|
مشاهدة النسخة كاملة : اكمل علمى علوم ولا علمى رياضه ؟ tweetyy 26-07-2011, 03:26 AM ايه الافضل علمى علوم (احياء+فيزياء)ولا علمى رياضه (رياضه2+فيزياء) مع العلم انى جايبه 96% والتنسيق هيبقي السنه الجايه عالى جدا لان المجاميع عاليه جدا انا كان نفسي فى علمى رياضه بس علمى رياضه مش للبنات واقسامه مش مستحبه للبنات لكن الكليات الطبيه افضل happy rose 26-07-2011, 03:30 AM فرصتك فى علمى رياضة اكبر ان شاء الله لان بجد السنة دى مجاميع عالية جدااااا وباعداد أكبر dod123456789 26-07-2011, 06:17 AM اول حاجة لازم تشوفي ميولك الاول عايزة اية افرضي ان الرياضة تقيلة علي قلبك انا مثلا الاحياء دي كنت بحس انها هتجبلي تسلخات لكن كحسابات بالورقة و القلم علم رياضة احسنلك بكتيير فرصتك هتبقي اكتر دة راي و نصيحة صلي صلاة استخارة كدة و هتلاقي ربنا بيسرها في اتجاة معين دكتورة منة 26-07-2011, 09:28 AM اولا صلى صلاة استخارة مرة واتنين وتلاتة لحد ماتشوفى قلبك مايل لفين ثانيا انا عارفة ان المجاميع عالية السنادى والامتحانات جات سهلة والله اعلم ماحدش ضامن السنة الجاية الامتحانات تيجى ازاى ممكن الامتحانات تيجى صعبة وتنزل الكل وبالمستوى الرفيع ممكن تزيدى وتلحقى والله اعلم المهم صلى الاول وشاورى اهلك وربنا يقدملك اللى فيه الخير يارب نور يوسر 26-07-2011, 07:18 PM يا دكتوره منه انا خايفه جدا مع العلم انى برضه جبت 96% ومش عارفه اكمل ايه دكتورة منة 27-07-2011, 08:32 AM يا دكتوره منه انا خايفه جدا مع العلم انى برضه جبت 96% ومش عارفه اكمل ايه بصى ياحبيبتى صلى صلاة استخارة الاول والمستوى الرفيع بيرفع بس لازم تختاريه كويس لو انتى خايفة وحسيتى بعد الصلاة انك مش مطمئنة انك تكملى يبءا ادخلى رياضة بس ملاحظة صغيرة انتى لازم تعرفى انتى ميولك ايه ؟ بمعنى انك لو دخلتى رياضة يبئا لازم تكونى بتحبيها وتتفوقى فيها وفى الكليه اللى انتى هاتدخليها مانتى ممكن تدخلى هندسة وماتلاقيش نفسك فيها وتندمى انك دخلتى السكة دى ولو انتى بتحبى الاحياء والكيمياء والفيزياء والمواد دى يبئا تكملى حتى لو مجموعك ماجابش كليات قمة تدخلى ممكن علوم او زراعة او علاج طبيعى وتتفوقى فيها عشان بتحبيها احب انصحك بالاستخارة الاول وماحدش عارف السنة الجاية ممكن يحصل ايه ربنا يوفقك ويوفق الطلبة كلهم باذن الله Mostafa Walid 27-07-2011, 08:50 PM احسن حاجة والله العظيم انك تشوفى انتى بتحبى ايه لو عايزه تخشى هندسه وتبحبى الرياضة خش وتوكلى على الله ومفيش حاجة اسمها مش مستحبه للبنات انتى طالما حابه حاجة يبقى حتتفوقى فيها وحتبقى احسن من اى ولد عادى اى مجال ينفع لاى حد بس انتى تكونى حباه علشان تعرفى تجتهدى فيه وربنا يوفقك ان شاء الله طالبة ثانوية94 28-07-2011, 02:14 AM مشكلتك انك مش محددة هدف معين يعني لو كملتي علوم يستحسن واكيد مش هتزعلي لو مجبتيش طب ولو جبتي صيدلة هتفرحي ولو كملتي رياضة هتمشي وهتجيبي هندسة وانتي مرتاحة بس انا قصدي فكري وتأني وفكري بان مش اي كلية وخلاص هتاخدي قرار ولازم تكوني عارفة هتعملي ايه هتمشي فيه ولا لأ بس من رايي علوم وارجو انك تتقبلي رأيي ومروري tweetyy 29-07-2011, 01:36 AM اولا صلى صلاة استخارة مرة واتنين وتلاتة لحد ماتشوفى قلبك مايل لفين ثانيا انا عارفة ان المجاميع عالية السنادى والامتحانات جات سهلة والله اعلم ماحدش ضامن السنة الجاية الامتحانات تيجى ازاى ممكن الامتحانات تيجى صعبة وتنزل الكل وبالمستوى الرفيع ممكن تزيدى وتلحقى والله اعلم المهم صلى الاول وشاورى اهلك وربنا يقدملك اللى فيه الخير يارب يا دكتورة منه انا شاورت اهلى وقالولى علمى علوم افضل لان فرصه احسن بالنسبه للبنات بس اشد شويه انما هندسه مش للبنات وكمان هقعد اتعب نفسي 5 سنين ومش هلاقي حاجه انا على فكرة ميولى هندسه قسم الكترونات بحبها جدا وبحب الرياضه بس ممكن اتاقلم على احياء كمساله تعود لان انا عندى فكرة كبيرة عن دراسه االاحياء ولان فرصها احسن ومعظم الكليات في علمى علوم ليها تكليف بس المهم انا استخرت ربنا حوالى 3 مرات لقيت قلبي مايل لعلمى علوم لان فرصه احسن وكده وكمان جاتنى فكرة انى ادخل كليه من كليات القمه علمى علوم وامارس الكمبيوتر كهوايه بس وبعد كده ارتحت لكنى خفت تانى لانى لازم اجيب السنه الجايه 101% طب ازاى وانا هاخد احياء+فيزياء israa_ezzat 29-07-2011, 06:52 PM يا جماعة الرجوكم حد يرد عليا انا فى ثانية ثاتوى وجبت92% هل الحق اسنان او صيدلة فى ثالثة لو اجتهدت shimaa gooda 18-08-2011, 08:10 PM اه يا اسراء مش مستحيل ومش بعيد على ربنا بس بجد لو اجتهدتى اوى اعرف بنت كانت 92 وجابت فى 3 97 وحظها كان حلو لحقت طب اتوكلى على الله بجد lolo cat 22-08-2011, 09:20 PM بسي بصراحة حسب ميولك ملكيش دعوة بالمجموع طب انا اخدت احياء فى تانية وجايبة نفس مجموعك والحمد لله رضيا بنصيبى ahmed doula 22-08-2011, 09:25 PM يا بنتى مين قال ان الهندسه للولاد بس امال كل البنات اللى بيخشو الهندسه دول بيبقو ايه مش بشمهندسات قد الدنيا وتقدرى طبعا تشتغلى مهندسه باقل مجهود بس اختارى القسم المناسب زى مثلا العماره ((شغلها على مكتب)) وسيبك من الحاجات الصعبه محمدصابر عيد الشافعى 24-08-2011, 04:11 AM انت بتقولى انك جايبة فى تانية 96% يعنى ناقصة 4% وبالتالى ها تنقصى السنة الجاية مبدأيا 2% لان المجموع فى تانية من 205 وفى تالتة من 410 فالاربع درجات فى تالتة ب1% المهم انك كده نقصتى 2% فاذا انت جبتى فى مادة المستوى من(9.5 - 10 ) كده يبقى انت اخدتى 2% من الهوا يعنى انت داخلة تالتة على بياض يعنى لو عايزة كليات طب المفروض انك ما تنقصيش اكتر من 2% يعنى 8 درجات لان طب الاسنان واخدة السنة دى من 97.5% والطب العام واخدة من 98.17% فى حيث انك لو جيتى تخشى هندسة ها تبقى فرصتك اكبر لانك لو نقصتى 4% يعنى 16 درجة ممكن تخشى لان اعتقد انها واخدة من 96% على العموم ربنا يوفقك ويوفقنا كلنا |