مشاهدة النسخة كاملة : "يا بلطجية مصر اتحدوا" صفحة جديدة على "الفيس بوك"


hatemT
27-07-2011, 09:18 AM
http://www.youm7.com/images/NewsPics/large/smal7201126223713.jpg

رسالة من أدمن الصفحة إلى البلطجية

كتب أحمد حربى

فى سابقة هى الأولى من نوعها، ظهر على موقع التواصل الاجتماعى الشهير الفيس بوك الصفحة الرسمية للبلطجية، والتى حملت عنوان "يا بلطجية مصر اتحدوا"، والمنشور عليها عدة صور للبلطجية على حائط الصفحة، والتى حثت كل البلطجية أو من يسعى إلى أن يكون بلطجيا أن يزور الصفحة.

وحرضت أيضا على ضرورة نزول شباب البلطجية للتظاهر بالتحرير، مبررين ذلك أنهم هم الذين يدفعون الثمن وتلاحقهم الأحكام العسكرية، والتى يتم تنفيذها بسرعة، أما البلطجية الكبار "زى حسنى مبارك وشلته لسه متحكموش"، محذرين من أن يحصلوا على أحكام بالبراءة، مؤكدين أن نزولهم إلى الميدان ضرورى لاستعجال محاكمة مبارك فى تلك الحالة، أو يتم حذف الأحكام العسكرية للبلطجية الغلابة، وجاء أيضا على حائط الصفحة "لازم ننزل علشان نعرف الناس أن البلطجة أدب مش هز كتاف، وعلشان نقلب رزقنا هناك، ولو زهقنا ولقناها مملة ولعوها بقى بطريقتنا، قزازتين مولوتوف هيشعللوها نشوفكوا بكرة فى التحرير" .

الغريب فى الأمر أن حائط الصفحة منشور عليه مرسوم باسم المجلس الأعلى للبلطجة، وهى مشابهة تماما لبيانات المجلس العسكرى، ومكتوب فيه اعتذار رسمى إلى كل البلطجية، ويعلوه النسر الموجود على علم مصر، مكتوب أسفله بسم الله الرحمن الرحيم رسالة إلى البلطجية المصريين العظماء، اعتذار إلى كل البلطجية فى مصر، بسبب عدم التواجد فى الفترة الأخيرة، مما أدى إلى العديد من المشاكل وزعزعة الأمن القومى للبلطجية، لذلك يقدم المجلس الأعلى للبلطجة اعتذاراً رسمياً لكل البلطجية فى مصر، واختتم البيان بكلمة "والله الموفق".

كما طالبت الصفحة، التى زارها أكثر من 1.042 شخص، بضرورة رفع اسم مبارك من على ﻣﺤﻄﺔ ﺍﻟﻤﺘﺮﻭ وتسميتها باسم "ﺣﻨﻔى ﺍﻟﺪﻭﻛﺶ"، باعتباره ﺍﻟﻤﻔﺠﺮ ﺍﻟﺤﻘﻴﻘى ﻟﻠﺜﻮﺭﺓ
وﻗﺎﺋﺪ ﻣﻮﻗﻌﺔ ﺍﻟﺠﻤﻞ، وصاحب موقعة الجلابية، ﻭﺻﺎﺣﺐ ﺍﻟﻀﺮﺑﺔ ﺍلأﻭﻟى، وﻣﺨﺘﺮﻉ ﺍﻟﻤﻮﻟﻮﺗﻮﻑ وﺍلأﺏ ﺍﻟﺰﻋﻴﻢ ﺍﻟﻤﺤﺎﻓﻆ ﻋﻠى ﺍﺳﺘﻘﺮﺍﺭ ﺍﻟﻤﻨﻄﻘﺔ.
الرابط:
http://www.youm7.com/News.asp?NewsID=462462&SecID=65&IssueID=0

love ur life
27-07-2011, 09:46 AM
رساله الي بلطجيه مصر العظماء..
:d
والله كويس
بس المشكله بقا ياتري البلطجيه دول هيشوفوا الصفحه دي ع الفايس بووك ولا لا
:frown::frown::d

مشكور ع الخبر م\حاتم

hatemT
27-07-2011, 11:15 AM
رساله الي بلطجيه مصر العظماء..
:d
والله كويس
بس المشكله بقا ياتري البلطجيه دول هيشوفوا الصفحه دي ع الفايس بووك ولا لا
:frown::frown:

مشكور ع الخبر م\حاتم


المشكلة أن بقى في ناس يا فندم يتضرب الجيش من تحت الحزام

أنا لسه شايف فيديو عاليويتيوب.....حسسوني أن الجيش ده كائن هلامي:blush: قدر أنه يخدع الشعب كله ماعدا المتواجدين في الميدان:022yb4:
وأنه خاين للدولة والوطن

أنا عايز أسأل سؤال لما جيشنا خاين؟
أمال جيش سوريا, وليبيا, واليمن يبقى إيه؟!!!!!!!!!!!!!!!!!!!! أكيد وطني

وشكراً ليكي على المرور يا فندم:)

love ur life
27-07-2011, 02:17 PM
المشكلة أن بقى في ناس يا فندم بتضرب الجيش من تحت الحزام

أنا لسه شايف فيديو عاليويتيوب.....حسسوني أن الجيش ده كائن هلامي:blush: قدر أنه يخدع الشعب كله ماعدا المتواجدين في الميدان:022yb4:
وأنه خاين للدولة والوطن

أنا عايز أسأل سؤال لما جيشنا خاين؟
أمال جيش سوريا, وليبيا, واليمن يبقى إيه؟!!!!!!!!!!!!!!!!!!!! أكيد وطني

وشكراً ليكي على المرور يا فندم:)

الناس او بعض الناس حاسه انها بتضرب الجيش من تحت الحزام ..لكن دا مش صحيح
الجيش اذكي من كدا بكتير..

وربنا يكون ف عون الشعوب العربيه الباقيه..

أ/رضا عطيه
27-07-2011, 02:40 PM
شر البلية مايضحك

شعارهم

(من فى الميدان هم الثوار والأحرار

ومن خارجه بلطجية !!!!)

تخيل أستاذى الكريم

لو كل من هم خارج الميدان (البلطجية )اتحدوا

سيتحدون على من ؟

على الجيش ؟

على الشرطة ؟

على الحكومة ؟

لا وألف لا

سيتحدوا على بلطجية يظنون أنهم أقوياء

وإنهم قادرون على أنهم هينيّموا الناس فى بيوتهم من العصر

وهيجبروهم على الاعتصام المدنى

وهيتحكموا فى طريق العدالة كمان

وهينفذوا طموحاتهم رغم رفض الشعب لأفعالهم

مافى ثورة حدثت فى مصر

إلا وتبعتها ثورة تصحيح وتطهير الثورة من المستغلين والمتسلقين

ربنا يسترها علينا وعلى البلد

من غباء وبلطجة بعض ولاد البلد

شكرا لحضرتك

Heartbeat
27-07-2011, 03:08 PM
:o
المجلس الاعلى للبلطجة
بجد حاجة تضحك وتبكى فى نفس الوقت
مش عارفه مش مصدقة اللى بشوفه دا!!
هو دا هزار ولا بجد؟!
ربنا يستر عليكى ياامصر
..
شكرا ياباشمهندس ع الخبر

راجى طاعة الرحمن
27-07-2011, 05:46 PM
ههههههه

ناقص يعملوا حزب يسموه بلطجى غلبان

لوجين20
27-07-2011, 06:05 PM
http://www.youm7.com/images/NewsPics/large/smal7201126223713.jpg

الموضوع قديم جدا
والصفحة اتعملت بعد صفحة المجلس الاعلى للقوات المسلحة
ده حتى التحقيق الصحفى قديم برضو
بس الموضوع طبعا هزار
ومش مقصود بيه زعزعت الامن القومى
ده بس لمجرد الترفيه
نتيجة لكثرة الصفحات اللى ملت الفيس بوك
انا سمعت الخبر ده فى برنامج العاشرة مساء
من زمان اوى وبمجرد ظهور الصفحة
متشكرين عالخبر يا استاذ حاتم
فعلا يستاهل النقاش
واضح ان الموضوع سمعتو بيه متاخر
اللى بيخرب البلد دلوقتى مش البلطجية
دى ناس مثقفة وعارفة تلعبها صح
والبركة فى المظاهرات الفئوية

منكم لله هاتضيعو البلد
لك الله يامصر
http://photos-a.ak.fbcdn.net/hphotos-ak-ash1/hs507.ash1/29974_129310680418901_100000199096287_357323_18364 70_a.jpg

ا/توفيق عزت
27-07-2011, 10:39 PM
هؤلاء كبار البلطجية
و زعيمو حزبهم المنحل
ــــــــــــــــــــــــــــــــــــــــــــــــــ ـــــــــــــــــــــــــ
اقتراحات لتفعيل و كيفية تنفيذ قانون الغدر
1 - اعداد قائمة بأسماء اعضاء مجلسى الشعب و الشورى عن الحزن الوثنى الواطى و اصدار مادة بمنعهم هم و اقاربهم حتى الدرجة الثانية من الترشيح فى عضوية احد المجلسين او الاشتراك فى الترشيح و الانتخاب نهائيا ( كل واحد منهم يروح على بيتهم يربى جاموستين او يشوف له اى سبوبة مصدر رزق حلال )
ملحوظة فرعية : يضم الى البند ( 1 ) كل من ترشح على قوائم الحزن الوثنى الواطى سواء نجح فى العضوية او لم ينجح و لكنه اعلن بعد نجاحه انه تبع الحزن
2 - اعداد قائمة بأسماء اعضاء المجالس المحلية عن الحزن الوثنى و اصدار مادة بمنعهم هم و اقاربهم حتى الدرجة الثانية من الترشيح فى عضوية احد المجلسين او الاشتراك فى الترشيح و الانتخاب لمدة 10 سنوات ( كل واحد منهم يروح على بيتهم يربى جاموستين او يشوف له اى سبوبة
3 - سمعنا انه يوجد سى دى فيه اسماء كل من استخرج كارنيه عضوية عن الحزن الوثنى - يمنعوا من الترشيح او الانتخاب او الذهاب الى مقار صناديق الانتخاب او الاشتراك فى تكوين اى حزب او تكتل سياسى ( الـ 10000 مؤسس المطلوبين ) او ترشيح شخص لرئاسة الجمهورية ( الـ 10000 توكيل المطلوبة) لمدة 10 سنوات اى حتى سنة 2021
و يستحسن استصدار فتوى من المفتى و شيخ الازهر بأن مصافحتهم او السلام عليهم تبطل الصلاة 40 يوما
هذا اقل تقدير و معاملة فى رأيى : فما رأيكم ؟؟؟

لوجين20
27-07-2011, 11:04 PM
مشاركتك تحفة ياستاذ توفيق
والله عجبنى اوى الكلام بتاعهم
حسسنى بالوطنية اللى غابت نتيجة للمطالب الفئوية
تحياتى للتوبيك الهايل بتاعك
لو فى مشاركات تانى زيها نزلها هنا انا متابعة باهتمام

مستر ايمن
27-07-2011, 11:17 PM
والنبي فيهم الخير عن المعلمين اهو اتحدوا وعملوا حاجه هههههههههههه ربنا ياخد البلطجيه كلهم