ناجحو الثانوية العامة يحاولون اقتحام وزارة التعليم العالى ( اغلقوا مواضيع التظاهر ) [الأرشيف]

omar.magdy

25-07-2011, 06:19 PM

حاصر نحو 50 طالبا من الناجحين بالثانوية العامة، وحاولوا اقتحام مقر وزارة التعليم العالى وكسر الباب الحديدى لها، مطالبين بتخفيض الحد الأدنى للقبول للمرحلة الأولى للتنسيق إلى 90%.

وخاطب الموظفون طلاب الثانوية مطالبين إياهم بعدم التخريب وعدم اقتحام مقر الوزارة، وأكدوا أنهم سيدافعون عن المبنى ضد أى هجوم.

وكانت وزارة التعليم العالى قد أعلنت عن قبول 120 ألف طالب وطالبة بالمرحلة الأولى للثانوية العامة بحد أدنى 93.9 لطلاب العلمى، و79.2 لطلاب الأدبى.

المصدر : اليوم السابع
##########################
هو ده اخريتها ..... اقتحام وتكسير ...... شكرا يا شباب يا متعلم ......
:040vk0:

شارك معانا في حملة لغلق المواضيع التي دعت لمثل هذه التظاهرة

doc_toto

25-07-2011, 06:22 PM

50 بس امال ايه مظاهرات و اعتصامات شدوا حيلكم واحنا معاكم

omar.magdy

25-07-2011, 06:25 PM

مش مهم العدد كان كام المهم الخسائر الي عملوها

عبير 2011

25-07-2011, 06:29 PM

كلوا بيدور على مصلحته مش اكتر وحسبى الله ونعم الوكيل

سكر مملح

25-07-2011, 06:31 PM

ربنا يسطر على البلد وقال ايه هما فاهمين بيعملوا ايه اصلهم كلهم عباقره وعاوزين يدخلو طب

omar.magdy

25-07-2011, 06:32 PM

كلوا بيدور على مصلحته مش اكتر وحسبى الله ونعم الوكيل

كله بسبب الي كان بيدعوا لمثل هذه التظاهرة وموجودين في المنتدي ومواضيعهم لسه موجوده .... لازم المواضيع ديه تتقفل

سكر مملح

25-07-2011, 06:39 PM

ربنا يسطر ...

الأسطورة buffon

25-07-2011, 06:40 PM

اللعنة على هؤلاء

عبير 2011

25-07-2011, 06:44 PM

كله بسبب الي كان بيدعوا لمثل هذه التظاهرة وموجودين في المنتدي ومواضيعهم لسه موجوده .... لازم المواضيع ديه تتقفل

ممكن لو سمحت تكتب الينك علشان نتأكد من الخبر قبل اى حاجةوشكراااااااااااااااا

Nesma Mohammed

25-07-2011, 06:50 PM

عبير 2011

25-07-2011, 07:04 PM

اللى ايده ف الماية مش زى اللى ايدوا ف النار فيه ناس لاتفقه شيئا بردوا وبتدخل كليات القمة ... وهما اللى بيعملوه فينا مش حرام .. كل اللى مش عايز مظاهرات هوا اللى عايز يدخل كليات القم لوحده .. مبتحبوش الخير لغيركم أبدا !! مع ان ممكن يكون غير تعب وذاكر أكتر منكم

مين اللى قال لحضرتك كده اولا انا عن نفسى مظلومة فى درجات كتير فى التاريخ يعنى كدة بالميت يجى 3درجات وحضرتك اكيد عارفة درجة واحدة تساوى ايه فى الثانوية العامة علشان كدة قدامى حل من الاتنين <انى اعمل تظلم >او< خلاص ارضى بالربنا ادهولى > وانا الصراحة فضلت التانى لانى مؤمنة بان ربنا بيكتب للانسان اللى فية الخير
ومش من الصعب علية انه يدينى الدرجات ديه وعلشان كدة انا ليه عند حضرتك سؤال ايه راى حضرتك فى اللى حصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Nesma Mohammed

25-07-2011, 07:10 PM

مين اللى قال لحضرتك كده اولا انا عن نفسى مظلومة فى درجات كتير فى التاريخ يعنى كدة بالميت يجى 3درجات وحضرتك اكيد عارفة درجة واحدة تساوى ايه فى الثانوية العامة علشان كدة قدامى حل من الاتنين <انى اعمل تظلم >او< خلاص ارضى بالربنا ادهولى > وانا الصراحة فضلت التانى لانى مؤمنة بان ربنا بيكتب للانسان اللى فية الخير
ومش من الصعب علية انه يدينى الدرجات ديه وعلشان كدة انا ليه عند حضرتك سؤال ايه راى حضرتك فى اللى حصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله لما تفرق معاكى كلية كنتى هاتموتى عليها لأ بتفرق ومقلتش اننا منرضاش باللى ربنا كاتبهولنا بس نعمل اللى علينا وناخد بالأسباب وحضرتك لو كنتى عايزة تعملى اللى عليكى كنتى عملتى تظلم .. والحكاية دى بتظهرف علمى كتير عن أدبى .... ردا بقى على سؤالك أنا ثورة 25 ف الأول مكنتش معاها بصراحة بس لما حسيت ان فيه ناس فعلا احنا مكناش حسين بيهم بقيت معاها 100% لكن بالنسبة للى حصل من شباب الثانوية أكيد مش هابقى مبسوطة لأى تخريب دى بلدى زى ما هيا بلدكم بس المفروض اننا نراعى المجروح أوى من جواه اللى موت نفسه علشان يدخل كلية بيحبها واللى أهله برضوا موتوا نفسهم علشان يدخلها ولا كلامى غلط ؟؟؟؟؟ أنا موافقة على مبدأ المظاهرات بس منغير تخريب وصلت ؟؟

khawarismy

25-07-2011, 07:17 PM

بجد حرااام انا جايب 96.7 ومش هدخل صيدله ليه يعني احنا بنطالب بعدم التخريب ولكن حقنا اننا نعترض على التنسيق العالي ده مش في الاخر ادخل كليه تاني بتاخد من 90% يبقى تعب سنتين راح كده وكفايه اني الواحد اتظلم السنه اللي فاتت في 3 درجات في الرياضه ومشفتش منهم حاجه والسنادي كمان اتظلمت في الاحياء وبرضو متأكد مش هاخد حاجه وفي الاخر عايزين الواحد يسكت ازاااااااااااااااااااااااااااااااااااااااااااااااا اااااي

عبير 2011

25-07-2011, 07:26 PM

والله لما تفرق معاكى كلية كنتى هاتموتى عليها لأ بتفرق ومقلتش اننا منرضاش باللى ربنا كاتبهولنا بس نعمل اللى علينا وناخد بالأسباب وحضرتك لو كنتى عايزة تعملى اللى عليكى كنتى عملتى تظلم .. والحكاية دى بتظهرف علمى كتير عن أدبى .... ردا بقى على سؤالك أنا ثورة 25 ف الأول مكنتش معاها بصراحة بس لما حسيت ان فيه ناس فعلا احنا مكناش حسين بيهم بقيت معاها 100% لكن بالنسبة للى حصل من شباب الثانوية أكيد مش هابقى مبسوطة لأى تخريب دى بلدى زى ما هيا بلدكم بس المفروض اننا نراعى المجروح أوى من جواه اللى موت نفسه علشان يدخل كلية بيحبها واللى أهله برضوا موتوا نفسهم علشان يدخلها ولا كلامى غلط ؟؟؟؟؟ أنا موافقة على مبدأ المظاهرات بس منغير تخريب وصلت ؟؟

ماشى وصلت بس مين قالك انها بتفرق فى علمى عن ادبى وبعدين برده مين قالك انى مكنتش هاموت على كلية وادخلها بس انا مهما قولتلك مش هتفهمينى غير لما تكونى مؤمنة لابعد الحدود ان اللى ربنا بيكتبه بيكون الاحسن وده مش كلام وخلاص بالله ده عن تجارب كتير سواء ليه او لحد اعرفه ومع كده احنا وصلنا لنفس النقطة ان مافيش تخريب بس زى ماانتى بتقولى انهم بيتظاهروا علشان حقهم ومن حقهم بردوا انهم يخربوا ؟ وبعدين فى اختلاف كبيييييييييييييييييييييييييييييييير بين ثورة 25 وثورة التنسيق

ningooooo

25-07-2011, 08:07 PM

هل هذا سلوك طلاب محترمين يحاولون اقتحام المبني و يقوموا بالتخريب !!!!!!!!!!!!

شعار الثورة المصرية سلمية سلمية

soley93

25-07-2011, 08:11 PM

في طلبة عندها كمية غضب مش تكسر وزارة دي تولع في بلد كاملة
الظلم وحش يا جماعة

الاول انا

25-07-2011, 08:15 PM

لا تصدقوا رجالة بجد هو ده اللى احنا اتعلمناه فى المدرسة خد حقك بدراعك

عبير 2011

25-07-2011, 08:19 PM

في طلبة عندها كمية غضب مش تكسر وزارة دي تولع في بلد كاملة
الظلم وحش يا جماعة

نفهم من كدة ايه؟ ان حضرتك مع التخريب:( ولا ايهههههههههههههههههههههههههههه؟:excl: يا ريت توضح

soley93

25-07-2011, 08:24 PM

نفهم من كدة ايه؟ ان حضرتك مع التخريب:( ولا ايهههههههههههههههههههههههههههه؟:excl: يا ريت توضح

---------------------------------------------------------------------------------
وحضرتك بتتقرري بالنيابة عني ليه ؟
لاطبعا مش مع التخريب بس مش مع الظلم كمان
: التعليق بتاعي مجرد تعليق واضح ومفيهوش اي كلمة زيادة :

MONMON 1

25-07-2011, 08:35 PM

لا دي مش بلطجه عشان كل وزير بييجي يعمل ال هو عاوزه ويمشي
والوزير الجديد ما شاء الله تاني يوم ما مسك الوزاره قدم طلب اجازه عشان يروح يصيف!!
ومش كده وبس لأ كمان لغي كل القرارات ال قررها الوزير ال قبله عشان الثانويه والتنسيق
ومعاليه لسه راجع امبارح م المصيف بيقولهم ايه عملتوا ايه ؟؟
وبعدين متلوموش علينا احنا اتبهدلنا ف الامتحانات دي ف حين ان كان فيه ناس شبعانه غش ف غش
وبعدين من امتي الحد الادنى بيبقى 94% كانوا بيجيبوا 101% والحد الادنى بيبقى 90 او 91 %
وبعدين حرام في ناس كتير اتظلمت انا السنه ال فاتت قدمت تظلم عشان الكمياء والجبر لقيت 14 درجه مخدتش ولا نص درجه حلال ده ولا حرام كانوا هيرفعوني 7% يعني من الارض للسما
والسنه دي مرضيتش اقدم مع اني مدمره ف درجات كتير بس قولت قدر الله وما شاء فعل
بجد انتوا لو حاسين بقهرة الطالب واهله لما يبقى حاسس انه ضايع مش هتقولوا كده
وبعدين هما مغلطوش وبالعكس عملوا ال مقدرناش احنا نعمله !
بس ف النهايه يا ريت اتسمع لكلامهم
والناس اللي ف الوزاره هاممهم ايه ما هو اي واحد فيهم عنده ابن بيجيب 200% وبيدخل الكليه ال هو عاوزها
الدور والباقي ع الغلابه ال زينا

ومعلش لو خدتوا بالكوا كاتبين ف اليافطه ال هما ماسكينها انا مش لاقي مكاني ما هما عندهم حق لما النهارده ف الجرنال كاتبين ان طلاب المرحله الاولى احتلوا جميع الاماكن طيب واحنا هنروح على فين نرمي نفسنا ف البحر ان شاء الله انا جايبه 85% وع التنسيق ده يبقى انا ولا مرحله تالته بقى!!!
بس ف النهايه ممكن اسأل سؤال ....
لما الحد الادنى للمرحله الاولى واخد من 94% طب المرحله التانيه والتالته هتبقى من كام ؟؟

ومعلش طولت عليكم بس بجد اسم الموضوع استفزني اوووووي؟؟

فيروز*

25-07-2011, 08:35 PM

اللى ايده ف الماية مش زى اللى ايدوا ف النار فيه ناس لاتفقه شيئا بردوا وبتدخل كليات القمة ... وهما اللى بيعملوه فينا مش حرام .. كل اللى مش عايز مظاهرات هوا اللى عايز يدخل كليات القم لوحده .. مبتحبوش الخير لغيركم أبدا !! مع ان ممكن يكون غير تعب وذاكر أكتر منكم

على كلام حضرتك كل واحد عاوز يدخل كلية يعمل مظاهرة عشان يدخلها....!!!.!

دى اسمها فوضى..

كلنا قبلك كان عندنا آمال ندخل كليات وما دخلناها وعادى رضينا بقضاء الله وعرفنا ان ربنا قسمه هو الخير دايما...

(وعسى ان تكرهوا شيئا وهو خير لكم وعسى ان تحبوا شيئا وهو شرا لكم)
وبعدين ايه كليات القمة..؟؟؟؟

مش عارفة ليه التسمية دى؟؟؟

كل انسان فى مكانه ممكن يكون قمة بتفوقة وإخلاصه وحبه لما يقوم به

عبير 2011

25-07-2011, 08:38 PM

---------------------------------------------------------------------------------
وحضرتك بتتقرري بالنيابة عني ليه ؟
لاطبعا مش مع التخريب بس مش مع الظلم كمان
: التعليق بتاعي مجرد تعليق واضح ومفيهوش اي كلمة زيادة :

ومين اللى قال او فهم حضرتك انى قررت بالنيابة عنك لو تفتكر ده كان مجردسؤال؟ مش اكتر وبعدين انا طلبت من حضرتك توضح برده لوتفتكر علشان نبقى فاهمين صح وميحصلش سوء فهم بس من الواضح ان حضرتك مصمم انك تفهم غلط لمجرد اننا مختلفين فى وجهات النظر

rock book

25-07-2011, 09:29 PM

اللى قالك 50 دول كدابين لان كان هناك عدد كبير جدا ومستعد اوريكوا الصور والوزير قابل 7 من الطلاب وبمعنى اصح يعتبر طردهم والناس اتعصبت بعد اللى حصل وحط نفسك مكان اى اب او اى ام لما تلاقى مستقبل ابنها او بنتها بيروح بجرة قلم من الوزير بجد موقف صعب جدا

aly4000

25-07-2011, 09:35 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

rock book

25-07-2011, 09:39 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

يا كابتن ياللى بتقول فشله ممكن تتكلم باحترام اكتر مع العلم انهم ناس مش فشله فى اى مجمتع فى العالم اللى بيعدى ال90 بيبقى من افضل العقليات ولا انت عاوز تقنعنى ان مصر احسن من امريكا مثلا فى المجال العلمى و حط نفسك مكان اى حد قبل ما تتكلم ونبطل امور الحكم على الشىء بالخطأ والنظر بمنظور ضيق وخلى كلامك كده فى شىء من عدم السب واختلافك فى الراى معى لا يعنى انك عدوى انما تشتم فا انا اترك حقى للذى خلقنى

عبير 2011

25-07-2011, 09:56 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

ياجماعة ياريت نهدى شوية وبعدين مش لازم الغلط علشان نرد ياعم انا كمان مش مع فكرة المظاهرات بس اللى احنا عاوزينة اننا نناقش الموضوع بهدوء من غير غلط فلو سمحت علشان انت غلط من واجبك انك تعتذر على الاقل وتوضح وجهة نظرك بهدوء لانك بكدة بتتبع نفس الطريقة اللى انت رافضها وبالله مش قصدى غير الخير :d

MS Nada

25-07-2011, 10:06 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

حسبي الله ونعم الوكيل .,

حضرتك دلوقتي اخدت ذنب كل واحد فيهم .,

يعني سيئه لكل واحد فيهم .,

**************

انا شبه متاكده انهم مش فشله ولا حاجه .,

في وجهه نظري الشخصيه اعتقد انهم عندهم شحنه غضب كبيره جدا

وده بسبب احسساسهم بالظلم .,

احسساسهم بالظلم في بلادهم .,

احسساسهم انهم مش عارفين يحققوا امالهم ولا مال والديهم .

salah ahmed

25-07-2011, 10:12 PM

يا جماعة بجدلازم نحس بيهم وبعدين لما واحد يكون جايب 98 وخايف لاميحصلش كلية الطب اللي نفسه فيها مش يبقى ظلم امال احنا نعمل ايه ونعم بالله وكيلا ولكن ده مستقبل وكل انسان بيتعب بيبقى عايز يشوف ثمرة التعب هو في تنسيق حصل اقبل كده ياخد من 94 ليه ولم هما عارفين ان احنا كتير ما يبنوا كليات ولا خساره في التعليم

مروه

25-07-2011, 10:54 PM

أكيد مش فى نيتهم بلطجه أو تخريب

بس الإحساس بالظلم يخلى الواحد يعمل اكتر من كده

إزاى مرحلة اولى تبقى 94 % عمرها ماحصلت

وإزاى واحد جايب 97 % وميعرفش يدخل صيدلة

كل تصريحات وزارة التعليم العالى متناقضه

قالو أعداد القبول هيزيد والتنسيق هينزل 3 % وبعدين هينزل 1 %

Emamkhairy

25-07-2011, 11:10 PM

يايوم ياسابع المفروض تدافعى عن الحق لاننا فعلا مظلومين وتعبنا طول السنة ودة >نبنا انا جايبة مجموع 388 يعنى .4 ومش هلحق هندسةيعنى دة يرضى ربنا ان شاء اللة سنكمل مسيرتنا وننز ل مرة اخرى الى وزارة التعليم العالى وكل اللى يقرا الخبر دة ويوصلها لزميلة ودة مش بلطجة دة تمسك بالحق

soley93

25-07-2011, 11:31 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

-----------------------------
lلفشلة دول ممكن يكون فيهم ناس احسن منك وتعبت اكترمنك
:excl:

vito123

26-07-2011, 12:06 AM

دي شباب سيس من الاخر

ningooooo

26-07-2011, 12:30 AM

حسبي الله و نعم الوكيل في اللي جاب الامتحانات بهذه التفاهة و سمح بالغش الفج و خلي ناس مكنتش تحلم تعدي ال 90 تفتح بقها

و هتلاقي هما دول هما هماهم اللي كانوا طالعين قبل الامتحانات بيطالبوا بامتحانات سهلة و هما برضه اللي كانوا بيفتحوا بقهم مترين بعد كل امتحان تافه

و الكلام مش موجه لشخص بعينه كل واحد شايف الكلام ينطبق عليه يحترم نفسه و خلاص الحكاية مش مستهلة يعني

سمسم ك.م

26-07-2011, 12:41 AM

ياريت ياشباب تحترموا اداب الحوار

بسمة العرب

26-07-2011, 12:46 AM

ممكن الرابط لو سمحتم .... علشان نتأكد

rock book

26-07-2011, 01:24 AM

http://www.facebook.com/sawratansik?ref=ts

Muroog

26-07-2011, 01:55 AM

ع فكرة مش طلبة الثانوية اللي كسرت البااااااااااااااااااااااااااااااااااااااااااااااا ب

ningooooo

26-07-2011, 02:02 AM

انا بشوف التعلبيقات اللي في الجروب ده علشان اشوف بس مستوي التفكير

يعني فحسيت انهم فرحانين بانهم بيعملوا مظاهرات و كده يعني

بس شوفت تعليق عن واحد اسمه عبد الحميد سلامة و انا مشوفتش بعيني كلام الراجل ده علشان مظلموش لكن كان المفروض اكلام المستفز ده يتسجل مع ان الكلام ده طبعا غلط مش محتاجه تفكير يعني لكن هذا الاسلوب المتدني من قبل هذا الرجل مستفز جدا و انا من الآخر لو الراجل ده قدامي و قالي الكلام ده انا من الآخر هتف في وشه علي الرغم من اعتراضي علي هذا السلوك و علي الاعتصام ايضا لكن هذا التفكير حقير فعلا

Muroog

26-07-2011, 02:19 AM

ع فكرة اه فعلا كان مستفز اووووووووي واستخف بالناس بمنتهي العجرفة

ENG.HAGAR

26-07-2011, 05:13 AM

السلام عليكم ورحمة الله وبركاته ...
انا عندى وجهة نظر مختلفة شوية
يا جماعة اكيد الطلبة ماكانوش يقصدوا انهم يعملوا حاجة غلط لانهم دايما كانوا بيقولوا احنا عايزين نطالب بشئ معين بطريقة متحضرة
فخلينا محايدين شوية وما نجيش على اخواتنا برغم ان اللى حصل ده فعلا حاجة تسئ لهدفهم السامى
يعنى فى كل مواضيعهم فى المنتدى كانوا بيقولوا احنا عايزين حاجات محددة وماكانوش بيحرضوا على حاجات غلط
الواحد لما بيغضب او يتم استفزازه من اى حد ممكن يعمل مصيبة وكمان الظلم وحش
لكن ده بردو مش مبرر ان يتم دفعهم لحاجة هم مش قاصدينها بالمرة
ده رأييى على الرغم من اختلاقى مع اصحاب الاعتصامات لخفض التنسيق كدة لانهم اولا واخيرا اخواتنا ومنهم اللى احسن مننا ودى حاجة اكيدة
وكون ناس جابت درجات اعلى منهم ده مش معناه انهم احسن او ذاكروا اكتر لا والله
فى منهم ما كانوش بيناموا وكانوا بيعملوا المستحيل
بس المسألة هى قضاء وقدر
وانا والله تم مهاجمتى فى موضوع معين بس اختلافى مع الطلبة اللى عايزين يعتصموا
لان ليا زمايل جايبين 91.5 ولو التنسيق نزل لـ 92
فيبقى بردو من حقهم انهم يطالبوا ان التنسيق ينزل لدرجتهم
وبكدة يا بنات ويا شباب مش هنخلص
لكن كلمة الحق واجبة
:)
سامحونى على الاطالة

ArabianPDA2

26-07-2011, 08:39 AM

يا كابتن ياللى بتقول فشله ممكن تتكلم باحترام اكتر مع العلم انهم ناس مش فشله فى اى مجمتع فى العالم اللى بيعدى ال90 بيبقى من افضل العقليات ولا انت عاوز تقنعنى ان مصر احسن من امريكا مثلا فى المجال العلمى و حط نفسك مكان اى حد قبل ما تتكلم ونبطل امور الحكم على الشىء بالخطأ والنظر بمنظور ضيق وخلى كلامك كده فى شىء من عدم السب واختلافك فى الراى معى لا يعنى انك عدوى انما تشتم فا انا اترك حقى للذى خلقنى
يا روك الحصول علي مجموع اعلي من 90% بدون غش ف مصر
اسهل من ازأزه اللب "اسئل مجرب"

مناهجنا هايفه وعبيطه وامتحاناتنا حتي2008 كانت هبله

ArabianPDA2

26-07-2011, 08:42 AM

حسبي الله ونعم الوكيل .,

حضرتك دلوقتي اخدت ذنب كل واحد فيهم .,

يعني سيئه لكل واحد فيهم .,

**************

انا شبه متاكده انهم مش فشله ولا حاجه .,

في وجهه نظري الشخصيه اعتقد انهم عندهم شحنه غضب كبيره جدا

وده بسبب احسساسهم بالظلم .,

احسساسهم بالظلم في بلادهم .,

احسساسهم انهم مش عارفين يحققوا امالهم ولا مال والديهم .

غضب اييييييييييههههههه
يعني واحد جايبلي 96 عايز يخش بيها بشري :039uw8:

لازم يعرف ان فيه ناس جابت اعلي منه ليها اماكن اكيد محفوظه ف الكليات دي وليهم احقيه مش بالغش

لان زي ما قلت آنفاً الي جايب 98.5"الحد الادني للطب السنادي"
علي الاقل جايب 98 السنه الي فاتت الي مكانش فيها غش
+
امتحانات صعبه

يبقي فين حقوقهم المهدره

ArabianPDA2

26-07-2011, 08:44 AM

-----------------------------
lلفشلة دول ممكن يكون فيهم ناس احسن منك وتعبت اكترمنك
:excl:
وهو مجموع الثانويه بالمذاكره !
اول مره اعرفها دي

انا كل الي اعرفهم ف طب وبترول كانوا علي طول ف السايبر
بدوووووووووون غش وسأل اي حد ف بنها عن لجان المدرسه الاعداديه

mohammedhamed22

26-07-2011, 09:04 AM

غضب اييييييييييههههههه
يعني واحد جايبلي 96 عايز يخش بيها بشري :039uw8:

لازم يعرف ان فيه ناس جابت اعلي منه ليها اماكن اكيد محفوظه ف الكليات دي وليهم احقيه مش بالغش

لان زي ما قلت آنفاً الي جايب 98.5"الحد الادني للطب السنادي"
علي الاقل جايب 98 السنه الي فاتت الي مكانش فيها غش
+
امتحانات صعبه

يبقي فين حقوقهم المهدره

حلوه (انفا) دي
بس فعلا هو ده الكلام الصح سيادتك زاكرت وجبت 96 في ناس كتير ذاكرت وجابت اعلي منك ودول لازم يلاقو مكانهم في الكليات الاول
والمظاهرات دلوقتي ملهاش اي لازمه ومش هتعمل حاجه لان لو الوزير استجاب ونزل التنسيق ناس تانيه هتعمل مظاهرات علشان يترفع وما يكونش في زحمه بلكليات وهنقضيها مظاهرات السنادي:p

ArabianPDA2

26-07-2011, 09:11 AM

حلوه (انفا) دي
بس فعلا هو ده الكلام الصح سيادتك زاكرت وجبت 96 في ناس كتير ذاكرت وجابت اعلي منك ودول لازم يلاقو مكانهم في الكليات الاول
والمظاهرات دلوقتي ملهاش اي لازمه ومش هتعمل حاجه لان لو الوزير استجاب ونزل التنسيق ناس تانيه هتعمل مظاهرات علشان يترفع وما يكونش في زحمه بلكليات وهنقضيها مظاهرات السنادي:p
لغه عربيه بقي:d

omar.magdy

26-07-2011, 09:16 AM

إعتذار
أولا شكرا لكل من شارك في هذا الموضوع بالسلب أو بالايجاب .... وشكرا لكل من دافع عن رأيه ..... ولكني بعدما شاهدت ردود البعض عقدت العزم علي تقديم مثل هذا الاعتذار ليس عن الخبر ولكن عن بعض الردود التي لم تكن تراعي الاخرين والذوق العام وإن كنت اعلم ان ذلك الخبر سيؤدي لمثل هذا التناحر لما اقدمت علي نقل الخبر ... أرجوا تقبل اعتذاري ... وشكرا

shiemaa26

26-07-2011, 09:56 AM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة

ده لفظ غير لائق على فكرة بمصري عاش احداث ثورة يناير
وبعدين لا اعتقد ان اللي 92 او 93 حتى 98 يعتبر فاشل
بالعكس ده احسن بكتير من ناس كتير وكل اللي كانوا بيعترضوا دي ناس فوق
ال 90 تعبة وخايفى تعبها يروح ع الفاضي
فلا يصح هذا القول

princess tinker bell

26-07-2011, 10:44 AM

طيب ماشى اتظاهروا واطلبوا اللى انتوا عايزينوا
بس مينفعش تكسروا وتخربوا بالطريقة دى
مفيش حاجة بتيجى كدة

أم عبدة

26-07-2011, 10:54 AM

السلام عليكم
اولا لازم نعرف كلنا ان افضل خطه لحياتك هي الي ربنا قدرهالك فلا تتعب نفسك في رسم خطه لحياتك واعلم ان رزقك لن ياخذه غيرك لذا فليطمئن قلبك .
ثانيا : انا عايزة اضرب مثل انا ليها واحدة صديقتي كانت جايبه 98.3 في تانية وكانت الاولى على المدرسة وسبحان الله نزلت في تالتة وجابت المجموع الكلي 97.1 ومظلومة في العربي والفيزيا ومع ذلك هي راضية وحمدت ربنا ولا عملت مظاهرة ولا حاجة
يا ريت كلنا نرضى بالي ربنا قسمه لينا والي بيقول اتظلم يروح يعمل تظلم احنا في مرحلة صعبة كل الناس لم تعد تثق في بعضها فاذا كنت بطالب بحاجة فيها مصلحه لنفسك وهتضع بلدك في حرج فدعها لله ومن ترك شيئا لله عوضه الله خيرا منه
سامحوني على الاطالة

sosolover

26-07-2011, 11:56 AM

لو كانوا فشلة يااستاذ على انت ماكانوش راحوا عشان يدوروا على حقهم كانوا قالوا يلا اهو كدا حقنا ضاع وخلاص وقعدوا فى بيوتهم وايه رايك؟؟؟؟؟؟

princess tinker bell

26-07-2011, 12:11 PM

العيب مش فى اللى عملوا مظاهرات
والعيب مش فى اللى معترضين عل المظاهرات
العيب فى نظام التعليم اللى كله غلط فى غلط
واللى راح ضحيتوا كتير
اولهم اللى مش لاقين مكان فى الكليات دول
فعلا حرام الاهالى اللى تعبانة طول السنة
والطلبة دى كلها لما تبقى طلعان عينها طول السنتين
مع العلم انهم اسود سنتين ممكن اى انسان يعدى عليهم
وفى الاخر
؟؟؟؟؟؟؟؟؟؟؟؟؟
الوزير بيصيف يا جدعاااااان

sayed mansour

26-07-2011, 04:21 PM

MS Nada

26-07-2011, 05:41 PM

غضب اييييييييييههههههه
يعني واحد جايبلي 96 عايز يخش بيها بشري :039uw8:

لازم يعرف ان فيه ناس جابت اعلي منه ليها اماكن اكيد محفوظه ف الكليات دي وليهم احقيه مش بالغش

لان زي ما قلت آنفاً الي جايب 98.5"الحد الادني للطب السنادي"
علي الاقل جايب 98 السنه الي فاتت الي مكانش فيها غش
+
امتحانات صعبه

يبقي فين حقوقهم المهدره

هو انت بتحجر ليه على اراء الناس .,
من حق كل واحد انه يعبر عن نفسه ورأيه .,
عجبك رايه اهلا وسهلا .,
ماعجبكش خلاص .

رأي صواب يحتمل الخطأ،ورأي غيري خطأ يحتمل الصواب !!

ArabianPDA2

26-07-2011, 06:26 PM

هو انت بتحجر ليه على اراء الناس .,
من حق كل واحد انه يعبر عن نفسه ورأيه .,
عجبك رايه اهلا وسهلا .,
ماعجبكش خلاص .

يعبر عنه بأدب جم بدون تعدي علي الوزاره ولا حتي محاوله اقتحامها

عبير 2011

26-07-2011, 06:47 PM

يا جماعة هدوءءءءءءءءءءءءءءءءءءءءءء شوية وبعدين انتوا ناسين ان بكرة خلاص اخر يوم فى المرحلة الاولى ولا ايه؟ يعنى لحد النهاردة لسه الحد الادنى منزلش و يعنى من الاخر خلاص مافيش فائدة من اللى بيتعمل خلصت :giljotiiniug3:
وخلاص اللى علينا دلوقتى اننا نستنى :bosyht9: نتيجة التنسيق وبالتوفيق للجميع

وثق فيما اختاره الله لك ولتعلم انه الافضل لك:)

omar.magdy

26-07-2011, 07:49 PM

انت مضايق ليه يا عم عمر اللى بيعملوه اساسا صح الصح بالنسيه لتنسيق المرحله الاولى 93.9 ده عاى اوى ومينفعش اساسا امال فين سنه الفراغ اللى قيلنا دى لوحدها كفايه والمفروض ان التنسيق ميزدش عن 2009 علشان هو اساسا كان عالى خلقه!!!!!!!!!!!!!!!!

والله أنا مش متضايق منهم عشان التنسيق ... وايه الي هيحصل لو كانت المرحلة من 91 % عادي يعني وهوه انا هزعل ليه من حاجة زي ديه أنا هفرح طبعا لان ليه اصحاب جيبين 92 % 91 % 93% ...
المشكلة تكمن في محاولة تحطيم مبني الوزارة والتعدي علي العاملين فقط لا غير ولو كانوا وقفة وقفة سلمية من غير تكسير كنت هكون أول واحد مشجع ليها .... :friendsxs3:

وعموما المرحلة الاولي خلاص هتخلص بكرة يعني مفيش حاجة هتحصل وهتبدأ المرحلة التانية ولا كأن في حاجة وكل الي جالة كليه هيدخلها ويتفوق فيها ... والحياة هتمشي زي الفل ....
ولازم تعرف حاجة إن ده نصيب ومكتوب ....

Mohamed.Helmy

26-07-2011, 07:54 PM

هي وصلت للتخريب ؟!

;)

reery

27-07-2011, 08:43 AM

اللى بيقول عليهم فشلة و خربت دول مجاميعهم فوق 95% و انا واحده من الفشله اللى انتوا بتقولوا علييهم و بعدين انت شفت بنفسك المظاهره كانت عامله ازاى احنا اكنا سلميين خالص و العربيات كانت ماشيه جبنبا و ووقفنــــا عند المنطقه الشماليه على الرصيف من غير اى تعطيل لمرور قولى ده حيضرالبلد في ايه و ثانيا االموضوع مش موضوع بلطجه و لا حاجه بس قبل الثوره كانوا بيعلوا كليات القمه عشان الكليات الخاصه مش عشان اعداد الكليات و البطيخ اللى هما بيقولوه و الدليل ان في طب اسكندريه 50 طالب بس دفعه 2010 يعنى الكليه لو عايزه تستوعب عدد حتستوعب بس هما كده ازاى حيشغلوا الكليات الخاصه اللى عددها اكتر من الحكومه و بعدين فيه وزير في الدنيا يقول انا بشجع الكليات الخاصه واضح من كلامه ان عنده اسهم في كليات خاصه و اللى بيقول نرضي بحكم ربنا ده اسمه تواكل مش توكل لما تلاقي الفساد حواليك و لأنك حاسس انك ضعيف و مش قادر تطالب بحقك بتضحك على نفسك و على فكره انا نازله النهارده لتالت مرة قدام المنطقه الشماليه و صحابي عند وزاره التعليم العالى فيي القاهره و حطالب بحقى لانى مش ضعيفه و لان الثوره مطالش فساد الوزاره ديه

reery

27-07-2011, 08:47 AM

ArabianPDA2

27-07-2011, 08:48 AM

ArabianPDA2

27-07-2011, 08:51 AM

و ياريت اللى ذكر التخريب يذكر رد الوزير قالهم اللى مش عاجبه يروح كليه خاصه و لما الولد قالوا يعنى انا جايب 96% ادخل علوم و ابقي بلطجى قالوه مش مشكلتى المجلس العسكرى خيقبض عليك و قال ان التنسيق حيعلى 3% عن 2009 غير طريقه الاستهزاء و قلة الادب اللى كان بيكلمهم بيهـــــــــــا

انا مستعده ادخل كليه خاصه بس هات فلوسها يا حبيبى

ميقول الي يقوله

هو فعلياً التنسيق زاد بوجه عام درجتين عن 2009 بسسسس
مش مستاهله عشان درجتين زياده نعمل مواااااااال

والدرجتين دول فيهم اصلاً بتاع 2000 واحد مينفعش يقلل
التنسيق

khawarismy

27-07-2011, 08:59 AM

ميقول الي يقوله

هو فعلياً التنسيق زاد بوجه عام درجتين عن 2009 بسسسس
مش مستاهله عشان درجتين زياده نعمل مواااااااال

والدرجتين دول فيهم اصلاً بتاع 2000 واحد مينفعش يقلل
التنسيق

مين قالك انه زاد درجتين بس ياريت تقولنا ...يعني كده صيدله في 2009 كان الحد الادنى ليها 394.4 بعد زياده الدرجتين هيبقى 396.5 يعني الكلام ده صح كده ياريت لو متأكد تررررررررررررررررررررد

ArabianPDA2

27-07-2011, 09:02 AM

مين قالك انه زاد درجتين بس ياريت تقولنا ...يعني كده صيدله في 2009 كان الحد الادنى ليها 394.4 بعد زياده الدرجتين هيبقى 396.5 يعني الكلام ده صح كده ياريت لو متأكد تررررررررررررررررررررد
لا انا بتكلم كليات كليات
يعني البشري زاد من 401.5 ل 403.5 او 403
الصيدله انا متوقع هتاخد من 396.5 فعلياً
لو ترتيبك متجاوزش ال16 الف علي الاستاذ

khawarismy

27-07-2011, 09:14 AM

بس على فكره مش بالاعداد حب كل محافظه وعدد الاقبال عليها طيب 2009 كانت صيدله عين شمس من 400.5 وصيدله القاهره من 399.5 والمنصوره من 397 بس الحد الادني كان بني سويف من 394.5 يعني شوف فرق كام درجه 6 درجات والموضوع ده حصل كذا سنه على فكره

ArabianPDA2

27-07-2011, 09:18 AM

reery

27-07-2011, 11:32 AM

أولا ان الواحد يجيب فوق95 شئ مش عايز مجهود والله

يعني مش عبقريه بجد ان واحد يبقي فوق 95
ده امر سهل جداااااااااا

مش عشان الغش

لكن امتحاناتنا كانت جايه بجد تسالي الصيف السنادي
واي حد ممكن يقفلهم "بدون مبالغه"

والاعداد لعلمك انتي
اعلي من 2009 ب6%
واعلي من الي كان المفترض تكون عليه ب19%

شفتي بقي

هو زود المقبولين

صدقنى اعلى من 95% عمروه ما حيبقي سهــل لدرجه ان يبقي 1\3 اعلى من 90% غير بالغش اللى حصل في الجــان فيه ناس مغشتش و جابت ما شاء الله مجاميع عاليه انا واحده جبت 97% من اول الامتحانــات بتاعه الثانويه العامه اقسم بالله جاتلى اجابه بنص درجه في الاحيــاء بس قلت مش حاخد مكان حد غيري و عارفه ان ربنا مش حيضيعنى عشان انا اتقيته لكــن انا متأكده ان كتير من اللى اخدوا مكانى و جابوا اعلى منى بسبب الغش ده مش موضوعنـــا لأن التنسيق مش حيحاسب بالنياتـــ ده ربنــا اللى بينتقم منهم على مدار حياتهم انا دلوقتى بكلم على قضيه فســـاد بيضع احلام كل طالب فينـــا لما الوزير يبقي عنده اسهم من الكليات الخاصه يبقي دى تهمه تربح من منصبه انت ماشفتش بيتكلم على الكليات الخاصه و بيشجعها ازاى و بعدين الطبيعي انه يزود لان فيه سنه فراغ اتقدر تقولى ان فيه 450 مكان فاضي في طب اسكندريه المفروض انهم يفضلوا فاضيين و في 2009 ده كان ايام مبارك و هلال يعنى كان فيه فســاد يبقي احنا نقول الر اجل كتر خيره انه اقل فساد ب 19% لازم الثوره تتطول وزارة التعليمــ العالى احنا شباب مصر و عمرى ما حدى بلدى غير في المجال اللى انا عايزاه فيه ناس مش بتدخل طب لأنها مجرد كليه قمه انا عارفه بس الغالبيه ثقافه متخلفه

ArabianPDA2

27-07-2011, 11:40 AM

صدقنى اعلى من 95% عمروه ما حيبقي سهــل لدرجه ان يبقي 1\3 اعلى من 90% غير بالغش اللى حصل في الجــان فيه ناس مغشتش و جابت ما شاء الله مجاميع عاليه انا واحده جبت 97% من اول الامتحانــات بتاعه الثانويه العامه اقسم بالله جاتلى اجابه بنص درجه في الاحيــاء بس قلت مش حاخد مكان حد غيري و عارفه ان ربنا مش حيضيعنى عشان انا اتقيته لكــن انا متأكده ان كتير من اللى اخدوا مكانى و جابوا اعلى منى بسبب الغش ده مش موضوعنـــا لأن التنسيق مش حيحاسب بالنياتـــ ده ربنــا اللى بينتقم منهم على مدار حياتهم انا دلوقتى بكلم على قضيه فســـاد بيضع احلام كل طالب فينـــا لما الوزير يبقي عنده اسهم من الكليات الخاصه يبقي دى تهمه تربح من منصبه انت ماشفتش بيتكلم على الكليات الخاصه و بيشجعها ازاى و بعدين الطبيعي انه يزود لان فيه سنه فراغ اتقدر تقولى ان فيه 450 مكان فاضي في طب اسكندريه المفروض انهم يفضلوا فاضيين و في 2009 ده كان ايام مبارك و هلال يعنى كان فيه فســاد يبقي احنا نقول الر اجل كتر خيره انه اقل فساد ب 19% لازم الثوره تتطول وزارة التعليمــ العالى احنا شباب مصر و عمرى ما حدى بلدى غير في المجال اللى انا عايزاه فيه ناس مش بتدخل طب لأنها مجرد كليه قمه انا عارفه بس الغالبيه ثقافه متخلفه
عندك حق فعلاً

واحد زيي كنت عايز اخش رياضه عشان حاسبات
بس اهلي استخسروا المجموع بتاع تانيه ودخلوني علوم عشان طب
بنها

واديني داخلها بعون الله وربنا يستر

ربنا مع الكل

بس برضه اقولك علي حاجه الدكاتره الي كانوا بيخشوا 4 سكاشن
هيخشوا 8؟!
ازاااااااااي هيبقي فيه نقص حاااااااااااد ف الجوده

+

السنين الجايه هيطلبوا نفس المطالب وهتبقي لبانه
نقعدهم فين علي رجلينا بقي:d

reery

27-07-2011, 11:55 AM

ميقول الي يقوله

هو فعلياً التنسيق زاد بوجه عام درجتين عن 2009 بسسسس
مش مستاهله عشان درجتين زياده نعمل مواااااااال

والدرجتين دول فيهم اصلاً بتاع 2000 واحد مينفعش يقلل
التنسيق

ازاى يقول اللى يقوله الوزير ده مجرد موظف كان المفروض يدى مبررات و يفهمهم مش يقولهم اخبطوا دماغكم في الحيــــط و الوزير اللى كده بعد الثورة مش حيفضـــل و متقليش انتوا اللى بتبوظوا البلد احنا لينا حق و بناخده بطريقه سلميه موال ايه و بطيخ ايه احنا مش بنوقف عربيه حتى انتى عرفت منين ان 2009 دى اساسا مش منحازه للكليات الخاصه عشان تحكم على اساسها احكم في عهد وزير محترم مش هلال !!! و بالنسبه للاماكن اللى فاضيه في سنه الفراغ ايه ظروفها حتى لو 1\3 العدد المتــــاح يقول اسباب و انا مش حتحرك من بيتى !!! الموضوع محتاج اننا منفكرش بأنانيه حتى لو جايبه 99% انا شايفه ان اللى جاب 95% ده تعب برضه

ArabianPDA2

27-07-2011, 12:00 PM

ازاى يقول اللى يقوله الوزير ده مجرد موظف كان المفروض يدى مبررات و يفهمهم مش يقولهم اخبطوا دماغكم في الحيــــط و الوزير اللى كده بعد الثورة مش حيفضـــل و متقليش انتوا اللى بتبوظوا البلد احنا لينا حق و بناخده بطريقه سلميه موال ايه و بطيخ ايه احنا مش بنوقف عربيه حتى انتى عرفت منين ان 2009 دى اساسا مش منحازه للكليات الخاصه عشان تحكم على اساسها احكم في عهد وزير محترم مش هلال !!! و بالنسبه للاماكن اللى فاضيه في سنه الفراغ ايه ظروفها حتى لو 1\3 العدد المتــــاح يقول اسباب و انا مش حتحرك من بيتى !!! الموضوع محتاج اننا منفكرش بأنانيه حتى لو جايبه 99% انا شايفه ان اللى جاب 95% ده تعب برضه
يعني الي جاب 80% متعبش؟!
كله تعب بس فيه فروق فرديه متنسيش دي

وعموما انتي حره
بس انا بقولك اهو طب مش هيتزحزح نص درجه عن 402.5 في اسوأ الاحوال

karimadel7

27-07-2011, 12:04 PM

ازاى يقول اللى يقوله الوزير ده مجرد موظف كان المفروض يدى مبررات و يفهمهم مش يقولهم اخبطوا دماغكم في الحيــــط و الوزير اللى كده بعد الثورة مش حيفضـــل و متقليش انتوا اللى بتبوظوا البلد احنا لينا حق و بناخده بطريقه سلميه موال ايه و بطيخ ايه احنا مش بنوقف عربيه حتى انتى عرفت منين ان 2009 دى اساسا مش منحازه للكليات الخاصه عشان تحكم على اساسها احكم في عهد وزير محترم مش هلال !!! و بالنسبه للاماكن اللى فاضيه في سنه الفراغ ايه ظروفها حتى لو 1\3 العدد المتــــاح يقول اسباب و انا مش حتحرك من بيتى !!! الموضوع محتاج اننا منفكرش بأنانيه حتى لو جايبه 99% انا شايفه ان اللى جاب 95% ده تعب برضه

طب سؤال بسيط ليه يزودوا الاعداد علي دفعتكو بس و يرجعوا يقللوها بعد كده
و الكليات متقدرش تاخد اكتر
علي فكرة أنا أخواتي في جامعة و بيقولولي إحنا بتبقي راكبين فوق بعض
تقولولي كان مقلل العدد عشان الخاص
ارجو نتكلم بمنطقية مش كلام و خلاص

اللمبي2010

27-07-2011, 12:05 PM

يعني الي جاب 80% متعبش؟!
كله تعب بس فيه فروق فرديه متنسيش دي

وعموما انتي حره
بس انا بقولك اهو طب مش هيتزحزح نص درجه عن 402.5 في اسوأ الاحوال

أنا اعتقد أن الطب مش هيقل عن 404 والله أعلم ....

karimadel7

27-07-2011, 12:05 PM

أنا هسال سؤال بسيط
الكل بيقولولي إحنا مظلومين
أنا عايز اعرف مظلومين في إيه؟؟؟؟؟؟؟؟

اللمبي2010

27-07-2011, 12:10 PM

أنا هسال سؤال بسيط
الكل بيقولولي إحنا مظلومين
أنا عايز اعرف مظلومين في إيه؟؟؟؟؟؟؟؟

شوف .. التمس العذر لأخيك ... يعني أنت مثلا لو كنت في مكنهم كنت هتعمل آه .. اللع أعلم ...
أنت قول الحمد لله علي حالك أما هم فهم أحرار يعملوا اللي يعملوه ;)

reery

27-07-2011, 12:15 PM

يعني الي جاب 80% متعبش؟!

كله تعب بس فيه فروق فرديه متنسيش دي

وعموما انتي حره
بس انا بقولك اهو طب مش هيتزحزح نص درجه عن 402.5 في اسوأ الاحوال

لأ مش فروق فرديه 97 من 98 من 99 ده لأن احنا عندنـــا في العربي و الانجليزى اسئله تقديريه يعنى انا رحت عملت تظلم في الانجليزى ورقتى كانت ممكن تقع في ايد واحد بيتقي ربنــأ و اجيب 24.5 لكن وقعت في ايــد واحد لأنى مش غلطانه في حاجه راح نقص في الترجمه و البرجراف 4 درجات رغم ان الموضوع مفيهوش خط احمر و نفس الموضوع في الاحياء مطابق نموذج الاجابه بس استخسر فيا الدرجه كامله و العربي ده عن تجربتى الشخصيه طبعا دى مشكله الاف غيري يعنى و لما حتكلم حيقولى تقدير مصحح رغن ان ورقتى ممكن تكون احلى من واحد جايب 98% !!!! شوفت بقي انها مسأله عشوائيه و حــظ و برضه بقول الحمدد لله و انا اساسا مش عايزه طب

reery

27-07-2011, 12:26 PM

طب سؤال بسيط ليه يزودوا الاعداد علي دفعتكو بس و يرجعوا يقللوها بعد كده
و الكليات متقدرش تاخد اكتر
علي فكرة أنا أخواتي في جامعة و بيقولولي إحنا بتبقي راكبين فوق بعض
تقولولي كان مقلل العدد عشان الخاص
ارجو نتكلم بمنطقية مش كلام و خلاص

يزودوا الاعداد على دفعتنا لأن ده المنطقي لأن فيه سنه فراغ و عشان اللى كان بيعمله هلال كان فســاد لما يزود المجاميع مش عشان الاعداد بس عشان الجامعات الخاصه ويضحكوا عليك لما يقولوا ميقدروش ياخدوا اكتر من كده و ليه ميزودوش اعداد الجامعات الحكوميه ذات نفسها عاملين يدوا تصريحات لجامعات خاصه و خلاص و ده زود اعداد طلاب الكليات الخاصه 25% فين الجوده في الموضوع و انا مش بتكلم على دفعتنا احنا بس انا بكلم عن ان الفقر اللى طلبه الثانويه العامه لازم يتغيـــر الكلام بعد الثورة

ده في المجمع الاعداد عاليه اه صحيح هما ليه مش بيراعوا الجوده في المجمع او في علوم !!!!! لأان الناس بتجرى على كليات القمه و الجامعات الخاصه بيقفلوا الحجز

انا بتكلم بمنتهى المنطقيه انا واحده مجموعى الحمدلله ان شاء الله يدخلنى اللى انا عايزاه بس مش عشان ضمنت مكانى في كليتى انسي حق غيري

Nesma Mohammed

27-07-2011, 03:40 PM

Nesma Mohammed

27-07-2011, 03:45 PM

على كلام حضرتك كل واحد عاوز يدخل كلية يعمل مظاهرة عشان يدخلها....!!!.!

دى اسمها فوضى..

كلنا قبلك كان عندنا آمال ندخل كليات وما دخلناها وعادى رضينا بقضاء الله وعرفنا ان ربنا قسمه هو الخير دايما...

(وعسى ان تكرهوا شيئا وهو خير لكم وعسى ان تحبوا شيئا وهو شرا لكم)
وبعدين ايه كليات القمة..؟؟؟؟

مش عارفة ليه التسمية دى؟؟؟

كل انسان فى مكانه ممكن يكون قمة بتفوقة وإخلاصه وحبه لما يقوم به

أولا حضرتك مينعش تستنتجى من كلامى اللى انتى عايزاه مقصدش أبدا بكلامى ان أى حد عايز يدخل كلية يعمل مظاهرات علشان يدخلها متفسريش كلامى زى ما انتى عايزة
وبعدين أنا مقصدش كليات القمة تحديدا أنا أقصد انك متدخليش واحد كلية كارهها وتقوليله تفوق فيها لما هوا أصلا كارهها يحبها ازااااااااااااااى محتاجة معجرة !!
وبردو قولت مية مرة احنا راضيين بقضاء ربنا بس ناخد بالاسباب ربنا قال كدة ولعله خير بردو بس

Nesma Mohammed

27-07-2011, 03:47 PM

Nesma Mohammed

27-07-2011, 03:50 PM

دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة
طيب انتوا بتقولوا دى الأخلاق اللى اتعلمتوها ف المدارس ههههههه !!! يعنى هيا دى بقى الأخلاق اللى انتوا اتعلمتوها قول لنفسك

mohamedsary

28-07-2011, 12:16 AM

مش فاشلة لما واحد يجيب 93.5 ومش لاقى حاجة يدخلها لا هندسة ولا حاسبات يبقا اية يا محترمين لما واح يجيب 97.5 ومش عارف يدخ اسنا حتى دا ظلم لما انتو مش عايزن طلبة لية تعلمونا ينعل التعليم على الى عايزة يا جماعة واللة انا اتبهدلت فى السنتين وتعبت وانهرت لما المرحلة الاولى فاتتنى على درجة عايزنا ندخل خاص (سمك لبن تمر هندى )

reery

28-07-2011, 08:42 AM

يا شباب كل اللى ضد التظاهر السلمى سواء انانية منه انه ينفرد بالكلية اللى عايزهــــــا او خايف على البلد او جبان و بيدارى ورا خوفـــه و قالوا اتحرقكوا مش حيعمللكوا حاجه

انا حقولكم ايه اللى حصل امبارح بعد تظاهر الطلبه امام مجلس الوزراء امبارح (الاربعاء)

طلعوهم لمقابلة عصــام شرف بس كان الدكتور مشي و قابلهم مستشــار الدكتور راجل محترم جاى من الثورة مش محسوب على النظام السابـــق و كلمهم بمنتهى الاحترام (و ديه كفايه حتى لو معملهمش حاجه ) و قالهم انتوا عندكوا حق و مطالبكم مشروعـــة وواضح جدا طريقته في تشجيع الكليأأت الخاصة و استهجن الطريقه اللى كلمهم بيها او بمعنى اصح طردهـم بيها خورشيد باشـــــــــــــــا و قالهم بكرة تجيبوا اولياء اموركـــم لمقابلة الدكتور عصام و انزلوا بأعداد كبيرة عشان صوتكــم يوصــل ( ده شخص مسؤول و ادرى اذا كان ده بيبوظ البلد و لا لأ ) و ان شاء الله حيتعاد النظر في التنسيق بما يتناسب مع الاعداد المتاحه بدون ظلــم او تقليل جودة الكليــــــــــــــات

لما تطالب بحقك في البلــد عشان عارف ان فيه فساد ده مش بلطجــه ده طالما الموضوع بشكـل سلمى امال انتوا شباب ثورة ازاى ;)