badnamef4
31-07-2011, 02:44 AM
بسم الله الرحمن الرحيم
السلام عليكم و رحمة الله و بركاته
الجواب باين من عنوانه
أنا الحمد لله جات لي حاسبات القاهرة و طبعت ورقة الترشيح
أعمل إيه دلوقتي؟
محتاجين ورق إيه؟ أروح امتى؟ إيه آخر معاد؟ إيه رقم التليفون اللي أستفسر منهم عن كل ده؟ و أي معلومة حضرتك شايف إن المفروض واحد حاسبات القاهرة أو حاسبات بشكل عام المفروض يعرفها
السلام عليكم و رحمة الله و بركاته
ahmed abobakr
31-07-2011, 03:14 AM
انا حاسبات القاهرة والتقديم كان بيبقى بعد نتيجة التنسيق بأسبوع تقريبا
crazy memo
31-07-2011, 04:52 PM
اعتقد انك بتاخد ورقة الترشيح
وتروح الجامعه بتاعتك وهما هناك
بيقولوا لك كل حاجه انت محتاجها
بس مبدئيا اعرف انك محتاج 12 صورة
وهناك بيقولوا لك كل اللى انت محتاجه
badnamef4
31-07-2011, 07:36 PM
صاحبي راح و هقول المعلومات جايز حد يحتاجها
بس المعلومات دي مش أكيدة عشان كنت نص نايم نص صاحي و احتمال أبقى نسيت
بس الحاجات دي هتحتاجها إن شاء الله و احتمال تبقى محتاج حاجات كمان يا ريت الطلبة اللي أكبر مننا و هناك في الكلية يسألوا لنا و يوعونا
عامة هما عايزين شهادة الميلاد و بيان النجاح و استمارة 2 جند (دي من المديرية ) و الرقم التجنيدي أو استمارة 6 جند مش متأكد ( و دي من القسم تقريباً ) و احتمال البطاقة و 6 صور
و كل حاجة أصل و صورة عشان ياخدوا الصورة و يقارنوها بالأصل
بس الكلام ده كله طبعاً مش أكيد و أنا مش مسئول عن أي حاجة
يا ريت فعلاً لو حد يقدر يفيد أكتر
السلام عليكم و رحمة الله و بركاته
sygma-zita
05-08-2011, 02:28 PM
انت هاتروح بعد أسبوعين أو 10 أيام للكلية و معاك شهادة الميلاد الأصلية و استمارة النجاح من ثانوى و ورقة الترشيح و 6 صور شخصية و صور لكل الحاجات دى و المصاريف فى حدود 160 جنيه و لو عاوز تستفسر أكتر خد نمرة الكلية من الدليل
أى خدمة يابشمهندس