hesham57
26-07-2011, 05:22 AM
سلام عليكم ورحمة الله وبركاته
انا فى تالته ثانوى وجايب 93.4 كان نفسى ادخل حاسبات ومعلومات بس من الكلام ال الواحد بيسمعه و بيشوفه و المجاميع شكله مش هيوصله فياريت لو حد يكلمنى عن علوم قسم حاسب
ايه الفرق بينه و بين حاسبات ؟
ايه اللى هدرسه لما اتخصص حاسب و ايه ال هدرسه فى السنوات الاولى للعلم انى محبتش الكيميا خالص و الفيزيا نص نص ؟؟
التخصص بيكون من امته و بالنسبه للشغل مستقبلها كويس ؟؟؟
ولكم جزيل الشكر
hesham57
26-07-2011, 01:56 PM
المشاهدات وصلت لله الحمد ستين ومحدش رد طب ممكن حد يقولى لو كملتهم كام مشاهده حد هيرد عليا؟
badnamef4
26-07-2011, 03:36 PM
السلام عليكم و رحمة الله و بركاته
بص هاقول لك معلومات و متاخدهاش ثقة
بالنسبة لسنة أولى أو المستوى الأول في علوم القاهرة بتختار علوم طبيعية (فيزياء و كيمياء و رياضة و حاسب و الكلام ده ) أو علوم بيولوجية أو حاجة تالتة
بالنسبة لو اخترت علوم طبيعية هتدرس في سنة أولى فيزياء و كيمياء و رياضة إجباري و مادتين اختياري على أساسهم هتكمل في أي قسم و الدراسة ماشية بنظام الساعات المعتمدة بس مش 100%
يعني مثلاً و ده مثال افتراضي
انتا عشان يبقى معاك بكالوريوس علوم حاسب لازم تدرس رياضة 1 و 2 و 3 و علوم حاسب 1 و 2 و فيزياء 1 مثلاً
لو أخدت علوم حاسب 1 و رياضة 1 في سنة أولى هتقدر تدخل على رياضة 2 و علوم حاسب 2 على طول
يعني بأسلوب تاني : المواد متقسمة لمقررات أو كورسات كل كورس ليه متطلبات من كورسات قبله أو مالوش ، مش هتقدر تاخد كورس معين لحد ماتاخد الكورسات اللي هي من متطلباته و انتا لما تاخد كل الكورسات بتاعة قسم معين تبقى خدت بكالوريوس فيه
بس فيه كورسات إجباري زي الكيمياء و الفيزياء و الرياضة بالنسبة لعلوم طبيعية في سنة أولى اللي هي بتتسمى المستوى الأول
بالنسبة لدراسة علوم قسم حاسب أظن بتبقى دراسته نظرية أكتر على حسب ما سمعت و مش متأكد خالص
و يا ريت لو حد يدخل و يقول الكلام اللي أنا كاتبه ده صح ولا غلط
السلام عليكم و رحمة الله و بركاته
hesham57
26-07-2011, 06:32 PM
شكرررررررا جدا لاهتمامك وأنك رديت