مشاهدة النسخة كاملة : أنا عايزه جواب نهائي علم نفس ولا اقتصاد وإحصاء ؟
the matrex 29-07-2011, 11:47 PM أنا خلاص زهقت وغيرت الماده دي مرتين أثناء الدراسه ومش عارفه أختار اه ؟ أنا علي فكره جايبه في تانيه99.8
جوبولي السؤالين دول ؟
1*طلبه علم نفس كانوا بيذاكروه كام ساعه اسبوعيا؟
2*طلبه الاحصاء هل الماده دي مش مضمونه؟ ومسائلها بتلخبط ولا لأ ؟
أنا عارفه ان في مواضيع كتير بتسأل نفس السؤال ده بس ساعدوني
the matrex 30-07-2011, 12:08 AM ردوا عليا . أنا خايفه اختار ماده وأندم علي اختياري بقيه عمري
sad nono 30-07-2011, 12:22 AM ردوا عليا . أنا خايفه اختار ماده وأندم علي اختياري بقيه عمري
اسمحيلي ارد عليكي حتى لو مش عن تجربة
لكن يا حبيبتي محدش هيقدر يفيدك في حاجة زي دي لسبب بسيط جداا
وهو ان الخير ليكي مش زي الخير لاي حد
ولو واحد قالك ان الاحسن علم نفس مش بالضرورة يكون الاحسن بالنسبالك
قرارك ابنيه انتي على اسس اولها : استخارة ربنا لانه هو الاعلم بالخير ليكي
تاني حاجة شوفي درجتك في الرياضيات السنادي كاام كمثال للاقتصاد والاحصاء ؟؟ وشوفي درجتك في الكيماء كام كمثال لعلم النفس وشوفي ميولك انتي لإيه
واهم حاجة تستخيري ربنا وتتوكلي عليه ..
يارب اكون افدتك ،،
والسلام عليكم
Asa7be Wawa 30-07-2011, 12:22 AM من الاخر الاتنين مستوى واحد والله والاتنين من كلام الناس بيقولوا اسهل من بعض ..المشكلة بس إنتي حبة إيه إللي هتحبيه هتجيبي50 فيه
AHMED 00 30-07-2011, 12:25 AM نصيحة
خدى المادة الى انت شايفها احسن بالنسبة ليكى او بتحبيها وملكيش دعوة بالناس
لو سالتى اى حد هيقنعك بالمادة الى هو خدها
انا عن نفسى هاخد فلسفة (انا علمى رياضة :d)
the matrex 30-07-2011, 01:49 AM أنا هصلي استخاره وربنا يسهل .
شكرا ليكو و ربنا معاكوا ومعايا في السنه اللي جايه .
Eng. Ahmed Said 30-07-2011, 07:33 PM بُصي لو ليكي في الحفظ أوي أكيد خدي علم نفس، لو حابة مذاكرة أقل شوية وفهم أوي خدي إقتصاد وإحصاء بس لازم تاخديهم أول السنة مش من نص السنة، وبالذات الإحصا
لؤي وائل الخطيب 30-07-2011, 10:23 PM اذا انتي علمي رياضة تقدري تدخلي اقتصاد واحصاء وانتي مطمنة بإذن الله
واذا علوم فكري شوية في الموضوع على حسب انتي كنتي شاطرة في الرياضة ولا كنتي بتعاني في مذاكرتها
مع العلم ان الاحصاء سهلة جداً ومش رياااااااضة خالص بس انا بقولك برضو يمكن انتي كارهه اي شئ رياضة
وهقولك على حاجة من واقع تجربة انا مخلص تالتة السنة دي علمي رياضة
الاقتصاد مادة تحتاج لفهم , ثم حفظ
والاحصاء مادة سهله جداً بس محتاجة فهم
والامتحانات بتاعتها سهلة جداً بإذن الله
وماحدش اتكلم على صعوبة امتحان الاحصاء إلا في سنة واحدة تقريباً
the matrex 31-07-2011, 01:49 AM انا علمي علوم والرياضه أنا بحبها .خلاص أنا هاخد اقتصاد واحصاء بس اه اللي حصل في السنة دي وكانت سنة كام؟
Asa7be Wawa 31-07-2011, 08:02 AM انا علمي علوم والرياضه أنا بحبها .خلاص أنا هاخد اقتصاد واحصاء بس اه اللي حصل في السنة دي وكانت سنة كام؟
سمعت إنها سنة 2008 وكان امتحان معقد
tweetyy 31-07-2011, 09:00 AM بصى حسب ميولك تمام لو بتحبيالفهم البحت ادخلى اقتصاد واحصاء بس تكونى قد الاقتصاد والاحصاء وتدربي تدريب كويس جدا جدا جدا عليه بحيث ان امتحان الاقتصاد مياخدش منك الا نص ساعه والاحصاء نفس الكلام لان الامتحان بيجي اخر السنه الوقت ميكفيش الامتحان فلازم تدربي كويس جدا جدا جدا ودا طبعا سهل عليكي لانك بتحبي الفهم تمام واستخيري ربنا برده واهدى كده الموضوع مش مشتاهل روقى خالص واهدى كده وتاكدى ان ربنا مش هيوفقك الا للى فيه الخير انشاء الله وادعى ربنا تمام اما بالنسبه لعلم النفس هو سهل جدا اصلا مش مستاهل فهم ولا اى حاجه دى معلومات وبتعرفيها زى نظرى الكيمياء كده في ايه فهم وعلم الاجتماع هايف جدا جدا جدا باى حال من الاحوال للى بيحب الفهم او الحفظ علم النفس اسهل بكتييير وبيلم درجات وانتى ايه في مصلحتك الا الى بيلم درجات ودول 50 درجه وعلى العموم اقصاد واحصاء كويس للى بيحب الفهم بس مشكلته انك ممكن لاقدر الله تتلغبطى في حل مسئله مساله يكون شكلها من برة حاجه ولكن فكرتها حاجه تانيه كده كمان بيتفزلكوا اوى في امتحانات الاقتصاد والاحصاء انما علم النفس هيتفزلك في ايه ده ماده عبيطه وزمن الامتحان اخر السنه بيبقي كبير انا قلتلك على الاتنين وانتى اختارى وادعى ربنا علم نفس حلو اقتصاد واحصاء حلو ومتخافيش خالص
*moon* 31-07-2011, 09:33 AM انا علمي علوم والرياضه أنا بحبها .خلاص أنا هاخد اقتصاد واحصاء بس اه اللي حصل في السنة دي وكانت سنة كام؟
كانت سنة 2008السنة اللى اختى كانت فيها
لعب ف الاحصا شوية وجاب مسالة اللى حلها بالفرض جاب48
واللى حلها بطريقة تانية كده جاب43
ده اللى سمعته وده كان اصعب امتحان احصا
بس الحمدلله اختى جابت 48فيها وهى دلوقتى ف هندسة
اما انا فاخدت علم نفس عشان مضمون شوية وكمان البنات اللى معايا واخدينه
بس شايفة ان الاتنين زى بعض
توكلى على الله وخدى اللى انتى اخترتيه
ومش تسالى كتير عشان مش تتلخبطى
ahmedsalah56 31-07-2011, 09:37 AM بصى المادتين اسهل من بعض
لكن الاحصاء لعب فيها سنة 2006 و 2008 وفى طلبة كتير ضاعت علشان كده فى السنين دى
المضمون علم النفس
مادة مباشرة جدا ومش محتاجة اى مجهود
وبالنسبة لحفظها انتى لو راجعتى عليها كذا مرة هتبقى خلصت بالنسبة ليكى خلاص
وربنا يوفقك يااااااااااااااااااا رب
سارة عطالله 31-07-2011, 10:29 AM توكلى على الله
وخدى
علم نفس
مادة ان شاء الله تكون مضمونة
ربنا يوفقك
Eng:Noussa 31-07-2011, 08:45 PM اقتصاااااااد واحصاااااااء سهله جدااااااااااا
engineering93 03-08-2011, 06:03 PM أنا كنت محتارة نفس الحيرة بس سألت كتير و فكرت كتيييييير و استخرت ربنا و هايتخير تانى ان شاء الله
حسيت إن علم نفس مضمون اكتر وناس ضعيفة فى الدراسة كتببببر قفلته
و امتحانه مضمون اكتر و درس واحد ووقت واحد (أنا على فكرة علمى رياضة و بحب الرياضة دى جداااااااااااااااااااااااااااااااااااااااا)
بس قلقت من الاقتصاد جداااااااا ..مليان حفظ و حفظ رخم
انا ارشحلك اقتصاد واحصاء لانى كنت واخداه وجايبه50 والله كنت بذاكرة عادى مش عاوزة اى مجهود وعلى فكرة انا كنت علمى علوم
NeVeR CoMe BacK 04-08-2011, 02:33 AM علم نفس علم نفس :) :)
Seif Albaz 05-08-2011, 02:12 AM علــــــــــــــــــــــم نفس اكيد
dr /nada 05-08-2011, 03:16 AM علم النفس ممتع بمعنى الكلمه فحتى لو اختارتي الاحصاء ابقي اقرئيه بعد الثانويه هتلاقيه ممتع بجد
Mostafa Walid 05-08-2011, 04:29 AM بصى انتى لازم تكونى مقتنعه بالحاجه من جواكى والله محدش حينفعك ممكن اللى بيقولك علم نفس يكون بالنسباله سهل لكن بالنسبالك انتى يطلع صعب مين عارف ونفس الحكايه بالنسبه للاحصاء والاقتصاد
بصى الاتنين اسهل من بعض والله وده بشهاده ناس كتير واكيد مفيش حاجة صعبه بالمذاكره ابدا
يعنى اللى عليكى وفاضل انك تاخدى الماده اللى انتى متقبلها وحاسه حتعرفى تذكريها بس
lolo cat 08-08-2011, 12:22 AM انا نفس المشكلة وجايبة فى تانية 96 وكنت احياء وبكره الحفظظظظظظظظظظظظظظظظظ
Mostafa Walid 08-08-2011, 04:17 AM انا نفس المشكلة وجايبة فى تانية 96 وكنت احياء وبكره الحفظظظظظظظظظظظظظظظظظ
يبقى زى ما قولنا بردوا المادتين سهلين والله وناس كتير بتقفلهم بس الفكره انتى متقبله ايه
انا عن نفسى مثلا داخل تالته
وكنت بحب الفلسفه فى اولى بس عندى احساس انى لو اخدت فلسفه او علم نفس مش حعرف ازاكر فيهم كلمه
وحاسس انى مستريح للاقتصاد والاحصاء علشان كده اخدتهم خدى اللى انتى مستريحهاله بس
|