على الاخوة المتعاقدين المتجهين الى الاعتصام الحضور مبكرا حتى نبدأ الاعتصام بداية من الساعة التاسعة للاتفاق على ما سيحدث و الالتزام بكلام منسقى الاعتصام وعدم الدخول لوكيل الوزارة وعدم الاحتكاك باى موظف من موظفى المنطقة و فى حالة وجود الحاكم العسكرى يرجى عدم التحدث معه اصلا و ترك الحديث لمنسقى الاعتصام كذا نناشدكم بالصبر و ضبط النفس لاقصى درجة ممكنة والتركيز على مطلب واحد فقط الان وهو التثبيت الفورى و ضم سنين الخدمة السابقة ولا تخافوا وتتردوا وسوف نوافيكم باهم الاخبار فور وقوعها ياريت كل الاخوة يشاركوا بأرائهم

اتمنى تكون سلمية الى اقصى الحدود
وكمان حاولو تتاكدو من هوية الموجدين فى المكان
احتمال حد يبوظ عليكم الترتيب
وكمان اعرضو مطالبكم تانى للحضور والوجوه الجديدة
حد يكون مسؤل عن كده
وماتفقدوش اعصابكم
انا معكم قلبا وقالبا
طمنونا بالجديد اول باول

بعض الشعارات

شيخ الازهر نايم ليه

هو ناموسيته كحلى ولا ايه


فين ايام الشيخ طنطاوى ع التثبيت برده مكنش ناوى


مش راجعين مش راجعين

غير لما نشرب شاى بياسمين

تثبيت + حد ادنى = خطا ف المعادله

ليس لها حل ف الحياه

مجموعه الحل فاى

ربنا يوفقكم يا رب

الرجاء فعلا عدم الاتصال باي حد غير المنسقين وما حدش يتصل بالمشيخة علشان ما نروجش الاشاعات

وعلشان الاعتصام يحتفظ بوحدته

لان اكيد فيه ناس في المشيخة حتحاول تروج للاشاعات


ولازم تبقي ثورة مش اعتصام لو حد فينا اتضر او تم الضغط عليه او تهديده

ولازم نحافظ علي الهدوء وعدم الهتاف ضد احد

نطالب و فقط

ارجو توحيد مطالب الاعتصام على شئ واحد فقط لانه الاهم وهو التثبيت/اتمنى الا ارى المدرسين يرفعون لافتات عليها الكثير من المطالب مثل المرات السابقة/ وان يكون التركيز على التثبيت فقط ومؤقتا لانه الاهم

ارجو التنسيق بين جميع المحافظات

الله يوفقنا و ينتقم من الظلمة

الاعتصام بحبل الله جميعا والاتحاد على قلب رجل واحد فالاتحاد قوه
عدم التحدث مع اى مسئول والاتفاق على مطالب موحدة بعد اجتماع المنسقين
ان لا يكون الاعتصام لساعات معدودة كما حدث قبل ذالك لذالك يجب ان نجهز انفسنا جيدا للمبيت واعداد خيام والحذر من الاحتكاكات المباشرة وغير المباشرة والشائعات التى تطلق من قبل المندسين
والله الموفق

ثورة ثورة حتى النصر