الجمالwالباكي
28-07-2011, 07:00 AM
انا عارفة من اولها ان اي حد في صيدلة وعرف مجموعي حيضحك
انا رايحة 3ثانوي وجايبة في سنة2
وبدووووووووووون ضحك
181.5يعني88.3%
انا بجد نفسي وامنيةحياتي اخش صيدلة ولو في ابعد مكان في مصر مش مشكلة
وانا بجد عندي نية اشد حيلي مووووووت في 3ثانوي عشان اوصل ل95بالمستوى الرفيع انشالله فهل ممكن يقبلوني صيدلة ولا لا اذا فضل التنسيق على حاله
مع العلم اني مش طايقة اخش كلية علوم واهلي رافضين احول ادبي ومينفعش احول رياضة لان مستوايا في الرياضة وحش جدااااااااااا
اعمل ايه مش عارفة لاقولي حل ادخل بيه صيدلة ؟؟؟؟؟؟
sasaatwa
28-07-2011, 07:20 AM
انا مش هتضحك عليكي صيدله فرصتها صعبه شويه ..
ArabianPDA2
28-07-2011, 07:28 AM
مهو عشان مكدبش عليكي
الصيدله مستحيل بأي مقياس تلحقيها
للاسف يا رياضه يا ادبي
بالتوفيق،،
الجمالwالباكي
28-07-2011, 07:47 AM
طب يا جماعة الاحسن ايه ليا؟؟؟؟؟؟؟؟ اكمل على علوم زي ما انا ولا احاول مع الرياضة2 على قد ما اقدر واحاول ادخل هندسة في سنة 3 مع اني بسمع انها مادة صعبة جدااااااا وعايزة العباقرة في الرياضة ولحدالان انا بقالي اسبوعين بفكر ومش عارفة اقرر خالص لحد ما بقيت حاسة اني مش عايزة اكمل ثانوي خاااااااااااالص
sasaatwa
28-07-2011, 09:18 AM
لو انتي شاطره في الرياضه والفيزياء كملي رياضه..لو مش كده ممكن تدخلي ادبي في كليات حلوه زي اعلام السن سياسه واقتصاد...
A7med Negm
28-07-2011, 06:14 PM
هو حل صعب بس مفيش غيره
اللى هو لو بتلعبى رياضه معينه بتاخدى عليها كذا درجه فى الميه
لو حققتى فيها حاجه يعنى
:d
dr /nada
29-07-2011, 08:58 PM
انا ليا صاحبتي كانت جايبه زيك بالظبط وفي تالته شدت حيلها لدرجه انهامكنتش بترضى تكلمنا لضيع وقتها وجابت في السنتين دلوقتي94 وهتدخل دلوقتي صيدله خاص متزعليش مني بس هي دي الحقيقه لازم تكوني واقعيه عشان متندميش بعد كده ادامك مشحابه الرياضه خلاص توكلي على الله وخشي ادبي وشدي حيلك برده وشوفي ايه المجال اللي انتي حاباه في ادبي وخليه هدفك
بس انا بقى عكسك كان منى عيني ادخل هندسه بس العيله صعبه شويه وفي الاخر غيرت هدفي وخليتوه صيدله وهيأت نفسي على كده لحد مجبت مجموع كبير وكتباه دلوقتي صيدله رغبه اولى يعني المساله كلها انك تهيأي نفسك وتعيدي حساباتك وبالتوفيق ان شاء الله
الجمالwالباكي
30-07-2011, 12:13 AM
A7mad Negm بجد انا مش فاهمة ردك ممكن توضح اكتر؟؟؟؟؟؟؟؟؟؟؟؟
انا يا جماعة بشكركم على صراحتكم واكيد مش حرضى ادخل صيدلة خاصة لاني عايزة ادخل الحاجة بمجهودي مش بفلوسي وانشالله حشد حيلي في 3ثانوي وادخل كلية علوم
واكيد مش كل حاجة الانسان بيتمناها ممكن يحققها ده كلو نصيب وانا الحمد لله راضية بيه ...............
أم عبدة
30-07-2011, 04:08 PM
السلام عليكم
احيك على روحك الحلوة دي واحب اقولك
ان مش لازم ندخل كلية قمة لكن الي لازم انك تخلي الكلية الي هتدخليها تكون هي القمة الايام الي جاية عايزانا نخلي كل حاجة قمة ومش نقف قدام حلم ضاع لكن نمشي واكيد هنلاقي حلم احسن منه واستعوضي ربنا ومن ترك شيئا لله عوضه الله خيرا منه
متاسفة على الاطالة