اليوم كان موعد صرف المرتب
و كنت أنتظر هذا اليوم بفارغ الصبر لعدة أسباب
لعل أهمها أن نضع حدا فاصلا بين ما يقال من شائعات عن الزيادة و حافز الإثابة و بين الواقع الفعلى

و الحقيقة كنت أتوقع زيادة المرتب بما يلى
أولا : الزيادة العادية الطبيعية مع العام المالى الجديد
ثانيا : زيادة مع فارق الحد الأدنى و حافز الإثابة الجديد
يعنى كنت متوقع أن يزيد راتبى حوالى 400 جنيه ( حلم طبعا )
و المفاجأة أن راتبى زاد بمبلغ 69 جنيه فقط لا غير

لذلك أقول لكل من يتعب نفسه و يقول عن الإعتصام و الإضراب و المطالبة بحقوقنا أقول له وفر جهدك و وقتك و لا تتعب نفسك مع أمثالنا من المدرسين فإن الموتى لا يسمعون و لذلك لا يستجيبون

الف مبروك اصبحت من الاغنياء حاتاكل لحمه كل يوم ابسط ياعم

تم تأجيل هذه الحوافز لشهر اغسطس لجميع الوزارات ولكن لو لم يأخذ المعلم هذه الزيادة مثل المحليات سيحدث انفجار حقيقي وتذكر كلامي هذا

الله يسهله

حلوين . الحمد لله ربنا يبارك لك فيهم

ممكن 20 جنيةسلف بما انك اصبحت من الاثرياء

يا بختك يا عم

مبروك يا عمنا

زيادة سببها تغيير الاساسي للكادر وحوافز

أشكر كل من هنأنى على هذه الزيادة

و لا داعى للقلق .. سأعطى كل واحد اللى هو عايزه

ما تقلقوش خير ربنا كتير و بلدنا مهنيانا و مش مخليانى محتاجين أى حاجة


أما من قال أن الحوافز اتأجلت فاشكره لأنه اعاد لى الأمل المفقوووووووووود

قل الحمد الله غيرك مش لقيهم:022yb4:

يااعم اللهم لا حسد دي قفزة كبيرة في مرتبك

اشكر مصر امنا اللى مهنيانا

لا لزييييييييير التعتيم
عام دراسى جديد بدون معلمين
الاضراب العام او الهوان التام

الدولة لا تريد اصلاح للتعليم بعد اهدار كرامة المعلم في مصر واصبح عامل النظافة مع احترامي للعمال النظافة أكثر احترام

غنى وقول...معانا ريال...معانا ريال
طبعا انت محتار تعمل ايه ولا ايه بالزيادة الرهيبة دى ..... الله يكون فى عونك...معلش الصدمة كبيرة عليك
أقولك ...شغلهم فى البورصة أهو منها يجيبوا قرشين... ومنها تغير المسمى الوظيفى من " مجرس " اسف مدرس الى "رجل أعمال " وده طبعا اشرفلك ....مع احترامى للجميع .. وكل سنة وانت طيب.... والسنة اللى جاية احلى ... بس قول يا رب

يا بختك ان لاقيت حاجة غيرك مش لاقى
كل شئ قسمة ونصيب

نفس زيادة مرتبي

احمدوا ربنا انا لسه ماقبضتش هقضى رمضان مفلس

شيرلى تمرتين او اى حاجه الى تزيد جنيه على مرتبك

الحمد لله احمد ربنا

ليكن شعارنا القادم يسقط وزير التعتيم والتجهيل والتضليل..يسقط احمد جمال موسى وزبانيته من ناهبى اموال الشعب وحقوق المعلمين ..تسقط نقابة المهن التعليمية نقابة السلطة الفاسدة يامعلمى مصر...يابناة الوطن ...اذا لم يستجب رئيس الوزراء عصام شرف بابعاد احمد جمال موسى وتطهير الوزارة من الفساد والمفسدين والجهلاء والمزورين وتقديمهم للمحاكمة بقانون الغدر فانا شعارنا منذ الان الا ان يتم تحقيق مطلبنا
عام دراسى جديد بلا معلمين...عام دراسى جديد بلا معلمين

محدش صرف حافز الاثابه خالص عشان المدرسين يصرفوة شغلتكم هى الكلام والهيصه امال تبقوا مدرسين ازاى

احمد ربنا انت احسن من غيرك
غيرك زاد 36 ج وشوية فكه

الله يسهلك
هتشترى بيهم ايه شقة ف برج ولا عربية هامر ولا يخت
حسبى الله ونعم الوكيل

متستعجلش الخير قادم إن شاء اللة

لا لزييييييييير التعتيم
عام دراسى جديد بدون معلمين
الاضراب العام او الهوان التام

بسم الله الرحمن الرحيم .. الإجابة رقم 2

الله يحبطهم زى ما احبطونا

ياترى الوزارات الأخرى زادت كام حد يقولنا ياجماعة

حسبى الله ونعم الوكيل

محدش صرف حافز الاثابه خالص عشان المدرسين يصرفوة شغلتكم هى الكلام والهيصه امال تبقوا مدرسين ازاى

و حضرتك شغلتك إيه بقى ؟؟

مش مدرس برضه و الا ربنا فتحها عليك ؟؟

لا بديييييل سوى التعديل
وزير جديد مرتب يزيد
كرامة المعلم طلب اكيد

بلاغ للنائب العايم عبد المقصود مش موجود
لقد زاد مرتب المعلم المذكور هذه الزيادة الرهيبة ونحن نسال وندقق وطبعا هتكدبوا علينا ما سبب هذه الزياده الرهيبة المهوله المفرطة بل والتي تودي الي الجنون لماذا هذا المبلغ المهول ؟؟؟
يعني انتوا عاوزينه ينحرف يروح يشتري بيهم شاليه ولا ياخد بيهم شقه علي النيل في طريق الاسكندرية الصحرواوي ولا يعمل ايه ؟؟؟ اقولك ابني قريه تعليمية . ولا اقولك اشتري وزارة التربية والتعليم ز ولا اقولك ......
لهذا نطالب باقصي العقوبه له بصفته متربحا من منصبه ومستغلا لنفوذه بان زاد مرتبه هذه الزياده المهوله
نصيحه يا اخي علي جنب اوعي تقول لحد تاني علي الزياده دي احنا سكتنا علشان بنحبك بس
واحسنلك تعترف ؟؟ هتعمل بيهم ايه

حسبنا الله ونعم الوكيل

هخلى فتحى فارس إشاعات يعمل لحضرتك إستمارة بالفرقلا

بلاغ للنائب العايم عبد المقصود مش موجود
لقد زاد مرتب المعلم المذكور هذه الزيادة الرهيبة ونحن نسال وندقق وطبعا هتكدبوا علينا ما سبب هذه الزياده الرهيبة المهوله المفرطة بل والتي تودي الي الجنون لماذا هذا المبلغ المهول ؟؟؟
يعني انتوا عاوزينه ينحرف يروح يشتري بيهم شاليه ولا ياخد بيهم شقه علي النيل في طريق الاسكندرية الصحرواوي ولا يعمل ايه ؟؟؟ اقولك ابني قريه تعليمية . ولا اقولك اشتري وزارة التربية والتعليم ز ولا اقولك ......
لهذا نطالب باقصي العقوبه له بصفته متربحا من منصبه ومستغلا لنفوذه بان زاد مرتبه هذه الزياده المهوله
نصيحه يا اخي علي جنب اوعي تقول لحد تاني علي الزياده دي احنا سكتنا علشان بنحبك بس
واحسنلك تعترف ؟؟ هتعمل بيهم ايه

بالنسبة لسؤالك هعمل بيهم إيه ؟
أقول لك يا سيدى
أولا حاعمل شركة كبيرة لتصنيع السيارات
ثانيا حاعين عندى 2 أو 3 مستشارين من اللى بيقبضوا مليون جنيه فى الشهر ( علشان نفسى أشوف شكلهم إيه ؟ )

انا مرتبى زاد 51 جنيه
الحمد لله

من اين ياتى الخير ؟؟؟؟؟؟؟؟؟؟؟؟؟؟؟
لا تنتظروا اى زيادة الا زيادة الكلام فقط

لله الامر من قبل ومن بعد

انت احسن من غيرك مفيش حد لسة قبض حافظ علي الزيادة وهات فانوس بيهم

احمدوا ربنا وبصوا لشيخ الأزهر اللى لحس كلا مه

احمد ربنا
انا قبضت المرتب انهارده السبت الموافق 30/7/2011
ولاقيت الزيادة 6 جنيهات فقط
كنت اقبض 777 جنيه هذا الشهر قبض 783 جنيه
ولما سألت قالولي ان يخصم مني اجور متغيرة حد يعرف الناس بتزيد واللا بتقل قولولوي احسن هتجنن

الله يسهلك ياعم دلوقتى تقدر تطلع عمره ونجهز البنات للجواز وتشترى تكييف وعربية والباقى تدخل بيه فى جمعية

مبروووووووووووووووووووووووووك اللى اداك يدينا

بارك الله فما رزق

مبروووووووووووووووووووك
لكن الحد الادنى للاجور لم يطبق حتى الان
كلام عيال