السلام عليكم ورحمة الله وبركاته
عاملين إيه ياجماعة
مفيش فايدة أنا دخلت هنا كتير وقرأت مواضيع كتير وده كان الطابع العام ، مفيش فايدةةةةةةةةةةةة
طبع هي فائدة بس بتتقال كده بالعامية
المهم
حبيت ياجماعة أقول ليه مفيش فايدة ؟
ليه دائماً تلاقي ناس متشائمة علطول مفيش عندهم كلمة يارب
مفيش عندهم كلمة إن شاء الله خير
مفيش عندهم بكره هيكون أحسن
ياجماعة إحنا كنا فين وبقينا فين
كنا شعب جبان بنخاف حتى من العسكري كنا بنقوله ياباشا
فكرين ولا نسيتم
وكنا مدرسين بالأجر فمنّ الله علينا فأصبحنا مدرسين مساعدين
وبنتثبت كمان
لالالالالالالا
ومرتبنا من 100 جنيه حد أقصى هيبقى 700 واكتر ان شاء الله
الأجر كان أقصى أمل لهم العقد زي ما كنا إحنا أملنا كده
ودلوقتي بيقولوا لهم عقد مميز لحد ما تدخلوا إمتحان الكادر وبعدين تتثبتوا
يبقى بحق يجب أن نقول شكراً فمن لم يشكر الناس لا يشكر الله
ولكن للأسف فيه ناس لا تنزل الناس منازلهم
بيشتموا الوزير
سبحان الله كنا بنخاف من الغفير ودلوقتي بنشتم الوزير
ياريت ياجماعة نجعل الله رقيبنا ونتذكر أننا في عهد الغير مبارك كنا أخر أملنا نجدد العقد
وكنا بنخاف من كل حاجة فكرين إمشي جنب الحيط
ياريت نشكر ربنا على نعمته ونفائل بالله خير فهو الرزاق
ونحترم من يستحق الإحترام ونتذاكر أننا مدرسون قدوة منزلتنا منزلة رسل الله فهم كانوا يعلموا الجاهل وكذلك نحن
ربنا يسهل لنا ويتقبل منا جميعاً رمضان ويحسن به أخلاقنا
والسلام عليكم ورحمة الله وبركاته

الحمد لله فى كل وقت
كل سنة و حضرتك و كل المنتدى بخير

وإنت وجميع المسلمين بخير ياأخي الحبيب
اللهم ولي من يصلح ومن يُصلح به الله الأمور
اللهم آمين

انشاء الله بكرة احسن

من النادر انى اشوف عضو جديد على المنتدى متفاؤل
ودى فى حد ذاتها بشرة خير

السلام عليكم ورحمة الله وبركاته
أكيد ياأخي بكره هيكون أحسن
ولازم أكون متفائل مادام الله موجود
هو بيدبر أمري وأمرك أزعل ليه وأتشائم ليه
شوية عسر وشويه يسر حتى لا نكفر النعمة واختبار لينا
والله ياجماعة لو فكرنا في حال إخونا في الصومال والعراق وفلسطين وأفغانستان وغيرهم تهون علينا حالنا
ونقول الحمد لله وربنا هيكرمنا
يارررررررررررررررررررب