بسم الله الرحمن الرحيم

اخوانى و اخواتى الاعزاء ..

انا الحمد لله امتحنت امتحان الفنون بتاع فنون جميلة و نجحت فيه .. نفسى ان شاء الله ادخل قسم الجرافيك فيها


فكنت عاوز اعرف نظام قسم الجرافيك فيها يعنى .. هل هو جرافيك رسم باليد و جرافيكس كمبيوتر زى الفوتوشوب و الايليستريتور و كدة ؟ ( مع العلم انى فى الرسم باليد على قدى يعنى )


و شكرا

السلام عليكم :
لو سمحتم يا جماعه انا سمعت الخبر بتاع ان الوزير معتز خورشيد فتح باب التقدم لامتحانات القدرات من جديد لحد يوم 6 اعسطس ... يارب يكون الخبر صح .
>> انا عايزه ادخل امتحان فنون , حد يجاوبنى هو الامتحان هايكون عباره عن ايه ؟؟ و اجيب المنهج منين ؟؟
ولا لازم اخذ كورس فى الكليه ؟؟ .
>> وبالمره انا جايبه 91.6 % هل ده مجموع كافى للدخول للكليه ( جامعه الاسكندريه ) ؟؟
يارب ياريت حد يجاوبنى بسرررررعه

انا دخلت امتحان فنون و الحمد لله نجحت فيه ...


هو فعلاً الوزير مد الامتحان بس يوم 4/8 بس ... هو ده اللى موجود بالنسبة لفنون


و بالنسبة لامتحان فنون بيبقى سؤالين رسم ... و سؤالين نظرى ..

بالنسبة للرسم السؤال الاول بيجيب قلة و تفاحاية جمب بعض او قلة م فلفلاية او قلة و اتاية .. و المفروض نرسمهم و التظليل..

و السوؤال التانى بيبقى عبارة عن تصميم ابتكارى عن اى حاجة هو بيطلبها منك

شكراااااااا
>> هل الامتحان فى الكليه ولا المدرسه ؟؟

قسم الجرافيك قسم من ضمن اقسام الكلية ( اللى انت بتدرسها كلها فى سنة 1 أعدادي فنون )

و انت بتدرس القسم هتعرف هو ايه بالظبط و بعدين من بعد 1 اعدادي بتتخصص فى قسم

لكن معرفش قسم الجرافيك في ايه بالظبط لاني لسه برضه مادخلتش الكلية انا لسه هدخل باذن الله ^^




-----------

بالنسبة لـ ( آلاء )

الامتحان بيبفى في الكلية نفسها .. كانت زمان فى المدرسة بس النظام اتغير
دلوقتي فى الكلية



--------------

ربنا يوفقكم و يوفقني :)

قسم الجرافيك قسم من ضمن اقسام الكلية ( اللى انت بتدرسها كلها فى سنة 1 أعدادي فنون )

و انت بتدرس القسم هتعرف هو ايه بالظبط و بعدين من بعد 1 اعدادي بتتخصص فى قسم

لكن معرفش قسم الجرافيك في ايه بالظبط لاني لسه برضه مادخلتش الكلية انا لسه هدخل باذن الله ^^




-----------

بالنسبة لـ ( آلاء )

الامتحان بيبفى في الكلية نفسها .. كانت زمان فى المدرسة بس النظام اتغير
دلوقتي فى الكلية



--------------

ربنا يوفقكم و يوفقني :)


شكراً جداً لردك ...

بس انا لو دخلت الكلية هيبقى علشان قسم الجرافيك .. يعنى لو قسم الجرافيك اللى فيها بيبقى رسم باليد و كدة و ملوش علاقة بجرافيكس الكمبيوتر كدة ممكن استبعدها .. :blush: فكنت عاوز اعرف عنه المزيد قبل مادخلها ان شاء الله

=== و بالنسبة لآء كلام محمد حلمى صحيح .. زمان كان فى المدرسة و دلقوتى فى الكلية .. بس لو عاوزة تمتحنيه لازم تلحقى تقدمى فيه علشان مفيش غير يوم 4/8 بس

انا عايزه اعرف اقسام فنون جميله من ادبي ايه ؟؟
واحسن قسم للشغل بعد كده هيكون ايه؟؟

والاحسن فنون جميله ادبي ......ولا تجاره انجلش
بس حلمي فنون جميله بس لو مافيش قسم كويس في ادبي هيكون تجاره انجلش

انا عايزه اعرف اقسام فنون جميله من ادبي ايه ؟؟
واحسن قسم للشغل بعد كده هيكون ايه؟؟

والاحسن فنون جميله ادبي ......ولا تجاره انجلش
بس حلمي فنون جميله بس لو مافيش قسم كويس في ادبي هيكون تجاره انجلش


أقسامها كلها أدبى وعلمى أصلاً .. مفيش غير قسم العمارة هو اللى علمى بس


و باقى الأقسام اسمها فنون .. فيها بقى ديكور و جرافيك و تصوير فوتوغرافى و سينمائى و نحت و كدة يعنى ..


بس لازم تلحقى تمتحنى قدرات الفنون هيبقى 4/8 ان شاء الله

نهـــال

بالنسبة لـ ( فنون جميلة ) فهي أساسا تعتبر كليتين

1. فنون جميــلة ( فنون ) و دي من أدبي و علمي
2. فنون جميــلة ( عمارة ) و دي من علمي رياضة

.....

و فنون جميلة فنون 5 سنين .. سنة اولي اعدادي و دي بيتم فيها دراسة كل الاقسام ( تصوير , نحت , ترميم , جرافيك .... الخ )
و بعدين بتتخصصي من سنة تانية فى قسم من الاقسام دي .. زي كلية هندسة كده


------------

بالنسبة لسؤالك فنون و لا تجارة انجلش !

نصيجة من اخوكي

لو انتي موهوبة ( بجـد ) أدخلي فنون جميلة
هيبي ليكي مستقبل هايل فيها و ممكن تبقي معيدة مين عارف !!

-----------

و ربنا يوفقنا جميعاااااا :)

يا ريت يا جماعة حد يقولى ايه نظام الدراسة فى قسم الجرافيك فى فنون جميلة قبل ماكتب الرغبات