بصوا يا جماعه انا هدخل فى الموضوع ع طول بالنسبه لتنسيق 2011 وانى كتييير مننا ضاعت احلامهم فى هندسه
وطب وصيدله وغيره احنا عاوزين نفكر بالعقل كدا .... كلامنا ده هيفيد !!! ثوراتنا هتفيد !!!! ولا اى حاجه من دول هتجيب نتيجه لا وبالعكس هيلومنا احنا كمان ع مجامعينا اللى زى الزفت بالمقارنه بالمجاميع اللى ضاربه فى السقف
يعنى مثلا مقوله ام ( اتنيل اتنيل ثوره ايه بلا نيله شوف بنت عمك جايبه 99 وانت تقولى ثورات ) ... بنت عمى دى ممكن تكون انت دماغك اذكى منها بس اقولك حاجه ( الامتحان عمره ما كان مقيياس طالب ) بل مقياس غش مع احترامى للناس اللى جايبه درجات عاليه بمجهودهم ويا جماعه بالنسبه لموضوع التنسيق ده بزمتكوا انا عاوز رد بس يكون بصراحه هما ليهم زنب فيه يا جماعه الناس بتاخد ع حسب الاعداد اللى كل كليه محتاجاها يعنى مش فى ايدهم حاجه يبقى احنا بقى منموتش نفسينا والهى يا جماعه كل واحد
لما يدخل الجامعه هيلاقى طب زى حقوق زى هندسه زى سياسه واقتصاد بس الشاطر اللى هو يحب كليته ويتفوق فيها ويجيب تقديرات ويبقى توب فى الكليه متعرفوش ده بيبقى عامل ازاى فى الكليه معلش فى الكلمه كل الكليه بتلزقلوه ( مصالح طبعا مش حبا فيه ) ومتنسوش ياما علماء كانوا فشله فى التعليم .... الخلاصه نفسك تدخل هندسه
ومجموعك مجابش ادخل خاص ولو اجتهدت فيها طبعا مش هيبقى ليك حل ..... ولما تتخرجوا هتعرفوا انى فى محامى شاطر احسن من بتاع هندسه وطب انا عارف انى كل واحد حاطط فى دماغه هشتغل ايه بعد ما اتخرج ... هقولك مش معنى انك داخل هندسه يعنى انت ايه خلاص ضمنت شغلك انت متعرفش ايه اللى هيحصل ع ما تتخرج بردوا المهم
الاجتهاد فى اى مجال ندخلوا انا عن نفسى كان نفسى ادخل علمى رياضه وادخل هندسه بس الوالدين ربنا يسامحهم دخلونى ادبى بالعافيه ( انت لعبى ومش هتسد فى علمى ... علمى عاوزه مزاكره ) وادينى دخلت ادبى وبعشق الرياضه جايب فيها 50 فى سنه تانيه وكل اساتذتى لامونى انى ادبى بس ايه هموت نفسى يعنى والحمد لله
جيبت السنتين 94 فى الميه وهدخل السن ( شوفوا حلم من هندسه لالسن ) مع احترامى لكل اللى فى ادبى وانا منهم مفيش ولا كليه ادبى عدله من وجهه نظرى انا كان نفسى ادخل هندسه ولما باجى الومهم دلوقتى يقولولى شوف بتوع علمى عاملين فيهم ايه دلوقتى يلا ع كل حال يا جماعه ياريت نفهم ونستوعب ونسيبها ع الله
مش نهايه الدنيا انك مدخلتش الكليه اللى انت عاوزها ( ملحوظه / محدش بيدخل الكليه اللى عاوزها فى بلدنا دى )
كلنا بقى نستعد للكليه اللى هيجيبها مجموعنا وندخلها عن حب عشان نعرف نجتهد فيها ونثبت للدنيا كلها انى ع قد اجتهادنا فى اى حاجه بنبقى زينا زى المهندس زى الدكتور بل محامى شاطر احسن من دكتور فاشل فى جميع الجوانب ......... كلنا بقى نروح نصلى الجمعه كدا وندعى انى ربنا يقدم اللى فيه الخير

،،معلش ،، متقعدش تتحسر عاللي فاات ،، انت مجموعه ادبي ممتاز ماشاء الله ..

لو كتبت سياسه واقتصاد الاول احتمال كبير تلحقها : )

ومتزعلش اووي على هندسه انت مش عارف 94% علمي رياضه بتدخل هندسه دلوقتي ولا لا ..

بالنسبه للغش معرفش علمي طالعين فوق اوي كده ازاي ،، اكيد في ناس ذاكرت واجتهدت بردو منظلمش حد ..

اما في ادبي انا غششت اللجنه كلها تقريبا ،، ولما اتصلت باللي غششتهم محدش زاد عن 80% !!

لاني طبعا مش هقدر اغشش السؤال بالحرف + مش كل الاسئله ..

عموما تفاءل و ربنا يكرمك : )

متزعلش نفسك كلنا ضحيه الناس اللى غشوا ومجمعهم زادت
انا كمان حلمى هيضيع
انا جايبه 96.5% ومش هلحق صيدله وشكلهه هتسرى ع كليه ادبيه وهروح اقتصاد او السن

اولا بالنسبة لموضوع ادبى وعلمى فالاتنين زى بعض فالى يقول ان علمى احسن من الى داخل ادبى يبقى انا اسفة جاهل وكنت عايزة اقول ان السن احسن من هندسة مليون مرة ومجموعها اعلى وهندسة بقت كلية شعبية الكل عايز يدخلها وبعدين كل الكليات حلوة المهم ان الكلية الى الانسان يدخلها يبقى ناجح فيها

طيب رد كده بالعقل اولا انا موافقك ان الامتحانات لا تقيس الا نوع واحد من الذكاء اللى هم سبع انواع و كلها مطلوبة...لكن مش معقولة اى حد جايب 99 يبقى غاشش -انا شخصيا جايب اقل من كده-لكن لما تبقى جايب كده يبقى مفففيش حد تغش منه فى الامتحان الا الكتاب المدرسى...ممكن؟و لو معاك حد فى لجنتك جاب 99 و غش قل لنا........ثانيا دخولك ادبى غلطة لا يتحملها غيرك انا مش بقلك كده سخرية لكن لما تقى جايب 50 فى امتحان السنة اللى فاتت و متحولش علمى يبقى انت اللى مدافعتش عن حلمك كان ممكن فى علمى السنة دى تقفل رياضة و فيزياء و توصل لهندسة-اظن دى حاجة لايلام عليها طالب تانى-انا مش بهاجمك لكن تحقيق حلم يتطلب السعى وراءه انت مدخلتش اقتناع انت دخلت اجبار اعتقد انك لو عملت الصح من الاول مكنتش كتبت الموضوع ده

ربنا يوفقك ان شاء الله

وربنا يعينك ان شاء الله فى السن وتجيب تقديرات كويسة

اولا بالنسبة لموضوع ادبى وعلمى فالاتنين زى بعض فالى يقول ان علمى احسن من الى داخل ادبى يبقى انا اسفة جاهل وكنت عايزة اقول ان السن احسن من هندسة مليون مرة ومجموعها اعلى وهندسة بقت كلية شعبية الكل عايز يدخلها وبعدين كل الكليات حلوة المهم ان الكلية الى الانسان يدخلها يبقى ناجح فيها



هههههههههه انا معاكي
اللي يقول علمي احسن من ادبي يبقى جاهل

وطبعاا :
اللي يقول السن احسن من هندسة يبقى جاهل اكتر واكتر :)
لان دي مجال ودي مجال تاني خاااااااااااااالص

قال كلية شعبية :d !!!! ايوة شعبية لكن مش بينجح فيها الا اللي يستحق

على فكرة مجمعنا مش زى الزفت ولا حاجة اما اكون جايب 96.5% اعمل ايه

وانت مالك مستحقر بتوع ادبي ليه
فيه ناس وانا منهم
الظلم في التعليم بتاع الامتحانات اللي خلاهم يحولوا ادبي
ولو كان اخذوا حقهم كانوا هيبقوا احسن منك في المجموع

اجدع ناس بتوع الادبى :d

مين قال ان كليات ادبى مش زى علمى .. كليات علمى دراستها اطول + بتطلع تقعد ع القهوة ^^

كليات ادبى معظم اللغات منها بتشتغل من و انت فى 3 .. معظم يا سيدى اللى اعرفه تجارة انجليزى - حقوق انجليزى - السن - سياسة و اقتصاد .. بيشتغلوا فى شركات و بنوك عالمية اقلهم بيبقض قبض ابويا فى 30 سنة ! و ابويا عميد و مدير ادارة و هو محاسب فى بنك او فى البورصة او السلك الدبلوماسى و بيبقض نفس قبضه !و تقولى علمى و دكتور و مهندس و الكلام ده صلى ع النبى بس .. بلدنا مش بلد شهادات ^^ .. انا متفق معاك ان الطب ارقى و الهندسة ارقى .. بس مين اللى بيشتغل فى الاخر ؟؟ خريج تجارة انجليزى و لا خريج هندسة ؟؟ لك انت الجواب !

مين قال ان كليات ادبى مش زى علمى .. كليات علمى دراستها اطول + بتطلع تقعد ع القهوة ^^

كليات ادبى معظم اللغات منها بتشتغل من و انت فى 3 .. معظم يا سيدى اللى اعرفه تجارة انجليزى - حقوق انجليزى - السن - سياسة و اقتصاد .. بيشتغلوا فى شركات و بنوك عالمية اقلهم بيبقض قبض ابويا فى 30 سنة ! و ابويا عميد و مدير ادارة و هو محاسب فى بنك او فى البورصة او السلك الدبلوماسى و بيبقض نفس قبضه !و تقولى علمى و دكتور و مهندس و الكلام ده صلى ع النبى بس .. بلدنا مش بلد شهادات ^^ .. انا متفق معاك ان الطب ارقى و الهندسة ارقى .. بس مين اللى بيشتغل فى الاخر ؟؟ خريج تجارة انجليزى و لا خريج هندسة ؟؟ لك انت الجواب !

كلامك سلييييييييم 100%

وادعيلى بقى ربنا يوفقنى وادخل سياسة واقتصاد ان شاء الله

وربنا يوفقك وتدخل الكلية اللى نفسك فيها

مين قال ان كليات ادبى مش زى علمى .. كليات علمى دراستها اطول + بتطلع تقعد ع القهوة ^^

كليات ادبى معظم اللغات منها بتشتغل من و انت فى 3 .. معظم يا سيدى اللى اعرفه تجارة انجليزى - حقوق انجليزى - السن - سياسة و اقتصاد .. بيشتغلوا فى شركات و بنوك عالمية اقلهم بيبقض قبض ابويا فى 30 سنة ! و ابويا عميد و مدير ادارة و هو محاسب فى بنك او فى البورصة او السلك الدبلوماسى و بيبقض نفس قبضه !و تقولى علمى و دكتور و مهندس و الكلام ده صلى ع النبى بس .. بلدنا مش بلد شهادات ^^ .. انا متفق معاك ان الطب ارقى و الهندسة ارقى .. بس مين اللى بيشتغل فى الاخر ؟؟ خريج تجارة انجليزى و لا خريج هندسة ؟؟ لك انت الجواب !



كلامك تمام اوى .. بس انت غلط فى حاجة انك بتقول بلدنا مش بتاعة شهادات

على العكس بلدنا دى ام الشهادات ... دى حاجة اصلاً وحشة جداً و اكبر دليل على كدة ان كل الناس عاوزة تدخل طب و هندسة ... مع ان فيه ناس كتير مش بتحبهم بس مجرد بس علشان الاسم


انا اعرف واحد فى امريكا .. بيشتغل سواق عربية زبالة ... و مبسوط جداً مش شغلانته و بيحبها جداً و بيقولى عمره ما هيسيبها و الناس كلها بتحترمه ... ده علشان هناك مش بلد شهادات زى هنــا

لكن هنـــا مثلاً لو واحد ابوه مهندس او دكتور .. و قاله انا عاوز اشتغل فلاح او صنايعى .. يا ترى تفتكر هيقوله ايه ساعتها ؟

و تقبل احترامى وتقديرى

ع فكرة كلامك صح جدااااااااااااا والمفروض كل واحد يعمل كدة بس صعب انك تتقبل الموضوع بالسهولة دية دية احلام وتخطيط بقالة سنين جة ف اقل من شهر وضاع ف دة شئ اكيد ان الانسان يزعل وعموما ربنا يكرم كل واحد فينا باللي فية الخير لية

ربنا يريح بالك زى مريحت بالى انا زيك برضه بس الفرق ان انا اللى اخترت علمى علوم لان حلمى كان صيدله بس انا جبت السنتين 95.5 وكنت مفكره ان دى اخر الدنيا بس بعد الكلام ده انا هبدا افكر صح

متزعلش نفسك كلنا ضحيه الناس اللى غشوا ومجمعهم زادت
انا كمان حلمى هيضيع
انا جايبه 96.5% ومش هلحق صيدله وشكلهه هتسرى ع كليه ادبيه وهروح اقتصاد او السن

مش ادبى ولاحاجه انا جايبه96.8 انا وانتى مع بعض انشاء الله علاج طبيعى

والحمد لله اكيد لينا خير فيها:excl:

3ala fekra kalamak 3'alt gdn
yan3i eh mafesh wala kolya adby 3edla
omal elly fi seysa w e3lam w alson dol eh
w tegaran eng kaman

w 3ala fekra mafesh 7d fi adby by3'sh w y2fel
lazem elly y2fel yekon 7d mezaker kwys awe

w kter mn elly byd5olo handsa byb2o 3ayzen kolyet qema w 5alas
w kter bardo byfshlo feha w by7wlo tegara

kol wa7ed 7asb myolo w how ahay2dr yenga7 fi eh

انا بأيدك اوى فى حكاية ان كل واحد يجتهد فى كليته ومحامى شاطر احسن من دكتور فاشل كلامك صح اوووووووووووووى لكن احنا طول السنتين لينا هدف معين وحلم بنعمل المستحيل عشان نوصله وفى الاخر ميتحققش طبعا غصبن عننا لازم نزعل ونحس ان تعبنا راح لكن فى الاول و الاخر طلما عملنا اللى علينا خلاص كل اللى يجيبوا ربنا خيرررررررررررررررررررر

يا جماعة صدقونى بجد لجان ادبى مكنش فيها غش انا عن نفسى كان الملاحظ بيوقف فوق دماغنا ورايح جاى
وبعدين ازاى ادبى مفيهاش كلية حلوة اومال المدرسين والاخصائين النفسيين واللى شغال فى بنك والناس المحترمة دى متخرجين من العباسة سورى يعنى مع احترامى
بس لو مكنش ليها فايدة اومال الفايدة فى طب وهندسة وصيدلة بس حاجة تحرق الدم صحيح