انا كتبت كذا موضوع فى القسم دة
بس انا بجد عايزة اتطمن
المجاميع عالية اوى السنة دى
وانا خايفة مش الحق تجارة انجلش
انا جايبة 89 ادبى
46 فى الانجلش
و 9 ونص فى المستوى الرفيع انجلش
يا ترى ممكن الحق تجارة انجلش عين شمس فى وسط المجاميع دى
ولا لاااااااااااااااااااا؟؟؟؟؟؟؟؟؟؟؟؟؟

انا بردو هموووت عليها و انا جايب 88% و 46 انجليزى و 8 مستوى رفيع انجليزى ... و ادبى .. بس حاسس انها هتعدينى بكتير مش عارف ليه -.-و بردو عايز عين شمس او القاهرة !

ان شاء الله تلحقى اللى انتى عوزاه

لا ان شاء الله ربنا يستر
انا خايفة اوى
بس كله بيطمنى
اصل اعلى حاجة وصلت لها كانت 85 من ادبى
يعنى ان شاء الله ان شاء الله ان شاء الله نلحقهاااا
يا رب

ميرسى يا سارررررة
ادعولى بس :)

ان شاء الله تلحقيه
وربنا هيكرمك ان شاء الله

ميرسى اووووووى
يا رب ان شاء الله الحقها

ان شاء الله تلحقى بس مش عارف سر حب الناس لتجارة أنجلش أيه أنا تجارة عربى ... أهم حاجة المعرفة والخبرة النهارده ... تجارة أنجليزى أفضل شوية لان أغلب الاماكن المحترمة النهارده شغالة بالانجلش بس المهم المعرفة مش الشهادة

هههههههههههههههههههههههههههههه
تااااانى :)
خلاص واللهى منا مزعلاك المعرفة اهم من الشهادة
يلا بقى سامحنى يا رب على الكدبة البيضة دىىىىى :):)

على فكرة النهارده الشهادات بتباع بالفلوس واخده بالك .... فمعتش ليها قيمة زى زمان فمثلا أنتى داخلة هندسة ليه ؟؟؟؟ بهدف أنك تبقى مهندسة مدنية مثلا ففى خلال ال5 سنوات تكتسب خبرات نظرية وعملية علشان تروحى تشتغلى ...وأكيد الشغل هيخلى ليكى ثقل فى المجال مع الوقت ... لكن ماقيمة أى شخص مهنى النهارده يحمل شهادة ولا يفقه أى شى مجرد واحد كل بيحفظ ولما يمتحن ينسى أكيد هيبدأ بمرتب ضعيف فى الشغل وهيزيد مع الخبرة . وتعليقا على كلمتك أى مكان تروحى فيه ركزى على المعرفة راحه تأخدى icdl الشهادة أخر حاجة أهم حاجة تتعلمى الاول .

اهااااا
انا كل الناس قالتلى على الكورس دة
بس انا مستنية اما اخلص واخدو
ولا لازم اخدوا من دلوقتى
؟؟؟؟
انا المفروض لسة مش دخلت جامعة بس حبيت اقوى نفسى بأى حاجة
واخدة كورس اوركال وانجلش وايطالى
تفتكر قدام شوية دة هيفيدنى لما اخلص جامعة واجى اشتغلللل؟؟؟؟

كورس ايه اللى قصدك عليه ... والله أهتمى جدا بالكلية وحاولى تتميزى وتكونى من الاوائل وفى الاجازات طورى نفسك بالكمبيوتر وبالانجليزى وبالتدريب ان أمكن فى مكاتب أو شركات أو بنوك البنك الاهلى وبنك مصر بيعملوا تدريبات صيفية علطول فى الاجازات وربنا يوفق .

كورس ال icdl دة
وانا بعمل كدة من دلوقتى والله
الحمد لله انا كويسة فى الانجلش والكمبيوتر لسة فيه كام حاجة كدة يعنى مسيرها تتفهم برضه
وربنا معانا بقى ومع الكل ان شاء الله

ده كورس أساسى فى الحاسب الالى أساسيات الكمبيوتر ( ويندوز - ورد - it - أكسل - أكسس - باوربوينت - انترنت ) سبع حاجات .... عامة ما تتسرعيش وان شاء الله تلحقى المجال اللى أنتى حباه وتتميزى فيه

يا رب ان شاء الله
ميرسى اوى على المساعدة :)

خلاص يا جماعة النتيجة بتاعت التنسيق قربت وان شاء الله كل واحد يدخل الكلية الى هوا عايزها ولو محصلش نصيب يبقى اكيد ربنا كتبلة الخير فى مكان تانى



بالنسبة لفتى الاحلام :انا شايف ان الاتنين مهمين الشهادة مهمة لان اكيد محدش هيشلك لو معكش شهادة وحتى لو اشتغلت هتبقى بمرتب اقل وفرصتك فى الترقية اقل
والخبرة اكيد مهمة محدش يختلف على كدة بس عموما محدش اتولد وهو معاة الخبرة فا احنا بأذن الله لما نتخرج نكتسب الخبرة مع الوقت وحكاية هنلاقى شغل واحنا لسة متخرجين فا الارزاق على الله احنا بنعمل الى علينا وخلاص



على فكرة شهادة ال icdl اجبارى على الدفعة كلها بمعنى ان كل الناس الى هتتخرج هيبقى معاها الشهادة دى فا للاسف احنا مضطرين نخدها لكن مفتكرش هتبقى ميزة فى الشغل لان الدفعة كلها معاها نفس الشهادة



كورسات الانجلش والاوراكل والايطالى او اى لغة تانية مفيدة جدا طبعا ربنا معانا كلنا

كلامك سليم يأحمد . وأنا عارف ان الشهادة أجبارى وكل شى مهم جدا وطبعا لو ربنا طول فى عمر أى انسان أمامه 30 عاما مثلا فى مهنة معينة مش هيعمل كل حاجة فى سنة أو تنين أو 10 حتى حاجة تلو الاخرى خصوصا اللى فى حاجات مش هتستفاد بها الا بعد ما تدرس أشياء سابقة وتمنياتى لك بالتوفيق