مشاهدة النسخة كاملة : يوميات إتنين مش متفقين
تامر الطويل 26-07-2011, 12:41 PM يوميات إتنين مش متفقين
الحلقه الاولى
بجد بحبها وبخاف على زعلها جدا بس مش عارف ليه ديما بتحسسنى إنى غلط وهى إللى صح ، بجد سعات كتير ببقه عاوز أشوطها زى الكورة ، وبرجع أول ما بشوف عنيها أضعف وأخاف عليها ،هى صحيح قربت تجننى بس أعمل إيه بحبها
تعالوا وأنا أقولكم عملت إيه
00000مطش الكورة00000
تامر / راحت فين بس المجنونه دى هنتاخر كده على المطش
شرين جايه من بعيد ولما توصل قدامه يقولها
ايه يابنتى كل ده تأخير المطش بدء من ربع ساعه بجد حرام عليكى انت عوزة تجننينى
انا قولتلك مليون مرة ياشرين كله الا المطش والكورة هما حياتى ياريت تقدرى الحاجه الوحيده اللى بحبها وتحترميها
شرين / ايه الكلام ده كله انت محسسنى انى اتاخرت على كاس العالم ليه
انا كنت بزور وفاء صحبتى
تامر / يعنى خلاص متحلاش الزياره ورغى البنات ده غير وقت الماطش
انا مش مأكد عليكى انه الساعه 6
شرين / خلاص بقه ياماردونا ياله بينا ندخل الاستاد ده لو عاوز تلحقه
احنا بقلنا ربع ساعه كمان وقفين بنتكلم
تامر / ياخبر إجرى بسرعه ديما كده معطلانى
وجوه الاستاد
تامر / ياعم إلعب بقه حرام عليك شوط ياعم يخرب بيتك
مكنش لازم يشوطها كده ياشرى كان لازم يشوطها ببطن رجله
شرين / اه طبعا صح كان لازم يشوطها بالشلوط
انا تعبت زهقت من المطش ده متيجى نروح سينما
تامر / هو ده وقته ياشرين استنى بقه خلاص باقى ساعه والمطش ينتهى وياستى هوديك اى مكان انتى عوزاه حتى لو نادى الاهلى
المهم دلوقتى سبينى اما اشوف اخرتها من اللعيب الحمار ده
يعم شوط بقه دأنت غبى قوى
وبعد ساعه بالتمام والكمال انتهى المطش وخرجنا من الاستاد
شرين / ياله بقه نلحق السينما
تامر / سينما دلوقتى طيب متخليها بكرة انا عندى دلوقتى تدريب مهم
شرين / يعنى اليوم انضرب انا غلطانه انى جيت اصلا سلام ياتامر
تامر / تامر / فى ايه ياشرى انتى عوزة خناقه وخلاص لازم تفهمى وتراعى انى لعيب كورة ومش ملك نفسى انا عندى تدريب دلوقتى ومستقبلى ومستقبلك بيفرضوا عليا انى التزم بالتدريب ده علشان اقدر بقه اجيب الشقه اللى بنحلم بيها ولا عجبك حالنا كده كل يوم ابوكى يهزقنى من تحت لتحت بصراحه انا تعبت وهو كمان عنده حق احنا بقالنا سنتين مخطوبين
يابنتى انتى قربتى تخللى منى هههههههههههه
استنى هنا ايه اللى انتى حطاه فى خلقتك ده
شرين / فى ايه ده ميك أب
تامر / ميك أب ميك زفت انا قولتلك مليون مرة مش بحبك تحطى ميك اب بالشكل الفظيع ده
شرين / ايه ياعم انت عاوز تتخانق وخلاص
طب سلام
تتبع انتظرونى
بقلم
تامر على الطويل
امير الجروح
هشام عبداللطيف 26-07-2011, 04:26 PM جميييييييله منظر التكمله
تامر الطويل 26-07-2011, 08:50 PM يوميات إتنين مش متفقين
الحلقه الثانيه
(فرح وفاء)
بجد حاجه تجنن لما تصحى من النوم على خبر وحش
قال ايه فرح وفاء ولازم طبعا البس واتشيك واروح الحق الهانم عند الكوافير
ديما مدوخانى معاها لما قربت اتجنن
تعالوا نعرف ايه حصل تانى منها
نزلت جرى علشان ألحق شرين قدام الكوافير ولما قربت من الكوافير لقيت شرين واقفه لوحدها فى الشارع ومافيش اى دليل على وجود زفه او عريس او حتى عروسه فقولتلها
ايه ياحببتى إتاخرت عليكى
انا جاى جرى علشان ألحقك فين العربيات والزفه
شرين / والله انت هتستعبط الساعه يااستاذ 9 دلوقتى
بقالى ساعه وقفه فى الشارع واكيد الزفه خلاص خلصت منك لله ديما كده حرمنى من كل حاجه بحبها
تامر/ اعمل ايه يعنى اقطع نفسى انا راحت عليا نومه
شرين / خلاص خلاص ياله بسرعه خلينا نلحق الزفه او حتى الفرح
تامر / ايه يابنتى الجرى ده براحه هى الزفه هتهرب مننا
وبعدين صحبتك دى إزى تسيبك لوحدك كده فى الشارع دى فعلا بنت معندهاش دم
شرين / هى برضه اللى معندهاش دم أمال سعدتك كنت فين
تامر / كنت نايم ايه جيت من التدريب تعبان وقولت اريح شويه راحت عليا نومه
وبعدين تعليلى هنا هما مين دول اللى عكسوكى وأنا اطلع عنيهم
وبعدين ايه اللبس والميك اب الغريب ده انتى نويه تشلينى مش احنا اتفقنا قبل كده مليون مرة انك مش تحطى ميك اب ولا تلبسى فستان ديق وعريان كده انتى عوزة تشلينى وبعدين ما هما لازم يعسوكى وانتى لابسه المسخرة دى
البنت وفاء دى انا مش بطقها انا كنت ماصدقت انها اتجوزت واتلمت بقه
شرين / ايه إتلمت دى وفاء صحبتى ومش هسمحلك تتكلم عنها بالطريقه دى
وبعدين إيه فى لبسى ده مش محترم انا محجبه يااهبل
تامر / والميك أب والاحمر والابيض اللى ملخبطه بيه وشك ده إيه شويه دقيق مخزناهم لما العيش يغلا ، بصى لنفسك فى المرايه ياهانم هتلاقى بليتشوا ، بصى كده و
يخرب بيت جمالك هو إنتى حلوة كده ليه النهارده ياشيرى
شرين / إمشى كده وانت وحش انا مخصماك أصلا ومش هكلمك أبدا
ادينا مش لحقنا الزفه وأكيد صحبتى زعلانه منى
تامر / متتفلق أقصد هنلحقها إن شاء الله
وفى الفرح كان التالى
شرين / شوف العروسه قمر إزى ياتامر
تامر / فعلا العروسه قمر بالستر ياباى كئيبه حتى فى يوم فرحها
شرين / تامر بجد هزعل منك بطل بقه تتكلم عن صحبتى بالطريقه دى وإبتسم كده وإضحك إحنا فى فرح مش فى عزاء
تامر / هههههه كده كويس
صفاء صديقه شرين / إيه ياشرين ياحبيبتى الجمال ده كله بجد زى القمر
شرين / ربنا يخليكى ياصافى ياقمر إنتى
صفاء / مش هتعرفينا على الاستاذ
تامر / الاستاذ مش بيتعرف على حد
شرين / ههههه بيهزر ديما كده بيحب الهزار مش كده ياتامر
تامر / اه
شرين / ده تامر خطيبى ياصافى إللى بحكيلك عنه
صفاء / إتشرفت بمعرفتك ياتامر
وليد وليد تعاله أعرفك بأعز صديقه ليا
ده وليد أخويا ودى شرين وده
وليد / مش عاوز أعرف أى حد تانى بعد ما شوفت القمر دة
معقول ياربى فى جمال بالشكل ده
تامر / معقول ياربى فى غباء بالشكل ده إيه ياعم الحبيب إنت شيفنى كيس جوافه واقف جمبها متفتح كده وتبطل قله أدب أنا خطيبها
وليد / انا اسف يااستاذ انا كنت بحسبها مش مرتبطه وكنت هتقدملها فورا
تامر / اه من حقك برده تتقدملها تحب أخطبهالك ياابن الصرمه وده المهر هديتى ليك خد
وليد / اه اه اه ياعينى
صفاء / ايه قله الزوق دى يااستاذ تعاله ياوليد ياحبيبى انا ليا تصرف تانى معاهبعدين ومش عوزة اعرفك ياشرين تانى ولو شوفتينى صدفه مش تكلمينى ابدا
ومن غير سلام
شرين / ايه ياتامر ده مش هتبطل بقه همجيتك دى خسرتنى اعز اصدقاء كفايه بقه بجد تعبت من تصرفاتك دى
تامر/ همجيت ايه ياهانم الواد ده كان بيعكسك عينى عينك كده ولا همه
شرين / لو سمحت لو بتحبنى صحيح خلينا نكمل الفرح ده على خير
وساعتها اصدقاء شرين يندهولها وتطلع معاهم على المسرح ويرقصوا مع العروسه
تامر / يطلع يشدها من اديها ويقولها
انا غلطان اصلا انى سمحت لنفسى انى اجى فى فرح زى ده
تعالى ياهانم انتى بترقصى
شرين / سيب إيدى إيه يعنى لما أرقص فى فرح أعز أصدقائى أجرمت ولا أذنبت إنتإللى ديما بتحب تفرض شروطك وأنا لازم ألتزم بيها وديما بتعملنى على انى جريتك
تامر / يعنى إنتى فرحانه قوى لما كل الناس الحوش دول يصوروكى باالموبيل
وتانى يوم تنزل على اليوتيوب ونبقه مسخرة على كل لسان كده ابقه جنتل مان
ابو العريس / خد هنا ياابن التيت بقه إحنا حوش
تامر / يعم هو أنا كلمتك شرين تعالى إحنا هنروح حالا
شرين / لاء ياتامر مش هروح انا هفضل فى فرح صحبتى لو عاوز تروح روح لوحدك
تامر / اروح لوحدى بقه كده طيب ايه رئيك بقه انك هتمشى ودلوقتى وبلاش تفرجى الناس علينا وخلى الفرح ده يكمل على خير
وليد واصدقائه / خد هنا بقه انت عاوز تبوظلنا الفرح والله ما احنا سيبينك خد
تامر / اه اه اه اه
شرين / سبوه ياحوش كلكم عليه سبوة احسن يقطعكم
تامر / بلاش كدب بقه هقطع كل دول منك لله يابعيده
اضرب ياعم
تتبع انتظرونى
بقلم
تامر الطويل
امير الجروح
هشام عبداللطيف 26-07-2011, 09:51 PM هههههههه دى نكديه على الآخر ربنا يكون فى عونك يا تامر
سلمت يداك على القصه الجميييله
هشام عبداللطيف 26-07-2011, 09:53 PM هو انت اللى حصل معاك القصه دى يا تامر ولا ايه
تامر الطويل 26-07-2011, 10:38 PM جميييييييله منظر التكمله
حالا اخى الغالى التكمله نورتنى
تامر الطويل 26-07-2011, 10:40 PM هههههههه دى نكديه على الآخر ربنا يكون فى عونك يا تامر
سلمت يداك على القصه الجميييله[/
quote]
ربنا يخليك اخى الغالى بجد نورتنى
[quote=هشام عبداللطيف;3745417]هو انت اللى حصل معاك القصه دى يا تامر ولا ايه
ههههههه لاء دى من وحى خيالى ولو الحب اللى بين تامر وشرين ده ، طبعا اتمنى يحصلى
تابعنى اخى الغالى
تامر الطويل 26-07-2011, 11:01 PM يوميات اتنين مش متفقين
الحلقه الثالثه
بعنوان
( عايزة اشتغل )
·وفى بيت تامر
· تامر قاعد فى البلكونه لوحده وبيفكر بصوت عالى ويقول
· بقه كده ياشرين وانا اللى بجد بحبك ديما بتدورى على الحاجه اللى تزعلنى وتعمليها
· وحتى مكلفتيش نفسك تسألى عليا بقالنا يومين دلوقتى متكلمناش ولا شوفنا بعض انا حاسس انى هتجنن
· مكنتش اعرف انى بحبها بالشكل ده غير لما بعدت عنى
ماانا برضه ما كنش ينفع اخليها تشتغل وكمان عند الزفت وليد ده وفى شركته
يعنى احط البنزين جمب النار
انا هكلمها اصلحها واحاول اقنعها انها تشيل موضوع الشغل ده من دماغها
· انا لازم اكلمها
·تامر / الوو عامله ايه ياشرين
· شرين / الحمد لله عايشه عاوز ايه ؟؟
· تامر / ابدا كنت بسألك على كيلو الموز اللى جبته ليكم فى البيت فى اخر زياره ليه
ياترى ظلطوة ولا لسه؟؟
· شرين / تامر انا مش فاضيه لهزارك ده قول عاوز ايه على طول
· تامر / مش عاوز انا كنت بطمن عليكى لانك وحشتينى جدا
· شرين / وانت كمان وح ......
وأديك إطمنت عاوز إيه تانى
· تامر / مش عاوز انا اصلا غلطان انى سمعت كلام قلبى
· بنت انتى امشى احسن اقفل السكه فى وشك
· شرين / بصوت كله حزن
· انا عارفه انك مش بتحبنى
· تامر / شرين بطلى دموع انتى عارفه كويس قوى انى بموت فيكى بس موضوع الشغل ده بجد صعب
· لازم تراعى انى بخاف عليكى ثم ازى اطمن عليكى وانت كمان من الزفت وليد فى شركه واحده
· شرين / بدموع وصوت كله حزن
· خلاص ياتامر انا مش هشتغل هفضل قعده فى البيت لحد اما اموت
· تامر / بعد الشر عليكى شرين اياكى تقولى الكلام ده تانى بجد هزعل منك
· ان شالله وفاء وصفاء والواد وليد يارب
· وبعد سكوت طويل
· تامر / خلاص ياشرين انا موافق انك تشتغلى بس بشرط
· شرين / شرط ايه ؟؟؟
· تامر / اوصلك كل يوم الشغل واجيبك من الشغل
· واياكى ياشرين تدى للواد وليد ده ريق حلو سلام لاء كلام بموته
· شرين / اوعدك ياتيمو ياقمرى انى هنفز كل كلامك ، بجد انت اعظم تيمو فى الدنيا دى كلها
· تامر / قصدك اغبى تيمو فى الدنيا دى كلها ،يالله امشى بقه قبل ما اغير رئى
· شرين / حاضر حاضر مع السلامه ياقلبى
· تامر / ايه الكلام الجميل ده مسمعتوش منك من زمان هو الشغل سرة باتع للدرجه دى
· شرين / انا عمرى ما اقدر احب حد غيرك انت كل دنيتى ياريت تحس بقه بلى جوايه
· تامر / حاسس وعارف كل حاجه وعلشان كده بحبك
· امشى بقه جاتك القرف وانتى حلوة كده سلام
· وعلى الجانب التانى فى بيت شرين
· صفاء / ههههههه شوفتى خطتى نجحت ازى قولتلك حبت دموع هيخلصوا كل حاجه ههههه
· شرين / انا مش عارف عملت كده ازى انا غلطت ياصافيه
· صفاء / انتى هبله يابنتى غلطتى فى ايه انك مثلتى انك بتبكى
· لا طبعا ده سلاحك اللى لازم تستخدميه وقت اللزوم وده وقته
· شرين / انا فعلا كنت بمثل عليه انى بعيط بس بجد لما حسيت انى بكدب عليه بكيت بجد
صفاء / ههههههههه ده حب بقه بجد
انا مش عارفه انتى ليه مخليا واحد زى الهمجى ده يتحكم فيكى
شرين/ همجى بس بحبه عارفه لما تحسى إنك وحيده الاحساس ده كنت ديما بحسه قبل ما اعرف تامر ولما عرفته الاحساس ده اتغير بقه من وحده لحياه وضحك وحب تامر ادانى الحياه اللى كنت بدور عليها وفوق كده انا متاكده انه بيحبنى
صفاء / خلاص خلاص وانا اللى قولت خلاص وليد هيتلم بقه ويتجوز
شرين / بجد الف مبروك ليه ياترى هيتقدم لمين اوعى تكون البنت ايمان ولا البنت اسراء
صفاء / ولا دى ولا دى ده كان عاوز يتقدملك انتى كان فكرك خلاص انتى وتامر سبتوا بعض
شرين / ههههه بطلى هزار بقه ياصفاء !!
صفاء / هزار ايه بس بقولك كان عاوز يتقدملك
شرين / يانهار ابوة اسود انا اسف ياصفاء انا مش اقصد
ده لو تامر عرف هيموته ويموتنى ويموت نفسه
تانى يوم تامر مستنى شرين تحت البيت
شرين / أنا اسفه ياحبيبى إتأخرت عليك
تامر / لاء أبدا ياروحى انا الشمس قورت راسى بس منك لله
شرين / انا اسفه ياحبيبى طيب ما انا قولتلك اطلع انتى اللى مش رديت
تامر / اطلع علشان افتكر الموز اللى طفحتوة لوحدكم لا ياماما انا مش ناقص عكننه
شرين / خلاص بقه يالله بينا هنتاخر على الشغل
تامر / مستعجله على ايه براحه لسه فاضل نصف ساعه
وبعدين ايه اللبس الغريب ده ياست هانم
شرين/ ماله لبسى بقه انا لبسه نفس الهدوم اللى قولتلى انها اجمل حاجه عندى
تامر / لاء ياست هانم ده وحش اطلعى غيريه
شرين / تامر انت بتتلكك صح
تامر / اه بتلكك بصراحه انا مش عوزك تشتغلى ياشرين بجد انا تعبان من جوايه ، انتى مش حسه بيا
شرين / والله حسه بيك ياحبيبى بس انت اللى مش حاسس بيا انا بجد محتاجه للشغل ده ياتيمو
تامر / طول ما الشغل ده هيسعدك انا هكون سعيد يالله بينا
وساعتها تقف عربيه قدامهم وينزل منها وليد ويقولهم
وليد/ أتفضلى اوصلك ياانسه شرين انتى والاستاذ تامر طبعا
تامر / الانسه شرين مش بتركب مع حد ويالله بقه من غير سلام ولا وحشتك العلقه اللى ادتهالك فى الفر ح إمشى ياضى
وليد / هههههههه لاء كفايه دى حتى العلقه لسه معلمه على جسمك ههههه سلام
تامر / ظريف قوى اخو صحبتك ده جته القرف وهو عامل زى الفرخه الحامل
امشى قدامى منك لله ضيعتى عليا التدريب
انتظرونى فاللقصه بقيه
بقلم
تامر على الطويل
امير الجروح
هشام عبداللطيف 27-07-2011, 08:33 AM لا بصراحه انت مبدع فى كتابة القصه دى
منتظر التكمله
هى كام حلقه
تامر الطويل 27-07-2011, 06:01 PM لا بصراحه انت مبدع فى كتابة القصه دى
منتظر التكمله
هى كام حلقه
ربنا يخليك اخى الغالى بجد نورتنى
القصه عباره عن 20 حلقه
تامر الطويل 27-07-2011, 06:03 PM يوميات اتنين مش متفقين
الحلقه الرابعه
بعنوان
(ضرب وليد)
وفى التدريب
المدرب / بجد انت موهوب ياتامر وإن شاء الله يكون ليك مستقبل كويس فى نادى كبير
تامر / انا تلميذك ياكوتش وبجد كلامك ده وسام على صدرى
يعنى هروح الاهلى ولا الزمالك ياكوتش
المدرب / هو انا كل اما أجامل واحد واقوله انت موهوب ، يقولى النادى الاهلى ولا الزمالك ،امشى ياله اطلع بره انت أخرك نادى المكسحين اللى فى العتبه ،
جاتكم القرف مليتوا البلد
تامر / ايه المدرب الاهبل ده شويه عسل وشويه عسل برده، بس اسود ، انا اصتبحت بوش مين النهارده
ويمشى تامر من النادى ويتصل ب شرين يطمن عليها
تامر / الووووووو ايوى ياشيرى ايه يابنتى ولا رنه و لا رساله
على فكرة الرن مش بفلوس يابخيله
شرين / تامر إذيك وحشتنى كان نفسى اسمع صوتك قوى ونفسى اعيط على صدرك
تامر / فى ايه ياشرين انت من ساعه مااتصلتى بيا وقولتيلى تعاله خدنى من الشركه
الهباب دى وانا مش مطمن فى ايه يابنتى
شرين / مفيش انا كويسه متيجى نخرج النهارده
تامر / انتى بتهربى من الموضوع ليه شرين لأخر مرة حصل ايه فى الشركه
شرين / بإنهيار خلاص هحكيلك
بس من غير ما تتهور ولا تعمل اى حاجه
اوعدنى الاول
تامر / فى ايه ياشرين انت كده قلقتينى اكتر !!
شرين / اوعدنى ياتامر الاول
تامر / اوعدك ، احكى بقه وقعتى قلبى ، مالك ؟
شرين / اصلى النهارده وانا فى الشغل وليد حاول يمسك ايدى ولما زعقتله قالى انه جايبلى خاتم الماظ وعايز يشوفه فى صباعى و
تامر / وحيات امه ماانا سيبه
وحياتك عندى لأخليه يمشى فى الشارع يقول انا مين إبن القرعه ده ، سلام دلوقتى
شرين / بلاش تهور يامجنون الووووووووووو تامر
وعند الشركه واقف تامر مستنى وليد واول ما يشوفه خارج يجرى عليه علشان يضربه
وفاجاه مش عارف منين سبحان الله لقه درفتين باب 5 متر فى 5 متر
واقفين جمب وليد وكاانهم بودى جاردات
وليد / اهلا بيك ياتامر منور ، فى حاجه!!
تامر / لا ياحبيب قلبى ، د انا كنت معدى وقولت اجى اسلم عليك، واطمن على صحتك مش تمام برده
وليد / وانا كويس ياريت ما اشوفش وشك الجميل تانى
فى اى مكان اكون فيه ، تعرف ياشاطر تورينى عرض أفاك بقه
تامر / اه طبعا ياحبيب قلبى ، انت تأمر ، هو تقريبا عرضه 25 سنتى بس لو تحب اعرضه شويه علشان كفك ولا حاجه ،انت تأمر ياكبير
وليد / إمشى يالا
تامر / طيب سلام بقه ياليدو، هتأخر على التدريب
ويمشى تامر وهو بينفخ من الغضب وفاجاه ومن بعيد جدا ينده تامر لوليد ويقوله
وحياه أمى ما انا سيبك ياابن الاقرع،
وحياه اغلا حاجه عندى لأربيك من جديد
بقه بتتحامى فى شويه بودى جاردات لو نفخت فيهم اطيرهم ياجبان
انا لولا انى مش عاوز اغرق الشارع دم وابوظه بعد الراجل الكباره مكنسه
انا كنت ورتكم شغلكم
وكنت وريتك مقامك انت وشويه الصراصير دول
وفاجاه جرى وليد ومعاه البودى جاردات عليا بس على مين
انا جريت جارى اه ياعم انت وهى هو العمر بعزقه
بس ماسبتوش برده تانى يوم الصبح من بدرى وقفت تحت العمارة استناه
وانا واقف شوفت عربيته قولت أتسلى فيها علبال ماينزل زفت من العمارة
قومت مفسيله الاربع فرد كوتش
وقومت قاعد على العربيه قعده وحياه الغالين ياابن التيت ماانا سيبك
وفعلا نزل وليد واول ما شوفته نازل لوحده من غير البودى جاردات
فرحت وقومت جارى عليه ،ولسه هضربه على قفاه
لقيت اللى بيلبنى على قفايه ، انا بصراحه اترعبت وقولت عفريت ده ولا ايه
وببص ورايه لقيت البودى جاردات وقفين
و واحد منهم منه لله شيلنى من قفايه زى الطفل
تامر / ايه ياوليد بيه هو الواحد مايعرفش يهز معاك ولا ايه
وليد / بقه انا ابن الاقرع
تامر / مين الجزمه اللى قال كده، انت سيد الناس ، والسيد الوالد مشهودله بشعره
وليد / بقه انا تنح
تامر / اوع تفهمنى صح يااستاذ وليد انا كنت بهزرمعاك
بصوا هناك مبروك الكاميرا الخفيه، تحبوا نزيع ولا مانزعش
وليد / وده كلام طبعا نزيع يااستاذ تامر ، خلى الناس تنبسط
ويبص للبودى جاردات ويقولهم روقوة
تامر /اه اه اه اه اه اه
وليد / حتى فى دى غبى هما لسه ضربوك يابنى ادم
تامر / بستعد ياعم ، انت مالك مش انا اللى هنضرب
اضرب ياعم
تتبع انتظرونى
بقلم
تامر الطويل
امير الجروح
هشام عبداللطيف 28-07-2011, 01:39 PM ههههههه الواد تامر ده بيهزر على طول كده حتى وهو بيطحن
smart5533 29-07-2011, 01:22 AM فين الباقى يا عم
جميله القصة
منتظرين الباقى
*sondos* 29-07-2011, 02:15 AM هههههههههههههه
جميلة أوي أوي والله يا تامر
تسلم الآيادي بجد كاتب ممتاز ودمك خفيف جداً وحسك فكاهي
ربنا يوفقك يااااااااااااااااااااااااارب
وأكيد متابعة ومستنية الجديد دايماً
:)
تامر الطويل 30-07-2011, 11:36 AM ههههههه الواد تامر ده بيهزر على طول كده حتى وهو بيطحن
هههههههههه نورتنى اخى الغالى وتابع تامر وعميله
تامر الطويل 30-07-2011, 11:37 AM فين الباقى يا عم
حالا هنزل الحلقه الجديده نورتنى
تامر الطويل 30-07-2011, 11:40 AM جميله القصة
منتظرين الباقى
نورتينى اختى الغاليه وحالا الحلقه الجديده هتنزل
هههههههههههههه
جميلة أوي أوي والله يا تامر
تسلم الآيادي بجد كاتب ممتاز ودمك خفيف جداً وحسك فكاهي
ربنا يوفقك يااااااااااااااااااااااااارب
وأكيد متابعة ومستنية الجديد دايماً
:)
ربنا يخليكى يارب بجد بعد كلامك الجميل ده مش لاقى كلام اقوله
بجد شكرا ليكى وحالا الحلقه الجديده اهداء ليكى يارب تعجبك
تامر الطويل 30-07-2011, 11:41 AM يوميات اتنين مش متفقين
الحلقه الرابعه
بعنوان
كمين من حمايه وحماتى
http://sadadubai.com/up/uploads/ce6026bc0c.gif
http://www.nsaayat.com/up/uploads/nsaayatfe575b19a7.gif
وفى بيت شرين وانا بفطر ومعمولى كمين
http://blog.hotelclub.com/wp-content/uploads/2008/03/delicious-thai-dinner.jpg
تامر / السلام عليكم ياحمايه ياسكرة وياحماتى ياورده منوره
انا جايبلكم نصف كيلو موز وربع كيلو لب وسودانى ، إنما إيه على الفرازة ياعمى
زليت الراجل وكان هيضربنى وانا قاعد بنقيهم واحده واحده
هما صحيح دمرولى الفلوس اللى حيلتى بس مش هيغلوا عليكم
حماتى / إتفضل ياإبنى اقعد إفطر
عمى / أقعد ياتامر كل متتكسفش ، ده بيتك
تامر / بقه ده معقول برده ياعمى اتكسف وانا معاكم
نولنى الفرخه دى ياحمايه ياحبيبى
عمى / الفرخه كلها !!!
تامر/ ايه عاوز حته؟؟
انا اسمع ان الفراخ مضرة بصحت الناس الكبيرة اللى زيك ياحمايه
كل رز وسلطه دول مفدين جدا ليك
ايه ياحماتى هو مفيش حلو ولا ايه
فين كنفتك وقطيفك الحلوة
حماتى / انت جاى تخلصلنا الاكل ومروح ولا إيه؟؟
قومى ياشرين سعدينى ، قبل مايكلنا
ولدك عاوز تامر فى كلام مهم
شرين / حاضر ياماما
تامر / ايه ياشرين انتى هتسبينى لوحدى انا كنت حاسس ان العزومه دى وراها حاجه
عمى حبيب قلبى ياااااه انا اتاخرت خالص على التدريب
عمى / هو انت عندك تدريب النهارده
تامر / لاء مش عندى ليه ياعمى بتسالنى السؤال الغريب ده
عمى / انت ناوى تجننى ياواد انت
انت مش لسه قايل هتأخر على التدريب
تامر / اه التدريب صح ياعمى انا لازم افرحك ماانت حمايه برده مش المدرب بتاعى قلى النهارده انى اكيد فى يوم من الايام هحترف فى الزمالك او الاهلى
عمى / الزمالك والاهلى انت عاوز تجننى ياواد إنت
خليك فى الوظيفه ياحيله امك
تامر / ايه ياعمى حيله امك دى انا على فكرة مش حلتها
انا عندى عمرو ومحمود اخواتى
وبعدين انت ليه مش فاهمنى ياعمى انا لما أحترف الفلوس هتنزل عليا زى الرز
وساعتها هنغنغ بنتك واكيد هينوبك من الحظ جانب
عمى / واد إنت ياض أنا مش ناقص دوشتك نهايه الكلام إمته هتتجوز بنتى ولا هتقضيها رايح جاى علينا كده وخلاص
تامر / بصوت واطى انا كنت عارف ان العزومه دى وراها حاجه منك لله ياشرين
عمى / مترد ياسبع البرومبه امته هتتجوز بنتى
تامر / الصبر ياعمى انا بعمل اللى عليا على رئى المثل
واجرى يابنى ادم وراء الاتوبيس ياتركبه يامتركبوش
وزى ماقال الامام الشافعى
ضاقت فلما استحمكت حلقاتها فرجت وكنت اظنها لاتفرج
عمى / اه يانى منك وعلى رئى سعد زغلول
مفيش فايده
قوم ياله من قدامى فز قوم جاتك القرف
تامر / ايه ياعمى هو انا مش هحلى ولا ايه انا شايف كنافه وقطايف فى المطبخ
عمى / وله انت متعصبنيش غور فى داهيه وخلى بالك قدامك 3 شهور بالتمام والكمال وبعدها هفسخ خطوبتك على بنتى
تامر / ايه ياعمى ده مش ممكن
انا ممكن اصور فيها قتيل انتوا فكرنى ايه
شرين / تامر تامر مالك
تامر/ الحقينى ياشرين قال ايه ابوكى مش عوزنى اكل الحلو مع انك قيلالى فى التليفون انكم عملين قطايف وكنافه
مش عيب كده ياحماتى
عمى / يخرب بيتك على بيتى على اليوم الاسود اللى فكرت اجوزك فيه بنتى
واله انت قدامك 3 شهور بالظبط وبعدها هجوز بنتى لاى واحد جاهز
شرين / انا مش هتجوز اى حد غير تامر يابابا
عمى / خشى جوة جاتك القرف انتى وخطيبك
حماتى/ براحه على البنت يامحمود
عمى / هو الاهبل إبن الاهبل ده خلا فيا عقل
انت لسه واقف قدامى امشى ياله بره
تامر / خلى بالك ياعمى كده عيب انا شامم ريحتها
وعارف إنكم مخبينها عليا ومستنين لما امشى علشان تخلصوا عليها
حماتى / هى ايه دى إللى شامم ريحتها ياحبيبى
تامر/ القطايف ياحماتى إللى مخبينها عليا
ماشى ياعمى خليك فكرها دأنا خطيب بنتك برده مش واحد غريب
http://forum.khleeg.com/attachment.php?attachmentid=6487&d=1251591755
حماتى / قطايف ايه انت عاوز تشلنى بيقولك قدامك 3 شهور وبعدها هيجوز بنتى شرين وانت بتدور على قطايف
امشى ياله من قدامى بره
ويطردوا تامر بره
وبعد شويه الباب يخبط
عمى / قومى ياأم شرين شوفى مين فى اليوم اللى مش هيعدى ده
وتفتح الباب
تامر / ايه ياحماتى اكلتوا القطايف ولا لسه
عمى / انت تانى ياابن التيت والله ما انا سيبك
تامر / خلاص مش عاوز قطايف انا عاوز الموز والسودانى بتاعى
ايه ياعم العصايه دى !! لا ياعمى عيب انت راجل محترم
يالهوى خلاص مش عايز حاجه كلوه كله لوحدكم
يارب يجلكم إسهال
ويجرى امير من الشقه
؟؟؟؟؟؟؟؟؟؟؟؟؟؟
انتظرونى
فى الحلقه القادمه
من
يوميات اتنين مش متفقين
بقلم
http://up.graaam.com/uploads/imag-4/graaam-41b93d73ebf.gif
تامر الطويل
امير الجروح
هشام عبداللطيف 30-07-2011, 01:44 PM الواد تامر ده عنده بروووووود فظييييييع ، بس ده اللى ينفع الايام دى
smart5533 31-07-2011, 01:47 AM ايه يا عم متتاخرش فى تنزيل الحلقات علشان مننساش اللى الحلقات اللى فاتت نزلها بسرعه
هشام عبداللطيف 31-07-2011, 09:06 AM ايه يا عم تامر كده هننسى القصه متنسناش يا معلم
تامر الطويل 31-07-2011, 04:27 PM الواد تامر ده عنده بروووووود فظييييييع ، بس ده اللى ينفع الايام دى
ههههههههه والله معاك حق بس مش يالشكل ده نورتنى اخى الغالى وتابعنى
تامر الطويل 31-07-2011, 04:29 PM ايه يا عم متتاخرش فى تنزيل الحلقات علشان مننساش اللى الحلقات اللى فاتت نزلها بسرعه
ايه يا عم تامر كده هننسى القصه متنسناش يا معلم
حاضر وحالا واهداء ليكم الحلقه الجديده
تامر الطويل 31-07-2011, 04:47 PM يوميات إتنين مش متفقين
الحلقه الخامسه
بعنوان
عزومه تامر
http://www.nsaayat.com/up/uploads/nsaayatfe575b19a7.gif
تامر/إجرى شويه ياشرين هنتأخر على العشاء الفاخر اللى عزمك عليه
شرين / حرام عليك ياتامر كل ده مشى يامفترى ، انا رجلى خلاص مش شيلانى
تامر / خلاص قربنا نوصل اهوة، بس انتى مدى شويه احسن المكان بتعنا اللى انا حجزة يتاخد ومش هنلاقى مكان
شرين / ياااااه ياتيمو انتى عزمنى فى مكان غالى ورومانسى قوى كده
تامر / وكمان على النيل علشان متقوليش انى حرمتك من اى حاجه
بس بعد كده بلاش تجيبى معاكى اخوكى الرخم ، اقصد الرخم القمر
، ده معاكى تانى
عاوز انفرد بيكى ونبقه لوحدنا
ده واد سئيل قوى وديما رامى ودانه معانه
نفسى مرة واحده اقولك على اللى جوايه
شرين / ياااه ياتيمو اخير هسمعها منك قول ياحبيبى انا سمعاك
تامر / نفسى اعرف عملتوا ايه فى اللب والسودانى والموز اللى انا جبته حرام عليكوا دول كانوا ب 5 جنيه ومهنش عليا اخد موزايه وقولت اكل معاكم يقوم ولدك حمايه حبيبى يطردنى علشان ما اكلش يرضى مين ده بس ياربى
شرين / بقه هو ده الكلام اللى عاوز تنفرد بيا علشان تقولهولى،
تامر
تامر / ايوة ياروح تامر
شرين / طلعت روحك ياشيخ
تامر / ايه بس ياشيرى الواحد ما يعرفش يهزر معاكى شويه انا بهزر يابنتى بالهنا والشفا عليكم رغم ان حماتى حبيبتى خبت منى القطايف وقلتلى معندناش
مع انى كنت شايفها فى المطبخ ولا فتحت بوقى
شرين / بقه مامتى انا خبت منك القطايف يامفجوع ، د إنت كان ناقص تاكلنا
وبعدين تعاله هنا ماله كريم اخويا بقه، ما انا سمعت كلامك اهوة وسبته مع صحبك سامح فى المحل
مع انى خايفه عليه ليتوه
تامر / كريم اخوكى يابنتى يتوة بلد
ربنا يستر عليك ياسامح منه ومن رزالته
شرين / انا مش همشى خطوة واحده تانيه انا خلاص تعبت منك لله يامفترى دى ما كنتش عزومه دى انا علبال ما اوصل هكون موت
تامر / يابنتى المشى رياضه وبعدين انا غلطان يعنى انى بوفر علشان نتجوز بقه
وخلاص اهوة ياستى وصلنا
شرين / وصلنا فين يامجنون انت احنا على الكورنيش
تامر / ما انا عارف ياحوله انتى شايفانى ما بشوفش
ما هو ده المكان اللى انا عزمك فيه البحر قصادناوده عم نبيل بتاع الترمس هعزمك على شويه ترمس بقه انما ايه يستهلوا بقك ياقمر
http://bp3.blogger.com/_juERifUjm_k/RqTf9heDBCI/AAAAAAAAAOE/98h9bgSb1fM/s320/trms.jpg
شرين / تامر ياحبيبى
تامر / اخير قولتيها انا لو اعرف ان العزومه دى مفعولها سريع كده كنت عزمتك من زمان
ايوة ياروح تامر ياعمر تامر
شرين / روحنى حالا
تامر / اروحك ليه بس !!
ده لسه فى ذرة مشوى وسودانى
شرين / ايه الكرم ده كله بقولك روحنى ياإما هعملك مصيبه على البحر وهصوت واقول خطفنى
تامر / فى ايه ياشرين ليه عوزة تبوظى العزومه اللى قعدت اسبوع ارتب فيها
شرين / انا هروح لو حدى
تامر / خلاص خلاص استنى يامجنونه هروحك
http://www.my7op.com/vb/imgcache/5975.jpg
وفى الطريق يقابل تامر بنت زى القمر فلما تشوفه تقف تسلم عليه وتقوله
http://msn-pic.mzaeen.com/data/media/5/get-11-2008-hyoo6f5f.jpg
ليلى / تامر اخبارك ايه وحشنى موت
تامر / ليلى اخبارك ايه يابنتى ؟؟
وايه الاختفاء الغامض ده وحشتينى والله
شرين / والقرطاسه اللى وقفه جمبك دى موحشتكش يااخويا
ليلى / مين دى ياتيمور
شرين / ما ترد ياتيمور قولها مين دى
تامر / دى شرين خطبتى
ودى ليلى جارتى من وانا صغير وكانت مسافره امريكا والحمد لله وصلت بالسلامه
ليلى / خطبتك مبروك
شرين / الله يبارك فيكى يا اختى عقبالك
يالا بقه ياتيمو نروح نقعد على الكورنيش ياحبيبى نا كل ذرة ولب
تامر / يابنت المجنونه
شرين / بتقول حاجه ياتيمور ياحبيبى
تامر / لا ابدا ياحياتى
طيب سلام بقه ياليلى اما اشوف اخرتها من الجنان ده
ليلى / رقم موبيلك لسه زى ما هو ولا غيرته
تامر / لسه زى ما هو يا.......... هو هو زى ما هو
ليلى / اوكى ياتيمور هكلمك سلام
تامر / سلام ياروحى
شرين / طلعت روحك وكمان بتعكسها قدامى طب خد
تامر / اه اه اه اه اه اه اه، يامجنونه
http://www.alriyadh.com/2007/01/07/img/071028.jpg
بقلم
تامر على الطويل
امير الجروح
http://up.graaam.com/uploads/imag-4/graaam-41b93d73ebf.gif
ولسه للحديث بقيه
http://www.ibtesama.com/vb/imgcache2/92274.gifhttp://www.ibtesama.com/vb/imgcache2/92274.gif
بقلم
تامر على الطويل
امير الجروح
هشام عبداللطيف 31-07-2011, 07:37 PM حبيب قلبى والله يا تامر
قصه ميه ميه بتضحك الواحد يابنى والله بدل من الملل بتاع الاجازه
متنسناش يامعلم وكل سنه وانت طيب
تامر الطويل 31-07-2011, 09:17 PM يوميات اتنين مش متفقين
الحلقه السادسه
بعنوان
كريم إتخطف
00000000000000
شرين / يالا يااستاذ اجرى شويه ، انا عايزة اروح اخد اخويا كريم واروح
ومش عيزاك تكلمنى تانى
خلى بقه الست ليلى تنفعك
تامر / يامجنونه ، ليلى دى جارتى
وبقالها 3 سنين مسافره ولسه جايه ، واظن عيب قووى لما اشوفها ومش اسلم عليها ، هتقول عليا قليل الزوق
شرين / خليك مش قليل الزوق وخليها تنفعك بقه
ادينا وصلنا لمحل سامح اتفضل ادخل هاتلى اخويا ، خلينى امشى
تامر / فى ايه ياشرين ، ماخلاص بقه ، واوعدك انى مش هكلها تانى
دى حتى حلوة وملزقه كده
شرين / حلوة !! امشى ياتامر هات اخويا من عند صحبك قبل ما افضحك فى الشارع
تامر / خلاص 00 خلاص ، مجنونه وتعمليها
ياسامح واله ياسامح يافقر
سامح / ايوة ياتامر ؟؟
تامر / نقيت فيها يافقر ، ادى الخروجه انضربت بوشك الفقرى ده
هات الوله كريم خلينا نمشى
سامح / كريم ، ايه ده هو مش معاكم ولا ايه
تامر / وحياه أمك !!
شؤين / اخويا ، اخويا
اخويا فين ياتامر؟؟
الواد ضاع ياماما
تامر / اهدى شويه ياشرين ، خلينى افهم من الحمار ده ، الواد راح فين !!
سامح / هو مين اللى حمار ياتامر ، بقه ده جزاتى انى كنت بخلى بالى من المصيبه ده
انت متعرفوش ده شيطان ، انتوا مشيتوا من هنا والواد اتجنن ، دمرلى المحل ، الله يخرب بيتكم
واله ياتامر مش انت شريكى فى المحل ده ، انا خلاص هفض الشركه اللى بينا
واقولك حاجه تانيه انا متنازل عن فلوسى خد المحل كله ، اشبع بيه
هو ده واد ولا طفل زى الاطفال العاديه ، ده قرد
ومن غير سلام ، جاتكم القرف
تامر / شوفتى القرد ، اقصد اخوكى عمل ايه فى صحبى ، جننه
شرين / انا عايزة اخويا ياتامر
تامر / خلاص بطلى مناحه انا عارف ، مين هيجيبهولنا
شرين / مين ؟؟
تامر / مافيش غيرة المعلم حماصه
وعند المعلم حماصه كان ما كان
تامر / حماصه بيه احنا بقلنا ساعه قعدين القعده السوده دى ومفيش اى اخبار عن كريم
ياريت يكون الداعى شر ويكون تاه ونخلص منه بقه
ده ياما قطع عليا انا وشرين وياما قال كلام زفر زى لسانه
شرين / انت بتدعى على اخويا ماشى ياتامر وادى دبلتك اهيه
ايه ده فين الدبله إلحقنى ياتامر انا اتسرقت
تامر / وحياه طنط بطلى استعباط لو هنفركش انا عاوز دبلتى دى ب 35 جنيه انتى فكرانى ايه كروديه
شرين / بستعبط ايه يابنى ادم انا اتسرقت بجد
تامر / ايه ياحماصه احنا جاين ليك علشان تجبلنا كريم ولا علشان تقلبنا
ميغركش منظرى واياك تقول فى بالك ده عيل سيس ده انا صايع
الدبله بتاعه شرين ترجع حالا ياإما
حماصه / ياإما ايه ياضى
تامر / ياإما سمعتك هتبوظ يامعلم ويقولوا الناس عليك ضيوفك بيتسرقوا فى حضورك ياسيد الناس
حماصه / واله ياجعر خد ياض مين إللى قلاب الشاب والانسه الكوركات دول ياغجر
الجعر / والله يامعلم حماصه ما انا دى البنت نوسه ياسيد الناس
حماصه / رجعولها الدبله ياغجر هبوظوا سمعتنا بين المجرمين
شطه / يامعلم حماصه ، يامعلم حماصه المطلوب لقناه يامعلم كانت خطفاه المعلمه حمديه ولحقناه قبل متعمله عاهه علشان يشحت مع زميله
شرين / يانهار اسود عاها
تامر / خلاص ياشرى الحمد لله جات سليمه والواد رجع اهوة صاغ سليم
راجل والله يامعلم حماصه مش عارف اودى جميلك دى فين ياكبير نردهالك فى السجن ان شاء الله
هات الوله كريم بقه علشان احنا اتاخرنا قوى وابوها ايده طويله ومش بيتفاهم غير باالاقلام وامها حماتى حبيبتى ممكن تحرمنى من الاكل وانا مش ناقص مش كفايه قلبونى فى الموز والسودانى
حماصه / اجيب مين يااخويا الواد وحلوتى فين ولا هتكولها عليا علشان اعرف ابوك الشغل شغل ياخرنج
تامر / يعنى ايه يامعلم انت عاوز منى فلوس تمن ماجبتلنا الواد الغتت اخوها ده ياريته مارجع
شرين / انت بتقول ايه ياتامر اخويا يساوى فلوس الدنيا كلها ادفعله
تامر / ادفعله ايه العنطظه اللى انتى فيها دى وكأنى مدير بنك
انا اخر 2 جنيه كانوا معايه جبتلك بيهم الترمس على الكورنيش ساعت ملغتيهم لوحدك يامفجوعه ومهنش عليكى تدينى ترمسايه واحده
شرين / يعنى ايه هتسيب اخويا عنده ولا ايه ؟؟
تامر / اهدى بس انا هتفاهم مع المعلم الراجل الجدع الشهم ابن الناس الطيبين
قولت ايه يامعلم حماصه ؟؟
حماصه / انت هتجننى ياض هو انت قولت حاجه اصلا
تامر / اه معلش احنا هناخد الواد كريم منه لله واوعدك بعد اسبوع هرجعلك ب 20 جنيه مرة واحده ياعم كده تمام
حماصه / هههههههههه 20 جنيه ياروح الننه دول تروح تجبلك بيهم بمبرز وانت ماشى
تامر / ليه بس كده يامعلم لاحظ انى معايه المزة بتعتى وده عيب
امال عاوز كام بس ؟
حماصه / انا عاوز 5 باكوا مقفولين
شرين / يانهار اسود 5 الاف جنيه مرة واحده دول يجوزونا
تامر / انت بتهزر يامعلم صح بقه بزمتك ده شكل واحد حلته 5 مليم
داانا بقضى عشايه نوم يامعلم
طب بص شغلنى عندك بيهم
حماصه / والله فكرة انا محتاج واحد متعلم زى حلاتك يمسكلى حساب السرقه بتعتى
انا موافق
واله ياجعر سلم الواد لأخته ووصلهم بره
شرين / تامر خلى بالك من نفسك ياحبيبى
تامر / حبك برص يابعيده انتى واخوكى وسامح الله يخرب بيته
روحى يااختى ونامى فى بنى ادم زى القمر هيشتغل مع مجرمين بسببك منكم لله ياعيله غجر
شرين / انا بحبك قوى ياتامر بجد انت راجل
تامر / بنت انتى بلاش تنقطينى غورى امشى
شرين / هكلمك بليل اطمن عليك ياقلبى
تامر / حد يضرب البنت دى
دى هتشلنى
وللحديث بقيه
بقلم
تامر الطويل
smart5533 31-07-2011, 10:06 PM متتاخرش وحط باقى الحلقات بسرعه قبل ما ننسى
وبجد انت كاتب رائع بل اكثر من رائع وربنا يوفقك
تامر الطويل 01-08-2011, 11:47 AM متتاخرش وحط باقى الحلقات بسرعه قبل ما ننسى
وبجد انت كاتب رائع بل اكثر من رائع وربنا يوفقك
ربنا يخليك يارب بجد نورتينى وحالا الحلقه الجديده هتنزل اهداء ليكى
تامر الطويل 01-08-2011, 12:25 PM يوميات إتنين مش متفقين
بعنوان
Prison Break
الهروب الكبير
http://sadadubai.com/up/uploads/ce6026bc0c.gif
http://www.nsaayat.com/up/uploads/nsaayatfe575b19a7.gif
شرين / ألوووووو
ايوة ياتامر ياحبيبى اخبارك ايه، وسط المجرمين الوحشين دول
تامر / اخبارى زى الزفت ، زى عمايلك يابعيده
بقه كده تسبينى ياشرين وتخلعى
ماطمرش فيكى اللب ولا الموز إللى كنت بجبهولك، ومعملك معامله القرد
والله انا شاكك فيكى شكلك هتعمليها وتتجوزى واحد غيرى من اصحاب العقارات وانا اخد البومبه
وحماصه يشغلنى صبى من صبيانه
شرين / هههههه هو انا اقدر برضه ياحبيبى
انت عندى بالدنيا
انت لسه مش نمت لحد دلوقتى
تامر/ أنام ازى يابنتى
ده فيه واحد هنا قاعد 24 ساعه بيشخر ومش اى تشخير يابنتى ده عامل زى سرينه المطافى إللى راكبه فوق عربيه المطافى اللى كالعاده جيه بعد الحريقه ما خلاص طفوها الناس
شرين / انا بكرة الصبح من بدرى هجيب الفلوس واجى اخلصك من إدين حماصه وعصابته المفتريه
تامر / هتجيبى 5 الاف جنيه منين بقه يااختى
يخرب بيتك عملتيها ياشرين وإشتغلتى رقاصه فى شارع الهرم
يادى الفضايح أودى وشى فين قدام ابويا لما يسألنى عن مراتى اللى ضيعتنى وضيعت شرف العيله وخليته فى التراب وفضحتنى واشتغلت رقاصه
أودى وشى فين من عم عبده بتاع الترمس لما يقولى ياجوز الرقاصه
شرين / اهمد بقه الله يهدك مين قالك انى هشتغل رقاصه بس
تامر / الله امال هتجيبى 5 الاف جنيه منين
هتلعبى كورة
شرين / لاء ياخفيف مش هلعب كورة
انا 00 انا00 انا
تامر / يانهار اسود هى وصلت ل أنا 00 أنا 00أنا
يبقه مصيبه سوده زى عميلك
شرين / بص بقه من الاخر انا هبيع الشبكه بتعتى
تامر / مش بقولك مصيبه سوده زى وشك
هتبيعى الدهب اللى فضلت 6 سنين احوش فى تمنه لحد
يابنتى اعقلى ده الدهب ده انا اتهزقت من أبوكى كتير بسببه وحماتى القمرايه ( منها لله ) ربنا يخليها يعنى
كل اما تشوف وشى تقولى جبت الشبكه يامنيل
إوعى ياشرين الدهب ده الحاجه الوحيده اللى ربطانى بيكى ومصبره ولدك و ولدتك عليا ولو بعتيه دلوقى ممكن يفسخوا خطوبتنا
شرين / امال اعمل ايه بس
انا مش قادرة اتحمل فراقك ولا بعادك عنى ياتامر
انت من ساعه ما بعدت عنى وانا حسه ان روحى مش معايه قلبى مابقاش يدوق زى الاول من خوفه عليك
تامر / الله الله ياريتك إتخطفت من زمان ياكريم علشان اسمع احلى كلام
انا كل اسبوع هوصى المعلم حماصه يخطفه شويه وكل اسبوع ليه
كل يوم كل دقيقه كل ثانيه
شرين / بس بقه ياتامر انت بتهزر ومش حاسس ب إللى جوايه
تامر / مش تخافى عليا ياقلبى انا جتلى فكرة إنما ايه جامده وهنفزها حالا بس ادعيلى تنجح بس
شرين / خطه ايه ؟
تامر / بكرة اقولك ودلوقتى تصبحى على خير ياقلبى
شرين / وانت من اهل الخير ياحياتى انا بكرة الصبح هجيلك
تامر / لالالالالالا اياكى تيجى احسن الخطه تبوظ وبدل ما اهرب نتمسك احنا الاتنين وفى واد هنا غبى مش بيتفاهم غير بريحه شرابه المعفن
وساعتها يدخل الغتت الكبير كريم اخو شرين عليها الاوضه ويبدء شغله الغلاسه
كريم / انا جعان
شرين / جعان الساعه 2 بليل روح نام ياكريم وبطل غلاسه
تامر / هو الواد ده ورايه ورايه بغلسته قوليله
انا لسه نقذك يامعفن من ادين المعلم حماصه واتدبست مكانك يارخم
ارحمنى بقه واخلع خلينى اقول الكلمتين
كريم / مين معاكى على الموبيل اكيد ده خطيبك المعفن ابو جزمه مقطعه
شرين / عيب كده ياكريم
تامر / سمعتك ياله والله ما انا سيبك
بقه انا جزمتى مقطعه ياحافى
شرين / سيبك منه ياحبيبى وقولى انت هتهرب من عند المعلم حماصه ؟؟
تامر / ومش اى هروب انا لسه شايف من اسبوع مسلسل
Prison Break
الهروب الكبير
شرين / وكده هتعرف تهرب من المعلم حماصه وعصابته
إعقل ياتامر دول ممكن يقتلوك
تامر / إنت فاكرانى شوفت جزء واحد ولا إيه
أنا شوفت الاربع اجزاء كلهم يابنتى
ودلوقتى برسم الخرابه كلها على قميصى وههرب بعد ما أخلص رسم خطه الهروب
بس إدعيلى القلم ده مش يخلص وانا برسم
شرين / بس بطل المسلسل رسم الخريطه على جسمه مش على القميص
تامر / ايه ياشرين انتى عيزانى اشوة جسمى وخلاص ماله القميص يعنى
وساعتها يدخل المعلم حماصه على تامر وهو بيتكلم ويقوله بصوته اللى عامل زى مدفع رمضان
المعلم حماصه / انت بتعمل ايه ياضى ياخرونج اتنيل نام ورانه سرقه بكرة
عوزة تتظبط فى الدفاتر
الله يخرب بيتك انت فاكرة مال حرام
شرين / إيه الصوت ده ياتامر فى ايه ؟؟
تامر / فى جحش قصادى ياحبيبتى ولا زم اقفل دلوقتى
سلام ياعمرى
شرين / خد بالك من نفسك ياحبيبى
تامر / حاضر ياقلبى مع السلامه
فى ايه يامعلم حماصه هو الواحد ما يعرفش يتكلم كلمتين من الحته بتعته ولا ايه فى ام الخرابه دى
ولا علشان سكتلك يعنى افتكرتنى واد خيخ من بتوع بابى ومامى وبسكويت محشى
لاء فوق شوف انت بتكلم مين دأنا تامر على سن ورمح
اللى مشيب شارع 6 اكتوبر و7 اكتوبر وكل عيله اكتوبر
المعلم حماصه / أما صيح صدق المثل اللى قال
اللى مايعرفك يجهلك
خد ياسيد المعلمين
تامر / ايوة كده صحيح عالم مابتجيش غير بالتاكس
عايز ايه ياض
المعلم حماصه / عايز أعلم على وشك ياإبن التيت
خد
تامر / اه اه اه اه اه
استنا يامعلم فى دعوايه واقفه فى ظورى
يخرب بيت الحب وسنينه
منك لله ياشرين انت وحماتى وحمايه يارب اشوفكم واقفين فى طبور العيش
كمل ضرب يعم
تتبع إنتظرونى
بقلم
امير الجروح
تامر الطويل
*sondos* 01-08-2011, 02:00 PM ربنا يخليكى يارب بجد بعد كلامك الجميل ده مش لاقى كلام اقوله
بجد شكرا ليكى وحالا الحلقه الجديده اهداء ليكى يارب تعجبك
ويخليك يارب يا تامر
حقيقي قلمك ممتاز جداً في الكتابة
ما شاء الله عليك تسلم على الإهداء
الحلقات كلها تجنن ومستنيين الهروب الكبير إن شاء الله
:)
هشام عبداللطيف 01-08-2011, 08:02 PM هههههههه الواد ده مش طبيعى ابداً
وانت اللى مش طبيعى ابدا ياتامر بتأليفك قصه بالجمال والتصور الرائع ده
منتظر التكمله
تامر الطويل 01-08-2011, 09:49 PM ويخليك يارب يا تامر
حقيقي قلمك ممتاز جداً في الكتابة
ما شاء الله عليك تسلم على الإهداء
الحلقات كلها تجنن ومستنيين الهروب الكبير إن شاء الله
:)
ربنا يخليكى اختى الغاليه سندس وبجد كلامك الجميل ده ، وسام على صدرى
هههههههه الواد ده مش طبيعى ابداً
وانت اللى مش طبيعى ابدا ياتامر بتأليفك قصه بالجمال والتصور الرائع ده
منتظر التكمله
ربنا يخليك ياغالى انت اللى عيونك جميله علشان كده شوفت قصتى جميله بجد نورتنى
تامر الطويل 01-08-2011, 09:58 PM يوميات اتنين مش متفقين
بعنوان
لاب لوب وفار نسوانى
http://sadadubai.com/up/uploads/ce6026bc0c.gif
http://www.nsaayat.com/up/uploads/nsaayatfe575b19a7.gif
يدخل صبى المعلم حماصه على تامر وهو مرمى فى المخزن بعد العلقه السخنه اللى ادهاله المعلم حماصه ويقوله
زنخ صبى المعلم حماصه / واله ياجعر
ماتفوق بقه ياض ولا انت هتقضيها نوم
انت فاكرها ايه لوكانده
تامر / اه يانى يااما
اه ياكلى اللى اتكسر ياأما
عاوز ايه يابوز الاخص انت كمان
ولا اوريك شغلك زى معلمك
اه يانى يلى مافيش حته سليمه فيا
وكمان القميص اتقطع الخطة اللى رسمتها على القميص باظت يااما
ابنك مش هيهرب زى بطل مسلسل برزن بريك يااما
يافرحت احمد السقا فيا
زنخ صبى المعلم حماصه/ ماتقوم بقه ياضى ولا أنديلك معلمى يقومك
تامر / انا معتصم هنا ومش قايم غير لما يجوا بتوع حقوق الانسان وبرنامج 90 دقيقه
وممكن الاستاذ مفيد فوزى يشرف برضه
بس ميجيش يقولى الناس فى بلدى يتسألون
انا قعدت سنه أتبعه علشان اعرف هما مين الناس دول ما عرفتش
اظاهر كانوا قريبه وبيشتغلنا
فهمت ولا اعيد تانى
ولا عقلك زى اسمك زنخ ومافهمتش
زنخ صبى المعلم حماصه / اظاهر انك مش هتيجى غير بالعافيه
واله ياجعران
تامر / جعران مين ياحيوان
إنت فاكرنى بخاف هات جعران وانا اخلهولك صرصار ومن غير شنب كمان
اظاهر الطيبه مش هتنفع مع اشكلكم
وساعتها يدخل واحد زى الجته وزى الونش
انا اول ما شوفته افتكرته عربيه رمسيس محمله ركاب
بصتله بصه عنتر ونفخت نفسى وشمرت كم قميصى و وقفت وقفه إستعداد من بتوع الكونغ فو إللى كنت بتفرج عليهم فى التليفزيون وقولتلهم
تامر / الباب منين ياجماعه كده هنتأخر على سيد المعلمين
وقدام المعلم حماصه ومجموعه الحرميه بتوعه
المعلم حماصه / خد ياض تعاله واحسب الحسبه دى
قال ايه الوادالجعر ده عايز ينصب عليا
فاكرنى كورك
تامر / بقه فى حد يقدر ينصب برضه على سيد المعلمين جاتك القرف
المعلم حماصه / هو مين ده ياضى !!
تامر / الجعر اللى عاوز ينصب عليك يامعلم
انت جاتك المصايب
واهى كلها خيرات بالنسبه ليك
سرقه00 خطف00 بلطجه
المعلم حماصه / اسكت بقه صدعتنى
واسمع الحكايه
الواد الجعر ده كنت مديه امبارح 73 جنيه
علشان يشترى لاب لوب ويجيب 3 كيلو كفته
تامر / معلش يامعلم اسمحلى اقطعك
يعنى ايه لاب لوب ده ؟؟
المعلم حماصه / وعملى فيها استاذ ومتعلم
وانت مش عارف يعنى ايه لاب لوب
تامر/ والله ما درسناه فى المدرسه يامعلم ولا حتى فى الكليه
هى انجليزى دى ياسيد المعلمين
المعلم حماصه / انجليزى ايه ياضى دى فار نسوانى من بتاعت بلاد بره
تامر / هو انا فهمت يعنى ايه لاب لوب لما هفهم فار نسوانى ده كمان
زنخ صبى المعلم حماصه / ياجدع فار نسوانى من بتاع الاجانب
تامر / هى حتى الفران دلوقتى بنستوردها من بره
عمار يامصر يا ام الدنيا
المعلم حماصه / فران ايه ياجدع انت
انت عاوز تجننى
تامر / ما انا مش فاهم يامعلم
زنخ صبى المعلم حماصه / ياجدع فار نسوانى اللى بيتكلمها الناس بتوع بره
اللى الريس بتعهم جمع الحددين وشغلهم عنده
تامر / ريس من بلاد بره جمع الحددين وشغلهم عنده
ليه كانوا بيبنوله ايه ؟؟
زنخ صبى المعلم حماصه / كانوا بيبنوله برج
وحتى سماه على اسم المزة بتعته البت ايفل
تامر / يخرب بيوتكم برج إيفل
بقه رئيس فرنسا جمع الحددين وخلاهم يبنوله برج وسماه على اسم المزة بتعته ياعالم غجر
اعجوبه من عجائب الدنيا السبعه بقت هديه لمزة
على كده الفار نسوانى ده يبقه فرنساوى
الله يخرب بيوتكم شوهتوا التاريخ
طب الفار النسوانى وعرفناه يبقه ايه بقه ال لاب لوب ده كمان
المعلم حماصه / انت اظاهر غبى وهتتعبنا معاك
الاب لوب ياجدع الجهاز الصغير ده اللى فيه المزز الكتير اخو الكمبيوتر الصغير ياغبى
تامر / إنت تقصد لاب توب
المعلم حماصه / اسمه لاب لوب ياحمار
وعملى فيها متعلم ومتنور
تامر / فعلا انا اللى غلطان
منك لله ياشرين
المهم كمل نستنى الحكايه جاتك القرف
المعلم حماصه / هو مين ده اللى جاته القرف ياضى ؟؟
تامر / اى حد يزعلك يامعلم
المعلم حماصه / اه بحسب المهم
وبعدين قال ايه رجعلى ب الاب لوب وال3 كيلو كفته
والفلوس ناقصين 15 جنيه شوفت السرقه اللى عينى عينك
تامر / سرقه
بقه انت مدى للراجل 73 جنيه
الراجل رجعلك ب لاب توب و3 كيلو كفته
ورجعلك بالفلوس ناقصه 15 جنيه بس وكمان زعلان دإنت معلم إبن تيت وتستاهل ضرب الصرم ياجزمه
المعلم حماصه / انت بتغلط فيا ياض طب وحياه الست الولده ما هيطلع عليك شمس
زنج صبى المعلم حماصه / اكيد هيقف فى الضل يامعلمى
المعلم حماصه / إتكتم ياض وروقلى الجعر ده إنت والرجاله
عايز لما تشوفه المزة بتعته متعرفوش
تامر / ليه هى البلد سيبه
البلد فيها بوليس وحكومه تاكل الظلط
هما صحيح بيجوا ديما فى النهايه بعد المصيبه
بس أهم بيجوا
وساعتها يسمع الكل صوت عالى جاى من مكرفون بيقول
المكان كله محاصر سلم نفسك ياحماصه إنت ورجالتك
ومافيش داعى للمقاومه
ده اخر انذار وبعدها هنقتحم المكان
تامر / والله الظابط ده بيستعبط ازى اخر انذار
هو قال اول انذار أصلا
إقتحم المكان ياعسكرى انت وهو
هجوووووووووووووووم
تتبع إنتظرونى
بقلم
امير الجروح
تامر الطويل
rana rory 01-08-2011, 10:18 PM انا متابعه قصص حضرتك
وبجد احب احيك على عملك الرائع
منتظره باقى القصه
رنا مصطفى
لوجين20 01-08-2011, 10:41 PM هجووووووووووووووووم
اكيد شيرين هيه اللى باعتتهم
شكلها استعوقت تمورة
هههههه
والله تجنن يسلم قلمك يا امير الجروح
حلو اوى الواد اللى فى توقيعك ده
الفيلم كله يجنن اصلا زى يومياتك
موتابعه باهتمام
تامر الطويل 01-08-2011, 11:08 PM انا متابعه قصص حضرتك
وبجد احب احيك على عملك الرائع
منتظره باقى القصه
رنا مصطفى
ربنا يخليكى يارنا يارب وانا سعيد جدا بكلامك الجميل ده
وبجد كلامك ده بيخلينى اكتب واكتب لحد ما انام وانا بكتب بجد نورتينى اختى الغاليه
امير الجروح
تامر الطويل 01-08-2011, 11:11 PM هجووووووووووووووووم
اكيد شيرين هيه اللى باعتتهم
شكلها استعوقت تمورة
هههههه
والله تجنن يسلم قلمك يا امير الجروح
حلو اوى الواد اللى فى توقيعك ده
الفيلم كله يجنن اصلا زى يومياتك
موتابعه باهتمام
ربنا يخليكى اختى الغاليه لوجين وانا كاتب قصه بطلتها اسمها لوجين اسم القصه ( صحيت من النوم الصبح )
بجد نورتينى وانا من عشاق شاروخان الممثل الهندى الرومانسى الجميل
امير الجروح
تامر الطويل 01-08-2011, 11:13 PM يوميات اتنين مش متفقين
بعنوان
امير وهاجر
http://sadadubai.com/up/uploads/ce6026bc0c.gif
يارتنا كلنا نتعلم من قصه
درس يفيدنا فى حياتنا
السلام عليكم
http://sadadubai.com/up/uploads/ce6026bc0c.gif
http://www.nsaayat.com/up/uploads/nsaayatfe575b19a7.gif
ويهجم الظابط والعساكر على مقر المعلم حماصه
واول مايهجموا يلاقوا المعلم حماصه ماسك مسدس وماسك تامر من قفاه وعمله درع ليه وبيقول
المعلم حماصه / عندك ياحضرة الظابط لو قربت خطوة واحده كمان هقتل المعفن ده
تامر / حوش ياجدع الحموم اللى مقطع بعضه دأنا من ساعه ماجيت عندك ماشوفتكش بتستحمى ياراجل
كفايه رحتك ياجدع
المعلم حماصه / أخرص ياضى بدل ما أقتلك
تامر / ما انت قتلتنى برحتك المسيله للدموع يامفترى
الظابط / إعقل ياحماصه وسيب الوالد ده
المكان كله محاصر ومش هتقدر تهرب
بلاش تزود احكامك حكم تانى يوديك فى داهيه
المعلم حماصه / مش هسيبه غير لما تنفذولى طلباتى
الظابط / طلباتك
ليه فاكرنا فى أمريكا وهتتشرط كمان
زنخ صبى المعلم حماصه / معلمى عايز طياره توديه كفر الشيخ ويكون فيها بنزين 90 مش 80 من بنزينه عم حسين اللى على اول الشارع
تامر / طياره ايه يااهبل معلمك ده اخرة توكتك ويوديه الحمام او للقذافى اصله بيحب التكاتك
الظابط / بطل هبل ياحماصه انت عارف اننا مش هتفرق معانه اللوح ده يموت او يروح فى ستين داهيه
تامر / ايه ياحضرة الظابط انتى بتبعنى ولا إيه
انا رهينه وليا حق المرهونين زى الدستور ما بيقول
اديله طياره ياعم بيقولك هيخلص عليا
الظابط / ماتخفش ياإبنى لو مت هتكون شهيد وهنصرف لأهلك تعويض 223 جنيه
تامر / لاء والنبى انا عايز اموت عند امى
وساعتها تدخل شرين جرى وتزوق عسكرى على يمنها وتبص لتامر وتقوله
شرين / بقه كده ياتامر اول مرة من ساعه ما عرفتك وحبيتك مش تتصل بيا الصبح وتقولى صباح الخير ياحببتى انا زعلانه منك ومش هكلمك
تامر / زعلانه ايه ياعديمه النظر إنتى مش شايفه اللى انا فيه
انا رهينه ياهبله
شرين / ولو ياتامر انت هتعملها حجه
ده مش عزر
برضه زعلانه منك ومش هسمحك ابدا
تامر / اه يااما حد يشد البنت دى من قصادى جبتلى شلل الاطفال
وشويه وهدى ضهرى للترعه
خلى البرهارسيه تخلص عليا وارتاح من وشها
الظابط / انتى دخلتى هنا ازى
خدها ياعسكرى بره
شرين / بره فين تامر ده خطيبى
تامر / ولا اعرفها ياباشا دى مجنونه بتطردنى فى كل حته
أقبض عليها أنا شاكك انها تبع تنظيم إرهابى
الظابط / أتكتم انت وهى كرهتونى فى نفسى الله يخرب بيوتكم
ويبص للمعلم حماصه ويقوله
خلص بقه فى ليلتك السوده دى ياحماصه
هعد لحد 3 وبعدها هنضرب فى المليان
تامر / الحمد لله انا رفيع
وانا اقول ليه البنت شرين كل شويه تقولى إتخن
وأتريها عايزة تخلص منى
الظابط / 1
تامر / انت هتضرب بجد ولا ايه ياباشا
الظابط / 2
شرين / وحشتنى ياحبيبى قوى
تامر / حبك برص يابعيده
اقتل ياعم وخلصنى من المجنونه دى
أهو أموت أحسن ما تشلنى
الظابط / 3
المعلم حماصه / خلاص اوع تضرب ياباشا
انا هسلم نفسى
الظابط / هتوهم على البوكس بسرعه ياعسكرى انت وهو
ويهجم عسكرى غبى على تامر ويمسكه من قفاه ويقوله
العسكرى / قدامى يامجرم
تامر / ايه ياعم انا الرهينه المجرم اهوة
إلحقنى ياحضرة الظابط
الظابط / انت ايه جابك هنا وكنت بتعمل ايه عند مجرم زى ده
شرين / سيبه ياعسكرى
تامر مش مجرم ياحضرة الظابط
ده كان بيشتغل عند المعلم حماصه وبس
تامر / يخرب بيتك انتى بتسيحيلى متصدقهاش ياباشا انا كنت معدى فى الشارع وبعدين خطفنى رجاله المعلم حماصه وبهدلونى وسرقونى
الظابط / فى القسم ابقه قول اللى انت عايزة هتوه
شرين / مش هتخدوا حبيبى تامر
انا مش هسيبه ابدا
الظابط / متزعليش ياحلوة
هتوها معاه على القسم
تامر / ربنا رزقنى بوحده مجنونه هتودينى فى داهيه
العسكرى / قدامى انتى وهو على البوكس
وفى النيابه وبعد الكشف عن تامر وشرين افرج عنهم وكيل النيابه بضمان محل اقامتهم
ويخرج تامر وشرين من القسم
شرين / هتفضل كده ضارب بوز
يعنى ده جزاتى انى بحبك
تامر / بقه ده حب ده
شرين / انت بتزعقلى ياتامر
خلاص انا اسفه وبجد متاسفه على كل لحظه قلق عاشها قلبى فى غيابك
من النهارده خلاص مش هوريك وشى تانى وهريحك منى
تامر / ايه ده انتى بتعيطى ياشرين
خلاص بس بقه يابنتى انا مش اقصد
انا بس مدايق من الدنيا الغريبه دى
مديانه ضهرها ديما ومعذبانا معاها نفسى اعيش ولو لحظه حلوة واتجوز اللى بحبها
انتى خلاص قربتى تعفنى منى يابنتى
شرين / المهم اننا مع بعض ياحبيبى فاكر امير صحبك ، وهاجر صحبتى وحكايتهم ايام الكليه
وازى لعبوا بقلوب بعض واكتشفوا انهم عمرهم ما حبوا بعض
الحب لوحده كفايه ياتامر بس يكون حب بجد مش مجرد تسليه او لعبه بين اتنين
تامر / فاكر ياشرين وعمرى ما هنساها
الحاجه الوحيده اللى عملوها صح انهم عرفونا ببعض
ولقيتك
لقيت نصفى التانى اللى قعدت سنين ادور عليه ويجينى فى احلامى
http://sadadubai.com/up/uploads/ce6026bc0c.gif
ويرجع تامر بالذاكرة لورة 5 سنين ويفتكر قصه امير وهاجر
http://sadadubai.com/up/uploads/ce6026bc0c.gif
قصه امير وهاجر
http://sadadubai.com/up/uploads/ce6026bc0c.gif
امير واقف على باب شقه تامر وبيضرب جرس الباب
تفتحله والده تامر وتقوله
ولدتى / اتفضل ياامير تامر بيلبس وجاى حالا
امير / براحته ياطنط هناخد ايه من الكليه يعنى غير وجع الدماغ وفى الاخر هنقعدعلى القهوة مع كل العطلين ههههههه
ولدتى / ليه التشأم ده بس ياامير إن شاء الله ربنا هيكرمكم كلكم
وساعتها يرن موبيل امير فيبص للرقم ويديه بسرعه لولدتى ويقولها
امير / رودى على البنت هاجر دى ياطنط وقوللها انى مش هنا
اصلها بنت لزقه قوى وبترمى على جواز
ولدتى / حرام عليك ياامير طيب لما انت مش ناوى تتجوزها يبقه ليه من الاول كلمتها وشغلتها بيك
امير / هى من الاول كانت عارفه انى بتسلى بيها وهى كمان كانت بتتسلى وبتقضى وقت جميل معايه وخلاص
ردى بس عليها ياطنط احسن دى مش هتبطل رن
ولدتى / الووو
هاجر / السلام عليكم
ولدتى / وعليكم السلام ورحمه الله وبركاته إزيك ياحبيبتى انا ولده تامر صديق امير
بقولك ايه الولد امير ده بيلعب بيكى ومش بتاع جواز
وبيقولى اقولك انه مش موجود
امير / ايه ياطنط اللى بتقوليه ده
دى بنت مفتريه انت متعرفهاش
ولدتى / يابنتى خلى بالك من نفسك ومش اى حد يقولك بحبك يبقه فعلا بيحب
الانسان اللى بيحبك بجد اكيد هو اللى هيحافظ عليكى وهيخاف عليكى اكتر من نفسه وهيخلى العلاقه فى النور ويروح لأهلك على طول يطلبك منهم
هاجر / يعنى امير طول الفترة دى كان بيخدعنى ياطنط
ولدتى / مش هو لوحده اللى كان بيخدعك انتى كمان كنتى بتخدعى نفسك
هاجر / اوكى ياطنط انا فعلا اللى استاهل
انى حبيت ندل زيه
مع السلامه ياطنط
امير / ليه كده ياطنط
اكيد دلوقتى شتمتنى
ولدتى / متخفش ياحبيبى دى قالت عليك ندل بس
يابنى بنات الناس مش لعبه واللى مش ترضاه لأختك مترضهوش لبنات الناس
http://sadadubai.com/up/uploads/ce6026bc0c.gif
وساعتها يخرج تامر وهو بيضحك وبيبص ل أمير ويقوله
http://sadadubai.com/up/uploads/ce6026bc0c.gif
تامر / ولدتى ضيعتك يامعلم ايامك سوده لما تشوفك هاجر فى الكليه
دى اديها زى المزربه يابنى
الله يرحمك ياامير هههههههه
امير / انت كنت رامى ودانك انت كمان يالله ياعم خلينا نروح الكليه
ولو حصلى اى حاجه والبنت هاجر إتهورت متبعنيش ياتامر كالعاده وتخلع
http://sadadubai.com/up/uploads/ce6026bc0c.gif
ويمشى امير وتامر على الكليه
http://sadadubai.com/up/uploads/ce6026bc0c.gif
وعلى الجانب التانى وفى بيت هاجر
http://sadadubai.com/up/uploads/ce6026bc0c.gif
هاجر تقفل السكه مع ولده تامر وتنهار فى العياط
وجمبها صحبتها شرين اول ما تشوفها بالشكل ده تقولها
http://sadadubai.com/up/uploads/ce6026bc0c.gif
شرين / أنا قولتلك مليون مرة قبل كده ان امير ده مش بتاع جواز دة كبيرة يمشى مع واحده شهر
بس انتى مش بتسمعى الكلام وديما مخليه قلبك هو اللى ممشيكى وموديكى فى داهيه
هاجر / ده كان بيقولى بحبك وهفضل جمبك طول العمر ياشرين
معقول كل الكلام ده كان كدب فى كدب
شرين / الكدبه دى انتى اللى كدبتيها على نفسك وصدقتيها كمان
انا واصحابى كلنا قولنالك ان امير ده ملوش قلب وبيلعب بقلوب البنات كل شويه مع واحده
وبرضه مش صدقتينا وجريتى وراه زى الهبله
هاجر / ده قالى انه هيجى يخطبنى من بابا الاسبوع الجاى
معقول كان طول الوقت دى بيخدعنى
شرين / خلاص بقه اهدى ياهاجر ويالله نروح الكليه
احنا إتأخرنا وهتفوتنا المحاضرة
هاجر / انا عايزة انتقم ياشرين منه
عايزة أكله بسنانى
شرين / لو على الانتقام والازيه سبيها عليا
يالله بينا
وتمشى شرين وهاجر على الكليه وجوة شرين وهاجر مصايب وكوارث فى انتظار الانفجار فى وش امير وكل شخص يقف جمبه ( الله يرحمك ياتامر )
http://sadadubai.com/up/uploads/ce6026bc0c.gif
وفى الكليه واقف تامر وامير وكل لحظه امير يبص وراه وحوليه بخوف فايبصله تامر ويقوله
http://sadadubai.com/up/uploads/ce6026bc0c.gif
تامر / فى ايه يابنى خيلتنى
انت ليه محسسنى ان فيه حد هيضربك على قفاك ويجرى
امير / عاجبك كده عمايل امك ودتنى فى داهيه
انا متأكد ان البنت هاجر دى مش هتسكت
تامر / هههههه هى دى اول مرة تخلع من واحده ما انت ياما عملتها اشمعنا دى يعنى اللى خايف منها بالشكل ده
امير / يابنى ادم افهم انا اى واحده بلعب عليها دور العاشق الولهان لما اعوز اخلع منها ارسم عليها ان المشاكل الماديه هى سبب فراقنا وانى بضحى علشانها ببعادى عنها مع كام دمعه وتنتهى الليله
انما دلوقتى امك ودتنى فى داهيه دى قلتلها انى بهرب منها وانى بلعب بيها
ربنا يستر
تامر / مش انت لوحدك اللى غلطت ياامير هى كمان غلطت لما خلت علاقتكم فى الضلمه مش فى النور
امير / اصل النور كان قاطع
وحياه ابوك نقطنى بسكاتك ياتامر
دى البنت هاجر دى معاها واحده صحبتها انما ايه فشر الشويش عطيه
بنت وشها يقطع الخميرة من البيت
واكيد هتجبها معاها وساعتها بقه يامعلم نبقه اتنين ضدد اتنين ونوريهم شغلهم
تامر / هو انت جبت حد تانى معاك
امير / ايه البياعه دى ياتامر انت اللى معايه
http://sadadubai.com/up/uploads/ce6026bc0c.gif
ويبص امير وتامر يلاقوا هاجر وشرين قصادهم ويبص تامر لشرين ويقولها
http://sadadubai.com/up/uploads/ce6026bc0c.gif
تامر / يخرب بيت حلاوة امك بقه فيه حلاوة بالشكل ده
بقه دى الشويش عطيه ياكداب
شرين / نعم يااخويا انت بتقول ايه ؟؟
تامر / لاء ابدا ياعم الحاج انا كنت بكح فى حاجه
امير / هاجر حبيبتى عامله ايه ياقمر
إوعى تكونى زعلتى من كلام ولدة تامر صحبى اصلها ديما بتحب تهزر
هاجر / بتهزر اه يعنى انت هتتقدملى الاسبوع الجاى زى ما قولت
امير / اه طبعا ياهاجر هتقدملك امال ايه
هاجر/ خلاص يبقه تكلم بابا دلوقتى وتقوله انك عايز تقبله
امير / يااااه للاسف رصيدى لسه خالص هروح اشحن وارجع حالا اكلمه
شرين / استنا هنا انت فاكر دخول الحمام زى خروجه ياندل انت وهو
تامر / ليه الغلط ده بقه وانا مالى انا مجرد صحبه
وياما نصحته انه يبطل لعب بمشاعر البنات بس هو مسمعش الكلام
امير / الله يخرب بيتك يابعيد
هاجر / يعنى هو كان بيلعب بيا
تامر / طبعا كان بيلعب بيكى ولعب ببنات قبلك كتير
ده ناقص يحترف بره
امير / بطل هزار ياتامر البنت بدات تزوم زى الديب
شرين / من النهارده مش هيعرف يحترف بره ولا حتى جوة
انا جيباله هديه معايه بس انما ايه اكيد هتعجبه
تامر / هديه ليه هو وانا لاء
على فكرة امى هى اللى قالتلكم وانا عايز هديه انا كمان
شرين / غالى والطلب رخيص انت بالذات ليكى الهدايه كلها
لانى حبيتك
تامر / والله القلوب عند بعضها يامزة
http://sadadubai.com/up/uploads/ce6026bc0c.gif
وتبص شرين وراها وتقول بنات
ويظهر من العدم كل البنات اللى عرفها امير من الكليه وكله فى نفس واحد يقول
http://sadadubai.com/up/uploads/ce6026bc0c.gif
هجووووووووووم
ويغمى عليا انا وامير
http://sadadubai.com/up/uploads/ce6026bc0c.gif
وساعتها نفوق انا وامير نلاقى نفسنا متجبسين ومرمين فى المستشفى العام
http://sadadubai.com/up/uploads/ce6026bc0c.gif
تتبع إنتظرونى
بقلم
امير الجروح
تامر الطويل
rana rory 01-08-2011, 11:28 PM هههههههههههههههههههه
والله امير دا يستاهل
بس انا ملاحظه ان امير دا
لازم يكون فى كل قصه ليك
شكلك بتحب الاسم دا
رنا مصطفى
لوجين20 01-08-2011, 11:30 PM ربنا يخليكى اختى الغاليه لوجين وانا كاتب قصه بطلتها اسمها لوجين اسم القصه ( صحيت من النوم الصبح )
بجد نورتينى وانا من عشاق شاروخان الممثل الهندى الرومانسى الجميل
امير الجروح
تمورة
انا عايزة قصه لوجين
صحيت من النوم الصبح
انا فعلا باصحى من النوم الصبح :p
وكمان باحب شاروخ خان
ومووووتابعة يومياتك
ياامير الجروح
تامر الطويل 02-08-2011, 12:22 AM هههههههههههههههههههه
والله امير دا يستاهل
بس انا ملاحظه ان امير دا
لازم يكون فى كل قصه ليك
شكلك بتحب الاسم دا
رنا مصطفى
هههههه ليه بس ده امير غلبان قووووى
فعلا انا بحب اسم امير وبعدين انا اكتر اصحابى فعلا بيندونى ب امير مش تامر وعلشان كده هتلقيه فى كل قصصى
تامر الطويل 02-08-2011, 12:23 AM تمورة
انا عايزة قصه لوجين
صحيت من النوم الصبح
انا فعلا باصحى من النوم الصبح :p
وكمان باحب شاروخ خان
ومووووتابعة يومياتك
ياامير الجروح
ربنا يخليكى يارب انا سعيد جدا ب اسمك وب انك متابعانى
وده رابط قصه صحيت من النوم الصبح
صحيت من النوم الصبح ( بقلم تامر الطويل ) (http://www.thanwya.com/vb/showthread.php?t=236977)
لوجين20 02-08-2011, 12:45 AM ربنا يخليكى يارب انا سعيد جدا ب اسمك وب انك متابعانى
وده رابط قصه صحيت من النوم الصبح
صحيت من النوم الصبح ( بقلم تامر الطويل ) (http://www.thanwya.com/vb/showthread.php?t=236977)
متشكرة ياتامر
مع انك بتحب اسم امير
بس كمل يوميات تمورة اصلها حلوة اوى
هاروح اشوف صحيت من النوم
rana rory 02-08-2011, 09:40 PM هههههه ليه بس ده امير غلبان قووووى
فعلا انا بحب اسم امير وبعدين انا اكتر اصحابى فعلا بيندونى ب امير مش تامر وعلشان كده هتلقيه فى كل قصصى
ماشى يا امير;)
يلا انا مستنيه باقى الحلقات
متتاخرش علينا كالعاده يعنى
:stickjo4::040vk0:
رنا مصطفى :078111rg3:
تامر الطويل 02-08-2011, 10:10 PM ماشى يا امير;)
يلا انا مستنيه باقى الحلقات
متتاخرش علينا كالعاده يعنى
:stickjo4::040vk0:
رنا مصطفى :078111rg3:
حاضر حاضر من غير ضرب كفايه جوة القصه كل يوم انضرب
rana rory 02-08-2011, 10:23 PM حاضر حاضر من غير ضرب كفايه جوة القصه كل يوم انضرب
اه والله تامر دا صعبان عليا:p
اضرب ضرب يكفيه عمره كله
ومستنيه:bosyht9:
رنا مصطفى
toty61 02-08-2011, 11:03 PM :av4056bb7jp3::av4056bb7jp3::av4056bb7jp3:جامدة جدا
تامر الطويل 03-08-2011, 12:22 AM اه والله تامر دا صعبان عليا:p
اضرب ضرب يكفيه عمره كله
ومستنيه:bosyht9:
رنا مصطفى
ههههههههههههههههههه مظلوم تامر والله معاكم نورتينى يارنا
:av4056bb7jp3::av4056bb7jp3::av4056bb7jp3:جامدة جدا
شكرا للمتابعه وبجد نورتنى
هشام عبداللطيف 04-08-2011, 10:55 AM فيييييييينك يا عم تامر
نسيتنا لا ايه
تامر الطويل 04-08-2011, 12:12 PM فيييييييينك يا عم تامر
نسيتنا لا ايه
هو انا اقدر انساكم
بس بكتب يوميات كوكى والوله جاره و وخده كل وقتى حاليا وقريبا جدا هنزل الحلقه الجديده من ( يوميات اتنين مش متفقين )
smart5533 04-08-2011, 07:58 PM انت كل كتباتك رائعه جدا
ومستنين الجديد
ربنا يوفقك
bent aboha 12-08-2011, 08:00 PM بجد جميلة جدا جدا
متابعة ومستنية التكملة
تامر الطويل 06-07-2012, 02:47 PM انت كل كتباتك رائعه جدا
ومستنين الجديد
ربنا يوفقك
ربنا يخليكى يارب
تامر الطويل 06-07-2012, 02:48 PM بجد جميلة جدا جدا
متابعة ومستنية التكملة
ربنا يخليكى يارب
شيماء2000 10-07-2012, 01:47 PM بصراحه بقى القصه تحفه اوووووووووووووووووووووووووووى وممتعه جداااااا انا قراتها مرتين ومنتظره التكمله وحضرتك مطنشنا خالص
واضح ان كل مااتابع قصه لحضرتك مش تكملها بجد انا زعلانه
بس بجد تسلم ايدك وتامر هنا دمه خفيف جدا زى القصه التانيه بالظبط وكتابات حضرتك كلها رائعه بجد
تامر الطويل 10-07-2012, 03:04 PM بصراحه بقى القصه تحفه اوووووووووووووووووووووووووووى وممتعه جداااااا انا قراتها مرتين ومنتظره التكمله وحضرتك مطنشنا خالص
واضح ان كل مااتابع قصه لحضرتك مش تكملها بجد انا زعلانه
بس بجد تسلم ايدك وتامر هنا دمه خفيف جدا زى القصه التانيه بالظبط وكتابات حضرتك كلها رائعه بجد
ربنا يخليكى ياشيماء يارب : وبلاش تزعلى منى والله غصب عنى واوعدك ب التكمله قريبا: نورتينى
هـمسة 10-07-2012, 03:08 PM ههههههه القصة جميلة جدااااا
medo link 15-07-2012, 02:34 AM جميييييييييييييييييييييييييييييييييلة :))) ,, تسلم الايادي , في انتظار الجديد ,, ربنا يوفقك :))
مريم السباعى. 15-07-2012, 04:31 AM خقا انا ارئى امامى موهبة فذه
ومشروع سناريست هااااااااااااااااااااااااااااااااايل
بجد استمر بس اتمنى يكون فى قصص تانية يعنى ذات هف يعنى لاقيه اغلب الحلقات لايت كوميدى وجميلة
بس ياريت نستفاد بالموهبة الرائعة دى فى حاجة كدة تعطى قيمة او تقدم مفهوم ارجو يكون قصدى وصل
وبجد انت موهوووووووووووووب قوىمشاء الله ومنتظرين حللقاتك
تقبل مرورى
تامر الطويل 24-07-2012, 04:47 PM خقا انا ارئى امامى موهبة فذه
ومشروع سناريست هااااااااااااااااااااااااااااااااايل
بجد استمر بس اتمنى يكون فى قصص تانية يعنى ذات هف يعنى لاقيه اغلب الحلقات لايت كوميدى وجميلة
بس ياريت نستفاد بالموهبة الرائعة دى فى حاجة كدة تعطى قيمة او تقدم مفهوم ارجو يكون قصدى وصل
وبجد انت موهوووووووووووووب قوىمشاء الله ومنتظرين حللقاتك
تقبل مرورى
ربنا يخليكى يارب وانا ليا قصص تانيه فيها اهداف وقيمه غير الكوميديا لمجرد الكوميديا
زى صحيت من النوم الصبح وزى سطو مسلح
بجد سعيد جدا بردك الجميل وكلامك الاجمل
smart5533 07-08-2012, 06:47 AM فين الباقى احنا عايزين بقيت القصه احنا استينينا كتيررررررررررررررررررررررررررررررررررررررررررررررر رر اوى كملها بقى يا شاعر
|