تحية طيبة لجميع الزملاء
محدش فينا عجبه حال المعلم
احنا عايزن ايه كرامة - مرتب محترم - تعليم بجد
صوتنا مش مسموع لازم نوحد كلامنا
مفيش حد بيمثلنا
عايزين وقفة للمعلم نعبر فيها عن مشكلنا
افضل وقت هو يوم 31/7/2011 الموافق الاحد تكون الامتحانات خلصت
قبل رمضان بيوم كل سنة وانتم طيبين
تظاهر سلمى كل واحد قدام مديرية التربية والتعليم الخاصة به
موعدنا الاحد 31/7/2011

وانا معاكم من مطروح

وانا معاكم في دمياط

أنا معاك بس يا ريت تكون السبت مش الاحد لان المعتصمين هناك عند الوزاره اتفقوا على العوده يوم السبت فيا ريت تكون معاهم أنا معاي مجموعه مدرسين من المدرسه يا ريت كل مدرس يقنع مجموعه يروحوا معاه أنا مش عارف احنا نستورد مدرسين تجيب لنا حقنا عدد المدرسين عند الوزاره كان لا يتجاوز 200 معلم حاجه تحزن و الاعتصام فى المحافظات أو المديريات مش هيجيب نتيجه
يا ريت لو نتحد مره واحده و نرجع كرامه المعلم الصيادله و الأطباء مش أحسن مننا دى احنا البنطلعهم الى المجتمع

الاضراب عن العمل هو الحل

ياجماعة لازم نتحد - لان الاتحاد قوةياجماعة لازم نتحد - لان الاتحاد قوة

نتفق على موعد محدد الاحد ام السبت لا زم نوحد كلمتنا ولو مرة واحد

ياريت تأخذوا معاكم الأستاذ فتحى فارس

ربنا نعاكم ان من الوادي الجديد بعيد جداً عن القاهرة لكن والله العظيم نفسي أكون معاكم لأنه ما ضاع حق وراءة مطالب

1- إقالة وزير التربية والتعليم والقيادات الفاسدة بالوزارة وتعيين وزير من المعلمين
2- تثبيت جميع العاملين بالتربية والتعليم ( بالتعاقد أو بالأجر أو بالحصة بدون قيد أوشرط والغاء مسميات مدرس الحصه والاجر والمؤقت والمميز من سجلات الوزارة ولا يبقى غير كلمة معلم فقط فى بداية التعيين
3- كادر مناسب للمعلمين بخلاف الكادر المهين الذي سمى كادر وهو لا يستحق هذه التسمية . وجعله مثل كادرالقضاة والمستشارين وأساتذة الجامعة
4- الا يقل الحد الأدنى للمعلم عن 2000 جنية
5- تغيير المسمى الوظيفى لكل معلم كل حسب تخصصه وتسكينه فى المرحلة المناسبة لتخصصه
6- وضع خطة معلنة ومحددة المدة لتطوير التعليم يشارك المعلمون فى وضعها
7- إلغاء امتحانات الكادر المهينة للمعلمين
8- تحسين أحوال الإداريين والعمال بالمساواه بالمعلمين
9- إعادة تكليف خريجى كليات التربية
10- معاملة معلمى المدارس الخاصه بنفس معاملة المعلمين فى المدارس الحكوميه ووضع راتب عادل اسوة بباقى المعلمين فى الحكومه
11- إرجاع الدرجات المالية التي حجبها الوزير السابق
12- صرف حافز الإثابة بنسبة 200 % مثل المصالح الخدمية الأخرى
13- حل نقابة المعلمين وتعيين لجنة تدير النقابة لحين إجراء الأنتخابات

الحل الوحيدهو التظاهر السلمى بس لازم نوحد اليوم

من اهم مطالب المعلمين فى وزارة التربية والتعليم إلغاء مسمى الكادر الوهمى ومساواة رواتبنابالهيئات الأخرى مثل الكهرباء والبترول والشرطة والضرائب وغيرها على النحو التالى :
أ - وضع حد أدنى للرواتب بما لا يقل عن 1200 جنيه + حوافز 100 % مع زيادةالمكافأة السنوية إلى 500 يوم أسوة بالجامعات .
ب – أن تكون مكافأة نهاية الخدمة 100 شهر ورفع قيمة المعاش التأمينى والنقابى ليكون على آخر مرتب وقت الإحالة للمعاشأسوة بالعاملين في الوزارات الأخرى .
ــــــــــــــــــــــــــــــــــــــــــــــــــ ــــــــــــــــــــــــــــ
.
تطهير الوزارة من كل الهيئات التى تستحوذ على ميزانيةالتعليم من مستشارين وأكاديمية وهمية ونظام الجودة ومساواة موظفى الوزارة معالمعلمين فى الرواتب ووضع حد أعلى للأجور ( وتوفير هذا الجزء الكبير من الميزانيةيساهم فى رفع رواتب المعلمين ) .
ــــــــــــــــــــــــــــــــــــــــــــــــــ ـــــــــ
اختيار القيادات داخل الوزارة ومديرى الإدارات ومديرى المدارس منالحاصلين على مؤهل تربوى وتكون الأولوية للحاصلين على دراسات عليا
ــــــــــــــــــــــــــــــــــــــــــــــــــ ــــ
تحقيق رغبات المعلمين عند المشاركة فى الامتحانات العامة وذلك بجعلالأولوية لمن يرغب أولاً حيث عملية الاختيار العشوائى تحرم عددا كبيرا ممن يرغبونفى العمل بالملاحظة والتصحيح مع مراعاة أن تكون داخل نفس المحافظة

ثوانى بس يا جماعه اصبروا شويه لحد ما نشوف احنا لينا ف الحد الادنى ولا لا والمرتبات شكلها هيبقى ازاى لان احنا لو مرتبنا متعدلش من غير ماتقول وتدعى لوقفه هتلاقى مليون نص خارجين

ياجماعه ان عرفت ان الاعتصام يوم وده من زملائى بعيد عن النت يوم 30/7 فى كل المحافظات وامام الوزارة
ياريت كلنا نبلغ بعض ونبلغ زملائنا والكل يقف اللى مش هيقدر يجى القاهرة يقف قدام أدارته بس يارب نكون ايد واحده
الانتظار لاول الدراسة هينيم الموضوع وهتبقى راحت علينا

انا مش معاهم انا معاكو هههههههههههههههههههههههههههههههههههههههه
اقصد طبعا انا مع المعتصمين والمضربين

حسبى الله ونعم الوكيل فى كل من ظلم المعلمين وجعلهم عرضة للبهدلة

حسبنا الله ونعم الوكيل

انا احاول اقنع السلبيين الموجوديين في المدرسة عندي

الاضراب هو الحل

مفيش حد هيتحرك من مكانه

لا لزييييييييير التعتيم
عام دراسى جديد بدون معلمين
الاضراب العام او الهوان التام

لا بديييييل سوى التعديل
وزير جديد مرتب يزيد
كرامة المعلم طلب اكيد

حسبنا الله ونعم الوكيل

حان الوقت للثورة ضد الظلم والاضطهاد الذى تتعرضون له من سنوات
حان الوقت لتعلنوا للعالم كله انكم احياء ولستم باموات .
العصيان المدني هوالحل الامثل ليسمع صوتكم
لا امتحانات لا تصحيح لا كنترول
لتكن مطالبكم موحده

بارك الله فيكم ......... بارك الله فيكم ......... بارك الله فيكم .........

يارب كل المعلمين يقرأوا هذه الكلمات القويةوالمحفزة على النهوض من السبات الى الحركة
ومن النوم الى الصحوة الكبرى التي لا تهدأ إلا بعد رجوع الحق لأصحابه

هل ستتحركون ام ستقبعون؛ ثوروا وان لن تجدوا فائدة فيكفيكم شرف المحاولة

الاضراب عن العمل هو الحل

من الاخر محدش هيشارك علشان السادة المعلمين لسة نايمين ويقولو تيجى من غيرى وانا نايم وافتكر الدعوات الماضية مفيش فايدة
لو كان ربع المعلمين تحركو كان الحال تغير من زمان
وكمان السادة المعلمين مريحين علشان الدروس هتبدأ من 1/8/2011 وكل عام وانتم بخير