مشاهدة النسخة كاملة : العلاج الطبيعي من الاخر
العلاج الطبيعي 30-07-2011, 11:18 PM بسم الله الرحمن الرحيم
يا جماعه انا سجلت مخصوص في المنتدي هنا لما قريت كتير من المشاركات عن عدم معرفه العلاج الطبيعي و ناس بتسال ادخل و لا لا
المهم من الاول كده انا ممارس علاج طبيعي دفعه 2008 متخرج من جامعه 6 اكتوبر و دلوقتي في التكليف
اولا بالنسبه للناس اللي جالها علاج طبيعي و مجموعها ممكن يدخلها صيدله ده محتاج يفكر شويه انا هاقول مميزات و عيوب كل مهنه من وجهه نظري
اولا العلاج الطبيعي : موضوع المشاكل مع بتوع الروماتيزم و التاهيل من الطب البشري و الحرب الاعلاميه اللي بيقودها حمدي السيد ضدنا اننا مش دكاتره و ده كله علشان بتوع الروماتيزم يشتغلوا شغل العلاج الطبيعي و ده قانونا غلط و مابيحصلش في اي دوله محترمه لان خريج العلاج الطبعي هو الوحيد المؤهل لعمل العلاج الطبيعي
و دي محتاجه ناس عندها صبر لحد اما ناخد حقوقنا
اما ميزه العلاج الطبيعي انك بتتعامل مع اقسام طبيه و بتستقبل مرضي منهم زي العظام و الاعصاب و الحروق و النسا و القلب و الصدر و العنايه المركزه و الاطفال
انما عمليا هم الاطفال و الاعصاب و العظام و اصابات الملاعب
هنا بقي هتحس بميزه العلاج الطبيعي عن اي مهنه طبيه اخري حتي الطب البشري لانك بتشوف نتيجه علاجك و تقدمه و تحس انك فعلا عملت حاجه مش مجرد تشخيص و خلاص
العلاج الطبيعي 30-07-2011, 11:21 PM بالنسبه للصيدله فعيبها ان انت بتبقي بياع بس او مندوب مبيعات
العلاج الطبيعي متعب بدنيا لانك بتعمل مجهود جامد
من هنا بقي القرار شخصي لك انت شايف نفسك في ايه
لو عايز شغل مريح ادخل صيدله لو عايز شغل تحس بقيمه اللي بتعمله ادخل علاج طبيعي
لو تلاحظوا ان انا قلت ان انا كنت في جامعه خاصه يعني دافع فلوس كان ممكن ادخل صيدله لان فرقها في الفلوس مش كتير بس انا اخترت العلاج الطبيعي علشان احساس انك بتفيد المريض
الكلام ده كله بالنسبه لللي ممكن يدخل صيدله
ملحوظه : اللي يختار علاج طبيعي بدل من صيدله او اسنا او طب حتي هم دول اللي عندهم شخصيه و تفكير يؤدي الي رفعه المهنه مش بيحركهم المجموع
ملحوظه : ماتخدوش اي كلام انه مسلم به انا باعرض وجهه نظري و احتمال اكون متحيز لمهنتي رغم اني بحاول اكون محايد
أمير بلا إمارة 30-07-2011, 11:24 PM انا جالي علاج طبيعي القاهرة
ممكن ايميل حضرتك عاوز استفسر علي حاجات من حضرتك
العلاج الطبيعي 30-07-2011, 11:27 PM انا جالي علاج طبيعي القاهرة
ممكن ايميل حضرتك عاوز استفسر علي حاجات من حضرتك
ممكن تبعتلي رساله خاصه بس الافضل ان يبقي هنا علي العام لان اي سؤال هيفيد غيرك
العلاج الطبيعي 30-07-2011, 11:32 PM معلومه كده علي الماشي بالنسبه للمرتبات في اي مهنه من طب بشري لاسنا لصيدله لعلاج طبيعي
انا من وجهه نظري ان كلها واحد كلها متدنيه و كلها فيها فلوس كتير
ايوه انا اقصد اللي انا كاتبه اي مهنه فيها فلوس بس المجتهد هو اللي بيعرف يجيب الفلوس
مثلا لو انت اشتغلت 6 ساعات في صيدليه مرتبك هيبقي 600 جنيه
و لو اشتغلت في مركز علاج طبيعي 6 ساعات هاتاخد برضه 600 جنيه
غير
لو الصيدليه دي بتاعتك او المركز ده بتاعك
و في في كل مهنه شغل خاص
في الصيدله مندوب مبيعات
و في العلاج الطبيعي البرايفت ( الجلسات المنزليه للمرضي اللي مايقدروش ينزلوا من البيت )
أمير بلا إمارة 30-07-2011, 11:42 PM طب يادكتور خريج علاج طبيعي بيبقي معاه كارنيه نقابة ؟؟؟
العلاج الطبيعي 30-07-2011, 11:47 PM طبعا كارنيه نقابه العلاج الطبيعي و دي موجوده في غمره و في مبني جديد ان شاء الله يخلص قريب في التجمع الخامس و نادي اجتماعي و ممكن تدخل علي موقع النقابه
MiSty AnGel 30-07-2011, 11:54 PM هو ايه ده اللي بياع ؟؟؟؟
ده الناس اللي طموحاتها علي قدها بس
اللي عاوز يشتغل بجد بيشتغل قي شركات الادوية..بيعمل ادوية يعني
العلاج الطبيعي 30-07-2011, 11:55 PM لا اله الا الله
المشاركه دي انا باكتبها للمره التانيه مش عارف حصل غلط و انا بابعتها و هاضطر اكتبها تاني
بالنسبه بقي للي دخل علاج طبيعي علشان هو مجموعه مجابش صيدله
انت كمان ينطبق عليك نفس الكلام اللي قلناه فوق هاقولك ازاي
انت مثلا مش حابب العلاج الطبيعي و حابب بيطري ليه ماتدخلش بيطري
مش لازم انك علشان جايب مجموع كليه معينه تدخلها علشانها في التنسيق اعلي
انما لو ده تفكير الاهل و طبعا مش هاتعرف تقنعهم ( لان التفكير ده بالنسبه لهم متطرف )
فنصيحتي لك انك تحب الكليه لان اي حد بيحب مجال معين بيبدع فيه
في العلاج الطبيعي و من نفس الكليه اللي انت داخلها اتخرج دكاتره و سافروا امريكا و منهم اللي اخترع جهاز و اللي عمل طريقه علاج معينه مسجله باسمه
مش لازم علشان تبدع تدخل طب بشري ممكن تبدع في اي مجال تدخله
مثلا د / احمد زويل و فاروق الباز همه الاتنين خريجين علوم مش طب و احنا بنفتخر بهم في كل مكان
نصيحتي لكم اخلصوا في دراستكم و عملكم سوف تشعرون بالفخر و تشعرون بالانجاز
و ربنا يوفقكم
العلاج الطبيعي 30-07-2011, 11:59 PM هو ايه ده اللي بياع ؟؟؟؟
ده الناس اللي طموحاتها علي قدها بس
اللي عاوز يشتغل بجد بيشتغل قي شركات الادوية..بيعمل ادوية يعني
للاسف هو ده الواقع في مصر كام واحد شغال في صيدليه او مندوب مبيعات
و كام واحد بيصنع ادويه اغلب اللي في مصانع الادويه كيميائيين
علي فكره الصيادله من اكتر الناس اللي بيعرفوا في الامراض و علاجها بحكم عملهم يعني معلوماتهم الطبيه كتيره مقارنه مثلا بطبيب الاسنان
بس للاسف هو ده الواقع بتاع الصيادله في مصر وهم عارفين كده و في الاخر بيجيب اي حد معاه حتي دبلوم يوقفه في الصيدليه يبيع
MiSty AnGel 31-07-2011, 12:13 AM للاسف هو ده الواقع في مصر كام واحد شغال في صيدليه او مندوب مبيعات
و كام واحد بيصنع ادويه اغلب اللي في مصانع الادويه كيميائيين
علي فكره الصيادله من اكتر الناس اللي بيعرفوا في الامراض و علاجها بحكم عملهم يعني معلوماتهم الطبيه كتيره مقارنه مثلا بطبيب الاسنان
بس للاسف هو ده الواقع بتاع الصيادله في مصر وهم عارفين كده و في الاخر بيجيب اي حد معاه حتي دبلوم يوقفه في الصيدليه يبيع
ممممم لا برده في مجال في صيدلة للعمل في شركات الادوية
امال مين اللي هيشتغل في شركات الادويه
وميين اللي هيعمل ادوية بقي ان شاء الله؟؟
MiSty AnGel 31-07-2011, 12:15 AM ده علي اساس ان الكيميائين بيعرفوا يعملوا ادوية والصيادلة جهله مثلا؟؟
لا الاتنين بيعملوا ادويه
والاس الصيادله
اما الكيميائيين دول هما اللي قلييلين
كيميائي طبي2011 31-07-2011, 12:20 AM ده علي اساس ان الكيميائين بيعرفوا يعملوا ادوية والصيادلة جهله مثلا؟؟
لا الاتنين بيعملوا ادويه
والاس الصيادله
اما الكيميائيين دول هما اللي قلييلين
اغلب المصانع كيميائيين:078111rg3:
تقريبا حوالي 85% من المصانع كيميائيين حسب اخر الاحصائيات
MiSty AnGel 31-07-2011, 12:26 AM اغلب المصانع كيميائيين:078111rg3:
تقريبا حوالي 85% من المصانع كيميائيين حسب اخر الاحصائيات
يعني بتوع صيدلة اللي دارسين 5 سنين اقل من بتوع علوم بقي في ايه
يا جماعه انا لسه واخده نتيجة التنسيق النهارده صيدلة القاهره
شكلي هتعقد النهارده وهحول ×_×"
zidan2011 31-07-2011, 06:01 PM العلاج الطبيعي من أفضل الكليات الطبية فى العالم لأن يعتبر اخصائي فى فرع معين يدرسه 5 سنوات بسنة الإمتياز وهى لها مستقبل فى الداخل والخارج ومشكلة نقيب الأطباء وأطباء الروماتيزم والتأهيل سوف تنتهي برحيل د/حمدي السيد نقيبنا (أنا طبيب بشري) سوف يرحل لغير رجعة كان متحدي بتوع العلاج الطبيعي والتحاليل الكميائيين مجرد شخصنة ولكن الحق يقال خريج العلاج الطبيعي في مصر من أفضل أخصائي العلاج الطبيعي فى العالم بشهادة الجامعات المريكية والكندية وترتيب مصر الثالث عالميا بعد كندا وامريكا فى العلاج الطبيعي وهذا يكفي وزياده
lorddrigo 31-07-2011, 07:14 PM طب حضرتك ممكن سؤال
فى الاوراق المطلوبة عايزين بطاقة تعارف فى ملف الطالب ؟؟؟
بجبها منين و امتى اقدر اروح عشان اتقدم فيها؟؟؟
|