99.9% حاسبات و لا هندسة [الأرشيف] - بوابة الثانوية العامة المصرية

مشاهدة النسخة كاملة : 99.9% حاسبات و لا هندسة

egt2007

25-07-2011, 05:41 PM

انا جبت الحمدالله 99.9% 1108246
و حطيت دلوقتى مؤقت فى الرغبات حاسبات عين شمس و مش معايا هندسة عين شمس علشان التوزيع الجغرافى
(بالرغم انها قريبة بس علشان انا ادارة العبور) و جايلى هندسة بنها بدلها :mad:
انا كنت عازكم ترشحولى قسم فى هندسة يناسب سوق العمل من حيث المرتبات و الشغل و كده
انا الى حد ما مقتنع بحاسبات غير لو لقيت فعلن حاجة فى اقسام الهندسة تشدنى
(انا عارف كتير هيقولو بترول بس انا مش عايز بترول):)

figo_ff

25-07-2011, 06:12 PM

حرااام عليك لما تضيع مجموعك في حاسبات وليه مش عايز بترول اتعب شوية مش مشكلة او اكتب اي هندسة

الاول انا

25-07-2011, 08:33 PM

انا ارشحلك بترول طبعا و انا كنت زيك كدة و اقتنعت ببترول

Aliaa a

25-07-2011, 11:45 PM

اولا ما شاء الله عليك ..ثانيا ربنا يحميك يا رب .. ثالثا الف مبروك
رابعاااااااااااااااااااااااا و اخيراااااااااااااااااااااااااااااااااااااااااااا
طبعا طبعا طبعا بتروووووووووووووووول يعنى وظايف يعنى فلوس يعنى نغنغه فى الخليج ههههههههههههه

cazanova_love

26-07-2011, 03:57 AM

والنبى بس تسمعنى

اكتب البترووووووووووووووول
و 23 كلية هندسة
و الحاسبات

انت هتخش بتروووووووووووووووووووووول يا معلم مبرووووووووووووووووووووووووووووووك معايا

خش بتروووووووووووووول بقولك

*sondos*

26-07-2011, 04:17 AM

بسم الله ما شاء الله .. ربنا يحميك
بس حرام تضيع تعبك

fantazia22

26-07-2011, 04:46 AM

ايه يا عم انت منــــــــــــــــين بالظبط من القمر ولا المريخ ؟؟!! :028ja7:

حاسبات ايه بالمجموع الجبار ده ما شاء الله

اكتب زى م قالك كازنوفا

بترول

كل كليات الهندسة اللى فيكى يا مصر

حاسبات

انت اكيد عامل الموضوع ده بتهزر صح !! .... فكّر شوية يابنى استشير حد !!

وربنا يوفقك :)

cazanova_love

26-07-2011, 04:51 AM

بترووووووووووووووووووووول انت متعرفش البترول دى ايه بس ؟؟

متخلينيش اشد فى شعرى بجد تعالى معايا بتروووووووووول بقولك

انا خايف عليك متضيعش مجموعك .. لا اله الا الله بجد ..

الى يسيب بترول دا يا اما مجنون هههههههه معلش يا اما ميعرفش حاجه .

. اسال اى حد كده انا هيجيلى هندسة بترول السويس وممكن ابقى مهندس بترول كفايه الكلمه دى بجد تروح تسيبها اوعععععععععععى بجد

eng/ yasmine

26-07-2011, 05:24 AM

حرااام عليك لما تضيع مجموعك في حاسبات وليه مش عايز بترول اتعب شوية مش مشكلة او اكتب اي هندسة

على فكرة حاسبات مش وحشة بالعكس اقسامها حلوة جدا وفى اقسام بردو حلوة فى هندسة
وطالما هو مش حابب البترول ومش عاوزها يدخلها ليه هو جايب المجموع ده علشان يدخل الحاجة اللى حاببها وعاوزها مش الحاجة اللى مجموعوا يبقى خسارة لو مدخاهاش
وكمان هو لو حابب الحاسبات اوى ممكن يبقى من اهم المبرمجين ده بيرجع لرغبتوا ومدى قابليتوا ليها
مش لازم ندخل كلية قمة علشان احنا جايبين مجموعها ماهو احنا ممكن ندخلها ومانبقاش قمة فيها بردوا ولا ايه
ممكن كلية الحاسبات دى او اى هندسة تبقى قمة بالنسبة له ويبقى من احسن اللى موجودين فيها

انا نصحيتى ليكى اعمل سيرش ع النت عن كل كلية واقسامها وشوف انت حابب ايه
انا لسة عاملة كدا على هندسة وحاسبات وحاسيت ان حاسبات حلوة واقسامها جميلة وكمان فى اقسام حلوة جدا فى هندسة على حسب ماتميل
اعمل بس سيرش وصلى استخارة وان شاء الله اللى فىه خير ليك ربنا يكتبهولك:022yb4::022yb4::022yb4:

fantazia22

26-07-2011, 05:34 AM

على فكرة حاسبات مش وحشة بالعكس اقسامها حلوة جدا وفى اقسام بردو حلوة فى هندسة
وطالما هو مش حابب البترول ومش عاوزها يدخلها ليه هو جايب المجموع ده علشان يدخل الحاجة اللى حاببها وعاوزها مش الحاجة اللى مجموعوا يبقى خسارة لو مدخاهاش
وكمان هو لو حابب الحاسبات اوى ممكن يبقى من اهم المبرمجين ده بيرجع لرغبتوا ومدى قابليتوا ليها
مش لازم ندخل كلية قمة علشان احنا جايبين مجموعها ماهو احنا ممكن ندخلها ومانبقاش قمة فيها بردوا ولا ايه
ممكن كلية الحاسبات دى او اى هندسة تبقى قمة بالنسبة له ويبقى من احسن اللى موجودين فيها

انا نصحيتى ليكى اعمل سيرش ع النت عن كل كلية واقسامها وشوف انت حابب ايه
انا لسة عاملة كدا على هندسة وحاسبات وحاسيت ان حاسبات حلوة واقسامها جميلة وكمان فى اقسام حلوة جدا فى هندسة على حسب ماتميل
اعمل بس سيرش وصلى استخارة وان شاء الله اللى فىه خير ليك ربنا يكتبهولك:022yb4::022yb4::022yb4:
بص انا مقتنعة بنظرية ان كل الكليات حلوة لو انت اهتميت بدراستك فعلااا

لكن بلاش نضحك ع بعض

بترول دى حاجة وهمية اصلا ف مستقبلها

وهندسة بكل فروعها

حاسبات حلوة طبعا مفيش كلام ... لكن حلاوتها متوصلش بترول ولا هندسة

وربنا يوفق الجميع

mah_333

26-07-2011, 07:04 AM

لو انته حابب قسم ميكانيكا يبقي اكتب هندسة بنها
ولو حابب مدني يبقي خليك في شبرا الاول
ولو عاوز فلوس يبقي علي تعدين يا ريس :022yb4: ;)

egt2007

26-07-2011, 09:40 AM

شكرا على الردود الكتييرة
بس انا شايف معظم الردود مش بترد على الموضوع و كل اللى بيعملوه يحسسونى انى مجنون
انا عارف لو خلو كلية تمريض اعلى مجموع زى بترول كل اللى جايبين مجاميع عاليا هايخشوها :confused:
انا عايز حد يرشحلى اقسام هندسة اتخرج منها ممكن اقتنع بيها
انا ميولى كمبيوتر و كلية حاسبات للعلم مش معهد اهبل فى امريكا المبرمجين على قمة هرم الاجور :mad:
و اما تلعط حاسبات كانت بتاخد اعلى من هندسة 97%
و بالنسبة بترول انا دورت كتيير و فى خريجيين بترول بيئولو انهم محتاجين واسطة و مش كلهم بيشتغلوا غير انى مش شايف نفسى فيه
انا نفسى اللى يرد يرد بمنطق مش بمبدأ انى جاى من العباسية

abdelRhman772007

26-07-2011, 09:56 AM

معلش يا بنى حاسس بيك

أنا عملت زيك و دخلت هندسة أقليمى

و المشكلة إنى كنت خارج التوزيع الاقليمى ههههههههه

إن شاء الله أى حاجة تحصلك فى الكلية وحشة هيتقالك مش كنت دخلت بترول أحسن

فمتزعلش أوى كده و حاول تتعود على شغل العباسية من دلوقتى

و نصيحتى ليك من أخ لأخوه لو مش عايز بترول أدخل هندسة

فيها شغل كمبيوتر و برمجة و رياضة عالى

زى ما بتقولوا فى الثانوى هى رابطة العقد

لا هى رياضة و فيزياء بحتة و لا هيه برمجة و كمبيوترات بحتة

و فيه أقسام حلوة ليك أوى

زى اتصالات و إليكترونيات و ده فيها شغل شبكات و وايرليس و أقمار و برمجة شيبات
و حاسبات و نظم تحكم و ده باينة من اسمها أوى و فيها تحكم و برمجة و غيرة

و لو برده حابب حاسبات مفيش مشكل

و ما دام أهلك فى البيت مش معترضين يبقى مش من حقنا نقول بم

فيه برده قسم فى القاهرة اسمه كمبيوتر بس معرفش ايه بيدرسوا فيه

و حاول تحكم عقلك كويس أنت متأكد من اللى بتعمله و لا أنت من النوع اللى بيندم

لأن الحياة مش وردية لا فى هندسة و لا حاسبات و لا فى بترول

بالتوفيق ،،،،،،،

egt2007

26-07-2011, 11:58 AM

شكرا yasmine ibrahim و abdelRhman772007 الردين الايجابيين الوحيدين
و يا ريت ناس تانية تفدنى

abdelRhman772007

26-07-2011, 12:53 PM

بص ادخل موقع يونى مصر هو منتدى من منتديات هندسة القاهرة

هتلاقى فيه قسم اسمه مناقشة الأقسام

و اقرى زى ما تحب عن اقسام الهندسة و دراستها و شغلها و كل اللى نفسك إن شاء الله

و لو محتاج حاجة تانية حددها و متسيبش العملية عايمة كده علشان نعرف نفيدك

بالتوفيق ،،،،،،،

حسام ابن امين

28-07-2011, 10:17 PM

بدايه انا خلصت 3 ثانوى علمى رياضه بالنسبه لعدم اختيارك هندسه بترول فهو الى حد ما موفق لان انا والدى مهندس بترول وبيقولى الشغل تعب وقرف وصحرا والمرتبات مش زى ما الناس متخيله الناس تقولك ده مهندس بترول يعنى يوم ما تبقى شركه زباله ياخدله 40 الف ده غلط طبعا وانت بتتدرج ثانيا الشغل حاليا الشركات بتدور على الجامعه البريطانيه او الجامعه الامريكيه ودول بيبقى ليهم فرص عمل جامده جدا انا كنت هخش الامريكيه بس والدى نصحنى انى ابعد عن هندسه بترول لانى عندى انزلاق وشغلها متعب
ثانيا بالنسبه لحاسبات
انا كنت لسه قاعد مع مهندس كمبيوتر خريج نظم معلومات it وقالى بالنسبه لدراستها هى جميله وحلوه بالنسبه للشغل مش هتلاقى اللى بتحلم بيه من شركات او مناصب الا لو بقيت متميز ومش من اوائل الدفعه لا الاول على الدفعه وتبقى شخصيه مرموقه علشان الانترفيو لكن قالى للنصيحه خش اى قسم فى هندسه انت تحبه وخد جنبه دورات vb.net و oracle و c+ و c++ وشوف المجال ده وده
واخيرا ربنا يوفقكم واى معلومه ايملى اهه
fokakmeny_999
yahoo

rehab rehab

29-07-2011, 01:06 AM

ماهو اكيد فيه اسباب تخلى حاسبات تنزل من 99% كمان مش 97% لانها تبقى مرحلة تانية

فى رايى هندسة حاسبات احسن من كلية حاسبات

يمكن مش بيشتغلوا باديهم و مش جامدين فى نقطة ال web و البرمجة زى حاسبات بس خريج هندسة معروف عنه انه دماغ و بتاع شغل و يقدر بسهولة يتعلم مع نفسه اى حاجة جديدة و علشان كدا فى الشركات الكبيرة بياخدوا خريج هندسة مع ان مستواه العلمى ممكن يكون اقل بس قابليته للتعلم اكبر و hard worker

دا غير ان معظم الناس بتغير رايها بعد ما تدخل الكلية لان فى ثانوية عامة محدش عنده تصور كامل لاى حاجة
يعنى ممكن بعد اول سنة تلاقى ميولك لقسم تانى خااااالص او قسم فيه بردو كمبيوتر بس مستخدم فى مجال تانى زى ميكاترونكس

ROMEOOOO

29-07-2011, 04:09 AM

انصحك أنك تمشي ورا الحاجة اللي انت بتحبها و ورا قلبك بغض النظر عن مجموع الكلية لأن مجموع الكلية لو عالي بيبقى بسبب الاقبال العالي فلمجموع مش مقياس ان كلية كذا مناسبة ليك انصحك أنك تدخل اللي بتحبه و إن شاء الله خير

eng--zako

29-07-2011, 08:32 AM

egt2007

29-07-2011, 08:53 AM

على العموم المرحلة الاولى للتسيق خلصت خلاص و اخترت ....................... حاسبات و معلومات عين شمس :P
شكرا لكل اللى حب يفيدنى
انا مش سهل حد يقنعنى غير لما بشوف بنفسى و كمان مش لازم امشى مع القطيع علشان مش شرط القطيع صح

بص ادخل موقع يونى مصر هو منتدى من منتديات هندسة القاهرة

هتلاقى فيه قسم اسمه مناقشة الأقسام

و اقرى زى ما تحب عن اقسام الهندسة و دراستها و شغلها و كل اللى نفسك إن شاء الله

و لو محتاج حاجة تانية حددها و متسيبش العملية عايمة كده علشان نعرف نفيدك

بالتوفيق ،،،،،،،

اشكرك ...دخلت عليه بجد عرفت كلام كتير عن اقسام الهندسة مكنتش اعرفه بس برضه مقتنع بحاسبات اكتر :d

بدايه انا خلصت 3 ثانوى علمى رياضه بالنسبه لعدم اختيارك هندسه بترول فهو الى حد ما موفق لان انا والدى مهندس بترول وبيقولى الشغل تعب وقرف وصحرا والمرتبات مش زى ما الناس متخيله الناس تقولك ده مهندس بترول يعنى يوم ما تبقى شركه زباله ياخدله 40 الف ده غلط طبعا وانت بتتدرج ثانيا الشغل حاليا الشركات بتدور على الجامعه البريطانيه او الجامعه الامريكيه ودول بيبقى ليهم فرص عمل جامده جدا انا كنت هخش الامريكيه بس والدى نصحنى انى ابعد عن هندسه بترول لانى عندى انزلاق وشغلها متعب
ثانيا بالنسبه لحاسبات
انا كنت لسه قاعد مع مهندس كمبيوتر خريج نظم معلومات it وقالى بالنسبه لدراستها هى جميله وحلوه بالنسبه للشغل مش هتلاقى اللى بتحلم بيه من شركات او مناصب الا لو بقيت متميز ومش من اوائل الدفعه لا الاول على الدفعه وتبقى شخصيه مرموقه علشان الانترفيو لكن قالى للنصيحه خش اى قسم فى هندسه انت تحبه وخد جنبه دورات vb.net و oracle و c+ و c++ وشوف المجال ده وده
واخيرا ربنا يوفقكم واى معلومه ايملى اهه
fokakmeny_999
yahoo

انا مقتنع ب 90% من كلامك :) فعلا البترول ده وهم كبير و انا دورت فى الموضوع ده كتير على النت

بس انا مدخلتش حاسبات بمجرد ان مجموعى مجبش هندسة و اعتقد مع كل الاصرار ده هتفوق فيها ان شاء الله

ماهو اكيد فيه اسباب تخلى حاسبات تنزل من 99% كمان مش 97% لانها تبقى مرحلة تانية

فى رايى هندسة حاسبات احسن من كلية حاسبات

يمكن مش بيشتغلوا باديهم و مش جامدين فى نقطة ال web و البرمجة زى حاسبات بس خريج هندسة معروف عنه انه دماغ و بتاع شغل و يقدر بسهولة يتعلم مع نفسه اى حاجة جديدة و علشان كدا فى الشركات الكبيرة بياخدوا خريج هندسة مع ان مستواه العلمى ممكن يكون اقل بس قابليته للتعلم اكبر و hard worker

دا غير ان معظم الناس بتغير رايها بعد ما تدخل الكلية لان فى ثانوية عامة محدش عنده تصور كامل لاى حاجة
يعنى ممكن بعد اول سنة تلاقى ميولك لقسم تانى خااااالص او قسم فيه بردو كمبيوتر بس مستخدم فى مجال تانى زى ميكاترونكس

انا مش عارف جبتى الكلام ده منين اللى بيشتغل جامد يرجع اكيد للشخص نفسه مش كليته و حاسبات اعتقد نزلت لجهل الناس بيها مش اكتر و دفعة حاسبات مش كبيرة و فرصتهم فى الشغل اكتر
ده غير اللى دخل هندسة حاسبات دخل هندسة و خلاص و راحت بيه كده و كده و لقى نفسو فى هندسة حاسبات اما اللى هدفه كمبوتر من اولها كان هيدخل حاسبات.

انصحك أنك تمشي ورا الحاجة اللي انت بتحبها و ورا قلبك بغض النظر عن مجموع الكلية لأن مجموع الكلية لو عالي بيبقى بسبب الاقبال العالي فلمجموع مش مقياس ان كلية كذا مناسبة ليك انصحك أنك تدخل اللي بتحبه و إن شاء الله خير

اه هى دى الناس اللى بتفهم و اتمنى ان كل واحد يختار اللى عايزه و محدش يختارلك حتى و لو اهلك علشان كل واحد عارف نفسه اكتر و اكيد هما عايزين الافضل بنسبالك بس مش شرط يكون هو الافضل فعلا

egt2007

29-07-2011, 09:09 AM

انا مش حقولك مين احسن من مين لأن جواب السؤال ده عندك بس هنصحك نصيحة لوجه الله
لازم تسمع الحلقتين دووول
للدكتور طارق سويدان الله يجازيه بالخير
بجد هيفرقوا معاك طوووول حياتك انا بنصح اي حد محتار او بيحدد مستقبلو يتفرج عليهم ضرووووري جدا
انا عارف انهم متأخر بس لسة في مرحلة تحويلات مناظرة و غير مناظرة و ممكن تلحق نفسك لقدر الله حسيت ان انت عايز اختيار افضل من اللي حطيته
....
ادي لينكات الحلفتين المهمين جدا جدا

كيف تكتب خطة لحياتك (1) (http://www.fawaed.tv/%d8%af%d8%b1%d9%88%d8%b3/%d8%a3%d9%83%d8%a7%d8%af%d9%8a%d9%85%d9%8a%d8%a9-%d8%a5%d8%b9%d8%af%d8%a7%d8%af-%d8%a7%d9%84%d9%82%d8%a7%d8%af%d8%a9-1/02-%d9%83%d9%8a%d9%81-%d8%aa%d9%83%d8%aa%d8%a8-%d8%ae%d8%b7%d8%a9-%d9%84%d8%ad%d9%8a%d8%a7%d8%aa%d9%83-1)

كيف تكتب خطة لحياتك (2) (http://www.fawaed.tv/%d8%af%d8%b1%d9%88%d8%b3/%d8%a3%d9%83%d8%a7%d8%af%d9%8a%d9%85%d9%8a%d8%a9-%d8%a5%d8%b9%d8%af%d8%a7%d8%af-%d8%a7%d9%84%d9%82%d8%a7%d8%af%d8%a9-1/03-%d9%83%d9%8a%d9%81-%d8%aa%d9%83%d8%aa%d8%a8-%d8%ae%d8%b7%d8%a9-%d9%84%d8%ad%d9%8a%d8%a7%d8%aa%d9%83-2)

شكرا للافادة و دى حتة عجبتنى لازم الناس كلها تعرفها

د طارق السويدان
1/ إياكم أن تعملوا في مجال أو أن تتطوعوا في مجال من أجل المجاملة
مثل ضغطوا علي والدي أو ألأهل أو الأقارب ( فرض التخصص من الوالدين ليس داخلا في البر بهما ، لأن هذا التخصص هو حياتك في المستقبل وهو شأن خاص بك ، لذلك تفاهم مع والدين وأريهما رأيك ووجهة نظرك ).
تأكد من أن مجالك هو وظيفتك هو تطوعك

rehab rehab

29-07-2011, 12:21 PM

الكلام دا عرفته لانى هندسة حاسبات و سمعناه من managers فى شركات زى microsoft و mentor و oracle و شفناه بعنينا فى الترينينج

و كهربا اللى هى بتودى لحاسبات دى اعلى قسم فى هندسة يعنى محدش بيدخلها غصب عنه او دخلها و مكنش عايزها

عموما حضرتك كتبت التنسيق خلاص و ان شاء الله حاسبات تكون احسن ليك من هندسة و تكون الخير ليك

egt2007

29-07-2011, 04:48 PM