أبني في كلية الحاسبات و مستعد اجابة أي سؤال [الأرشيف]

sayed mish

29-07-2011, 08:01 PM

رأيت أن كثير من الناس لا يعرفون معلومات عن كلية الحاسبات و يصطدمون عند التنسيق بوجودها على قائمة التنسيق و يودون ان يعرفوا ماهية دراستها و الي اي الطرق تقود و و ابنى مستعد ان يجيب على استفسارتكم و هو في مرحلة النهائيه من الكليه.
و ده الايميل الخاص به
mohamed_sayed1776***********

the spider mido

29-07-2011, 08:37 PM

انا جايب 91.5 ممكن الحق حاسبات ولا صعب؟

badnamef4

29-07-2011, 10:18 PM

السلام عليكم و رحمة الله و بركاته
فيه حاجة في حاسبات بياخدوها اسمها quantum computing؟ و ده بيبقى في أنهي قسم و في أنهي جامعة؟
و لو كانت الإجابة لا فإذاً إيه المقصورد ب intelligence and quantum computers في المقررات اللي بتدرسها IT؟
و بجد شكراً جداً على إيجابية حضرتك و إيجابية ابن حضرتك و استعدادكما للمساعدة بل و عرضها كمان عشان الفترة الحرجة اللي بيمر بيها الطلبة دلوقتي في الاختيار
السلام عليكم و رحمة الله و بركاته

sayed mish

30-07-2011, 07:51 PM

و الله مش عارف لأني مش متابع اخبار التنسيق العام ده بس يارب يكرمك بالكليه الت تريدها و عليك بالدعاء بس هي غالبا بتقل عن هندسة بواحد في ميه

sayed mish

30-07-2011, 08:04 PM

تخصصنا احنا اكتر في سوفت وير و لكن بنأخذ نبذات عن الهارد وير اللي بتخدمنا في تخصصنا ففي كلة الحاسبت جامعة أسيوط مش بتتاخذ هذه الماده .
و لكن لو عايز تعرف عن الموضوع ده فأليك اللينك ده هو بيشرحها بطريقه مبسطه
arabhardware.net/forum/showthread.php?t=234489
بس ياريت تضع البرتكول هو http و www لأني في مشكله عندي هو لايسمح اني أضع لينك ألا بعد 25 مشاركه و انا لسه موصلتش العدد ده و تحت أمرك في أي شيء و عندك الايميل بتاعي

الفتاة الذهبية

31-07-2011, 11:33 PM

ياريت تقول لنا كلية الحاسبات في كل جامعة بتقبل كام طالب تقريبا ؟

sayed mish

01-08-2011, 01:26 AM

ربنا بس الذاكره تساعدني أني أتذكرهم
حلوان و القاهره و أسيوط و عين شمس و المنوفيه و المنصوره و الزقازيق و المنيا و السويس و بنها و حترفي الباقي لما تنسقي في الموقع حيجبلك كل الحاسبات اللي في الجمهوريه
هي بتتأخذ كل سنه 2500 طالب مش عارف السنه دي حتأخذ كام
و ربنا يوفقكم جميعا

dina elfeky

01-08-2011, 02:08 AM

انا عايزة اعرف امتى الواحد ياخد كورسات و ما هي الكورسات االللى اخودها ؟؟

sayed mish

01-08-2011, 03:40 AM

الكورسات اللي ممكن تاخذيها على حسب المجال اللي اللي ناويه تتخليه يعني بأذن الله يعني لو حبى برمجة الشبكات يبقى ccna و cnp اما مثلا حبي قواعد البيانات يبقى oracle و c#sharp و sql مثلا فحددي المجال اللي ناويه تتخصصي فيه.
بس ياريت لو انتي داخله سنه اولى ياريت تكوني على الأقل عندك خلفيه عن السي بلس بلس لأنها حساعدك في دراستك بالكليه.
بالتوفيق باذن الله

محمد فتح الباب

09-08-2011, 03:53 PM

لو سمحت عندي سؤالين الاول كورس السي بلس بلس دة اخدوا فين ينفع اخدوا في جامعة عين شمس او حضرتك لو سمحت تقول لية علي الاماكن المتاحة الي ينفع اخد فيها هذا الكورس انا من القليوبية ودخلت حاسبات عين شمس
السؤال التاني /هل انا محتاج اني اخد كورس انجليزي انا سمعت ان الدراسة كلها انجليزي ولا عادي
سوال اخر لو سمحت /انا دخلت حاسبات بس مش عارف افضل قسم من ناحية الدراسة والشغل بعد كدة مع العلم اني حاسبات عين شمس
شكرا جدا

sayed mish

11-08-2011, 09:20 PM

اولا معلش اتأخرت عليك في الرد
بالنسبه لموضوع كورس السي بلس بلس ممكن تسأل حضرتك لو في جامعة عين شمس بتعطيه و لا لأه و لو كان لأه انا مستعد أديك موقع كويس تبدأ بيه.
أنت لو مستوالك كويس في الانجيليزي من الثانويه العامه يبقى مالهوش لازمه تأخذ كورس في الانجيليزي أنت حتواجه صعوبه في اول أسبوعين بس بعدين حتتعود.
هو تقريبا بيتحدد القسم من سنه تالته في عين شمس شوف أنت بتحب ايه و أدخله و هي كل الاقسام مطلوبه بس بتفرق في قسم بيطلب داخل مصر و في قسم بيطلب خارج مصر.

Mixology

11-08-2011, 10:04 PM

sayed mish

13-08-2011, 11:05 PM

ده الموقع ياريت كل واحد يدخله و يستفيد منه
arabteam2000-forum
بس ياريت تحطوا wwwقبل الموقع و بعديها .com معلش أصلي مشاركاتي لم تتعدى ال 25 فلذالك لا يسمح لي أن اكتب موقع

Mixology

14-08-2011, 01:10 AM

ده الموقع ياريت كل واحد يدخله و يستفيد منه
arabteam2000-forum
بس ياريت تحطوا wwwقبل الموقع و بعديها .com معلش أصلي مشاركاتي لم تتعدى ال 25 فلذالك لا يسمح لي أن اكتب موقع

تمام اوى كدة قشطة عليك

mohamedsary

14-08-2011, 09:31 PM

انا رايح اولى ومش فاهم اى حاجة اى حد يفدنى ارجوكم

sayed mish

14-08-2011, 09:47 PM

انا رايح اولى ومش فاهم اى حاجة اى حد يفدنى ارجوكما
الف مبرووك جاتلك حاسبات أيه؟
و احنا تحت أمرك في اي أستفسار

yomna kamal

28-08-2011, 02:13 AM

انا هاخود كورس oracle لو سمحت عاوزة اعرف اد هو مهم لحاسبات ولشغلي بعد كده

fuoozz

28-08-2011, 02:31 AM

انا هاخود كورس oracle لو سمحت عاوزة اعرف اد هو مهم لحاسبات ولشغلي بعد كده
ملويش لازمة معاكى خالص فى الاول يفضل تركزى فى دراستك اكتر لو مفهمتيش اى حاجة من المعيدين او الدكاترة
ابدى لوحدك وخدى كورس اللى بتاخديه فى دراستك وغالبا ياسى شارب او سى بلاس بلاس

aya 93

28-08-2011, 01:35 PM

fuoozz

28-08-2011, 02:25 PM

انا داخلة سنة اولي السنة دي ومحتاجة اسأل عن حاجات كتير شوية: اولا انا قدمت علشان تدريب icdl هل ديه خطوة هاتساعدني لاني مش متعمقة في الكومبيوتر وحاسيت ان الخطوة ديه هتبقي ارض صلبة بالنسبة لي ثانيا انا عايزة اعرف ايه هي القورصات اللي ممكن اخدها في سنة اولي علشان تساعدني في الدراسة واخيرا لو عندك اي نصيحة بالنسبة لي ارجوك تقولها لاني في امس الحاجة ليها (شكرا*)

بصى هو حضرتك icdl دى اسمها شهادة محو اميه الكمبيوتر ببساطة بياخدوها معظم الناس اللى خريجة تجاره واداب وحقوق للعمل فى المجال ده وهى ملهاش اى لازمة بالنسبة للطلبة كمبيوتر ثانيا الكورسات مش من اول سنة
ركزى فى دراستك اكتر حاولى تفهمى مجالك بيتكلم عن ايه ولو حسيتى انك مش فاهمة حاجة ابدى خدى كورسات

aya 93

28-08-2011, 04:22 PM

fuoozz

28-08-2011, 08:45 PM

اولا شكرا لكل اللي ردوا ....... انا فهمت منكم ان الكورس ده مش مهم وان انا لازم استنا شوية لحد ما ادخل الكلية واحدد وان كمان ممكن اثقف نفسي..... لكن انا قولت ان انا تجاربي مع الكمبيوتر قليلة جدا علشان كده فضلت اني ابدا اتعلم اللي اقدر عليه خلال الاجازة وده لاني عارفة اني هدخل الكلية هلاقي ناس افضل مني ومش هنبقي في مستوي واحد علشان كده كورس icdl هيبقي خطوة بالنسبة لي ... ايه رأيكوا!!!
ملويش لازمة اطلاقا دى عبارة عن تعليم للورد والاوفيس والباور بوينت والاكسل وكل اللى داخلين معاكى فى سنة اولى بيبقى فى نفس المستوى ماعدا بعض الطلبة بيبقوا فاهمين شوية فى المجال ده من رايى ادخلى وادرسى واجتهدى فى دراستك هتفهمى كتير وهيفرق اكتر معاكى دونا عن بقية الطلبة

fuoozz

28-08-2011, 09:14 PM

aya 93

29-08-2011, 01:13 AM

طيب انا ممكن اعمل ايه اثناء الاجازة .... هل افضل مستنية السنة تبدأ!!!

badnamef4

29-08-2011, 02:20 AM

حضرتك كويسة في الإنجليزي؟
أنا طالب رياح سنة أولى إن شاء الله و بعمل حاجة كده مش متأكد هتبقى صح ولا لأ و مش متأكد محتاجة قد إيه إنجليزي
عامة بتفرج على فيديوهات تبع كورس تبع MIT. الكورس ده تقريباً في أساسيات الأساسيات، أنا شخصياً عاجبني جداً و إن كنت أكيد ساعات فيه حتت مبعرفش أفهمها
دوري في اليوتيوب mit 6.00
بس هو في أول محاضرة بيعرف بالكورس و كده في أول ربع أو تلت ساعة فممكن الواحد يحس بالملل بعد شوية
و في أول محاضرة بشكل عام ممكن تحسي إنه بيتكلم عن الحاجات السطحية أوي بس بعد كده هيبدأ في الأساسيات
و ممكن لو حضرتك مابتعرفيش تلقطي الكلام بالانجليزي - زيي كده - تشغلي cc طبعاً
السلام عليكم و رحمة الله و بركاته

aya 93

29-08-2011, 06:14 AM

انا كويسة في الانجليزي بس مجربتش اوي حكاية الشرح بالانجليزي عموما شكرا علي المعلومة ولو عندك اي جديد ارجوك تقولها

aya 93

29-08-2011, 06:33 AM

انا كويسة في الانجليزي بس مجربتش حكاية الشرح بالانجليزي عموما شكرا علي المعلومة ولو عندك اي معلومة ارجوا انك تكتبها

aya 93

29-08-2011, 06:45 AM

انا كويسة في الانجليزي بس مجربتش حكاية الشرح بالانجليزي عموما شكرا علي المعلومة ولو عندك اي معلومات ثانية ارجوا انك تكتبها

Eng.Mo'men

30-08-2011, 08:23 AM

اهلا بيكم انا من رأيى اننا منعملش اى حاجة دلوقتى عشان منندمش ونستنى لحد اما ندخل وبعدين هنعرف ايه المطلوب

مؤمن الغمرى حاسبات الزقازيق

mtarek

03-09-2011, 06:41 AM

السلام عليكم انا ان شاء الله حاسبات حلوان و كنت عايز نصيحة حضرتك ايه رأيك ادخل قسم هندسة برمجيات ولا كومبيوتر ساينس يعني ايه احسن من حيث مجال العمل؟؟؟ وشكرا

Eng.Mo'men

03-09-2011, 01:51 PM

اما تخش الاول الكلية تبقا تفكر فى الاقسام بعد اما تشوف وتسأل اللى اكبر منك فى الكلية وتصطدم بالدراسة

sayed mish

08-09-2011, 04:45 PM

أسف على التقصير والله
بس بالنسبه لاخ اللي بيسأل هندسه برميجيات و لا علوم حاسب في حاسبات حلوان
أولا هم بيخيروك بين هندسة الحسبات و بعيدين الي شعبه العامه يعني االي في سنه تالته بتختار تدخل هل نظم معلومات و علوم حاسب و تكنولوجيا معلومات أنا أخذت ماده في الكليه اسمها هندسة البرميجيات حبيت الماده و لكن محبتش أني اتخصص فيها لأني حسيت سوق العمل بتاعها ضعيف فأنصحك بالشعبه العامه
و ربنا يوفقك والارزاق بيد الله أولا و أخرا

old_navy47

30-09-2011, 09:54 AM

شكرا على هذا المجهود بعد ازنك ليه جدول المحاضرات 9 فيلات

*ahmed saleh*

06-10-2011, 01:16 AM

ايه الاقسام الكويسة فى الكلية ومجال شغلها حلو ومفتوح

mohamed yhia

08-10-2011, 01:50 PM

ايه الاقسام الكويسة فى الكلية ومجال شغلها حلو ومفتوح

مفيش غير قسمين هما علوم الحاسب ونظم المعلومات ويوجد قسم خاص يسمى هندسة البرمجيات

محمد عمرو ابوالحسن

08-10-2011, 06:26 PM

ايه الاقسام الكويسة فى الكلية ومجال شغلها حلو ومفتوح
حسب الجامعة انا عندى قاهرة فيها اربع اقسام (علوم حاسب - تكنولوجيا معلومات - و نظم معلومات - ودعم اتخاذ قرار) و معظم الطلبة بيقولولنا ان احسن قسمين علوم الكومبيوتر و تكنولوجيا المعلومات وسوق العمل متاح للاتنين دول فى مصر وخارج مصر