Nony2222
30-07-2011, 05:35 PM
أنا جالى علاج طبيعى القاهره ومش عارفه اروح اعيد تصحيح ورقى ولا اعمل ايه ؟؟
يعنى صيدله مجالها احسن ولا علاج طبيعى كويسه ؟؟
يعنى صيدله مجالها احسن ولا علاج طبيعى كويسه ؟؟
|
مشاهدة النسخة كاملة : علاج طبيعى ولا صيدله ؟؟ Nony2222 30-07-2011, 05:35 PM أنا جالى علاج طبيعى القاهره ومش عارفه اروح اعيد تصحيح ورقى ولا اعمل ايه ؟؟ يعنى صيدله مجالها احسن ولا علاج طبيعى كويسه ؟؟ Dr_Mohamed_LFC 30-07-2011, 05:40 PM علاج طبيعى كويسه جدا من حيث الشغل انا اختى ف امتياز السنة دى بتدرب وفى نفس الوقت بتشتغل فى عيادة وبتقبض والشغل كتير وبالعكس لما قدمنا لها كانوا عاوزين دكاتره كمان لان الشغل شكله كتير وبعدين هتتعبى نفسك فى التصحيح ومش هتاخدى درجات m_w201026 30-07-2011, 06:16 PM أنا جالى علاج طبيعى القاهره ومش عارفه اروح اعيد تصحيح ورقى ولا اعمل ايه ؟؟ يعنى صيدله مجالها احسن ولا علاج طبيعى كويسه ؟؟ انا كمان زيك بالظبط ومحتار زيك raniiiii 30-07-2011, 06:22 PM لا يا جمااعه على فكرة علاج طبيعى كويسه جدااااااا وفرص شغلها هايله انا اختى وجوزها مخلصنها يدوب اختى خلصت الامتياز وكان عمال يجيلها عقود سفر للخارج يعنى بجد جامده ربنا يوفقكم فيها نؤنؤة... 30-07-2011, 06:30 PM ايه ده بقى ليه كده بس دى انا احول من صيدلة لعلاج طبيعى احسنلى :d mahmoud farid el_lamy 30-07-2011, 09:53 PM انا زيك يا دكتوره بالظبط و ان شاء الله طبيعى افضل بكتيييييير diaaly 30-07-2011, 10:15 PM انا رأيى انك تعملى اللى عليكى عشان مترجعيش تندمى بعد كده واللى فيه الخير يقدمه ربنا... سمسم ك.م 30-07-2011, 10:41 PM انا برضة جالى علاج طبيعى رغم انى كان نفسى ف صيدلة بس الكل اقنعنى ان علاج طبيعى مجال شغلة اكتر من صيدلة بكتير وكمان قعدت مع دكتور علاج طبيعى متخصص وشرحى المجالات والعمل وانها مطلوبة اكتر بكتير من صيدلة علشان كدة انا مبسوطة جدا بعلاج طبيعى ومتحمسة ليها جدا m_w201026 30-07-2011, 10:57 PM انا هحول من علاج طبيعي لبيطري احسن بكتيييييييييييييييييييييير أمير بلا إمارة 30-07-2011, 11:03 PM انا برده علاج طبيعي ورجعت علم نفس وفي ليا درجتين بس مش عاوز اجبهم علاج طبيعي كتير اوي قالولي انها كويسة جدا لانها كلية واحدة والاعداد قليلة وشغلهم بسرعه باذن الله علاج طبيعي :)) m_w201026 30-07-2011, 11:05 PM حرام انا فكرت وشايف ان البيطرى احسن بكتير من العلاج الاطبيعى اولا كليه العلاج الطبيعي في القاهرة وانا في كفر الدوار ثانيا البيطرى فرصته فى الشغل اكتر بكتير وكمان تقدر تشتغل فى شركة ادوية وكمان تفتح صيدلية بيطرى علاوة على ان العلاج الطبيعى هيقولولك يا كابتن ومتنساش لازم يكون ليك مواصفات خاصة عشان يقبلوك فى الجيم ويقولولك يا كابتن ازاى اعمل التمرينة دى وازاى اشتغل على الجهاز دة شوف الفرق وقرر علاج طبيعى(كابتن) او بيطرى (دكتور) ولو مش عاوز بيطرى تمريض احسن من العلاج الطبيع ى وكمان العلوم من الاخر البيطرى احسن وافضل وفرصتها فى الشغل اكتر اللهم قد بلغت اللهم فاشهد أمير بلا إمارة 30-07-2011, 11:18 PM كابتن ايه ياكابتن علي انتم معندكوش دكاترة علاج طبيعي خاااااالص ؟؟؟ دا اكبر وانضف مراكز علاج الطبيعي انا عموما كنت عند دكتور علاج طبيعي قبل كدا كانو بيقولو يادكتور ومعاه كارنيه النقابة قال كابتن قال أمير بلا إمارة 30-07-2011, 11:19 PM هههههههههههههه وانت مفكر ان علاج طبيعي دا جيم ولا ايه اسال عليه الاول قبل ماتندم في تخصصات كتير أمير بلا إمارة 30-07-2011, 11:22 PM ودا كلام واحد هنا ع المنتدي يا جماعه انا سجلت مخصوص في المنتدي هنا لما قريت كتير من المشاركات عن عدم معرفه العلاج الطبيعي و ناس بتسال ادخل و لا لا المهم من الاول كده انا ممارس علاج طبيعي دفعه 2008 متخرج من جامعه 6 اكتوبر و دلوقتي في التكليف بالنسبه للناس اللي جالها علاج طبيعي و مجموعها ممكن يدخلها صيدله ده محتاج يفكر شويه انا هاقول مميزات و عيوب كل مهنه من وجهه نظري اولا العلاج الطبيعي : موضوع المشاكل مع بتوع الروماتيزم و التاهيل من الطب البشري و الحرب الاعلاميه اللي بيقودها حمدي السيد ضدنا اننا مش دكاتره و ده كله علشان بتوع الروماتيزم يشتغلوا شغل العلاج الطبيعي و ده قانونا غلط و مابيحصلش في اي دوله محترمه لان خريج العلاج الطبعي هو الوحيد المؤهل لعمل العلاج الطبيعي و دي محتاجه ناس عندها صبر لحد اما ناخد حقوقنا اما ميزه العلاج الطبيعي انك بتتعامل مع اقسام طبيه و بتستقبل مرضي منهم زي العظام و الاعصاب و الحروق و النسا و القلب و الصدر و العنايه المركزه و الاطفال انما عمليا هم الاطفال و الاعصاب و العظام و اصابات الملاعب هنا بقي هتحس بميزه العلاج الطبيعي عن اي مهنه طبيه اخري حتي الطب البشري لانك بتشوف نتيجه علاجك و تقدمه و تحس انك فعلا عملت حاجه مش مجرد تشخيص و خلاص سمسم ك.م 30-07-2011, 11:25 PM لا يا كابتن علاج طبيعى اجمل بكتير بالعكس الدكتور البيطري محدش بيقولة يا دكتور وغير كدة وكدة طب بيطري تنفع ف اى بلد غير بلدنا مش هنا ودى وجهة نظر وربنا يوفقك The Castle 30-07-2011, 11:33 PM ana saydla w bfkr gdn f 3lag taby3y الحاكم بامر الله 31-07-2011, 01:34 AM انا شايف ان الصيدلة كويسة جدا دراستها جميلة وليها فرص كتيرة اول حاجة انك بعد لما تخلص بتاخد التكليف بتاعك وبتكون ماسك وظيفة تانى حاجة ممكن تسافر بره وترجع تانى لشغلك عادى تماما تالت حاجة ممكن تفتح صيدلية رابع حاجة ممكن تشتغل فى شركة ادوية وبيقولولو يا (دكتور )والله ونرجع ونقول ربنا يوفق الجميع والمهم انك تجتهد فى دراستك وشغلك (حب ما تعمل حتى تعمل ما تحب) kkjkj 31-07-2011, 02:01 AM السلام عليكم مش شرط تكون الصيدله افضل من علاج طبيعي او علاج طبيعي افضل المهم انا الانسان يرضي بالي ربنا كا تبه ليه لان اكيد اختيار ربنا دايما بيكون الافضل للانسان اما بالنسبه للشغل كلنا عارفين ان ربنا مقسم الارزق وكل واحد ليه رزقه وشغله علاج طبيعي ليه شغله وصيدله ليه شغلها ومجال علاج طبيعي مختلف تماما عن مجال صيدله ودي كليه ممتازه والاخري كليه ممتازه بس الرك علي لي يقدر يثبت نفسه في الكليه لي هيدخله narnoura 31-07-2011, 04:50 AM Ana 3laag tabe3yyyyyyyyyyyy 2bellt el777777777777 :D narnoura 31-07-2011, 04:52 AM Dr ?? wla Cptin ?? :( الحاكم بامر الله 31-07-2011, 01:55 PM السلام عليكم مش شرط تكون الصيدله افضل من علاج طبيعي او علاج طبيعي افضل المهم انا الانسان يرضي بالي ربنا كا تبه ليه لان اكيد اختيار ربنا دايما بيكون الافضل للانسان اما بالنسبه للشغل كلنا عارفين ان ربنا مقسم الارزق وكل واحد ليه رزقه وشغله علاج طبيعي ليه شغله وصيدله ليه شغلها ومجال علاج طبيعي مختلف تماما عن مجال صيدله ودي كليه ممتازه والاخري كليه ممتازه بس الرك علي لي يقدر يثبت نفسه في الكليه لي هيدخله الله يفتح عليك Noha_2503 31-07-2011, 07:35 PM انا كمان زعلانه أوي عشان الفرق كان معايا على نص درجه.... كل الناس أقنعتني ان العلاج مجاله أحسن و الصيدلي بيبقى بيبيع في صيدليه و خلاص... انا عملت اعاده تصحيح و ليا درجتين بس مش عارفه هخدهم ولا؟؟؟ انا كل مشكلتي اني مش قادره احبها و خايفه اني ادرس حاجه مش حباها... dr. ahmed khalil 04-08-2012, 08:51 PM انا شايف علاج طبيعي احلي طبعا و الاخ بيقول الصيدلة ليها تكليف ,...مش عشان انت في صيدلة تشكر فيها بس ,...في سؤال تجاوب بالحق عليه ,...انا في صيدلة بس شايف اني علاج طبيعي احسن و ليه تكليف و ممكن تفتح عيادة و اسهل كلية طبية ليها فرصة سفر عشان ال عدد قليل جدااااا فيها عكس كل الكليات التانية زي صيدلة و اسنان و بشري ,...و كل دة و انا معرفش المجال و لا اعرف شغله اية ,...اسالوا عليه يا جماعة و افهموا بجد المجال ده حلوووووو جدااااا و محدش هيشكر فيه غير اللى فاهم بجددددد و علي فكرة انا صيدلة ,...ولكن بنصح بالعلاج الطبيعي احسن .,,و شكرااااا. dr. ahmed khalil 04-08-2012, 08:59 PM و بتاع العلاج الطبيعي بياتقلو ايه ,...يا بشمهندس هههههه ياجماعة شوفوا انتوا بتقولوا ايه و احسبوا و فكروا فلكلام الاول ,...العلاج الطبيعي بردوا بياتقلوا يا دكتور و كمان بياتقلوا يا دكتور اقوي مننا احنا الصيادلة علي الاقل بيعالج المصابين و العضل و الحاجات دي احنا مجرد مندولييين و بنقف في صيدلية .,, دكتورة/نورهان 06-09-2012, 02:38 AM علاج طبيعى تحفة واحنا دكاترة وبحكم من المحكمة كمان واول متخلصى عقود العمل هى الى هتجيلك مش انتى الى هتطلبيها بجد احلى مجال طبى بلتوفيق |