اداب ايه؟؟؟؟؟ [الأرشيف] - بوابة الثانوية العامة المصرية

roreda

31-07-2011, 12:27 AM

السلام عليكم ورحمة الله وبركاته
كل سنة وانتو طيبين :d

ممكن تفكرو معايا بصوت عالى ؟؟؟:friendsxs3:
انا جايبة 84% و جالى اداب لانها حلم حياااااااااااااااااااااااااااااااااااااااااتى بجد :d
بس كنت ناوية على قسم علم نفس و كمان جايبة فيه ال 50 :022yb4:
بس كمان اعرف ان لغات شرقية حلوة اوى و جايبة مجموع لغات 87% و هى بتقبل من 75 % :rolleyes:
مش عارف بقا اختار ايه؟؟؟ :bosyht9::)

usernamo

31-07-2011, 12:33 AM

roreda

31-07-2011, 12:36 AM

يبقى علم نفس ^^ .. بصى طول عمرك امشى بالمبدأ ..

انا سمعت و هما بيقولوا حلوة .. يبقى مش تخشيها ..

انا شاطرة فى كذا و جايبة النهائية و نفس اخشها .. يبقى دى اللى تخشيها .. عشان مترجعيش فى تانية تندمى ...

طبعا ميرسي اوووووووووووى على الرد والاهتملم
بس لو مفيهاش تطويل........
ايه هو مستقبل علم نفس !!!

usernamo

31-07-2011, 12:51 AM

مدرسة علم نفس .. العمل كدكتور نفسى .. تدريس مادة العلوم الانسانية فى الجامعات

Touty Potter

31-07-2011, 01:33 AM

مدرسة علم نفس .. العمل كدكتور نفسى .. تدريس مادة العلوم الانسانية فى الجامعات

ملحوظة قد النونو بس
دكتورة نفسية دي
تختلف عن الدكتور النفسي
المنتشر المتعارف عليه
لأن انتي مش هيبقي من حقك
تكتبي علي دواء للاكتئاب مثلا او كده
لكن اللي تقدري تعمليه انك
تحللي المواقف والشخصيات والمشاكل
وبالتالي تساعدي الناس
بس ده يتطلب منك انك تكوني بتحبي تسمعي
وبتتحملي الشكوي المستمرة
وعلي فكرة الشغلانة دي حلوة قوي
وانا بحترمها جدا جدا وبحبها جدا
بس احب برضه انبهك انك هتاخدي وقت كتير
وفي المجتمع اللي احنا فيه ده
مش حاجة متقبلة بكثرة
فحطي كل الايجابيات والسلبيات في دماغك
وفكري بالراحة كده وربنا يوفقك

kareemnasr

31-07-2011, 02:17 AM

طب يا جماعه انا نفسي ادخل اداب انجليزي ممكن حد يقلي هيا صعبه ولا سهله ولا ايه مستقبلها

Touty Potter

31-07-2011, 02:24 AM

اداب اينجلش مجالات شغلها واسعة
ممكن مدرس او ترجمة او حاجات كتير قوي
فيه شركات كتير بتطلب الاينجلش

شروطها
تكون واخد المستوي الرفيع اينجلش وناجح فيه
تكون جايب 48 في الاينجلش
واعتقد المستوي الرفيع included
تكون جايب في العربي علي الاقل 50 من 60
وهيبقي فيه امتحان قبول في الجامعة
written and oral

ده بالنسبة لشروط اداب اينجلش القاهرة
للمدارس اللي بتاخد اينجلش لغة اولي
واعتقد بقية الجامعات هتبقي هي هي
او علي الاقل قريبة قوي منها

انا شفت مقررات القاهرة وعين شمس
وشايفة ان القاهرة اظرف بكتير

ميدو ميد

31-07-2011, 02:54 AM

معقول محدش عارف يرد عليا ممكن حد يقولى بجد هتجنن
دلوقتى انا عاوز اخش اداب حضارة اوربية ومجموع اللغات عندى 68%
والقسم بيأخذ من 70% مجموع اللغات دة فى عين شمس ومش عارف اية نظام حلوان لسة والقاهرة مفيهاش
ومش عاوز اكتب فى الرغبات انا مرحلة ثانية جايب 76 % ومش عاوز اكتب اداب عين شمس ومقدرش اخش قسم حضارة اوربية
فى امل انو ينزل مجموع اللغات عن 70% ولا خلاص كدة مش بينزل وانا عرفت 70 من المنتدى هنا شروط 2011/2012
كلية الاداب جامعة عين شمس

Touty Potter

31-07-2011, 06:12 AM

انا من رأيي بلاش نجازف
خليك في اللي انت ضامنه
عشان الاحتمال بتاع نزول النسبة
بتاعت مجموع اللغات اقل بكتير
من احتمال نزول نسبة
قبول الكليات نفسها

بس هقولك حاجة عشان اكون ريحت ضميري
صلي صلاة استخارة وفي الاول وفي الاخر
اللي فيه الخير هيقدمه ربنا
واللي كاتبه ربنا هيكون

ميدو ميد

31-07-2011, 12:56 PM

mad love

31-07-2011, 01:28 PM

ميدو ميد

31-07-2011, 01:34 PM

هتلحقى ان شاء الله

tata kiko

31-07-2011, 06:23 PM

لو سمحتو تردوا عليه انا جايبه 58و76% ممكن الحق اداب علم نفس وانا جايبه فيه 50 ولا انا مصيرى ايه

Touty Potter

01-08-2011, 05:52 PM

شكرا على ردك انت انسان محترم جدا
بس حضرتك انا بسأل عن الحضارة الاوربية لانها الاقرب من مجموع اللغات فى شروط عين شمس وحلوان ملهاش شروط وانا جايب
50/50 علم نفس وفلسفة 50/50 ومش عاوزهم الاثنين مش عاوز اكون مدرس:d :d

فأنا بحب اللغات فالو يمكن ينزل فى عين شمس انا كنت بسأل على كدة انت اكيد ادرى منى

http://2dab.org/ad2b/
شوف من هنا اللي انت محتاج تشوفه
ودي المقررات بتاعت السنين
http://2dab.org/ad2b/index.php?action=pages&id=32
أنا كنت امبارح هناك
والشروط كانت زي ماهي
مانزلتش ولا حاجة
فأنا بجد مش عارفة
انا بدعيلك من كل قلبي يعني
ربنا ينولك اللي في بالك
بس انا بجد خايفة من الخطوة دي
عشان عمرك ما هتضمن اللي ممكن يحصل
خاصة ان الاحتمال ضعيف قوي
وبعدين يمكن الاحتمال الضعيف ده يحصل
فترجع تدعي عليا بعد كده وتقول آية قالت
هههههههههههههههههههههه
فأنا خايفة بجد اقولك حاجة تطلع غلط
عشان كده بقولك صلي استخارة وشوف
وعلي فكرة انا بنت
هههههههههههه

Touty Potter

01-08-2011, 06:01 PM

انا دلوقتى جايبه 73%وبالمستوى74%ياتري هالحق اداب مرحله تانيه ولا ايه؟

ولو ان شاء الله لحقتها ايه رايكم ف قسم التاريخ انا جايبه فيها 48 ولاعلم نفس جايبه 50

عايزة الرد بليييييييييييز علشان انا هاموت م القلق

ان شاء الله هتلحقي يا حبيبتي
بصي ماتقلقيش
وانا اعتقد ان درجاتك في التاريخ
وعلم النفس يدخلوكي من غير مشاكل
وبعدين شوفي انتي حابة ايه اكتر
وقدمي علي اللي انتي عايزاه
وربنا ينولك اللي في بالك

Touty Potter

01-08-2011, 06:02 PM

لو سمحتو تردوا عليه انا جايبه 58و76% ممكن الحق اداب علم نفس وانا جايبه فيه 50 ولا انا مصيرى ايه

اه يا جميلة ان شاء الله هتلحقيها
وطبعا درجة علم النفس هتساعدك
يعني مش هتقابلك اي مشكلة ان شاء الله
وربنا ينولك اللي في بالك

roreda

01-08-2011, 06:13 PM

ملحوظة قد النونو بس
دكتورة نفسية دي
تختلف عن الدكتور النفسي
المنتشر المتعارف عليه
لأن انتي مش هيبقي من حقك
تكتبي علي دواء للاكتئاب مثلا او كده
لكن اللي تقدري تعمليه انك
تحللي المواقف والشخصيات والمشاكل
وبالتالي تساعدي الناس
بس ده يتطلب منك انك تكوني بتحبي تسمعي
وبتتحملي الشكوي المستمرة
وعلي فكرة الشغلانة دي حلوة قوي
وانا بحترمها جدا جدا وبحبها جدا
بس احب برضه انبهك انك هتاخدي وقت كتير
وفي المجتمع اللي احنا فيه ده
مش حاجة متقبلة بكثرة
فحطي كل الايجابيات والسلبيات في دماغك
وفكري بالراحة كده وربنا يوفقك

ماهو دة السبب اللى مخلينى متعلقة باداب علم نفس انى بحب اوى اسمع الناس واحل المشاكل
بس المشكلة ان هنا في مصر بيقولو على الناس اللى بيحلو المشاكل دى او السيكولوجيين .... مجانيييييييييييين
مع ان دة مجال في منتهى الرقى
بس نعمل لاايه وميرسي على الرد :friendsxs3:

roreda

01-08-2011, 06:15 PM

http://2dab.org/ad2b/
شوف من هنا اللي انت محتاج تشوفه
ودي المقررات بتاعت السنين
http://2dab.org/ad2b/index.php?action=pages&id=32
أنا كنت امبارح هناك
والشروط كانت زي ماهي
مانزلتش ولا حاجة
فأنا بجد مش عارفة
انا بدعيلك من كل قلبي يعني
ربنا ينولك اللي في بالك
بس انا بجد خايفة من الخطوة دي
عشان عمرك ما هتضمن اللي ممكن يحصل
خاصة ان الاحتمال ضعيف قوي
وبعدين يمكن الاحتمال الضعيف ده يحصل
فترجع تدعي عليا بعد كده وتقول آية قالت
هههههههههههههههههههههه
فأنا خايفة بجد اقولك حاجة تطلع غلط
عشان كده بقولك صلي استخارة وشوف
وعلي فكرة انا بنت
هههههههههههه

بجد روابط فيها كلللللللل الافادة ميرسي تانى ياقمر
رمضان كريم

Touty Potter

01-08-2011, 06:17 PM

ماهو دة السبب اللى مخلينى متعلقة باداب علم نفس انى بحب اوى اسمع الناس واحل المشاكل
بس المشكلة ان هنا في مصر بيقولو على الناس اللى بيحلو المشاكل دى او السيكولوجيين .... مجانيييييييييييين
مع ان دة مجال في منتهى الرقى
بس نعمل لاايه وميرسي على الرد :friendsxs3:

انتي تؤمري يا قمر
ربنا ينولك اللي في بالك يا حبيبتي
بس اديني نبهتك من الأول
عشان ماترجعيش وتقولي برضه
آية ما قالتليش
هههههههههههههه
هتتعبي في المجال ده من ناحية الشغل
علي الأقل في الاول لغاية ما تكوني سمعتك
ودي اللي ممكن تخلي الناس تتغاضي شوية
عن فكرة انك ليكي علاقة بالسيكولوجي
ربنا يوفقك يا جميلة

نور نصر

01-08-2011, 07:58 PM

انا فى تانية جبت 60 % وتالتة 75 %
وكله على بعضه 65%.2 وف المستوي 6.5
وجبت ف علم النفس 50
وكان نفسي اخش اداب
بس اكيييييييييد استحاله اجبها وحتى لو اقاااااااليم

Touty Potter

01-08-2011, 09:23 PM

بجد روابط فيها كلللللللل الافادة ميرسي تانى ياقمر
رمضان كريم

انا سعيدة اني قدرت افيدك يا جميلة
ربنا يوفقك يارب للي فيه الخير
:av4056bb7jp3:

Touty Potter

01-08-2011, 09:26 PM

انا فى تانية جبت 60 % وتالتة 75 %
وكله على بعضه 65%.2 وف المستوي 6.5
وجبت ف علم النفس 50
وكان نفسي اخش اداب
بس اكيييييييييد استحاله اجبها وحتى لو اقاااااااليم

معلش يا نور
يمكن ربنا مخبيلك خير
في حتة انتي مش متوقعاها
ومش متخيلاها ويكون ده احسنلك
الخيرة فيما اختاره الله يا حبيبتي
وربنا يوفقك في الكلية اللي
هتدخليها ان شاء الله
ماتتضايقيش

amanye_e

02-08-2011, 12:56 AM

انا فعلا اسمع ان الاقسام الشرقيه دى احسن حاجه ف الاداب بس برده تبع رغبتك انتى

فارسة صغيرة

02-08-2011, 02:24 AM

نفسى اعرف الاقسام الشرقيه الى فى اداب بتدرس ايه ؟؟؟
واقسام اداب عامة غير الانجليزى والفرنسى و علم النفس والصينى والالمانى
اتمنى الافاده
ولكم جزيل الشكر

tata kiko

02-08-2011, 03:54 AM

انا متشكره لردك جداااااا يا touty وربنا يطمنك

Touty Potter

02-08-2011, 05:01 PM

نفسى اعرف الاقسام الشرقيه الى فى اداب بتدرس ايه ؟؟؟
واقسام اداب عامة غير الانجليزى والفرنسى و علم النفس والصينى والالمانى
اتمنى الافاده
ولكم جزيل الشكر

ده مقرر اللغات الشرقية
http://2dab.org/ad2b/index.php?action=pages&id=118
ومن علي جنب تقدري تعرفي ايه الاقسام التانية
ده بالنسبة لجامعة عين شمس
القاهرة هتلاقي نفس الحاجات بس اقل
الاثار بس هي اللي موجودة في القاهرة
ومش موجودة في عين شمس
بالنسبة للجامعات التانية انا ماعنديش فكرة
بس ربنا يوفقك يا حبيبتي وينولك اللي في بالك

Touty Potter

02-08-2011, 05:07 PM

انا متشكره لردك جداااااا يا touty وربنا يطمنك

ماتقوليش كده حبيبتي
لاشكر علي واجب وبعدين
انا ماعملتش حاجة يعني
ربنا يوفقك حبيبتي

roreda

02-08-2011, 10:23 PM

انتي تؤمري يا قمر
ربنا ينولك اللي في بالك يا حبيبتي
بس اديني نبهتك من الأول
عشان ماترجعيش وتقولي برضه
آية ما قالتليش
هههههههههههههه
هتتعبي في المجال ده من ناحية الشغل
علي الأقل في الاول لغاية ما تكوني سمعتك
ودي اللي ممكن تخلي الناس تتغاضي شوية
عن فكرة انك ليكي علاقة بالسيكولوجي
ربنا يوفقك يا جميلة

انا سعيدة اني قدرت افيدك يا جميلة
ربنا يوفقك يارب للي فيه الخير
:av4056bb7jp3:

انا فعلا اسمع ان الاقسام الشرقيه دى احسن حاجه ف الاداب بس برده تبع رغبتك انتى

ماتقوليش كده حبيبتي
لاشكر علي واجب وبعدين
انا ماعملتش حاجة يعني
ربنا يوفقك حبيبتي

بجد انتى تاعبة نفسك معانا اوووووووووووووووووووووووووووووووووووووووووووووى
و مش عارفة اشكرك ازاى

Touty Potter

02-08-2011, 10:47 PM

بجد انتى تاعبة نفسك معانا اوووووووووووووووووووووووووووووووووووووووووووووى
و مش عارفة اشكرك ازاى

يا بنتي ماتقوليش كده
اللي بقدر اعمله بعمله
انا لو بإيدي اروح اقدم ورقكم بنفسي
وانتوا تفضلوا قاعدين مرتاحين
كنت عملتها والله
ربنا يوفقكم يارب
وينولكم اللي في بالكم
وتبقوا اسعد ناس في الدنيا
:friendsxs3:

mad love

03-08-2011, 03:19 AM

شكرا ليكي ياقمر افيدتيني والله

ربنا يطمنك زي ماتطمنتينا

Touty Potter

03-08-2011, 02:53 PM

شكرا ليكي ياقمر افيدتيني والله

ربنا يطمنك زي ماتطمنتينا

لا شكر علي واجب حبيبة قلبي
ولو محتاجة اي حاجة تانية اسألي
وان شاء الله لو عندي الاجابة
هفيدك علي قد ماقدر
ربنا يوفقك يا جميلة

ملاك حسنى

04-08-2011, 05:10 AM

انا كتبت فى رغباتى اداب بس مش عارفة لو جاتلى ايه الاقسام فى الكلية ارجوك تفيدنى يا touty

ملاك حسنى

04-08-2011, 05:16 AM

ارجوكوا حد يساعدنى

Touty Potter

04-08-2011, 04:06 PM

انا كتبت فى رغباتى اداب بس مش عارفة لو جاتلى ايه الاقسام فى الكلية ارجوك تفيدنى يا touty

حبيبة قلبي
اولا ماتقلقيش
ثانيا انا بنوتة يا ملاك
ثالثا انا مش عارفة انتي كاتبة اداب ايه؟
بس هحاول اجيبلك الاقسام اللي في كل الجامعات
عشان تبقي افادة ليكي ولكل اللي عايز يدخل اداب

كلية الاداب جامعة القاهرة
http://arts.cu.edu.eg/
هتلاقي الاقسام في "الأقسام العلمية"
علي اليمين في المستطيل الازرق

كلية الاداب جامعة عين شمس
http://2dab.org/ad2b/
الاقسام موجودة علي اليمين وهتلاقيها بسهولة

كلية الاداب جامعة حلوان
http://www.helwan.edu.eg/artedu/
هتلاقي كلمة "الاقسام العلمية"
تالت حاجة علي اليمين فوق
تحت البانر المتحرك

كلية الاداب جامعة الاسكندرية
http://www.foa.edu.eg/
هتلاقي الاقسام تحت الصورة
اقفي علي كلمة "الاقسام والمعاهد"
ومنها علي "الاقسام العلمية"
هتلاقي اقسام الكلية طلعتلك

كلية الاداب جامعة المنصورة
http://www.mans.edu.eg/facarts/arabic/default.htm
تعالي علي اليمين هتلاقي كلمة "الاقسام العلمية"
اقفي عليها هتلاقي الاقسام طلعتلك

كلية الاداب جامعة المنوفية
http://www.menofia.edu.eg/faculty_generalInfo.asp?id=3
هتلاقي الاقسام في الكلام اللي مكتوب
وممكن تدوسي "المزيد من المعلومات"
عشان تعرفي اكتر لو حابة

كلية الاداب جامعة بنها
http://www.fart.bu.edu.eg/
هتلاقي كلمة الاقسام تاني حاجة
علي اليمين من فوق

كلية الاداب جامعة المنيا
http://mitdb.minia.edu.eg/Sas/Visitor/Result/
ده موقع فيه النتائج بس هتلاقي الاقسام فيه
علي اليمين في المستطيل الازرق

كلية الاداب جامعة الزقازيق
http://www.arts.zu.edu.eg/
هتلاقي الاقسام تحت علي اليمين

يارب اكون افدتك وافدت غيرك يا جميلة
واللي محتاج حاجة تانية يقولي
لو قدرت اساعد هساعد
علي قد ماقدر

ملاك حسنى

05-08-2011, 07:18 PM

متشكره جدا وعلى فكره انا كاتبة اداب المنصورة

MuHaMeD kHaLeD

05-08-2011, 11:17 PM

نصيحتي ادخلي اداب قسم مساحة

roreda

06-08-2011, 05:34 AM

يا بنتي ماتقوليش كده
اللي بقدر اعمله بعمله
انا لو بإيدي اروح اقدم ورقكم بنفسي
وانتوا تفضلوا قاعدين مرتاحين
كنت عملتها والله
ربنا يوفقكم يارب
وينولكم اللي في بالكم
وتبقوا اسعد ناس في الدنيا
:friendsxs3:

ميرسي اوى ياقمرايه على ذوقك
بس ممكن سؤال...........؟ :blush:

وانا بدعبس فى منهج اداب لم نفس لقيت في حاجة اسمها لغة عربية بيدرسوها
هل هما بيدرسو عربي!!!!!!!!!

Touty Potter

06-08-2011, 03:23 PM

ميرسي اوى ياقمرايه على ذوقك
بس ممكن سؤال...........؟ :blush:

وانا بدعبس فى منهج اداب لم نفس لقيت في حاجة اسمها لغة عربية بيدرسوها
هل هما بيدرسو عربي!!!!!!!!!

اه يا حبيبتي
زي ما احنا عندنا في اداب فرنسيه
هناخد عربي اول سنتين
واينجلش في الاربع سنين
وبعدين انتي مش تسألي
انتي تؤمري يا جميلة

سؤال بيلح عليا بقي
انتي هتبقي في جامعة ايه
ان شاء الله؟

roreda

06-08-2011, 08:20 PM

اه يا حبيبتي
زي ما احنا عندنا في اداب فرنسيه
هناخد عربي اول سنتين
واينجلش في الاربع سنين
وبعدين انتي مش تسألي
انتي تؤمري يا جميلة

سؤال بيلح عليا بقي
انتي هتبقي في جامعة ايه
ان شاء الله؟

ميرسي ياروحى
انا اداب القاهرة ان شاء الله
وانتى؟

Touty Potter

06-08-2011, 10:20 PM

ميرسي ياروحى
انا اداب القاهرة ان شاء الله
وانتى؟

انا اتقبلت في اداب القاهرة
بس هحول لعين شمس
عشان حوار طويييييييييل
لو عندك وقت اقريه
هههههههههههه

انا في مدرسه فرنسيه
بحب الاينجلش اكتر من الفرنسيه
فكنت عايزة ادخل اداب اينجلش
لقيت ان الشروط بتاعت المدرسة الفرنسيه
اني اجيب مش فاكرة كام كده في الاينجلش
عامة انا مقفلاه الحمد لله
بس الشرط بقي اللي هيوقفني درجة العربي
عايزين علي الاقل 50 من 60
وانا جايبة 46.5 من 60
بسبب المدرس اللي كان بيديني في سنة تانية
ماكانش بيشتغل معايا غير نحو ونصوص بس
والباقي كله المفروض عليا وفي البيت
رفضوا اني اغير المدرس ماعرفش ليه
ماااااااااااااااا علينا
فكده اداب اينجلش القاهرة اتضربت بالنار

قلت اشوف اداب فرنسيه
لقيت كل الشروط تنطبق عليا
وانا جايبة 45 من 50 في الفرنسيه
22.5 في كل سنة الحمد لله
بس عايزين 50 طالب بس والاولوية
للدرجات الاعلي فأنا اعتبرت نفسي بره
كده اداب فرنسيه القاهرة
برضه اتضربت بالنار
هههههههههههههه

فقلت هحول اداب عين شمس
جيت اشوف اداب اعلام
لقيتهم عايزين مجموع التلات لغات
يكون علي الاقل 142 وانا ما شاء الله
جايبة درجة مختلفة تماما 141.5
هههههههههههههههههههه
كده اداب اعلام عين شمس
اتضربت بالنار مع اخواتها

اداب اينجلش عين شمس
نفس شروط القاهرة
فهي كمان طلعت آوت

ما فضلش غير اداب فرنسيه عين شمس
وحاجات تانية كده بقي ماليش فيها خالص
فقلت هحول بقي من القاهرة لعين شمس
وادخل اداب فرنسيه واخد التويفل

وأدي حكايتي مع كلية اداب
هههههههههههههههههه

roreda

06-08-2011, 11:49 PM

انا اتقبلت في اداب القاهرة
بس هحول لعين شمس
عشان حوار طويييييييييل
لو عندك وقت اقريه
هههههههههههه

انا في مدرسه فرنسيه
بحب الاينجلش اكتر من الفرنسيه
فكنت عايزة ادخل اداب اينجلش
لقيت ان الشروط بتاعت المدرسة الفرنسيه
اني اجيب مش فاكرة كام كده في الاينجلش
عامة انا مقفلاه الحمد لله
بس الشرط بقي اللي هيوقفني درجة العربي
عايزين علي الاقل 50 من 60
وانا جايبة 46.5 من 60
بسبب المدرس اللي كان بيديني في سنة تانية
ماكانش بيشتغل معايا غير نحو ونصوص بس
والباقي كله المفروض عليا وفي البيت
رفضوا اني اغير المدرس ماعرفش ليه
ماااااااااااااااا علينا
فكده اداب اينجلش القاهرة اتضربت بالنار

قلت اشوف اداب فرنسيه
لقيت كل الشروط تنطبق عليا
وانا جايبة 45 من 50 في الفرنسيه
22.5 في كل سنة الحمد لله
بس عايزين 50 طالب بس والاولوية
للدرجات الاعلي فأنا اعتبرت نفسي بره
كده اداب فرنسيه القاهرة
برضه اتضربت بالنار
هههههههههههههه

فقلت هحول اداب عين شمس
جيت اشوف اداب اعلام
لقيتهم عايزين مجموع التلات لغات
يكون علي الاقل 142 وانا ما شاء الله
جايبة درجة مختلفة تماما 141.5
هههههههههههههههههههه
كده اداب اعلام عين شمس
اتضربت بالنار مع اخواتها

اداب اينجلش عين شمس
نفس شروط القاهرة
فهي كمان طلعت آوت

ما فضلش غير اداب فرنسيه عين شمس
وحاجات تانية كده بقي ماليش فيها خالص
فقلت هحول بقي من القاهرة لعين شمس
وادخل اداب فرنسيه واخد التويفل

وأدي حكايتي مع كلية اداب
هههههههههههههههههه

ههههههههههههه
ياعينى حكاية بجد انا جسمى اشعر
هههههههههه
ياللا ربنا معاكى بس احسبيها بس بالنسبة للمكان لان الحالة الامنية للبلد دلوقت متسمحش ان حد يروح بعيد و خصوصا اننا بنات و ياللاربنا معاكى

roreda

06-08-2011, 11:52 PM

طب حد يعرف هنقدم امتى في الجامعة ؟؟؟؟؟؟؟

Touty Potter

07-08-2011, 12:04 AM

ههههههههههههه
ياعينى حكاية بجد انا جسمى اشعر
هههههههههه
ياللا ربنا معاكى بس احسبيها بس بالنسبة للمكان لان الحالة الامنية للبلد دلوقت متسمحش ان حد يروح بعيد و خصوصا اننا بنات و ياللاربنا معاكى

انا اقربلي عين شمس طبعا
ربنا يقدم اللي فيه الخير بقي

طب حد يعرف هنقدم امتى في الجامعة ؟؟؟؟؟؟؟

يوم 9 او 10 يا حبيبتي
اتكلي علي الله واصحي بدري
وخدي ملفك وروحي الجامعة

roreda

07-08-2011, 12:12 AM

انا اقربلي عين شمس طبعا
ربنا يقدم اللي فيه الخير بقي

يوم 9 او 10 يا حبيبتي
اتكلي علي الله واصحي بدري
وخدي ملفك وروحي الجامعة

لالالالالالالالالالالالالالالالالالالالالالالالالا لالالالالالالالالالالالالالالالالالا
انا هروح على 10 كدة
ياخبر!!!!!!
اصحى بدري و انزل في الشمس
دة انا مرتاحة من ايام الدروس من كدة
وشكرا عالرد بردو

Touty Potter

07-08-2011, 12:30 AM

لالالالالالالالالالالالالالالالالالالالالالالالالا لالالالالالالالالالالالالالالالالالا
انا هروح على 10 كدة
ياخبر!!!!!!
اصحى بدري و انزل في الشمس
دة انا مرتاحة من ايام الدروس من كدة
وشكرا عالرد بردو

ربنا يقويكي بقي تعملي ايه؟
هههههههههههههههه
معلش حبيبتي هو يوم وهيعدي
وان شاء الله كله هيبقي تمام
وتنجزي بسرعة وتروحي تنامي براحتك

وبعدين لا شكر علي واجب يعني

tata kiko

09-08-2011, 02:23 AM

tarek-10

09-08-2011, 02:38 AM

يا جماعه انا فرحانه جدااااااااااااااا انا خلاص اتقبلت فى اداب حلوان انا صحيح كان نفسى فى القاهرة بس الحمد لله بس انا عايزه افهم شوية حاجات انا اعرف ازاى انا اتقبلت فى انهى قسم ولو مابتتحسبش كده انا عايزه اعرف ايه احسن قسم من ناحيه الشغل
انا قبلت فى اداب حلوان برضه ,, زمايل يعنى ان شاء الله :p ,, بصى انا رحت انهارده شئون الطلبه عشان اقدم قالولى لسه اسامى المرحله الأولى مجتلهمش و هتيجى عالأتنين او التلات الجاى ان شاء الله ,,
لو مش عارفه الأوراق اللى هتحتاجيها ساعه ما تقدمى شوفى اللينك دا من موقع التنسيق ,,

http://www.tansik.egypt.gov.eg/Transfer/Dalel/2-4.htm

tarek-10

09-08-2011, 02:41 AM

صحيح بالنسبه للأقسام هوه هيبقى فيه تنسيق داخلى هتختارى خمس اقسام بالترتيب و النتيجه بعديها بيومين تقريبا كده ,,
و من ناحيه الشغل من رأيى الشخصى اقسام اللغات طبعا مضمونه ان شاء الله فى الشغل ,,
انا عن نفسى هقدم فى الأنجليش كرغبه اولى .

tata kiko

10-08-2011, 12:32 AM

بس انا درجاتى فى اللغات ضايعه الانجلش 32 و العربى 48 والفرنش 33 فكنت عايزه اعرف ايه احسن قسم ليا وايه مجالات الشغل لقسم اللغات الشرقيه وقسم حضاره اوروبيه واليابانيه والصينيه بالرغم انى جايبه فى علم المفس 50 والفلسفه 48 بس كنت عايزه اعرف مجالات شغل الاقسام التانيه ارجوكم تفيدونى فى الموضوع ده