تجمع طلا ب المرحلة التانية علمى [الأرشيف] - بوابة الثانوية العامة المصرية

مشاهدة النسخة كاملة : تجمع طلا ب المرحلة التانية علمى

ALLALL

30-07-2011, 05:53 PM

السلام عليكم
اود انا اشارك ونشارك معا
لنعرف كتابة الرغبات
وعندى استفسار فى اماكن حتى الان لكلية تجارة انجليش ولا ايه
وهتكتبوه ايه
يات ريت نتجمع كلنا ونشوف هنكتب ايه
انا علمى علوم وجايبة 92.5
الاحياء وقعتنى خااااااااااااااااااااااااااااااااااااااااااااااااا اااااااااااااااااالص
10 درجات
الحمد لله والشكر للله انا راضية كل الرضا والله على المجموع نظرا للظروف الصعبة التى كانت ايام الامتحانات وقبلها
يلا يا ريت الكل يشارك

ALLALL

31-07-2011, 01:47 AM

يلا محدش عايز يشارك ولا ايه

ALLALL

31-07-2011, 01:51 AM

يلا هتكتبوا ايه
الرغبات ممكن حد يرد عليا

وردتك ايه

31-07-2011, 02:01 AM

انا رياضة 383 يعنى 93.4%
يا رب الحق حاسبات
حدخلـ ... الرغبات كالتالى باذن الله
حاسبات + علومـ
مممممممممـ من رأيكوا انو احسن باذن الرحمن

Analyzer.Mn3m55

31-07-2011, 02:02 AM

انا علمى ريااااااااضه 89.15 % .. بردوا الفيزياء وقعتنى جامد لظروف خاصه بردوا للاسف :s
انا مش عارف اعمل ايه والله اكيد الحاسبات اللى جايبين اعلى هياخدوها كل تفكيرى فى علووووووووم و حاجات انجلش بقا او تجارة عربى و احاول اجتهد جاااامد .. و لو بتفكرى فى علوم ممكن اديكى لينك يفيدك عن طبيعة الكلية و مواد سنه اوى .. و قوليلى ناوية تكتبى رغباتك ايه

ALLALL

31-07-2011, 02:11 AM

ان شاء الله علوم وبعدها يا تمريض يا تجارة انجليش
مجموع الانجليزى44
يلا بقى بيا ريت الكل يشارك

Nesma Mohammed

31-07-2011, 02:23 AM

أنا نويت ان شاء الله هاكتب حقوق انجلش كل حاجة وبعدين حاسبات كل حاجة وبعدين بقى أى حاجة تانية تملا الرغبات ... ادعولى انتوا بس وأنا بدعى لكل الناس

ALLALL

31-07-2011, 02:30 AM

انتى جايبة كاااااااااااااام يا نسمة

elmoayad

31-07-2011, 02:35 AM

انا بقى مش عارف اكتب ايه خالص انا 90.49

adly dodo

31-07-2011, 02:40 AM

حاسبات بقا خلالالالالالالالالالالاص مفيش حل تااااااانى

ALLALL

31-07-2011, 02:41 AM

انا صحبتى جايبة 94.9 وجتلها علوم رياضة اسكندرية علمى رياضة
وليا واحدة تانية جايبة 95.9 وجتلهل علوم اسكندرية علمى علوم

adly dodo

31-07-2011, 02:49 AM

انا صحبتى جايبة 94.9 وجتلها علوم رياضة اسكندرية
وليا واحدة تانية جايبة 95.9 وجتلهل علوم اسكندرية

دا اكيد هما اللى عايزنهاااااااا لان مموعهم يجيب هندسه اى مكااااااااااااااان تانى

MS Nada

31-07-2011, 02:52 AM

انا ان شاء الله نويت على علوم رياضه انا جايبه 383تفتكروا هلحق اسكندريه ؟؟

Analyzer.Mn3m55

31-07-2011, 02:58 AM

MS NAda : اعتقد حاسبات ممكن تجيلك او حاجات انجلش تجارة او حقوق كده يعنى .. عيدى النظر فى العلوم الكلية دى محتاجة واحد داخل و هو بيحبها عشان يذاكر فيها جااااامد لانها لا تقل صعوبه عن طب !!

MS Nada

31-07-2011, 03:02 AM

ماانا حبها والحمد لله .,
بس ممكن تقولي ايه اللي تعرفه عن قسم البترول فيها وده ينفع للبنات والخريجين منه بيشتغلوا ايه ؟؟؟؟

Unlimited.Member

31-07-2011, 03:28 AM

انا علمى رياضة

و جايب 89 %

هكتب بالترتيب

حاسبات و معلومات

علوم

تجارة انجلش

تجارة عادى

Nesma Mohammed

31-07-2011, 03:30 AM

انتى جايبة كاااااااااااااام يا نسمة
أنا جايبة 91.7 ............ دعواتك

Analyzer.Mn3m55

31-07-2011, 03:57 AM

انا علمى رياضة

و جايب 89 %

هكتب بالترتيب

حاسبات و معلومات

علوم

تجارة انجلش

تجارة عادى

انا زيك بالمللى و نفس المجموع بالظبط زياده حاجة هبله كده ههههههههه والله الموووووووووووووووووووفق يارب

elmoayad

31-07-2011, 04:55 AM

يلااا وانا معاكو يمكن ربنا يكرمنا بحاسبات ان شاء الله وادعولو لوسمحتو ربنا يفر ج كربى وحزنى انا والله انهردة بكيت كتيييييييير اوى من الضيق واليأس ومش عارف اعمل ايه
تـــــــــــــــــــــــــــــــــــــايــــــــــ ـــــــــــه

وردتك ايه

31-07-2011, 07:48 AM

انا ان شاء الله نويت على علوم رياضه انا جايبه 383تفتكروا هلحق اسكندريه ؟؟
هو مينفعش علومـ عادى ولا انتى اللى عايزة كده حبيبتى ...
وايه الفرق بينها وبين علومـ وعلومـ رياضة ،،،،، وممكن شرح مبسط ليهمـ يا قلبى

منة الله بلات

31-07-2011, 08:40 AM

يا جماعة انا عايزة ادخل فنون تطبيقية بس انا جايبة 82 هل ممكن الحقها فى الدور التانى ولا لا وردوا عليا بسرعة عشان الحق اعمل

اختبار القدرات بتعها لو ينفع؟ وعايزة اعرف كمان هى تجارة احسن

ولا تربية ولا اداب عشان لما اكتب الرغبات وانا فى متابعة معاكو

فرسان الإسلام

31-07-2011, 08:45 AM

أنا علمى رياضة

جايبة 92.5

ربنا يوفقنا بإذن الله

ENG.HAGAR

31-07-2011, 08:45 AM

ربنا معاكوا وان شاء الله التنسيق يكون فى صفكم
يااااااااااااارب
يا جماعة فى ناس جايبين منكم ما شاء الله درجات تلحق بيهافنون عمارة ودى كلية كويسة جدااا
وكمان باب التقديم مفتوح للامتحان بتاعها لحد دلوقتى فى حلوان والمنيا

عمرو الحمامصي

31-07-2011, 09:46 AM

أنا 90 %
إيه رأيكم في الهندسة الزراعية

Ahmed Hassan97

31-07-2011, 12:55 PM

انا رياضة 368.5 يعني 89.88% محتار بين حاسبات ولا علوم بس اكيد مفيش حاجة منهم هتجيلي في القاهرة

MS Nada

31-07-2011, 01:04 PM

هو مينفعش علومـ عادى ولا انتى اللى عايزة كده حبيبتى ...

وايه الفرق بينها وبين علومـ وعلومـ رياضة ،،،،، وممكن شرح مبسط ليهمـ يا قلبى

لأ انا اقصد العلوم العاديه .,

انا قولت علوم رياضه عشان انا علمي رياضه .,

ايه ده هو فيه فرق مابينهم :blush:.!!!!

MONMON 1

31-07-2011, 01:10 PM

dondna

31-07-2011, 01:16 PM

انا علمى علوم
جبت 92%
الاحياء والعربى نزلونى السنة دى
مش عارفه اكتب ايه
انصحونى لو سمحتم

كيميائي طبي2011

31-07-2011, 01:21 PM

لأ انا اقصد العلوم العاديه .,

انا قولت علوم رياضه عشان انا علمي رياضه .,

ايه ده هو فيه فرق مابينهم :blush:.!!!!

علوم رياضه ليه اقسام وعلمي علوم لية اقسام

ميدو ميد

31-07-2011, 01:22 PM

فى اماكن كتير بالحاسبات والنظم على فكرة حوالى7000 طال اقل حاجة على فكرة فاضية خالص محدش دخل اغداد بسيطة

19 واحد فى جامعة حلوان

و
يوجد 312 طالب فى حاسبات ومعلومات عين شمس

و
يوجد 230 طالب فى حاسبات ومعلومات القاهره

والباقى المحافظات لا يزيد عن 40 فرد خير

كيميائي طبي2011

31-07-2011, 01:23 PM

دي التوصيفات الوظيفيه الصحيحه لخريجي كلية علوم

كيميائي طبي اكلنيكي( اخصائي تحاليل طبيه كيميائيه )............ متخصص في تحاليل كيمياء الدم زي انزيمات الكبد وانزيمت الكلي وانزيمات القلب والهرمونات والسكر ودلالات الاورام وبيولوجيا السرطان وكيمياء المناعه وكيمياء الاعصاب وكيماء البول وكل التحاليل الكيميائيه الطبية وده تابع لوزاره الصحه

كيميائي طبي تطبيقي........... وده بيشتغل في تصنيع الادويه والابحاث العلميه الخاصه بتصنيع ...الادويه وده تاع لوزره الصناعه والصحه

كيميائي شرعي ....... وده اخصائي كيمياء شرعيه وسموم اي في التحاليل الجنائيه والتزوير والتزيف والبصمه الوراثيه وكل التحاليل اللي بتدلل الشرطه ع الجرائيم وده تابع لوزاره العدل

كيميائي تطبيقي ...... وده يعني كيميائي بيشتغل في المصانع في التصنيع زي تصنيع البلاستك والاصباغ والورق الخ وده تابع لوزاره الصناعه

كيميائي تحليلي ......... وده كيميائي بيشتغل في المصانع والشركات زي تحليل الميه وتحليل البترول وتحليل الاسمنت و تحليل الادويه الخ

كيميائي في البحث لعلمي ....... وده بيشتغل في الابحاث العلميه ومراكز لبحوث وده تابع لوزاره البحث العلمي

كيميائي بيشتغل في التدريس.... وده لو بيدرس لثانوي وكده يبقي تبع وزره التربيه و التعليم ولو بيدرس لكليات يبقي تبع وزاره التعليم العالي

كيميائي ظابط ......... وده بيشتغل كيميائي ياما في الحربيه زي عمل الاسلحه الكيمياويه للي بتستخدم في الحرب وكده وده تابع لوزاره الانتاج الحربي وهناك من تابع للشرطه زي ابحاث التزيف والتزوير

كيميائي بيئي .......... وده كيميائي متخصص في التحاليل الخاصه بكيمياء البيئه

ميدكال ريب........ وده وظيفه بيشترك فيها خريجي كلية علوم مع كلية صيدله وطب بيطري وهي مهنه منوب دعايا الادوية وده وظيفته انه بيروح للطبيب يشرحله مركبات الدواء وتركيبات تركيزات ازاي بيشتغل بيتاخد كل اد ايه وكل حاجه عن الدواء

مهندس جوده.......... وده بيشتغل في المصانع والشركات ووظيفته انه يعمل تجارب الجوده ع المتنجات للي في المصانع عشان يشوفها مطابقه للمواصفات ولا لاء

اخصائي مناعه( اخصائي تحاليل طبية مناعيه ).................. وده بيشتغل في تحاليل المناعه وايضا بيشتغل في اكتشاف ادوية جديده عن طريق المناعه

اخصائي اجنه و اطفال انابيب ....... وده بيشتغل في مراكز الاجنه و اطفال الانابيب ووهو دوره انه يلقح الحيوان المنوي بالبويضه علي اسس علميه وفي مناخ يسمح للتلقيح انه يحصل وبيشتغل في الابحاث الخاصه بالاجنه

اخصائي فزياء طبية.......... ده بيشتغل في معاهد ومراكز الاورام بيعالج مرضي السرطان بالاشعه عن طريق انه بيحدد جرعات االاشعه لمناسبه للمرضي عشان يتعالجو من السرطان ويبدا العلاج الاشعاعي

اخصائي الميكروبيولوجيا الطبية والمناعه ( اخصائي تحاليل طبية ميكروبيولوجيه ومناعيه ) وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه

اخصائي مكافحه عوي........... وده بيشتغل في المستشفيات ووظيفته هي منع انتشار البكترياوالفطريات الفيرسات في المستشفيات

اخصائي ميكروبيولوجيا تطبيقيه دوائيه............... وده وظيفته انه بيستخرج ويصنع ادوية من البكتريا والفطريات والفيروسات والطحالب وبيعمل ادوية ضد البكتريا والفيروسات والفطريات

اخصائي الميكروبيولوجيا التطبقيه .......... وده وظيفيته انه يعمل تحليل للمية من البكتريا ويعمل تحاليل للاغذية والسوائل من البكتريا

الجيوكيميائي ....وده يشتغل في شركات البترول في التحاليل الخاصه بالبترول

الجيوفزيائي ..... وده مكانه في الحقل البترولي ووظيفته هي بيحدد اماكن وجود البترول في المنطقه من عدمها

اخصائي علوم الحاسب وتكنولوجيا المعلومات ..... وده بيشتغل في البرمجه كمبرمج في شركات الكمبيوتر وبيشتغل كمصمم مواقع نت الخ

Ali Elshenawy

31-07-2011, 01:25 PM

انا كنت جايب حوالى 94.5 فى تانية بس حصلت لى ظروف خاصة جدا فى الرياضة2 نزلتى 30 درجة وكان نفسى ادرس هندسة بس طبعا مينفعش عشان كدا انا بفكر فى كليات الهندسة الخاصة

1-هندسة خاصة
2-علوم
3-تجارة انجلش (45)

dondna

31-07-2011, 01:27 PM

يعنى كليه علوم حلوة وكويسه
حاسبات ومعلومات ينفع علمى علوم ولا مينفعش

MS Nada

31-07-2011, 01:31 PM

علوم رياضه ليه اقسام وعلمي علوم لية اقسام

طيب ممكن حضرتك تقولي ايه هي اقسام بالنسبه العلمي رياضه .

كيميائي طبي2011

31-07-2011, 01:31 PM

يعنى كليه علوم حلوة وكويسه
حاسبات ومعلومات ينفع علمى علوم ولا مينفعش

اها كلية علوم كلية كويسه بس بيبقي فيه منافسه شديده جدا بينك وبين فئات تانية

وحاسبات لازم رياضه سواء حاسبات او علوم قسم حاسب

dondna

31-07-2011, 01:32 PM

اها بس بيبقي فيه منافسه شديده جدا بينك وبين فئات تانية

علشان انا مرحله تانيه

MS Nada

31-07-2011, 01:34 PM

dondna

31-07-2011, 01:45 PM

شكراااااااااااااااااااااا على مجهودك

MONMON 1

31-07-2011, 02:03 PM

امنية*

31-07-2011, 02:37 PM

انا علمى رياضة جايبة 90.2 وهاكتب ان شاء الله
حاسبات ومعلومات جميع الجامعات
علوم جميع الجامعات

kimo5050

31-07-2011, 02:41 PM

انا جايب 90.2
ياترى حاسبات ولالالا

كيميائي طبي2011

31-07-2011, 02:43 PM

مش عارفه اشكر حضرتك ازاي ع المعلومات المهمه دي بجد وضحتلنا مفاهيم كتيير

بس معلش استفسار هو ممكن ندخل اي قسم من دول واحنا علمي رياضه ولا لازم علوم

ااها العلمي رياضه مصرح لية يدخل اقسام علوم الحاسب والجيولجيا والبترول والجيوفزياء والكيميا والرياضه والفزياء

A7MED 3LI BEST LOVE

31-07-2011, 03:26 PM

علمى رياضة و جايب 384 يعنى ان شاء الله حاتجيلى حاسبات شبين بس انا كان نفسى هندسة بس الحمد لله على كل شئ

Mohammed-Ahmed

31-07-2011, 04:06 PM

انا جايب 380 علمي رياضه وربنا يستر بقي انا بجد مش قادر استحمل اكتر من كده
بعد ما قولت انا اللي غلطان ليه مش اجتهدت اكتر وليه وليه.....
شوفت النهارده قصه غريبه بجد زعلت علي نفسي بجد ده حرااااااااااااااااااااااااااااااااام

palscorbion

31-07-2011, 04:06 PM

هو لسه فى اماكن فى هندسة خاص انا صاحبى داخ من اسبوعين انه يلاقى اماكن ملقيش :(

وردتك ايه

31-07-2011, 06:41 PM

طيب انا 383 فى امل فى حاسبات باذن الله ولا لآ

رضا هيبه

31-07-2011, 06:52 PM

يا جماعه انا81.46% ياترى ممكن الحق علوم في اي مكان من فضلكم جاوبوني بسرعه وشكرا

ahmed mado mado

31-07-2011, 07:32 PM

انا علمى رياضه 92.43 وهكتب بالترتيب
حاسبات ومعلومات
تجاره انجلش
ومش عارف بقى ايه تانى

وردتك ايه

31-07-2011, 09:01 PM

يعنى انا مرعوبة اعمل ايه انا متوترة وخايفة اعمل ايــــــــــــــــه يا ربى

ALLALL

01-08-2011, 01:26 AM

السلام عليكم
انا كتبن
1 علوم اسكندرية
2علوم طنطا
3 علوم القاهرة
وغيرها من كليات العلوم
كلية التمريض طالبات اسكندرية
وبعدين تجارة انجليش بالمحافظات
وبعدين سياجة من انى معملتش قدرات
بس كتباها كده

ALLALL

01-08-2011, 04:55 PM

السلام عليكم
انا عملت تعديلات وكتبت كلية التمريض فى الاخر
بس كنت عايز اعرف علووم اسكندرية بتاخد كام طالب

helmyfekry

01-08-2011, 05:08 PM

انا علمى رياضة

و جايب 89 %

هكتب بالترتيب

حاسبات و معلومات

علوم

تجارة انجلش

تجارة عادى

احب اقولك يا اخي انك لو كتبت كده ان هيجيلك علوم علطول من غير تفكير لان حاسبات مجموعها اعلي من مجموعك ومجموعك يجيب علوم وتجارة عادي وبما انك كتبت علوم الاول لذلك هيجيلك علوم فكر وعيد حساباتك من تاني

امانى نونا

01-08-2011, 05:08 PM

انا علمى علوم 82 فى المئه ما الكليه المناسبه

ALLALL

01-08-2011, 05:14 PM

طب انا جايبة 44 انجليزى
92.5
يعنى فى امل فى تجارة انجليش
املى علوم
بس احتياطى
يا عالم الخيرفين

Mohammed-Ahmed

01-08-2011, 05:27 PM

طب انا جايبة 44 انجليزى
92.5
يعنى فى امل فى تجارة انجليش
املى علوم
بس احتياطى
يا عالم الخيرفين
حضرتك طبعا باذن الله تجاره انجلش
بس ممكن اسأل حضرتك هل تجاره انجلش كويسه؟؟؟؟؟
يعني مثلا انا جايب 380 هل ادخل هندسه خاص افضل ام فنون تطبيقيه ام (حقوق أو تجاره)انجلش. ياريت رأي حضرتك

helmyfekry

01-08-2011, 05:30 PM

انا بأه ضايعه تمامآ جبت 85% رياضه
هكتب اولا/
فنون تطبيقيه بنها
فنون تطبيقيه حلوان
فنون تطبيقيه دمياط

تمام كده
بصوا بأه انا كنت بفكر ف علوم
بس مش عارفه هتخرج منها ايه بالضبط ياريت ال يعرف اقسامها وهنكون ف مجال ايه بعد ما نشتغل يقولي بسرعه

وبعدين لومحصلش نصيب بردو هكون بضمن نفسي و أحط

هندسه خااااص

ال عندو حلول تانيه يقولي بجد انا محتاره ع الاخر
كلنا نساعد بعض احنا هنا اخوات يا جماعه لان مصيبتنا واحده
انا متابعه وال هيفدنا بجد شكرآآآآآآآآ

احب اقولك يا اختاه ان تبعا لتنسيق السنه اللي فاتت2009 اللي السنه دي اكتر منه ان مجموعك ميجبش اي فنون تطبيقيه ولا حتي علوم مابالك بقي بمجاميع السنه دي اللي مجامعها هتكون اعلي من اي سنه في تاريخ الثانويه العامه فانتي حاولي تختاري اي كليه تانيه ارشحلك تربيه ابتدائي

helmyfekry

01-08-2011, 05:32 PM

انا علمى علوم
جبت 92%
الاحياء والعربى نزلونى السنة دى
مش عارفه اكتب ايه
انصحونى لو سمحتم
عندك فنون تطبيقيه وعلوم باقسامها المختلفه وعندك تجارة انجليش مستقبلها حلو او تجارة عادي او تربيه عام وادي دروس زي ما انت عايز

ALLALL

01-08-2011, 05:34 PM

حضرتك طبعا باذن الله تجاره انجلش
بس ممكن اسأل حضرتك هل تجاره انجلش كويسه؟؟؟؟؟
يعني مثلا انا جايب 380 هل ادخل هندسه خاص افضل ام فنون تطبيقيه ام (حقوق أو تجاره)انجلش. ياريت رأي حضرتك

السلام عليكم
من رايى
ان حضرتك تكتب علوم رياضة
وتجاروة انجليش مستقبلها جميل جدا
وان شاء الله هتدخل علوم وانت مستريح

Mohammed-Ahmed

01-08-2011, 05:58 PM

السلام عليكم
من رايى
ان حضرتك تكتب علوم رياضة
وتجاروة انجليش مستقبلها جميل جدا
وان شاء الله هتدخل علوم وانت مستريح
يعني معني كلام حضرتك اني أبعد عن الخاص؟؟؟؟؟؟؟؟؟؟

the spider mido

01-08-2011, 06:10 PM

Mohammed-Ahmed

01-08-2011, 06:15 PM

طيب انا جايب 91.5وكتبت الرغبات
1-حاسبات ومعلومات (العشره)
2-علوم رياضه(كلها)
3-تربيه رياضه(مظهرتش غير كليه واحده وهي تربيه رياضه بورسعيد)
4-تجاره انجلش
5-تجاره عادي
ايه رايكو؟
تماااااااام بس حضرتك ضع فنون تطبيقيه لو حضرتك قمت بالاختبار وان شاء الله هتجيلك علوووووووووم:022yb4:

the spider mido

01-08-2011, 06:27 PM

تماااااااام بس حضرتك ضع فنون تطبيقيه لو حضرتك قمت بالاختبار وان شاء الله هتجيلك علوووووووووم:022yb4:
يعني مفيش امل في حاسبات؟
انا كنت عايز حاسبات اسماعيليه
وهو ينفع ادخل اختبارات فنون عماره لو جاتلي (يعني بعد النتيجه؟)

Mohammed-Ahmed

01-08-2011, 06:38 PM

يعني مفيش امل في حاسبات؟
انا كنت عايز حاسبات اسماعيليه
وهو ينفع ادخل اختبارات فنون عماره لو جاتلي (يعني بعد النتيجه؟)
بص والله كل شئ جايز بس اعتقد صعب انا كمان جايب 380 وعارف انها مش هتجيلي بس متعرفش ربنا يريد ايه بس اتأكد انه خير باذن الله .
وبالنسبه لعماره لازم تروح تختبر دلوقتي لأنها مش هتجيلك أساسا لو مش أخذت الاختبار

the spider mido

01-08-2011, 06:43 PM

بص والله كل شئ جايز بس اعتقد صعب انا كمان جايب 380 وعارف انها مش هتجيلي بس متعرفش ربنا يريد ايه بس اتأكد انه خير باذن الله .
وبالنسبه لعماره لازم تروح تختبر دلوقتي لأنها مش هتجيلك أساسا لو مش أخذت الاختبار
طيب انا معرفش حاجه خالص عن الاختبارات
وهلحق اذاكرها في يومين؟علما باني من بورسعيد

Eng.Ahmed Hagag

01-08-2011, 07:52 PM

أنا جيويب 92.2%
وهتكب إن شاء الله
1/حاسبات القاهرة
2/حاسبات عين شمس
3/حاسبات حلوان
4/هندس خاصة
5/تجارة انجليش
وبعدين أي حاجة تاني وإن شاء الله تجلي هندسة خاصة

sasooo2010

01-08-2011, 08:06 PM

ياجماعه حد يعرف حاجة عن هندسه زراعيه

انا جايبه 89.6 وبقكر فى هندسه زراعيه ايه رايكم؟؟؟؟؟؟؟؟؟

drmohamedph

01-08-2011, 08:51 PM

انا جايب 88.5 كتب فى الرغبات الاول

1- حاسبات ومعلومات المنصوره
2- حاسبات ومعلومات منوفية
3- حاسبات ومعلومات عين شمس
4- حاسبات ومعلومات القاهره
5- مصر العالي هندسة وتكنولوجيا منصورة خاص
6- حاسبات ومعلومات حلوان
7- حاسبات ومعلومات الزقازيق
8- حاسب ومعلومات الاسماعيلية ج قناة السويس
9- حاسبات ومعلومات الفيوم
10- حاسبات ومعلومات المنيا
11- حاسبات ومعلومات اسيوط

pikky girl

01-08-2011, 09:32 PM

انا علمي علوم وجايبة89.7 واملي الوحيد ادخل علوم القاهرة او عين شس او حلوان