنا وهيحوّلوه سوبر ماركت:d
أربح
صح ياحكومة :slap1qk6:
اعتصام قال :mad:
دول محتاجين ثورة فرنسية ولا ليبية:d
والسلام عليكم
king 99 26-07-2011, 03:51 AM لا اعتقد بأنه يمكننا تأييد كل هذه المطالب دفعة واحدة فهناك بعضها مقبول والبعض الأخر انا اعترض عليه وسأفسر ذلك فى الأقتباس التالى وللعلم ان هذه من المشاركات القليلة جدا ربما تكون النادرة فى الفترة الماضية
ومطالبنامن المسئولين هى كالتالى
1- الشعب يريد رفض استقالة الأستاذ ممدوح الأنصارى والأخت الكريمة أم شاهنده
وعدم التخلى عن خبراتهم فى مناصبهم الإدارية والتخفيف من مسئوياتها أوتوزيعها لتتناسب مع ظروفهم
أوافق على هذا الطلب بشده مع كامل احترامى لرغبة استاذ ممدوح واستاذه ام شاهنده
2- وكما تصدر الإدارة قوانين للمنتدى فى واجهة البوابة
الشعب يريد تسجيل تكليفات وعمل كل أعضاء الإدارة والمشرفين
أيضا فى واجهة البوابة
لم افهم فكرة هذا المطلب بالظبط ؟ فأعتقد انه كون العضو مشرف فهذا تكليف محدد بذاته ولا يحتاج لتكليف اخر ولكن ما كان يحدث ان تجد مشرف تعليمى يدخل فى جميع الأقسام ليمارس سلطاته التى لا مكان لها فى هذه الأقسام لأن لديها مشرفين مخصصين لها
3- الشعب يريد فتح باب صوت الأعضاء أمام الطرفين
على الأقل ليعرف المخطىء خطأه أو يدافع عن نفسه
اعتقد بأن هذا الطلب تحدثت فيه حضرتك من قبل وتم رفضه من الأداره واتذكر تقريبا وقتها كان رد الأدارة والذى اتفق معه بأن هذا الأمر سيثير المشاكل بين الأعضاء - لا اتذكر النص الأساسى الذى خرج من الأدارة وقتها - واعتقد يا استاذى الفاضل ان المشاكل بين الأعضاء فى المنتدى كافية جدا وقادتنا لخناقات كثيرة بين الأعضاء ولا نريد ان نثير مشاكل جديدة
4- الشعب يرفض الاستقالات الجماعية
والتى يزعم بعض المشرفين تقديمها
فنحن نتمسك بهم ونقدر دورهم
ونحاول وقف البيت أمام التيارات الهدامة
فكيف لكم بأن تساعدوهم على ذلك
اعتقد بأنه خروج المشرفين مرة واحدة امر سيكون صعب جدا ومع خروج بعض افراد الأدارة سيكون من الصعب على باقى الجهاز الأدارى للمنتدى تحمل المسئولية ولكنى شخصيا لا امانع اطلاقا فى خروج المشرفين اصحاب المشاكل المتعددة مع الأعضاء و ايجاد مشرفين جدد للأشراف على المنتدى وهنا هناك رأيين فى المنتدى الأول انتخاب المشرفين والثانى تعيينهم وشخصيا مع الرأى الأول عموما بالنسبة لهذا الطلب فانا موافق عليه ولكنى اطالب بتجديد الدماء فى قسم الأشراف بالمنتدى
5- الشعب يريد وزارة خاصة للرد على شكاوى الأعضاء واعتصامهم
فور ا فورا فورا
طلب غير مفهوم ايضا استاذى . نعم هناك بعض الشكاوى لا يتم الرد عليها ولكن هل يمكن ان تعطينى صورة أولية عن هذه الوزارة ؟؟
6- الشعب يريد من كل فنان بالمنتدى أن يبدع فى تصميم توقيع خاص
بالأستاذ ممدوح والأستاذة أم شاهنده تكريما لدورهم ولن نتنازل أيضا
عن وجودهم بيننا بأى صورة
فكرة جيدة جدا لأنها ستظهر نوعا من الأحترام مازال موجودا فى وقت يظن الكثيرين ان المنتدى ينهار بسبب مشاكله المتعدده وبالنسبة لأعتصام حضرتك فأعتقد بأن المنتدى فى اعتصام بمفرده بدون ان نعلن ذلك فالكل ربما يختار طريق السلامه وللأسف بقينا بنسمع عن فكرة الخروج من المنتدى كثيرا جدا فى الفترة الأخيرة والحقيقة لا ألوم الأعضاء على ذلك فما حدث فى الفترة الماضية كان قاسيا جدا جدا لدرجة جعلتنى شخصيا افكر فى الرحيل والمقربين منى فى المنتدى يعلمون ذلك جيدا
أ/رضا عطيه 26-07-2011, 04:16 AM شكرا لك على المروروالمشاركة
والأن أتمنى أن تتفاعل مع النقاط التى لم توافقنى فيها
لواستلمك أحد الأعضاء أو المشرقين
ويبلغ عن مخالفة فى مشاركة لمجرد فهمها خطأ
وتجد المخالفة وصلتك مبهمة حتى يتم وقفك
ممكن حضرتك تتجول ى المنتدى كله
ستجد بعض الأعضاء يحلون مشاكلهم بأنفسهم ويعتذرون عن خطأ غير مقصود أوسوء فهم لبعض الكلمات
الأعضاء ناضجون ولكن قلة منهم يكيدون للبعض
المحاكمات صارت علانية لماذا نصر هنا على أن تكون وراء ستار
أما موضوع الوزارة هى أمر وضعته فى إطار ساخر
يعنى بقول لهم بالبلدى حد يرد علينا ويعبّرنا لو بكبّاية ميّه
واحنا صايمين من يومين
قصدى معتصمين من يومين ولا حياة لمن تنادى
الخروج من البوابة صار على لسان الكثيرين
فلماذا كل هذا؟
لانهم يؤثرون الصمت عن الرد والحوار
أوربما لانستحق شر ف ردودهم وحوارهم
كل عام وأنتم بخير
نقاء الروح 26-07-2011, 08:22 AM موافقة ... :d
عاشق البلانكو الابيض 26-07-2011, 11:19 AM موووووووووووافق يا استاذ ضياء
ويا ريت تضيف بند الغاء الرسايل الخاصة
لانها سبب فى اشياء كثيرة
أ/رضا عطيه 26-07-2011, 01:57 PM موافقة ... :d
لوبطلنا نضحك نموت
وهذا لم ولن يغنينا أويمنعنا من الوفاء لأناس أعطوا وأخلصوا
فنالوا حب الناس
شرفنا بمرورك الكريم
وانضمامك للاعتصام:d
أ/رضا عطيه 26-07-2011, 02:07 PM موووووووووووافق يا استاذ ضياء
ويا ريت تضيف بند الغاء الرسايل الخاصة
لانها سبب فى اشياء كثيرة
بناءأ على طلب أحد المعتصمين المحترمين
أنا موافق على عرض البند للمناقشة
وإن كان من رأيى المراقبة عليها ولكن فى حدود أيضا
حرية ياحوده --- ولكن بحساب دقيق - فأبناؤنا أمانة بين الحرية والرقابة
وعلى رأى كاتب روائى على ما أظن بديع خيرى قال
( سك على بناتك لكن إعطى لهم المفتاح )
شكرا يامحمود عى انضمامك للاعتصام
king 99 26-07-2011, 04:13 PM شكرا لك على المروروالمشاركة
والأن أتمنى أن تتفاعل مع النقاط التى لم توافقنى فيها
لواستلمك أحد الأعضاء أو المشرقين
ويبلغ عن مخالفة فى مشاركة لمجرد فهمها خطأ
وتجد المخالفة وصلتك مبهمة حتى يتم وقفك
ممكن حضرتك تتجول ى المنتدى كله
ستجد بعض الأعضاء يحلون مشاكلهم بأنفسهم ويعتذرون عن خطأ غير مقصود أوسوء فهم لبعض الكلمات
الأعضاء ناضجون ولكن قلة منهم يكيدون للبعض
المحاكمات صارت علانية لماذا نصر هنا على أن تكون وراء ستار
بالنسبة لهذه النقطة فهل مثلا سيكون القسم كله مفتوح امامى ام انه الشكاوى التى وجهت ضدى ؟؟ واعتقد بأنه لا يتم ايقاف عضو اساسا بناء على سوء قصد او سوء فهم فانا قمت بأكثر من شكوى ضد شخص بعينه لم يسأل احدهم عنى ولم يقم اى شخص بالرد ؟؟!!! وكأن هذا الشخص لديه حصانه ضد الشكاوى :d لكن من الممكن كفكرة اخرى يا استاذ ضياء فى الحالات الهامه والتى سيكون عقاب هذه المشاركة هو الأيقاف من الممكن ان ترسل الأدارة للشخص الذى سيتم ايقافه للأستفسار عن سبب مثل هذه المشاركة ان كان يحدث مثل ما تقول من سوء فهم ولكن ان كان لا يحدث فلا داعى لهذا الأمر
أما موضوع الوزارة هى أمر وضعته فى إطار ساخر
يعنى بقول لهم بالبلدى حد يرد علينا ويعبّرنا لو بكبّاية ميّه
واحنا صايمين من يومين
قصدى معتصمين من يومين ولا حياة لمن تنادى
اعتقد بأن الموضوع لم يصل بعد لهذا العدد من المشتركين لدرجة تجعله يجد تفاعل من الأدارة وان كنت ارى انه تعلما من أخطاء الماضى فمواجهة الأمر منذ البداية افضل من تركه ليكبر ويصير مشكلة وحينها سيصعب مواجهته
الخروج من البوابة صار على لسان الكثيرين
فلماذا كل هذا؟
لانهم يؤثرون الصمت عن الرد والحوار
أوربما لانستحق شر ف ردودهم وحوارهم
لا اظن انهم يفكرون فى النقطة الثانية وهى فكرة شرف ردودهم وحوارهم وبما انى كنت منهم ومازلت فانا ارى انهم يفضلون احترام الذات وحضرتك تعرف جيدا وكنت متواجد منذ البدايه ماذا كان يحدث لهم ولا اعتقد ان هذا امر لا تعلمه وحينما فقدوا الأمل فى ان يحدث تغيير فى الأسلوب توقفوا عن النقاش ويطالبون بالخروج والبعض يفكر فى ذلك
كل عام وأنتم بخير
وحضرتك بخير وعقبال مليون عام فى طاعه الله ان شاء الله ورمضان كريم
اريد فقط ان اقول لمحمود بخصوص مراقبة الرسائل الخاصة انا ضد هذه الفكرة شكلا وموضوعا لأنه هذه الرسائل اسمها الرسائل " الخاصة " فكيف يراها احد ؟؟ ولكن ان كنت تقصد الرسائل التى كانت تصل من بعض المشرفين كتهديد او " تنبيه " فاعتقد بأنها معمول بيها شكوى لكن لم يرد احد !!!!
راجى طاعة الرحمن 26-07-2011, 04:24 PM شكرا ليكى اسفه جدا على التاخير
طبعا لازم الكل يعترض لان مشرفين ومسئولين يتخلوا عن مناصبهم وده هياثر بشكل كبير على المنتدى
بس اانا اسفه لو احنا عملنا اعتصام ده برضوا هيضر جدا بالمنتدى فانا صراحه مش موافقه عليه بس موافقه طبعا على اننا نحل المشكله دى يارب اكون فهمت صح
أنا معك فى دة
راجى طاعة الرحمن 26-07-2011, 04:25 PM أنا طبعاً مش عايزهم يمشوا بس مافيش إقتراح تانى بدل عدم المشاركة فى الموضوعات
أ/رضا عطيه 26-07-2011, 11:38 PM أنا طبعاً مش عايزهم يمشوا بس مافيش إقتراح تانى بدل عدم المشاركة فى الموضوعات
ماطلبت من أحد أن يتوقف عن المشاركة ؟
بل طلبت التكاتف والنشاط لنحافظ على المنتدى
و طلبت من الكل لحظة وفاء لأهل الفضل
شكرا لمروركم جميعا
وكل عام وأنتم بخير
صوت الامة 26-07-2011, 11:57 PM اية دة اعتصام من غيرى؟؟
طب دنا بحب حتى الاعتصامات
انا معاكو يا رجالة:d
أ/رضا عطيه 27-07-2011, 12:42 AM خليك إيجابى كما فى توقيع حضرتك
شكرا لشرف المرور والانضمام إلينا
هى دى الإيجابية
أ/رضا عطيه 27-07-2011, 12:45 AM ولازلنا فى انتظار فنانين المنتدى
يبدو ان محمد حلمى مشغول بالتنسيق :d
ربنا يوفقكم جميعا
|