آعـرف ( آلـتـحـويـل , مـيـعـآد آلـتـقـديـم ) . [الأرشيف]

issac-newton

31-07-2011, 04:34 PM

تـحـيـآتـي ,
يـآربـ آقـدر آفـيـد و آخـد حـسـنـآتـ ,. مـحـتـآجـنـهـآ فـي رمـضـآنـ ,

آزاي تـعـرف مـيـعـآد آلـتـقـديـم .؟

آنـزل جـآمـعـتـك و آسـآل و هـآ تـعـرف و مـثـآل بـسـيـط .
آلـقـآهـرة بـعـد 10 آيـآم تـقـريـبـآ , آلـمـنـصـورة بـعـد أسـبـوعـيـن فـآكـثـر
آلـمـهـم لآزمـ تـنـزل تـسـآل .

مـنـيـن تـجـيـب آسـتـمـآرة 2 جـنـد ؟.

مـن مـنـطـقـة آلـتـجـنـيـد ( بـس )
آلـمـركـز هـتـدوخـ .
مـنـطـقـة آلـتـجـنـيـد و لـيـس مـكـتـب آلـتـجـنـيـد
و للآضـآفـة لـو آنـت مـن آلـمـنـصـورة آو حـتـه قـريـبـة
هـآتـهـآ مـن سـنـدوبـ
لـو مـن طـنـطـآ آو حـتـه قـريـبـة هـآتـهـآ مـن طـنـطـآ

آلـتـحـويـل : -

تـآبـع آلـجـرايـد و مـوقـع آلـتـنـسـيـق هـيـفـتـح تـحـويـل آلـكـتـرونـي تـحـط فـيـه 3 أو 2 رغـبـة و تـنـتـظـر آلـرد .
و مـن مـكـتـب آلـتـنـسـيـق فـي آلـمـنـصـورة قـآلـي بـعـد نـتـيـجـة آلـمـرحـلـة آلـتـآنـيـة

لـو عـآيـز تـحـول زيـي مـثـلـن مـن آلـمـنـصـورة لـلـقـآهـرة و آنـت وآخـد ثـآنـوي مـن آلـدقـهـلـيـة .
آثـبـت آنـك مـقـيـم هـنـآك فـي آلـقـآهـرة بـعـقـد تـمـلـيـك بـآسـم آلأبـ
و آلـتـحـويـل بـيـكـون تـحـويـل ورقـي مـش آلـكـتـرونـي
حـتـى قـآلـي جـرب آلآتـنـيـن بـس آلـآهـم آلـورقـي .,

. . .

:friendsxs3:آدعـولـي بـئـآ

Student123

31-07-2011, 05:18 PM

طب الي عايز يحول من طب الي اسنان ؟؟ ممكن ولا صعب ؟؟

issac-newton

31-07-2011, 05:29 PM

لآ صعب و لآ حآجة . . رآجع قوآعد آلتحويل لكلية غير منآظرة طآلمآ جآيب مجموعهآ . ربنآ يوفقك

البنوته ميوده

31-07-2011, 06:06 PM

Amr Eltaweel

31-07-2011, 06:14 PM

طب هي استمارة 2 جند دي بجيبها لو هقدم عادي ولا اللي هيحول بس ؟

Mohamed7755

31-07-2011, 06:15 PM

طب انا كنت عايزه احول من صيدله بنى سويف لصيدله القاهره
وروحت وسالت وقالولى بعد نتيجه المرحله التانيه وكل حاجه هتبقى الكترونى ع النت
وقالولى متقدميش ف بنى سويف دلوقت الا اما تعرفى نتيجه التحول

أنا نفس الكلام جالى صيدلة بنى سويف وعاوز أحول المنصورة

بس موقع التنسيق مش فاتح حاجة عن التحويل

فياريت لو تعرف امتى قولى وأكون شاكر جداااااااااااااااااااااااا

ningooooo

31-07-2011, 06:25 PM

شكرا جدا لحضرتك علي معلوماتك المفيدة

البنوته ميوده

31-07-2011, 07:00 PM

أنا نفس الكلام جالى صيدلة بنى سويف وعاوز أحول المنصورة

بس موقع التنسيق مش فاتح حاجة عن التحويل

فياريت لو تعرف امتى قولى وأكون شاكر جداااااااااااااااااااااااا
مانا بقول لحضرتك اهوه انا روحت مكتب التنسيق وقالى الموقع هيفتح بعد نتيجه المرحله الاولى
وهيستر التحويل لمده يومين
هتكتالكليه اللى عايز تروحهه
ومتروحش تقدم ف بنى سويف خالص
انا كمان بنى سويف وقالولى كدا

البنوته ميوده

31-07-2011, 07:01 PM

سورى بعد نتيجه المرحله التانيه مش الاولى:)

Eng:Noussa

31-07-2011, 07:30 PM

السلام عليكم ورحمه الله
انا هندسه المنوفيه وعاوزه احول هندسه القاهره
بس هى اعلى ب1% ينفع ولا لا؟؟؟؟؟؟؟؟؟؟؟

mostafahero

31-07-2011, 09:07 PM

انا من المنصوره وجالى طب الزقازيق وفرقت على درجه عايز احول المنصوره اعمل ايه والتحويل امتى ارجو معرفه الميعاد والرد ضرورى ارجو المساعده وهل التحويل لازم بعد سنه ؟؟؟؟؟؟؟ واقرب ميعاد للتحويل امتى ؟

علاء محمد سليم

31-07-2011, 09:15 PM

ينفع احول من تربيه الزقازيق لسياحه وفنادق الاسماعيليه ازاى وايه الاوراق المطلوبه

علاء محمد سليم

31-07-2011, 09:17 PM

ارجو الرد بسرعههههههههههههه

البنوته ميوده

01-08-2011, 12:04 AM

السلام عليكم ورحمه الله
انا هندسه المنوفيه وعاوزه احول هندسه القاهره
بس هى اعلى ب1% ينفع ولا لا؟؟؟؟؟؟؟؟؟؟؟
حتى لو الفرق 10 درجات مش مهم المهم انك جايبه الحد الادنى لهندسه وربنا يوفقك

البنوته ميوده

01-08-2011, 12:05 AM

.محمد.

01-08-2011, 12:17 AM

.
آلـتـحـويـل : -

تـآبـع آلـجـرايـد و مـوقـع آلـتـنـسـيـق هـيـفـتـح تـحـويـل آلـكـتـرونـي تـحـط فـيـه 3 أو 2 رغـبـة و تـنـتـظـر آلـرد .
و مـن مـكـتـب آلـتـنـسـيـق فـي آلـمـنـصـورة قـآلـي بـعـد نـتـيـجـة آلـمـرحـلـة آلـتـآنـيـة

لـو عـآيـز تـحـول زيـي مـثـلـن مـن آلـمـنـصـورة لـلـقـآهـرة و آنـت وآخـد ثـآنـوي مـن آلـدقـهـلـيـة .

شكرا اوى بس دلوقتى فى حاجه
ازاى رغبتين أوتلاته لانهم فى موقع التنسيق بيقولوا متاح التحويل لكلبات مناظره داخل القطاع ألف فقط وبالنسبه لو جاتلى حاجه بره المنصوره مش هيبقى متاح له التحويل االا للمنصوره فقط يعنى رغبه واحده مش اتنين او تلاته
مستنى ردك

issac-newton

01-08-2011, 01:02 AM

البنوته ميوده

من مكتب تنسيق المنصورة : -
قالي تقدم ما تقدمش مش فارقة و مش خسران
استنى التحويل الالكتروني او الورقي بعد نتيجة المرحلة التانية . ,

Amr Eltaweel

لآزم الآستمارة يآ باش مهندس عمرو مطلوبة في التقديم ,,

Mohamed7755

تآبع موقع التنسيق و من بعد المرحلة التانية هيبدآ التحويل
+ تآبع الجرايد .

ningooooo

ربنآ يخليكي و شكرآ ع آلمرور

Eng:Noussa

ينفع لتقليل الاغتراب
لازم تثبتي انك مقيمة في القاهرة ,
عقد تمليك باسم الاب , و باذن الله تحولي
لاني نفس القصة وسآل بس انا في المنصورة

mostafahero

القوانين الجديدة معتش التحويل بعد سنة
تقدر تحول و ربنا معاك
بعد نتيجة المرحلة التانية شوف التحويل الالكتروني ,

علاء محمد سليم

معنديش معلومة اكيدة بس لو الكليتين دول كليات عادية ملهاش اختبرات ممكن تحول ,

.محمد.

لاء لو بالنسبة للمنصورة
يعني مثلن لو ثانويتك من الدقهلية قطاع الف عندك
منصورة و طنطا و الزقازيق , على ما افتكر
لان الكليات دي مش كليات وحيدة زي اعلام او بترول
فا تقدر تحول و بيكون اودامك كذا رغبة , 2 او 3
و الاولوية للمجموع و للأسبق .

gaber hashesh

01-08-2011, 01:37 AM

طب انا عااااااااايز احول من علوم لبيطرى فى نفس المنطقه اعمل ايه؟

yami677

01-08-2011, 02:14 AM

انا جالي في التنسيق حاسبات حلوان بس انا دلوقتي غيرت رايي وعايز احول هندسة حلوان وانا جايب مجموعها هينفع احول ولا

و ربنا يجعله في ميزان حسناتك

احمد رضا حامد مسلم

01-08-2011, 02:15 AM

انا جالي هندسة طنطا وعاوز احول المنصورة هل ممكن
مع اني من المحلة

issac-newton

01-08-2011, 02:23 AM

gaber hashesh

تحويل لكلية غير منآظرة
لو جآيب مجموعها مفيش مشكلة ,
استنا لما التحويل يفتح .

yami677

نفس الحكآية

احمد رضا حامد مسلم

بسيطة آستنآ بآب التحويل و حول آلكتروني , و ربنا يوفقك

Dr Fatma

01-08-2011, 03:36 AM

شكرااااااااااااااا بجد ع كل الاجابات
ربنا يجعله ف ميزان حسناتك ان شاء الله

علاء محمد سليم

02-08-2011, 07:48 PM

ردوااااا :giljotiiniug3:ياجدعااااااااااااااااااااااااااااان

star-55

02-08-2011, 10:22 PM

بسم الله الرحمن الرحيم

السلام عليكم

معلش لو سمحت انا جتلى تجارة انجلش

وعاملة تظلم ورافعة قضية عشان تجيلى درجة ان شاء الله اخش بيها صيدلة لان بينى وبين صيدلة نص درجة

هل اقدم ورقى ف تجارة انجلش الاول؟؟؟

ولا لما تجينى الدرجة ان شاء الله اقدم ع صيدلة ؟؟؟؟

issac-newton

02-08-2011, 11:12 PM

star-55 (http://www.thanwya.com/vb/member.php?u=275846)
تقدمي في تجارة عادي , , وبعد لما تجيلك الدرجة باذن الله , , تخشيها عادي مفيش مشاكل
على فكرا يا شباب لسا كنت في مكتب التنسيق قالي التحويل الكتروني و لو الوزير طلب بعد كدا تحويل ورقي هنقبل تحويل ورقي
فا تابعوا موقع التنسيق بعد نتيجة المرحلة التانية و ربنا يوفقك

علاء محمد سليم , انا اديت لحضرتك رد على حسب معلوماتي

ENG.HAGAR

02-08-2011, 11:19 PM

بارك الله فيك على مساعدتك الطلبة يا باش مهندس

mido0mado

02-08-2011, 11:45 PM

يعنى ايه نسبة العرة فى المية لتقليل الاغتراب اصل انا جتلى هندسة المطرية و عاوز احول الزقازيق ينفع ان اء الله ياريتا حد يرد على

issac-newton

03-08-2011, 12:01 AM

بآآش مهندسة هآآجر نورتي الموضوع أصلي عارف الآحساس دا , فا سآلت كتير و بفيد على حسب الآمكان

نسبة ال 10 في المية لتقليل الاغتراب مثلن
لو الجامعة بتاخد 300 طالب و طالبة
بيكون في نسبة زيادة 30 كرسي زيادة للي عايزين يحولو الكلية دي من المغتبرين
مثلن انت قريب من المنصورة يعني المنصورة عندك منطقة الف
وجاتلك هندسة الزقازيق بتعمل التحويل و بتكون ضمن ال 10 في المية لو اتقبلت
الاولوية اولا للمجموع ثانيا للي بيلحق .

issac-newton

03-08-2011, 12:03 AM

للعلم كنت في جامعة القاهرة انهرده ,,
قالوا التقديم كمان اسبوع .. ;)

ENG.HAGAR

03-08-2011, 12:21 AM

بآآش مهندسة هآآجر نورتي الموضوع أصلي عارف الآحساس دا , فا سآلت كتير و بفيد على حسب الآمكان

العفو يا باش مهندس
فعلا ده مهم جداااا

للعلم كنت في جامعة القاهرة انهرده ,,
قالوا التقديم كمان اسبوع .. ;)

احنا ان شاء الله " هندسة عين شمس " الاحد الجاى ولا عزاء للقاهرة .
:)

malk sami

03-08-2011, 12:30 AM

طيب اللي يحول مالوش حق يدخل المدينة الجامعية؟؟؟؟؟؟؟

issac-newton

03-08-2011, 01:33 AM

بآآآش مهندسة هآآجر بآآلتوفيق ,, آصلن من آجمد الهندسآآت لو مش الآآجمد هيآآ و المنصورة ,, من نآآحية آآلدراسة ..

malk sami (http://www.thanwya.com/vb/member.php?u=453097)
لو كلية زي اعلام او بترول سويس تخطيط عمراني القاهرة .. الخ من الكليات و المعاهد الي ملهاش زي , بيكون فرصتهم في المدينة اكبر بس اظن غير كدا لاء , + اسألي في المدينة الجامعية هيدوكي عنوان موقع تدخلي عليه تطبعي اربع ورقات تمليهم و تقدميهم وانتي مش خسرانة اي حاجة

makeitdone

03-08-2011, 10:21 PM

لو سمحت يا استاذ issac - newton عندي سؤال :

انا جبت 400.5 من الدقهلية وجبت هندسة المنصورة بس عاوز احول هندسة القاهرة اعمل ايه؟

وهل التحويل الالكتروني دا اقليمي ولا لا؟

ولو اقليمي ايه المطلوب في التحويلات الورقية؟

ENG.HAGAR

03-08-2011, 10:59 PM

بآآآش مهندسة هآآجر بآآلتوفيق ,, آصلن من آجمد الهندسآآت لو مش الآآجمد هيآآ و المنصورة ,, من نآآحية آآلدراسة ..
فعلا القاهرة وعين شمس من اجمد الهندسات وده ما يختلفش عليه اتنين .
انا بس كنت بقولها على سبيل النكات .
ربنا يوفقنا كلنا ياااااااارب

abduo93

03-08-2011, 11:54 PM

طيب التحويل الورقي دا بيبقي بعد المرحلة التانية بردو ولا امتي ؟
و لو هاحول اقدم في الكلية الاول ولا استني ؟

O_zamalek

04-08-2011, 12:51 AM

طب واللى سأل فى علوم طنطا وقاله 10 أيام يبقى كل طنطا كده ولا لازم حد يكون راح صيدلة طنطا؟؟

issac-newton

04-08-2011, 01:02 AM

makeitdone (http://www.thanwya.com/vb/member.php?u=568548)
نفس مشكلتي فرصتك في التحويل الالكتروني ضعيفة ,, و التحويل الورقي اتلغى , بس احتمال لو الوزير طلب تحويل ورقي بعد الالكتروني يفتحوا التحويل الورقي تاني ,, لازم عقد شقة تمليك باسم الوالد ,, و تقدر تحول ..

abduo93 (http://www.thanwya.com/vb/member.php?u=405051)
التحويل الكتروني و الورقي اتلغى ,, من موقع التنسيق بعد نتيجة المرحلة التانية تابع الموقع الالكتروني

O_zamalek (http://www.thanwya.com/vb/member.php?u=307327)
اسأل في الكلية احسن , , و باب التقديم لما يفتح بيفضل مفتوح لحد تسعه كمان ,,

issac-newton

04-08-2011, 01:03 AM

abduo93 (http://www.thanwya.com/vb/member.php?u=405051)
نقلا عن مكتب تنسيق المنصورة , لو هتحول مفيش مشاكل تقدم في الكلية , بس الافضل ما تقدمش غير لما تعمل التحويل , لو اترفضت في التحويل قدم .

issac-newton

04-08-2011, 01:05 AM

باش مهندسة هاجر ,, زي ما حضرتك قلتي ,, و ربنا يعمل الخير للجميع , ويارب نقدر نحول للقاهرة , لحسن المسألة عندي مش مسألة احسن أو اوحش المسألة مسألة ان العيلة كلها هتنقل القاهرة فا مش هقدر اقعد لوحدي ..

ahmed rezq

04-08-2011, 01:45 AM

انا من المنصوره ورايح همدسه اسيوط ياريت حد يقولي التقديم امتي

makeitdone

04-08-2011, 11:39 PM

makeitdone

04-08-2011, 11:55 PM

بس انا سألت سؤال:
ايه الاوراق المطلوبة في التحويلات الورقية انا مسمعتش كلمة عقد خااااااااااااااالص؟
هل التحويل الالكتروني اقليمي ولا اييييييييييييييييه؟

issac-newton

05-08-2011, 01:07 AM

ahmed rezq (http://www.thanwya.com/vb/member.php?u=567888)
في معظم الجامعات التقديم الاسبوع الجاي ,, , , ,
انزل الاسبوع الجاي و اسأل .

makeitdone (http://www.thanwya.com/vb/member.php?u=568548)
دا شرط اساسي العقد ,, عقد ايجار او تمليك موثق في الشهر العقاري
التحويل الالكتروني اقليمي ,, مش فاهم الكلمة دي عموما اقدر اقولك لو انت ثانويتك دقهلية وعايز تروح القاهرة يبقا فرصتك في الالكتروني منعدمة . .

manulolo

05-08-2011, 01:24 AM

ينفع عقد ايجار ؟؟ ولا لازم تمليك؟

issac-newton

05-08-2011, 01:26 AM

من زمان و قالو تمليك ,, بس في ناس طلعت قالت كمان الايجار عادي ,, بس الله اعلم . جرب . مش خسران

mahmoudtreika

05-08-2011, 08:26 AM

شكرااااااااااع المعلومات دى

makeitdone

05-08-2011, 12:59 PM

يا رجاله العقود غير مطلوبة انا رحت جامعة القاهرة 3 مرات الي الآن عشان أسأل علي التحويل وقالوا لي وصل كهرباء مياه غاز تليفون بإسم الوالد أو الوالده ولو الوالد متوفي بإسم احد اخوتك وشهادة الوفاة ...

غير كدا تكون جايب مجموع الجامعة دي

الوصل اللي هتقدمه يكون ضمن النطاق الجغرافي للجامعة

بخصوص التحويل الالكتروني اقليمي يعني زي
ما انت معرفتش تحط القاهرة الاول في التنسيق مش هتعرف في التحويل

..والله هو الموفق الي الخير

ahmedewada

05-08-2011, 02:30 PM

انا سمعت انك بعد متعمل عقد وكل حاجه هتفبرك تمام
مش هتعد مدينه اول سنه ولكن بعد تاني سنه ارجو توضيح ان كانت هذه المعلومه صحيحه ام خاطئه
انا جاتلى الحمد الله هندسه اسماعيليه ونفسي ومنى عيني احول القاهره:o

issac-newton

05-08-2011, 06:35 PM

اولا , , , كويس انك افدتني , انا معايا عقد و معايا وصل , و زي ما قلت مش هتفرق ادخل مدينة او لاء لاني ناقل القاهرة باذن الله .
التحويل اقليمي : - التحويل يكدب الغطاس اصدي لما يفتح شوف .
طيب ما قلولكش عمليه التحويل تتم ازاي + يعني بين الجامعتين ولا بالتحويل الورقي الي شبه اتلغى ولا الكتروني ؟