الكــل يدخل ويقول جاتلــه هندسة ايــــه ؟؟؟ [الأرشيف]

Amr Eltaweel

30-07-2011, 02:29 PM

والله مجموعى يجيبها يا باش مهندس بس قولت اسيبها ليكم من باب الرأفة
ههههههههههههههههه
:p
مبروك لينا كلنا يا باش مهندس عمر عقبال بقيت البنات والشباب
ليه كدة ما ممكن تتظبطوا بردوا انتو فى جامعة القاهرة ما تقلقوش كل واحدة وليه نصيب فى الخير والشر بردو
ده كفاية المواصلات ربنا معاكم
:d

الله الله بنعاير بعض
ان شاء الله تلاقي المواصلات واقفة كل يوم ومتعرفيش تروحي ههههههه
وانتوا برضو هتتظبطوا ف عين شمس
بس عارفه احلي حاجة انك داخلة وعارفة كد ا http://www.thanwya.com/vb/life/icons/icon10.gif

akram_ahmed

30-07-2011, 02:29 PM

هندسة شبرا الحمد لله

Amr Eltaweel

30-07-2011, 02:31 PM

مبروك يا بشمهندس اكرم ليا واحد صاحبي في شبرا برضو

M-.kamel-

30-07-2011, 02:36 PM

هندسة المنيااااااا

المنيا زيك برده بس أنا عاوز أحول أصل أنا من كفر الشيخ ودي مسافه طووووووويييييله أوي

:(:(:(

akram_ahmed

30-07-2011, 02:39 PM

مبروك يا بشمهندس اكرم ليا واحد صاحبي في شبرا برضو
الله يبارك فيك :friendsxs3:ربنا يوفقنا ان شاء الله

ENG.HAGAR

30-07-2011, 02:39 PM

الله الله بنعاير بعض
ان شاء الله تلاقي المواصلات واقفة كل يوم ومتعرفيش تروحي ههههههه
وانتوا برضو هتتظبطوا ف عين شمس
بس عارفه احلي حاجة انك داخلة وعارفة كد ا http://www.thanwya.com/vb/life/icons/icon10.gif

ولا بنعاير بعض ولا حاجة كله بثوابه يا باش مهندس
وانتوا بقى صحرااا يعنى مافيش مواصلات علشان تبقى وافقة
:d
اكيد كله هيتظبط ما حدش يقلق خاالص
"لكل طالب من التظبيط نصيب "
ده شعارنا
اه الحمد لله عارفه كدة وكمان فرحانه بكدة بجد لان الواحد هيحس انه علطول فى تنافس مع غيره وكمان كفاية انها قريبة بالنسبة للبنات .
" خلى بالكم انا مش متعصبة خاااااالص ههههههههههههههههههه "
;)
ربنا يوفقكم كلكم بدعيلكم بجد والله
كل ده هزار اهم حاجة نتفوق فى الكلية ونجيب تقدير كمان
مبروك عليكم يا باش مهندسين المستقبل

m_cabo

30-07-2011, 02:41 PM

المنيا زيك برده بس أنا عاوز أحول أصل أنا من كفر الشيخ ودي مسافه طووووووويييييله أوي

:(:(:(

على فكرة انا برضه عاوز احول انا من القاهرة
بس الحمد لله على كل حاجه

nounous

30-07-2011, 02:43 PM

هندسة حلوان :(

princeoftears

30-07-2011, 02:50 PM

انا دخلت هندسة طنطا
بس زعلان اوى والله يا جماعة لان الدراسة فى الكلية بالعربى و كدا و كان نفسى فى كلية انضف و تكون دراستها بالانجليزى و مستواها اعلى من كدا ممكن اى حد يفيدنى فى الموضوع دا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

figo_ff

30-07-2011, 02:53 PM

عين شمس بس برضه مجموعي كان يجيب القاهرة ويا اهلا بالمعارك

احمد مصطفى عطيه

30-07-2011, 02:53 PM

يا جماعه حد يكتبلى تنسيق كليات الهندسه علشان الموقع مش راضي يفتح عندى

m_cabo

30-07-2011, 02:54 PM

يا جماعه حد يكتبلى تنسيق كليات الهندسه علشان الموقع مش راضي يفتح عندى

هات رقم جلوسك

Amr Eltaweel

30-07-2011, 02:56 PM

هندسة حلوان :(

ليه بس زعلانة خير ان شاء الله يا بشمهندسة

oOoLA

30-07-2011, 02:57 PM

هندسة جامعة مصر للعلوم والتكنولوجيا :blush::blush: خاص يعني :confused:

احمد مصطفى عطيه

30-07-2011, 03:00 PM

هات رقم جلوسك

رقم جلوسى
1475074

nounous

30-07-2011, 03:03 PM

اصلها بعيد عن بيتي اوييييييييييييييييييييييييييييييييي بس الحمد لله :)

احمد مصطفى عطيه

30-07-2011, 03:03 PM

بس يا ريت بسرعه
علشان انا على ناااااااااار

m_cabo

30-07-2011, 03:03 PM

رقم جلوسى
1475074

اوكـ بجيبهالك بس الموقع تقيل اوى

mostafa_kamal_1990

30-07-2011, 03:04 PM

مبروك يا بشمهندس مصطفي الف مبروووك يا ريس

الله يبارك فيك يابشمهندس عمر

m_cabo

30-07-2011, 03:05 PM

بس يا ريت بسرعه
علشان انا على ناااااااااار

هندسة المطريه جامعة حلوان
مبرووووووووووووك

ابراهيم الاول

30-07-2011, 03:06 PM

انا جاتلى هندسه اسيوط وانا من اسماعيليه :)

احمد مصطفى عطيه

30-07-2011, 03:09 PM

طب قولى عرفتها ازاى عاشان اجيبها انا كمان

m_cabo

30-07-2011, 03:17 PM

بس لو الموقع بتاع الوزارة مش بيفح معاك هاتها من الموقع دا
http://natiga.elostaz.com/tansik.php

ضى الفجر

30-07-2011, 03:19 PM

انا يا جماااااااااااااااااااااعة هندسة المطرية

حلوان :o

حد هناااااااااااااااااااا جاتله الكليه دى معايا:friendsxs3:

والله الموفق

ضـــــــــــــى الفجر

Kareem H.M 94

30-07-2011, 03:33 PM

أنا الحمد لله جاتلي هندسة القاهرة زي ما كتبت
بس أنا من محافظة قنا ومعرفش أي حاجة في أي حاجة هناك
ومفيش حد من اللي أعرفهم معايا في نفس الكلية
فياريت لو حد داخل نفس الكلية ويقدر يساعدني يكتبلي رقم تليفونه ع الخاص
أنا اسمي كريم حسن محمد سيد ورقمي 0196734889

m_cabo

30-07-2011, 03:37 PM

Amr Eltaweel

30-07-2011, 04:24 PM

مبروك ليكوا يا بشمهندسين

khaled.kabo

30-07-2011, 04:26 PM

هندسة المنصورة

Eng. Ahmed Said

30-07-2011, 04:56 PM

الحمدلله رب العالمين..دخلت هندسة المنيـــــــا

ألف ألف مبروك لكل المهندسين

Amr Eltaweel

30-07-2011, 05:22 PM

هندسة المنصورة

مبروك يا بشمهندس

Amr Eltaweel

30-07-2011, 05:23 PM

الحمدلله رب العالمين..دخلت هندسة المنيـــــــا

ألف ألف مبروك لكل المهندسين

الله يبارك فيك ومبروك ليك انت كمان

lovely-girl5100

30-07-2011, 06:00 PM

انا هندسة الزقازيق
بس ياترى هعرف احول المنصورة ولا لأ

ENG.HAGAR

30-07-2011, 06:01 PM

عبدالله مسعد حسن

30-07-2011, 06:15 PM

هـــــــــــــــنـــــــــــــــــــــــدســــــــ ــــــة اســـــــــــــــــــــــــــــكــــــــــــــــــ ــــــنــدريـــــــــــــة
الــحــــــــــــــــــــــــــــــــــــمــــــــ ــــــــــــــــــــــــــــــد لــــــــــــــــلــــــــــــــــــــــــــــــــ ـه

ENAS GLALA

30-07-2011, 09:04 PM

هندسة بور يعيد بس مش عارفة احول ولا هى احسن من غيرها!!

atef18

30-07-2011, 11:03 PM

هندسسسسسسسسسسسسسسسسسسسسسسسسسسسسة المنصورة

Eng. Ahmed Said

30-07-2011, 11:47 PM

يا باش مهندسين انا كنت عايزه اسأل عن كورسات انجلش فى مصر زى اللى فى كوبرى القبة وكدة فى القاهرة

وكمان كنت عايزه اسأل عن كورس الجامعة الامريكية فى الانجلش انا اسمع ان فى هناك تعليم انجلش وكدة ياريت معلومات واسعار بارك الله فيكم جميعا

بُصي يا هندسة..أنا أعرف معهد أكسون لتعليم اللغات ده من أكبر وأشهر المعاهد في مصر لتعليم اللغات وليه فروع في المعادي ومص الجديدة والدقي تقدري تعرفي تفاصيل أكتر من الموقع ده

http://www.axonegypt.com/

أما بالنسبة لكورس الجامعة الأمريكية فده ماعرفش عنه تفاصيل بس ناوي أسأل فيه إن شاء الله

Eng. Ahmed Said

30-07-2011, 11:48 PM

سؤال معلش يا شباب...إزاي أكتب تحت إسمي زيكوا كده "طالب جامعي ( كلية الهندسة بالمنيا مثلاً ) "

T a l i a !

30-07-2011, 11:57 PM

جاتلي هندسة اسيوط =)

ghadaaaaa

31-07-2011, 12:01 AM

هندسة القاااااااهرة

deadi

31-07-2011, 12:27 AM

هندسة الاسماعيلية و انا من اسكندرية

issac-newton

31-07-2011, 12:33 AM

هندسة المنصورة , , ( وياريت أحول القاهرة )
باش مهندسة هاجر لو عرفتي اي حاجة عن كورس الجامعة الامريكية ياريت تفيدينا , اصلي ناوي برضو .
اممم احمد 1 لو عايز تكتب تحت اسمك ادخل ع الموضوع دا و اطلب من الادراة
http://www.thanwya.com/vb/showthread.php?t=290059
سلام . موز للكل و مبروك

ميدو عماد

31-07-2011, 01:17 AM

عين شــــــــــــــــــــــمس

إسلام صبري

31-07-2011, 01:26 AM

اعقبالى يارب السنه الجايه كدا الحقكم

mahmoud atiya

31-07-2011, 01:31 AM

انا جاتلى هندسه عين شمس ومنهار وبعيط بقالى 12 ساعه علشان مدخلتش القاهره .. قولولى اعمل ايه ! انا وقفت معايا على نصف درجه !! عايز اعمل تظلم فى اى ماده :(

Eng. Ahmed Said

31-07-2011, 01:38 AM

ahmed rezq

31-07-2011, 02:10 AM

انا جالي اسيوط ينفع احول لبور سعيد

ahmed rezq

31-07-2011, 02:12 AM

؟؟؟؟؟؟؟؟؟؟؟؟؟؟؟

bebo4ever

31-07-2011, 02:30 AM

هندسه شبين لانى من المنوفيه وجايب 98 بس انا كنت عاوز احول القاهره ياريت حد يقولى ايه اسهل اجراءات ولو اخد سنه الاعدادى هنا واحول ولا هخرج بمواد !!!

mahmoud atiya

31-07-2011, 02:35 AM

مينفعش تحويل للقاهره يا مان ولا عين شمس حتى .... حتى لو جبت امتياز هتدخل اما مطريه او حلوان .. ( وممكن اصلا يقلك لا انت من محافظه تانيه ايه هيجيبك خليك فى محافظتك )

ظاظا22

31-07-2011, 02:42 AM

جاتلى هندسة مراجيح والحمد لله :'(

خالد رونى

31-07-2011, 03:02 AM

انا جاتلى هندسة حلوان والمطرية بس هادخل حلوان اقرب لى ومنكوا للة ياوزارة التعليم العالى

عبدالرحمن فوزي

31-07-2011, 03:08 AM

هندسة الاسماعيلية الحمد لله رغبة اولى

eng/ yasmine

31-07-2011, 03:09 AM

:angry2::o;)الحمدلله على كل شىء
جاتلى حاسبات ومعلومات اسماعلية فرقت معايا على نص درجة لهندسة جايبة 386
بس هادخ هندسة خاصة اكاديمية الشروق علشان قريبة منى
بلييييييييييز لو حد يعرف اى جامعة خاصة تانية احسن يريت يقولى من فضلكم

*the king

31-07-2011, 05:10 AM

بالله عليكم حد يفيدنى انا من المحلة الكبرى وجبت 401.5 ممكن اخش هندسة القاهرة ولا لا عشان التوزيع الجغرافى؟؟؟؟؟؟؟؟؟؟؟؟؟؟؟؟؟؟؟

ENG.HAGAR

31-07-2011, 05:33 AM

بُصي يا هندسة..أنا أعرف معهد أكسون لتعليم اللغات ده من أكبر وأشهر المعاهد في مصر لتعليم اللغات وليه فروع في المعادي ومص الجديدة والدقي تقدري تعرفي تفاصيل أكتر من الموقع ده

http://www.axonegypt.com/ (http://www.axonegypt.com/)

أما بالنسبة لكورس الجامعة الأمريكية فده ماعرفش عنه تفاصيل بس ناوي أسأل فيه إن شاء الله

شكراا جدا يا باش مهندس احمد جزاك الله كل خير
وانا كنت بسال لانى كنت عايزه اجهز علشان الواحد ما يشعش عليه الكورس وميعادالتقديم وجايز تكون غريبة دى بالنسبة لكم يا باش مهندسين
نى حاسه انه خل رمضان وكمان يتبقى شهر 9 هيبقى صعب شوية
واعتقد مواعيد التقدم بتبقى فى بداية الصيف وطبعا راحت علينا .
بالنسبة للجامعة الامريكية انا اعرف واحدة تقريبا بتاخد الـ level الواحد بس 540 جنية مصرى فى الحدود دى يعنى .
وكمان بالنسبة لمعهد اكسون شوفت فى النت ناس مش بيشكروا فيه وبيقولوا انه ملخبط قوى وناسبتقول قوى
سمعت عن معهد تابه لجامعة فى امريكية اسمها
Lane Community College
بيقولوا كويس جدا
وهو عبارة عن مرحلتين
كل مرحلة شهرين ونص
وكمان سعر المرحلة الواحد حوالى 335 حنية مصرى
بس موقعها فين فى مصر مش عارفه خااالص
وسألت ناس تانية قالولى الكورس اللى فى الامريكية يشبة الكورس اللى فى المعهد اللى فى سراى القبة تبع القوات المسلحة بل ان القواتالمسحلةافضل منه وان كل ما فى الموضوع هو اسم الشهادة بتاع الامريكية .
وكمان فى مشكلة بتواجهنى وهى انى لابسة نقاب ومش مسموح ليا ادخل اماكن تابعة للقوات المسلحة فمش عارفه اعمل ايه ؟
شكر الله لك يا باش مهندس احمد
:)

باش مهندسة هاجر لو عرفتي اي حاجة عن كورس الجامعة الامريكية ياريت تفيدينا , اصلي ناوي برضو

انا كتبت حاجة فوق عن سعرها واللى يميزها شهادتها انها من الامريكية
والله اعلم
بس حضرتك تظن ان الواحد هيبقى قدامه فرصة انه يتعلم الصيف ده ولا خلاص راحت علينا ؟؟
:(
وياريت تزودونا بمعلومات عن الاسعار ومكان كورس الامريكية ياترى فى القاهرة الجديدة ولا فى التحرير ؟
علشان فى فرع للجمعة الامريكية فى القاهرة الجديدة .
والله ده اللى اعرفه يا باش مهندس اسحاق وربنا يوفق الجميع

Eng.Muhammad

31-07-2011, 05:33 AM

أنا الحمد لله جبت هندسة المطرية بحلوان

بس ربنا يسهل واعرف أحول القاهرة آى نعم انا من المنصورة بس حابب القاهرة عنها كتيييييييييييييييير

omnia raafta

31-07-2011, 05:35 AM

هندسه اسكندريه الحمد لله :):)

*the king

31-07-2011, 05:56 AM

حد يرد والنبى انا على نارررر

فرسان الإسلام

31-07-2011, 06:12 AM

حد يرد والنبى انا على نارررر

قول لا إله إلا الله

إلى يحلف يحلف بربنا

جزاكم الله كل خير ووفقكم لكل خير

ENG.HAGAR

31-07-2011, 06:14 AM

بالله عليكم حد يفيدنى انا من المحلة الكبرى وجبت 401.5 ممكن اخش هندسة القاهرة ولا لا عشان التوزيع الجغرافى؟؟؟؟؟؟؟؟؟؟؟؟؟؟؟؟؟؟؟

بص حضرتك دى قواعد التحويل انا نقلتها يارب تفيدك
ثانيا بالنسبة للتحويل انا من رأيكى تصل بالخط الساخن للتنسيق وهم هيفهموك ازاى تتم الاجراءات وموضوع الاغتارب وكدة
انا اخدت ده كوبى وبست من موضوع هنا يارب يفيدك
قواعد تقليل الاغتراب:
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية داخل أو خارج النطاق الجغرافى (أ)، باختيار أى عدد من الكليات فى نطاق منطقته الجغرافية (أ) طبقا لرغباته. وعلى الطالب الراغب فى الحصول على أعلى فرصة للتحويل كتابة أكبر عدد من الرغبات.
· فى الكليات التى بها انتساب موجه، يسمح للطالب المرشح كطالب انتظام، بالتحويل لكلية مناظرة بمنطقته الجغرافية (أ) ولكن بنظام الانتساب الموجه فقط.
· يتم ترتيب الطلاب طبقا لرغباتهم فى كل كلية بالنطاق (أ)، وتحويل العدد الذى حدده المجلس الأعلى للجامعات وطبقا للإمكانيات الاستيعابية للكليات. .
ملحوظة هامة:
تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:
1. كلية الطب بالإسماعيلية.
2. كلية الهندسة الإلكترونية بمنوف.
3. كلية البترول والتعدين بالسويس.
4. المعهد العالي للتكنولوجيا ببنها.
5. المعهد العالي للطاقة بأسوان.
معلش دى افادة بسيطة وعلى قدها
الخط الساخن للتنسيق 19468

ENG.HAGAR

31-07-2011, 06:47 AM

يا باش مهندسين انا عرفت معلومات كدة عن اماكن ممتازة
برليتز 8 مستويات
من 1 الى 4 بيكون ثمن الليفل الواحد 800 جنية وبتاخد معاهم الماتريال الكتاب والاسطوانة
من 5 الى 8 بيكون ثمن الليفل الواحد 900 جنية وبتاخد معاهم الماتريال الكتاب والاسطوانة
وفى كمان ليفيل 9و10 دول بقى ليفيلات خاصب المحادثة فى التعامل التجارى وادرارة الاعمال وبامانة معرفش تمنهم كام

نظام التقديم هناك
اولا انت بتطلب الفرع اللى قريب ليك وهو هيحددلك ميعاد
هتروح هتقابل واحد هيشرحلك نظام الكورسات عندهم ونظام الدراسة
وبعد كدة يقولك حدد الوقت اللى عايزين تعملوا فية تحديد المستوى

تحديد المستوى:
ثمنة 35 جنية
منقووول للامانة العلمية
طبعا زى ما انتم شايفين تكلفته عالية جداا
دى معلومة عن اول مركز
اللى عنده معلومات تاين ياريت يزودنا بيها

Eng.Muhammad

31-07-2011, 07:23 AM

supermido2020

31-07-2011, 10:55 AM

انا جتلى المنيا يارجالة وانا من المنوفية
حد معايا؟؟

eng tota

31-07-2011, 11:15 AM

انا من البحيره وعايزه **** وجالى المنيا

Mahmoud Abdelhakeem

31-07-2011, 01:47 PM

ياجماعه أنا من المنصورة وجاتلى هندسة المطرية ومش لحقت هندسة المنصورة وعاوز أحول هندسة القاهرة لانى مش عاوز ادخل المنصورة

ينفع الوقتى أو ينفع بعد أول سنة انى أحول بعدها للقاهرة ؟

ياريت لو حد يعرف ميبخلش عليا

للاسف انا كنت زيك كدا بس كان جالى المنصورة على طول

لازم تاخد اعدادى فى المنصورة وتجيب جيد جدا لو عاوز تحول ولازم التحويل يكون لقسم مش موجود فى المنصورة

زى بترول - طيران - كيميا - طبيه فى القاهرة

او نووى فى الاسكندرية

ابو اسلام

31-07-2011, 01:50 PM

السلام عليكم
يا ريت كل واحد يدخل يقول جاتله هندسة ايه
عام او خاص
انا الحمد لله هندسة القاهــــــرة

اهلا بيك بشمهندس عمر فرصة سعيدة
اسلام غزالى
هندسة القاهرة وياريت لو انت من القاهرة تقلنا التقديم يدا ولالا علشان المشوار السخن
كل سنة وانت طيب

osama5

31-07-2011, 01:53 PM

مبروك ليكي يا بشمهندسة اسكندرية كان نفسي ادخلها عشان ابقا لوحدي هناك هههههه
wana kaman kan nefsy ad5olha lnafs el sabab bs gatly 7elwan :D :D

Amr Eltaweel

31-07-2011, 02:03 PM

اهلا بيك بشمهندس عمر فرصة سعيدة
اسلام غزالى
هندسة القاهرة وياريت لو انت من القاهرة تقلنا التقديم يدا ولالا علشان المشوار السخن
كل سنة وانت طيب

يا ريت تستنا شوية يا غالي
انا م القاهرة وسألت ناس اعرفهم ف هندسة قالولي استنا من5 ايام لاسبوع عشان تكون الكشوف نزلت بالاسماء ف الكليات وتكون ظبطت ورقك تمام

Eng. Ahmed Said

31-07-2011, 02:57 PM

شكراا جدا يا باش مهندس احمد جزاك الله كل خير

وانا كنت بسال لانى كنت عايزه اجهز علشان الواحد ما يشعش عليه الكورس وميعادالتقديم وجايز تكون غريبة دى بالنسبة لكم يا باش مهندسين
نى حاسه انه خل رمضان وكمان يتبقى شهر 9 هيبقى صعب شوية
واعتقد مواعيد التقدم بتبقى فى بداية الصيف وطبعا راحت علينا .
بالنسبة للجامعة الامريكية انا اعرف واحدة تقريبا بتاخد الـ level الواحد بس 540 جنية مصرى فى الحدود دى يعنى .
وكمان بالنسبة لمعهد اكسون شوفت فى النت ناس مش بيشكروا فيه وبيقولوا انه ملخبط قوى وناسبتقول قوى
سمعت عن معهد تابه لجامعة فى امريكية اسمها
lane community college
بيقولوا كويس جدا
وهو عبارة عن مرحلتين
كل مرحلة شهرين ونص
وكمان سعر المرحلة الواحد حوالى 335 حنية مصرى
بس موقعها فين فى مصر مش عارفه خااالص
وسألت ناس تانية قالولى الكورس اللى فى الامريكية يشبة الكورس اللى فى المعهد اللى فى سراى القبة تبع القوات المسلحة بل ان القواتالمسحلةافضل منه وان كل ما فى الموضوع هو اسم الشهادة بتاع الامريكية .
وكمان فى مشكلة بتواجهنى وهى انى لابسة نقاب ومش مسموح ليا ادخل اماكن تابعة للقوات المسلحة فمش عارفه اعمل ايه ؟
شكر الله لك يا باش مهندس احمد
:)

انا كتبت حاجة فوق عن سعرها واللى يميزها شهادتها انها من الامريكية
والله اعلم
بس حضرتك تظن ان الواحد هيبقى قدامه فرصة انه يتعلم الصيف ده ولا خلاص راحت علينا ؟؟
:(
وياريت تزودونا بمعلومات عن الاسعار ومكان كورس الامريكية ياترى فى القاهرة الجديدة ولا فى التحرير ؟
علشان فى فرع للجمعة الامريكية فى القاهرة الجديدة .

والله ده اللى اعرفه يا باش مهندس اسحاق وربنا يوفق الجميع

هي المشكلة بس إن إحنا متأخرين أوي، إمتحانات ونتيجة وتنسيق خلانا بنبدأ نفكر في الكورسات متأخر جداً، أعتقد إن لو حد هيبدأ في رمضان هيفضل مكمل مع بداية الدراسة لفترة كمان وده شغل إضافي جنب شغل الكلية، وأنا أول سنة هتكون في المنيا فمش هينفع أبدأ حاجة دلوقتي علشان مش هلحق طبعاً لكن فعلاً لازم كل واحد يبقي معاه من دلوقتي علي الأقل شهادة لغة علشان تساعدنا كتير في الدراسة وفيما بعد الدراسة..علي العموم أنا سمعت إن فيه كورسات لغات بتديها الجامعة نفسها عادي في أوقات معينة، وأعتقد إن ده خيار عملي جداً بصراحة خاصة للمتغربين، مع إن نفسي أخد الشهادة من الجامعة الأمريكية لكن لكن إحنا ممكن ناخد لحد ليفل معين يقوينا أوي في اللغة وليكن في الجامعة مثلاً وبعدين ناخد كورسين إحتراف في الجامعة الأمريكية ناخد بيها الشهادة إن شاء الله ، كده يبقي إختصار وقت وفلوس :d

ENG.HAGAR

31-07-2011, 10:42 PM

هي المشكلة بس إن إحنا متأخرين أوي، إمتحانات ونتيجة وتنسيق خلانا بنبدأ نفكر في الكورسات متأخر جداً، أعتقد إن لو حد هيبدأ في رمضان هيفضل مكمل مع بداية الدراسة لفترة كمان وده شغل إضافي جنب شغل الكلية، وأنا أول سنة هتكون في المنيا فمش هينفع أبدأ حاجة دلوقتي علشان مش هلحق طبعاً لكن فعلاً لازم كل واحد يبقي معاه من دلوقتي علي الأقل شهادة لغة علشان تساعدنا كتير في الدراسة وفيما بعد الدراسة..علي العموم أنا سمعت إن فيه كورسات لغات بتديها الجامعة نفسها عادي في أوقات معينة، وأعتقد إن ده خيار عملي جداً بصراحة خاصة للمتغربين، مع إن نفسي أخد الشهادة من الجامعة الأمريكية لكن لكن إحنا ممكن ناخد لحد ليفل معين يقوينا أوي في اللغة وليكن في الجامعة مثلاً وبعدين ناخد كورسين إحتراف في الجامعة الأمريكية ناخد بيها الشهادة إن شاء الله ، كده يبقي إختصار وقت وفلوس :d

فعلا احنا متاخرين قوى
وصعب جدا ان الواحد ياخد كورسات وهو فى الدراسة خصوصا انى فى هندسة عين شمس
بس انا شايف هان الواحد ياخد كورس تبع الجامعة وبعيدن فى الامريكية ده تضييع للوقت والمجهود يعنى مثلا طالما انى هاخد كورس فى الامريكية مثلا فى الاجازة يبقى ليه اشغل نفسى فى الدراسة واتعلم لغات اجنبية !!
بس فى جزئية بالنسبة للامريكية زى ما قولت لحضرتك يا باش مهندس انهم مش اقوياء اوى فى اللغة وكمان همهم الفلوس وده هتلاحظه لما تدفع الرسوم .
بس بصراحة نفسى اتعلم فى القوات المسلحة لكن ربنا يهديهم وكدة
وكمان ممكن يا باش مهندس احمد تيدينا معلومات اكتر عن كورس الجامعة وكدة ؟
ربنا يوفقنا كلنا يااارب
بارك الله فيك
هو صحيح القسم ماله الشغل فيه مش نشيط ليه ؟ قسم الكليات الهندسية المفروض يكون من انشط الاقسام .

Eng:Noussa

31-07-2011, 10:55 PM

هندسه المنوفيه بس عاوزه احول للقاهره :(

dodonicefriend

31-07-2011, 11:54 PM

انا الحمد لله هندسة الاسكندرية

Ismael Ibraheem

01-08-2011, 12:53 AM

اولا : السلام عليكم

ثانيا : فاكرنى يا بشمهندس عمر

ثالثا : انا جتلى والحمد لله
هندسه القاهره

ENG.HAGAR

01-08-2011, 03:07 AM

اولا : السلام عليكم

ثانيا : فاكرنى يا بشمهندس عمر

ثالثا : انا جتلى والحمد لله
هندسه القاهره

وعليكم السلام
مبروك يا باش مهندس اسماعيل
وانا الحمد لله جاتلى عين شمس اول غبة ليا

Amr Eltaweel

01-08-2011, 05:05 AM

اولا : السلام عليكم

ثانيا : فاكرنى يا بشمهندس عمر

ثالثا : انا جتلى والحمد لله
هندسه القاهره

http://img10.imageshack.us/img10/6430/90925277.jpg

انســـــــاك وانت تتنسي برضو يا بيــــه
هههههه
مبروك يا بشمهندس مليون مبروك وتشرفنا هناك

جمال الزمامرى

01-08-2011, 11:24 AM

هندسة منوف الالكترونية جامعة المنوفية
وهل ممكن احول منها الى الاسكندرية

Eng:Noussa

01-08-2011, 01:29 PM

هندسة منوف الالكترونية جامعة المنوفية
وهل ممكن احول منها الى الاسكندرية

وانا كمان جتلى وعاوزه احول القاهره

Eng. Ahmed Said

01-08-2011, 02:03 PM

فعلا احنا متاخرين قوى
وصعب جدا ان الواحد ياخد كورسات وهو فى الدراسة خصوصا انى فى هندسة عين شمس
بس انا شايف هان الواحد ياخد كورس تبع الجامعة وبعيدن فى الامريكية ده تضييع للوقت والمجهود يعنى مثلا طالما انى هاخد كورس فى الامريكية مثلا فى الاجازة يبقى ليه اشغل نفسى فى الدراسة واتعلم لغات اجنبية !!
بس فى جزئية بالنسبة للامريكية زى ما قولت لحضرتك يا باش مهندس انهم مش اقوياء اوى فى اللغة وكمان همهم الفلوس وده هتلاحظه لما تدفع الرسوم .
بس بصراحة نفسى اتعلم فى القوات المسلحة لكن ربنا يهديهم وكدة
وكمان ممكن يا باش مهندس احمد تيدينا معلومات اكتر عن كورس الجامعة وكدة ؟
ربنا يوفقنا كلنا يااارب
بارك الله فيك

هو صحيح القسم ماله الشغل فيه مش نشيط ليه ؟ قسم الكليات الهندسية المفروض يكون من انشط الاقسام .

أصل هي الفكرة يا بشمهندسة إن كورس اللغة هيفيدنا جداً في دراستنا ومن أول سنة كمان، وفي نفس الوقت ممكن أطور مستوايا في اللغة إلي جانب دراستي وبعدين أرجع أخد كورسين جامعة أمريكية إحتراف بعد ما أكون طورت مستوايا وأقدر علي إمتحاناتهم، ومذاكرة شغل الكورس أعتقد إنه مش هياخد حيّز كبير من وقتنا بالعكس ده ممكن يسهل علينا الدراسة، وممكن يبقي نوع من أنواع الخروج من مود المذاكرة والإطلاع علي معرفة جديدة..، ولكن برضه الواحد لما يبدأ ويكون في المطبخ زي ما بيقولوا هيقدر يقيّم كلامه أكتر إن شاء الله

أما بالنسبة لكورسات الجامعة، فأنا كنت إطلعت علي معلومات بالنسبة للموضوع ده، ودورت ولقيت فيه سايت عن الخدمات إللي بتقدمها جامعة القاهرة ممكن نسأل فيه وهو مش مرتبط بطلبة جامعة القاهرة بس يعني

http://htc.cu.edu.eg/index.htm

وإن شاء الله تفاصيل الكورسات لازم نسأل فيها في الجامعات إللي هنتقدم فيها في كل الأحوال إن شاء الله

بالنسبة للجامعة الأمريكية فأنا علي العكس أسمع إن كورساتهم شغل محترفين بجد بس طبعاً حرّاقة شوية في الفلوس، لكن شهادة لغة من الجامعة الأمريكية أكيد إسم حلو برضه :D

وأنا بصراحة ماعنديش أي فكرة عن موضوع القوات المسلحة ده نهائي للأسف

قسم الهندسة هنا فعلاً مش بنشاط الأقسام الطبية مثلاً، علي العموم أنا متوقع إن شاء الله إن القسم ده هيعلي أوي علي إيد الجيل الجديد بتاعنا ده :022yb4:

mahmoud atiya

01-08-2011, 03:00 PM

انا عيييييييين شمس للاسف :( .. كان نفسى كايرو اوى :(

---

صحيح انتم بتكلموا على كورسات انجلش ؟؟ !! ... انا اخدت 2 كورس قبل كدا ! .. بس موش جامعه امريكيه .. بس عملت بروفيجن ل نفسى ونزلت كورسس وقواميس وحفظت كلمات كتيييييييير .. كنت قربت من الاحتراف وعندى اكسنت محترمه .. كلمات اوفر .. عباره ناصعه الفصحى ..

بس جرامر فى الكورسس حاجه زباله زباله يعنى

ahmed-alaa

01-08-2011, 05:31 PM

هندسة حلوان الحمد لله كان نفسي في عين شمس بس الحمد لله فرقت علي نص درجة هو مفيش حد حلوان خالص ؟

ahmed_elashek2003

01-08-2011, 05:41 PM

هندسة بترول وتعدين السويس

ENG.HAGAR

01-08-2011, 06:51 PM

أصل هي الفكرة يا بشمهندسة إن كورس اللغة هيفيدنا جداً في دراستنا ومن أول سنة كمان، وفي نفس الوقت ممكن أطور مستوايا في اللغة إلي جانب دراستي وبعدين أرجع أخد كورسين جامعة أمريكية إحتراف بعد ما أكون طورت مستوايا وأقدر علي إمتحاناتهم، ومذاكرة شغل الكورس أعتقد إنه مش هياخد حيّز كبير من وقتنا بالعكس ده ممكن يسهل علينا الدراسة، وممكن يبقي نوع من أنواع الخروج من مود المذاكرة والإطلاع علي معرفة جديدة..، ولكن برضه الواحد لما يبدأ ويكون في المطبخ زي ما بيقولوا هيقدر يقيّم كلامه أكتر إن شاء الله هو فعلا فكرة حضرتك انها تغير من جو المذاكرة وكدة فكرة لطيفة بردو
بس هل حضرتك سألت عن كونها كويسة ولا مجرد شهادة هاخدها وبعدها لا قدر الله مش هحس بتغيير فى اللغة وكدة ؟ يعنى مين اللى بيدى الكورسات دى ؟
بس ايه حكاية كورسين احتراف دى ؟؟ معلش مش فاهماها !
وفعلا اكتر حاجة هنقد نقررها لما ندخل الجامعة ونشوف مستوى المذاكرة وكمان هل هيبقى الوقت هيبقى منظم بحيث يكون فى وقت فاضى ولا كله مشغول !
أما بالنسبة لكورسات الجامعة، فأنا كنت إطلعت علي معلومات بالنسبة للموضوع ده، ودورت ولقيت فيه سايت عن الخدمات إللي بتقدمها جامعة القاهرة ممكن نسأل فيه وهو مش مرتبط بطلبة جامعة القاهرة بس يعني

http://htc.cu.edu.eg/index.htm
شكرا جدا على المعلومة دى وانا عرفت انهم 18 مستوى وكل مستوى بـ 100 جنية وان يتم تدريسه ف جامعة القاهرة

بالنسبة للجامعة الأمريكية فأنا علي العكس أسمع إن كورساتهم شغل محترفين بجد بس طبعاً حرّاقة شوية في الفلوس، لكن شهادة لغة من الجامعة الأمريكية أكيد إسم حلو برضه :d
انا اسمع من زميلتى لانها كانت واخده الكورس فى القوات المسلحة كانت بتحكى ان زمايلها اخدوا فى الامريكية وانهم ما ستفدوش الا الشهادة وشوية استفادة بسيطة اوى كمان ان الناس منبهرة بموضوع الجامعة الامريكية من غير ما تقيم اسلوب الاساتذة وكدة ودى مشكلة فى حد ذاتها

قسم الهندسة هنا فعلاً مش بنشاط الأقسام الطبية مثلاً، علي العموم أنا متوقع إن شاء الله إن القسم ده هيعلي أوي علي إيد الجيل الجديد بتاعنا ده :022yb4:
فعلا مش نشيط زى الطبية بس ان شاء الله نحاول نحسن منه وكده
وياريت يا جماعة نحاول نساعد بعضنا علشان نطور من القسم ونحسن منه
:)
بارك الله فيكم جميعا

Ismael Ibraheem

02-08-2011, 01:52 AM

وعليكم السلام
مبروك يا باش مهندس اسماعيل
وانا الحمد لله جاتلى عين شمس اول غبة ليا

الف مليون مبروك يا باشمهندسه هاجر
وعقبال البكالوريا و شدى الهمه عين شمس شديده
ومعنى انك كاتباها اول رغبه انك انتى اللى اختارتيها مش هيا اللى اختارتك
او التنسيق اللى وداكى ليها

وانا برضه كنت كاتب القاهره اولا ثم عين شمس
لانى انا من يريد القاهره

ولذلك عين شمس لا تقل عن القاهره حلاوه
وبالتوفيق ان شاء الله

Ismael Ibraheem

02-08-2011, 01:54 AM

انســـــــاك وانت تتنسي برضو يا بيــــه
هههههه
مبروك يا بشمهندس مليون مبروك وتشرفنا هناك

الف مبروك يا باشمهندس عمر
وان شاء الله نتقابل هنااااااااااااااااك

ولما نتقابل هيبقا لينا كلام تانى

واكيد كل خير

مبروك مره تانيه

ENG.HAGAR

02-08-2011, 01:58 AM

الف مليون مبروك يا باشمهندسه هاجر
وعقبال البكالوريا و شدى الهمه عين شمس شديده
ومعنى انك كاتباها اول رغبه انك انتى اللى اختارتيها مش هيا اللى اختارتك
او التنسيق اللى وداكى ليها

وانا برضه كنت كاتب القاهره اولا ثم عين شمس
لانى انا من يريد القاهره

ولذلك عين شمس لا تقل عن القاهره حلاوه
وبالتوفيق ان شاء الله

الله يبارك فيك يا باش مهندس اسماعيل
ان شاء الله بعد خمس سنين كده
فعلا عين شمس محتاجه مجهود بس بردو مغرية لانها صعبة ومعتمدة جدااا .
فعلا انا كاتباها اول رغبة ليا لانى عايزاها
القاهرة بعيدة وكمان عين شمس شهادتها انا شايفاها مع احترامى ليكم كلكم افضل شهادة .
والحمد لله انا مرتاحة لان بردو اختيارى لان الواحد جايب الحد الاقصى لهندسات وحاسس انه مش مدفوع لحاجة مش عايزها
فعلا كلهم كويسين .
الحمد لله كل اللى يجى من عند ربنا كويس

Ismael Ibraheem

02-08-2011, 02:00 AM

تسمحوا ليا استغل هذا الموضوع الذى يشهد اكبر عدد منم طلاب الهندسه بمختلف فروعها

ان يتوجهوا الى قسم ابداعات الاعضاء ليقرؤا اول روايه من تاليفى

حصريا فى رمضان على منتدى ابداعات الاعضاء كل يوم حلقه

الروايه بعنوان
الكـــــنــــــــــــــــــــــــــــــــــــــز

و يارب تنال اعجابكم
وشكرا لكم

Mostafa Mohamed Keshta

02-08-2011, 02:57 AM

انا جالى هندسة المنصورة ونفسى احول القاهرة او عين شمس ومجموعى 407 علما بانى من الدقهليه لو حد يعرف حاجة يقولى ازاى ؟

Semsem27

02-08-2011, 05:04 AM

انا جتلى :
هندسة الكترونيه منوف جامعة المنوفية

elmohandesa

02-08-2011, 02:16 PM

انا جتلى هندسة المطرية بس بعيدة عنى
مش عارفة ادخلها ولا ادخل خاص يكون قريب منى

Eng. Ahmed Said

02-08-2011, 03:19 PM

هو فعلا فكرة حضرتك انها تغير من جو المذاكرة وكدة فكرة لطيفة بردو
بس هل حضرتك سألت عن كونها كويسة ولا مجرد شهادة هاخدها وبعدها لا قدر الله مش هحس بتغيير فى اللغة وكدة ؟ يعنى مين اللى بيدى الكورسات دى ؟
بس ايه حكاية كورسين احتراف دى ؟؟ معلش مش فاهماها !
وفعلا اكتر حاجة هنقد نقررها لما ندخل الجامعة ونشوف مستوى المذاكرة وكمان هل هيبقى الوقت هيبقى منظم بحيث يكون فى وقت فاضى ولا كله مشغول !

شكرا جدا على المعلومة دى وانا عرفت انهم 18 مستوى وكل مستوى بـ 100 جنية وان يتم تدريسه ف جامعة القاهرة

انا اسمع من زميلتى لانها كانت واخده الكورس فى القوات المسلحة كانت بتحكى ان زمايلها اخدوا فى الامريكية وانهم ما ستفدوش الا الشهادة وشوية استفادة بسيطة اوى كمان ان الناس منبهرة بموضوع الجامعة الامريكية من غير ما تقيم اسلوب الاساتذة وكدة ودى مشكلة فى حد ذاتها

فعلا مش نشيط زى الطبية بس ان شاء الله نحاول نحسن منه وكده
وياريت يا جماعة نحاول نساعد بعضنا علشان نطور من القسم ونحسن منه
:)

بارك الله فيكم جميعا

حضرتك قصدك علي كورس الجامعة إللي إحنا فيها ولا أي كورس لغة عموماً ؟ لو كان قصدك علي الجامعة فأنا أسمع إنها فعلاً كويسة وشهادتها مُعترف بيها بالذات لو فيه جامعة كبيرة زي القاهرة أو عين شمس أو إسكندرية، لكن الموضوع بسيط لو لقينا إن النظام مش تمام هنخلص الليفل ونتكل علي الله يعني مش مشكلة أوي

بخصوص بقي مين بيدي الكورسات فهي بتبقي معامل لغة منفصلة مش شرط يكونوا دكاترة يعني بس بيكونوا أساتذة متخصصين

طب فين الكورس بتاع القوات المسلحة ده ؟؟

بالنسبة للقسم أنا شايف إنه بدأ يبقي نشيط وفعّال الحمدلله

احـمد سعيد

02-08-2011, 03:46 PM

هندسة المنصورة الحمد لله

اللؤلؤة المنكسرة

02-08-2011, 03:48 PM

انا الحمد لله جاتلى هندسه طنطا ودى كان نفسى فيها لان انا من طنطا

برنس الاسكندرية

02-08-2011, 10:42 PM

اسكندرية الحمد لله

ENG.HAGAR

02-08-2011, 10:54 PM

حضرتك قصدك علي كورس الجامعة إللي إحنا فيها ولا أي كورس لغة عموماً ؟ لو كان قصدك علي الجامعة فأنا أسمع إنها فعلاً كويسة وشهادتها مُعترف بيها بالذات لو فيه جامعة كبيرة زي القاهرة أو عين شمس أو إسكندرية، لكن الموضوع بسيط لو لقينا إن النظام مش تمام هنخلص الليفل ونتكل علي الله يعني مش مشكلة أوي

فعلا يا باش مهندس احمد انا اقصد كورس الجامعة .
فعلا لو لقينا النظام مش مظبوط يبقى عوض الله علينا فى الوقت وفى المجهود ويمكن فى الدراسة كمان .
:d
طب فين الكورس بتاع القوات المسلحة ده ؟؟

والله انا مش عرافه مكانه فين بس انا هسال علشان اقول لحضرتك بالظبط
وده رقم التليفون 2629831
جبته من النت

بالنسبة للقسم أنا شايف إنه بدأ يبقي نشيط وفعّال الحمدلله

فعلا بقى افضل يارب يستمر على كدة وما يتغيرش وينام تانى .

Eng. Ahmed Said

02-08-2011, 11:19 PM

فعلا يا باش مهندس احمد انا اقصد كورس الجامعة .
فعلا لو لقينا النظام مش مظبوط يبقى عوض الله علينا فى الوقت وفى المجهود ويمكن فى الدراسة كمان .
:d

ليه ماهو هيبان من أول ليفل يعني مش هنستني لحد أما نخلص الكورس كله :d

والله انا مش عرافه مكانه فين بس انا هسال علشان اقول لحضرتك بالظبط
وده رقم التليفون 2629831
جبته من النت

تماااام برضه الواحد عايز يبقي يسأل عن معلومات أكتر وكده

فعلا بقى افضل يارب يستمر على كدة وما يتغيرش وينام تانى .

بمناسبة موضوع كورسين إحتراف في الجامعة الأمريكية أنا نسيت أرد وقتها، يعني لو مثلاً هما 20 ليفل إنت بعد ما تكون طورت مستواك في اللغة تروح تعمل إمتحان تلاقي نفسك في الليفل رقم 17 مثلاً تكمل الباقي وتاخد الشهادة بتاعتك من الجامعة الأمريكية..

ENG.HAGAR

02-08-2011, 11:26 PM

ليه ماهو هيبان من أول ليفل يعني مش هنستني لحد أما نخلص الكورس كله :d

اعتقد ان الليفل الواحد مدته مش هتقل عن 2 شهر يعنى هيكون وصلنا لامتحانات الميد تيرم
ده اللى اقصده
:)

تماااام برضه الواحد عايز يبقي يسأل عن معلومات أكتر وكده

معلش والله دى المعلومات اللى عندى لحد دلوقتى
بس انا هسأل زميلتى بكرة لان الوقت متأخر دلوقتى
وهعرف منها العنوان
متأسفة على التقصير
بمناسبة موضوع كورسين إحتراف في الجامعة الأمريكية أنا نسيت أرد وقتها، يعني لو مثلاً هما 20 ليفل إنت بعد ما تكون طورت مستواك في اللغة تروح تعمل إمتحان تلاقي نفسك في الليفل رقم 17 مثلاً تكمل الباقي وتاخد الشهادة بتاعتك من الجامعة الأمريكية..
اهاااا كدة وضحت الرؤية
ربنا يسهل وكله هيتضح لما الدراسة تبدأ

Eng. Ahmed Said

02-08-2011, 11:59 PM

اعتقد ان الليفل الواحد مدته مش هتقل عن 2 شهر يعنى هيكون وصلنا لامتحانات الميد تيرم

ده اللى اقصده
:)

إممممم .. برضه الموضوع هيبان أكتر بعد إستطلاع أراء إللي ليهم تجربة سابقة

معلش والله دى المعلومات اللى عندى لحد دلوقتى

بس انا هسأل زميلتى بكرة لان الوقت متأخر دلوقتى

وهعرف منها العنوان

متأسفة على التقصير

أبداً والله يا باشمهندسة ماقصدش بس ماتبقيش تنسي تفيدينا بقي في الموضوع ده إن شاء الله لو فيه اي معلومة جديدة

اهاااا كدة وضحت الرؤية

ربنا يسهل وكله هيتضح لما الدراسة تبدأ

ألف شكر يا باشمهندسة وكل سنة وحضرتك طيبة -- رمضان كريم

ENG.HAGAR

03-08-2011, 12:17 AM

إممممم .. برضه الموضوع هيبان أكتر بعد إستطلاع أراء إللي ليهم تجربة سابقة

فعلا ده هيفيدنا اكتر

أبداً والله يا باشمهندسة ماقصدش بس ماتبقيش تنسي تفيدينا بقي في الموضوع ده إن شاء الله لو فيه اي معلومة جديدة

ان شاء الله بكرة ياباش مهندس احمد هتلاقى معلومات عن العنوان وكدة

ألف شكر يا باشمهندسة وكل سنة وحضرتك طيبة -- رمضان كريم

العفو يا باش مهندس احمد
وحضرتك طيب
:)

(Nesma)

03-08-2011, 04:59 AM

الحمدلله عين شمس اللى كان نفسى فيها

ahmnha

03-08-2011, 05:17 AM

ali_ali623

03-08-2011, 12:22 PM

اناجالى هندسة طنطا هل يمكن انى احول الى هندسة القاهرة بس انا من محافظة الغربية وجايب398.5 ارجوكوا حد يرد عليه بسرعة

hhaaggeerr

03-08-2011, 05:09 PM

هندسة اسيوط وكان نفسى فيها خااااااااااااااااااالص الحمد لله

محمودcasanova

03-08-2011, 06:37 PM

هندسة المنيا !!! على الرغم اني عايش في القاهرة هههههه

melzaref

03-08-2011, 08:58 PM

انا دخلت هندسه سوهاج
((منك لله يا الى حطيت قانون تقليل الغربه))

ENG.HAGAR

03-08-2011, 11:24 PM

Eng. Ahmed Said

04-08-2011, 12:06 AM

يا باش مهندس احمد ادى معلومات عن المعهد نفسه وكمان البنت لللاسف ما عرفتش اتصل بيها تليفونها مشغول

وده منقول من النت بردو من موقع عمرو خالد تحديدا .وده هيكون واااافى جداا بأذن الله .

المعهد ليه 3 فروع

1- فرع كوبري القبة
( الفرع الرئيسي وده بيتاخد فيه محاضرات وكمان ده الفرع اللي بنحجز منه وبنشتري الكتب والسي ديهات )

2- فرع الدقي
في شارع نوال بالدقي الشارع اللي امام المركز الثقافي الروسي هو شارع طووووووويل اوي بس موصلاته سهله

3- فرع شبرا الخيمة

-----------------------------------------------

الورق المطلوب للتقديم
2 صورة شخصية + صورة البطاقة

----------------------------------------------
رسم دخول الامتحان

رسم دخول الامتحان ب 20 ج وتديهم صوره البطاقة يطلعك ورقتين كدة باسمك ورقم بطاقتك واحدة ليك والوقة التانية حياخدهها منك ال Instructor اثناء الامتحان .

-----------------------------------------------------------------
نظام امتحان تحديد المستوي

الامتحان 100سؤال علي كمبيوتر 50سؤال Listening و50سؤال Reading
عذرا لو كانت المعلومات غير كافية .

تمام أوي المعلومات دي يا باشمهندسة هاجر، أنا بالنسبالي لو هروح يبقي فرع الدقي طبعاً بس واضح إني لازم أضرب مشوار لفرع القبة عشان أحجز وأجيب الكتب هههههه

أنا لو كملت هنا إن شاء الله ممكن أروح أسأل وأشوف النظام هناك عامل إزاي، إنما لو ماكنش أنا جاتلي فكرة قراية أخبار إنجليش كتير بإستمرار وأقرأ كتير من ع النت وكده ولو فيه كلمة مش عارفها أترجمها ترجمة فورية بمجرد مرور الماوس عليها..الموضوع بسيط لكن ع الأقل هيساعدني جداً إن شاء الله لحد أما أرجع وف نفس الوقت مفهوش إستنفاذ للوقت لتعلم اللغة علي حساب المذاكرة الأساسية لو كانت الفكرة دي صحيحة يعني

وأحب أعرف رأي حضرتك في الفكرة..

ولو حضرتك تحبي تستخدمي البرنامج هو إسمه Easy Lingo

ENG.HAGAR

04-08-2011, 12:24 AM

تمام أوي المعلومات دي يا باشمهندسة هاجر، أنا بالنسبالي لو هروح يبقي فرع الدقي طبعاً بس واضح إني لازم أضرب مشوار لفرع القبة عشان أحجز وأجيب الكتب هههههه

العفو يا باش مهندس
كله فى سبيل العلم .
:)
أنا لو كملت هنا إن شاء الله ممكن أروح أسأل وأشوف النظام هناك عامل إزاي، إنما لو ماكنش أنا جاتلي فكرة قراية أخبار إنجليش كتير بإستمرار وأقرأ كتير من ع النت وكده ولو فيه كلمة مش عارفها أترجمها ترجمة فورية بمجرد مرور الماوس عليها..الموضوع بسيط لكن ع الأقل هيساعدني جداً إن شاء الله لحد أما أرجع وف نفس الوقت مفهوش إستنفاذ للوقت لتعلم اللغة علي حساب المذاكرة الأساسية لو كانت الفكرة دي صحيحة يعني

اها انا بردو فكرت زى حضرتك كدة ممكن نشوف الاهرام ويكلى ونقرا منه ونسمع من اذاعة البى بى سى فى الراديو وعلطول واحنا قاعدين على النت وكدة ممكن نتعلم منهم الاكسنت وكمان ممكن نعرف ايه الكلمات الشائع استخدامها .
بس فعلا موضوع البرنامج ده اول مرة اسمع عنه ده كدة رااااااااااااائع بس يارب الواحد ما يكسلش ويبص على المعنى علطول من غير ما يعمل guessing للمعنى وكدة .
وأحب أعرف رأي حضرتك في الفكرة..

اكتر من ممتازة .

ولو حضرتك تحبي تستخدمي البرنامج هو إسمه Easy Lingo

بجد والله مش عارفه حضرتك ازاى لان ده هيسهل علينا حاجات كتير اوى
وياريت حضرتك تكتب اللينك اللى مرفوع عليه البرنامج علشان ساعات الواحد بيدور وفى الاخر مش بيشتغل .
ان شاء الله احمله واستخدمه كمان .
بارك الله فيك يا باش مهندس احمد

اللمبودى

04-08-2011, 11:17 AM

هندسة الزقازيق للأسف بس قريبا ححول القاهرة قولو إن شاء الله

mo_wa_2977

04-08-2011, 11:48 AM

الحمد لله هندسة المنصوره

Eng. Ahmed Said

04-08-2011, 06:39 PM

العفو يا باش مهندس
كله فى سبيل العلم .
:)

اها انا بردو فكرت زى حضرتك كدة ممكن نشوف الاهرام ويكلى ونقرا منه ونسمع من اذاعة البى بى سى فى الراديو وعلطول واحنا قاعدين على النت وكدة ممكن نتعلم منهم الاكسنت وكمان ممكن نعرف ايه الكلمات الشائع استخدامها .
بس فعلا موضوع البرنامج ده اول مرة اسمع عنه ده كدة رااااااااااااائع بس يارب الواحد ما يكسلش ويبص على المعنى علطول من غير ما يعمل guessing للمعنى وكدة .

اكتر من ممتازة .

بجد والله مش عارفه حضرتك ازاى لان ده هيسهل علينا حاجات كتير اوى
وياريت حضرتك تكتب اللينك اللى مرفوع عليه البرنامج علشان ساعات الواحد بيدور وفى الاخر مش بيشتغل .
ان شاء الله احمله واستخدمه كمان .
بارك الله فيك يا باش مهندس احمد

والله يا باشمهندسة عمال أدور عليه ع النت، مش عارف أجيب لينك شغال لحد دلوقتي !!