انا عارف انه مش وقته بس تنسيق 2012 كارثة ملهاش حل [الأرشيف]

karimadel7

27-07-2011, 12:27 AM

السلام عليكم
انا عارف ان الناس كلها مشغولة بتنسيق السنادي
بس في كارثة احنا مقبلين عليها السنة الجاية

بعد ما ترتيب موقع الاستاذ نزل اتصدمت
انا جايب 204 لقيتني 550 علي علمي و 556 علي الجمهورية

المهم انا قولت اشوف ترتيب صحابي
لقيت واحد جايب 201.5 ترتيبه 15500 علي علمي
واحد جايب 197 لقيته 55000 !!!!!!!!!!!!!!!!!
و تلات جايب 193.5 ترتيبه 79000 !!!!!!!!!!!!!
و اخيرا واحد جايب 92.5% ترتيبه 107000

معني الكلام ده ايه؟؟؟؟؟؟
ده معناه انه بالطريقة ديه حد ادني علوم هيبقي 98% و رياضة 96%

و خلي بالكم احنا لسه مخدناش مستوي رفيع :angry2:

طبعا الوزير العبقري هيحاول يحل المشكلة بانه يدينا امتحانات متتحلش علي امل ان المجاميع تقل :confused::confused::confused:
ربنا يستر علينا :(:(

فرسان الإسلام

27-07-2011, 12:34 AM

بلاش نستبق الأحداث

ربنا بيدى كل واحد على قد مجهوده

نزاكر احنا بس بضمير و نتوكل على الله

وكله خير بإذن الله

fantazia22

27-07-2011, 12:40 AM

انا اخويا جايب 202 ... 98.5%

ومحتار يدخل علوم ولا رياضة

انا فعلااااا خايفة عليه اووووى من تنسيق السنة الجاية ... ربنا معاكوا يا شباب

ده احنا كنا ف تانية مجاميعنا نازلة شوية ... ولما زادت ف تالتة .... لقينا نفسنا ف كارثة ف التنسيق

امال انتوا ح تعملوا ايه !! .... ربنا يستر يارب

1091993

27-07-2011, 12:54 AM

يا جدعان دى توقعات مش حقيقة التنسيق بنسبة اكيدة جدا هيكون زى اى سنة ميفعش مثلا الطب يكون من 99.8 لا طبعا حد ادنى يعنى بس هوا هيعادل الى حصل السنادى ويجيب امتحانات صعبة حبة مثلا وبكدة يبقى تنسيقنا عادى جدا ممكن ينزل كمان بلاش تفكير غلط او ممكن يجيب امتحانات سهلة وتنسيق عالى ومينفعش يكون عالى قوى زى ما انتو ممعتقدين بلاش احباط للناس دى غيبيات لازم يعادل يا يعلى التنسيق يا يجيب الامتحانات صعبة ولو علية ممكن مش تبقى عالية اووى عادى

Hazem-Hamdy

27-07-2011, 01:06 AM

يا جماعة لازم تعرفوا ان السنة الجاية وزير اتلعليم العالي مش هايبقا "خورشيد" هايبقا واحد تاني اكيد
ثانيا لما يبقا 55000 جايبين 96% يعني لو جابو نفس الدرجة السنة الجاية بالمستوى هايبقا الي جايبين 97 هايبقوا كتير اوي
هايقولك بقا اعداد مقبولين و سعة استعابية ؟
اكيد لازم الامتحانات السنة الجاية تبقا صعبة و اعذروني صعبة "شوية"
عشان لو جت زي السنة دي يبقا الي جايب 99 احتمال مايلحقش طب ؟ و دا لا يمكن يحصل ابدا
و ان شاء الله خير

sentt

27-07-2011, 01:21 AM

اكيد امتحانات السنة الجاية هتظبط المسائل شوية .... بس بصراحة الناس كلها بقت شاطرة ما شاء الله

سكر مملح

27-07-2011, 01:24 AM

لا تسبق الاحداث

she3la

27-07-2011, 01:37 AM

يا جدعان

خلوها على ربنا

والله كل حاجة هتمشى

Lna Allah

27-07-2011, 02:08 AM

توقعاتي

امتحانات السنه الجايه لازم تبقى صعبه

dandan2000

27-07-2011, 02:27 AM

ربنا يبشرك والله يا اخى ماهى بايظة بايظة وطالما فى احتمال مبارك ياخد براءة يبقى اكيد فيه احتمال الطب تبقى من 100 % وزيادة كمان اصله كله بقى خارطبيته فى ابو عيسى

Amr Eltaweel

27-07-2011, 02:37 AM

ههههههههههههه
عاوز اقولك اني اتصدمت من ارقام قرأتها من كام يوم عنكوا
فيه اكتر من 64 الف طالب جايبين اكتر من 195 من 205
احنا السنه اللي فاتت في تانية كنا 26الف بس اللي جايبين فوق 195
ربنا يعينكوا وانسي الامتحانات السهلة انتوا خدتوا السهل خلاص مش بخوفك بس بحذرك بلاش تفاؤل زيادة
احنا جاتلنا امتحانات صعبة السنة اللي فاتت والي حد ما معقولة السنه دي
والتنسيق نار
ربنا يعينك وعموما ربنا مش بيضيع مجهود حد

ENG.HAGAR

27-07-2011, 02:42 AM

والله ربنا معانا ومعاكم
فعلا الامتحانات السهلة مش كويسة وكمان الامتحانات اللى فيها عصاية من نار مش كويسة بردو
:stickjo4:
بس الظاهر اننا والله مش هنرضى عامة
:bosyht9:
نفسى اعرف امتحان متوازن ولطيف كدة ممكن امتحان التفاضل بتاعنا كانت اخر مسالة فيها تكة صغيرة جداا
بس فى ناس هربت منها ممكن ده يكون امتحان متوازن لان الواحد ممكن يهرب منها ويغلط فى هايفة غيرها
;)

dandan2000

27-07-2011, 03:02 AM

انا عن نفسى عاوزة امتحان متوسط بس فى كل سؤال حتة صعبة ومتحاجة تفكير ومذاكر لانى دايما بقع فى السهل والسنة دى من سهولة الامتحانات نقصت 5.5 وجبت 97.3 عشان متعودة على الصعب من صغرى ولما بيجى حاجة سهلة بشك فيها للاسف مافيش احلى من امتحان الرياضيات تالتة اعدادى عام 2009 اقسم بالله بجد امتحان فعلا متطور من اللى هوا يعنى مش معقد بس عاوز تفكير بجد وبيميز المتفوق من الفاشل واحيى اللى كان حاطه وربنا يستر :giljotiiniug3:

ningooooo

27-07-2011, 04:26 AM

يا بني انتو اللي حصل فيكم السنة دي كارثة

و الأمل الوحيد ليكم ان السنة الجاية معلش في الكلمة تكون الامتحانات نفخ و ده أملكم الوحيد

لأن لو فضلت الامور علي هذا المنوال لو طب مثلا كان الحد الادني بتاعها 99% تبوسوا إيديكم وش و ظهر و أنا مش بخوفكم لكن هي دي الحقيقة اللي لازم تكونوا كلكوا عارفينها علشان الصدمة

x_hunter2008

27-07-2011, 07:04 AM

بص هو لازم الامتحانات تيجى اصعب من كده بكتير عشان التنسيق يكون كويس وكل واحد ياخد حقه الامتحانات السهلة مبتميزش مستويات الطلاب فغالبا امتحانات السنة الجاية هتيجى صعبة (مش صعبة على الكل طبعا انا قصدى انها تميز ما بين الطلاب ) ومتخفش من صعوبة اى امتحان انت راجل متفوق ما شاء الله عليك وكمان مش انت لوحدك اللى بتمتحن الامتحان على الكل اهم حاجة يكون مجموعك عالى نسبيا مش عالى بس

ArabianPDA2

27-07-2011, 07:53 AM

من مطاااااااااااااااااابخ الوزاره(شامين الريحه:d)

سوف يأتي امتحان فيزياء 2012 بما لم يأت به 2008

انتهيــــ

real madrid cf

27-07-2011, 08:10 AM

من مطاااااااااااااااااابخ الوزاره(شامين الريحه:d)

سوف يأتي امتحان فيزياء 2012 بما لم يأت به 2008

انتهيــــ

b sraha ya doc da lazm yhsl bdal ma tb ya5d mn 100 fel mia dana shoft mhazl fe tasheh wara2 el bio w el english nfsi y wroni el mosahh 3lshan a5no2o saybli as2la ma shafhash w mksl y2ra el egabat klha 3shan ydene el dargat w de3 most2ble w hasbenly el whda ghlt

ArabianPDA2

27-07-2011, 08:14 AM

b sraha ya doc da lazm yhsl bdal ma tb ya5d mn 100 fel mia dana shoft mhazl fe tasheh wara2 el bio w el english nfsi y wroni el mosahh 3lshan a5no2o saybli as2la ma shafhash w mksl y2ra el egabat klha 3shan ydene el dargat w de3 most2ble w hasbenly el whda ghlt
فعلا يا دوك ياسر

دي مهااااااااااااااااااااااااااااااازل بالذات ف تانيه

والتصحيح بعون الله متقلقش انت بس تاخد درجه ونص وهتلحق
لو اكتر يبقي زياده اطمئنان انك داخل بشري

وربنا معاك ع الظالم

real madrid cf

27-07-2011, 08:18 AM

فعلا يا دوك ياسر

دي مهااااااااااااااااااااااااااااااازل بالذات ف تانيه

والتصحيح بعون الله متقلقش انت بس تاخد درجه ونص وهتلحق
لو اكتر يبقي زياده اطمئنان انك داخل بشري

وربنا معاك ع الظالم

1.5 bs td5lne tb da a2l wagb an sha2 allah ya doc d ana a2nde as2la matshhtsh ala al a2l bdrgten w katbha zay el model answer tb ya ret y kon ele hayfslne an tb drga w ns bs da ana aboya dr gam3a zay babak kda w haddhm b3d ma shaf wr2a el bio ano hayrf3 2dea b3d ele shafo mn mhazl w el so2al bta3 el ensolin akmne mgaubo fe a5r el safha mashafosh

basma 2010

27-07-2011, 09:46 AM

لأ ان شاء الله ربنا هيستر

بس انتو قولو يا رب من قلبكم

Dr.mahmoud ragab

27-07-2011, 10:15 AM

من مطاااااااااااااااااابخ الوزاره(شامين الريحه:d)

سوف يأتي امتحان فيزياء 2012 بما لم يأت به 2008

انتهيــــ

ياخى حرام عليك رعبتنى:frown:

ArabianPDA2

27-07-2011, 10:21 AM

ياخى حرام عليك رعبتنى:frown:

دده الي المفروض انتو تتمنوه انه يحصل
وتدعو ف كل صلاه تكون امتحانات كارثيه عشان طب متاخدش من 100% بجد كحد ادني

karimadel7

27-07-2011, 10:58 AM

دده الي المفروض انتو تتمنوه انه يحصل
وتدعو ف كل صلاه تكون امتحانات كارثيه عشان طب متاخدش من 100% بجد كحد ادني

صدقني مش هبقي زعلان ده بالعكس أنا كنت برجع زعلان من كل امتحان السنادي عشان كل الأفكار و الأسئلة الصعبة اللي عرفها مجاس منها حاجة و لو جه ليبقي في الاختياري بس;););)

انا بس مقلق شويه عشان أنا مكمل رياضة
الفيزياء إحنا عارفينها بس رياضة 2 ربنا يستر
انت شوفت لما جابوا الاتنين صعبين في 2008 حصل إيه في التنسيق
بترول خدت من 399.5 :d

عموما الواحد لازم يستعد و إحنا عندنا سنة كاملة نستعد فيها

nagar3321

27-07-2011, 11:31 AM

بجد امتحانات هذا العام لم تفد الطالب الشاطر

فى الغربية 204.5 40 طالب
204 160 طالب

هذا فى محافظة واحدة

ArabianPDA2

27-07-2011, 11:35 AM

صدقني مش هبقي زعلان ده بالعكس أنا كنت برجع زعلان من كل امتحان السنادي عشان كل الأفكار و الأسئلة الصعبة اللي عرفها مجاس منها حاجة و لو جه ليبقي في الاختياري بس;););)

انا بس مقلق شويه عشان أنا مكمل رياضة
الفيزياء إحنا عارفينها بس رياضة 2 ربنا يستر
انت شوفت لما جابوا الاتنين صعبين في 2008 حصل إيه في التنسيق
بترول خدت من 399.5 :d

عموما الواحد لازم يستعد و إحنا عندنا سنة كاملة نستعد فيها
الفيزيا عبيطه جدا صدقني
مهما حاول يصعب فيها هتعرف تحل لو دماغك كويسه "وده الي متأكد منه"

رياضه 2 معرفش انا احياء والسنادي جه مش صعب بس بايخ
يعني الراجل بوخ بحاجات جديده فعلاً والحمد لله مع اني بكرهها جبت 49.5

وفعلاً انت بس تحل بتاع 5 كتب فيزيا وزيهم رياضه

وانصحك بالوسااااااااااام ف كله
"اصفر واحمر وازرق"

والامتحان والمثالي

كده تبقي عملت مثلث الرعب الي ميخرجش عنه امتحان
ولا 2008 ولا غيره

Dr.mahmoud ragab

27-07-2011, 12:07 PM

دده الي المفروض انتو تتمنوه انه يحصل

وتدعو ف كل صلاه تكون امتحانات كارثيه عشان طب متاخدش من 100% بجد كحد ادني

طبعا اتكلم براحتك مال ايده فى المية مش زى الى ايده فى النار

Dr.mahmoud ragab

27-07-2011, 12:08 PM

انا مش مستعدافرط فى المجموع بتاعى عشانيجى امتحانات تعجيزية

ArabianPDA2

27-07-2011, 12:09 PM

طبعا اتكلم براحتك مال ايده فى المية مش زى الى ايده فى النار
اذا كنت انا لسه مخلص السنادي طاااااااااازه

والله 2008 كان سهل بس عايز شويه تفكير مش اكتر متسمعيش كلام الي هيقولولك ده تعجيزي وبتاع

ningooooo

27-07-2011, 02:04 PM

انا مش مستعدافرط فى المجموع بتاعى عشانيجى امتحانات تعجيزية

طبعا اتكلم براحتك مال ايده فى المية مش زى الى ايده فى النار
يعني معلش بقي انا هضطر ارد لان تعليقك استفزني

ما احنا لسه مخلصين ثانوية عامة و كانت ادينا في النار برده

و لازم تبقي عارف ان مجموعك ده من اسبابه سهولة الامتحانات و علي فكرة (أنا مش بعيب عليك) بس انا معظم الشاطرين اللي اعرفهم بيعجبهم الامتحان الصعب اكثر

يبقي لو عاوز متفرطش في مجموعك تذاكر و تجتهد وربنا يوفقك لأن بطريقة الامتحانات التعبانة بتاعة السنة دي ابشرك ان طب مثلا لن يقل عن 99.5 %

و مفيش حاجه اسمها امتحانات تعجيزية حتي امتحان الفيزياء بتاع 2008 اينعم كان مستواه عالي بس كانوا منزلين لهم ورق اولمبياد جه منه اكثر من نص الامتحان و كان في تساهل في التصحيح

The king Boy

27-07-2011, 03:24 PM

طب وايه نظام الادبي يعني الي ليه اصحاب ادبي او هو ادبي عايزين نعرف مجاميعهم كام السنة دي انا جايب 92.7 و ترتيبي 6 الاف وشوية على الادبي كده ايه النظام وياريت الي خلص ادبي السنة دي ينصحني علشان السنة الي جاية تعدي لان نفسي ادخل سياسة واقتصاد

الملاك السعيد

27-07-2011, 03:58 PM

و مفيش حاجه اسمها امتحانات تعجيزية حتي امتحان الفيزياء بتاع 2008 اينعم كان مستواه عالي بس كانوا منزلين لهم ورق اولمبياد جه منه اكثر من نص الامتحان و كان في تساهل في التصحيح

فعلا عندك حق
مثلا امتحان التفاضل 2010 الكل قال عليه صعب وفى الاخر نص الدفعة جابت 50
دايما الشاطر بيحب الامتحانات الصعبة لانها بتعلى مستواه وبتخليه يفكر
وللاسف بما ان نحن فى دولة متخلفة ولاتهتم بالعلم والناس بتبقى فرحانة بالامتحانات السهلة
ليه ميجبوش امتحانات سهلة
صراحة مكنتشي عجبانى امتحانات تالتة السنادى الواحد كان نفسه امتحانات تالتة تبقى زى بتاع 2010 اما الهبل اللى عملوه ده
واللى كانت بتقول انا عاوزة احافظ على مجموعى
انا كنت فى تانية 2010 وكنت احياء وقبلها يوم واحد بس والحمدلله جبت 97.8
ومينفعشي ابدا يجيب امتحان عبيطة زى بتاع السنادى لانه كده بيدخل ناس فى طب وصيدلة مش اكفاء

eslam elahlawy

27-07-2011, 04:23 PM

سنه تالته بالنسبه ليكم
الامتحانات هتيجي صعبه شويااااااااات مش شويه
عشان التنسيق ينزل شويه
فعشان كده ذاكروا كويس وبضمير

Dr.mahmoud ragab

27-07-2011, 07:17 PM

يعني معلش بقي انا هضطر ارد لان تعليقك استفزني

ما احنا لسه مخلصين ثانوية عامة و كانت ادينا في النار برده

و لازم تبقي عارف ان مجموعك ده من اسبابه سهولة الامتحانات و علي فكرة (أنا مش بعيب عليك) بس انا معظم الشاطرين اللي اعرفهم بيعجبهم الامتحان الصعب اكثر

يبقي لو عاوز متفرطش في مجموعك تذاكر و تجتهد وربنا يوفقك لأن بطريقة الامتحانات التعبانة بتاعة السنة دي ابشرك ان طب مثلا لن يقل عن 99.5 %

و مفيش حاجه اسمها امتحانات تعجيزية حتي امتحان الفيزياء بتاع 2008 اينعم كان مستواه عالي بس كانوا منزلين لهم ورق اولمبياد جه منه اكثر من نص الامتحان و كان في تساهل في التصحيح

يا حبيبى فى فرق بين الامتحانات الصعبة والامتحانات التعجزية وعلى فكره انا جايب الدرجة الى لسة انت قايلها دلوقتى :blush:

وكويس انى بعرف استفز

Mostafa Walid

27-07-2011, 10:45 PM

والله الواحد عارف ايه اللى حيحصل السنه اللى جايه وياريت يجيبوا امتحانات صعبه علشان الناس المحترمه اللى بتذاكر يجيبوا مجموع كويس ويميزوا الللى بيفهم عن اللى بيحفظ و السنادى حصلت كمايات غش غبيه ربنا يستر السنه اللى جايه واكيد اللى بيتعب ربنا مش بيضيع تعبه اهم حاجة ان الواحد يجتهد فى الحاجة اللى بيحبها وربنا حيوفقه

romyo999

27-07-2011, 10:53 PM

طيب ما فيه سنة الفراغ اعداد المقبولين فى الكليات قلت
يعنى عايزين طلبه السنه دى
ف ممكن التنسيق يزيد حاجه بسيطه عن كل مره او يثبت
مش كلامى مظبوط بردو ولا ايه

العم الكبير

27-07-2011, 11:14 PM

انتم قالقين نفسكوا عليه السنة الجاية الامتحانات هاتيجى زى "البدر"و بالتالى هيبان المذاكر من غيره و مش هيبقى فيه غش .........ايه رايك؟

MoHammed Youssef

27-07-2011, 11:29 PM

ربنا يستر ان شاء الله

ningooooo

28-07-2011, 01:01 AM

يا حبيبى فى فرق بين الامتحانات الصعبة والامتحانات التعجزية وعلى فكره انا جايب الدرجة الى لسة انت قايلها دلوقتى :blush:

وكويس انى بعرف استفز
شكرا علي تعليقك و اسلوبك المهذب
و نتقابل العام المقبل

wahsh2008

28-07-2011, 01:36 AM

يا جدعان

خلوها على ربنا

والله كل حاجة هتمشى

nooneasme1

28-07-2011, 02:06 AM

issac-newton

28-07-2011, 02:12 AM

يا حاج احسن حاجة يجيبلكم الامتحانات صعبة , عشان تتميزو و مش كل واحد جايب مجموعة في سنة تالته السنة دي او تانية يبقا مستواه , في عالم فكسانة و جايبة مجاميع جامدة , انما لو فضلت كوسة كدا التنسيق هيبقا نار .,

The king Boy

28-07-2011, 01:52 PM

sh.sh.

28-07-2011, 02:39 PM

الله يطمنكووووووووووووا
الله يطمنكوووووووووووووا

لؤي وائل الخطيب

30-07-2011, 09:52 PM

رفع علشان الكارثة دي

moOon light

31-07-2011, 06:00 AM

ربنا يطمنكوووووووووووووووو

LoveBarcelona

31-07-2011, 07:19 AM

فعلا مشكله مجاميع السنه دي ..

احنا السنه اللي فاتت اتبهدلنا و شوف التنسيق طالع ازاي ،، ما بالك انتم امتحاناتكم جت سهله اوي في تانيه ..

الوزير اكيد هيصعب اوي السنه الجايه عشان يعادل المجاميع ..

بس انت ذاكر ومتفكرش في الحاجات دي ..

اعرف ناس كتير اوي في عز بهدله احمد زكي بدر قدرت تعمل نتيجه حلووه ..

بالتوفيق : )

حازم1616

31-07-2011, 10:23 AM

:giljotiiniug3::giljotiiniug3::giljotiiniug3::gilj otiiniug3::giljotiiniug3:
الناس اللى خلصو تالتة وداخلين كليات اتعقدو و بيعقدونا بردودهم المحبطة دى يا عالم حرام عليكو

:022yb4::022yb4::022yb4::022yb4::022yb4::022yb4:
انا الحمد لله خلصت تانية ب 98 و ربنا شاهد متكلمتش مع حد فى اللجنة
لكن الغش بقى نعمل ايه منهم لله المراقبين والطلاب الفشلة :078111rg3: اللى هيبوظو الدنيا حرام عليكو نفسى فى بترول
و حرام الامتحانات تيجى سهلة - وبعترف اهو - بس دا لانى مش احب انى اتساوى مع الفشلة الغشاشين

karimadel7

31-07-2011, 10:39 AM

hazemhosny

31-07-2011, 10:55 AM

انا فى تانية جبت 98.8
و من غير كلمة من حد
وبامانة كل الاوائل فى المدرسة و المحافظة كانوا معروفين ومحدش منهم بيغش
بس المشكلة فى الى جايبين 95 و 96 انا اعرف ناس مستواها 91 وغشت
ودا جاى على راسنا احنا
وانا عايز طب بس قلقان من المجاميع العالية جدا

The king Boy

01-08-2011, 08:15 AM

انا بتنرفز ان الناس عمالة تقول امتحانتكوا جت سهلة اوي بالنسبة لتانية
بالنسبة للعربي تقريبا نفس المستوى
الانجليزي اصعب من السنة الي فاتت ده امتحان السنة الي فاتت حليته كله صح ومنغير مالاقي حاجة صعبة اول السنة بس بس اكتشفت بعد كده ان الترجمة من المنهج و القطعة حليتها اول السنة كلها صح
الرياضة فرع التفاضل كان اصعب السنة الي فاتت بس الجبر كان بتاعنا اصعب هو سهل بس اصعب من بتاع السنة الي فاتت
التاريخ علشان انا ادبي نفس مستوى السنة الي فاتت
الايطالي اصعب من السنة الي فاتت او في مستواه
انا الحمد لله جبت 93 والي نقصني التركيز بسبب الي كان بيحصل عندنا في اللجان خناقات بقى علشان العيال عايزة تغش وفي الاخر كلهم جابوا مجاميع زي الزفت
الفرق بين السنة دي والسنة الي فاتت ان احنا من اول السنة كنا عارفين الامتحانات جااية صعبة و كنا بنشوف امتحانات 2010 فنذاكر لكن انتوا كنتوا بتشوفوا امتحانات 2009 التافهة وتقولوا الامتحانات جاية سهلة ففي كتير كسل ونفض فانتوا اتفجأتوا بالامتحانات و السنة دي المجاميع العالية ديه اوي تلاقيها في علمي بس كتيرة جدا علشان الغش الجماعي والي كان بيحصل وفي ناس شاطرة تقعد تغشش العيال كلها و في طبعا ناس جايبة بمجهودها وانا برده اعرف ناس جايبين 99 و 98 السنة اللي فاتت ومنهم كتير وانتوا نقول ماشي جتلكم امتحانات صعبة في تانية بس جت تافهة في تالتة ونقول برده ان امتحانتنا جت تافهة هتيجي نفخ السنة الي جاية

معلش طولت عليكم وكل سنة وانتم طيبين

ningooooo

01-08-2011, 02:43 PM

Dr.mahmoud ragab

01-08-2011, 03:37 PM

انا بتنرفز ان الناس عمالة تقول امتحانتكوا جت سهلة اوي بالنسبة لتانية

بالنسبة للعربي تقريبا نفس المستوى
الانجليزي اصعب من السنة الي فاتت ده امتحان السنة الي فاتت حليته كله صح ومنغير مالاقي حاجة صعبة اول السنة بس بس اكتشفت بعد كده ان الترجمة من المنهج و القطعة حليتها اول السنة كلها صح
الرياضة فرع التفاضل كان اصعب السنة الي فاتت بس الجبر كان بتاعنا اصعب هو سهل بس اصعب من بتاع السنة الي فاتت
التاريخ علشان انا ادبي نفس مستوى السنة الي فاتت
الايطالي اصعب من السنة الي فاتت او في مستواه
انا الحمد لله جبت 93 والي نقصني التركيز بسبب الي كان بيحصل عندنا في اللجان خناقات بقى علشان العيال عايزة تغش وفي الاخر كلهم جابوا مجاميع زي الزفت
الفرق بين السنة دي والسنة الي فاتت ان احنا من اول السنة كنا عارفين الامتحانات جااية صعبة و كنا بنشوف امتحانات 2010 فنذاكر لكن انتوا كنتوا بتشوفوا امتحانات 2009 التافهة وتقولوا الامتحانات جاية سهلة ففي كتير كسل ونفض فانتوا اتفجأتوا بالامتحانات و السنة دي المجاميع العالية ديه اوي تلاقيها في علمي بس كتيرة جدا علشان الغش الجماعي والي كان بيحصل وفي ناس شاطرة تقعد تغشش العيال كلها و في طبعا ناس جايبة بمجهودها وانا برده اعرف ناس جايبين 99 و 98 السنة اللي فاتت ومنهم كتير وانتوا نقول ماشي جتلكم امتحانات صعبة في تانية بس جت تافهة في تالتة ونقول برده ان امتحانتنا جت تافهة هتيجي نفخ السنة الي جاية

معلش طولت عليكم وكل سنة وانتم طيبين

اتفق معاك تماما:022yb4:

The king Boy

02-08-2011, 01:24 AM

عادي حضرتك أبسط شوف نسبة النجاح و عدد الطلاب اللي جايبين فوق 98% مثلا السنة دي و السنة اللي فاتت و انت تعرف

و حضرتك بتقول ان امتحان الانجليزي كان سهل طيب ايه رايك في القطعتين و علي الاقل احنا مش انحذفلنا اربع اسئلة

و دي مجرد آراء و حضرتك هتعرف قيمة كلامنا ده السنة الجاية

من قولت الفرق بين السنة دي والسنة الي فاتت وبعدين اكثر النسب المرتفعة عند العلمي لنفس السبب و شوف الادبي هتلاقي مجاميعه عادية في العالي وفي المتوسط وفيه القليل وبالنسبة للقطعتين مشكلوش بالنسبة ليا اي مشكلة وبردو السنة دي نفس الشئ حصل معانا وسبب حذف الاربع حاجات هو ان 3 من 3ثانوي في choose يعني الي المفروض يجي من صميم المنهج وواحدة من الملغي برده يعني المفروض ان احنا نحل الحاجات ديه انا عن نفسي حليت اتنين صح والاتنين التانيين اتوزعت درجتهم علشان عملتهم غلط ومش بايدي ده مش منهجي اصلا

حازم1616

02-08-2011, 03:51 AM

The king Boy

02-08-2011, 04:32 AM

انا عايز بس اقول ان المجاميع فى علمى عالية اوى فعلا لكن زى ادبى برضو وانا سالت ناس على التاريخ كان جاى سهل جدا

بل تافه زى الكيميا - طبعا اللى انا وغيرى اتظلمنا فيها علشان مش افضل اذاكر طول السنة و مش انام و فى الاخر واحد

ذاكر اخر شهرين وجايب زيي !!!!!!!!! 49 !!!!!!!!!!!!!!!!! :angry::angry::angry:

و بالنسبة للانجلش يا باشا و ربنا الامتحان بتاعنا كان اصعب من اللى فات والله -2010- لان الحاجات الصعبة تعتبر من

المنهج لكن احنا فى سؤال التشويس جاتلنا حاجات من 3 ثانوى لا والمنهج الاديم كمان :040vk0: حاجة تغيظ و ال يقولو ال

امتحانات 2010 اصعب لا دى حاجة تفقع كمان :giljotiiniug3: :giljotiiniug3:

و انا بدعى ربنا الامتحانات تيجى صعبة علشان كل واحد يقف عند حدو والله العظيم كل الناس الفشلة معديين التسعين

حاجة تفتئ والله

معاك حق انا مقلتش ان التاريج جه صعب انا قولت في مستوى السنة الي فاتت بس التاريخ عامل زي الكيمياء في حاجة انك تفتكر نفسك هتقفل وتنقص بسبب ان الاجابة مش كاملة بس مجاميع ادبي مش زي علمي و الدليل ان واحد صاحبي علمي جايب 98.8 ترتيبه على العلمي 6 الاف وشوية وانا ادبي جايب 93 و ترتيبي زيه تقريبا على الادبي وبصراحة كمان في اصحابي كتيييير بيقولولي على ناس متستحقش تاخد حاجة اصلا وغاشين وجايبين 97 وحاجات كده ومحدش يقولي مينفعش حد جايب مجموع عالي يبقى غاشش لا انا واحد صاحبي في الطبري روكسي بيقولي العيال كانت بتقوم من مكانها وينقلوا من بعض لحد مجت شكاوي كتيرة فشدو في الكيمياء عنده في الواد الي كان بيغش وقاعد قدام صاحبي معرفش يغش حاجة في الكيمياء جاب في الاخر حاجة وتلاتين فيها و مجموعه بقة 92 طبعا من الواضح الي وقعوا الكيمياء ومتقوليش واحد ماشاء الله متفوق في كل المواد وسايب الكيميا مابيذكرهاش فالموضوع السنة دي بقى كوسة وهتيجي كلها على دماغنا السنة الي جاية وبصراحة بتوع تالتة بيقولوا كده علشان كلام الجرايد برده يقولك الامتحان مش عارف ايه مستوى الطالب العبيط مش بكلام جرايد احنا الي قعدنا في الامتحانات وحسينا بيها احنا شفنا امتحانتكوا و امتحانتنا انتوا مشوفتوش امتحانتنا وبعدين تالتة السنة دي امتحانتها بقى على حد علمنا جت هبلة والا مكنتش هندسة عين شمس واخدة 96.5 وبعدين بسبب الغش ده الناس الي تعبت السنة الي جاية هيرتاحوا و الناس الي غشت هتلبس السنة الي جاية

حازم1616

02-08-2011, 04:51 AM

يا باشا و ربنا طالب الثانوية العامة المصرى دا من عجايب الدنيا السبعة -اقصد الطالب الدحيح اوى يعنى -يفضل يذاكر طول

السنة لغاية ميطلع عين اللى جابو اهلو و بعد كدا اما الامتحانات تيجى صعبة وميعرفش يعمل حاجة او يتظلم فى التصحيح

او زى السنة دى يجيب مجموع زى الغشاشين الفاشلين

طب بص يا صاحبى
والله العظيم اودام عينى فى اللجان الموبايلات طلعت و اتكلمو فيها والغش على مسمع و مرئ المراقبين التعبانين

و الله انا تعبت اوى علشان كدا مفقوع من الناس اللى معدية وهما يعنى لا مؤاخذة حمير يعنى:stickjo4::stickjo4:

The king Boy

02-08-2011, 02:59 PM

انا بصراحة منتش بذاكر جامد قوي طول السنة ولا كنت مقضيها كنت بذاكر يعني وجبت 93 الحمدلله وعايز اقولك ان كان في غش في لجنتنا بس كلهم مفيش فيهم حد عدل فكلهم سبعينات ستينات علشان كده العلمي عالي ان فيه ناس كتيرة كويسة فاما بيخلصوا بيغششوا الباقي وبتبقى زريبة خالص كده بقى الكل هيكمل علمي بس الي غش مش هيعرف يغش السنة دي وان شاء الله تكون البلد استقرت والحمدلله عدت برغم كل التسيب الي شفناه في الامتحانات و الكلام الي مبيخلصش الي الواحد عايز يقولوا وعلشان كده انا قولت لكل اصحابي مفيش حد فيكوا يغشش حد بعد كده قولتلهم مش علشان انتم تركزوا وكده علشان اما يغششوا واحد ميستحقش هياخد مكان واحد تاني في الكلية مغشش كلمة و مجموعه بمجهوده