مشاهدة النسخة كاملة : عايز تعرف هتلحق علوم ولا لأ ... اتفضل هنا
scrubs 31-07-2011, 10:40 PM السلام عليكم
قبل اى شىء كل سنة وانتم بخير بمناسبة حلول شهر رمضان
عايز تعرف هتلحق علوم ولا لأ
---------------------------------------------------------
1. لو انت علمى علوم
---------------------------------------------------------
فى تنسيق 2009
كانت اخر كلية علوم فى مصر هى
علوم أسيوط وكانت واخده من 333 = 81.2 %
وبما ان التنسيق السنادى ناااااااااااار
يبقى من المتوقع والمحتمل انها تزيد من 8 الى 10 درجات على اقصى احتمال
يبقى اخر كلية علوم فى مصر لشعبة علمى علوم هتبقى
333 + 10 = 343 ------- > 83.6 %
---------------------------------------------------------
2. لو انت علمى رياضة
---------------------------------------------------------
فى تنسيق 2009
كانت اخر كلية علوم فى مصر هى
علوم أسوان جامعة جنوب الوادى وكانت واخده من 361 = 88 %
وبما ان التنسيق السنادى ناااااااااااار
يبقى من المتوقع والمحتمل انها تزيد من 8 الى 10 درجات على اقصى احتمال
يبقى اخر كلية علوم فى مصر لشعبة علمى رياضة هتبقى
361 + 10 = 371 ------- > 90.4 %
انا حبيت ابالغ شوية فى الزيادة المتوقعة لكليات علوم السنادى عشان الناس تطمن
لكن ان شاء الله علوم هتاخد اقل من كده
ياريت الناس تكتب مجموعها وشعبتها عشان نطمن
وعلى فكره ادام جتلك اى كلية علوم تقدر بأذن الله تحول بسهولة لأى كلية علوم تانية
وبالتوفيق للجميع
ALLALL 31-07-2011, 11:23 PM انا علمى علوم وجايبة 92.5
ممكن الرد
scrubs 31-07-2011, 11:25 PM بأذن الله انتى فى علوم شدى حيلك وبالتوفيق يارب
radium4 01-08-2011, 01:02 AM انا بردو 92.5
علمى علوم ..
الحقيقة انا رجعت و بقيت خايف تانى .. من علوم اسكندرية ..
لقيت زمايلي كتير اوي منهم جايبين 95 و 96 و جالهم علوم اسكندرية ..
و خايف يحصل مفاجئة كدة و تطلع في اول تنسيق المرحلة التانية
و ساعتها هندخل في حوارات التحويل و ووجع القلب ده
بس ربنا يستر ..
scrubs 01-08-2011, 01:21 AM شد حيلك يا بطل ... وان شاء الله ربنا يكرمك باللى انت عايزه
scream50 01-08-2011, 01:44 AM انا 92.2 وان شاء الله علوم رياضة المنصورة
pikky girl 01-08-2011, 01:48 AM انا جايبة 89.7 واملي كان دايما اني ادخل علوم لكنانا دلقتي بقيت متاكدة انها مستحيلة وفالبيت قالوا القاهرةوعين شمس وحلوان وبس وانا قدمت انهارده في قدرات فنون تطبيقية ومش بقيت عارفة اعمل ايه خالص حاسة بقي في جبل كبير قويعلي قلبي
comboy 01-08-2011, 02:02 AM طيب وانا جايب 380 علمى رياضة ممكن الحق الاسكندرية
scrubs 01-08-2011, 02:20 AM انا جايبة 89.7 واملي كان دايما اني ادخل علوم لكنانا دلقتي بقيت متاكدة انها مستحيلة وفالبيت قالوا القاهرةوعين شمس وحلوان وبس وانا قدمت انهارده في قدرات فنون تطبيقية ومش بقيت عارفة اعمل ايه خالص حاسة بقي في جبل كبير قويعلي قلبي
بأذن الله تلحقى علوم سواء كنتى علمى علوم او رياضة انا حاسب بزياده
انتى بمجموعك ده تلحقى بس اقاليم لو كنتى علمى رياضة ومنها تحولى قاهرة او عين شمس
scrubs 01-08-2011, 02:22 AM طيب وانا جايب 380 علمى رياضة ممكن الحق الاسكندرية
بأذن الله تلحقها ...... توكل على الله
pikky girl 01-08-2011, 11:35 AM للاسف انا علمي علوم مش رياضة وميرسي جدا علي الرد هو كدة مش فيه امل الحق حلوان صح
scrubs 01-08-2011, 11:49 AM للاسف انا علمي علوم مش رياضة وميرسي جدا علي الرد هو كدة مش فيه امل الحق حلوان صح
بالعكس ده علوم بتاخد من اقل بكتير انتى كده بأذن الله فى علوم
وعشان تطمنى اكتر علوم عين شمس خدت 202 طالب بس من المرحلة الاولى يعنى باقى فيها اماكن كتير
وعلوم القاهرة خدت 99 طالب بس يعنى انتى ادامك اماكن فاضية كتير
توكلى على الله و بالتوفيق
العربى الطاهر 01-08-2011, 03:16 PM انا علمى رياضة وجبت 91.1ممكن الحق علوم السويس
scrubs 01-08-2011, 03:43 PM بأذن الله فرصتك كويسة
ايهاب بدره 01-08-2011, 05:11 PM انا 91.8
عاوز اعرف ايه الاقسام اللى قدامى علشان ادخلها
هل المجموع بتاع الثانويه هو اللى بيحدد القسم ولا نتيجه امتحانات سنه اولى فى الكليه
امانى نونا 01-08-2011, 08:24 PM انا جبت 82 علمى علوم ممكن ادخل كلية العلوم
pikky girl 01-08-2011, 08:57 PM ميرسي ليك جدا انت اديتني امل كبير قوي بعد ماحسيت اني كده خلاص بجد ربنا يكرمك
pikky girl 01-08-2011, 09:04 PM انا قدمت انهارده وكتبت علوم قاهرة وعين شمس وحلوان وبنها والفيوم وبعد كدة تطبيقية واداب واكيد اللي فيه الخير من ربنا انا راضية بيه بس المشكلة ان كل الناس الل مرحلة وعلمي اتصدموا من التنسيق فكل واحد حس اننه حلمه ضاع من بين ايديه فاستسلم
scrubs 01-08-2011, 11:22 PM انا 91.8
عاوز اعرف ايه الاقسام اللى قدامى علشان ادخلها
هل المجموع بتاع الثانويه هو اللى بيحدد القسم ولا نتيجه امتحانات سنه اولى فى الكليه
لو انت علمى رياضة يبقى ادامك كل الاقسام اللى فى الكلية ما عدا الاقسام اللى تختص بالأحياء
ولو انت علمى علوم ليك كل الاقسام ما عدا الاقسام اللى تختص بالرياضيات
تقدير سنة اولى بيحدد القسم فى الكلية والموضوع بيختلف من جامعة لأخرى
scrubs 01-08-2011, 11:24 PM انا جبت 82 علمى علوم ممكن ادخل كلية العلوم
مخبيش عليكى املك ضعيف حبتين بس ما دام فيه امل توكلى على الله واكتبى رغباتك وان شاء الله بالتوفيق
scrubs 01-08-2011, 11:27 PM انا قدمت انهارده وكتبت علوم قاهرة وعين شمس وحلوان وبنها والفيوم وبعد كدة تطبيقية واداب واكيد اللي فيه الخير من ربنا انا راضية بيه بس المشكلة ان كل الناس الل مرحلة وعلمي اتصدموا من التنسيق فكل واحد حس اننه حلمه ضاع من بين ايديه فاستسلم
كويس جدا بأذن الله تقبلى فى علوم القاهرة :d ... ياريت لو قبلتى فى علوم القاهرة بالذات تطمنينا :)
شيمو ش 02-08-2011, 02:34 AM انا جايبه 377 يعنى 91.9 علمى علوم وف 2009 علوم المنصورة كانت واخده 368 يعنى 89.7 تفتكروا الحق علوم المنصورة ردوا عليا ربنا يخليكوا
radium4 02-08-2011, 02:49 AM يا جماعة يا ريت حد يشوفلنا الاعداد في كليات العلوم بتبقى ايه ..
اصل علوم اسكندرية واخدة لحد دلوقتى حوالي 700 طالب ..
في حين ان القاهرة و عين شمس و طنطا و غيرهم ما زادوش عن 375
هالة محمد عبد الفتاح 02-08-2011, 11:57 AM لوالتنسيق الداخلى لعلوم اسكندرية بترول لم الحقه هل ينفع أحول علوم بور سعيد قسم بترول وغاز طبيعى لاننى من سكان الاسكندرية
جورج مينا هنرى 02-08-2011, 01:17 PM انا جا يب 377اى 91.9 ممكن الحق علوم القاهرة انا كاتب فى تنسيق المرحلة الثانية علوم القاهرة/ عين شمس /حلوان /بنها/ الفيوم/شبين الكوم / الزقازيق/
scrubs 02-08-2011, 02:52 PM ممكن القاهرة او عين شمس
البرنسيسه منى 02-08-2011, 03:40 PM طب وانا جايبه 88.8 ف امل يا جماعه ولا
وبعدين انا اكتب بعد علوم ايه؟ بالترتيب؟
تربيه ولا تجاره ولا اداب ولا ايه؟
scrubs 02-08-2011, 04:02 PM طب وانا جايبه 88.8 ف امل يا جماعه ولا
وبعدين انا اكتب بعد علوم ايه؟ بالترتيب؟
تربيه ولا تجاره ولا اداب ولا ايه؟
لو علمى علوم يبقى ممكن
لكن رياضة يبقى صعب شوية
وبعد علوم
تربية
تجارة
اداب او حقوق
بس اهم حاجة ميولك ايه
comboy 02-08-2011, 04:22 PM يا جماعة يا ريت حد يشوفلنا الاعداد في كليات العلوم بتبقى ايه ..
اصل علوم اسكندرية واخدة لحد دلوقتى حوالي 700 طالب ..
في حين ان القاهرة و عين شم36س و طنطا و غيرهم ما زادوش عن 375
مين قال ان علوم اسكندرية واخدة 700 طالب ممكن المصدر
وبعدين لو تابعت موقع الاستا\ التليمى هتلاقى 36 طالب بس
comboy 02-08-2011, 04:30 PM وده طبعا للعلمى رياضة فلو انتا علمىرياضة بازن الله هتلحق لو علوم معرفش بقى
radium4 02-08-2011, 05:00 PM ^^^^^^^^^^
لا علوم ..
موقع الاستاذ كاتب 683 + 36 يعنى اكتر من 700
بس المشكلة ان نصهم من كفر الشيخ و البحيرة ..
الله اعلم اذا كانت هتاخد زي صيدلة او اكتر شوية .. يبقى على الاقل في امل
karem20055002 02-08-2011, 05:38 PM انا حسبتها كدة بس بردة مكنتش متطمن .. لما قريت موضوعك استريحت شوية :d
انا جايب 89 علمي علوم . بجد شكرا علي موضوعك الرائع وتشجيعك
سؤالين بقي .. انت اكيد علوم بس سنة كام وجامعة اية ؟
ازاي اعرف اعداد المقبولين في الجامعات مع العلم اني دخلت علي موقع الاستاذ بس موصلتش لحاجة
وكل سنة وانتم بصحة وخير :friendsxs3:
comboy 02-08-2011, 06:35 PM والله ياجماعة انا من رايئ محدش يقلق نفسه كلها كام يوم ونتيجة المرحلة التانية تظهر ولو ربنا كتبلك كلية الطب نفسها مع العلم طبعا ان خلاص مفيش اماكنفى الطب هتجيلك الطب ولو نصيبك فى علوم هتدخل فى علوم
ياريت منقلقش نفسنا لان كليتك خلاص مكتوبالك واللى فى الخير ربنا يقدمه
ويارب ربنا يحقق لكل واحد اللى بيتمناه
pikky girl 02-08-2011, 11:43 PM انا روحت علوم القاهرة انهارده وفضلت واقفة قدامها ومش بتمني من ربنا غير اني ادخلها لاني لو ان شاء الله جاتلي هكون دخلت الكلية اللي نفسي فيها وكمان حققت امل ابويا في اني ادخل القاهرة وربنا يستر بقي من نتيجة التنسيق حاسة هتصدم هو اناممكن اعرف ليه لو دخلت القاهرة بالذات اطمنك
ميرسي جدا علي اهتمامك وكل سنة وحضرتك طيب
scrubs 02-08-2011, 11:52 PM انا روحت علوم القاهرة انهارده وفضلت واقفة قدامها ومش بتمني من ربنا غير اني ادخلها لاني لو ان شاء الله جاتلي هكون دخلت الكلية اللي نفسي فيها وكمان حققت امل ابويا في اني ادخل القاهرة وربنا يستر بقي من نتيجة التنسيق حاسة هتصدم هو اناممكن اعرف ليه لو دخلت القاهرة بالذات اطمنك
ميرسي جدا علي اهتمامك وكل سنة وحضرتك طيب
وانتى طيبة (( على فكرة انا صغير على كلمة حضرتك ولا انتى عايزة تكبرينى ;) ))
عشان احتمال اكون هناك السنادى .... هو انتى ناوية على قسم ايه
Muslim To Allah 02-08-2011, 11:52 PM أنا جايب 376.5
مكمن ألحق القاهرة أو عين شمس
scrubs 02-08-2011, 11:55 PM أنا جايب 376.5
مكمن ألحق القاهرة أو عين شمس
علمى ايه ؟
graph2005 03-08-2011, 12:01 AM هى علوم كلية جميلة اوى ودراستها لذيذة اوى اوى
بس للاسف فى مصر احنا ورقة محروقة مش ليها قيمة اخدناها وتفوقنا وكنا من الاوائل وبخلوا علينا بالتعيين فى مراكز الابحاث والجامعة وفى الاخر اشتغلنا شغلانة مش ليها اية علقة بالعلم اطلاقا بس جامعة زويل للعلوم هى الامل الوحيد للعلوميين
scrubs 03-08-2011, 12:12 AM هى علوم كلية جميلة اوى ودراستها لذيذة اوى اوى
بس للاسف فى مصر احنا ورقة محروقة مش ليها قيمة اخدناها وتفوقنا وكنا من الاوائل وبخلوا علينا بالتعيين فى مراكز الابحاث والجامعة وفى الاخر اشتغلنا شغلانة مش ليها اية علقة بالعلم اطلاقا بس جامعة زويل للعلوم هى الامل الوحيد للعلوميين
كلام حضرتك صح بس مش قاعده عامة
بس سؤال لكل خريج علوم ... بعد التخرج لو ملقتش شغل هتعمل ايه ؟؟؟ :o
اللى يفضل يدور تانى .. واللى يقعد على قهوة ... واللى تقعد فى البيت وتستنى ابن الحلال.. الخ
قليل اوى لما تلاقى حد يقولك هقدم على دراسات عليا او اخد كورسات تنمية بشرية او احسن اللغة او اى حاجة
تحسن من مستواه عشان يقدر يلاقى شغل ... انا عايز اوصلك ان لازم يكون الانسان مرن ويتعامل مع المشاكل بإيجابية ... ولكل مجتهد نصيب:)
كيميائي طبي2011 03-08-2011, 12:17 AM هى علوم كلية جميلة اوى ودراستها لذيذة اوى اوى
بس للاسف فى مصر احنا ورقة محروقة مش ليها قيمة اخدناها وتفوقنا وكنا من الاوائل وبخلوا علينا بالتعيين فى مراكز الابحاث والجامعة وفى الاخر اشتغلنا شغلانة مش ليها اية علقة بالعلم اطلاقا بس جامعة زويل للعلوم هى الامل الوحيد للعلوميين
جامعه زويل بحث علمي لكن فيه مجالات اخري زي العلوم التطبيقيه والعلوم الطبية
radium4 03-08-2011, 12:21 AM يا جماعة محدش عرف يجيب اي معلومات عن الاعداد .. انا خلاااااااااااص
scrubs 03-08-2011, 12:27 AM يا جماعة محدش عرف يجيب اي معلومات عن الاعداد .. انا خلاااااااااااص
قريت خبر فى جريدة الوفد ان القاهرة هتاخد 600
اما اسكندرية الله اعلم بس اكيد اكتر من كده بكتير
انت سبيها على الله ولو ليك نصيب فيها هتخشها بأذن الله ... هانت خلاص يا بطل ;)
graph2005 03-08-2011, 12:42 AM كلام حضرتك صح بس مش قاعده عامة
بس سؤال لكل خريج علوم ... بعد التخرج لو ملقتش شغل هتعمل ايه ؟؟؟ :o
اللى يفضل يدور تانى .. واللى يقعد على قهوة ... واللى تقعد فى البيت وتستنى ابن الحلال.. الخ
قليل اوى لما تلاقى حد يقولك هقدم على دراسات عليا او اخد كورسات تنمية بشرية او احسن اللغة او اى حاجة
تحسن من مستواه عشان يقدر يلاقى شغل ... انا عايز اوصلك ان لازم يكون الانسان مرن ويتعامل مع المشاكل بإيجابية ... ولكل مجتهد نصيب:)
اكيد طبعا لكل مجتهد نصيب
بس انا مقعدتش فى البيت امنا كملت ماجستير 3 سنين والدكتور قرفنى وعقدنى
دا لانى فى الكلية اجبرونى على دكتور معين ورفضوا انى اختار بنفسى الدكتور
ودا تعجيز منهم لى علشان مطالبش بحقى فى التعيين لانى كنت التالتة ع الدفعة
واكيد ربنا عوضنى بشغلانة حكومية افضل بس بعيدة تمام عن العلم شغلانة قانونية والوحيدة الل اتاخدت فى المحافظة كلها لانى محدش جايب تقديرى وقتها من القرن الماضى من اكتر ن خمس سنوان
لكن علوم الطبقى المطحون ة ودا كلام 99% من طلبة علوم
graph2005 03-08-2011, 12:45 AM جامعه زويل بحث علمي لكن فيه مجالات اخري زي العلوم التطبيقيه والعلوم الطبية
دا كلة موجود من زمااان بس طلبة علوم ملهوش نصيب فيه غير بالواسطة ولل لسة مازالت قائمة
بس جامعة زويل لما بسمع عنها بحس ان فى امل لطلبة علوم يمارسوا تخصصاتهم وخاصة الطلبة المتفوقين منها
ودا اكيد هيفيد البلد كتييييييييييييير
radium4 03-08-2011, 12:45 AM اكيد اكتر من كده بكتير
الله يطمنك يا رب
بس الحقيقة انا اعصابي تعبت لانى لو ماجاليش اسكندرية يبقى هيجيلي طنطا :)
و بعدين انا مش بطل .. انا سبونجبوب :)
كيميائي طبي2011 03-08-2011, 12:49 AM دا كلة موجود من زمااان بس طلبة علوم ملهوش نصيب فيه غير بالواسطة ولل لسة مازالت قائمة
بس جامعة زويل لما بسمع عنها بحس ان فى امل لطلبة علوم يمارسوا تخصصاتهم وخاصة الطلبة المتفوقين منها
ودا اكيد هيفيد البلد كتييييييييييييير
هي تعتبر مجالات حديثه نوعا ما بالنسبة للكلية
فكلية العلوم كانت تعتمد ع العلوم االاساسيه البحته
فتم استحداث مجالات جديده زي العلوم التطبيقيه والعلوم الطبية
فمثلا مجال الكيمياء الصناعيه والتطبيقيه ومجال الكيمياء الطبية والاكلنيكية و الكيمياء الشرعيه
تاني نقطه البحث العلمي ليس قاصرا ع خريج علوم
فمثلا تخصصات الكيمياء يمارسها الصيادله وخريجي هندسه
تخصصات علوم الحاسب يمارسها علوم حاسب من حاسبات
وهكذا
وبالتالي مجال البحث العلمي ليس قاصر ع خريجي علوم فقط
scrubs 03-08-2011, 12:53 AM اكيد طبعا لكل مجتهد نصيب
بس انا مقعدتش فى البيت امنا كملت ماجستير 3 سنين والدكتور قرفنى وعقدنى
دا لانى فى الكلية اجبرونى على دكتور معين ورفضوا انى اختار بنفسى الدكتور
ودا تعجيز منهم لى علشان مطالبش بحقى فى التعيين لانى كنت التالتة ع الدفعة
واكيد ربنا عوضنى بشغلانة حكومية افضل بس بعيدة تمام عن العلم شغلانة قانونية والوحيدة الل اتاخدت فى المحافظة كلها لانى محدش جايب تقديرى وقتها من القرن الماضى من اكتر ن خمس سنوان
لكن علوم الطبقى المطحون ة ودا كلام 99% من طلبة علوم
انا فخور جداً بحضرتك ومقدر اد ايه احساسك بعدم الاهتمام او التقدير برغم من مجهودك الممتاز سواء داخل الكلية او فى مجال الشغل واللى اثر عليكى شوية بشكل سلبى وده طبيعى ... بس احنا لازم نعمل اللى علينا ...
وخليكى فاكرة اعلان كوكا (( ما هو يا الامل يا مفيش بديل )) :d
وفى الاخر هو نصيب ومكتوب ومفيش منه هروب ... بس حقيقى انا معجب بأصرارك على بذل المجهود بالرغم اللى شوفيته وده اللى بنرجوه من كل الناس .... وبالتوفيق دايما و سعيد بمشاركة حضرتك معانا :)
كيميائي طبي2011 03-08-2011, 12:57 AM اكيد طبعا لكل مجتهد نصيب
بس انا مقعدتش فى البيت امنا كملت ماجستير 3 سنين والدكتور قرفنى وعقدنى
دا لانى فى الكلية اجبرونى على دكتور معين ورفضوا انى اختار بنفسى الدكتور
ودا تعجيز منهم لى علشان مطالبش بحقى فى التعيين لانى كنت التالتة ع الدفعة
واكيد ربنا عوضنى بشغلانة حكومية افضل بس بعيدة تمام عن العلم شغلانة قانونية والوحيدة الل اتاخدت فى المحافظة كلها لانى محدش جايب تقديرى وقتها من القرن الماضى من اكتر ن خمس سنوان
لكن علوم الطبقى المطحون ة ودا كلام 99% من طلبة علوم
انتي المفروض يا دوك للي تختاري الدكتور والتخصص
ولو اجبروكي تعمللهم بلبله وتروحي لعميد الكلية ورئيس الجامعه :o
graph2005 03-08-2011, 09:27 AM انتي المفروض يا دوك للي تختاري الدكتور والتخصص
ولو اجبروكي تعمللهم بلبله وتروحي لعميد الكلية ورئيس الجامعه :o
انا تركت الكلية من سنة وريح دماغى لانة كان كلهم متؤاطئين مع بعضهم لانة مكنت هرفع قضيه عليهم بس انا مش فارقة معايا عادى جدا اخذت الل مكتوب لى وبس
وانا بصراحة ربنا كلة معرف حد هيدخل علوم انصحة بعدم الدخول وطلاب ثانوى قرايبي واولاد بلدى اخدينى عظة قصادهم محدش بيرضى يفكر انة يدخلها ليصير له نفس مصيرى
كيميائي طبي2011 03-08-2011, 01:13 PM انا تركت الكلية من سنة وريح دماغى لانة كان كلهم متؤاطئين مع بعضهم لانة مكنت هرفع قضيه عليهم بس انا مش فارقة معايا عادى جدا اخذت الل مكتوب لى وبس
وانا بصراحة ربنا كلة معرف حد هيدخل علوم انصحة بعدم الدخول وطلاب ثانوى قرايبي واولاد بلدى اخدينى عظة قصادهم محدش بيرضى يفكر انة يدخلها ليصير له نفس مصيرى
مش شرط يا دوك
تاني حاجه فيه موقف بردو نفس للي حصل معاكي كان هيحصل معانا بس احنا ما سكتناش ورفضنا الدكاتره للي عايزيين يفروضها علينا فيالماجستير عشان كده بقولك المفروض ماتسكشتيش
تالت حاجه وظاف العلوم كتيره بس هتلاقي منافسه في جميع المجالات احنا بنسعي حاليا لتطبيق قانون مزاوله المهنه للي لو اتطبق هيفرق معاناااا كتير جدا
pikky girl 06-08-2011, 02:48 AM الاحترام مش معناه خالص اني بكبرك وانت شكلك قدنا وان ان شاءالله لودخلت هدخل كميا حيويةاو كميا وبيولوجيا جزئية بس ربنا يستر من نتيجة التنسيق انا طول عمري نفسي اكون دكتورة تحالل واتخصص ف امراض الدم واشتغل فالمختبر مش علشان حاجة علشان كنت بعدي كل يوم عليه وانا جايه من المدرسة
gomana adel 06-08-2011, 01:17 PM لو انت علمى رياضة يبقى ادامك كل الاقسام اللى فى الكلية ما عدا الاقسام اللى تختص بالأحياء
ولو انت علمى علوم ليك كل الاقسام ما عدا الاقسام اللى تختص بالرياضيات
تقدير سنة اولى بيحدد القسم فى الكلية والموضوع بيختلف من جامعة لأخرى
حضرتك متأكد من الكلام ده؟
وهل على هذا الكلام اقدر اتخصص فيزياء من علمي علوم؟
أرجوك أفدني بمصدر معلوماتك ضروري
scrubs 06-08-2011, 01:37 PM اه طبعا تقدرى حضرتك تدخلى فيزيا من علمى علوم وكلام عن ثقة وانا والدى كلية علوم قسم كيمياء
gomana adel 06-08-2011, 01:49 PM اه طبعا تقدرى حضرتك تدخلى فيزيا من علمى علوم وكلام عن ثقة وانا والدى كلية علوم قسم كيمياء
طب معلش هو والدك جامعة ايه
scrubs 06-08-2011, 02:08 PM عين شمس
وانا كمان شمساوى بس انتى قوليلى ايه اللى محيرك كده ؟
gomana adel 06-08-2011, 02:17 PM اصل فيه ناس كتير جدا ومنهم ناس من هنا على المنتدى قالولي انه مينفعش فيزياء من علمي علوم وفيه ناس قالولي فيه جامعات وجامعات وأشهر الجامعات اللي ينفع فيها القاهرة فانا عايزة اتاكد
radium4 06-08-2011, 02:48 PM يا جماعة ..
انا في ناس قالتلى ان علوم اسكندرية بتاخد 1400
قالى ان 600 بيو و 300 جيو و 500 طبيعة
بس انا مش مقتنع بالتوزيعة دي
ازاي طبيعة تاخد 500 .. دي واخدة 36 طالب لحد دلوقتى و تنسيق رياضة اعلى من علوم في اسكندرية
يبقى ازاي 500 .. دي لو على كدة تنسيق علوم رياضة اسكندرية ممكن ياخد من 85 %
ايه رأيكم .. و ده ممكن يعمل ايه في التنسيق :)
في حد هنا قلبه بيدق ,, اصل انا قلبي عمال بينط :)
scrubs 06-08-2011, 03:43 PM حضرتك متأكد من الكلام ده؟
وهل على هذا الكلام اقدر اتخصص فيزياء من علمي علوم؟
أرجوك أفدني بمصدر معلوماتك ضروري
عند التحاق الطالب بالكلية يختار للدراسة في الفرقة الأولى أحد المجموعات الثلاثة التالية :
مجموعة العلوم الطبيعية :
يلتحق بهذه المجموعة طلاب الثانوية العامة لمجموعتي العلوم والرياضة . ولكن عند تشعيب الطالب في الفرق الأعلى لايحق لطالب الثانوية العامة الذي لم يدرس رياضة أن يلتحق بشعبة رياضة.
العلوم الطبيبعة تشمل الفيزيا وده من موقع الكلية ومبروك :022yb4:
gomana adel 06-08-2011, 03:56 PM طب معلش هل الكلام ده لكل الجامعات ولا لجامعات معينة ولو لجامعات معينة هل القاهرة وعين شمس وحلوان منهم ولا لا وبردو معلش ممكن تكتبلي الرابط اللي انتا جبت الكلام ده منه واسفة جدا لإزعاجك معايا
mohamed sabri 06-08-2011, 04:13 PM لكن انا اعرف ان كلية علوم من علمي رياضه بتبقي اقل في النسيق من علمي علموم
scrubs 06-08-2011, 05:00 PM طب معلش هل الكلام ده لكل الجامعات ولا لجامعات معينة ولو لجامعات معينة هل القاهرة وعين شمس وحلوان منهم ولا لا وبردو معلش ممكن تكتبلي الرابط اللي انتا جبت الكلام ده منه واسفة جدا لإزعاجك معايا
لالالالالالا اسف ايه انا تحت امرك هو انا افديكى الساعه لما اشوفك فى علوم :d
اللينك اللى يثبت كلامى من هنا (http://science-ainshams.com/InformationForStudents_index.ASP)
وديه ثوابت فى معظم الجامعات واللى منهم اكيد القاهرة وعين شمس وحلوان
وياريت تطمنينى ناوية على انى جامعة ؟؟؟
وان شاء الله بالتوفيق
gomana adel 06-08-2011, 05:05 PM لالالالالالا اسف ايه انا تحت امرك هو انا افديكى الساعه لما اشوفك فى علوم :d
اللينك اللى يثبت كلامى من هنا (http://science-ainshams.com/informationforstudents_index.asp)
وديه ثوابت فى معظم الجامعات واللى منهم اكيد القاهرة وعين شمس وحلوان
وياريت تطمنينى ناوية على انى جامعة ؟؟؟
وان شاء الله بالتوفيق
والله العظيم انتا 100 100 وانتا احسن واحد جابلي رد مقنع ورابط عدل وبجد انتا فعلا طمنتني اللهم لك الحمد بجد انا فعلا متشكرة جدا لحضرتك اما جامعة ايه فانا عن نفسي ناوية على عين شمس يا ريت تدعيلي الحقها ويا ريت تدعولي كلكوا اللهم لك الحمد
scrubs 06-08-2011, 05:18 PM ان شاء الله تدخلى عين شمس وياريت لما تشوفى اى حد محتاج رد او اجابة وانتى جوه الكلية ان شاء الله ما تتأخريش عليه
عشان فعلا هو ده معنى المنتدى انك تفيد وتستفيد
ان شاء الله نشوفك منورة قسم الفيزيا هناك
gomana adel 06-08-2011, 05:38 PM ان شاء الله تدخلى عين شمس
اللهم آمين
وياريت لما تشوفى اى حد محتاج رد او اجابة وانتى جوه الكلية ان شاء الله ما تتأخريش عليه عشان فعلا هو ده معنى المنتدى انك تفيد وتستفيد
إن شاء الله
ان شاء الله نشوفك منورة قسم الفيزيا هناك
اللهم آمين
ربنا يسهلها ع الكل ويوفقنا كلنا
pikky girl 06-08-2011, 09:12 PM يااااااااااااااااااااااا جماعة حاسين بايه وانتم مستنيين النتيجة انا شخصياحاسة اني مستنية حكم من محكمة الجنايات
pikky girl 06-08-2011, 09:13 PM ]يااااااااااااااااااااااا جماعة حاسين بايه وانتم مستنيين النتيجة انا شخصياحاسة اني مستنية حكم من محكمة الجنايات
scrubs 06-08-2011, 09:15 PM يااااااااااااااااااااااا جماعة حاسين بايه وانتم مستنيين النتيجة انا شخصياحاسة اني مستنية حكم من محكمة الجنايات
راحة داخلية وفرحة فى القلب وتفاؤل ان اللى جى احسن يارب تمم بخير
radium4 06-08-2011, 10:24 PM راحة داخلية وفرحة فى القلب وتفاؤل ان اللى جى احسن يارب تمم بخير
لا .. انت اكيد مش معانا ..
دي اصعب من نتيجة الثانوية العامة على فكرة ..
scrubs 06-08-2011, 11:22 PM لا .. انت اكيد مش معانا ..
دي اصعب من نتيجة الثانوية العامة على فكرة ..
تفائلوا بالخير تجدوه .... ما هو يا الامل يا مفيش بديل
وفى الاخر ده نصيب .... ربك يسترها ويكرم كل واحد
radium4 06-08-2011, 11:26 PM تفائلوا بالخير تجدوه .... ما هو يا الامل يا مفيش بديل
وفى الاخر ده نصيب .... ربك يسترها ويكرم كل واحد
يا رب ..
بس انا كنت متفائل في النتيجة و قلت هنقص 7 ولا 8 درجات
لقيت نفسي ناقص 20 درجة في ثالثة
برغم من ان كل الناس مجاميعها زادت في 3 الا انا تقريبا على مستوي الجمهورية ..
بس علينا ايه غير الامل في ربنا ..
ALLALL 06-08-2011, 11:51 PM ]يا رب ..
بس انا كنت متفائل في النتيجة و قلت هنقص 7 ولا 8 درجات
لقيت نفسي ناقص 20 درجة في ثالثة
برغم من ان كل الناس مجاميعها زادت في 3 الا انا تقريبا على مستوي الجمهورية ..
بس علينا ايه غير الامل في ربنا.[
على فكرة انا زيك بالضبط
نقصت فى 3 20 درجة
وفى 2 نقصت 14.5يعنى93
hosam_elhoot 06-08-2011, 11:51 PM لكن انا اعرف ان كلية علوم من علمي رياضه بتبقي اقل في النسيق من علمي علموم
كلام زى الفل ياريت بقا حد يعلق على اقتناعنا ده و يقولنا بالدليل عشان حضراتكم بتقولوا ان كلية علوم من علمى علوم اقل فى التنسيق وواخده السنادى مرحله اولى من 94 ؟؟؟؟؟ وكلية علوم رياضه منزلتش مرحله اولى يبقا ازاى بقا
حاجه لا يصدقها عقل يعنى
scrubs 07-08-2011, 12:07 AM كلام زى الفل ياريت بقا حد يعلق على اقتناعنا ده و يقولنا بالدليل عشان حضراتكم بتقولوا ان كلية علوم من علمى علوم اقل فى التنسيق وواخده السنادى مرحله اولى من 94 ؟؟؟؟؟ وكلية علوم رياضه منزلتش مرحله اولى يبقا ازاى بقا
حاجه لا يصدقها عقل يعنى
اعلى كلية علوم فى مصر من علمى علوم مجموعها بيبقى اكبر من مجموع اعلى كلية علوم من علمى رياضة
لأنها بتكون بعد طب بيطرى اما اخر كلية علوم فى مصر من علمى علوم بتكون اقل بكتييييييييير من اخر كلية علوم من علمى رياضة وده شىء ملحوظ جداً فى تنسيق السنين اللى فاتت وبكده مفيش تعارض او تناقض
اتمنى يكون كلامى وصلك بالمعنى المقصود :)
radium4 07-08-2011, 12:12 AM كلام زى الفل ياريت بقا حد يعلق على اقتناعنا ده و يقولنا بالدليل عشان حضراتكم بتقولوا ان كلية علوم من علمى علوم اقل فى التنسيق وواخده السنادى مرحله اولى من 94 ؟؟؟؟؟ وكلية علوم رياضه منزلتش مرحله اولى يبقا ازاى بقا
حاجه لا يصدقها عقل يعنى
خلي بالك ..
الكليتين اللي نزلو مرحلة اولي هما دمنهور و كفر الشيخ
و الاعداد فيهم قليلة جدا عشان كدة تنسيقهم عالي
و ده كان في 2009
كانوا الاتنين دول و اول كليه جت بعدهم بـحوالي 12 درجة هي علوم / رياضة اسكندرية و خدت من 374
بس ده مش شرط .. يعنى كل سنة بيختلف ممكن تزيد و تقل حسب العرض و الطلب "لو خد اقتصاد" ..
rogina.gogo 07-08-2011, 06:14 AM انا علمى رياضة 87و5 ممكن الحق علوم انا علمى رياضة
mohamed uosry 07-08-2011, 08:56 AM انا عايز اعرق شروط الألتحاق بكلية علوم قسم بترول
scrubs 07-08-2011, 11:59 AM القسم موجود فى جامعة القاهره ومصاريفه حوالى من 8000 الى 9000 لأن كل سنة فى زياده 10 %
وموجود ايضاً فى جامعة اسكندرية بس معرفش اذا كان بفلوس ولا لأ
وقسم جيوفيزياء بيبقى متخصص ايضا فى موضوع البتورل بس مش اوى زى بتوع قسم بترول بس بتبقى مؤهل برضة للعمل فى شركات البترول والشغل هو اللى بيعطى الخبرة فى المجال
happy rose 07-08-2011, 03:01 PM قسم بترول فى علوم اسكندرية بـ 10000
وفى كمان فى بور سعيد لكن معرفش بكام
mohamed uosry 07-08-2011, 04:11 PM القسم موجود فى جامعة القاهره ومصاريفه حوالى من 8000 الى 9000 لأن كل سنة فى زياده 10 %
وموجود ايضاً فى جامعة اسكندرية بس معرفش اذا كان بفلوس ولا لأ
وقسم جيوفيزياء بيبقى متخصص ايضا فى موضوع البتورل بس مش اوى زى بتوع قسم بترول بس بتبقى مؤهل برضة للعمل فى شركات البترول والشغل هو اللى بيعطى الخبرة فى المجال
انت مفهمتنيش انا عايز اعرف شروطها ايه مش فلوسها بكام علشان في ناس بتقول لازم تكون جايب درجات عالية في الفيزياء والأنجليزي
scrubs 07-08-2011, 05:30 PM انت مفهمتنيش انا عايز اعرف شروطها ايه مش فلوسها بكام علشان في ناس بتقول لازم تكون جايب درجات عالية في الفيزياء والأنجليزي
يا استاذى الفاضل حضرتك اول ما بتدخل كلية العلوم يوجد ثلاث مجموعات فى سنة اولى :
مجموعة العلوم الطبيعية وتقبل الطلاب من علمى علوم ورياضة
مجموعة العلوم البيولوجية وتقبل الطلاب من علمى علوم فقط
مجموعة العلوم الجيولوجية والجيوفيزيائية وتقبل الطلاب من علمى علوم ورياضة
مجموعة الجيولوجية والجيوفيزيا تشمل قسم البترول اللى بكون مؤهل ليه من سنة تانية
وبما انك اخترت مجموعة العلوم الجيولوجية والجيوفيزيا فى سنة اولى ليك الحق فى الالتحاق بقسم البترول دون النظر الى اى درجات فى مواد الثانوية العامة
الموضوع بسيط وسهل :) وبالتوفيق ان شاء الله
karem20055002 08-08-2011, 02:05 PM والله العظيم حرااام يعني جايب 89% علمي علوم ومعرفش ادخل حتي علوم اسيوط
حسبي الله ونعم الوكيل حطموا كل امالي ودخلوني تجارة :(
pikky girl 08-08-2011, 07:45 PM يا استاذ سكربس انا الحمد لله دخلت تربية حلوان
scrubs 09-08-2011, 01:37 AM يا استاذ سكربس انا الحمد لله دخلت تربية حلوان
مبروووووك وان شاء الله تكون متوفقه مع ميولك وابقى نورينا على طول متحرمناش منك
Asmaa,mohamed 09-08-2011, 11:17 AM انا جالى علوم رياضه اسوان جامعه جنوب الوادى
وكنت عايزه اسأل ينفع احول منها لاى كليه تانيه علوم لان اسوان بعيده جداااااااا عنى لانى من الدقهليه
scrubs 09-08-2011, 12:04 PM انا جالى علوم رياضه اسوان جامعه جنوب الوادى
وكنت عايزه اسأل ينفع احول منها لاى كليه تانيه علوم لان اسوان بعيده جداااااااا عنى لانى من الدقهليه
ان شاء الله مع بدء حد الاغتراب تقدرى تحولى لكليات العلوم الموجوده فى محافظتك
مبررووووووك لحضرتك
|