مشاهدة النسخة كاملة : تجميع طلبة "تجارة انجليزى " جامعة القاهرة للعام الجديد 2011-2012
usernamo 31-07-2011, 12:29 AM بسم الله الرحمن الرحيم
طبعاً حتى لا اخل بقوانين القسم ..
فانا دورت على جامعة القاهرة ليها موضوع تجميع .. ملقتش ..
عمتاً لو مخالف يحق للمشرف حذفه يعنى ^^
يلا يا جماعه عايزين نجمع بعض قبل البداية
nice girl 2 31-07-2011, 03:36 AM انا اووووووووول طالبه
كلية تجاره انجليزى بنها ......... هحول فى تانيه انشاء الله ... :)
zain said 31-07-2011, 04:17 AM وانا معاكم بس عاوز اعرف هى تجارة انجليش اصبحت منفصلة عن تجارة عربى ؟؟ كمان مصاريفها قلت ولا اتلغت ولا لسه زى ما هى ؟؟؟
nice girl 2 31-07-2011, 04:56 AM وانا معاكم بس عاوز اعرف هى تجارة انجليش اصبحت منفصلة عن تجارة عربى ؟؟ كمان مصاريفها قلت ولا اتلغت ولا لسه زى ما هى ؟؟؟
كلية التجاره انجلش اصبحت كليه منفصله عن التجاره العربى ..
ومصارفيها بتختلف .. كلية القاهره 4500 جنيه واما باقى الاقاليم - الكليات الاخرى - فمصاريفها حوالى 3000 جنيه :)
mlissa 31-07-2011, 06:13 AM انا تجارة انجليش القاهرةةةة
مين هنا جامعة القاهرة ؟؟
امير الوحش 31-07-2011, 10:05 AM يا جماعة انا جاتلي تجارة انجلش حلوان بس مكتوب ان المصاريف 3000 مش عارف المصاريف دي بالكتب ولا من غير !!!!!
واشمعنا القاهرة وعين شمس 4500
فية مميزات يعني ولا فلوس وخلاص !!!!!!!!!!!
cheeta55 31-07-2011, 10:18 AM يا جماعة تجارة انجليزي من علمي ممكن تاخد مجموع كام .......... انا مجموعي الاعتباري 406
star-55 31-07-2011, 12:29 PM بسم الله الرحمن الرحيم
السلام عليكم
وانا معاكو وبحاول بقدر الامكان احول من تجارة انجليزى هههههههه
ياجدعان كليتكم بيتقال عليها احسن من طب بشرى ف المرتبات والمستقبل
شيتا
بالنسبة لعلمى لسة الحد الادنى بتاع علمى مطلعشى
كلية التجارة انجليزى لسة ما اتملتش بطلاب العلمى فهى نازلة للمرحلة التانية
فانتى لو مجموعة اولى تقبليها مرتاح
لو مجموعة تانية شهلى واكتبيها وان شاء الله تجيلك
usernamo 31-07-2011, 01:10 PM انا تجارة انجليش القاهرةةةة
مين هنا جامعة القاهرة ؟؟
انا كمان القاهرة ^^
zain said 31-07-2011, 01:32 PM طيب ممكن اعرف تجارة انجليزى (الاسكندرية) واخدة من كام ؟؟؟ وكمان ممكن اعرف مصاريفها بالكتب كام ؟ شكرا يا اجمل اعضاء ( kiss )
Darkness Boy 31-07-2011, 04:22 PM انا برده تجارة انجليزى القاهرة :] ر بنا معانا
sabrianoo 31-07-2011, 04:37 PM منورين ياشباب انا تجارة انجليزي بنها ربنا بستر في المشوار الغريب دة
من مدينة نصر لبنها كل يوم ان شاء الله يارب اعرف احول
Darkness Boy 31-07-2011, 04:47 PM يا ريت لو حد يعرف اى معلومات عنها يقولنا و يكسب فيا ثواب :]
solidsnake 31-07-2011, 10:22 PM انا معاكو تجارة انجليزي القاهره .... قشدة
vampire1188 31-07-2011, 11:37 PM بسم الله الرحمن الرحيم
طبعاً حتى لا اخل بقوانين القسم ..
فانا دورت على جامعة القاهرة ليها موضوع تجميع .. ملقتش ..
عمتاً لو مخالف يحق للمشرف حذفه يعنى ^^
يلا يا جماعه عايزين نجمع بعض قبل البداية
نورتو جامعة القاهرة يا جماعة
الموضوع مش مخالف ولا حاجة ..
ربنا يوفقكو ان شاء الله في الاربع سنين وتجيبو تقديرات عالية
ahmed610 01-08-2011, 04:29 PM مبرووووووووووووووووووووووووووووووك:022yb4: يا جماعة كل الى اتقبل فى تجارة انجلش جامعة القاهرة كلية جميلة جدا وليها مستقبل بأذن الله ومش صعبة
على فكرة انتوا دفعة محظوظة لية بقى
لان الكلية هيحصل فيها تعديلات كتير زى مثلا
-اخيرا الكلية هيبقى ليها اتحاد طلبة خاص بيها بعيد ا عن تجارة عربى وبالتالى هيبقى فى خدمات افضل لطلبة الكلية
- كنا خدنا وعد من ادارة الكلية انهم هيطبقوا نظام الساعات المعتمدة من اول الدفعة الى جاية الى هى دفعتكم هما وعدونا بكدا واعتقد ان شاء الله هيطبق عليكو
- الكلية اخيرا بقا فيها انترنت ويرلس يعنى ممكن تجيب الاب توب بتاعك وتدخل عالنت براحتك
- بقا عندنا مكتبة صغيرةداخل مبنى الكلية(لسه معمولة اخر السنة الى فاتت )
- التكيفات هتتغير بدل التكيفات البايظة (دا بعد ما صوتنا اتنبح طول السنة الى فاتت )
- اخر حاجة بقى بس دى مش متأكد انها هتطبق عليكم هى زيادة عدد التخصصات فى الكلية بحيث التخصص يبقى من سنة تانية والطالب هيتخصص فى مجال بعينه زى التسويق او ال h r من سنة تانية ....بس زى ما قولتلكم ده مش اكيد هيطبق عليكم يمكن انتوا ويمكن الدفعات الى بعدكوا
فى النهاية عايز اقولكم انتوا دخلتو كلية من احسن الكليات فى مصر مبروك عليكم وربنا يوفقكم
Darkness Boy 02-08-2011, 02:17 AM ربنا يخليك شوفت بقى وشنا حلو عليكو ازاى هههههههه ظبطونا بقى فى الكلية ههههه
و يا ريت تدينا معلومات عن الحاجات المهمة عشان تساعدنا
ahmed610 02-08-2011, 03:36 PM ظبطونا بقى فى الكلية ههههه
انت شكلك داخل على طمع
و يا ريت تدينا معلومات عن الحاجات المهمة عشان تساعدنا
حاضر بس قولى اية المعلومات الى عايز تعرفها وانا لو عارف اكيد مش هتأخر
nurahn 02-08-2011, 04:20 PM يا ريت بس حد يقلنا هي اول سنه في الشيخ زايد ولا بندرسهها في الجامعه عادي
nadaelgayar 02-08-2011, 09:49 PM بلييييييييييييييييييييييييييييييييييييز ارجو الرد انا خلاص هتجنن كل شوية حد يقولى كلام شكل على تجارة انجلش انا داخلة تالتة ثانوى جبت 85.4 علمى وهحول ادبى لانى عاوزة تجارة انجلش جامعة القاهرة او حلوان او عين شمس ومجموع الانجليزى بتاعى كان 19.5 من 25 ربنا يسامحك لانى بجد كنت بذاكر كويس اوى بليييييييييييييييييييييييييز حد يرد عليا بسرعة
rana 7assan 03-08-2011, 04:46 AM لو سمحتم هو فى تجاره انجلش خاصه ؟؟؟؟؟؟
sherouk 2011 03-08-2011, 05:19 AM سلام عليكم
انا برضه تجارة انجليش جامعه القاهرة الحمد لله
انا بس بستاذنكوا انا عاوزة اعرف معلومات اكتر عن الكلية لاني خايفه جدا منها وحاسه انها صعبه خصوصا اني كنت في مدرسة ثانوي عربي وكمان المصارف بتاعتها بتتدفع امتي ؟ وهل بتتدفع دفعات ولا علي بعضها؟
ارجو الرد سريعا لاني هروح اقدم ورقي بكرة ومش عارفه اخد معايا المبلغ المطلوب ولا ايه
ДmЯ ǻĦMéď 03-08-2011, 05:43 AM بلييييييييييييييييييييييييييييييييييييز ارجو الرد انا خلاص هتجنن كل شوية حد يقولى كلام شكل على تجارة انجلش انا داخلة تالتة ثانوى جبت 85.4 علمى وهحول ادبى لانى عاوزة تجارة انجلش جامعة القاهرة او حلوان او عين شمس ومجموع الانجليزى بتاعى كان 19.5 من 25 ربنا يسامحك لانى بجد كنت بذاكر كويس اوى بليييييييييييييييييييييييييز حد يرد عليا بسرعة
الاحسن ليكىى انك تحولى ادبى عشان انا دخلت تجارة انجلش اسكندرية وانا كنت جايب 87.8 وفى الانجلش جبت 42.5 بس اتجدعنى شوية فى الانجلش انا كنت جايب 20.5 فى تانية بس شديت فى تالته وجبت 22 وربنا يوفقك
solidsnake 03-08-2011, 03:10 PM سلام عليكم
انا برضه تجارة انجليش جامعه القاهرة الحمد لله
انا بس بستاذنكوا انا عاوزة اعرف معلومات اكتر عن الكلية لاني خايفه جدا منها وحاسه انها صعبه خصوصا اني كنت في مدرسة ثانوي عربي وكمان المصارف بتاعتها بتتدفع امتي ؟ وهل بتتدفع دفعات ولا علي بعضها؟
ارجو الرد سريعا لاني هروح اقدم ورقي بكرة ومش عارفه اخد معايا المبلغ المطلوب ولا ايه
بصي يا شروق الجامعة دي مستقبلها حلو جدا و مضمونة و الدراسة فيها مش صعبة بالعكس أقرب للسهولة هي المشكلة بالنسبة ليكي هي اللغة و ممكن تخدي كورسات انجليزي قبل الجامعة أو حد من زمايلك جوا يساعدك في اللغة و يفهمك و كدا و بالنسبة للمصاريف هي المفروض قسطين يعني ترم و ترم تقريبا 3500 الترم الاول و 1500 الترم التاني مش أكيد بس ممكن تأجلي الدفع لأي وقت في السنة
لو في شؤال انا موجود
solidsnake 03-08-2011, 03:15 PM الاحسن ليكىى انك تحولى ادبى عشان انا دخلت تجارة انجلش اسكندرية وانا كنت جايب 87.8 وفى الانجلش جبت 42.5 بس اتجدعنى شوية فى الانجلش انا كنت جايب 20.5 فى تانية بس شديت فى تالته وجبت 22 وربنا يوفقك
بصي انتي حولي أدبي لأن مجاميع علمي عالية أوي في تانية السنادي و دا هيقلل فرصتك
تاني حاجة لازم تجيبي في الانجليش السنا الجاية فوق 23 و تخدي انجليزي مستوي رفيع عشان يضاف
طريقة حساب المجموع للكلية كدا ( المجموع الكلي + مجموع اللغة الانجليزية في السنتين + مجموع المستوي الرفيع لو كان انجليزي ) و لازم يكون مجموع الانجليزي 40+
بالتوفيق
solidsnake 03-08-2011, 03:17 PM لو سمحتم هو فى تجاره انجلش خاصه ؟؟؟؟؟؟
في خاص بس بيبقي اسمها ادارة اعمال أو bussiness administration
solidsnake 03-08-2011, 03:19 PM وانا معاكم بس عاوز اعرف هى تجارة انجليش اصبحت منفصلة عن تجارة عربى ؟؟ كمان مصاريفها قلت ولا اتلغت ولا لسه زى ما هى ؟؟؟
منفصلة و ليها اتحاد طلبة منفصل و المصاريف تقريبا 4700
solidsnake 03-08-2011, 03:22 PM انا تجارة انجليش القاهرةةةة
مين هنا جامعة القاهرة ؟؟
كلنا معاك ...
solidsnake 03-08-2011, 03:24 PM طيب ممكن اعرف تجارة انجليزى (الاسكندرية) واخدة من كام ؟؟؟ وكمان ممكن اعرف مصاريفها بالكتب كام ؟ شكرا يا اجمل اعضاء ( kiss )
الاسكندرية 403 و المصاريف في حدود 4000
ahmed610 03-08-2011, 04:32 PM يا ريت بس حد يقلنا هي اول سنه في الشيخ زايد ولا بندرسهها في الجامعه عادي
موضوع الشيخ زايد دة قديم قوى من اول ما دخلت الكلية وهما كانوا بيقولنا هنوديكم الشيخ زابد بعد كدة قالولنا خلاص المبنى بتاع الشيخ زابد هيتحول لمبنى ادارى ومحدش هيروح هناك ......واخيرا سمعت ان الكلية باعت المبنى بتاع الشيخ زايد فا اعتقد ان موضوع الشيخ زايد دة اتلغى الا اذا انتى كان عندك معلومات جديدة :blush:
ahmed610 03-08-2011, 04:45 PM nadaelgyar
انا مش عارف يا ندا الناس بتقولك اية على تجارة انجلش بس هيا عموما كلية جميلة ولو انتى عايزة تدخليها متسمعيش كلام حد
على فكرة انتى محتاجة تجيبى فى محموع الانجليزى فى السنتين 40 من 50 على الاقل فا شدى حيلك
هتحتاجى طبعا تشدى حيلك شوية عشان ترفعى المجموع (على فكرة مجاميع تجارة انجلش السنا دى كانت منخفضة نسبيا )
ربنا معاكى
rana
فى كليات خاصة لتجارة انجلش بس بصراحة معنديش معلومات عنها
sherouk
متخفيش يا شروق الكلية مش صعبة ولا حاجة وتقريبا نص الطلبة او اكتر جايين من مدارس عربى وعادى يعنى بتحسى انك متلخبطة ومش عارفة حاجة اول كام شهر وبعد كدة هتتعودى
المصاريف بتدفع قبل الدراسة خصوصا لطلبة سنة اولى .فى السنين الى بعد كدة بندفع براحتنا
المصاريف حوالى 4500 ممكن تزيد حاجة بسيطة ممكن تدفع على قسطين القسط الاول حوالى 3000 والثانى 1500
nurahn 03-08-2011, 10:08 PM لا معنديش معلومات الحمد لله :) انا كنت سمعت بس ان اول سنه بنروح فيها الشيخ زايد بس معني كلامك يعني ان مفيش حد راح هناك من تجارة انجلش لحد دلوقتي ,,,,, وده احسن خبر سمعته والله
usernamo 04-08-2011, 01:28 AM انا كنت انهارده فى الجامعه و هقدم بكرة عادى ان شاء الله .. الموضوع سهل و الدخول سهل و كل حاجة جميلة .
و دفع المصاريف الترم الاول : 3180 جنيه ..^^
nurahn 04-08-2011, 01:33 AM طيب هو الدفع بكره عشان هما كانوا قايلين بعد اسبوعين ومعلش بس تتاكديلي معاكي اول سنه هندرسها في الجامعه عادي ولا فين ومعلش برده تسالي علكشف الطبي هيكون امتي معلش هتعبك معايا
zain said 04-08-2011, 02:38 PM يا ناااااااااااااااااااااس الحقونى انا سألت على مجموع تجارة انجليش قالو بتاخد من403 يعنى لو حسبناه هتطلع 98
ايه يا جماعة يعنى بتاخد اكتر من اعلام والسن وسياسة واقتصاد حد يفهمنى يا جماعة بالله عليكم :(
انا جالى احباط :( :( :(
zain said 04-08-2011, 02:43 PM يا ناااااااااااااااااااااس الحقونى انا سألت على مجموع تجارة انجليش قالو بتاخد من403 يعنى لو حسبناه هتطلع 98
ايه يا جماعة يعنى بتاخد اكتر من اعلام والسن وسياسة واقتصاد حد يفهمنى يا جماعة بالله عليكم :(
انا جالى احباط :( :( :(
فتحى1994 04-08-2011, 02:47 PM انا الحمد لله جالى تربيه عام المنصورة و احتمال احول تجارة انجليزى المنصورة انا جايب 367.5 من غير المستوى(فلسفه) و بالمستوى372
و جايب فى الانجليزى 41 ممكن الحق تجارة انجليزى المنصورة
ممكن رد
solidsnake 04-08-2011, 05:33 PM يا ناااااااااااااااااااااس الحقونى انا سألت على مجموع تجارة انجليش قالو بتاخد من403 يعنى لو حسبناه هتطلع 98
ايه يا جماعة يعنى بتاخد اكتر من اعلام والسن وسياسة واقتصاد حد يفهمنى يا جماعة بالله عليكم :(
انا جالى احباط :( :( :(
يابني في حاجة اسمها المجموع الاعتباري و بيكون كالاتي
الامجموع الاساسي + مجموع اللغة الانجليزي للسنتين بشرط يكون فوق ال 40 + مجموع المستوي لو كان انجليزي
مثال : انا جبت المجموع الكلي أدبي 376 + 48.5 مجموع الانجليزي + 9 مجموع المسوي انجليزي
كلو بقي = 433 ...
بس كدا
Darkness Boy 04-08-2011, 07:43 PM انت شكلك داخل على طمع
حاضر بس قولى اية المعلومات الى عايز تعرفها وانا لو عارف اكيد مش هتأخر
هههههههههه ما صدقت لقيت حد من تجارة انجليش القاهرة :]
عايز اعرف مثلا التخصص بيبقى من سنة كام اصلى سمعت انه من تالتة و سمعت انه من تانية :]
وهل هحتاج اخد كورسات كتير و لا icdl بس ؟
و لو فى اسئلة تانيه افتكرتها هبقى اسئلهالك معلش :]
mega man166 04-08-2011, 09:59 PM هوا ايه الفرق بين تجارة انجلش بنها والقاهره؟
انا سمعت ان فى مواد بتتدرس فى القاهره اكتر من بنها الكلام ده صحيح؟
وسمعت برده ان امتحانات القاهره بتيجى اصعب؟
ياريت حد يرد عليا عشان اعرف احول انه كليه من دول
وياريت لو حد يقولى مواعيد الكليه للفرقه الاولى....بنروح كام يوم فى االاسبوع
شذى شريف 05-08-2011, 12:42 AM طيب ياجماعة انا جاية 88.5 علمى السنة دى وجايبة فى الانجلش 46 وكنت واخدة مستوى انجلش هل هالحق تجارة انجلش ولا لا بليز ردوا عليا
mega man166 05-08-2011, 01:39 AM طيب ياجماعة انا جاية 88.5 علمى السنة دى وجايبة فى الانجلش 46 وكنت واخدة مستوى انجلش هل هالحق تجارة انجلش ولا لا بليز ردوا عليا
تلحقيها طبعا
شذى شريف 05-08-2011, 01:45 AM متاكد الله يخليك والله انا خايفة اوى
mega man166 05-08-2011, 01:47 AM متاكد الله يخليك والله انا خايفة اوى
ايوه متأكد
ريحى انت بالك بس ومتقلقيش
الى ربنا عاوزه ليكى خير:)
شذى شريف 05-08-2011, 01:56 AM ايوه متأكد
ريحى انت بالك بس ومتقلقيش
الى ربنا عاوزه ليكى خير:)
بجد مرسيه ليك اوى والله طمنتنى
tigerbig 05-08-2011, 05:57 PM أنا كنت عاوز أعرف مصاريف تجاره انجلش عين شمس بالكتب كام
ahmed610 05-08-2011, 11:04 PM darknessboy
يا معلم اسأل براحتك
بالنسبة للتخصص بيبقى فى اخر سنة (سنة رابعة ) يعنى فى اجازة اخر السنة بتاعت تالتة بتختار تخصصك
كان فى كلام عن انهم عايزين يخلو التخصصات اكتر ويخلو التخصص من تانية ودة هيبقى احسن طبعا بس لسة مفيش حاجة اتطبقت عملى
الكورسات بقى اعتقد الكلام عنها دلوقتى سابق لاوانة انت لسة بتقول يا هادى ومبدأتش حتى اول يوم فى الكلية
بس بشكل عام هتحتاج كورسات انجلش وكمبيوتر وحاجات تانية عشان تحطها فى ال cv بتاعك وتفيدك لما تتخرج وتدور على شغل
كورس ال icdl دة اجبارى على الطلبة كلهم ودة لازم تخدة مش عشان هو حلو اوى.. لا بس عشان اجبارى
mega man
معرفش الفرق بين القاهرة وبنها الموضوع دة عايز حد من تجارة بنها هوا الى يقولنا
tigerbig
معرفش كام بالظبط بس اعتقد اغلب شعب الانجلش بتاخد فى حدود 4500
rehamelnagar 07-08-2011, 06:29 AM طب ممكن يا جماعة حد يقولى انا جايبة 366.5 ادبى وجايبة فى الانجليش 41 جاتلى اثار الفيوم بس عايزة احول تجارة انجليش القاهرة ينفع ولا لا هيقبلونى ولا ايه ياريت حد يرد عليا
shrook93 07-08-2011, 11:24 PM ya gama3a ana kont 3ayza a5od ra2eko fe 7aga
ana kont 3ayza ad5ol 6ebb we gebt 94% bas :( fa gatly tegara english cairo fa kont bafakar en ana ad5ol 6ebb asnan 5as fa kol el nas bt2ole en tegara english a7san 3shan el sho4l we keda we 3adad el snen 2a2al we keda ya3ne
fa ana me7tara geda awlan 3shan ana kont ba7eb 6ebb bas aked mesh had5ol 6ebb we ba3den m3rafsh ashta4al thanyan 3shan ana 5ayfa geda manga7sh fe tegara english 3shan ana mba7ebesh 2a7faz 5aaaaaaaaales
fa yaret te2ololy eh ra2eko we kman 3ayza 2a3raf eh el mawad we kman feha 7efz kter wala eh
شذى شريف 07-08-2011, 11:51 PM انا من رايى ياشروق كملى فى تجارة انجلش ما دام ربنا اختارلك كده وبجد نصيحة منى متفكريش فى الجامعات الخاصة دى دى وجهة نظرى
nurahn 08-08-2011, 01:01 AM bose ya shroo2 anty 3mla zye blzbt fkol 7aga ana kman kan nfse ad5ol sydala awe wb3d m2dmt wr2e fl mti gtle tegara english cairo ana fdlt tegara 3n sydala 5sa l2sbab kter mnha ane msh hdf3 kol sna 35 alf gneh wfl2a5r atl3 ml2esh shoghl wda tb3n l2n fe gam3at 5sa kter bta5od 7d adna 75% llsydala fb2a fe wfra gmda mn alsydlnyen lkn tegara english 2olyl ale bid5olha bmgmo3 zy mgmo3na 94 w 95 wbikon feha nosohm adbe bmgame3 89 w 88 fsahl ank ttfwke feha wmgal shoghlha tb3n ra23 w most2blha w mstwaha kman kwysen gdn ftwkle 3la allah w 5leke m3aya flgm3a :D
usernamo 08-08-2011, 01:47 AM يا نورهان .. اظن من العيب ان تقللى من الادبى و من اللى جايب 89 - 88 ! .. يعنى مش عشان انتى جايبة درجة عالية تقللى مننا .. انا جايب 88 % و دخلت تجارة انجليزى عشان انا مفترى الحمد لله فى الانجليزى و ده تخصصى .. يعنى مش من السهل انك انتى تتفوقى عليا يا (( علمى و 94% )) لانها مش تتعمد على مجموع الثانوية العامة .. انا مش بقلل منك ما شاء الله مجموعك حلو .. بس عيب تقللى من غيرك لان ممكن يكون عنده ظروف منعته من انه يجيب درجة حلوة ! ..
ملحوظة : الجامعة غير الثانوية .. يعنى انسى التعليم الفاشل اللى كنا بنتعلمه ده .. جامعة القاهرة هناك بيتعاملوا معاكى انك طالبة و بس مش بمجموعك ..
و على فكرة من السهل ان الواحد يجيب مجموع فى الثانوية العامة يعنى لما الواحد زاكر الحمد لله جبت فى تالتة 95.8 .. و انا مش فاشل فى تانية اللى وقعنى مادةواحدة و هى الرياضة انما باقى المواد الحمد لله درجات شبه نهائية ! ..(( و كنت علمى فى تانية ))
فياريت بلاش عقد مقارنات بين الادبى و العلمى !
rehamelnagar 08-08-2011, 02:19 AM يا جماعة بالله عليكم حد يرد عليا ينفع احول تجارة انجليش ولا لا انا جايبة 89% ادبى وجايبة فى الانجليش 41
nurahn 08-08-2011, 04:00 AM علي فكره انا مقصدتش خالص اني اقلل من الي جايب 88 و 89 وعلي فكره معلومه في ناس معانا في تجارة وجايبين 98 % يعني اعلي مني بمراحل ومقصدتش كمان اني اقلل من بتوع ادبي لان معلومه انا كان نفسي ادخل ادبي ومعلومه ليك بتوع ادبي بيتفوقوا كتير علينا لانهم بيعرفوا يحفظوا انا الي قصدته بكلامي لما قلت اننا سهل نتفوق عليهم اننا عشان كان لينا هدف كبير اوي الي هو صيدله مثلا او طب اسنان زيها مثلا فهنكون عاوزين نتفوق اكتر في الجامعه الي دخلناها لاننا مقدرناش نحقق حلمنا الاول وده ميمنعش ان في ناس في ادبي كان برده حلمها اعلام وسياسه واقتصاد ومقدروش يحققوا حلمهم ده فبقت مساله تحدي زينا انهم لازم يتفوقوا لكن اكيد انا مش غبيه لدرجة اني هقلل من شان الناس الي جايبه مجموع قليل ولانهم ادبي لان دي مساله نصيب وياما ناس بتجيب 99 % وهما بهايم فياريت كنت تفهم قصدي الاول قبل متدخل شمال كده
rehamelnagar 08-08-2011, 04:15 AM طب نورهان او اى حد يرد عليا انا كدة ممكن اتقبل فى تجارةانجليش ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
nurahn 08-08-2011, 04:27 AM بصي يا قمر انا بجد معرفش بس الي اعرفه انه مفيش تحويل لتجارة انجلش والتحويل بيكون بس لتحارة عربي وبرده اسالي في شئون الطلبة او استني حد تاني يكون عارف ومتاكد من كلامه
rehamelnagar 08-08-2011, 04:34 AM بصي يا قمر انا بجد معرفش بس الي اعرفه انه مفيش تحويل لتجارة انجلش والتحويل بيكون بس لتحارة عربي وبرده اسالي في شئون الطلبة او استني حد تاني يكون عارف ومتاكد من كلامه
ازاى يعنى مش هعرف احول انا هروح الكلية بكرة اسأل وشكرا على ردك ياجميل
nurahn 08-08-2011, 05:00 AM ازاى يعنى مش هعرف احول انا هروح الكلية بكرة اسأل وشكرا على ردك ياجميل
بصي انا قريت في موضوع تاني انك ممكن تحولي لو مجموعك يسمح بس برده احسنلك تروحي بنفسك وتسالي وان شاء الله تنورينا في الجامعه
rehamelnagar 08-08-2011, 05:10 AM انا مجموعى يسمح بس المشكلة درجة الانجليش عموما هشوف وربنايخليكى ياقمر يارب اتقبل
shrook93 08-08-2011, 08:55 AM thnx nurhan and shaza
?3ande so2al tane bardo hya gam3et 3en shams a7san wala cairo
شذى شريف 08-08-2011, 12:28 PM انا جالى تجارة اسكندرية فى تنسيقى اعرف ازاى انها تجارة انجلش ومجموعى الاعتبارى 409ومكتوب جنب الكلية 383.5 ممكن حد يفهمنى
usernamo 08-08-2011, 02:18 PM علي فكره انا مقصدتش خالص اني اقلل من الي جايب 88 و 89 وعلي فكره معلومه في ناس معانا في تجارة وجايبين 98 % يعني اعلي مني بمراحل ومقصدتش كمان اني اقلل من بتوع ادبي لان معلومه انا كان نفسي ادخل ادبي ومعلومه ليك بتوع ادبي بيتفوقوا كتير علينا لانهم بيعرفوا يحفظوا انا الي قصدته بكلامي لما قلت اننا سهل نتفوق عليهم اننا عشان كان لينا هدف كبير اوي الي هو صيدله مثلا او طب اسنان زيها مثلا فهنكون عاوزين نتفوق اكتر في الجامعه الي دخلناها لاننا مقدرناش نحقق حلمنا الاول وده ميمنعش ان في ناس في ادبي كان برده حلمها اعلام وسياسه واقتصاد ومقدروش يحققوا حلمهم ده فبقت مساله تحدي زينا انهم لازم يتفوقوا لكن اكيد انا مش غبيه لدرجة اني هقلل من شان الناس الي جايبه مجموع قليل ولانهم ادبي لان دي مساله نصيب وياما ناس بتجيب 99 % وهما بهايم فياريت كنت تفهم قصدي الاول قبل متدخل شمال كده
انا دخلت شمال؟ يا سيدتى الفاضلة انا مقدرش اخش شمال فى حد .. انتى على رأسى من فوق و اسف لو كنت حاد فى الكلام .. و ياريت تتقبلى اسفى و رمضان كريم بقى ^^ اسف مرة تانية :022yb4::022yb4:
nurahn 08-08-2011, 02:55 PM شذي لما بتكون تجارة انجلش هو بيكتبلك جنبها شعبة لغة انجليزيه لو مكتبش تبقي تجارة عاديه
nurahn 08-08-2011, 02:57 PM انا دخلت شمال؟ يا سيدتى الفاضلة انا مقدرش اخش شمال فى حد .. انتى على رأسى من فوق و اسف لو كنت حاد فى الكلام .. و ياريت تتقبلى اسفى و رمضان كريم بقى ^^ اسف مرة تانية :022yb4::022yb4:
حصل خير والله اكرم
شذى شريف 08-08-2011, 04:34 PM طيب يانورهان انا سالت واحدة فيها قالتلى بتبقى مكتوبة تجارة بس وانتى بتروحى شئون الطلبة
nurahn 08-08-2011, 04:57 PM لا يا قمر ده نظام قديم كانوا بيعملوا تنسيق داخلي بعد متقبلي في كلية تجارة لكن دلوقتي تجارة انجلش بقت حاجه لوحدها وليها تنسيق لوحدها بصي انا ليا واحده صحبتي سمعت انها ممكن تدفعي فلوس اكتر وتدخلي تجارة انجلش بس انا مش مقتنعه بالكلام ده عالعموم هي هتروح بكره الجامعه تسال ولما تيجي هقولك قالولها ايه
nurahn 08-08-2011, 04:59 PM thnx nurhan and shaza
?3ande so2al tane bardo hya gam3et 3en shams a7san wala cairo
BOSE ACTUALLY ANA m3rfsh bs i think bdam alkolya bta5od mgmo3 a3la y3ne al2kbal 3leha akbr i think htkon tb3n a7sn f cairo bta5od a3la mn 3en shms b7aga bseta fm3na da an al 2 nfs almstwa t2rebn da t5men tb3n ana m3rfsh anhe a7sn fehm
shrook93 08-08-2011, 11:03 PM BOSE ACTUALLY ANA m3rfsh bs i think bdam alkolya bta5od mgmo3 a3la y3ne al2kbal 3leha akbr i think htkon tb3n a7sn f cairo bta5od a3la mn 3en shms b7aga bseta fm3na da an al 2 nfs almstwa t2rebn da t5men tb3n ana m3rfsh anhe a7sn fehm
thnx ya nurhan awy we isa nshof ba3d fe el gam3a dah law m7awltesh l 3en shams :)
nurahn 08-08-2011, 11:07 PM 5las stay there b2a w sebek mn 3en shms
cairo 7elwa :D:D
shrook93 09-08-2011, 12:11 AM hya 7elwa gedan bas el moshkela el meshwar kbeeeeeeeeeeeer gedaaaaan :(
fa rabena yesahel ba2a
شذى شريف 09-08-2011, 10:08 PM لا يا قمر ده نظام قديم كانوا بيعملوا تنسيق داخلي بعد متقبلي في كلية تجارة لكن دلوقتي تجارة انجلش بقت حاجه لوحدها وليها تنسيق لوحدها بصي انا ليا واحده صحبتي سمعت انها ممكن تدفعي فلوس اكتر وتدخلي تجارة انجلش بس انا مش مقتنعه بالكلام ده عالعموم هي هتروح بكره الجامعه تسال ولما تيجي هقولك قالولها ايه
انا سالت على موضوع الفلوس دا برده قالولى فى شئون الطلبة انك لو ملحقتيش وعايزة تدخليها تدفعى فى حدود الف او الفين انتى سمعتى كده برده ولا حاجة تانية
شذى شريف 09-08-2011, 10:13 PM انا سالت على الموضوع دا برده قالولى فى شئون الطلبة انك ممكن تدفعى الف او الفين تقريبا وتدخليها عادى لانى وقفت على نص فى المية انتى سمعتى كده برده ولا ايه يانور
nurahn 09-08-2011, 10:30 PM bose ana sa7bte ra7t w s2lt henak 2lolha an cairo english commerce 5les al3dd bt3ha lkn 3en shms lsa fhya ra7t 3en shms 2lolha mgmo3k al23tbare ykon 420 aw tkone gyba fl english alsnten 49 w da for free mn gher floos
nurahn 09-08-2011, 10:31 PM 420da l2nha 3lme ryada tb3n msh 3rfa adbe b2a mgmo3hm kam
شذى شريف 09-08-2011, 10:43 PM لا انا سالت فى اسكندرية ةقالولى ان درجة الانجلش 44 وانا جايبة 46 لكن المجموع موفقش مش عارفة بقى ربنا يسهل مرسيه ليكى خالص يانورهان
شذى شريف 09-08-2011, 10:44 PM انا مش ادبى انا علمى علوم
nurahn 10-08-2011, 12:15 AM اها لا انا كنت بقول ادبي لريهام يا حبي
عالعموم حاولي تسالي في الجامعات الي نزلت مرحلة تانيه لان زي مبقولك عين شمس فيها اماكن فحاولي تسالي فيها وان شاء الله خير
*atef* 10-08-2011, 02:04 PM يا جماعة انا قبلت تجارة انجلش عين شمس وجالى جواب الترشيح كده خلاص ولا لسه قى تنسيق داخلى
nurahn 11-08-2011, 12:15 AM يا جماعة انا قبلت تجارة انجلش عين شمس وجالى جواب الترشيح كده خلاص ولا لسه قى تنسيق داخلى
لا مفيش ومبروووك
usernamo 11-08-2011, 01:19 AM هنعمل ايه فى الكشف الطبى يا جماعه محدش يعرف انا عرفت مكان المستشفى بس الست مش قالتلى اروح امتى ؟!
shrook93 11-08-2011, 04:22 PM ?ya gama3a ana 3ayza 2a3raf tegara english cairo 2a7san wala 3en shams
3shan ana 2eblt fe cairo bs nas kter bt2ole 3en shams 2a7san 3shan as3ab we shahadetha 2a7san men cairo
yaret plz law 7ad ye3raf y2ole
usernamo 11-08-2011, 06:20 PM القاهرة طبعاً ... لان هى جامعة العاصمة و اقوى الشهادات المعتمدة بها .. و اللى ممكن يتقارن معاها هى حلوان انما عين شمس مش اوى يعنى ^ ^
mostafa khlifa 12-08-2011, 01:15 AM برحب بكل طلاب تجارة انجليزى واتمنى تقبلونى صديق جديد لكم ان شاء الله انا طالع اولى
shrook93 12-08-2011, 07:30 AM القاهرة طبعاً ... لان هى جامعة العاصمة و اقوى الشهادات المعتمدة بها .. و اللى ممكن يتقارن معاها هى حلوان انما عين شمس مش اوى يعنى ^ ^
thnx very much
bs ana sm3t en 2emt7anat 3en shams 2as3ab we 3shan keda shahadetha 2a7san bs mesh 3arfa ya3ne
same7 8 12-08-2011, 01:16 PM انا تجارة انجلش المنصورة بس اسمحولى انضم ليكو
اينشتاين العرب 12-08-2011, 01:23 PM القاهرة طبعاً ... لان هى جامعة العاصمة و اقوى الشهادات المعتمدة بها .. و اللى ممكن يتقارن معاها هى حلوان انما عين شمس مش اوى يعنى ^ ^
هو انت ازاي بتقول كده ؟؟؟؟ حلوان بتتقارن مع القاهره وعين شمس مش اوي يعني ؟؟؟ طب اسأل كده ايه اصعب جامعه في مصر وايه احسن شهاده في مصر هيقولولك جامعه عين شمس
zain said 12-08-2011, 04:44 PM ممكن سؤال ؟؟ هى مصاريف تجارة انجليش كلها على بعضها كام ؟؟ يعنى ال 4 سنين بيتدفع فيهم كام ؟؟ وكمان بدفع كل سنة أد ايه ؟؟ وهل ينفع اقسط ؟؟ انا بتكلم بخصوص تجارة انجليش طنطا او اسكندرية
nurahn 12-08-2011, 08:28 PM هو انت ازاي بتقول كده ؟؟؟؟ حلوان بتتقارن مع القاهره وعين شمس مش اوي يعني ؟؟؟ طب اسأل كده ايه اصعب جامعه في مصر وايه احسن شهاده في مصر هيقولولك جامعه عين شمس
لا بص هو بتحتلف من كلية لكلية لعني هقولك مثلا كلية تجارة فرنسيه مش موجوده غير فعين شمس عشان كده الجامعه دي مميزه لكن جامعة القاهره فيها القسم الاكتواري وجورجيا ودول مميزينها اما حلوان ففيها تجارة خارجيه وبالنسبه لتنافس الجامعات في كلية تجارة ففعلا زي مقال usernamo ان القاهره هي الاولي وبعدها حلوان
ومعلومه كمان عين شمس اصعب جامعة في مصر بس بتفضيل سوق العمل بيختاروا جامعة القاهره اولا لان الجامعه علي اد ماهي مش صعبه ولكنها بتدي المفيد وبس يعني جامعة عين شمس صعبه جدا وامتحانتها اصعب ومناهجها اكبر لكن في القاهره هو بيديك المفيد الي هتستعمله عشان كده برغم ان طالب عين شمس بتطلع عينه في الجامعه وبتكون عنده معلومات كتير ولكنه زي طالب هندسة اتصالات معلوماته غير مستفيده وفي النهاية لكل مجتهد نصيب والتقديرات بتميز
usernamo 13-08-2011, 04:17 AM هو انت ازاي بتقول كده ؟؟؟؟ حلوان بتتقارن مع القاهره وعين شمس مش اوي يعني ؟؟؟ طب اسأل كده ايه اصعب جامعه في مصر وايه احسن شهاده في مصر هيقولولك جامعه عين شمس
اصعب جامعة ف مصر عين شمس ... افضل مستوى تعليمى فى مصر جامعة المنصورة ..
لكن افضل مؤهل فى مصر .. جامعة القاهرة .. يكفى انها العاصمة .. يعنى لما تيجى تشتغل برة ... انا فى كاير .. انما لما تقول Ain Shams هيقولك يعنى ايه ^^ .. و اسال خريج تجارة انجليزى لان قريبى فى جامعة عين شمس و الاخر فى المنصورة و بيقولولى الكلام ده يعنى مش من فراغ .. عايز تدرس صح روح المنصورة .. عايز تذاكر صح روح عين شمس .. بس عايز احسن مؤهل يبقى القاهرة يا باشا ^^
solidsnake 14-08-2011, 08:54 PM يا جماعة الحكاية ان جامعة القاهرة وخدة شهادة الجودة و ليها ترتيب عالمي علي الجامعات
و لو كانت عين شمس أفضل من القاهرة يبقي لية مجموع القاهرة أعلي ؟!
mostafa khlifa 14-08-2011, 09:48 PM يا جماعة محدش يعرف التقديم امتا والكشف الطبى امتا انا مش عارف اكلم حد هنا خالص
SeLeNa 15-08-2011, 02:24 PM السلام عليكم،
انا تجارة انجلش القاهرة
وقدمت ورقي خلاص
لكن لسة مش عارفة ايه ظروف الكشف الطبي
وهيكون امتي بالضبط ؟
mohamed agha 15-08-2011, 08:00 PM انا الحمد لله معاكم فى تجاره انجلش ....
وكنت فى مدرسه حكومه عربى ....... ويكفى اقول حكومه عربى حدث ولا حرج......
بس عندى نقطه قلقان منها ......الانجليزى ...... عندى فجوه زمنيه فى الاكسينت ......
انا عارف انى هواجه صعوبه شويه فى الاول .... بس يا ترى الصعوبه دى هتطول وتخلينى اقفل من الكليه ولا هعرف اتجاوزها
اتمنى حد يفيدنى فى النقطه دى .......
وربنا يارب يوفقنا جميعا الى ما يحب ويرضى .............
nurahn 15-08-2011, 08:07 PM علي فكرة انا حاسه ان بتوع اللغات زيهم زي العربي لانهم كده كده هيدرسوا مصطلحات اول مره يسمعوها يعني الفرق مش كبير اوي وكمان كل الي كانه في تجارة انجلش قالوا ان الموضوع مش بيتجاوز اول كام اسبوع وبتتعود
SeLeNa 17-08-2011, 12:32 AM هو نظام الإمتحانات في تجارو انجلش عامل ازاي؟
يعني الإمتحان بيحتاج رغي وكتابة كتير
ولا ما قل ودل؟
nurahn 17-08-2011, 04:58 AM السلام عليكم،
انا تجارة انجلش القاهرة
وقدمت ورقي خلاص
لكن لسة مش عارفة ايه ظروف الكشف الطبي
وهيكون امتي بالضبط ؟
بعد العيد ان شاء الله وهيكون في مستشفي الطلبة في ميدان الجيزه
opop2005ahmed 17-08-2011, 02:51 PM السلام عليكم أحلى شباب
أنا تنسيقى رشحلى تجارة إنجليش القاهرة بس لسه ماروحتش أقدّم..
حد يعرف باب التقديم مفتوح لإمتى؟
mohamed agha 17-08-2011, 04:21 PM حاول تقدم قبل العيد
بس مش عارف باب التقديم مفتوح لحد امتى؟
shrook93 17-08-2011, 05:18 PM yaret ya gama3a law 7ad ye3raf 7aga 3an sho3bet Georgia ye2oly
mohamed agha 17-08-2011, 09:10 PM ايه شعبة جورجيا دى
rehamelnagar 17-08-2011, 11:55 PM انا الحمدلله يا جماعة حولت واتقبلت فى تجارة انجليش وخلاص هروح اقدم
vampire1188 18-08-2011, 01:20 AM السلام عليكم أحلى شباب
أنا تنسيقى رشحلى تجارة إنجليش القاهرة بس لسه ماروحتش أقدّم..
حد يعرف باب التقديم مفتوح لإمتى؟
باب التقديم ما زال مفتوح .. بلاش كسل وانزل قدم وخلص نفسك
هوا ساعة زمن هاتقدم ملفك وتروح
vampire1188 18-08-2011, 01:21 AM yaret ya gama3a law 7ad ye3raf 7aga 3an sho3bet georgia ye2oly
ايه شعبة جورجيا دى
بوست كاااامل عن برنامج جورجيا موجود في موضوع جامعة القاهرة
shrook93 18-08-2011, 02:38 AM بوست كاااامل عن برنامج جورجيا موجود في موضوع جامعة القاهرة
thnx vampire :022yb4:
opop2005ahmed 18-08-2011, 03:58 AM باب التقديم ما زال مفتوح .. بلاش كسل وانزل قدم وخلص نفسك
هوا ساعة زمن هاتقدم ملفك وتروح
تسلم عالمتابعة الرائعة و أنا رايح بكره إن شاء الله على الساعة 10 كده أبقى هناك
و بجد مش عارف أشكرك إزاى على الشرح التفصيلى للجامعة :022yb4:
prince2012 18-08-2011, 03:19 PM كل عام وانتم بخير في تجاره انجلش بني سويف
amrbardana 18-08-2011, 07:37 PM الا قولولى يا شباب هى مصاريف تجارة انجليزى مثلا المنوفية 3000 دى فى السنةولا الترم
amrbardana 18-08-2011, 07:41 PM انا الحمدلله يا جماعة حولت واتقبلت فى تجارة انجليش وخلاص هروح اقدم
وانا بردو حولت وقبلت بس هو كدة خلاص اتقبلنا ولا ايه وهى مصاريفها دى اللى مكتوبة عالمواقع فى السنة ولا الترم؟؟؟؟؟
opop2005ahmed 19-08-2011, 11:05 AM *Vampireأنا رحت قدّمت امبارح و ماشاء الله مكنش فيه غير 3-4 بيقدموا بس لمّا طلبت إذن المصروفات قاللى بعد العيد
سلمىمنةايةجنا 20-08-2011, 05:48 AM يا جماعة انا جاتلى تجارة انجلش بنها وعايزة احول القاهرة او عين شمس او حلوان ولما عملت التحويل بتاع تقليل الاغتراب على النت النتيجة جت بنها بردو بلييييييييييييييييز ساعدونى احول ازاى
Darkness Boy 21-08-2011, 06:25 PM الا قولولى يا شباب هى مصاريف تجارة انجليزى مثلا المنوفية 3000 دى فى السنةولا الترم
مش عارف ايه نظام المنوفية بس القاهرة المصاريف 4650 بندفع 3000 فى الترم الاول و 1650 فى الترم التانى بس طالما المنوفية يبقى 3000 فى السنة و أكيد مقسومة على ترمين لو عايز و الله أعلم :]
هديل عصمت عثمان 21-08-2011, 10:16 PM مبروك لكل الي دخل تجارة انجليزي القاهرة وانا انشاء الله معاكم وقبلت فيها بس انا عايزة اعرف ميعاد الكشف الطبي امتة وخايفة يروح عليه وشكراااااااااااااااااااااااااااااااااااااااااااااا اااااااااااااااااااااااااااا
mohamed agha 21-08-2011, 11:05 PM وهو الكشف الطبى لو راح . ايه اللى هيحصل؟
انا مش مهتم بيه لأنى عندى احساس انه مش مهم
karimatef28 22-08-2011, 09:30 AM يجماعة بعد ازنكو انا جايب 86% فى 2 وفى الأنجليزى 23 من25 وانا كنت علمى وهحول ادبى هل هقبل فى تالتة بأذن اللة تجارة انجلش القاهرة لو فضلت على نفس مجموعى او لو وصلت لحد 88% حد يرد عليا بعد ازنكو وهل هى صعبة خالص ولا وشكررا
elmoayad 22-08-2011, 03:23 PM انا تجارة انجلش سوهاج حد يعرف حاجة عنها
مررروة 23-08-2011, 05:09 AM انا تجارة انجلش القاهرة مجموعي 372.5يعني 90.8% والانجلش 43.5 بس انا كنت في ثانوي دراستي بالعربي هل ده هيكون عائق في دراستي بالكلية وبحب عامة الانجلش ومذاكرته اوي ارجووووووووو الرد thank you
محمود محسن مصطفى 23-08-2011, 05:41 AM انا معاكو فى قاهرة
karimatef28 23-08-2011, 06:02 AM هى تجارة انجلش القاهرة من كام السنة دة بعد ازنكو
sherouk 2011 23-08-2011, 10:07 PM السلام عليكم
علي فكرة يا شباب انا سالت في الكلية عن ميعاد الكشف الطبي وكدة(بالنسبه لطلاب جامعه القاهرة ) وقالولي هناك اننا نروح مستشفي الطلبه وممكن كمان بعد العيد
وسالت عن المصاريف ممكن تتدفع دفعات بعد العيد برده
وكمان عرفت ان الكتب مش خاصه بالدكاترة زي الكليات العاديه انما الكتب بتيجي من اميركا جاهزة
وكمان ان في امتحان mid term في الاسبوع السابع من الدراسه
وبصراحه طمنوني جدا من الدراسه وخصوصا اني كنت في مدرسه عربي بس مستوي الانجليش عندي كويس
هم قالوا اننا بنتعب جدا اول اسبوعين وبعد كدة بناخد ع الوضع حتي لو كنا مدارس انجليش لان في مصطلحات جديدة علينا كلنا
وربنا يوقفنا كلنا ان شاء الله وتكون سنه سعيده علينا باذن الله
وكل سنه وانتم طيبين
mohamed agha 24-08-2011, 03:18 PM السلام عليكم
علي فكرة يا شباب انا سالت في الكلية عن ميعاد الكشف الطبي وكدة(بالنسبه لطلاب جامعه القاهرة ) وقالولي هناك اننا نروح مستشفي الطلبه وممكن كمان بعد العيد
وسالت عن المصاريف ممكن تتدفع دفعات بعد العيد برده
وكمان عرفت ان الكتب مش خاصه بالدكاترة زي الكليات العاديه انما الكتب بتيجي من اميركا جاهزة
وكمان ان في امتحان mid term في الاسبوع السابع من الدراسه
وبصراحه طمنوني جدا من الدراسه وخصوصا اني كنت في مدرسه عربي بس مستوي الانجليش عندي كويس
هم قالوا اننا بنتعب جدا اول اسبوعين وبعد كدة بناخد ع الوضع حتي لو كنا مدارس انجليش لان في مصطلحات جديدة علينا كلنا
وربنا يوقفنا كلنا ان شاء الله وتكون سنه سعيده علينا باذن الله
وكل سنه وانتم طيبين
انا كده اطمنت
شكرا على مجهودك ونزولك الكلية فى الحر ده
انا برده كنت عاوز اسأل بس بكسل جدا
hadirreyad 24-08-2011, 04:57 PM ?ya gama3a ana 3ayza 2a3raf tegara english cairo 2a7san wala 3en shams
3shan ana 2eblt fe cairo bs nas kter bt2ole 3en shams 2a7san 3shan as3ab we shahadetha 2a7san men cairo
yaret plz law 7ad ye3raf y2ole
bos ana kaman sm3t en 3en shams w 7elwan a7san men cairo fe tgara eng 3ashan al tests beta3thom as3ab men cairo 3ashan kda ana d5alt tegara eng 3en shams w msh rdet ad5ol cairo
sherouk 2011 25-08-2011, 04:24 PM يا جماعه بليز انا كنت عاوزة اعرف اسماء المواد اللي بندرسها في سنه اولي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Sasso.M 26-08-2011, 12:54 AM Ya Gm3a momken 7d y2oly 3ala masaryf tgara english gma3t el kahara .. w ya rait 7d ykon ra7 f el 2yam dh 3lashan sm3t enhom 3lo el masaryf f 3yza 23raf eza kan dh s7 wala l2 ? w lw s7 f el masaryf kam 3lashan lma ro7t kant 4650 l .e?
bonda_ahmed 02-09-2011, 11:38 PM يا ريت يا جماعه لو نعمل جرووب للكليه عشان نسههل التواصل
Darkness Boy 03-09-2011, 02:20 AM انا تجارة انجلش القاهرة مجموعي 372.5يعني 90.8% والانجلش 43.5 بس انا كنت في ثانوي دراستي بالعربي هل ده هيكون عائق في دراستي بالكلية وبحب عامة الانجلش ومذاكرته اوي ارجووووووووو الرد thank you
انا كمان كانت دراستى عربى بس مظونش ده هيأثر على دراستنا فى الكلية و ربنا معانا إانشاء الله
Darkness Boy 03-09-2011, 02:25 AM يا ريت يا جماعه لو نعمل جرووب للكليه عشان نسههل التواصل
فعلا عندك حق عموما لو هنعمل جروووب ده الفيس بتاعى http://www.facebook.com/islam.cenation
mohamed agha 05-09-2011, 12:50 AM يا ريت يا جماعه لو نعمل جرووب للكليه عشان نسههل التواصل
حلوة جدا فكرة الجروب دى
islamic_2010 05-09-2011, 10:23 AM شكرااااااااااا جدا يا جماعة
same7 8 06-09-2011, 12:38 PM ana ola tegara english gam3t el mansoura w esm7oly andm lekoo
bonda_ahmed 06-09-2011, 02:30 PM يا جماعه اللي موافق علي فكره الجروب يا ريت يبعتلي ع الميل عشان نشوف هنعمله ازاي
منى عاشقة الكيمياء 07-09-2011, 07:15 AM كل سنه وانتم طيبين عام سعيد انا معاكو اولى تجاره القاهره
منى عاشقة الكيمياء 07-09-2011, 07:16 AM اه طبعا موافقين
bonda_ahmed 07-09-2011, 08:05 AM شباب ان خلاص عملت الصفحه بس للاسف عشان انا عضو جديد هنا في المنتدي مش هينفع احط اللينك دلوأتي ممكن تبعتولي ع الايميل وانا ابعتلكو اللينك او لو في حد من الاعضاء القديمه ياريت برضو يكلمني ع الميل وياخد اللينك يحططه االايميل بتاعي هو نفس اسم الاكونت بس ياهوو bonda_ahmed
rehamelnagar 19-09-2011, 05:33 AM طيب ياريت ياجماعة بالنسبةللاقساط اول قسط بكام واما ادفعه باخد الكارنيه ولا لازم ادفع كله؟؟
shrook93 19-09-2011, 09:54 AM أول قسط تدفعى 3200 جنيه
بس مش عارفة حوار الكارنيه ده
Darkness Boy 20-09-2011, 02:46 PM انا رحت و دفعت قسط أول 3180 جنيه و قالوا الكارنيه اول الدراسه استلمو اما بالنسبه للكشف الطبى يوم 4 أكتوبر و ندبس صورتنا على الورقه و نملا البيانات المطلوبة
صابونة 22-09-2011, 11:49 PM انا كمان تجارة انجليزى جامعة القاهرة يارب تكون سنة سعيدة علينا وربنا يوفقنا كلنا
صابونة 26-09-2011, 11:31 PM ياجماعة لو سمحتوا انا تجارة انجليزى جامعة القاهرة وهسكن ف مدينة والمدينة5\10والدراسة1\10فكنت بسال ع الغياب اول اسبوع ايه نظامه ارجوكو حد يرد عليا
vampire1188 28-09-2011, 01:16 AM ياجماعة لو سمحتوا انا تجارة انجليزى جامعة القاهرة وهسكن ف مدينة والمدينة5\10والدراسة1\10فكنت بسال ع الغياب اول اسبوع ايه نظامه ارجوكو حد يرد عليا
فــاكس .. الغياب بيتحسب من اول مابيتوزع عليكو الاي ديهات بتاعتكو
اللى هيا غالبا بتبقى معاكو بعد اول اسبوع
صابونة 28-09-2011, 08:06 PM شكرا جدا لردك عليا وربنا يوفقك حسب السنة اللى فيها
emma3 18-07-2012, 07:13 AM انا ادبى جابت 89% english 40 ممكن اعرف english السنة الى فاتات كان كام فى ناس قالت 45 plz ردو
vampire1188 20-07-2012, 02:39 PM انا ادبى جابت 89% english 40 ممكن اعرف english السنة الى فاتات كان كام فى ناس قالت 45 plz ردو
على حسب الجامعة .. بس عموما الطبيعي انها بتاخد من 40 في الانجليش .. الا اذا كان فيه افتكاسات بقى زي جامعة اسكندرية كدا ساعات بتستعبط لكن باقى الجامعات زي ماقولتلك
عذبة الاحساس 20-07-2012, 11:30 PM طيب هي بتاخد من كام السنة دي؟
انا طالعة تالتة وممكن اخري اجيب 85 في المية ينفع ادخلها ولا لأ؟
vampire1188 21-07-2012, 12:06 AM طيب هي بتاخد من كام السنة دي؟
انا طالعة تالتة وممكن اخري اجيب 85 في المية ينفع ادخلها ولا لأ؟
مســـتحيل طبعااااااا
mohamed_gad_ 21-07-2012, 12:47 AM طب انا جايب 337 من غير المستوي الرفيع العربي ومجموعي الاعتباري380.5 من غير المستوي وجايب في الانجليزي 43.5 وبيقولو ان السنادي في تنسيق داخلي وانا في اسكندرية هل هدخلها ولا مستحيل
vampire1188 21-07-2012, 09:04 PM طب انا جايب 337 من غير المستوي الرفيع العربي ومجموعي الاعتباري380.5 من غير المستوي وجايب في الانجليزي 43.5 وبيقولو ان السنادي في تنسيق داخلي وانا في اسكندرية هل هدخلها ولا مستحيل
صعب شوية .. انتا عموما قدم بس حط في دماغك انك بتقدم وخلاص
يعنى جت تبقى خير وبركة ولو ماجتش يبقى فكك وماتحطش في دماغك عشان بس ماتعلقش نفسك بيها
bingo22 23-07-2012, 11:24 AM انا جيبة مجموع اعتباري 395 ممكن احصلها انا ادبي
vampire1188 23-07-2012, 12:17 PM انا جيبة مجموع اعتباري 395 ممكن احصلها انا ادبي
على حسب الجامعة .. القاهرة وعين شمس بياخدو اعلى حاجة وبتبقى غالبا فوق الـ 400 كمجموع اعتباري
حلوان بتنزل شوية .. بنها بتنزل كتير
مع مراعاة لو قولتي ان انا اضمنلي اخش بنها وهيا بعيدة عنك مش هاتقدري تحولي وهاتتبهدلي طول الاربع سنين في المشوار من بيتكو للجامعة
emma3 25-07-2012, 09:13 PM انا ممكن اعرف هى اة قسم جورجيا تجارة انجليزى و هو موجود السنة دى و بكام و انا لازم اعمل اة عشان ادخلوا..plzردو
vampire1188 26-07-2012, 07:27 PM انا ممكن اعرف هى اة قسم جورجيا تجارة انجليزى و هو موجود السنة دى و بكام و انا لازم اعمل اة عشان ادخلوا..plzردو
هاتلاقي كل التفاصيل هنا
http://thanwya.com./vb/showthread.php?t=342098
yuki2002 29-07-2012, 11:08 PM السلام عليكم
انا علمى رياضة جايب 359 (%87.56)+2.5 مستوى رفيع عربى يعنى المجموع الكلى =88.1%
ودرجة الانجلش 41.5
انا مرحلة تانية
هل هلحق تجارة انجلش القاهرة مستريح؟؟
هل هكتب فى الرغبات تجارة بس ولو تجارة بس فى حاجة اسمها تنسيق داخلى؟ وهل مجموعو بيزيد ولا طالما دخلت تجارة خلاص المهم درجة الانجلش بس؟؟؟ ولا تجارة شعبة لغة اتجليزية ؟
عاشق.الفيزياء 03-08-2012, 07:19 PM السلام عليكم
انا علمى رياضة جايب 359 (%87.56)+2.5 مستوى رفيع عربى يعنى المجموع الكلى =88.1%
ودرجة الانجلش 41.5
انا مرحلة تانية
هل هلحق تجارة انجلش القاهرة مستريح؟؟
هل هكتب فى الرغبات تجارة بس ولو تجارة بس فى حاجة اسمها تنسيق داخلى؟ وهل مجموعو بيزيد ولا طالما دخلت تجارة خلاص المهم درجة الانجلش بس؟؟؟ ولا تجارة شعبة لغة اتجليزية ؟
انا زيك بالظبط علمي رياضة وجايب 361.5 (88.1%) وعايز ادخل تجارة انجليزي جامعة القاهرة
بس المشكلة ان التنسيق مفيهوش غير تجارة بس مفيش تجارة انجليزي
وعايز اعرف ده هيبقى تنسيق داخلي ولا ايه ويا تري ممكن اقبل ولا لا مع العلم اني جايب 41.5 انجليزي
alzeiny 03-08-2012, 09:38 PM السلام عليكم
انا مجموعي 345.5 علمي رياضة (لغات) و انا جايب في الانجليزي 45.5 و واخد مستوى رفيع انجليزي و جبت فيه 9 من 10
يعني المجموع الاعتباري كده 400 صح؟؟؟
فهل الحق تجارة انجليزي
في اي وحدة من الجامعات دي
عين شمس
القاهرة
حلوان
هل ممكن الحق اي واحدة فيهم
m_king7774 24-08-2012, 04:53 PM انا جايب فى الانجليزى 42.5 والمستوى 7.5 والمجموع الكلى 91.6 والمجموع الاعتبارى بتاعى 420.5 هل ممكن ادخل تجاره انجليزى عين شمس ؟؟؟
Matrix159 29-08-2012, 12:57 PM انا معاكو بس عاوز اعرف انهى احلى تجارة انجليزى ولا هندسة خاصة؟
elramly12 29-08-2012, 04:34 PM الي جايب المجموع الاعتبار علمي رياضة 404.5
ينفع يحول لتجارة انجليزي
|