لو الحد الادنى للكليات بقى قليل هيحدث ....... [الأرشيف]

مشاهدة النسخة كاملة : لو الحد الادنى للكليات بقى قليل هيحدث .......

shady1230898

29-07-2011, 04:50 PM

يا جماعة انتوا كلكم عاوزين الحد الادنى يقل عشان اى واحد عاوز يخش كلية يخشها

ماشى يا عم لو الهندسة قلت و خدت مثلا من 92 ( و دة طبعا مستحيل) و زاد عدد الطلبة فى الكليات

و لما تتخرج عشان تشتغل هيبقى فى مهندسين كتير اووووووووووى يبقى هتقعد على القهوة و مش هتشتغل

عشان كدة لازم كلنا نرفض الموضوع ده

figo_ff

29-07-2011, 04:53 PM

اكيييييد طبعا وبعدين مش هينفع لو خدت من 92 يبقي هتخد من 80 ل 100 الف بدل 17 الف
نكتة كبيرة وهنعمل بالظبط زي التجارة مع احترامي الكامل ليها انا بس بشبه بالعدد

البنوته ميوده

29-07-2011, 04:55 PM

ياعم صلى ع النبى بس هوه يقل
وكل واحد يحقق حلمه وسيب الشغل ده على ربنا
انت فين وبعد التخرج فين

ف ناس كتير تعبت وجابت مجاميع كويسه ومش زنبهه ان ناس تانيه غشت
وجابت اعلى
سورى انت اكيد جايب مجموع مريحك عشان كدا مش حاسس بالناس دى وبتقول الكلام ده لو كنت جايب قليل اكيد مكنتش هتقول كدا وهتتعلق باى امل زيهم

rove angel

29-07-2011, 04:56 PM

الكلام دة صحيح
بس يعني حتى اللي تخرجوا من الكليات وعددهم قليل برضه مش لاقيين شغل
ربنا يتولانا برحمته ..

m_cabo

29-07-2011, 04:58 PM

khawarismy

29-07-2011, 05:05 PM

ياريت محدش يشغل نفسه بموضوع الشغل يعني الناس دلوقتي المتخرجين شغالين وزراء ولا ايه اللي بيجتهد بيلقى شغل في اي مكان سيبوها على ربنااااااااااااااااااااااا

A7med Negm

29-07-2011, 05:11 PM

يا عم لو فرضنا ان دفعة هندسه خدت مليون

وربنا رايدلك انك تشتغل هتشتغل

يعنى الشغل ده حاجه بتاع ربنا وسعى منك انت

وربنا قال سعى ياعبد وانا اسعى معاك

sosolover

29-07-2011, 05:17 PM

على فكرة ياخوارزمى اللى عايز يشتغل بيشتغل حتى لو كانت الدنيا مقفلة فى وشه المهم هو ينوى بس طب ماهو اللى قاعدين على القهاوى دول مطنشين خالص اصلا ولا فى دماغهم شغل من اساسه

نسمه يسرى

29-07-2011, 05:21 PM

الوزير قال انه هيوصل بيها
لتنسيق 2009
يعنى 93.3
مش هينضرب بيها الارض يعنى

وبالنسبه لعلمى حرام انحد
يجيب من وطالع395 وميدخلش صيدله

يعنى قصدنا ينزله بالمعقول
مقلناش طب 93 والهبل ده

eng/ yasmine

29-07-2011, 05:36 PM

يا جماعه احنا لو دخلنا هندسة يبقى هنتخرج بعد 5 سنين
وان شاء الله فى الوقت ده يكون وضع البلد اتحسن وفى شغل وكمان ياخدوا المتميزين مش ممكن اللى جايب92 ومستكترين عليه الهندسه يبقى احسن منى واللى جايب جاميع كبيرة

وبعدين احنا بنسبق الاحداث مش فاضل غير اقل من 24 ساعة ونعرف

eng/ yasmine

29-07-2011, 05:40 PM

الموضوع مش موضوع ناس كتير فى الكليه
طب ما تاخد انشالله مليون
بس المهم كام واحد من المليون هيتخرج
ويبقى مهندس كويس او دكتور محترم وليه مركزة
فى ناس متستحقش انها تخش كلية هندسه وجايبه مجموعها
وفى ناس لو دخلت هندسه هتبدع فيها بس نسيبها كدا
انا مش بقول كدا علشان مش هلحق هندسه
انا الحمد لله مجموعى جايب هندسه
بس حراااام الناس تتعب سنتين وفى الاخر تروح كليه ولا بتحبها

برافو عليك هو ده الكلام مش كل واحد جايب مجموع الهندسة او طب مايفكرش فى غيره وعلى فكرة شغل ثانوية عامة غير الكلية وانا بعتبر ان الثانوية العامة مش مقياس
وكمان حرام واحد جايب 92 ويدخل خاص مع واحد جايب 80او 70 انا مش قصدى حاجة

وردتك ايه

29-07-2011, 05:44 PM

يا رب ينزل ... علشان الطلبة تفرح ومتحسش بالظلمـ ، علشان
مكنش جايبة 383 واشوف امى قاعدة بتعيط جمبى ... خلى اولياء الامور يفرحوا بقى
لو الشغل ربنا كريمـ وفى خلال السنين ديه تكون المشروعات زادت باذن الله

hippara

29-07-2011, 06:20 PM

انت يابني فاهم حاجه
احنا بلد 90 مليون
يعني المفروض اساسا كل سنه يزيد حجم المقبولين في كليات الهندسه والطب مع زياده السكان عشان يحدث توافق
مش بلد 65 مليون وعدد المقبولين 12 الف
ولما نبقي 90 عايز تخليها 3500
!!!
اذا كان في سبب واحد
فهو انهم مش عايزين الناس تتعلم عشان ماتفوقش لاي فساد
وعشان الكليات الخاصه
بلاش فقاقه بقي واهدي شويه

صقر الإسلام

29-07-2011, 07:07 PM

هناك طلاب حصلوا على درجات منخفضة عن الآخرين ! وده بسبب الظلم فى التصحيح ، والتجاوز عن البعض الآخر ، والبعض الآخر سمح له بالغش وأنا شاهد على ذلك ، وآخرين حصلوا على ذلك بمجهودهم . :blush: :huh: .
ولكن عند دخولهم الجامعة ! كل ده بيتغير . فمثلا : واحد جايب 95 % بمجهوده ، وواحد آخر حصل 98% أو 97% بالغش، (مع كامل احترامى للجميع ) ، والاتنين دخلوا كلية الهندسة . بس الأول اجتهد وربنا وفقو وأصبح معيد فى الكلية بتاعته وصار دكتور فيها ، والتانى اتخرج من الكلية ولم يجد عملا . فأيهما أحسن الآن الأول أم الثانى . فالعبرة بالنهاية وليس البداية . وعلى فكرة أنا علمى علوم جايب ولله الحمد 96% ، وأسأل الله أن يوفقنى لما يحبه ويرضاه . آمين :d

د.أحمد ح

29-07-2011, 07:46 PM

hosamhamid

29-07-2011, 07:48 PM

يا شباب انا جايب377.5يعنى 92
ولقيت لى درجات كتير فى الفيزياءاكترمن10واللهى لان دى اللى مضيعانى
اعمل ايه؟؟؟؟
هلحق ايه؟؟؟؟؟؟؟؟؟؟؟؟

عمرو.22

29-07-2011, 10:01 PM

أولا الشغل دا رزق و على ربنا .. و انا بتفق مع كل الناس اللي ردو فوق ..

و احنا مبنقولش ان الطب 93% لأن دا هبل و عبط زي ما قالو فوق ..

و كمان في ناس اتظلمو في التصحيح و أنا منهم أقسم بالله ليا على الاقل درجة و نص بالميت إن مكانوش درجتين و نص و الاجابات واضحة زي الشمس و المصحح الاعمى محسبليش الدرجات و طبعا مش هعرف آخد حقي ..

و في ناس مرضيتش تغش علشان ربنا يكرمهم و يباركلهم في رزقهم و ناس غشت و جابت مجاميع عالية .. عن نفسي كان معايا سؤال في العربي نقصت عليه درجة كاملة و كنت ممكن أغشو و مرضتش علشان مخدش قرش حرام في حياتي مع اني لو كنت خدتها كنت هبقا جايب دلوقتي 98.6% و كنت ضمنت الطب .. بس دلوقتي أنا في أشد الحاجة لربع درجة حتى و الحمد لله راضي عن نفسي ..

و مستحيل ربنا يساوي بين اللي اجتهد و جاب مجموعو بمجهودو و بين اللي غش و خد حاجة مش من حقو ..

Eng. Ahmed Said

29-07-2011, 10:10 PM

بص هو الشغل فعلاً رزق من ربنا سبحانه وتعالي، وبعدين هي الفكرة في كام واحد هيبقي مهنس شاطر ومطلوب في شغله، فيه ناس ممكن تخلص ثانوية وترتاح طول حياتها بعدها كأن الحياة وقفت والمستقبل طفي أنواره !!

hosamhamid

30-07-2011, 11:55 AM

و في ناس مرضيتش تغش علشان ربنا يكرمهم و يباركلهم في رزقهم و ناس غشت و جابت مجاميع عالية .. عن نفسي كان معايا سؤال في العربي نقصت عليه درجة كاملة و كنت ممكن أغشو و مرضتش علشان مخدش قرش حرام في حياتي مع اني لو كنت خدتها كنت هبقا جايب دلوقتي 98.6% و كنت ضمنت الطب .. بس دلوقتي أنا في أشد الحاجة لربع درجة حتى و الحمد لله راضي عن نفسي ..

و مستحيل ربنا يساوي بين اللي اجتهد و جاب مجموعو بمجهودو و بين اللي غش و خد حاجة مش من حقو ..[/quote]

لكن اللى ماغشش اتظلم كمان فى التصحيح كتير ولما لقيت الدرجات يقول لسه بعد الفحص
واللى غش جاب مجموع كبيييييييير وهايدخل كلية ماييستاهلهاش عشان دى مصر.......الوزراء عمر فكرهم ماهيتغير