مشاهدة النسخة كاملة : هام جدا عن التحويل لكلية مناظرة
عدودوتكوم 30-07-2011, 03:13 PM السلام عليكم ورحمة الله وبركاته
ياريت اعرف ازاى احول لكلية مناظرة فى منطقتى الجغرافية لان الكل عمال بيتكلم عن تقليل الاغتراب ولغاية دلوقتى محدش يعرف من اللى سالتهم ازاى !!!! يعنى هقدم ورق ولا هبعت رسالة ولا اعمل مظاهرة ولا ايه ؟!!!! وشكرا جزيلا لكم
ningooooo 30-07-2011, 04:20 PM يا ريت حد يقولنا فعلا
Dr Fatma 30-07-2011, 04:23 PM ايوه فعلااااا الموضوع ده عايزه اسال فيه
و هل بيفرق حسب المسافه بين المحافظتين ولا كله واحد ؟؟
m_cabo 30-07-2011, 04:25 PM ايوة يا جماعه يا ريت حد يرد
انا جالى هندسة المنيا وعاوز احول للقاهرة او عين شمس
اعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Dr. Toka 30-07-2011, 04:30 PM اه ياجماعة صاحبتى جاتلها السن المنيا وهى عاوزة تحول عين شمس ودرجتهاااقل من عين شمس بدرجة ونص تعمل ايه يياريت حد يرد
عدودوتكوم 31-07-2011, 02:15 AM ماشاء الله كلنا عايزين نعرف وماحدش عايز يعرفنا !!!
القوة2007 31-07-2011, 06:15 AM وانا جت لى هندسة المنيا وعايز احول بورسعيد التى تزيد درجة عن المنيا
Touty Potter 31-07-2011, 06:19 AM ماشاء الله كلنا عايزين نعرف وماحدش عايز يعرفنا !!!
الفكرة ان محدش عارف يعرفنا
لأن محدش عارف حاجة اصلا
:romarioxp6:
دينا عمار 01-08-2011, 04:58 PM التحويل بعد المرحلة التانية مش دلوقتى ده اللى انا اعرفه و الله الموفق
ezzat_hero 01-08-2011, 05:05 PM انا جاتلى هندسة اسيوط وانا مجموعى اقل من اسكندرية ب3درجات وهى الاقرب فى التوزيع الجغرافى ومحدش عارف ايه موضوع التحويل ممكن حد يفيدنا يا مشرفين المنتدى؟
ezzat_hero 02-08-2011, 09:18 AM اية يا جماعة مفيش حد عارف من المشرفين ولا ايه؟؟؟؟؟؟؟؟؟؟؟؟؟؟؟؟؟؟؟
عدودوتكوم 02-08-2011, 04:11 PM بصو يارجالة التحويل بيكون كالاتى
بعد ماتخلص المرحلة التانية هتدخل على موقع التنسيق هتلاقيهم فتحوا باب التحويلات بعديها تقدر تحول عادى انا سالت فى جامعة القاهرة قالولى نفس الكلام ده
tuck ever lasting 02-08-2011, 04:38 PM انا برده زيك جالى هندسة الزقازيق (شرقية) وانا اصلا من الدقهلية وكنت عايز احول لهندسة المنصورة فبعدين سألت اصحاب ليا اكبر منى فى جامعة المنصورة عن التحويل وكده كلهم قالولى اروح اسأل فى الكلية اللى عايز احول اليها (هندسة المنصورة ) وماليش دعوة خالص بموضوع الزقازيق الا اذا لا قدر الله ومقبلتش فى المنصورة بس باذن الله هقبل المهم رحت مع واحد صاحبى داخل السنة دى رابعة هندسة
المنصورة وسالنا عن التحويل قالوا لنا ان التحويل هيكون الكترونيا وتقريبا الموقع التحويل هيفتح بعد المرحلة الثانية ماتخلص وممكن يقبلونى فى نسبة ال10% المخصصة لتقليل الاغتراب وده بيكون حسب المجموع لان هندسة المنصورة 96.7% وانا الحمد لله جايب 96.2% ولو ما قبلونيش يعنى رفضوا الكترونيا هروح هحول ورقيا من الزقازيق للمنصورة وهدفع 100 جنيه مش عارف بتوع ايه بس هما قالوا كده
اتمنى ان اكون افدتك
بس عندى استفسار بخصوص موقع التحويل هل هو نفسه موقع التنسيق ولا ايه ؟ وياريت برضه لو حد عنده معلومات دقيقة عن موعد بدء التحويل هكون شاكر
على الرغم من انى اسمى محمد
وكل سنة اونتم طيبين
نورهان3 02-08-2011, 04:42 PM اناكمان جالي هندسه اسيووووووووووووووووووووووووط ومش عارفه اعمل اه وانا من القاهره
غرباوى محمد 02-08-2011, 07:36 PM http://www.thanwya.com/vb/showthread.php?t=348484
مى فاروق 02-08-2011, 08:35 PM طيب ياجماعة اناخلاص دماغى هتنفجر وحاسة ان مستقبلى بيضييع
انادلوقتى جالى اداب عين شمس وعايزة احول السن عين شمس وجموعى جايبها وزيادة كمان
سالت فى خدمات التنسيق واحدة ردت عليا وقالتلى لازم تقدمى فى الاداب وبعدين تحولى لالسن
اتصلت تتانى واحد رد عليا
قاللى لا استنى اما التحويل يفتح وحولى اليكترونيا
مش عارفة مين الصح ومين الغلط
كل واحد بيفتى
وخايفة اوى احسن يقولولى مفيش مكان فى السن
طالبة اسكندرية 02-08-2011, 11:36 PM وعليكم السلام ورحمه الله وبركاته
اي مشكلة بالتحويل اتصل بالخط الساخن
هيجوبوك باذن الله عن اي استفسار
بس لازم تقول ادق التفاصيل وتسالوا عن اللى عايزة كله
وبالنسبة لميعاد التحويل في حدود 7 أو 8 من شهر اغسطس
.محمد. 03-08-2011, 12:31 AM وعليكم السلام ورحمه الله وبركاته
اي مشكلة بالتحويل اتصل بالخط الساخن
هيجوبوك باذن الله عن اي استفسار
بس لازم تقول ادق التفاصيل وتسالوا عن اللى عايزة كله
وبالنسبة لميعاد التحويل في حدود 7 أو 8 من شهر اغسطس
ممكن الخط الساخن ده رقمه كام؟؟؟
ezzat_hero 03-08-2011, 08:27 AM انا اتصلت بالخط الساخن اللى رقمة19468 وردت عليا واحدة وسألت عن امكانية التحويل وميعاد التحويل بس قالتلى انت جبت اية قولت هندسة اسيوط وانا توزيعى الجغرافى اسكندرية قالتلى مينفعش تحول اكيد تحويلك هيترفض قولتلها لا فية نسبة ال10% لتقليل الاغتراب قالتلى استنى شوية واستنيت لقتها بتقولى انشاء الله التحويل يتقبل طالما داخل النظاق الجغرافى فى حدود النسبة اللى حددها المجلس الاعلى للجامعات يعنى ان شاء الله نحول وربنا يستر
|