انا عاوز احكيلكم موقف حصل معايا فى بدايه تعيين ؟

كنت لسه متعين وعاوز اشتغل وكنت سعيد جدا لما دخلت على الطلبه وحبيت انهم هيعرفوا معلومات جديدة منى انا مدرس دراسات اجتماعية وبدات اشرح للطلبه باسلوب القصص ومثلنا مع بعض ادوار وضحكنا والاولاد استوعبوا وكانوا هما اللى نفسهم اللى بيحكوا الدرس لبعضهم بعد الدرس وكنت بشغل كل الفصل معايا واول موجه جالى بعد شغل حوالى 3 اسابيع واول مادخل مسك كراسات الاولاد وكتاب المدرسة وحسسنى انى عملت كارثة وانى افشل مدرس فى المدرسة وصرخ بصوت عالى انت هتودينى انا ومديرك فى داهية ........ سالته فى ايه يا استاذ جمعه اسال الاولاد وشوف مدى استيعابهم للدروس واختار افشل طالب , قالى مش مهم كل ده انت مش مصحح الكراسات ليه ولا كتاب المدرسة وفين شغل الاداريات قولتله الكراسات والكتاب الاولاد نقلوهم من السبورة وهما هيذاكروا من الكتاب ولو مش فاهمين اكيد التصحيح مالوش لذمه والعدد كبير والشرح بياخذ الوقت كله قالى انت تدخل الفصل تخلص شغل الاداريات الاول وبعد كده الوقت اللى يفضل اشرح وطبعا خلانى ادخل اخلص ادارياتى الاول والوقت اللى فاضل اشرح واللى يستوعب يستوعب واللى ماستوعبش مافيش وقت ليه .
عارفين ايه بقه سبب فشل التعليم :
1- اولا لازم منظومة التعليم تكون بواسطه مدرسين عايشين العملية التعليمية واكيد معاهم خبراء
2- الاداريات الكثيرة يكون ليها مدرس خاص يكون مع المعلم وتكون مهمة المعلم بس ان الطالب يستوعب المعلومات زى الدكترة معاهم معيدين بيعملوا كل الشغل ده .
3 تخفيف اعداد الطلاب فى الفصول
4- النظريات اللى الوزارة بترسل مستشارينها فى بعثات للخارج وبياخدوا ملايين وبيطبقوها زى ماهى ماتنفعش احنا لينا طبيعه خاصة ومش كل حاجه تنفع معانا ده كمان كل محافظة ليها طبيعه غير التانية .
5- والمفروض طبعا دى اول خطوة الاستقرار النفسى والمادى للمعلم ويعيش بدخل كويس واحترام من الجميع
ده طبعا رايى المتواضع من واقع شغلى .

متفق مع حضرتك تماما فالدولة ونظام التعليم المحبط فيها هو سبب تدهور التعليم فيها المسئولون عنه هم السب المتعمد لتدهوره من مديرين وموجهين ووزير ووكلاء ومستشارين ** طرق التدريس والتقييم والتقويم والمعايير التى اخترعوها وماأنزل لله بها من سلطان الا لتعويق العملية التعليمية وافشالها وايضا جعل المعلم يعيش فى اضطراب وعدم استقرار مادى او نفسى كما يحدث الآن لنا هو السبب **سيدى الاسباب متعددة والنتتيجة واحدة **هل العيب مصرى ام من الخارج حتى نظل متخلفين عن ركب الانسانية المتطور **سيدى انظر لأهم جناحين فى مصر وفى العالم اجمع وهما التعليم والصحة وكيف يتم التعامل معهما فى مصر من احباط واذلال لخلق مجتمع جاهل مريض سهل التحكم فيه**وانا اقول لأعداء مصر مبروك فقد افلحتم ونجحتم فالعيب لم يكن فى مبارك ونظامه فقط فما اشبه الليلة بالبارحة نفس السياسات والخطى غير ان الوجوه والاسماء قدتغيرت