الدليل الكامل لتنسيق الدبلومات الفنية 3 و 5 سنوات 2010/2011 [الأرشيف] - الصفحة 2

مشاهدة النسخة كاملة : الدليل الكامل لتنسيق الدبلومات الفنية 3 و 5 سنوات 2010/2011

الصفحات : 1 [2]

egypt hero

30-07-2011, 02:16 AM

انتا دخلت المعادله دى ؟؟؟؟؟؟؟
اخويا الى دخل المعادله دى بس نسبه النجاح قليله جداا
عدد الطلبة الناجحين للدبلومات = 24 طالب
عدد الطلبة الناجحين معاهد = 216 طالب
العدد الكلى للطلبة الناجحين هذا العام فى المعادلة =
240 طالب وودا ببيقددم فى السنه اكتر من 2000 طالب بالدبلومات افضل ليكى انك تدخلى معهد فنى صناعى سنتين فى بورسعيد وتجيبى جيد جدا وتدخلى هندسه

mr.wa7d

30-07-2011, 12:29 PM

[
بص ياغالى طول ما فى ارداته باذن الله هاتجيب

وانا يوم الاحد هاروح اتاكد واحتمال اجيب الكتب واذاكر ولو نفع اقدم فيها السنادى نفع واخد محاضرات ما نفعشى هاجيب الكتب واذاكر واقدم السنه الجايه باذن الله

ودعواتك معانا يا ريس لو انت تعرف حد دخلها قبل كده ادينا تلفونه نساله

تحياتى
ربنا يوفقك انتا ادامك فرصه سنتين فى مركز فى القاهره اسمه الفا فى ناس كتير بتشكر فيه انصحك تروح المركز ده بالنجاح انشاء الله[/quote]

تسلم ياغالى تم الاتصال بيه ياغالى وان شاء الله بصراحه هو بيقولى قدم والوقت كافى وكده بس مش مصدقه انت متاكد ان المركز ده محترم وبيراعى ضميره ولا عاوز فلوس وخلاص على العموم انا هاقدم باذن الله فى شهر 11 وهامتحن فى شهر 2012/9 ده اللى بيقولى عليه بس الصراحه افرض دخلت كليه هيتعارض معاها مش عارف هاذاكر هنا ولا هنا ربنا يستر بقا

اخويا الى دخل المعادله دى بس نسبه النجاح قليله جداا
عدد الطلبة الناجحين للدبلومات = 24 طالب
عدد الطلبة الناجحين معاهد = 216 طالب
العدد الكلى للطلبة الناجحين هذا العام فى المعادلة =
240 طالب وودا ببيقددم فى السنه اكتر من 2000 طالب بالدبلومات افضل ليكى انك تدخلى معهد فنى صناعى سنتين فى بورسعيد وتجيبى جيد جدا وتدخلى هندسه

ربنا يبشرك يا جميل بس اخوك كان بيدرس فى مركز الفا ؟؟ ولا ايه ولو كان بيدرس بمركز الفا ازاى ما دخلشى هندسه ؟؟؟

انا دخلت موقعهم وكلامهم يدل انهم بيعلمو من الالف للياء نرجو التوضيح او تليفون سياتك اتفاهم معاك تحياتى

elmothb

30-07-2011, 05:28 PM

هوا لسه التقديم بفتح انتو بتشوتغلو نفسكو

Mo7amed Kimia

30-07-2011, 05:48 PM

إزيكو ياجماعه :078111rg3:

المعلومات دى وربنا أكيد وده اللى تم معايا النهارده بظبط

أنا إتصلت النهارده بالصندوق السحرى اللى نمرته 140 ده

وقولتلهم أنا عايز رقم مكتب التنسيق اللى فى المنصورة

قالولى احنا عندنا رقم بوابة الحكومة المصرية اللى هو أول مكتب تنسيق اللى نمرته 19468

واتصلت طبعا على بوابة الحكومة المصرية وقالولى تابعنا على الموقع وكده

وطبعا مستريحتش الا لما روحت لمكتب التنسيق الاساسى اللى فى المنصورة

روحت كان أجازة طبعا الجمعه و السبت

وكان فيه اختبار القدرات بتاعت تربية رياضية وتربية فنية وكده

لكن أنا قولتلهم أنا عايز أسحب ورق الرغبات وكده قالولى فى الشباك اللى قبل الأخير

روحت واستفسرت الراجل اللى كان هناك قالى مفيش ورق كله بقى على النت

قولتله تمام والتقديم على النت هيبقى ازاى بقى

قالى ثانوية عامه بييجى معاهم رقم سرى فى استمارة النجاح انما الدبلومات بييجو ياخدو من هنا الرقم السرى

قولتله ماشى انا عايز انا بقى قالى لا يوم الخميس او السبت اللى جى

قولتله شكراً يافندم وقمت ماشى

يعنى من الأخر اللى يتفهم من كل ده ان فيه رقم سرى لنا

فى التنسيق هنروح ناخده يوم الخميس او السبت

ونقدم بيه على الموقع

واى خدمات او إستفسار أنا فى الخدمه

انا وربنا لسه جى من المنصورة ( مكتب التنسيق )

قولت أطمنكو وأصبركو

:078111rg3: تحياتى :078111rg3:

kadry

30-07-2011, 05:59 PM

مرسيه علي الفاده يا ريس و شكرا بس احنا لسه

هنستنا ليوم الخميس ده حرام اللعب بالاعصاب ده والله

*سلمى*

30-07-2011, 06:55 PM

كلها كام يوم خلاص المهم ترحوا وتسالوا على الرقم السرى وهو بيبقا فى الجامعه انا من اسيوط وروحت وسالت وفى واحد فى التنسيق قلى انهم هما هيبقا عندهم الرقم السرى اللى هنقدم عن طريقه وربنا يوفقنا جميعا

الرحمة 1

30-07-2011, 09:26 PM

شكراااااااااااااا

ال منى

30-07-2011, 11:21 PM

مرسى بالكوووووووم

طب يا اخى الكريم من نظرك كده نروح يوم الخميس ولا السبت

kadry

30-07-2011, 11:50 PM

يا مني يا امي امال ختي 83.3 ازاي بس

هو قال المرحله التانيه هتبتدي يوم الاثنين زي المرحله الاولي يعني

هتخلص يوم السبت زي المرحله الاولي ورقم السري بيجي يوم ظهور تنسيق المرحله الثالثه

يعني خلاصه الكلام كده يوم السبت بازن الله

egypt hero

31-07-2011, 12:58 AM

ربنا يبشرك يا جميل بس اخوك كان بيدرس فى مركز الفا ؟؟ ولا ايه ولو كان بيدرس بمركز الفا ازاى ما دخلشى هندسه ؟؟؟

انا دخلت موقعهم وكلامهم يدل انهم بيعلمو من الالف للياء نرجو التوضيح او تليفون سياتك اتفاهم معاك تحياتى[/quote]

بص حضرتك العيب مش فى مركز الفا العيب فى امتحنات المعادله نفسها يعنى مثلا لو محتاجين 20 طالب بس يدخلوا كليه الهندسه طبعا بيكون مقدم اكتر من 2000 طالب على مستوى الجمهوريه فهما غصب عنهم لازم يعملوا امتحان يعجزوا بيه الطلبه عشان يخدوا العدد المطلوب
على العموم بالنجاح انشاء الله

egypt hero

31-07-2011, 01:03 AM

شكرا ياغالى حضرتك منين فى المنصوره؟؟

egypt hero

31-07-2011, 01:06 AM

شكرا ياغالى عقبال الهندسه حضرتك منين فى المنصوره؟

egypt hero

31-07-2011, 01:17 AM

ازيكم
اسفه لو كنت بزعجكم

بس انا محتاجه مساعده ضرورى

انا فى صنايع بنات 3 سنوات
والحمد لله نجحت وجبت 83 %

مش عارفه الكليات اللى ممكن ادخولها حسب مجموعى زى ايه وخاصه ولا حكومى؟

والزاى املئ الرغبات بقت على النت زى الثانيه ولا لسه؟

ياريت ياجماعه حد يساعدنى بليز

حضرتك مجموعك ده يدخلك هندسه خاصه لئن المعاهد الخاصه فى 2010 كانت بتقبل من 75% او معهد فنى صناعى سنتان وبعدها تدخلى هندسه بالتوفيق انشاء الله

Mo7amed Kimia

31-07-2011, 07:54 AM

العفوووو ياجماعه والله انا مش عملت غير الواجب

ويامنى والله هنشوف وهو فعلا زى مقال كادرى

أنا من المنصورة - منية النصر ياجماعه واللى مش عارف منية النصر نمشيها دكرنس :d

ال منى

31-07-2011, 11:52 AM

يعنى من الأخر اللى يتفهم من كل ده ان فيه رقم سرى لنا

فى التنسيق هنروح ناخده يوم الخميس او السبت

ونقدم بيه على الموقع

انا بسئلك محمد على اساس الكلام ده

اروح يوم السبت اجيب الرقم السرى ولا الخميس

elmothb

31-07-2011, 01:14 PM

نروح الخميس وخلاص

egypt hero

31-07-2011, 06:30 PM

العفوووو ياجماعه والله انا مش عملت غير الواجب

ويامنى والله هنشوف وهو فعلا زى مقال كادرى

أنا من المنصورة - منية النصر ياجماعه واللى مش عارف منية النصر نمشيها دكرنس :d

طب انا من الكردى والى مش عارف الكردى نمشيها من منيه النصر

mr.mzaag

01-08-2011, 12:22 AM

شباب انا من المنصوره وياريت حد يفيدني انا بس عاوز اي معهد خاص وخلاص بياخد من 60 في الميه لو مفيش حكومي يعني بس اخري 5 الف في السنه

ال منى

01-08-2011, 01:32 PM

شكرآآ يا محمود على الحلم الكبير ده

واتمنالك ان شاء الله بردك احسن كليه تتمناها

*sondos*

01-08-2011, 01:33 PM

*sondos*

01-08-2011, 01:34 PM

شباب انا من المنصوره وياريت حد يفيدني انا بس عاوز اي معهد خاص وخلاص بياخد من 60 في الميه لو مفيش حكومي يعني بس اخري 5 الف في السنه

في معاهد كتيرة خاصة وفي منهم معاهد بتبدأ من 1000 جنية في السنة
بالتوفيق إن شاء الله

mr.wa7d

01-08-2011, 03:18 PM

الى منى

منى انا اسمى محمود مش اخى الكريم معلشا اعذرينى

روحى اسئلى يوم الخميس بس مفتكرش* بس بردوا روحى اسئلى علشان تتأكدى بس انا قلبى حاسس انها هتبقا المرحله

الثالثه (وبتمنى اشوفك كدا مهندسه انشاء الله كبيره جدا وتنجحى فى عملك) وعلى فكره انتى لطيفه جدا

وباين عليكى رومانسيه جدا / بس ايه حكاية مرسى بالكوووووووووم دى جديده مش كدا / تعرفى انا بحلم بايه

بحلم انك بقيتى مهندسه ناجحه جدا والعالم كله بيتكلم عنك ومبهور بيكى وبنجاحك* يسلام حلم جميل اوى ياريت يتحقق

ويارب اشوفك كدا اعظم مهندسه فى العالم كله

بص يا بتاع منى انت انت كل يوم تنرفزنى بكلامك انت واتنين كمان ؟؟ يعنى البنت بطنشلك وانتى برضه شبه الازقه
البت بتقولك اخى الكريم اعرف انها مش عاوزه تزيد فيها انما بقا تقعد تحلم وتقعد تسبل دى مش هنا يا جميل
هو الاخ من بلد فلاحين ولا ايه ؟؟؟ الصراحه اصل اتعاملت معاهم واعوذ بالله منهم مع احترامى يعنى

معلش أنا في حاجة عايزة أقولهالك من زمان وساكته بس لازم أقولهالك المرادي
إحنا هنا في منتدى تعليمي محترم
مش منتدى حب و رومانسية وأحلام يقظة :)

والله عداكى العيب على كلامك دا فعلا وفى اتنين كمان برضه بنتكلم عن التتنسيق لقيته كاتب love

مش فاهم ههههههههههههههههه يمكن كتبهالى ولا حاجه اديته تعليق ( وده ايه علاقته بالمعادله ) وبرضه تحس انهم مش بيفهمو اوى

رمضان كريم عليكم وعلينا جميعا يا حلوين

تحياتى

*sondos*

01-08-2011, 04:01 PM

بص يا بتاع منى انت انت كل يوم تنرفزنى بكلامك انت واتنين كمان ؟؟ يعنى البنت بطنشلك وانتى برضه شبه الازقه
البت بتقولك اخى الكريم اعرف انها مش عاوزه تزيد فيها انما بقا تقعد تحلم وتقعد تسبل دى مش هنا يا جميل
هو الاخ من بلد فلاحين ولا ايه ؟؟؟ الصراحه اصل اتعاملت معاهم واعوذ بالله منهم مع احترامى يعنى

والله عداكى العيب على كلامك دا فعلا وفى اتنين كمان برضه بنتكلم عن التتنسيق لقيته كاتب love

مش فاهم ههههههههههههههههه يمكن كتبهالى ولا حاجه اديته تعليق ( وده ايه علاقته بالمعادله ) وبرضه تحس انهم مش بيفهمو اوى

رمضان كريم عليكم وعلينا جميعا يا حلوين

تحياتى

والله يا إبني حاجة غريبة فعلاً
يعني إحنا على آخرنا من حكاية التنسيق دي وبندور على آي قشة أمل نتعلق بيها
واللي داخل يحب منهم على نفسه ده يعني المفروض يراعي أعصابنا شوية الحكاية مش ناقصة خالص
عموماً حصل خير وياريت يكون في إحترام شوية في طريقة الكلام ونتكلم في المضمون بس إحنا مش داخلين نلعب ونهرج هنا
وكل سنة وإنت طيب

mr.mzaag

02-08-2011, 01:50 AM

ShaBaB Plz aNa MosH BaD5ol 3La ElMoNTaDa KeTeR Plz LaW NeZeL ElTaNsIc 7aD Y2oLy 3aLa ELYaHoo Da ElMaIl :elhagam_2010***********
Da EMaIl TaNy: mr.mzaag***********
aW Da 3aLa El FaCe:Mahmoud mano

mr.wa7d

02-08-2011, 02:51 AM

على فكره انته مستفز اكتر منى معلش اعذرنى بس لازم اوضحلك اللى انته بتقوله

وياريت مره تانيه متدخلش وتخليك فحالك بس ماشى

اسمع الكلام بقا ياشاطر /وعلى فكره انا مش من الفلاحين ولا حاجه انا من بلد عمرك مرحتها ولا هترحها

ومره تانيه خليك فى حالك

يا راجل الصراحه احرجتنى :blush::blush:

بس قولى استفزيتك فى ايه انا اعتقد ردودى كلها فى صماميم مواضعها ولا بخرج عنها ولا بزيد عنها

ياغالى انا من حقى ادخل الصراحه ده موضوع للتنسيق مش للحب اكيد دى لازم ادخل فيها عداك العيب لو انت بتحب فى حته وجيت اقولك ما تتكلمشى كده دى يبقى ماليش فيه صح

بس اعتقد الموضوع للافاده مش للحب يا ريس عرفت امتى الواحد يدخل ولا لا وبصراحه ردودك بتشغل مكان وهى بلا قيمه :blush::blush:

من عيونى هاطر اسمع كلامك يا ابيه بس رد تانى مش عاجبنى هاعلق عليه للاسباب اللى قولتها :006et4:

مش هاتفرق فلاح او مش فلاح ويا عم ارض الله واسعه مش محتاج اجى عندك :d:d:d

ومره تانيه هاخلينى فى حالى بس اى تعليق مش عاجبنى هابلغ فيه :p

وكل سنه وانت طيب يا عسل :blush:

*sondos*

02-08-2011, 04:06 AM

معلش انا اسف اعذرينى انا هقلك حاجه بس متزعليش* وانتى مالك احب محبش/ انا اسف مره تانيه /
ياريت تخليكى فى نفسك بس

معلش انا اسف على الكلام ده كله *بس كان لازم اقوله

معلش بلاش قلت ذوقك* يعنى ايه احب على نفسى /ابقى احرصى على كلامك شويه قبل ما تقليه

وياريت مره تانيه متدخليش فلى ملكيش فيه ماشى

على فكرة أنا الحمد لله مش قليلة زوق وملكش فيه بردو أحرص ولا محرصش
أنا بس حبيت أوضحك حاجة وأقولك بلاش تحرج نفسك أكتر من كدا قدام الناس
لإن المنظر العام بالنسبالك بقى مش ظريف خالص
وعموماً ربنا يسامحك إحنا في شهر مبارك ومش هرد عليك
لإني لو عايزة أرد هرد كويس أوي وهعرفك معنى كلامك ده إيه :)

elmothb

02-08-2011, 04:15 AM

بسم الله الرحمن الرحيم

كل عام وانتم والامه الاسلاميه بخير

يا جماعه قبل كل شيء احنا اخوات ليه الي حصل بس دا كله

نرجو من الاخو ان يتاسم لبعضهم وخصوصا احنا في ايام مباركه وسيبيو كل شيء بظروفه ونلتزم الصمت والهدوء لحين
صدور السر الا لاهي المنتظر التنسيق او التقديم وفي الاخر كلنا برده اخوات وكل واحد في المنتدي يعتبر اي انسه اخته
واكتر من اخته ويسبيه من شعور الحب دا لانه مجرد اعجاب والسلام عليكم ورحمه الله وبركاته اخوكم احمد

*sondos*

02-08-2011, 04:32 AM

شكراً ليك يا أحمد
الحمد لله الموضوع خلص
وإحنا من البداية كنا وما زلنا بنعتبر بعض إخوات تماماً
لكن اللي عاوز يزود عن كدا يشوف مكان تاني أفضله
يلا الحمد لله حصل خير وكل عام وإنت بالصحة والعافية

Mo7amed Kimia

02-08-2011, 10:18 AM

المعهد العالي للخدمة الاجتماعية بالإسكندرية
المعهد العالي للخدمة الاجتماعية بالقاهرة
المعهد العالي للخدمة الاجتماعية بكفر الشيخ
المعهد العالي للخدمة الاجتماعية بأسوان
المعهد العالي للخدمة الاجتماعية بدمنهور
المعهد العالي للخدمة الاجتماعية ببور سعيد
المعهد العالي للخدمة الاجتماعية بسوهاج
المعهد العالي للخدمة الاجتماعية ببنها
المعهد العالي للخدمة الاجتماعية بالسادس من أكتوبر
المعهد العالي للخدمة الاجتماعية بالمنصورة
المعهد العالي للخدمة الاجتماعية بأسوان فرع قنا
المعهد العالي للخدمة الاجتماعية بالشرقية
المعهد العالي للدراسات التعاونية والإدارية بالمنيرة
المعهد العالي للتعاون الزراعي بشبرا الخيمة
المعهد العالي للتعاون والإرشاد الزراعي بأسيوط
المعهد العالي للدراسات الأدبية بكنج مريوط – الإسكندرية
المعهد العالي للغات بمساكن الشيراتون – مصر الجديدة
المعهد العالي للغات 6 أكتوبر
معهد المعارف العالي للغات والترجمة بالزيتون
معهد القاهرة العالي للغات والترجمة الفورية والعلوم الإدارية بالمقطم
معهد المدينة العالي للغات الدولية – شبرامنت
المعهد العالي الدولي للغات والترجمة الفورية – القاهرة الجديدة
المعهد العالي للغات بالمنصورة
معهد اكتوبر العالى للاقتصاد
المعهد العالي للدراسات النوعية بمصر الجديدة
المعهد العالي للسياحة والفنادق 6 أكتوبر
معهد الألسن العالي للسياحة والفنادق بمدينة نصر
المعهد المصري العالي للسياحة والفنادق بمصر الجديدة
معهد سيناء العالي للسياحة والفنادق برأس سدر
المعهد العالي للسياحة والفنادق والحاسب الآلي بالإسكندرية
معهد القاهرة العالي للسياحة والفنادق بالمقطم
المعهد العالي للسياحة والفنادق بكنج مريوط – الإسكندرية
المعهد العالي للسياحة والفنادق بالإسكندرية (إيجوث)
المعهد العالي للسياحة والفنادق بالأقصر(ايجوث)
المعهد العالي للسياحة والفنادق بالغردقة
معهد الفراعنة العالي للسياحة والفنادق المريوطية - الهرم
المعهد العالي للسياحة والفنادق وترميم الآثار بأبي قير بالإسكندرية
المعهد العالي للسياحة والفنادق بمدينة العريش
المعهد العالي للسياحة والفنادق بالإسماعيلية(ايجوث)
المعهد العالي للدراسات التكنولوجية المتخصصة أول مصر الإسماعيلية
الأكاديمية الحديثة لعلوم الكمبيوتر وتكنولوجيا الإدارة بالمعادى
المعهد العالي للعلوم الإدارية 6 أكتوبر
المعهد العالي لعلوم الحاسب ونظم المعلومات 6 أكتوبر
المعهد العالي للدراسات النوعية بالهرم - جيزة
المعهد العالي للدراسات المتطورة بالهرم
معهد القاهرة العالي للهندسة وعلوم الحاسب والإدارة بالتجمع الخامس
معهد طيبة العالي لتكنولوجيا الإدارة والمعلومات بطريق سقارة - الجيزة
المعهد المصري لاكاديمية الإسكندرية للادارة والمحاسبة بالاسكندرية
المعهد العالي للحاسب الآلي بكنج مريوط – الإسكندرية
المعهد العالي لعلوم الكمبيوتر وتكنولوجيا الإدارة بسوهاج
معهد العبور العالي للإدارة والحاسبات ونظم المعلومات طريق بلبيس الصحرواى
معهد المدينة العالي للإدارة والتكنولوجيا بشبرامنت
معهد طيبة العالي للحاسب والعلوم الإدارية بالقاهرة
المعهد العالي للحاسب الآلي وإدارة الأعمال بمدينة الزرقا بدمياط
معهد الدلتا العالي للحاسبات بالمنصورة
المعهد العالي للحاسب الآلي ونظم المعلومات بأبي قير بالإسكندرية
المعهد العالي للعلوم الإدارية بالقطامية
معهد الجزيرة العالي للحاسب الآلي ونظم المعلومات الإدارية بالمقطم
معهد الفراعنة العالي للحاسب الآلي ونظم المعلومات والإدارة – المريوطية - الهرم
المعهد العالي للعلوم الإدارية والتجارة الخارجية بالتجمع الخامس بالقاهرة الجديدة
معهد رأس البر العالي للدراسات النوعية والحاسب الآلي بمدينة رأس البر
المعهد العالي للحاسبات وتكنولوجيا المعلومات بمدينة الشروق
المعهد العالي لعلوم الحاسب ونظم المعلومات بالتجمع الخامس بالقاهرة الجديدة
المعهد العالي للعلوم الإدارية والحاسب الآلي بالتجمع الأول بالقاهرة الجديدة
المعهد العالي للإدارة والحاسب الآلي برأس البر
المعهد العالي للعلوم التجارية والحاسب الآلي بالعريش
معهد النيل العالي للعلوم التجارية وتكنولوجيا الحاسب بالمنصورة
معهد مصر العالي للتجارة والحاسبات بالمنصورة
المعهد العالي للعلوم الإدارية المتقدمة والحاسبات بأبي المطامير – بحيرة
المعهد العالي للحاسبات والمعلومات وتكنولوجيا الإدارة بطنطا
المعهد العالى للإدارة وتكنولوجيا المعلومات بكفر الشيخ
المعهد العالي للتسويق والتجارة ونظم المعلومات مركز التجمع الأول
المعهد العالي للحاسبات ونظم المعلومات بالتجمع الأول
المعهد العالي للدراسات المتطورة بالقطامية
المعهد العالي للعلوم الإدارية والمالية ونظم المعلومات بالقليوبية
المعهد العالي للحاسبات ونظم المعلومات الإدارية وعلوم الإدارة بشبرا الخيمة
المعهد العالي لإدارة المنشآت الصناعية بجناكليس - البحيرة
المعهد العالي لإدارة المنشآت الصناعية طريق بلبيس - العباسة - الشرقية
المعهد العالي لإدارة المنشآت الصناعية بطموه - الجيزة
المعهد العالي لإدارة المنشآت الصناعية باوسيم – بـ 6 اكتوبر
المعهد العالي لتكنولوجيا ادارة المنشآت الصناعية بلقاس - المنصورة
المعهد العالي لتكنولوجيا البصريات بمصر الجديدة
المعهد العالي للفنون التطبيقية 6 أكتوبر
المعهد العالي للفنون التطبيقية بالتجمع الخامس
المعهد العالي للإعلام وفنون الاتصال 6 أكتوبر
المعهد الكندي العالي لتكنولوجيا الاعلام الحديث بالتجمع الخامس
المعهد الدولى العالي للاعلام بمدينة الشروق
الأكاديمية الدولية للهندسة وعلوم الأعلام 6 أكتوبر
المعهد التكنولوجي العالي بمدينة العاشر من رمضان وفروعه
المعهد العالي للهندسة المعمارية 6 أكتوبر
المعهد العالي للهندسة 6 أكتوبر
المعهد العالي للهندسة بمدينة الشروق
معهد العبور العالي للهندسة والتكنولوجيا طريق مصر الإسماعيلية
معهد الإسكندرية العالي للهندسة والتكنولوجيا بسموحه
أكاديمية أخبار اليوم 6 أكتوبر
معهد طيبة العالي للهندسة بالمعادى
الأكاديمية الحديثة للهندسة والتكنولوجيا بالمعادى
معهد هندسة وتكنولوجيا الطيران بامبابه – الجيزة
المعهد العالي للهندسة بمدينة 15 مايو
المعهد الكندي العالي لتكنولوجيا الهندسة والإدارة
معهد الحاسبات وتكنولوجيا معلومات الطيران والفضاء
معهد مصر العالي للهندسة والتكنولوجيا بالمنصورة
المعهد العالي للهندسة والتكنولوجيا بالعريش
المعهد العالي للهندسة والتكنولوجيا - القاهرة الجديدة - التجمع الخامس
المعهد العالي للهندسة والتكنولوجيا بالمنيا الجديدة
المعهد العالي للهندسة والتكنولوجيا بكفر الشيخ
المعهد العالي للهندسة والتكنولوجيا بالقليوبية
المعهد العالي للهندسة والتكنولوجيا بالبحيرة
المعهد العالي للهندسة والتكنولوجيا بدمياط الجديدة
معهد الدلتا العالي للهندسة والتكنولوجيا بالمنصورة
المعهد العالي للهندسة بطموه الجيزة
معهد الاهرامات العالي للهندسة والتكنولوجيا 6 أكتوبر
المعهد العالي للهندسة والتكنولوجيا كيلو 21 طريق بلبيس بالعبور
المعهد العالي للهندسة والتكنولوجيا بالقليوبية كيلو 26 طريق بلبيس
معهد السلام العالي للهندسة والتكنولوجيا بمدينة السلام
معهد الإدارة والسكرتارية والحاسب الآلي بكلية البنات القبطية بالعباسية
معهد الإدارة والسكرتارية بمصر القديمة
معهد الإدارة والسكرتارية بكلية رمسيس للبنات
معهد السويس لنظم المعلومات الإدارية
المعهد الفنى للموضة شامبر سانديكال طريق كرداسة بالمريوطية
المعهد المتوسط للخدمة الاجتماعية بجاردن سيتى
المعهد المتوسط للخدمة الاجتماعية بالإسكندرية
المعهد المتوسط للخدمة الاجتماعية بأسوان
المعهد المتوسط للخدمة الاجتماعية بسوهاج
المعهد المتوسط للخدمة الاجتماعية بكفر الشيخ

mr.mzaag

02-08-2011, 02:06 PM

يا جماعه انا داخل عاوز استفيد مش داخل اتفرج علي كومنتات ملهاش اي لزمه فياريت اللي يعرف حاجه يقولنا وفككوا من الكومنتات اللي في الفاضي دي

mr.wa7d

02-08-2011, 02:23 PM

يا جماعه انا داخل عاوز استفيد مش داخل اتفرج علي كومنتات ملهاش اي لزمه فياريت اللي يعرف حاجه يقولنا وفككوا من الكومنتات اللي في الفاضي دي

تمام يا ريس ان شاء الله كلو سير على خط مستقيم :romarioxp6:

(نور الحياه)

02-08-2011, 05:33 PM

لالا مش بنت بلدى دى ياجماعه وربنا

طلاما عرفتى ليه مش بتقووووووووووووولى اللى تعرفييييييه

أعمل فييييييييكى ايييييييييييه ..
أعمل فييييييييكى ايييييييييييه ..

قولى والنبى الله يرضى عليكى وعلى الـ كده يعنى

انا بسال بس انا عرفت ان فى ف منيه النصر كليه تربيه نوعيه فعلا وبعدين ازاى انت من منيه النصر ومتعرفش
انت من منيه النصر نفسها ولا ايه
ومعلش بجد اللى يعرف اى كليات ف المنصوره للتعليم الصناعى يكتبهالى ف مشاركه

mr.mzaag

02-08-2011, 07:41 PM

انا بسال بس انا عرفت ان فى ف منيه النصر كليه تربيه نوعيه فعلا وبعدين ازاى انت من منيه النصر ومتعرفش
انت من منيه النصر نفسها ولا ايه
ومعلش بجد اللى يعرف اى كليات ف المنصوره للتعليم الصناعى يكتبهالى ف مشاركه

ايوه في منيه النصر كليه تربيه نوعيه

انا اعرفها واعرف ناس فيها من الصنايع برضه

*سلمى*

03-08-2011, 11:14 AM

مفيش اى اخبار عن التنسيق بجد كده حرام انا كل يومين اروح الجامعه ويقولوا لسه

mr.mzaag

03-08-2011, 07:40 PM

ان شاء الله التأخير ده يكون خير

احمد م حجازي

04-08-2011, 12:57 AM

السلام عليكم و رحمة و بركاته

كل عام و انتم بخير

و كما قلنا لكم أن التنسيق للتعليم الصناعي نظام 3 ، 5 أن شاء الله يبدا بعد المرحلة الثانية ثانوية عامة

و لكن اراكم مستعجلين منذ ظهرت النتيجة (و كل شيء له ميعاد )

و اتمني ان نهرف جميعا ان هذا المنتدي تعليمى و كنا نحاول على قدر المستطاع خدمتكم

و لكن هناك شيئ احب أن اسوقه لكم

من يجد امامه فرصة للتعيين بدبلوم الصنايع و العمل فى اى حرفه يكون افضل من التكملة فى اى معهد سنتين تجاري أو اى معهد اربع سنوات نظم ادارية

اري بعض الشباب يقول مش عجبه الصنايع او يندم على دخول الصنايع . و اقول لهؤلاء فى رأي التعليم الصناعي اذا كان لم يؤثر فيهم و يعلمهم شيء فهم عالة على التعليم الصناعي و هؤلاء من اسباب انهيار التعليم الصناعي لان المفروض يا شباب كما قال رسولنا الكريم ( أن الله يحب أذا عمل أحدكم عمل ان يتقنه )

و يجب عندما يدخل المرء فى اى موضوع ان يبذل فيه قصاري جهده و يحبه حتي يكون له الخير

التعليم الصناعي يا شباب من يدخل به و يتعلم على مدار الثلاثة سنوات حرفة تكون له سند

اقول لكم معى زملائى دفعة دبلوم 1982 لم يكملوا دراستهم الجامعية و يعملون فى الشركات و من اجتهد منهم و كلهم فى مركز اجتماعي و مادي و ادبي محترم
و قد اكملت دراستي الجامعية ( تربية دفعة 1986 ) و كنت اعمل فى فترات الاجازة الصيفية فى الصنعة ( كهرباء ) التى تعلمتها من المدرسة الصناعية . فكان اول مرتب لى من التربية و التعليم 45 جنيه مرتب ايمها 3 ايام لو عمل الواحد فى الصنعة و لولا الصنعة و العمل الخارجي لما كنت قادر على فتح بيت و ظللت اعمل بصناعة الكهرباء و الدهانات ثم بعد ذلك تحولت قليلا الى عالم الالكترونات و صيانة الاجهزة و منها الى الكمبيوتر و التدريب على الحاسب ثم صيانة و تجميع الحاسب و كل هذا لم يكن الا من خلال التعليم الصناعي
يا شباب .

قَالَ رَسُولُ اللهِ صلى الله عليه وسلم:مَنْ يَأْخُذُ مِنْ أُمَّتِي خَمْسَ خِصَالٍ ، فَيَعْمَلُ بِهِنَّ ، أَوْ يُعَلِّمُهُنَّ مَنْ يَعْمَلُ بِهِنَّ ؟ قَالَ : قُلْتُ : أَنَا يَا رَسُولَ اللهِ ، قَالَ : فَأَخَذَ بِيَدِي فَعَدَّهُنَّ فِيهَا ، ثُمَّ قَالَ : اتَّقِ الْمَحَارِمَ تَكُنْ أَعْبَدَ النَّاسِ ، وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ ، وَأَحْسِنْ إِلَى جَارِكَ تَكُنْ مُؤْمِنًا ، وَأَحِبَّ لِلنَّاسِ مَا تُحِبُّ لِنَفْسِكَ تَكُنْ مُسْلِمًا ، وَلاَ تُكْثِرِ الضَّحِكَ ، فَإِنَّ كَثْرَةَ الضَّحِكِ تُمِيتُ الْقَلْبَ.

و قال رب العزة فى كتابه الكريم و لسوف يعطيك ربك فترضى )
و للعلم معى زملاء لى مهندسين لم ينجه منهم فى حياته الا من يتقن عمله و يقدر على العمل بيده

فالعبرة ليس بالشهادة فقد و لكن يجب الاتقان و الاحتراف و العمل

و اخيرا هذا الرابط تابعوه يوميا حتى تروا رابط خدمات تنسيق الدبلومات الفنية يعمل و بالتالي قد بدا التنسيق

http://tansik.egypt.gov.eg/application/

و ملحوظة اخري يا شباب تنسيق الدبلومات الفنية و رقي و ليس الكتروني يعني كان حتى العام الماضي بدون رقم سري

و هذة السنة ايضا حتى الان لا يوجد رقم سري

mr.mzaag

04-08-2011, 01:54 AM

كلامك جميل جدا جزاك الله كل خير وشكرا

*sondos*

04-08-2011, 05:20 AM

وعليكم السلام ورحمة الله وبركاته
جزاك الله خيراً يا مستر
بصراحة لا تعليق على كلامك
عين العقل والله ما شاء الله على حضرتك
لكن بالنسبة للتنسيق أنا جالي رقم سري مع إستمارة النجاح
هو أكيد التنسيق مش إلكتروني يعني ؟؟

midofifa

04-08-2011, 09:36 AM

انا طاب في المعاهد الصناعية الفنية سنتين التنسيق امتا

*sondos*

05-08-2011, 03:39 PM

انا طاب في المعاهد الصناعية الفنية سنتين التنسيق امتا

ربنا يوفقك يارب
يمكن تكون معانا الإسبوع الجاي

*sondos*

05-08-2011, 05:17 PM

الخبر الأكيد ....

http://www.thanwya.com/vb/showthread.php?t=350732

macosx

05-08-2011, 10:07 PM

خلاص اخيراً التنسيق يوم التلات الجي
http://www.youm7.com/News.asp?NewsID=468484&SecID=97&IssueID=0

(نور الحياه)

06-08-2011, 12:22 PM

(نور الحياه)

06-08-2011, 12:25 PM

ايوه في منيه النصر كليه تربيه نوعيه

انا اعرفها واعرف ناس فيها من الصنايع برضه

انت متاكد انها بتاخد من الصنايع يعنى مش ثانوى عام بس
لان ف ناس بتقول انها ثانوى عام بس

(نور الحياه)

06-08-2011, 12:33 PM

طب اقرب مكتب تنسيق لمنيه النصر فين

مسلمة ولله الحمد

08-08-2011, 10:04 PM

السلام عليكم
الا يوجد معهد فنى صحى
لدبلوم فنى صناعى ؟؟؟؟
وجزاكم الله خيرااا

macosx

09-08-2011, 07:02 AM

السلام عليكم
الا يوجد معهد فنى صحى
لدبلوم فنى صناعى ؟؟؟؟
وجزاكم الله خيرااا

لا في بس ده تعبان موله :039uw8:

(د) القبول بالمعاهد الفنية الصحية شعبة الأجهزة الطبية ( مدة الدراسة بها سنتان )

وهي(امبابه –الزقازيق – الاسكندرية – المنصورة – طنطا –اسيوط – بورسعيد – اسوان)

يتم القبول بها من تخصص الكهرباء فقط وبالشروط الآتية :

1- ألا يقل سن الطالب عند بدء الدراسة (أول أكتوبر) عن 16 سنة ولا يزيد على 22 سنة .

2- اجتياز الكشف الطبى واختبار القدرات الذى يعقده المعهد بعد الترشيح .

3- أن يكون الطالب متفرغاً للدراسة .

يقبل الطلاب الحاصلين على دبلوم المدارس الثانوية الصناعية شعبة الأجهزة التعويضية والأطراف الصناعية بالمعهد الفنى الصحى بإمبابة في حدود الأعداد المقررة وبأسبقية المجموع

midofifa

23-08-2011, 12:02 PM

حد عارف امتي نتيجة تنسيق الدبلومات الفنية هيبقي امتي