رابطة طلاب هندسة عين شمس الجدد [الأرشيف] - الصفحة 2

ahmed kano

09-08-2011, 06:05 PM

انا كنت انهاردة فى الكلية و الل اتقالى ان التقديم اتأجل عشرة ايام

يعنى الحد الجاى لا اللى وراه بقى ان شاء الله و مش عارف هما بيقولوا كده و خلاص ولا ايه

ع العموم موظفين الحكومة دماغ يعنى بيشتغلوا فى اى وقت بمزاجهم

و بالنسبة لموضوع التبرعات ده هنلاقوا الطلبة واقفين عندمسجد الجامع ة وغالبا عند صلاة الظهر لجمع التبرعات

و لو مش هتقدر تنزل الجامعة ممكن تتبرع من اى بنك عندك على حساب 261363 فى بنك فيصل الاسلامى

و لو مش هتقدر تنزل خالص اتصل بالارقام دى 0020177395657- 0190147007 - 0119831657 -01527826831 هيجيلك مندوب لجنة الاغاثة لحد عندك

المهم بس يا شباب منكنش لان اخواننا المسلمين بيعانوا فعلا هناك

شوف الصور دى عشان تعرف كمية المعاناة اللى بيعيشوها هناك

http://www.boston.com/bigpicture/2011/07/horn_of_africa_on_the_brink_of.html

و نرجع للكلية تانى ممكن تتابعوا الاخبار من الارقام اللى ذكروها الباش مهندسات فى المشاركات اللى قبل كده

او ممكن تتابعوا الاخبار على الفان بيج دى بتاعة الكونكتد فاميلى

http://www.facebook.com/connected.family?sk=wall

و رمضان كريم عليكم

ENG.HAGAR

09-08-2011, 07:53 PM

جزاك الله كل خير يا باش مهندس احمد كفيت ووفيت
بالفعل الطلبة بتجمع التبرعات من الساعة 9 الى الساعة 10 صباحا قبل صلاة الظهر ده بالنسبة للفتيات وهتنزل باش مهندسة اسمها مريم يوم الاحد بأذن الله تعالى
بالنسبة للشباب الباش مهندس عمرو منتصر بيجمع منهم فى الجامعة يوم الاحد والتلات والخميس
ده منقول من الموقع بتاع الكلية وده فروع نقابة الاطباء يا شباب
فرع النقابة فى مدينة نصر :-

7 شارع على أمين - الدور الأرضى , دة المفروض قريب من مطعم البرج , اللى هو تقاطع الشارع المشهور قوى دة اللى مش فاكر اسمه مع الطيران http://www.h3sonline.com/forums/Emotions/E1/biggrin.gif

جنب مطعم البرج بقى, فيه المخبز الآلى, هو تانى عمارة بعد سور المخبز الآلى على طول

ت : 24019369
مواعيد استقبال المكالمات من الساعة 9 الى 5

فرع بنك فيصل فى مدينة نصر بقى :-

15 ش أحمد قاسم جودة المتفرع من شارع عباس العقاد ـ القاهرة

ت: 24023417 - 24023428 - 24023936(02)

وان شاء الله نتابع معاكم بردو بالجديد ;)

ميرو المصرية

09-08-2011, 10:25 PM

الكلام ده برده من الوول مكتوب من 4 دقايق تقريبا يارب نخلص بقى

شباب اعدادي الجداد :) ... النهاردة نزلت الكلية الساعة 8:30 عشان اصطاد أي حد من شؤون الطلبة قبل مايدخلوا الأوضة و يقفلوا عليهم عشان أعرف منهم التقديم بتاعكم ليه بيحصل فيه كده
لقيت موظفة اسمها سمر والبنت بجد كانت متعاونة جداً .. قالتلي ببساطة ان الكشوفات بتاعتكم بتيجي من مكتب التنسيق الاساسي الي موجو في جامعة القاهرة و ان المكتب اتصل بيهم كذا مرة كل مرة يغير فيها المعاد
قالهم الاول الحد اللي فات دا و... بعد كده قالهم النهاردة التلات و بعد كده الحد الجاي و بعد كده الحد الجاي و اخر كلام انه هيبقى الحد اللي بعد الجاي و قالولهم كمان ممكن يتأجل عن كده
قولتلها طب والتليفونات اللي مبتردش جي قالتلي دا عيب من الناس بتوع السويتش
روحت للناس بتوع السويتش و اتكلمت معاهم و قالولي اه فعلا كان في عطل الايام اللي فاتت و ان الارقام اشتغلت من النهارده و خلاني كمان رديت على ناس بتتصل
و أخدت رقم موبيله عشان لو حصل حاجة بعد كده
فا ان شاء الله تابعوا معان هنا عالبيدج و على أرقام التليفونات بتاعتنا و احنا هنفضل متابعين الاخبار أول ب أول ان شاء الله

اسفين جداً للي بيحصلكم بس ان شاء الله خير ... و عشان اللي بيحصلكم دا قررنا نعملكم النهارده ان شاء الله مفاجأة تفرحكم شوية .... استنونا :)

ahmed kano

09-08-2011, 10:25 PM

شباب اعدادي الجداد :) ... النهاردة نزلت الكلية الساعة 8:30 عشان اصطاد أي حد من شؤون الطلبة قبل مايدخلوا الأوضة و يقفلوا عليهم عشان أعرف منهم التقديم بتاعكم ليه بيحصل فيه كده
لقيت موظفة اسمها سمر والبنت بجد كانت متعاونة جداً .. قالتلي ببساطة ان الكشوفات بتاعتكم بتيجي من مكتب التنسيق الاساسي الي موجو في جامعة القاهرة و ان المكتب اتصل بيهم كذا مرة كل مرة يغير فيها المعاد
قالهم الاول الحد اللي فات دا و بعد كده قالهم النهاردة التلات و بعد كده الحد الجاي و بعد كده الحد الجاي و اخر كلام انه هيبقى الحد اللي بعد الجاي و قالولهم كمان ممكن يتأجل عن كده
قولتلها طب والتليفونات اللي مبتردش جي قالتلي دا عيب من الناس بتوع السويتش
روحت للناس بتوع السويتش و اتكلمت معاهم و قالولي اه فعلا كان في عطل الايام اللي فاتت و ان الارقام اشتغلت من النهارده و خلاني كمان رديت على ناس بتتصل
و أخدت رقم موبيله عشان لو حصل حاجة بعد كده
فا ان شاء الله تابعوا معان هنا عالبيدج و على أرقام التليفونات بتاعتنا و احنا هنفضل متابعين الاخبار أول ب أول ان شاء الله

اسفين جداً للي بيحصلكم بس ان شاء الله خير ... و عشان اللي بيحصلكم دا قررنا نعملكم النهارده ان شاء الله مفاجأة تفرحكم شوية .... استنونا :)

منقول من بيدج الكونكتد فاميلى اللى بيساعدونا فى التقديمات

figo_ff

09-08-2011, 10:46 PM

ENG.HAGAR

09-08-2011, 11:20 PM

شكرا للباش مهندس احمد والباش مهندسة ميرو على الاخبار دى
جزاكم الله كل خير

ميرو المصرية

09-08-2011, 11:36 PM

انا افتكرت انى نزلت البوست مرتين هاهاها العفو يا بشمهندسين بالتوفيق لينا كلنا

ahmed kano

10-08-2011, 01:00 AM

شكرا احمد ورب صدفة ....... فاهم صح عرفتني ولا ايه وشكؤا ليكي برضه يا باشمهندسة

نافعة يا معلم d: و هنبقى نتقابل لما نروح نقدم مع بعض ان شاء الله

شكرا للباش مهندس احمد والباش مهندسة ميرو على الاخبار دى
جزاكم الله كل خير

لا شكر على واجب

انا افتكرت انى نزلت البوست مرتين هاهاها العفو يا بشمهندسين بالتوفيق لينا كلنا

ههههههه سورى انا والله لسه شايفة بوستك دلوقتى

Eng / NOUR

10-08-2011, 01:37 AM

طب ممكن يا شباب لو تحطوا اسم البيدج دى اللى على الفيس اللى بتجيبو منها المعلومات دى

وطبعا شكــــــــــــــــــــــــــــــــــــــــــــــــ ـرا ليكــــــــــــــــــــــــــــــــــــم على المتابعة دى وادينا مع كلية الهندسة لحد باب الدار

ahmed kano

10-08-2011, 02:09 AM

(Nesma)

10-08-2011, 05:39 AM

شكرا ليك ahmed kano على البيدج

Amr Eltaweel

10-08-2011, 06:01 AM

شباب هو التقديم اتفتح في عين شمس ولا ايه النظام ؟؟
عندنا ف القاهرة لسه بكرة ومش عارفين لسه نظامه شرايح ولا أبجدي ولا سلطة

mostafa zayed

10-08-2011, 06:18 AM

يا جماعة يا ريت نتكلم عن التقديم شوية و الورق المطلوب و نساعد بعض و مبروك لكل اللى دخل هندسة

ENG.HAGAR

10-08-2011, 08:22 AM

يا جماعة يا ريت نتكلم عن التقديم شوية و الورق المطلوب و نساعد بعض و مبروك لكل اللى دخل هندسة

اولا اهلا وسهلا بحضرتك
ثانيا المطلوب كما سبق ذكره
1- بطاقة الترشيح .
2- أصل شهادة الثانوية العامة .
3-عدد 8 صور شخصية مكتوب عليها اسم الطالب رباعي .
...4-صورة البطاقة الشخصية ان وجد .
5-أصل شهادة الميلاد الرقم القومي
6-ظرف بني مكتوب عليه بيانات الطالب ( اسم - تليفون - المجموع )
7-الحافز الرياضي ان وجد
8-نموذج (2-3) جند من ادارة التجنيد " للشباب فقط " .

Engineer ..

10-08-2011, 08:26 AM

http://www.thanwya.com/vb/showthread.php?t=138742

موضوع عن هندسه عين شمس من سنتين

Amr Eltaweel

10-08-2011, 08:29 AM

اولا اهلا وسهلا بحضرتك
ثانيا المطلوب كما سبق ذكره
1- بطاقة الترشيح .
2- أصل شهادة الثانوية العامة .
3-عدد 8 صور شخصية مكتوب عليها اسم الطالب رباعي .
...4-صورة البطاقة الشخصية ان وجد .
5-أصل شهادة الميلاد الرقم القومي
6-ظرف بني مكتوب عليه بيانات الطالب ( اسم - تليفون - المجموع )
7-الحافز الرياضي ان وجد
8-نموذج (2-3) جند من ادارة التجنيد " للشباب فقط " .

3 جند مش مطلوبة ف القاهرة ؟؟
مطلوب 2 جند بس
واشمعنا ظرف بني هي البلد دي غريبة اوي ليه كدا :)

ENG.HAGAR

10-08-2011, 08:42 AM

3 جند مش مطلوبة ف القاهرة ؟؟
مطلوب 2 جند بس
واشمعنا ظرف بني هي البلد دي غريبة اوي ليه كدا :)

والله ياباش مهندس ده مطتوب على البيدج بتاعتهم على الفيس .
وانا نقلتهاعلطول
طيب حضرتك ممكن تعرف اكتر لو معاك رقم تليفون هندسة القاهرة .
او تروح بنفسك تشتري 3 جند ومش هتفرق
الواحد يعمل حسابه منعا للاحراج مع شئون الطلبة.

Amr Eltaweel

10-08-2011, 08:53 AM

والله ياباش مهندس ده مطتوب على البيدج بتاعتهم على الفيس .
وانا نقلتهاعلطول
طيب حضرتك ممكن تعرف اكتر لو معاك رقم تليفون هندسة القاهرة .
او تروح بنفسك تشتري 3 جند ومش هتفرق
الواحد يعمل حسابه منعا للاحراج مع شئون الطلبة.

يا بشمهندسة هاجر
والله انا كنت هناك امبارح والورقة المتعلقة جنب مكتب شئون الطلبة
مكنش مكتوب فيها لا الـ 2 ولا الـ 3 جند
بلدك دي غريبة بجد ;)
والله ما حد فاهم حاجة
دا الواحد من امبارح حالف ما يتعامل مع موظفين حكومة اصلا

ENG.HAGAR

10-08-2011, 09:07 AM

يا بشمهندسة هاجر
والله انا كنت هناك امبارح والورقة المتعلقة جنب مكتب شئون الطلبة
مكنش مكتوب فيها لا الـ 2 ولا الـ 3 جند
بلدك دي غريبة بجد ;)
والله ما حد فاهم حاجة
دا الواحد من امبارح حالف ما يتعامل مع موظفين حكومة اصلا

انا بردو قريت فى موضوع حضرتك على موضوع 3 جند دى !
طيب طالما ما فيهاش لا 2 ولا 3 جند حضرتك ما تجيبش حاجة وعلى مسئولية شئون الطلبة ولو حد اتكلم مع حضرتك شاورله على الورقة " ده اذا كان شئون الطلبة اللى معلقها مش اى اسرة ؟! "
بالنسبة ان البلد غريبة فده مش جديد
احنا الجيل اللى ان شاء الله هيمسك البلد بعدين ممكن نضع النقطة دى قدام عينينا علشان نغيرها بعدين
مننا هيبقى بأذن الله الدكاترة والمعيدين وناس تانية هتبقى عمداء فى الجامعة " ده اذا ما استوردوش دكاترة من الصين " :d
بالنسبة لموظفين الحكومة ربنا يهديهم الواحد مش هيقول اكترمن كدة
:)

Amr Eltaweel

10-08-2011, 09:15 AM

انا بردو قريت فى موضوع حضرتك على موضوع 3 جند دى !
طيب طالما ما فيهاش لا 2 ولا 3 جند حضرتك ما تجيبش حاجة وعلى مسئولية شئون الطلبة ولو حد اتكلم مع حضرتك شاورله على الورقة " ده اذا كان شئون الطلبة اللى معلقها مش اى اسرة ؟! "
بالنسبة ان البلد غريبة فده مش جديد
احنا الجيل اللى ان شاء الله هيمسك البلد بعدين ممكن نضع النقطة دى قدام عينينا علشان نغيرها بعدين
مننا هيبقى بأذن الله الدكاترة والمعيدين وناس تانية هتبقى عمداء فى الجامعة " ده اذا ما استوردوش دكاترة من الصين " :d
بالنسبة لموظفين الحكومة ربنا يهديهم الواحد مش هيقول اكترمن كدة
:)

اه والله متعلقة جنب شئون الطلبة ومطبوعة علي A3 ومعتمدة
جيل ايه بس وبتاع ايه احنا بس نعدي منها وبعدين نشوف حكاية الجيل دي ^_^
موظفين الحكومة علي كدا طول عمرهم ومش هيتغيروا للاسف الا بقنلبة نووية :mad:
عاوز اسألك التقديم عندكوا ف عين شمس هيكون بالابجدي ولا شرايح ولا سلطة :lol:
امبارح روحت وقالولي تعالا انهاردة وانت تعرف كل حاجة ومكسل انزلهم عشان جيت انهاردة بعد الفجر :blush:

ENG.HAGAR

10-08-2011, 09:28 AM

اه والله متعلقة جنب شئون الطلبة ومطبوعة علي a3 ومعتمدة
جيل ايه بس وبتاع ايه احنا بس نعدي منها وبعدين نشوف حكاية الجيل دي ^_^
موظفين الحكومة علي كدا طول عمرهم ومش هيتغيروا للاسف الا بقنلبة نووية :angry:
عاوز اسألك التقديم عندكوا ف عين شمس هيكون بالابجدي ولا شرايح ولا سلطة :lol:
امبارح روحت وقالولي تعالا انهاردة وانت تعرف كل حاجة ومكسل انزلهم عشان جيت انهاردة بعد الفجر :blush:

طيب خير على العموم
بالنسبة لموضوع الجيل خلينا متفائلين افضل .
بالنسبة لموظفين الحكومة هنلاقى كلنا من اهلنا موظفين حكومة " انا الحمد لله كله قطاع خاص " يعنى نقدر نقول ان الموظفين دول مش جايين من كوكب تانى !
انا سألت طالبة فى هندسة عين شمس الباش مهندسة رحاب قالتلى الواحد بيروح فى اى يوم ده على ايامهم والله اعلم بالجديد
انا من رأييى ان الواحد يعمل معسكر هناك وهم بردو هيقولولك روح البيت وتعالى تانى .
ثقااااااااااااافة يا باش مهندس ثقاااااااااااافة !

Amr Eltaweel

10-08-2011, 09:35 AM

طيب خير على العموم
بالنسبة لموضوع الجيل خلينا متفائلين افضل .
بالنسبة لموظفين الحكومة هنلاقى كلنا من اهلنا موظفين حكومة " انا الحمد لله كله قطاع خاص " يعنى نقدر نقول ان الموظفين دول مش جايين من كوكب تانى !
انا سألت طالبة فى هندسة عين شمس الباش مهندسة رحاب قالتلى الواحد بيروح فى اى يوم ده على ايامهم والله اعلم بالجديد
انا من رأييى ان الواحد يعمل معسكر هناك وهم بردو هيقولولك روح البيت وتعالى تانى .
ثقااااااااااااافة يا باش مهندس ثقاااااااااااافة !

انا بحس ان موظفين الحكومة دول بيعاملونا علي اساس اننا .... بيغيظونا او بيختبروا صبرنا
انا بتكلم ع اللي ف المؤسسات اللي ليها تعامل مباشر مع الناس وطالما الناس دي كدا يبقا مش هناخد خطوة
انا اصلا مش فاهم ليه حكاية التقديم دي ... طالما انا دخلت هندسة القاهرة .. المفروض كلة يبقا ع النت
السجل المدني يبعت لهم صورة من شهادة الميلاد .. والوزارة تبعتلهم صورة من شهادة النجاح وفيها المجموع ... والاتنين جند من الادارة العسكرية ولو ع الصور ابعتها انا
انا مش فاهم العالم كله بيتحرك واحنا واقفين مكاننا بسبب حاجة زبالة اسمها الروتين اللي جايب داغها
انا عاوز اسأل الناس دي سؤال واحد ... التكنولوجيا دي بتتعمل عشان ايه ؟؟
عشان يبقا في مليون واحد ف مجمع التحرير ف اليوم ؟؟ ولا عشان مرمطة الناس في كل مصلحة
........
وربنا ما هروح غير ع التقديم وانا حلفت من امبارح بكده ... عاجبهم بقا مش عاجبهم فـ داهية
........
اكيد التقديم دا اتغير علي ما اظن بس هندسة القاهرة طول عمرها ابجدي مش عارف عين شمس

ENG.HAGAR

10-08-2011, 09:52 AM

انا بحس ان موظفين الحكومة دول بيعاملونا علي اساس اننا .... بيغيظونا او بيختبروا صبرنا
انا بتكلم ع اللي ف المؤسسات اللي ليها تعامل مباشر مع الناس وطالما الناس دي كدا يبقا مش هناخد خطوة

كما سبق ذكرة يا باش مهندس دول من اهلنا يعنى مش من كوكب تانى
واخوك او بنتك او ابنك وانا كمان ناس بردو من اهلى يوم من الايام هيمسكوا وظائف ادارية زى دى يعنى دول مننا وعلينا . يعنى احنا نعرف الغلط ونحاول نصلحة
لكن موضوع الخطوات دى نظرة لحد ما قليلة تفتقد التفاؤل فيها .
انا اصلا مش فاهم ليه حكاية التقديم دي ... طالما انا دخلت هندسة القاهرة .. المفروض كلة يبقا ع النت

احنا كدولة غير مهيئة انها تبقى المصالح على النت لان خدمة النت عندنا يمعنى اصح واقعة جداا
لازم وزارة الاتصالات هى اللىتشوف حل للمشكلة دى.
مع ان فى دول تانية نامية زى السعودية كل المصالح تتظبط على النت
فاكر حضرتك يوم النتيجة ؟؟ مواقع وقعت وموقع النت مش بيفتح ؟ وتنسيق المرحلة الاولى بردو !
دى سياسة ادارة الاتصالات مش عارفين نظبطها ! تخيل بقى تقديم للجامعات وووووو .
وزارة الاتصالات معاها العصاالسحرية انها تعدل ده كله .

السجل المدني يبعت لهم صورة من شهادة الميلاد .. والوزارة تبعتلهم صورة من شهادة النجاح وفيها المجموع ... والاتنين جند من الادارة العسكرية ولو ع الصور ابعتها انا

هو من الاساس المفروض كل الورق بتبعت من التنسيق مباشرة يعنى وندفع احنا فى بدايةتعليمناكل سنة تكاليف المواصلات لو هى واقفة على كدة ! زى بالظبط صناديق الانتخابات فيها ايه لو نقلوا ورقنا زى الصناديق دى او زى ورق الاجابة بتاعنا .

انا مش فاهم العالم كله بيتحرك واحنا واقفين مكاننا بسبب حاجة زبالة اسمها الروتين اللي جايب داغها

على فكرة فى دول العلم المتقدم عندهم مشاكل بردو
بس الفرق انهم مش بيتكلموا عليها وبس لا بيحلوها ومتفائلين كمان .
:)

انا عاوز اسأل الناس دي سؤال واحد ... التكنولوجيا دي بتتعمل عشان ايه ؟؟
عشان يبقا في مليون واحد ف مجمع التحرير ف اليوم ؟؟ ولا عشان مرمطة الناس في كل مصلحة

علشان فى ناس زيى وزي حضرتك عايزين يصلحوا البلد ومدايقين شوية .
لكن لازم احنا كشعب نتغير والله نبدأ من نفسنا
"ان الله لا يغير ما بقوم حتى يغيروا ما بأنفسهم "

وربنا ما هروح غير ع التقديم وانا حلفت من امبارح بكده ... عاجبهم بقا مش عاجبهم فـ داهية

يا باش مهندس عمر انا هقول لحضرتك على حاجة لوسمحتلى .
دلوقتى لو واحد ما قدمش ورقه علشان مدايق وشئون الطلبة اتعصبت عليه مين اللى هيتضرر !!
هم ولا الطالب !! احنا بنراهن على بتضرنا احنا هم هيعيشوا حياتهم عادى جداا وما فيش مشاكل .
:bosyht9:
وفعلا حضرتك ما تروحش غير على التقديم بساهم حاجة ان حضرتك تتمالك اعصابك بعدين لما تعمل رخصة العربية ولا لماتدخل الجيش ولا ولا كل ده هتلاقى ناس كدة لازم الواحد تكون متزن فى اعصابه وهو فى الاخر كسبان والله .
:)
انا مش باردة على فكرة لكن الواحد يحب يكون متزن فى اعصابه بردو .
ليس الشديد بالصرعة ولكن الشديد من يملك نفسه عند الغضب

Amr Eltaweel

10-08-2011, 10:04 AM

انا فاهمك والله .. بس صدقيني دي مشكلة غبية اوي ف بلدنا اسمها الروتين والمسئولين منفضينلها
معاك ورقة = ورقة
بالنسبة ليوم التقديم انا علي فكرة مش م النوع العصبي واقدر اتعامل مع الموظفين بابتسامة خفيفة كدا عشان الدنيا تمشي
بس بيتحرق دمي لما امشي بقا ... اقعد افتكر واقول يا ربي دا حق الواحد .. ليه دايما هنفضل ماشيين بالروتين والخطوات العقيمة دي .. طب انا معاكي ونفسنا نغير والجيل اللي طالع كله كدا طب وايه الحل ؟؟
الحل انهم يجيبولنا اصغر وزير عنده 60 سنة ... عاملة زي اماكن كبار السن اللي في اتوبيسات النقل العام الوظائف الكبيرة ف البلد دي مخصصة ليهم بس
ع العموم ربنا يعينا ونقدر نعمل حاجة ف البلد دي
...
انا شوفت الاكونت بتاعك ع الفيس .. ^_^
حاطة نفس الصورة برضو ايه معندكيش غيرها :p

ENG.HAGAR

10-08-2011, 10:20 AM

انا فاهمك والله .. بس صدقيني دي مشكلة غبية اوي ف بلدنا اسمها الروتين والمسئولين منفضينلها
معاك ورقة = ورقة

+1111

بالنسبة ليوم التقديم انا علي فكرة مش م النوع العصبي واقدر اتعامل مع الموظفين بابتسامة خفيفة كدا عشان الدنيا تمشي

مظبوط جداا وده المطلوب

بس بيتحرق دمي لما امشي بقا ... اقعد افتكر واقول يا ربي دا حق الواحد .. ليه دايما هنفضل ماشيين بالروتين والخطوات العقيمة دي .. طب انا معاكي ونفسنا نغير والجيل اللي طالع كله كدا طب وايه الحل ؟؟

فى حياتنا كبشر حاجات كتير بتحق دمنا وبنحاول نتظاهر بالفرح علشان نضحك على نفسنا ولو مؤقتا علشان الدنيا تمشى .
وفعلا ربنا يهدى اللى ماسكين البلد دى
لما الواحد مثلا يروح يخلص مصلحة تخيل لو الناس كلها مكشرة تفتكر الموقف هيبقى ايه ؟ الناس كلها هتنفجر وتحصل خناقة كبيرة جدااا بلا داعى
لمجرد ان ده بص بصة مش كويسة وده تأفف من حاجة معينة وكدة .
علشان كدة تبسمك لاخيك صدقة .
كان اصحابى يقولولى يا هاجر احنا خايفين مش عافين المدرس متاخر كدة ليه
اقولهم ما تقلقوش ما تقلقوش واهزر معاهم وانا جوانفسى مقلقةجدااا بس الواحد لازم يطمن غيره بردو ولو بيضحك على نفسه
فى اخرالسنة قولتلهم اوعو تفتكروا انى مش قلقانة او كدة انا قلقانة جداا بس الفرق انى بحتفظ قلقى لنفسى وعارفه ان الكلام فى الموضوع ده مش حل خااالص .

اللهم ول امورنا خيارنا ولا تولنا شرارنا .

الحل انهم يجيبولنا اصغر وزير عنده 60 سنة ... عاملة زي اماكن كبار السن اللي في اتوبيسات النقل العام الوظائف الكبيرة ف البلد دي مخصصة ليهم بس

ده الوزير ده اكيد لسه بيتدرب !
ربنا بجد يصبرنا كلنا على الحال ده وان شاء الله نكون متفائلين لابعد درجة ونشتغل كويس جداا .

انا شوفت الاكونت بتاعك ع الفيس .. ^_^
حاطة نفس الصورة برضو ايه معندكيش غيرها :p

فعلا دى اكتر صورة انا بحبها وفيها روح رمضان وكدة

Amr Eltaweel

10-08-2011, 10:29 AM

وفعلا ربنا يهدى اللى ماسكين البلد دى
لما الواحد مثلا يروح يخلص مصلحة تخيل لو الناس كلها مكشرة تفتكر الموقف هيبقى ايه ؟ الناس كلها هتنفجر وتحصل خناقة كبيرة جدااا بلا داعى

هههههههههههههه
ربنا يسامحني بقا
بعد ما اتخنقت من الموظفين امبارح دول
قولتلهم طيب خلاص جاي بكرة
وانا نازل تحت كان في ناس بتنسق مرحلة تالتة وصنايع ودبلومات
اي حد اقبله اقوله فوق يا ريس
يقولي صنايع اقوله الدور اللي فوق
دبلومات --> فوق / استنفاذ رغبات --> فوق :d
وخليت واحد يتخانق معاه وكان هيكسر الإزار اللي قاعد ادامة والباب كمان
عشان كان موظف قليل الادب وشتم واحد
وزعق مع ست كبيرة
.. حلفت انا وصاحبي لنظبطه
تقريبا طلعتله في حدود 30 واحد زيادة ع اللي كانوا واقفين عنده

ENG.HAGAR

10-08-2011, 10:37 AM

هههههههههههههه
ربنا يسامحني بقا
بعد ما اتخنقت من الموظفين امبارح دول
قولتلهم طيب خلاص جاي بكرة
وانا نازل تحت كان في ناس بتنسق مرحلة تالتة وصنايع ودبلومات
اي حد اقبله اقوله فوق يا ريس
يقولي صنايع اقوله الدور اللي فوق
دبلومات --> فوق / استنفاذ رغبات --> فوق :d
وخليت واحد يتخانق معاه وكان هيكسر الإزار اللي قاعد ادامة والباب كمان

ما شاء الله
سبحان الله
وكانى كنت بقول كدةعلى سبيل قضية بتحصل قليل .
وحصلت مع حضرتك .

هو كان فى ناس بتنسق فى القاهرة لسه !

عشان كان موظف قليل الادب وشتم واحد
وزعق مع ست كبيرة

لا اله الا الله
بجد ربنا يرزقناجميعا حسن الخلق !
فعلا والله لما الرسول ان اعلى الناس منزلة يوم القيامة هم احاسن الناس خلقا نبقى فعلا مشوف حال اخلاقنا دلوقتى .

.. حلفت انا وصاحبي لنظبطه
تقريبا طلعتله في حدود 30 واحد زيادة ع اللي كانوا واقفين عنده

^_^ تلاتين واحد بس !!
ههههههههههههههههههههههههههههههههه
لا بجد طريقة انتقام محترمة والله علشان يعرف ان الناس مش فاضيه بردو .

Amr Eltaweel

10-08-2011, 10:45 AM

ما شاء الله
حضرتك .
...

هو كان فى ناس بتنسق فى القاهرة لسه !

....

^_^ تلاتين واحد بس !!
ههههههههههههههههههههههههههههههههه
لا بجد طريقة انتقام محترمة والله علشان يعرف ان الناس مش فاضيه بردو .

حلوة حضرتك دي :d احلي م الاحترام مفيش
...
اه في ناس بتنسق المرحلة التالتة مش عارف ازاي كاناو بيقولوا يوم 16 وقابلت ناس بالهبل امبارح كانت بتنسق دا احنا بيضحك علينا بشكل واحنا غلابة ;)
...
اه بحب انا اعمل الحكايات دي اوي عشان كل واحد يلزم حدوده اكتر حاجة تغيظني لما واحد يزعق مع واحدة ست كبيرة
بحط والدتي مكانها وبشوف كنت هعمل ايه وبعمله :) بس الراجل عمل معاه السليمة برضو وانا برضو قمت بدور عالمي :p

ENG.HAGAR

10-08-2011, 10:51 AM

حلوة حضرتك دي :d احلي م الاحترام مفيش

اكيد

اه في ناس بتنسق المرحلة التالتة مش عارف ازاي كاناو بيقولوا يوم 16 وقابلت ناس بالهبل امبارح كانت بتنسق دا احنا بيضحك علينا بشكل واحنا غلابة ;)

عادى
تنسيق المرحلة الاولى لو حضرتك فاكر ان قالوا انه هيبدأ يوم السبت والموقع فتح يو م الخميس وعرفنا بعدها انهم قصدهم على التنسيق اللى فى المعامل
مجرد اختلط الامر علينا لكن ممكن يكون الباب مفتوح عادى ليهم .
ومن حيث احنا بيضحك علينا فده فعلا تحصيل حااصل
وربنا يصلح حالنا ونبقى واعيين اكتر من كدة .

اه بحب انا اعمل الحكايات دي اوي عشان كل واحد يلزم حدوده اكتر حاجة تغيظني لما واحد يزعق مع واحدة ست كبيرة
بحط والدتي مكانها وبشوف كنت هعمل ايه وبعمله :) بس الراجل عمل معاه السليمة برضو وانا برضو قمت بدور عالمي :p

بالظبط دى حاجة تدايق جداا موضوع عدم احترام الناس اللى عايزه تخلص مصالحها
وفعلاطريقة حضرتك عملية جداا ومحترمة بردو
كمان جزئية تانية وللاسف احنا تقريبا مش فاهمينها ان الواحد بياخد من امواله زكاة علشان يطهر امواله لو سرح دقيقة فى شغله او ما اتقنش عمله كويس او مثلا اتأخر شوية على شغله وكدة
لكن على الوضع اللى احنا فيه ده الواحد شاكك فى فلوسه كلها *!
:o
ــــــــــــــــــــــــــــــــــــــــــــــــــ ــــــــــــــــــــــــ
معلومة يا باش مهندس عمر
حضرتك اتبع اللى مطلوب فى القاهرة وما تتعاملش مع الطلبات بتاعه اى جامعة تانية
يعنى مثلا
هندسة المطرية جامعة حلوان عايزين استمارة تقريبا 7 جند
الخلاصة يا باش مهندس حضرتك جيب الطلبات بتاعه كايرو فقط .

eng.taki

10-08-2011, 01:23 PM

السلام عليكم ليس تدخل مني ولا شئ بس هو تعديل نموذج 2 جند هو نموذج 3 جند ورقتين مع بعض وهتلاقي مكتوب علي الورق استمارة 2 و3 جند معدل يعني هي مش حاجتين هي حاجة واحدة

Eng / NOUR

10-08-2011, 01:40 PM

ازيكـــــــــــــــــــ يا مهندسى ومهندسات عين شمس ـــــــــــــــــــــــــم

يا رب تكونوا كلكوا بخير ويفضل الموضوع ده متجدد كده علطول

اخيراااااااااااااااا غيرولى اسمى الحمد لله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
كنت عايزة اعرف حاجة هو الظرف البنى ده بيتجاب من اى مكتبة ولا منين

ENG.HAGAR

10-08-2011, 01:59 PM

Eng / NOUR

10-08-2011, 02:23 PM

ان شاء الله يا هاجر هروح اسال بس لما يحنوا علينا ويحددولنا ميعاد التقديم امتى

Amr Eltaweel

10-08-2011, 03:46 PM

معلومة يا باش مهندس عمر
حضرتك اتبع اللى مطلوب فى القاهرة وما تتعاملش مع الطلبات بتاعه اى جامعة تانية
يعنى مثلا
هندسة المطرية جامعة حلوان عايزين استمارة تقريبا 7 جند
الخلاصة يا باش مهندس حضرتك جيب الطلبات بتاعه كايرو فقط .

انا بستغرب بس م الطلبات اللي ف كليات تانية مش عارف ايه سبب التغيير ف الطلبات دي

ENG.HAGAR

10-08-2011, 03:59 PM

ان شاء الله يا هاجر هروح اسال بس لما يحنوا علينا ويحددولنا ميعاد التقديم امتى

+111111111111111

انا بستغرب بس م الطلبات اللي ف كليات تانية مش عارف ايه سبب التغيير ف الطلبات دي

الله اعلم !
يا باش مهدسين فى توبيك معمول فى قسم تنسيق 2011عن ان التعليم بايظ ياريت تشاركونا ياجماعة .
واى واحد عنده احباط هيتعمل له بلوك !
:d

Amr Eltaweel

10-08-2011, 04:01 PM

+111111111111111

الله اعلم !
يا باش مهدسين فى توبيك معمول فى قسم تنسيق 2011عن ان التعليم بايظ ياريت تشاركونا ياجماعة .
واى واحد عنده احباط هيتعمل له بلوك !
:d

أنا محبــــــــط
إذاً انا موجــــــود :p

ENG.HAGAR

10-08-2011, 04:11 PM

أنا محبــــــــط
إذاً انا موجــــــود :p

اكيد موجود بره التوبيك ده !
:d
بجد يا شباب عايزين تفاعل كفاية بقى كلام عن المشاكل عايزين حلول الله يبارك فيكم

ahmed kano

10-08-2011, 04:38 PM

السلام عليكم ليس تدخل مني ولا شئ بس هو تعديل نموذج 2 جند هو نموذج 3 جند ورقتين مع بعض وهتلاقي مكتوب علي الورق استمارة 2 و3 جند معدل يعني هي مش حاجتين هي حاجة واحدة

اهو الحوار الطويل العريض دى كانت شعلته الله يبارك فيك يا عم و فعلا لازم نفهم الاول يا شبااااااااااب احنا هندسة يعنى علم رياضة عيب كده :d

كنت عايزة اعرف حاجة هو الظرف البنى ده بيتجاب من اى مكتبة ولا منين

من أى مكتبة و هتكتبى عليه اسمك و عنوانك و رقم تليفونك و درجتك ع الظرف نفسه من ورا فى الحتة الفاضية دى

يا باش مهدسين فى توبيك معمول فى قسم تنسيق 2011عن ان التعليم بايظ ياريت تشاركونا ياجماعة .
واى واحد عنده احباط هيتعمل له بلوك !

ان شاء الله مشارك بس حاسس انه مش هيعجبكم كلامى

Amr Eltaweel

10-08-2011, 04:47 PM

السلام عليكم ليس تدخل مني ولا شئ بس هو تعديل نموذج 2 جند هو نموذج 3 جند ورقتين مع بعض وهتلاقي مكتوب علي الورق استمارة 2 و3 جند معدل يعني هي مش حاجتين هي حاجة واحدة

:d
اه فعلا انا شوفتها قبل كدا والله
بس حكم السن نسيتها تاني

ENG.HAGAR

10-08-2011, 04:49 PM

ان شاء الله مشارك بس حاسس انه مش هيعجبكم كلامى

البلوك موجودة ما تقلقوش
:d
اتفضل معانا يا باش مهندس .

mahmoud atiya

10-08-2011, 05:08 PM

يا جماعه كنت عايز جروووب عين شمس ع الفيس بوك

واى جروبات ذات صله برده

Eng / NOUR

10-08-2011, 05:39 PM

يا جماعه كنت عايز جروووب عين شمس ع الفيس بوك

واى جروبات ذات صله برده

دى بيج على الفيس تقريبا كده بتاع شباب من اتحاد الطلبة المهم انهم بينزلوا الكلية كتيير وبيتواصلوا معانا ع الول بتاعتهم

اسمها

Connected family - just think

http://www.facebook.com/connected.family

وفي فى الكومنتات هتلاقى جروب عاملينو شباب للدفعة الجديدة
ده بس اللى اعرفه

ويارب اكون قدرت اساعدك شوية يا باشمهندس

Amr Eltaweel

10-08-2011, 05:55 PM

مش عارف ليه حاسس اني هاجي قبل الدراسة بكام يوم واحول عين شمس !!
في حاجة غريبة ف دماغي دلوقتي
يا رب اركز واهدي وافضل ف القاهرة وبلاش شغل عيال

Eng / NOUR

10-08-2011, 06:11 PM

مش عارف ليه حاسس اني هاجي قبل الدراسة بكام يوم واحول عين شمس !!
في حاجة غريبة ف دماغي دلوقتي
يا رب اركز واهدي وافضل ف القاهرة وبلاش شغل عيال

ربنا يهديك للى فيه الخير يارب ويثبتك عليه

ahmed kano

10-08-2011, 06:14 PM

مش عارف ليه حاسس اني هاجي قبل الدراسة بكام يوم واحول عين شمس !!
في حاجة غريبة ف دماغي دلوقتي
يا رب اركز واهدي وافضل ف القاهرة وبلاش شغل عيال

عين شمس حلوة برضه و اكيد انت سامع عنها حاجات حلوة هو اللى خلاك تفكر فى التحويل

Amr Eltaweel

10-08-2011, 06:17 PM

ربنا يهديك للى فيه الخير يارب ويثبتك عليه

ربنا يكرمك

Amr Eltaweel

10-08-2011, 06:19 PM

عين شمس حلوة برضه و اكيد انت سامع عنها حاجات حلوة هو اللى خلاك تفكر فى التحويل

الانجلش ف اعدادي
بس صعبة ودي مشكلة برضو
ربنا يهيديني بقا
انا مش بفكر فيها اوي
بس بتيجي كدا زي همسات علي بالي

ahmed kano

10-08-2011, 06:21 PM

الانجلش ف اعدادي
بس صعبة ودي مشكلة برضو
ربنا يهيديني بقا
انا مش بفكر فيها اوي
بس بتيجي كدا زي همسات علي بالي

الخيرة فيما اختاره الله يا باشمهندس

ENG.HAGAR

10-08-2011, 06:22 PM

مش عارف ليه حاسس اني هاجي قبل الدراسة بكام يوم واحول عين شمس !!
في حاجة غريبة ف دماغي دلوقتي
يا رب اركز واهدي وافضل ف القاهرة وبلاش شغل عيال

ان شاء الله ربنا يوفق حضرتك فى اى مكان
وحضرتك طالماعملت استخارة قبل اى موضوع تعمله يبقى ربنا هيسهلهولك لكن كان خير هيصعبه عليك لو كان شر .
بس اهم حاجة ان حضرتك تبعد عن الوساوس اللى بتيجى للواحد دى
يعنى مثلا انا فكرت امتحن فنون عمارة قبل النتيجة وكله استغرب جدااا حواليا ومش مصدقين ازاى انى لا قدر الله مش هلحق هندسة !! وفى الاخر افتكرت انى ما عملتش استخاارة خااالص ونسيت
يعنى اخدت كورس على فاشوش بسبب وسواس شيطان .
وكمان حضرتك ممكن تكون عملى اكتر وتضع قدام حضرتك ايه العيوب والمميزات اللى فى الكليتين وتعزم على كلية واحدة وتقول لنفسك خلاااص ما فيش نقاش بعد كدة .
ربنا يوفق حضرتك للى فيه الخير

Amr Eltaweel

10-08-2011, 06:24 PM

الخيرة فيما اختاره الله يا باشمهندس

ان شاء الله كل الخير
:)

Amr Eltaweel

10-08-2011, 06:29 PM

ان شاء الله ربنا يوفق حضرتك فى اى مكان
وحضرتك طالماعملت استخارة قبل اى موضوع تعمله يبقى ربنا هيسهلهولك لكن كان خير هيصعبه عليك لو كان شر .
بس اهم حاجة ان حضرتك تبعد عن الوساوس اللى بتيجى للواحد دى
يعنى مثلا انا فكرت امتحن فنون عمارة قبل النتيجة وكله استغرب جدااا حواليا ومش مصدقين ازاى انى لا قدر الله مش هلحق هندسة !! وفى الاخر افتكرت انى ما عملتش استخاارة خااالص ونسيت
يعنى اخدت كورس على فاشوش بسبب وسواس شيطان .
وكمان حضرتك ممكن تكون عملى اكتر وتضع قدام حضرتك ايه العيوب والمميزات اللى فى الكليتين وتعزم على كلية واحدة وتقول لنفسك خلاااص ما فيش نقاش بعد كدة .
ربنا يوفق حضرتك للى فيه الخير

احترام علي طول الخط :p
مش فاهم ايه حضرتك دي والله ;)
المهم ربنا يوفقنا لما فيه الخير ان شاء الله
وانا مرتبط اوي بالقاهرة بس بتجيلي كدا وساوس
ربنا يجملها بالستر
ر

figo_ff

10-08-2011, 07:40 PM

توكل علي الله القاهرة عين شمس مش هتفرق المهم تثبت نفسك في المكان :d

ENG.HAGAR

10-08-2011, 07:52 PM

احترام علي طول الخط :p
مش فاهم ايه حضرتك دي والله ;)
المهم ربنا يوفقنا لما فيه الخير ان شاء الله
وانا مرتبط اوي بالقاهرة بس بتجيلي كدا وساوس
ربنا يجملها بالستر

اكيد بردو .... ^_^
حضرتك دى شئ من الاحترام المتبادل لان الواحد لو رفع بعض التكاليف جايز ده يجر لشئ من التقليل من غيره او كدة .
وعلى فكرة فيها ايه لو الناس اللى متقاربين فى السن بردو يحترموا بعض !
حضرتك ممكن تقول التكاليف دى مالهاش دعوة بالاحترام ارد على حضرتك ان لو هى مش الاحترام ممكن تكون جزء منه والواحد بيجتهد .
ربنا يوفقك يا باش مهندس عمر لما يحبه ويرضاه

Amr Eltaweel

10-08-2011, 08:03 PM

اكيد بردو .... ^_^
حضرتك دى شئ من الاحترام المتبادل لان الواحد لو رفع بعض التكاليف جايز ده يجر لشئ من التقليل من غيره او كدة .
وعلى فكرة فيها ايه لو الناس اللى متقاربين فى السن بردو يحترموا بعض !
حضرتك ممكن تقول التكاليف دى مالهاش دعوة بالاحترام ارد على حضرتك ان لو هى مش الاحترام ممكن تكون جزء منه والواحد بيجتهد .
ربنا يوفقك يا باش مهندس عمر لما يحبه ويرضاه

بس برضو ممكن التكاليف دي تدي انطباع زيادة شوية عن الشخصية اللي بتقولها
خصوصا لو صاحب الليلة ( العبد لله ) مش بيحب غير اسمه وبس من غير بشمهندس كمان
لسه بدري علي حضرتك وبشهمندس
وهي فعلا م الاحترام بس عادي لما يكون السن واحد وصغير حضرتك دي بتبقاى تقيلة شوية
وربنا انا عمــــــرو :d
ارجو انك تكوني فهمتي اللي عاوز اوصلهولك

ENG.HAGAR

10-08-2011, 08:27 PM

بس برضو ممكن التكاليف دي تدي انطباع زيادة شوية عن الشخصية اللي بتقولها
خصوصا لو صاحب الليلة ( العبد لله ) مش بيحب غير اسمه وبس من غير بشمهندس كمان
لسه بدري علي حضرتك وبشهمندس
وهي فعلا م الاحترام بس عادي لما يكون السن واحد وصغير حضرتك دي بتبقاى تقيلة شوية
وربنا انا عمــــــرو :d
ارجو انك تكوني فهمتي اللي عاوز اوصلهولك

انطباع ازاى معلش ؟
زى ماتحب ياعمرو ! اسفه انا ما اخدتش بالى انا من صغرى الاتنين بيدخلوا على بعض .
حاضر يا استاذ :d سمعا وطاعة !!

Amr Eltaweel

10-08-2011, 08:44 PM

انطباع ازاى معلش ؟
زى ماتحب ياعمرو ! اسفه انا ما اخدتش بالى انا من صغرى الاتنين بيدخلوا على بعض .
حاضر يا استاذ :d سمعا وطاعة !!

ممكن يديني انطباع انك بتأفوري فـ الاحترام والتكلفة ودا مش حلو ف زماننا
بتدي فرصة للي ادامك انه يستغلك
+
ايوا كدا انا احب الناس المطيعــــــــة :d:d

ENG.HAGAR

10-08-2011, 09:00 PM

ممكن يديني انطباع انك بتأفوري فـ الاحترام والتكلفة ودا مش حلو ف زماننا
بتدي فرصة للي ادامك انه يستغلك
+
ايوا كدا انا احب الناس المطيعــــــــة :d:d

حضرتك ولد فده لازم يكون فى احترام حتى لو كان زايد شوية " جات على سيرة زايد "
:d
كمان انا مع زمايلى البنات بتكلم معاهم عادى جدااا
لكن مع الولاد انا اصلا مش بتكلم معاهم وواحد طلب منى -فى مرة وحيدة - ورقة الاستاذ ادهانى والاستاذ مشى وعليها واجب كتير جاوبت فى كلمتين وبس .
بالنسبة لموضوع الاستغلال اعتقد ان الواحد يعمل اللى عليه وكون ان الناس تحس انه طيب زيادة عن اللزوم ده شانهم مش شأنه هو .
من حيث موضوع اجابة طلب حضرتك فكل واحد بيحب الاسم اللى بتنادى بيه وانا مع حضرتك فى جزئية ان كل واحد عايز اسم معين يتنادى بيه ولو على حساب لقب او كدة
جزاك الله كل خير

Amr Eltaweel

10-08-2011, 09:13 PM

لكن مع الولاد انا اصلا مش بتكلم معاهم وواحد طلب منى -فى مرة وحيدة - ورقة الاستاذ ادهانى والاستاذ مشى وعليها واجب كتير جاوبت فى كلمتين وبس .

حرية شخصية طبعا
مش هتدخل بس ليا تعليق
انتي ف الجامعة اكيد هتتعاملي مع ولاد
دا شئ اساسي
ولو مش هتتعاملي اكيد صحباتك هيتعاملوا فـ الطبيعي انك هتتعاملي ودا ضروري
لازم تتعاملي مع كل الناس باختلاف نوعياتها وطبقاتها :)

ENG.HAGAR

10-08-2011, 09:34 PM

حرية شخصية طبعا
مش هتدخل بس ليا تعليق
انتي ف الجامعة اكيد هتتعاملي مع ولاد
دا شئ اساسي
ولو مش هتتعاملي اكيد صحباتك هيتعاملوا فـ الطبيعي انك هتتعاملي ودا ضروري
لازم تتعاملي مع كل الناس باختلاف نوعياتها وطبقاتها :)

دقيقةيا عمرو انا ما قولتش فى كلامى ما يوحى ان دى حاجة تخصنى .
جزئية تانية فى الجامعة اعرف ناس كتير جداا مش بيتعاملوا مع الشباب خااالص الا فى سنة المشروع لو لا قدر الله الدكتور قرر ان فى بنات وولاد فى البروجيكت .
انا ليا اخوات واصحاب كانوا فى جامعة وماكنوش عارفين بنات ولا حتى زمايل او كدة . ومش معقدين خاالص لكن هم عارفين ايه معنى الحرية .يعنى الواحد يعمل اللى عايزه فى حدود شرع ربنا .
يعنى لو طالب محتاج حاجة معينة اكيد هيلاقى مع طالب ومش لازم يستسهل وياخد من بنت .
ولو زمايلى البنات هيعلموا كدة انا هحاول انصحهم علىقدما اقدر
وانا اعرف بنوتة كانت فى الجامعة وعارفه انها كانت عاردية جدا "حتى مش محجبة " يعنى مش ملتزمة دينياوهى قالت كدة واحد طلب منها محاضرات ما ردتش عليه طب منها اكتر من مرة ردت عليه وهى متعصبة " يعنى من قلة الشباب اللى فى الجامعة جاى تطلب منى !! "
انا هتعامل مع الناس مش هيبقى ده باب يفتح ليا حاجات افتقد فيها نظرة احترام الناس ليا وكمان افتقد فيها لحب ربنا ليا .
من حيث نوعية الناس ده واقع وانا عايشاه بتعامل مع الاستاذ بتاعى بكل ادب وهو دايما كان بيقول عليا وعلى بنت تانية اننا محترمين جداا وانه بيحترمنا اكتر من واحدة تانية كانت زميلتنا كانت دايماتوافق على كلامه
!
شايفه ان البنت المحترمة ومن نصايح ناس كتير هى اللى تكون علاقتها مع الولاد تقريبا منعدمة " انا قولت تقريبا " ومع البنات تتعامل معاهم زى اخواتها بالظبط
اتمنى ان وجه نظرى تكون وصلت لك يا عمرو حتى لوكنت مختلفة معاك

omar.magdy

10-08-2011, 10:13 PM

:excl::excl::excl:

ENG.HAGAR

10-08-2011, 10:18 PM

:excl::excl::excl:

جايز حضرتك تكون ما حضرتش المناقشة من بدايتها
علشان كدة متعجب شوية
بمعنى اصح ممكن ترجع صفحة لورا وتعرف ايه سبب المناقشة دى
هى تحديدا كانت بتدور على موضوع الاحترام والتكاليف فى الحوار زى كلمة حضرتك وكدة .

abdomohsen

10-08-2011, 10:31 PM

allah yebarek fekky ya eng hajer lao kol el banat zayek makansh mo3zam ahl el nar nesa2

omar.magdy

10-08-2011, 10:38 PM

جايز حضرتك تكون ما حضرتش المناقشة من بدايتها
علشان كدة متعجب شوية
بمعنى اصح ممكن ترجع صفحة لورا وتعرف ايه سبب المناقشة دى
هى تحديدا كانت بتدور على موضوع الاحترام والتكاليف فى الحوار زى كلمة حضرتك وكدة .

لا انا عارف سبب المناقشة ديه ايه .... وكنت متابع بس محبتش أبدي رأي في الاول ... عموما أكيد في يوم هقول رأي في الموضوع ده بس حاليا بفضل أحتفظ بيه لنفسي

omar.magdy

10-08-2011, 10:40 PM

allah yebarek fekky ya eng hajer lao kol el banat zayek makansh mo3zam ahl el nar nesa2
:confused::confused:

ENG.HAGAR

10-08-2011, 10:42 PM

allah yebarek fekky ya eng hajer lao kol el banat zayek makansh mo3zam ahl el nar nesa2

شكرا جدا لثناء حضرتك
وعلى فكرة فى بنات كتير كدة والله واحسن بكتير .
بس زى ما هو معروف ان النقطة السوداء اكتر حاجة بتبان فى الورقة البيضاء .
:)

لا انا عارف سبب المناقشة ديه ايه .... وكنت متابع بس محبتش أبدي رأي في الاول ... عموما أكيد في يوم هقول رأي في الموضوع ده بس حاليا بفضل أحتفظ بيه لنفسي

زى ما حضرتك تحب .
جزاكم الله كل خير

Amr Eltaweel

10-08-2011, 10:45 PM

انا برضو مصمم انه شأن خاص بيكي من غير ما تقولي
صدقيني انا مقصدش من كلامي ان البنت اللي كدا معقدة او حاجة
بالعكس انا بقابل بنات كتير كدا ومنهم بنات قرايبي وبنات عمي
وعمري ما اتدخل ف حياتهم لان دا شأنهم إلا ف الضرورة القصوي لا قدر الله
المهم ان في نوعية من البنات دي بيكبروا جدا ف نظري زيك كدا
لانهم بيبقوا بنات ناس متربيين بجد واخلاق عالية
بس انا بشوف نوعية بنات برضو بتبقا انطوائية جدا
ملهاش غير البيت و الكتاب ودي مشكلة
تعاملك ف الجامعة بيقف علي شخصيتك
وانا مش موافقك ف الجزئية بتاعة كلامك مع الولد يقلل منك !! مظنش ان اي حد ممكن يقلل من واحدة محترمة بكلامها معاه لان المحترمة دي لما تتكلم مع ولد ( مش تمام )
ولو حصل فـ هي اكيد هتعرف تحفظ كرامتها
بالنسبة للبنت اللي تعرفيها دي
نسخة من واحدة كنت اعرفها لغاية 3 سنين فاتوا
كانت نفس النظام برضو مش محجبة وكله دا
كانت بتتكلم معايا ف حدود الاخلاق ممكن نهزر بس برضو بادب
وانا لغاية انهاردة بحترمها جدا لن شخصيتها قوية ومكنتش بتكلم مع اي ولد ;)
ودي معايا ف هندسة القاهرة تاني :excl: القدر بقا تقولي ايه
كلامك علي راسي وانتي بنت محترمة بجد ربنا يبارك لاهلك فيكي اكيد انتي هديتهم من ربنا ويا رب البنات تبقا كلهم محترمين كدا احسن انا بقيت اشوف حاجات فظيعة
آسف علي تاخير الرد عشان النت كان في مشاكل
تحياتي
:)

ENG.HAGAR

10-08-2011, 11:21 PM

:confused::confused:

ايوه فعلا . معظم اهل النار من النساء
وده حديث عن الرسول- صلى الله عليه وسلم - وده مش ضد النساء ده بيدل انهم لو صلحوا المجتمع بنسبة كبيرة جدا هيتصلح حاااله ولو حصل غير كدة المجتمع هيتأثر بيهم سلبا .
وكمان الانسان فى حياته بغض النظر عن نوعه ليه تأثير كبير جدا وبالذات الاناث الام مثلا لها دور كبير جدا فى التربية كذلك الابنة اكتر عون لوالدتها و والدها كمان

ENG.HAGAR

10-08-2011, 11:43 PM

انا برضو مصمم انه شأن خاص بيكي من غير ما تقولي

وانا والله مش شايفه ان دى حاجة خاصة بيا
ده موضوع عام ولو كان خاص كنت هطلب بادب جدا من اى شخص ان دى حاجة تخصنى .

صدقيني انا مقصدش من كلامي ان البنت اللي كدا معقدة او حاجة
بالعكس انا بقابل بنات كتير كدا ومنهم بنات قرايبي وبنات عمي
وعمري ما اتدخل ف حياتهم لان دا شأنهم إلا ف الضرورة القصوي لا قدر الله
المهم ان في نوعية من البنات دي بيكبروا جدا ف نظري زيك كدا
لانهم بيبقوا بنات ناس متربيين بجد واخلاق عالية

على فكرة انا اخواتى الولاد مهندسين بردو وكان عندهم مشاريع ومش بيختلطوا بالبنات خاالص بالرغم انهم كانوا عايشين حياتهم بمعنى الكلمة يعنى خروج مع ولاد وهزار وكمان حفلات مغنين وربنا الحمد لله هداهم دلوقتى .
بس حياتهم كلها كانت بين ولاد
وموضوع ان ده شانهم النصيحة بردو مهمة بالذات من اهل الثقة لان مثلا عمرو مش هيرضى لبنت خالته ضرر او كدة بالعكس عايز يكون فخور بيها جداا .
بالنسبة للى بيكبروا فى نظرك ياعمرو دى شهادة اعتز بيها وانت كمان تكون فخور بيها لان من بنات بيتك احسن من كدة .

بس انا بشوف نوعية بنات برضو بتبقا انطوائية جدا
ملهاش غير البيت و الكتاب ودي مشكلة
تعاملك ف الجامعة بيقف علي شخصيتك

بتبقى انطوائية مع البنات والولاد كمان يعنى مش الولاد بس .
عارفه واحدة فى مجموعتنا فى الدرس كانت بتساعد غيرها وكده وكان كل الطلبة الولاد بيشوفوها وبنات بتروح تحكى لاخواتهم على الكام بنت دول اللى بيساعدوهم يعنى مش منطويين على الولاد والبنات تقدر تقول على الولاد حذريين شوية ومع البنات اخواتهم واكتر من كدة كمان .

نسخة من واحدة كنت اعرفها لغاية 3 سنين فاتوا
كانت نفس النظام برضو مش محجبة وكله دا
كانت بتتكلم معايا ف حدود الاخلاق ممكن نهزر بس برضو بادب

بس ليا تعقيب بسيط ممكن !
يعنى ممكن هزار بأذب يفتح كلام انا مش محتاجاه
بلاحظ ان غالبية البنات اللى بيهذروا مع شباب ولو حتى فى حدود الكلام بيتفهم بطريقة تانية ويقلب جد وممكن تحصل مشكلة
يعنى الواحد فى غنى عن الهزار مع مثلا البنات علشان مثلا البنات ممكن تكون بسبب كلمة تضايق منها شوية او تفهمها بطريقة غير مقصودة او كدة.
ده رأييى واتمنى ما يضايقكش كلامى .
وانا مش موافقك ف الجزئية بتاعة كلامك مع الولد يقلل منك !! مظنش ان اي حد ممكن يقلل من واحدة محترمة بكلامها معاه لان المحترمة دي لما تتكلم مع ولد ( مش تمام )

على فكرة انا اعرف ناس كتير كانوا بيحكوا على موضوع حدود العلاقة بين البنت والولد يعنى بمعنى اصح زاى البنت ما تفقدش فى يوم من الايام قيمتها وانها تبقى معتزة جدااا بنفسها وما تكلمش مع الولاد الا للضرورة
وكمان الكلام فى ظروف عادية وبأحترام صدقنى يا عمرو ممكن يخلى يبقى فى كلام بلا داعى اصلا وكلام مش مهم و هزار احنا فى غنى عنه
ممكن تقولى يا عمرو ده حسب الشخصية * انا متفقة معاك فى النقطة دى +1 لكن بجدالواحد ما يحطش نفسه تحت اختبار فى حين انه ممكن يعيش كويس جدا من غير ما يختبر نفسه .
جايز اختلف معاك بس احترم رأيك بردو
^_^

كلامك علي راسي وانتي بنت محترمة بجد ربنا يبارك لاهلك فيكي اكيد انتي هديتهم من ربنا ويا رب البنات تبقا كلهم محترمين كدا احسن انا بقيت اشوف حاجات فظيعة

والله انا بحترم ناس كتيرة جدااا فى المنتدى هنا وطبعا حضرتك منهم لان فى اراء الواحد لو حتى اختلف معاها بيحترمها جدااا .
:)
ربنا يبارك فيك ويرزقنا جميعا حسن الخلق .

آسف علي تاخير الرد عشان النت كان في مشاكل
تحياتي
:)

ما فيهاش حاجة انا بردو اعتذر عن التاخير فى الرد لان كان عندى تليفون
جزاك الله كل خير على المناقشة الهادفة دى
واعتذر لو قولت حاجة كدة او كدة اسأت ليك يا عمرو .

Amr Eltaweel

10-08-2011, 11:56 PM

أبدا أبدا يا هاجــر
كلامك منطقي وبيعبر عن وجهة نظرك المحترمة جدا
مفيهوش اي اساءة لشخص
احييكي علي طريقتك ف الحوار اللي بعيدة عن العصبية تماما
تحياتي

ENG.HAGAR

10-08-2011, 11:57 PM

أبدا أبدا يا هاجــر
كلامك منطقي وبيعبر عن وجهة نظرك المحترمة جدا
مفيهوش اي اساءة لشخص
احييكي علي طريقتك ف الحوار اللي بعيدة عن العصبية تماما
تحياتي

:078111rg3:

abdomohsen

11-08-2011, 02:07 AM

5alas ya eng omar &hajer e7na nrou7
3ala el 2sm we kol wa7ed ya5oud 7a2o

ENG.HAGAR

11-08-2011, 04:29 PM

السلام عليكم .....
ازيكوا يا باش مهندسات وياباش مهندسين ؟ يارب تكونوا بخير ....
دلوقتى انا عايزه اعرف هو حد عرف اى جديد عن جامعتنا ولا لسه بردو الموضوع ما حدش عرف عنه حاجة ....؟؟؟
هل حد جرب يروح الايام اللى فاتت ولا كلنا معتمدين على ان التقديم اتأخر .. ؟
ياريت اللى عنده فكرة يجاوبنا
جزاكم الله كل خير

ahmed kano

11-08-2011, 06:06 PM

الخطوات التي يتبعها الطالب للتقدم إلى الكلية المرشح لها

· بعد إعلان نتيجة الترشيح في كل مرحلة من مراحل التنسيق، يمكن للطالب طباعة بطاقة الترشيح من موقع التنسيق الالكتروني، والتوجه إلي الكلية التي تم ترشيحه إليها مباشرة لتقديم أوراقه وإتمام إجراءات قيده علي أن يقوم الطالب باصطحاب الأوراق التالية المطلوبة وهي:
1) الاستمارة البيضاء الدالة علي النجاح.
2) عدد (6) صور شخصية.
3) شهادة الميلاد الأصلية أو مستخرج رسمي منها.
4) نموذج (2) جند للطلاب الذكور فقط (من مكتب البريد).
5) شهادة التفوق الرياضي (للطلاب الحاصلين علي حوافز رياضية فقط).
6) موافقة كتابية من مدير المدرسة الثانوية الجوية والثانوية العسكرية الداخلية للطلاب الحاصلين علي الثانوية العامة من إحدى هاتين المدرستين للالتحاق بإحدى الكليات أو المعاهد.

نوجه عناية الطالب إلي عدم دفع أي مصاريف إضافية بخلاف رسوم ومصروفات القيد بالكلية أو المعهد الملتحق به، وتوفر الكلية أو المعهد المظروف أو الملف لوضع أوراقك بدون مقابل.

· يلاحظ أن مكتب التنسيق سيقوم بإرسال نسخ من كشوف نتائج الترشيحات إلى الكليات والمعاهد التي تم ترشيح الطلاب إليها، وتحتوي هذه الكشوف علي أرقام الجلوس وأسماء ومجموع درجات الطلاب وجميع بياناتهم، حيث ستقوم الكلية/المعهد بمراجعة الأوراق التي سيقوم الطالب بتسليمها، علي البيانات التي وردت بهذه الكشوف، ولا يوجد أي مصاريف إضافية يقوم الطالب بدفعها بخلاف مصاريف الكلية/المعهد الذي تم ترشيحه إليها.

منقول من موقع التنسيق

figo_ff

11-08-2011, 07:42 PM

السلام عليكم ورحمة الله وبركاته
حتي الان لم يبدأ التقديم بعد وعن نفسي سأكون في الكلية يوم الاحد صباحا وسأوافيكوا بكل الجديد
ولمتابعة اخر الاخبار زورو صفحة Connected family - just think
عليhttps://www.facebook.com/connected.family
او الجروب الجديد لطلاب هندسة عين شمس
علي
https://www.facebook.com/groups/178956038839266/
والسلام عليكم ورحمة الله

eng.taki

12-08-2011, 03:30 AM

شكرا ليك يا باش مهندس فهمي

ENG.HAGAR

12-08-2011, 11:36 AM

السلام عليكم ورحمة الله وبركاته ....
جمعة مباركة بأذن الله يا مهندسين المستقبل .
كنت عايزه اعرف هو الباش مهندس محمود عطية عمل ايه فى التظلم ؟؟
وهل نتيجته ظهرت ؟
ياريت يطمنا .....

rehab rehab

12-08-2011, 04:39 PM

http://www.facebook.com/engasusu

Dr.Abeer

12-08-2011, 07:07 PM

ENG.HAGAR

12-08-2011, 07:59 PM

على فكرة يابشمهندسة هاجر انا اؤيدك فى اسلوبك وطريقة تعاملك مع زمايلك فى الكلية وانا كنت مثلك من 23 سنة وهذا الاسلوب وان كان ممكن يحدث معه اعتراض وتريقة وضحك ولكن فى الاول يكفيك رضا الله عليكى واحترامك الداخلى لنفسك اما عن الناس فؤاكد لك انك تحصلين علىعلى احترام داخلى لكل الناس واولهم المعترضين على اسلوبك

العفو يا دكتورة عبير
وفعلا فى ناس كتير ممكن تضحك من التزام الواحد بحدود فى الحوار او كدة .
لكن زى ما حضرتك قولتى بالظبط يكفينى انى راضية عن نفسى وان ربنا راضى عنى فى الجزئية دى .
ومن ناحية ان الناس اللى بيسخروا من غيرهم لانهم محترمين او انهم ملتزمين بأدب الحوار فدول اول ناس بتبقى محترماهم جداا لانهم عارفين من جوا نفسهم ان الكلام من غير فايدة بين الشباب والبنات بيؤدى غالبا لمشاكل ده ان لم يكن فى كل الاحوال .
بجد حضرتك حمستينى جداا والله لان الواحد بيفرح لما ناس تأكد له انه مش لوحده بيفكر كدة .
ربنا يبارك فى حضرتك يااارب .

Dr.Abeer

12-08-2011, 10:08 PM

ENG.HAGAR

12-08-2011, 11:21 PM

الله يبارك فيكى وفى امثالك مجتمع الكلية مجتمع مفتوح وبالطبع نلتحق فيها لاهداف سامية وليها سبل تحقيقها وليس لزاما علينا ابدا لتحقيق اهدافنا ان نخسر انفسنا وقيمنا ومبادءنا وديننا اهم معين لك يا بنيتى الصحبة الصالحة تعينك فى طريقك اختارى شكلك وعينوا بعض على الطاعة والاجتهاد واخلصوا النية ييسر لك ربك السبيل الصح وكونى واثقة من نفسك ومن قيمك ولا تهتزى وربنا يوفقك

جزاك الله كل خير يا دكتورة عبير على نصايحك الغالية .
وان شاء الله كل واحد فينا يتمسك بالاخلاق الحسنة بالرغم من اى حاجة تتعرض لينا .
ربنا يرزقنا كلنا الثبات على طاعته .
رزقك الله الفردوس الاعلى بجد والله نصايحك جميلة جداااا ومفيدة لكل شاب وبنت علشان الواحد ما ينساش نفسه مهما كان فى الجامعة.

mahmoud atiya

13-08-2011, 01:36 PM

ENG.HAGAR

13-08-2011, 01:39 PM

يا جمــــــــــــــــــــاعه انا دلوقتى هندسه عين شمس طلعت بعيده جدا جداعن بيتى :( والموصلات رايح 3.5 ساعات و جى 3.5 يبقى 7 ساعات :(

انا دلوقتى عايز اشترك فى مساكن الطلبه :( .. حد عنده اى معلومات عنها بلييييييييييييز ؟ :(
السلام عليكم .....
بصراحة يا باش مهندس محمود انا ماعنديش اى فكرة عن كدة
لكن هو ممكن تشوف الموقع الخاص بالكلية وهو h3sonline وتشوف هناك وتسأل وهم خدومين جدااا على فكرة
او تتصل بالكلية بالارقام اللى مكتوبة فى الصفحة اللى قبل اللى فاتت وتعرف كل حاجة بأذن الله .
وياريت تطمنا عملت ايه فى نتيجة التظلم ولا هى لسه ما ظهرتش ؟؟
ربنا يوفقك فى اى مكان ..

ENG.HAGAR

13-08-2011, 03:08 PM

انا عندى معلومة بس جايز ما تدايق حضرتك يا باش مهند محمود
الويب سايت بتاع المدينى الجماعية بتاع جامعة عين شمس اهو
http://hostel.co.nr/
بالاضافة الى ان شروط اقامة :_

* ان يكون الطالب او الطالبه من غير سكان القاهره الكبرى وحاصل على الثانوية العامة من خارج نطاقها .
* أن يكون من الطلبة النظاميين و المقيدين
* أن يكون قد سدد كافة الرسوم فى الاعوام السابقة بالمدينة والكلية
* أن يكون من غير المعاقبين تأديبيا بالجامعة
* الاولوية للذين كانوا مقيمين فى الاعوام السابقة ويتم تنسيقهم كالاتى ( التقدير العلمى الاعلى , الكليات النوعية التى ليس لها نظير بالجامعات الاخرى , سكان المحافظات النائية ) حيث سبق تنسيقهم فى العام السابق
* الاولوية القبول للطلاب المكفوفين وحالات الشلل المقعد وذلك بعد توقيع الكشف الطبى عليهم بمعرفة قومسيون الجامعة
* طلاب الحالات الاجتماعية المقيمين ,, فإستمرار إقامتهم يرتبط بإعادة دراسة حالتهم
وحضرتك تقدر تعرف اكتر لما تشوف الموقع ككل
....

ahmed kano

13-08-2011, 04:49 PM

تزيع الدرجات فى كلية عين شمس بالنسبة لطلاب اعدادى

http://a8.sphotos.ak.fbcdn.net/hphotos-ak-snc7/295349_159967944078585_100001961402394_309737_4735 485_n.jpg

ahmed kano

13-08-2011, 04:52 PM

تقديم اعدادي الحد اللي بعد الجاي 21/8

figo_ff

13-08-2011, 08:24 PM

تمام يا احمد التقديم ان شاء الله الاحد الموافق 21/8 وده في معظم كليات جامعة عين شمس

ENG.HAGAR

13-08-2011, 11:28 PM

تقديم اعدادي الحد اللي بعد الجاي 21/8

انا حاسة انهم وضعوا الميعاد ده علشان الاسئلة الكتير وانه يكون على ابعد ميعاد
اعتقد عايزين يريحو ادماغهم من التليفونات !!
على العموم كله خير
جزاك الله كل خير يا باش مهندس على المعلومة دى
ـــــــــــــــــــــــــــــــــــــ
يا ياريت يا باش مهندسين تطمنونا هو الباش مهندس محمود عطية عمل ايه فى نتيجة التظلم !؟
يارك الله فيكم ...

ahmed kano

14-08-2011, 01:37 AM

السلام عليكم ورحمة الله وبركاته
يرحب جروب "دفعة 2016 هندسة عين شمس "" بطلبة اعدادى الجدد
اولا:-الاعضاء : معظمهم هندسة عين شمس و الباقى مهندسين اخرين مع العلم بوجود اعضاء فى الفرقة الثانية والثالثة و الرابعة لمساعدة طلبة اعدادى على التقدم بسوهلة ويسر و و القضاء على العقبات
ثانيا :-هدف الجروب هو التواصل بين مهندسى عين شمس (و برده نعمل مظاهرات )و مساعدة الطلبة بعضهم لبعض
ثالثا :-نرجو منكم نشر الجروب و ادخال مزيد من مهندسى عين شمس فقط و عددهم ان شاء الله 1600 طالب اعدادى
المهم ندخل فى الموضوع
التعريف بالكلية
هندسة عين شمس من افضل الكليات فى مصر و لها مكانة دولية و لكن القاهرة اكبر مكانة لانها الجامعة الام فى مصر و لكن الطالب المتخرج من جامعة عين شمس افضل بكثير من الطالب التخرج من القاهرة فى كل الكليات ليس بهندسة فقط
و موقعها الجغرافى افضل
اقسام كلية هندسة عين شمس
1:-مدنى
تتخص فيها من بداية رابعة و تنقسم الى
أ-اشغال عامة ب-انشاءات ج-رى وهيدروميكا
2:-عمارة وتنقسم الى
أ-عمارة ب-تخطيط عمرانى
وتخصصها من بداية ثالثة
3:-كهرباء
وتنقسم الى
أ-قوى(بور)والات ب-اتصالات ج-حاسبات ونظم
وتخصصها من بداية ثالثة
4:-ميكانيكا
وتنقسم الى
أ-انتاج ب-قوى (بور)وميكانيكا ج-سيارات د-ميكاترونيك
وتخصصها من بداية ثالثة

ahmed kano

14-08-2011, 01:45 AM

اولا المواد المستمرة
1:-الرياضيات
وهى عبارة عن تفاضل و تكامل و تطبيقاته و جبر و هندسة تحليلية
2-ميكانيكا
وهى عبارة عن استاتيكا وديناميكا
3-الفيزياء
و هى تنقسم الى اربع كتب و كتابين للمعمل و هم
أ-الكهربائية ب-خواص المواد ج-الضوء و الحرارة د-الكهرومغناطيسية
4-الرسم و الاسقاط الهندسى
5-الكيمياء
6-تكنولوجيا الانتاج و تاريخ الهندسة

ثانيا المواد المنتهية (فى ترم او فى اخر العام )
1:- هندسة الحاسبات
2:- الانجليزى
1:- الرياضيات 300درجة
2:-فيزياء 300 درجة
3:-رسم واسقاط هندسى 250 درجة
4:-ميكانيكا 200 درجة
5:-تكنولوجيا الانتاج وتاريخ الهندسة 175 درجة
6:- الكيمياء 150 درجة
7:-تكنولوجيا الحاسبات 75 درجة
8:-انجليزى 50 درجة
المجموع الكلى 1500 درجة و لكل سنة ايضا

قواعد التقديرات
ممتاز.....85% واكثر
جيد جدا ....75% :85%
جيد ....... ...65% :75%
مقبول .........50% :65%
ضعيف ...........30% :48%
ضعيف جدا ..........30% ,,,واقل

.................................................. ....
بعض التعريفات المهمة
1:- المحاضرات
الدكتور هو اللى بيشرح فى المدرج لكل مجوعة و بتوضح المفاهيم الاساسية غير السكشن الى بيكون مهتم بالتمارين اكثر
2:-السكشن
هى تقسيم الدفعة لفصول كل فصل 40 طالب و بيشرح فيها المعيد و هو تطبيق على المحاضرات
3:-الشيت
ده تمارين بينزلها الدكتور و المعيد بيحل بعضها فى السكاشن و الباقى احنا الى بنلبسه و عليه درجات اعمال السنة
4:- الكويز
امتحان سريع و احيانا بيكون مفاجئ و عليه برده درجات
5:- الميد ترم
امتحان وسط الترم بس مهم فى تحديد مستوى المذاكرة وبيجمع درجات

ahmed kano

14-08-2011, 01:50 AM

نعمل ايه لما نروح الكلية
اولا التقديم
كلنا عارفين امتى طبعا
بعد التحويلات
اى ممكن يوم الاحد الى بعد الجاى
.........................................
فى كرنفال بيفهمنا كل حاجة قبل الدراسة
......................
اول يوم:: هنروح معمل كهرباء قوى عشان اعرف ركم السكشن
وبعد كدة ابص على الجدول الى هخده على اماكن المحاضرات
فى الاسبوع الاول
الدراسة عبارة عن محاضرات فقط
....................
نظام الامتحانات
يمتحن الطالب فى الفصل الدراسى الاول اربع مواد (::فيزياء و رياضيات وميكانيكا و حاسبات )
مع عدم اهمال المواد الممتدة لان الفصل الدراسى الثانى يمتحن الطالب فى تسع مواد
و اختبار اعمال السنة بعد شهر و نصف من الدراسة فى الفصل الدراسى الثانى و بيكون فى المواد الممتددة
..................................................
مواعيد المحاضرا ت
الاولى :8.30-10.00
الثانية :10.10-11.40
الثالثة:12.30-2.00
الرابعة :-2.10-3.40
الخامسة :-4.00-5.30
بالنسبة لقسم ميكاترونيك
بيربط الميكانيكا لتصميم الروبوتات ونحوها من التصميمات الميكانيكية بالتصميم الالكترونى والرقمى
....................................

ahmed kano

14-08-2011, 02:01 AM

اماكن السكاشن
1:-المبنى الرئيسى و يحتوى على ارقام الساكشن المنتهية ب 100/200/300/400 اى الدور الاول /*الثانى /الثالت ويحتوى على معامل الفيزياء و الكمياء و الميكانيكا و الدور الثانى و معمل الحاسبات فى الدور الثالث
2:-المبنى الجديد يحتوى على ارقام الساكشن 900 و مدرجات (1.2.3.4) س
3:-مبنى عمارة يحتوى الدور الاول منه على سكشن 101(ا.ب.ج) و الدور الثانى 201 .202ج و الثالث 304ج.306ج
4:-مدرجات ا.ب.ج.د مخصصة للمحاضرات
5:-الورشة تقع جنب الملعب
6:-مبنى الخرسانة فى ساكشن 700مع تحيات اسرة كونكتد

ahmed kano

14-08-2011, 02:06 AM

الدراسة بنظام الساعات المعتمدة موجود
و ايه هو نظام الساعات المعتمدة:
بيتم تعريف الكورسات (المواد الدراسية) بعدد ساعات معينة , يعنى كل كورس(مادة) ليها عدد ساعات معين
و من حق الطالب اختيار الكورسات اللى عايز يدرسها فى التيرم
بحيث ان عدد ساعات الكورسات اللى هياخدها فى التيرم ما يقلش عن عدد معين
و ما يزدش عن عدد معين , و على حسب المعدل التراكمى (gpa) بيتم تحديد الحد الاعلى لعدد ساعات الكورسات المسموح بيه ده
و مش معنى كدا ان ليك مطلق الحرية انك تاخد اى كورس فى اى وقت لكن بتحكمك اللايحة الخاصة بكل قسم بمعنى انك ماينفعش تاخد كورس رسم هندسى (2) غير لما تنجح فى كورس رسم هندسى (1) او بمعنى اخر فيه مواد بتكون معتمدة على مواد تانية يعنى لكل كورس متطلبات للتسجيل
لكن ما هو التسجيل ؟
معنى انك تسجل التيرم يعنى ان تقوم بأختيار الكورسات اللى هتاخدها فى التيرم ده - و تكتبها فى بطاقة التسجيل الخاصة و كل كورس له الكود الخاص به و الموجود فى الجداول
و كل مجموعة من الطلبة عندهم مشرف اكاديمى مسئول عن مساعدتهم و عن تسجيلهم
و الفرق بين نظام الساعات المعتمدة و النظام العادى
انه لا يوجد سقوط او اعادة للسنة الدراسية فى نظام الساعات المعتمدة بمعنى انك لو نزلت فى مادة ممكن تاخدها فى التيرم اللى بعده او وقت ما تحب تسجلها
مع الاخذ فى الاعتبار بمتطلبات التسجيل و تراكمتها
كمان فى النظام العادى كل تيرم بينزل جدول لسنة اولى و جدول لسنة تانية و جدول لسنة تالتة و جدول لسنة رابعة و هكذا لكن فى النظام المعتمد ينزل جدوال واحد فقط لجميع سنوات القسم بأغلبية المواد و انت تقوم بأختيار المواد اللى انت عايزها فى التيرم ده و بالتالى فقد اختفى رقمك الدراسى بمعنى مفيش حاجة اسمها سنة اولى و نستبدلها برقم الدفعة و هو سنة الدخول

thanks to ahmed fathi alam & reham talaat

ahmed kano

14-08-2011, 02:16 AM

السلام عليكم و رحمة الله و بركاته

هتناول النهاردة مقتطفات من كلية هندسة عين شمس
اولا الغياب
يحاسب عليه فى الفصل (السكشن )و احيانا فى المحاضرات بحيث لا يتعدى نسبة الغياب للطالب 15 % من عدد السكاشن كلها

اعمال السنة
من ثلاث حاجات
امتحانات التى تُعقد فى كل مادة طبقا للمواعيد التى تعلن و التقارير التى تطلب و الغياب

قواعد الامتحانات
لا يعاد امتحان الطالب فى المقرر الذى نجح فيه
لايجوز ان يبقى الطالب مقيدا فى فرقته اكثر من سنتين ويرخص مجلس الكلية فى مثل هذه الحالات فى التقدم الامتحان من الخارج لمدة سنة و لا يوجد ذللك فى فرقة الاعدادى
يعتبر الطالب ناجحا ومنقولا اذا لم تزد المواد الراسب فيها عن مادتين و فى هذه الحالة يمتحن المواد التى تخلف فيها عن فرقته مع طلبة السنة السابقة وفى المواعيد المعلنة و لا يزيد تقديره فى هذه المواد عن تقدير مقبول

البكالوريوس
يتم احتساب التقدير العام للطالب تبعا لمجموعه التراكمى اى مجموع درجاته فى الخمس سنوات

vampire_3ala2_16

14-08-2011, 02:51 AM

اتفضلوا يا شباب معانا في عالم هندسة عين شمس :D

www.h3sonline.com

معاكم علاء 3 كهربا باور ان شاء الله هندسة عين شمس

ENG.HAGAR

14-08-2011, 11:29 AM

ما شاء الله معلومات ممتازة جداا يا باش مهندس احمد
انا استفدت منهاا كتير جدا من حيث المواد وكمان نظام الدراسة ومواعيد المحاضرات وغيره كتير ...
جزاك الله كل خير يا باش مهندس احمد على المجهود بارك الله فيك وفى اسرة كونكتيد

mahmoud atiya

14-08-2011, 12:00 PM

معلومات ممتازه جدا جدا جدا .. بجد ميرسى

ahmed kano

14-08-2011, 03:29 PM

الاأدوات
1:مسطرة حرف تى
طول 80 سم لقسم ميكاميكا
طول 120 سم لعمارة ومدنى
2:برجل ذو نوعية جيدة
3: مسطرة 30سم سكال
4:مثلث ارسطو كبير
5:قلمان اسكرو واحد .5 مم و 7مم اتش بى واتش اتش
6:مثلثات شفافة 45...60 درجة
7:لوحة رسم 60فى 80
8:اله حاسبة
9:استيكة
10: مسطرة منحنيات لمادة الوصفية
11:اسطمبة دوائر
12:فوطة وبالطو للورش والمعامل

طبعا انا عن نفسى مش جايب حاجة

الخدمات التى تقدمها الكلية
1:المكتبة العامة
تضم الكتب والمراجع فى فروع الهندسة
والاستعانة الخارجية منها 15 يوم وتوقع غرامة فى حالة التاخير
2: المطعم (احلى حاجة )
تجيب الوجبة الى انت عاوزهها بفلوس طبعا وموعدها فى فترات الراحة بين الحصص
3: المدينة الجامعية
مكان السكن للطلبة البعاد عن الكلية
4: المواصلات
تقدم الكلية اتوبيسات خاصة من الكلية الى جميع مناطق القاهرة
والحجز من اول اكتوبر
مواعيدها
فى اتجاه الكلية ::الساعة 7 ,9 صباحا
من الكلية :الساعة 2,4 بعد الظهر
الاتوبيسات التى تمر بالكلية
41 ,43 ,44 ,45 ,46 ,50 ,52 ,54 ,64 , 79 ,78 ,88 ,175 ,179 ,300,
,315 ,501 ,700 ,704 , 803 ,919,922 ,924,937 ,945 ,968 ,973, ج3,ج18 ,14
5: صندوق التكفل الاجتماعى
6:المراقبة الطبية
7:مركز الكمبيوتر وفى نت سريع كمان بس بفلوس

ENG.HAGAR

14-08-2011, 06:07 PM

للعلم بس يا باش مهندس احمد كانو ان فى دكاترة بيطلبوا ادوات معينة ومش كل الادوات دى
يعنى مثلا كان فى واحد بيتكلم ان الدكتور قال اللى هيجيب اداة معينة "مش فاكرة والله اسمها ايه "هرميها من الشباك !!
:stickjo4:
فالأحسن ان الواحد يستنى شوية لحد بداية الدراسة وكله هيبان بأذن الله
مشكور على المجهود

ahmed kano

14-08-2011, 10:02 PM

figo_ff

15-08-2011, 03:33 PM

Mr...K

15-08-2011, 04:51 PM

ياريت يا جماعة اللي عنده معلومات عن المواعيد بين السكاشن يقولها بمعني اني لاحظت ان السكاشن بتبدأ من 8.5 وبتنتهي 5.5 معني كده ان ممكن جروب يروح الصبح وجروب يروح بعد الظهر ولا ايه
وشكرا شباب,,,

لا مش كدة ممكن يبقى الاربع جروبات فى وقت واحد بس فى اماكن مختلفة لما الجدول ينزل هتوضح اكتر الحتة دى وبعدين فى حاجة برضه لازم تعرفها ان انت ممكن يبقى عندك المحاضرة الاولى و بعدين الخامسة وتبقى فاضى التانية والتالتة والرابعة بس فى الحالة دى لو فى سكشن ولا محاضرة شغالة لحد تانى (اعدادى برضه ) ممكن تروح تحضرها لو انت عاوز وربنا يوفقك ان شاء الله

figo_ff

15-08-2011, 05:35 PM

لا مش كدة ممكن يبقى الاربع جروبات فى وقت واحد بس فى اماكن مختلفة لما الجدول ينزل هتوضح اكتر الحتة دى وبعدين فى حاجة برضه لازم تعرفها ان انت ممكن يبقى عندك المحاضرة الاولى و بعدين الخامسة وتبقى فاضى التانية والتالتة والرابعة بس فى الحالة دى لو فى سكشن ولا محاضرة شغالة لحد تانى (اعدادى برضه ) ممكن تروح تحضرها لو انت عاوز وربنا يوفقك ان شاء الله

اه هو ده الكلام ولو حصل كده الاستفاده هتبقي في 2
بارك الله فيك ووهبنا التوفيق جميعا

eng.taki

16-08-2011, 04:08 PM

شكرا يا جماعة مستفيد جدا منكم

ENG.HAGAR

17-08-2011, 04:11 PM

يا باش مهندسين هو التقديم فى معلومات

جديدة عنه ؟؟؟

farouk al shafy

17-08-2011, 09:29 PM

امتىىىىى التقديم حيفتح حد يعرف ؟!!

figo_ff

18-08-2011, 02:37 AM

21/8 معاد ليس نهائي تابعوامعانا بس وهنوافيكوا بكل جديد

farouk al shafy

18-08-2011, 04:24 PM

طب يا بشمهاندسين حد يعرف باب التقديم بيبقى فاتح لامتى ؟!!

ENG.HAGAR

18-08-2011, 06:35 PM

طب يا بشمهاندسين حد يعرف باب التقديم بيبقى فاتح لامتى ؟!!

تقريبا والله اعلم ان فى ناس كانت بتقدم

قبل الدراسة بيومين عااادى جدااا

او هم بيخلوها معاد محدد و ده تقريبا

صعب جداا لان المواعيد ضيقة جدااااا

figo_ff

19-08-2011, 02:09 PM

السلام عليكم
في احتمال يا جماعة ان التقديم يبقي يوم 23/8 عموما اول مايبقي في خبر اكيد هقول لكم

figo_ff

20-08-2011, 10:09 PM

ايه يا جماعة محدش عنده الخبر الاكيد انا معلوماتي انه يوم 23 هاااا حد ينفي او يأكد

farouk al shafy

21-08-2011, 10:30 AM

با جماعة انا روحت الجامعة ألولى على يوم الاربعاء........وواحد أعرفه فى حقوق عين شمس ألوله ماتيجى بعد العيد عشان الشغل مايكترش علينا فى رمضان

ma7moud_mada

21-08-2011, 11:32 AM

الجروب ده معمول تبع عشيرة الجوالة يا جماعة

http://www.facebook.com/groups/269883323038289/?notif_t=group_r2j

figo_ff

23-08-2011, 03:02 AM

احنا في الجامعة غدا ان شاء الله وهنجيب ليكوا الخبر الاكيد

mahmoud atiya

23-08-2011, 03:41 AM

السلاااااااااااااام عليكم يا شمساويين .. رمضان كريم

انا رايح الجامعه النهارده ان شاء الله ..

هتروح على الساعه كام كدا يا فيجو ؟

figo_ff

23-08-2011, 07:45 PM

عاجل: التقديم سيبدأبعد العيد يوم 6/9

farouk al shafy

23-08-2011, 09:38 PM

عرفت منين ؟!!

figo_ff

23-08-2011, 11:32 PM

عرفت منين ؟!!

انا كنت النهاردة في الكلية دخلت شئون الطلبة وسألت بنفسي

farouk al shafy

24-08-2011, 01:13 AM

ألف شكر يا باشا بجد الجروب ده مفيد جدااا

figo_ff

24-08-2011, 11:17 PM

ألف شكر يا باشا بجد الجروب ده مفيد جدااا

لا شكر علي واجب
,,,,
اي استفسار اتفضل احنا موجودين:)

figo_ff

26-08-2011, 02:36 PM

عاااجل : بدء الدراسة بجامعات مصر في الاول من اكتوبر
....................عام دراسي سعيد ...................

ENG.HAGAR

26-08-2011, 03:15 PM

....................عام دراسي سعيد ...................

جدااااا ....
:)

Amr Eltaweel

26-08-2011, 03:26 PM

جدااااا ....
:)

http://69.59.144.138/icon.aspx?i=icon_smile_rotating

Mr...K

26-08-2011, 03:31 PM

عاااجل : بدء الدراسة بجامعات مصر في الاول من اكتوبر
....................عام دراسي سعيد ...................

ربنا يستر بقى

figo_ff

26-08-2011, 04:47 PM

ايه يا جماعة ابتسموا ....انتم في مصر

Ismael Ibraheem

27-08-2011, 12:37 AM

figo_ff

27-08-2011, 02:20 AM

السلام عليكم

ممكن اعرف الناس اللى اختاروا عين شمس مش التنسيق اللى وداهم

اكيد اختاروها عن قناعه

ممكن اعرف ايه هى مميزات هندسه عين شمس

وايه الفرق بينها وبين القاهره من كل وجهات النظر وابعاد الموضوع

انا هندسه القاهره

وانا مش بتريق او بهزر

بجد عايز اعرف الفروق كلها والمميزات وايضا العيوب

ولو حد هايتكلم من عين شمس ودا الاكيد يراعى النزاهه والموضوعيه

ويتحرى الصدق

وفى النهاية العمل والرزق من الله سواء داخل او خارج الوطن

وكلنا فى كليه القمه هندسه باختلاف جامعاتنا

والسلام ختام
السلام عليكم
اولا اهلا بيك معانا
ثانيا وعن تجربة شخصية قريبي خريج هندسة عين شمس قسم كهربا باور وهو الان يعمل باحدي محطات توليد الكهرباء بالولايات المتحدة الامريكية
اول ما سألته قالي عين شمس علي طول واول حاجة قالهالي ان عين شمس بتجهز مهندس انما القاهرة بتجهز خريج هندسة ةفي فرق كبير بينهم ثانيا عين شمس اصعب بكتير لذلك فهي بتخلي الطالب يواجه ظروف الصعبة وهي دي اللي بتصنع الكفاءة انا بحترم جدا القاهرة وتحيزي لاسباب
وعلي فكرة انا التنسيق مارمنيش الحمد لله اختياري عن قناعة
وشكرا ليك نورت يا باشمهندس:d

Ismael Ibraheem

27-08-2011, 02:24 AM

figo_ff

27-08-2011, 02:29 AM

بس حضرتك عندك اقسام فى القاهره مش فى عين شمس

متهيالى القاهره بتبقى مميزه فى الاقسام دى جوا وبره مصر

وممكن ان لم يكن اكيد ان اجتهاد الطالب هو اللى بيحدد مستقبله

والقاهره معتمده دوليا وليها ترتيب ولو ورا

بس هل عين شمس معتمده دوليا وليها ترتيب برضه ؟ انا مش عارف

والصعوبه والسهوله دى مساله نسبيه

بص هي من ناحية معتمده فهي معتمده والدليل انه مشتغلش غير بشهادته ثانيا حكاية نرنيب جامعة القاهرة دي كاجامعة مش ككلية هندسة والدليل اني اعرف ان تجارة حلوان هي افضل تجارة علي مااظن وانا معاك ان السهولة والصعوبة نسبية واحترم الرأي ده جدا وعايز اقولك برضه الكفاءة والخبرة ليها دور كبير بس انا علي يقين ان صراع هندسة عين شمس ولا القاهرة لن يحسم ابدا
وحكاية الاقسام دي مش هتبقي عقبة لواحد محدد هدفه

Ismael Ibraheem

27-08-2011, 02:45 AM

عن نفسى الصراع لم يكن بين القاهره وعين شمس

بقدر ما كان بين قسمين واحد لايوجد سوى بالقاهره والاخر لا يوجد الا فى عين شمس

الاقسام دى طيران القاهره
وميكاترونكس عين شمس

بس دا كان صراعى والغريب ان باذن الله كل طلبه الجامعتين بيشتغلوا واحسن شغل

وطبعا لو انا تابع لجامعه ماخوذه فى الترتيب هيبقى ليا مكانه كويسه فى الخارج صح ؟؟

figo_ff

27-08-2011, 02:50 AM

يااااارب فعلا يوفق الجميع
بس برضه عند رأي وفي مجال الهندسة بالذات المفاضلة بتكون بالكفاءة والخبرة
وخصوصا بالخارج ربنا يمنحنا جميعا التوفيق والكفاءة

rehab rehab

28-08-2011, 04:14 PM

Ismael Ibraheem

28-08-2011, 06:00 PM

الترتيب دا فعلا ملوش اى لازمة

لو حضرتك شفت معايير التقييم هتلاقى من ضمنها مساحة الجامعة نفسها و عدد الابحاث اللى بتطلع من الدكاترة و حاجات تانية كتير من ضمنها الدراسة و المناهج و التعليم نفسه

دا غير ان الترتيب للجامعة ككل مش الكلية لكن مستوى الكلية نفسها بيبقى حاجة معروفة نتيجة مستوى طلابها

التعليم فى القاهرة احسن كمنهج و ساعات معمل و كدا بس عين شمس بتطلع مهندس
ممكن يكون يدوب فاكر اسايات قسمه بس سيبه على اى شغل هيمشى فيه و على اى منهج او تكنولوجيا جديدة هيتعلمها لوحده

طب ما مساحه هندسه القاهره اكبر بكتير من عين شمس

وعدد الابحاث لا اعلم مين الاكتر

تمام ومعاكى فى ان الترتيب مش بيبقى للكليه بس كليتى تبع جامعه لها ترتيب دى ليها معنى تانى
وبتتاخد فى الاعتبار

ثانيا حكايه ان عين شمس بتطلع مهندس والقاهره لا دى معلش مضايقانى
ادام القاهره احسن كمنهج وساعات عمل ومبتطلعش مهندس
يبقى ازاى عين شمس اللى اقل من القاهره فى كده بتطلع مهندس !!!!

كلام كتير وتناقضاته

وانا اريد مقارنه بجد مش اراء
مقارنه معتمده على حقائق

وشكرا ليكى كتير بشمهندسه رحاب

ahmed doula

29-08-2011, 01:03 AM

http://thanwya.com/vb/showthread.php?t=362467

issac-newton

29-08-2011, 03:01 AM

rehab rehab

29-08-2011, 04:59 AM

figo_ff

29-08-2011, 11:47 AM

شكراrehab rehab
وissac-newton
علي الرد الوافي

Amr Eltaweel

29-08-2011, 03:05 PM

آحسن كلية هندسة تخرج مهندسين بلآ منآزع هيآ عين شمس
و آذآ كآنت آلقآهرة في آلترتيب قبل عين شمس دآ ليه آسبآبو آنو جآمعة آلقآهرة مرتبة عآلميآ + آلمنشآت و حآلة آلمعآمل آلخ ؟.
بس كدرآسة و تآهيل عين شمس طبعنين

مش معاك ف دي
خبرتنا قليلة ف الكليات
منقدرش نحكم
+
مش بسمع لكلام حد والغي دماغي
لازم اشوف المستوي ادامي بعدين احكم
:)

ahmed kano

30-08-2011, 09:19 PM

السلام عليكم و كل سنة و انتم طيبين

للباشمهندس اسلام

طبعا لو بتتكلم عن المساحة فمساحة القاهرة أكبر و معامل كمان حالتها افضل و احسن من عين شمس

لو بتتكلم علىالتريب خلى بالك ان جامعة القاهرة متقدمةعلى عين شمس و عمر عين شمس ما هتتقدم عليها كجامعة

لكن فى فرق كلية و جامعة .. الترتيب ده بياخد على الجامعة يعنى مثلا جامعة القاهرة " تجارة - طب - صيدلة - ... الخ "

لكن لو فى مقارنة كليات هنقولك ان فى فرق يعنى مثلا هندسة عين شمس افضل زى ما صيدلة عين شمس افضل " برغ م ان معامل صيدلة القاهرة افضل "

و ده بيرجع للمناهج التعليمية و الابحاث اللى بتطلب منك و الشيتات اللى بتاخدها و مستوى المشاريع اللى بتطلب منك فى سنوات التخرج و انك بتحتك بناس اكتر منك خبرة و كل ده موجود طبعا فى القاهرة بس بمستوى سهل شوية الللى بيخليك لازم تاخد كورسات اكتر بعد ما تتخرج عشان تحتك اكتر بالمهنة و تعرف خباياها اما فى عين شمس الموضوع بيكون اقل شوية

اما الاقسام فاقسام القاهرة اكتر لانها الجامعة الام بس مش افضل يعنى مثلا فى قسم بترول فى القاهرة و برغم كده مبتلاقيش ناس بتخشه و بيفضلوا اقسام تانية

و كل ما التخصصات قلت فى جامعة ما كل ما مستوى التخصصات دى بيزيد و اكيد انت فاهم

figo_ff

30-08-2011, 10:48 PM

تمام كده يا احمد وده اللي فهمته من ناس كتير (شرفت بعثة مدرستنا في هندسة عين شمس) :d

ahmed doula

30-08-2011, 11:40 PM

ماهو سواء طلبة او خريجين او شكرات كلهم عارفين معايير الترتيب دا و عارفين انه بالنسبة للمهندس نفسه مش مقياس

ترتيب ال 500 دا فيه معاهد سنتين اللى مستواها زى معاهد السنتين اللى عندنا فى مصر و اقل كمان و دا كلام الدكاترة اللى درسوا عندنا فى امريكا و عارفين مستوى المعاهد دى

حضرتك تقدر تقول ان هندسة mit اقل من اى جامعة فى العالم او حتى ممكن تتقارن باى جامعة ؟؟؟؟مع انها مش رقم واحد ولا حاجة و اعلى ترتيب شفتهولها كان 3 او 4 تقريبا

مستحيل طبعا اقول ان القاهرة مش بتطلع مهندس
القاهرة من احسن الكليات فى مصر و لما بتتقارن بعين شمس بيبقى التفوق لدى فى نقط و دى فى نقط
بس اكيد لو مش شايفة ان عين شمس احسن و مقتنعة بدا جدا مكنتش دخلتها و كنت دخلت القاهرة

بالنسبة لسؤال حضرتك عن المناهج و ساعات المعمل
الكورسات اللى بتتاخد فيها مناهج على اعلى مستوى و عملى بكمية مش طبيعية , يبقى الكورسات بتطلع مهندس احسن من الكليات ؟؟:)

انا لما قلت مهندس مكنتش اقصد انه عنده العلم انا كنت اقصد الشخصية
لما يتحط فى مشكلة بيتصرف و عنده اعتماد على نفسه لدرجة توصل انه يدور عالمنهج اللى هيزاكره و يدور على شرح المشروع اللى هيعمله مش مجرد يفهم لوحده نقطة متشرحتش كويس !!
القاهرة بردو فيها نقطة الاعتماد عالنفس و البهدلة بس اقل من عندنا بكتير

يعنى نقدر نقول ان عين شمس بتستخدم الطريقه المصريه فى التعليم وهو الحشو والكبس والبهدله من حيث المزاكره ومن حيث الامتحانات وكل حاجه زى مابيحصل فى التعليم العادى واكيد فيه اعتماد الى حد ما بالدروس بردو

يعنى نظام فاشل فعلا هيطلع واحد مهندس بيستحمل زى ما نظام التعليم الثانوى ماطلع طالب استحمل الهندسه
بس مش هيبقى كويس بردو لان يفضل نظام فاشل وفيه عيوب

وعلى فكره لو بتتكلمو على المناهج فمصر فيها اصعب المناهج على مستوى العالم ودى الحاجه الوحيده اللى مصر الاولى فيها

وانا بقولكم اهو البهدله تودى الى النجاح والتفوق وليس الابداع

يعنى لو النظام مريح الطالب شويه الطالب بدوره مش هيلاقى حاجه يتشغل بيها طول الوقت فيبتدى يتفاعل وينتج ويبدع فى تخصصه

وكمان ازاى تكون حته العملى دى مش مهمه لا طبعا اهم من النظرى نفسه انا عندى اتمرن واحل واشتغل بايدى احسن من انى اعد اسمع واحفظ القوانين وكده

ENG.HAGAR

01-09-2011, 12:49 AM

هل من جديد يا باش مهندسين فى موضوع

التقديم ......؟؟

issac-newton

01-09-2011, 01:14 AM

باشمهندس عمرو في حاجة اسمها خبرة معلوماتية و خبرة تجريبية
اي نعم الخبرة التجريبية اقوى بس دي عمرها ما ها تتاح لينا ليه
لاني كطالب في هندسة القاهرة مش هدرس غير في القاهرة ( المفروض ) و مش هدرس في عين شمس .
اما الخبرة المعلوماتية و هيا المتاحة من كذا طالب في عين شمس و القاهرة .
و نفس القصة بيحاولو يعملوها في كلية الهندسة بالنسبة للاقسام
يعني ما بيقولكش قضي سنة في كل قسم و شوف نفسك بقا .
لاء بيديك مواد عامة فيها من كلو في اول سنة و بيديك مادة تشرحلك عن كل قسم . و بكدا بتقدر تحدد
وصلت ؟!

Engineer ..

01-09-2011, 12:52 PM

rehab rehab

01-09-2011, 01:26 PM

يعنى نقدر نقول ان عين شمس بتستخدم الطريقه المصريه فى التعليم وهو الحشو والكبس والبهدله من حيث المزاكره ومن حيث الامتحانات وكل حاجه زى مابيحصل فى التعليم العادى واكيد فيه اعتماد الى حد ما بالدروس بردو

يعنى نظام فاشل فعلا هيطلع واحد مهندس بيستحمل زى ما نظام التعليم الثانوى ماطلع طالب استحمل الهندسه
بس مش هيبقى كويس بردو لان يفضل نظام فاشل وفيه عيوب

وعلى فكره لو بتتكلمو على المناهج فمصر فيها اصعب المناهج على مستوى العالم ودى الحاجه الوحيده اللى مصر الاولى فيها

وانا بقولكم اهو البهدله تودى الى النجاح والتفوق وليس الابداع

يعنى لو النظام مريح الطالب شويه الطالب بدوره مش هيلاقى حاجه يتشغل بيها طول الوقت فيبتدى يتفاعل وينتج ويبدع فى تخصصه

وكمان ازاى تكون حته العملى دى مش مهمه لا طبعا اهم من النظرى نفسه انا عندى اتمرن واحل واشتغل بايدى احسن من انى اعد اسمع واحفظ القوانين وكده

احب اقول لحضرتك ان كل حاجة بتتعمل فينا بتجبرنا عالابداع :D

لان من اول تالتة عالاقل الطريق اللى بينا و بين النجاح بيتمسح تماماااا

مفيش مجاميع مراجعة ولا شرح للمنهج كله زى زمان ولا ورق شرح ولا المناهج اللى تتزاكر و يتدخل بيها الامتحان من غير ما نتعلم كذا حاجة جنبها

و الضغط دا على حساب صحتنا و نومنا مش على حساب حاجة تانية
يعنى ممكن فى كلية تانية ياخدوا مثلا كورس جافا كمادة
احنا يتطلب مننا مشروع بالجافا جوا مادة تانية من غير اى سابق معرفة بيها ولو الدكتور تكرم يدينا كام مرجع نزاكرها منهم و قصادنا شهر نتعلمها و نعمل المشروع بجانب مزاكرة المادة الاساسية

بالنسبة للنظرى
هو مبدايا لو اى هندسة فى مصر مبتعلمش غير نظرى كانت البلد خربت
لكن فيه معلومة الدكاترة فضلوا كتير لحد ما وصلوهالنا و اقتنعنا بيها لما شفناها بعنينا

فيه فرق بين مهندس و فنى

دراسة هندسة دى دراسة academic ممكن منعرفش جوا الكلية ازاى نطبق بس لازم نكون عارفين الاساس العلمى و كل حاجة جت ازاى و منين
لكن دراسة الفنيين بتكون كلها معامل و تطبيق باديهم و خبرة فى الشغل

دا مش عيب ولا ميزة دا job description

علشان كدا الفنى بيدخل عالشغل علطول و ياخد خبرة و المهندسين الجداد بيتعلموا منه الشغل ماشى ازاى و بييجى لمرحلة معينة و يقف خلاص ميقدرش يعلى فى الشغل عن كدا

لكن المهندس ملوش limit و عمره ما بيبطل يتعلم طول ماهو شغال ولا هيلاقى سقف يوقفه
هو عنده العلم و القدرة انه يتعلم زيادة و الشغل بالايد دا خبرة بتيجى مع الوقت

Eng. Ahmed Said

02-09-2011, 03:01 AM

احب اقول لحضرتك ان كل حاجة بتتعمل فينا بتجبرنا عالابداع :d

لان من اول تالتة عالاقل الطريق اللى بينا و بين النجاح بيتمسح تماماااا

مفيش مجاميع مراجعة ولا شرح للمنهج كله زى زمان ولا ورق شرح ولا المناهج اللى تتزاكر و يتدخل بيها الامتحان من غير ما نتعلم كذا حاجة جنبها

و الضغط دا على حساب صحتنا و نومنا مش على حساب حاجة تانية
يعنى ممكن فى كلية تانية ياخدوا مثلا كورس جافا كمادة
احنا يتطلب مننا مشروع بالجافا جوا مادة تانية من غير اى سابق معرفة بيها ولو الدكتور تكرم يدينا كام مرجع نزاكرها منهم و قصادنا شهر نتعلمها و نعمل المشروع بجانب مزاكرة المادة الاساسية

بالنسبة للنظرى
هو مبدايا لو اى هندسة فى مصر مبتعلمش غير نظرى كانت البلد خربت
لكن فيه معلومة الدكاترة فضلوا كتير لحد ما وصلوهالنا و اقتنعنا بيها لما شفناها بعنينا

فيه فرق بين مهندس و فنى

دراسة هندسة دى دراسة academic ممكن منعرفش جوا الكلية ازاى نطبق بس لازم نكون عارفين الاساس العلمى و كل حاجة جت ازاى و منين
لكن دراسة الفنيين بتكون كلها معامل و تطبيق باديهم و خبرة فى الشغل

دا مش عيب ولا ميزة دا job description

علشان كدا الفنى بيدخل عالشغل علطول و ياخد خبرة و المهندسين الجداد بيتعلموا منه الشغل ماشى ازاى و بييجى لمرحلة معينة و يقف خلاص ميقدرش يعلى فى الشغل عن كدا

لكن المهندس ملوش limit و عمره ما بيبطل يتعلم طول ماهو شغال ولا هيلاقى سقف يوقفه
هو عنده العلم و القدرة انه يتعلم زيادة و الشغل بالايد دا خبرة بتيجى مع الوقت

لما بشوف مشاركات حضرتك بحس إني بقرا كلام من حد فاهم الليلة كويس

ياريت علي طول تنقلي لنا خبراتك يا باشمهندسة..

ahmed doula

02-09-2011, 04:23 AM

لما بشوف مشاركات حضرتك بحس إني بقرا كلام من حد فاهم الليلة كويس

ياريت علي طول تنقلي لنا خبراتك يا باشمهندسة..

بصراحه ومش بهزر والله

انا لما بقرا الكلام ده بحس انه هيروغليفى مش فاهم منه اى حاجه

طبعا عشان انا غبى

او

الهندسه بتخلى الواحد بيفهم عن الناس العاديين

مش عارف الصراحه

بس لو انت فاهم يا بشمهندس ممكن توضحلى المقصد المباشر عشان والله نص الكلام مش عارف عن ايه

ahmed doula

02-09-2011, 04:25 AM

احب اقول لحضرتك ان كل حاجة بتتعمل فينا بتجبرنا عالابداع :d

لان من اول تالتة عالاقل الطريق اللى بينا و بين النجاح بيتمسح تماماااا

مفيش مجاميع مراجعة ولا شرح للمنهج كله زى زمان ولا ورق شرح ولا المناهج اللى تتزاكر و يتدخل بيها الامتحان من غير ما نتعلم كذا حاجة جنبها

و الضغط دا على حساب صحتنا و نومنا مش على حساب حاجة تانية
يعنى ممكن فى كلية تانية ياخدوا مثلا كورس جافا كمادة
احنا يتطلب مننا مشروع بالجافا جوا مادة تانية من غير اى سابق معرفة بيها ولو الدكتور تكرم يدينا كام مرجع نزاكرها منهم و قصادنا شهر نتعلمها و نعمل المشروع بجانب مزاكرة المادة الاساسية

بالنسبة للنظرى
هو مبدايا لو اى هندسة فى مصر مبتعلمش غير نظرى كانت البلد خربت
لكن فيه معلومة الدكاترة فضلوا كتير لحد ما وصلوهالنا و اقتنعنا بيها لما شفناها بعنينا

فيه فرق بين مهندس و فنى

دراسة هندسة دى دراسة academic ممكن منعرفش جوا الكلية ازاى نطبق بس لازم نكون عارفين الاساس العلمى و كل حاجة جت ازاى و منين
لكن دراسة الفنيين بتكون كلها معامل و تطبيق باديهم و خبرة فى الشغل

دا مش عيب ولا ميزة دا job description

علشان كدا الفنى بيدخل عالشغل علطول و ياخد خبرة و المهندسين الجداد بيتعلموا منه الشغل ماشى ازاى و بييجى لمرحلة معينة و يقف خلاص ميقدرش يعلى فى الشغل عن كدا

لكن المهندس ملوش limit و عمره ما بيبطل يتعلم طول ماهو شغال ولا هيلاقى سقف يوقفه
هو عنده العلم و القدرة انه يتعلم زيادة و الشغل بالايد دا خبرة بتيجى مع الوقت

والحاجات اللى بالاحمر هى اللى مش فاهمها

طارق حسام

02-09-2011, 07:23 PM

هو ايه نظام التقديم يا جماعة ؟

rehab rehab

03-09-2011, 03:35 AM

والحاجات اللى بالاحمر هى اللى مش فاهمها

الكلام اللى فى الاول

انا حبيت اوضح لحضرتك نقطة انه مش مجرد حشو و بيقتلوا قدرتنا على الابداع

لو كدا كانوا دخلوا ادبى و هما اكتر ناس هيمشوا فى الكلية مع احترامى ليهم طبعا بس بتكلم على القدرة على الحفظ

هندسة عين شمس بتعوض القدرات و الامكانيات القليلة فيها على حساب الطالب

المعامل سيئة بس بيتطلب مننا مشاريع كاننا عايشين نشتغل بادينا من ساعة ما دخلنا الكلية

فيه مناهج غريبة بيديها دكاترة مينفعش يدرسوا بس فيه بردو دكاترة مش بيقتنعوا اننا مدرسناش حاجة فى المادة الفلانية اللى مادته معتمدة عليها و نبقى بنزاكر الاتنين مع بعض

حتى فى اسوأ الظروف لو مادة ملهاش منهج و دكتور شرحه وحش و مش عارفين حتى لزمتها ايه الامتحان بييجى كاننا درسنا كل ما يتعلق بالمادة و فهمناها كويس جدا و طبقنا عليها كمان

فاحنا عندنا input قليل او مش موجود بس مطلوب output عالى جدا و علينا احنا اننا ندور على طريق بقى توصلنا من دا لدا

فى اعدادى و اولى و شوية فى تانية بنبقى عارفين ازاى نوصل و نعمل ايه بالظبط بس من اول 3 سنة التخصص مع نفسنا و نتصرف ,"احنا مهندسين "

و الكلام اللى فى الاخر

طبيعى اى مهندس متخرج جديد يروح يشتغل فى مصنع بيكون الفنى بيفهم اكتر منه مليون مرة و لو المهندس ملزقش فيه و اتعلم منه كل حاجة مش هيمشى فى الشغل

بس كام شهر و خلاص المهندس بيتفوق عالفنى و يعلى لمستوى تانى

ahmed doula

04-09-2011, 01:12 AM

الكلام اللى فى الاول

انا حبيت اوضح لحضرتك نقطة انه مش مجرد حشو و بيقتلوا قدرتنا على الابداع

لو كدا كانوا دخلوا ادبى و هما اكتر ناس هيمشوا فى الكلية مع احترامى ليهم طبعا بس بتكلم على القدرة على الحفظ

هندسة عين شمس بتعوض القدرات و الامكانيات القليلة فيها على حساب الطالب

المعامل سيئة بس بيتطلب مننا مشاريع كاننا عايشين نشتغل بادينا من ساعة ما دخلنا الكلية

فيه مناهج غريبة بيديها دكاترة مينفعش يدرسوا بس فيه بردو دكاترة مش بيقتنعوا اننا مدرسناش حاجة فى المادة الفلانية اللى مادته معتمدة عليها و نبقى بنزاكر الاتنين مع بعض

حتى فى اسوأ الظروف لو مادة ملهاش منهج و دكتور شرحه وحش و مش عارفين حتى لزمتها ايه الامتحان بييجى كاننا درسنا كل ما يتعلق بالمادة و فهمناها كويس جدا و طبقنا عليها كمان

فاحنا عندنا input قليل او مش موجود بس مطلوب output عالى جدا و علينا احنا اننا ندور على طريق بقى توصلنا من دا لدا

فى اعدادى و اولى و شوية فى تانية بنبقى عارفين ازاى نوصل و نعمل ايه بالظبط بس من اول 3 سنة التخصص مع نفسنا و نتصرف ,"احنا مهندسين "

و الكلام اللى فى الاخر

طبيعى اى مهندس متخرج جديد يروح يشتغل فى مصنع بيكون الفنى بيفهم اكتر منه مليون مرة و لو المهندس ملزقش فيه و اتعلم منه كل حاجة مش هيمشى فى الشغل

بس كام شهر و خلاص المهندس بيتفوق عالفنى و يعلى لمستوى تانى

ولو انه كلام يخوف لكن الف شكر يا بشمهندسه رحاب,,,

rehab rehab

04-09-2011, 03:23 AM

ولو انه كلام يخوف لكن الف شكر يا بشمهندسه رحاب,,,

ميخوفش ولا حاجة

صعوبة هندسة عين شمس دى بقت الحاجة الوحيدة اللى بتميزها

المواد نفسها بتتاخد فى كورسات فى كل حتة و كل يوم يطلع هندسة خاصة بتطلع طلبة مبيعرفوش يكتبوا اسمهم

لكن اللى بيميز طالب عين شمس انه حمار شغل و بيعرف يتصرف فى اى موقف و لو اتقاله هتروح تمتحن فى طب بكرة هيروح يزاكر و مش هيعترض و هينجح كمان

ahmed doula

04-09-2011, 12:23 PM

ميخوفش ولا حاجة

صعوبة هندسة عين شمس دى بقت الحاجة الوحيدة اللى بتميزها

المواد نفسها بتتاخد فى كورسات فى كل حتة و كل يوم يطلع هندسة خاصة بتطلع طلبة مبيعرفوش يكتبوا اسمهم

لكن اللى بيميز طالب عين شمس انه حمار شغل و بيعرف يتصرف فى اى موقف و لو اتقاله هتروح تمتحن فى طب بكرة هيروح يزاكر و مش هيعترض و هينجح كمان

ههههه ماشى

بس اعتقد ان مش كل اللى بيدخلو الخاصه بيكونو كده يعنى لو كان مجتهد وداخل جد مش بيلعب اكيد هيبقى احسن من اللى بتاع العاديه وكمان هيبقى عنده فرص احسن ممكن يستغلها لو بيفهم بقى :blush:

ENG.HAGAR

04-09-2011, 03:55 PM

حد قدم يا باش مهندسين " باش مهندس

فهمى والباش مهندس احمد kano ??

ياريت اللى قدم يأكد على المطلوب من

حيث الورق والشهادات وغيره

وكدة ...

figo_ff

05-09-2011, 02:05 PM

اخيرا وبعد عذاب لمدة يومان تم التقديم ......الحمد لله

Mr...K

05-09-2011, 05:11 PM

يا شباب عاوز انبهكم لحاجة كدة بس بما ان الدراسة داخلة خلاص عاوز انصحكم نصيحة صغيرة

1 - احضر المحاضرات .

2 - احضر المحاضرات .

3 - احضر المحاضرات .

" واحد يقولى ابتجيناها بواخة وهنقلش :d " اقوله لا مش بقلش ولا حاجة كل واحدة من دول ليها

معنى خفى شوية .:049gc0:

1 - احضر المحاضرات .. ومش شرط ان انت تخرج من المحاضرة تكون فاهم 100 % لا اهم حاجة تفهم على قد ما تقدر .

2 - احضر المحاضرات .. حتى اذا ربنا رزقك وفهمت 20 % وده عادى على فكرة فى الاول .

3 - احضر المحاضرات .. حتى لو مش فاهم حاجة . ودى ممكن ناس تعترض معايا فيها شوية

فى ميزة عندنا فى هندسة عين شمس الا وهى ايه بقى ان فى دكاترة تسمحلك انك اذا عاوز تخرج من المحاضرة عادى ممكن

تطلع حتى لو فى نص المحاضرة وفى دكاترة مش بتسمح المهم نصيحة منى متلجأش ليها خالص .

ممكن متبقاش فاهم فى الاول بس تلاقى نفسك جمعت وفهمت بعد كدة حتى لو مفهمتش هتروح تذاكر هتلاقى المذاكرة معاك

بقت اسهل لانك هتلاقى طراطيش كدة بتعدى عليك من المحاضرة " المهم انك تحاول ومتقولش مش هقدر من غير ما تحاول "

اختم بقى بحاجة كدة معلش انا عارف صدعتكووو منى ..

فى دكتور عندنا بسم الله ما شاء الله الطلبة كلها بتحبه بجد مشفتش حد بيشيل منه خالص . دكتور خايف على مصلحتك وعاوزك

تفهم بجد الدكتور ده كلامه نصايح والله قال كلمة قبل كدة حلوة اوووووووووووى للى خايف من الكلية

قال ايه " اذا انت مقابلتش حاجة صعبة قدامك .... اعرف انك مش بتطلع لقدام " بمعنى ان اى صعوبة ان شاء الله بالمحاولة هتروح

وهتلاقيها بقت سهلة عليك باذن الله

الدكتور ده اسمه " دكتور وائل فكرى " :friendsxs3:اى حد من هندسة عين شمس عارفه وبيحبه جدا وجزاه الله عنا كل خير ان شاء الله

معلش صدعتكوووو بس كلمتين فى نفسى كنت عاوز اقولهم

والسلام عليكم ورحمة الله وبركاته

ENG.HAGAR

05-09-2011, 07:04 PM

الدكتور ده اسمه " دكتور وائل فكرى " :friendsxs3:اى حد من هندسة عين شمس عارفه وبيحبه جدا وجزاه الله عنا كل خير ان شاء الله

معلش صدعتكوووو بس كلمتين فى نفسى كنت عاوز اقولهم

والسلام عليكم ورحمة الله وبركاتهدكتور وائل فكرى معروف جداا .... بالرغم انى لسه رايحه اعدادى الا انا ما سمعتش عنه الا كل خير ... احسن دكتور بيدرس فى الكلية ... بس انا قرأت انه احتمال يسافر الترم ده :( ..... ربنا يستر ومش يسافر ويدرس لينا ....
وشكرا جدااا على النصايح .....

اخيرا وبعد عذاب لمدة يومان تم التقديم ......الحمد لله طيب هى الحاجات المطلوبة هى هى ولا فى زيادة ... وليه يومان !!...؟؟ علشان الكشف الطبى ؟؟
كمان يا باش مهندس فهمى كان فى زحمة ولا ايه النظام فى اول اسبوع ّ؟؟؟

figo_ff

06-09-2011, 04:30 AM

دكتور وائل غكرى معروف جداا .... بالرغم انى لسه رايحه اعدادى الا انا ما سمعتش عنه الا كل خير ... احسن دكتور بيدرس فى الكلية ... بس انا قرأت انه احتمال يسافر الترم ده :( ..... ربنا يستر ومش يسافر ويدرس لينا ....
وشكرا جدااا على النصايح .....

طيب هى الحاجات المطلوبة هى هى ولا فى زيادة ... وليه يومان !!...؟؟ علشان الكشف الطبى ؟؟
كمان يا باش مهندس فهمى كان فى زحمة ولا ايه النظام فى اول اسبوع ّ؟؟؟

اولا السلام عليكم
احب اشكر Mr...K
علي النصائح الغالية
....ثانيا الحمد لله ياباش مهندسة هاجر اني رجعت سليم الدنيا زحمة جدا لدرحة اني معرفتش اخلص اول يوم يدوبك خدت اذت دفع المصاريف والحل انك تروح بدري جدا الساعة 8 او 8 الا تكوني في الكلية او تستني فترة لاحد ما الزحمة تخف لان اانا سألت وعرفت ان التقديم لبداية الدراسة تاني حاجة الورق زي ما هو مفيش اي زيادة والكشف الطبي شفوي ومفهيوش اي حاجة برضه وهناك هتلا قي families شباب جميل ساعدنا جامد لو في اي حاجة اسأليهم وساعدونا جامد يعني....وبالتوفيق يا باش مهندسة

ENG.HAGAR

06-09-2011, 07:14 AM

اولا السلام عليكم
احب اشكر mr...k
علي النصائح الغالية
....ثانيا الحمد لله ياباش مهندسة هاجر اني رجعت سليم الدنيا زحمة جدا لدرحة اني معرفتش اخلص اول يوم يدوبك خدت اذت دفع المصاريف والحل انك تروح بدري جدا الساعة 8 او 8 الا تكوني في الكلية او تستني فترة لاحد ما الزحمة تخف لان اانا سألت وعرفت ان التقديم لبداية الدراسة تاني حاجة الورق زي ما هو مفيش اي زيادة والكشف الطبي شفوي ومفهيوش اي حاجة برضه وهناك هتلا قي families شباب جميل ساعدنا جامد لو في اي حاجة اسأليهم وساعدونا جامد يعني....وبالتوفيق يا باش مهندسة
وعليكم السلام ورحمة الله وبركاته ...
فعلا هو دا اللى بخاف منه .. الزحمة ..بس لازم اتعود عليها لان هو دا طابع البلد حاليا ..
طيب يا ترى لو رحت بدرى جدا .. زى الساعة 8 هيكون فى زحمة ولا هقدر اخلص ورقى بسرعة ... وانا اصلا حاسه ان موظفين الشئون هيصبحوا علينا لو كنت اول الناس :d....يعنى هيبقوا مخنوقين وكدا ..
وفعلا شكلها هترسى انى اتأخر شوية ..
والحمد لله ان فى اسر كويسة تقدر تساعد وكداا ..
شكرا يا باش مهندس فهمى جدا على الرد ..
:):)