هل استطيع التحويل من هندسة حلوان الى القاهرة في فترة التحويلات و و امتى بتبدأ ؟؟

انا جالي هندسة حلوان برضه بس كنت عاوز القاهرة بس خلاص الحمد لله على كل حال وياريت ينفع احول

التحويل بيكون لتقليل الاغتراب
يعنى من بين المحافظات وبعضها عشان تقرب من سكنك ولا تتعرض للإغتراب خارج محافظتك

بالتوفيق للجميع

السلام عليكم انا جتلى هندسة المطرية و عاوز احول الزقازيق ينفع فى فترة التحويلات و هى فترة التحويلات هتكون امته ؟ ياريت حد يرد

طب ما انا حلوان والقاهرة في نطاقي يعني (أ) مينفعش احول بعد اولى ولا حاجة

التحويل ان شاء الله بيكون بعد نتيجة المرحلة الثانية لان تحويل المرحلة الاولى والثانية معا وهذة هى الشروط والطريقة ومن لدية اى سؤال انا تحت امرة
قواعد تقليل الاغتراب:
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية داخل أو خارج النطاق الجغرافى (أ)، باختيار أى عدد من الكليات فى نطاق منطقته الجغرافية (أ) طبقا لرغباته. وعلى الطالب الراغب فى الحصول على أعلى فرصة للتحويل كتابة أكبر عدد من الرغبات.
· فى الكليات التى بها انتساب موجه، يسمح للطالب المرشح كطالب انتظام، بالتحويل لكلية مناظرة بمنطقته الجغرافية (أ) ولكن بنظام الانتساب الموجه فقط.
· يتم ترتيب الطلاب طبقا لرغباتهم فى كل كلية بالنطاق (أ)، وتحويل العدد الذى حدده المجلس الأعلى للجامعات وطبقا للإمكانيات الاستيعابية للكليات. .
ملحوظة هامة:
تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:
1. كلية الطب بالإسماعيلية.
2. كلية الهندسة الإلكترونية بمنوف.
3. كلية البترول والتعدين بالسويس.
4. المعهد العالي للتكنولوجيا ببنها.
5. المعهد العالي للطاقة بأسوان.

يا جماعه هو التحويل هيفتح امتى حد برد


PlZ

طب انا جالى هندسة المنيا وانا من القاهرة
فهل ينفع احول للقاهرة او عين شمس او حلوان

انا جالى صيله القاهره وانا من الغربيه ممكن احول طنطا

طب انا جالى هندسة المنيا وانا من القاهرة
فهل ينفع احول للقاهرة او عين شمس او حلوان

تقريبا ينفع لان المنيا خارج نطاقك

يا جماعة ياريت اى حد يرد و يقول التحويل هيفتح امته
plz

لوسمحتم انا جتلى هندسة المطرية ينفع احول هندسة الزقازيق

لو سمحتوا التحويل متى سيبدأ

انا كمان حالى هندسة حلوان وكنت عايز القاهرة لانى ساكن فى فيصل وحلوان بالنسبالى سفر ومجموعى 394 يعنى فرق درجتين عن القاهرة ....فهل ينفع احول القاهرة حتى ولو بفلوس ؟؟؟؟؟؟؟؟؟؟؟
ارجو المساعدة وشكرا

انا كمان زى على و مش عارف اعمل ايه؟؟؟؟؟؟.................

تقريبا ينفع لان المنيا خارج نطاقك

ماشي ماهو هينفع بس بعد إعدادي زينا زي أي حد، لأ هو السؤال هل ممكن من دلوقتي نحوّل القاهرة؟ وإيه الشروط ؟

ماشي ماهو هينفع بس بعد إعدادي زينا زي أي حد، لأ هو السؤال هل ممكن من دلوقتي نحوّل القاهرة؟ وإيه الشروط ؟

ايوه تقريبا ينفع دلوقتي بس احتمال بعد تنسيق المرحلة التانية والافضل روح هندسة لقاهرة واسال

يا جماعة انا جالى اداب عين شمس بس مجموعى يجيب تجارة انجلش اقاليم ينفع احول ولا لا المشكلة انى كنت كاتبة اداب فى الرغبات الاول اعمل اية

غالبا صعب حلوان يحول القاهره لان حلوان منطقه داخل القاهره متهيالي لازم تجيب جيد جدا في اول سنه عشان تعرف تحول والله اعلم واسال تاني برضو

سؤال بسيط هو اية لازمة التسيق وهندسة اعلى من هندسة اذا ممكن نحول بسهولة ؟

ياترى من العدل
انه الفارق يكون درجة عن القاهرة
ولا يمكن التحويل من حلوان
مع انى ساكنة فى 6 اكتوبر
الا يوجد حل لهذا العذاب

حاولت الاستسلام للامر الواقع
وذهبت الى هندسة حلوان
وجدت نفسى باركب خمس مواصلات
ومنهم المترو اللى لازم اغيره فى محطة السادات لاركب الخط الاخر
تخيلو هذا العناءيوميا ذهابا وعودة
وبعدين تقولى نطاق جغرافى واحد ازاى
نفسى الوزير الجديد يحاول مرة الوصول لهندسة حلوان من 6 اكتوبر
مع العلم ان مجموعى 395 يعنى فارق درجة واحدة عن القاهرة
لكن نعمل ايه مع بتوع التنسيق
اللى ممكن يحولو لطالب من اسكندرية او اسيوط الى القاهرة
بتقليل الاغتراب ولا يمكن التحويل من حلوان الى القاهرة
لانها نطاق جغرافى واحد
ربنا يتقبل دعواى والاقى اى زميل او مسئول يرد على
ويلاقى لى حل
يارب ياقوى