مشاهدة النسخة كاملة : اذاي تعرف المصري


مصطفى الفوال
29-07-2011, 01:12 AM
1. لو سالت سواق تاكس على عنوان وبدل ما يدلك قالك امش...ي ورايا.. يبقى مصري..
(وعلى فكرة ساعات بيغير اتجاهه عشان عنده رغبة صادقة يوصلك وخايف تتوه)

2. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

3. إذا سمعته بعد ما يضحك يقول " خير اللهم إجعله خير " .. فتأكد أنه مصري ...

4. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

5. لما تقابل واحد علامة وعمره مايقول "ما أعرفش!"
جينيوس مصري

6. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

7. لو دخلت عليه وكان بياكل ولو حتى عيش وبصل لازم يقولك اتفضل معانا ويعيدها عليك ثلاث أربع مرات

8. . و لما ركبه تخبط فى بعضها من الرعب و هو داخل القسم يعمل بطاقة الرقم القومى

9. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض .... هم دول المصريين

10. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

11. لما تلاقي ست في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين

12. لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى.

13. لو شفت عامل اول ماياخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

14. لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري

15. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

16. لما تيجي تدفع الأجرة لواحد أول مرة تعرفه، يحلف عليك تخلي بأه

17. لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني ثمن التذكرة

18. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

19. ولما تلاقى شعب فى اكبر ازمه بيمر بيها ... مابيناسش يضحك
ويضحك اللى حوليه
وكل العالم يتكلم عليه ....
يبقى انت اكيد تقصد اعظم شعب ... شعب مصر

ومن الحب ما قتل
29-07-2011, 01:36 AM
موضوع جاااااااااااااااااااااااااااااامد


http://img384.imageshack.us/img384/108/393bm6.jpg

دليل التميز للتلامذة المصريين

ملاك وعيونه هلااك
29-07-2011, 02:03 AM
ازاى تعرف المصرى
لما تنزل موضوع فى المنتدى عباره عن سؤال وتلاقى 500 مشاركه وولا واحد هان عليه يجاوب
هما دول المصريين

ولما تلاقى عضو متعرفوش باعتلك رقم تليفونه فى رساله عشان يكلمك
دول المصريين

سؤال هو لسه بعد الثورة فى شباب سيس ؟

sammos
29-07-2011, 04:34 AM
هههههههههههه
بجد موضوع جميل اوى فعلا المصرى تطلعوا من وسط مليون واحد

محمد السويركى
29-07-2011, 09:51 AM
هو الواحد لازم يقعد فى مصر كام سنة علشان يبقى مصرى مصرى يعنى

سعاد اقتصاد منزلى
29-07-2011, 12:55 PM
المصريين طول عمرهم شعب طيب و قلبه ابيض و ده الاساس و الاصل يمكن القسوة جت من قسوة الحياة عليهم و الاهانة و الذل و البلطجة جت من الجوع و البطالة و الغلب اللى طول عمرهم عايشينه وكل اللى فى ايديهم الصبر .الصبر . الصبر
وان شاء الله بعد تحسن الظروف اصل المصرى هيظهر واظن ان اصلنا ظهر فى احلك الظروف زى الذهب اللى بتبان اصالته فى وسط لهيب النار

لوجين20
29-07-2011, 03:36 PM
لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر



عجبتنى اوى
تسلم عالموضوع

مصطفى الفوال
29-07-2011, 09:58 PM
ازاى تعرف المصرى
لما تنزل موضوع فى المنتدى عباره عن سؤال وتلاقى 500 مشاركه وولا واحد هان عليه يجاوب
هما دول المصريين

ولما تلاقى عضو متعرفوش باعتلك رقم تليفونه فى رساله عشان يكلمك
دول المصريين

سؤال هو لسه بعد الثورة فى شباب سيس ؟
لما تلاقى واحد كاتب لقبه ومتعرفش اسمه ويخبط فى الناس لمجرد التهكم ومش عاجبه حد يبقى اكيد فى شباب سيس‎

مصطفى الفوال
29-07-2011, 10:18 PM
لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر



عجبتنى اوى
تسلم عالموضوع
السلام عليكم ورحمة الله وبركاته اخت لوجين اولا شكرا على ردك
ثانيا يعنى انت ما خترتيش غير الجمله دى وعجبتك الواحد يوم العيد لازم يفرح وينسى الحزن والرسول صلى الله عليه وسلم نهانا عن زيارة القبور يوم العيد
ثالثا انا اسف اذا كنت قلبت المواجع بالجملة دى ‏
رابعا الله سبحانه وتعالى من علينا بنعمة النسيان لانه عارف ان الانسان ضعيف ولو فضل فاكر الاحزان مش هايقدر يعيش‎

لوجين20
29-07-2011, 10:56 PM
السلام عليكم ورحمة الله وبركاته اخت لوجين اولا شكرا على ردك
ثانيا يعنى انت ما خترتيش غير الجمله دى وعجبتك الواحد يوم العيد لازم يفرح وينسى الحزن والرسول صلى الله عليه وسلم نهانا عن زيارة القبور يوم العيد
ثالثا انا اسف اذا كنت قلبت المواجع بالجملة دى ‏
رابعا الله سبحانه وتعالى من علينا بنعمة النسيان لانه عارف ان الانسان ضعيف ولو فضل فاكر الاحزان مش هايقدر يعيش‎

وعليكم السلام ورحمة الله وبركاته
معلش ياستاذ مصطفى
انا اخترتها من باب انها اكثرهم غرابه وعادة سيئة انا ضدها
اسفه انى ماوضحتش
ده سبب اختيارى
وبعدين انا سبق وشوفت الموضوع يعنى وكان الغرض منه الفكاهه فى بعض المنتديات
بس حضرتك واضع نقاط مهمه تضيف على الموضوع الجديه
احييك على حسن اختيارك
واعتذر على عدم التوضيح

فداك يارسول الله
30-07-2011, 07:01 AM
هههههههههههههه
لما تلاقى وزير ..........................